رواية احتواء الفصل السادس عشر 16 بقلم عزه محمد
رواية احتواء الفصل السادس عشر 16 بقلم عزه محمد
رواية احتواء البارت السادس عشر
رواية احتواء الجزء السادس عشر
رواية احتواء الحلقة السادسة عشر
في بيت سيف الدين
يحيي بيخرج من اوضته وهو شايل شنطه كبيره
عزه جريت عليه: ايه ده يا يحيي رايح فين انت مش الشغل مديك اجازه وايه الشنطه دي
يحيي واقف ساكت
سيف كان قاعد ع الكنبه بيقرأ كتاب ف خلع نظارته وبصله: ما تنطق في ايه
يحيي بتزمر: انا غضبان وهسيب البيت وامشي
جورى واياد بصوا لبعض وضحكوا
فكمل يحيي بعصبيه: محدش يضحك
سيف قام اتحرك ناحيته وحط ايده في جيب الروب بتاعه: وده من ايه يا ست الكل حد داسلِك ع طرف يا غاليه
يحيي ضرب الارض: والله ظلم بقالي شهر واسبوع اهو ولسه محددتوش ميعاد فرحي وربنا اخطفها واهرب زي ما عملت ف ماما
سيف رفع حاجبيه ف ذهول: مين ده يا عزه…. مش ده ال مكنش موافق ع ملك ولا انا متهيألي
يحيي: بتربيني يعني ولا بتعاقبني يا بابا والنبي كفايه ذل هتجوز ع نفسي يا ناس ارحموني .. وبص لجورى: والبت بنتك دي مقصوفه الرقبه منعاني اقرب من ملك حتي ولا امسك ايديها
حورى ضحكت واياد مكنش قادر يتماسك من الضحك
عزه: ما تتلم يا يحيي شيفاك مبعزق يا حبيبي اتلم بدل ما المك.
يحيي: طلقني لو مش عاجبك طلقني
سيف بذهول: انا بجد مش عارف انت طالع لمين سرسجي وعيل مترباش ما اخوك الصغير اهو محترم وابن ناس رغم انكم نفس المدرسه مفرقتش بينكم ودخلتكم مدارس انترناشونال لكن هو يبان عليه لكن انت خيبت املي
يحيي ضحك: لا لسه مخيبتوش اتفرج عليا لما اخطف ملك ساعتها هبقي فضحكت رسمي
سيف: ولد انت مش طبيعي مالك هم غيروا دمك ولا غيروا مخك
عزه حضنته لمجرد انها افتكرت ال حصله وانه كان هيروح منها: ملكش دعوه بيحيي يا سيف يحيي ابني احسن واحد ربنا يحميه وهنلبس دلوقتي ونروح لملك يا حبيبي وفرحك بالكتير هيبقي اخر الشهر
يحيي باس راس عزه: انا مليش غيرك اصلا.. وال باعنا خسر دلعنا
عزه باسته من خده وبتبص لسيف بترجي فضحك : الف مبروك يا يحيي يا ابني .. الفرمان جاي من اغلي قلب عندي مقدرش اردلها طلب
عزه: ربنا يخليك لينا وتفضل حبيبي لاخر عمري
حضنت يحيي وباسته: هجوزهالك لما نشوف اخرتها يا بيضه 😘
جورى بصت ل إياد وغمزت ففهمها وبيغنوا ويلفوا حوالين يحيي وعزه حضناه: ادلعيلك شويه يا حته جبنه طريه ادلعيلك دلوعه يا حته جبنه منقوعه… ننوس عين مامته عين مامته الحيله بسلامته بسلامته اتمخطر تاتا يا يحيااااا
يحيي وعزه وسيف فطسوا ضحك ويحيي بيطلعلهم لسانه وبعدين حضنهم في حضن عائلي كبير ♡
ـــــــــــــــــــ
فارس قفل مع يحيي ودخل لعامر اوضه المكتب
فارس: بابا.. عايز احدد ميعاد الفرح عشان عايز اعمله مع يحيي
عامر ابتسم: اقعد يا فارس… مش ملاحظ ان شهد لسه بتدرس
فارس: عارف طبعا وجوازنا مش هيأثر ع حاجه بالعكس هيبقي حافز ليها تذاكر وتثبت نفسها
عامر: بس احتمال كبير متقدرش توفق بين الدراسه والبيت وانت
فارس: انا كفايه عليا وجودها مش محتاج منها غير اني اشوفها وتبقي معايا وبس
عامر: بس الحياه مش كده يا فارس
فارس: هنتحمل بعض السنتين بتوع الدراسه … انا وشهد بنحب بعض فحرام نتأخر اكتر من كده.. واهي ملك زيها وهتتجوز يحيي عادي
عامر ملامحه اتغيرت للحزن والالم: ملك ربنا يخليلها والدتها وحماتها اكيد مش هيسيبوها لكن بنتي ملهاش حد يا فارس
فارس بألم شديد ف قلبه : ولا انا ليا حد غيرها… يبقي نتجمع ونحتوي بعض وانا اوعدك مش هزعلها ابدا… اصلا مقدرش ازعلها انا بحبها
عامر: خلاص يا فارس حددوا سوا ميعاد الفرح وانزلوا هاتو الشبكه وانا مش هعترض ع حاجه انت ابني زي ما هي بنتي
فارس: انا حابب اقولك اني هنقل انا وهي بعد الجواز لشقتي
عامر: بلغني ايه ال ناقص ف الشقه وانا اكملهولكم
فارس: لا الشقه فرشتها من بدري وهتعجب شهد لاني مختار الالوان ال بتحبها والموديلات البسيطه ال دايما تعجبها… وعرفت ان شهد وملك بيشتروا جهازهم سوا ف معاهم لاخر الشهر يخلصوا ال يخلصوه وبعدها نعمل الفرح
عامر ابتسم: واضح انكم مرتبين كل حاجه… عموما لو احتجتوا اي حاجه تطلبوها ع طول
فارس حضنه: انا محتاج اشكرك وابوس ايدك وراسك… ربتني وعلمتني وكبرتني وخلتني ظابط… دلوقتي هتديني اغلي جوهره شهد ✨لو عشت عمري كله اشكرك علي شهد بس مش هوفي
عامر: انت ابني وابن الغالي اخويا الله يرحمه مش محتاج تشكرني ده انا ال اشكرك انك خدت صوت ابوك وملامحه… ضحك …الا طبعا لون عنيه….. اشكرك انك محسستنيش انه سابني…. اما شهد فشكرك يظهر في معاملتها وانك تحافظ عليها وتشيلها في عنيك
فارس: اشيل عنيا واحطها مكانهم دي شهد… همس.. شهدى 🖤
ــــــــــــــ
تاني يوم
«في بيت حسن الشرقاوي»
المأذون: بارك الله لكما وبارك عليكما وجمع بينكم في خير
حسن قام حضن ندى وكأنه امتلك العالم كله بين ايديه
واصحاب حسن باركوله وال منهم يحيي وفارس ومعاهم ملك وشهد طبعا
شهد وملك حضنوا ندى بحب: طبعا مش محتاجين نقولك اننا غيرانين
شهد: وبنحقد كمان
ملك’هتباتي ف حضن جوزك
شهد: وتصحي علي حضن حبيبك
ملك وشهد بصوا لعبض: ويعيني علينا هنستني لاخر الشهر
ندى ضحكت من قلبها: شكرا ليكم بجد وجودكم فرق معايا اوي
نهله طلعت بالعصير ووزعت عليهم
شهد لاحظت ملامح نهله ضعيفه وبهتانه شكلها يشبه ليها لما فارس كان بعيد عنها ومش معترف بحبه.. افتكرت مشاعرها ف الوقت ده … حست بوجع نهله وتعبها من الفراق
مشيت عليها: ممكن تكلم سوا شويه
نهله بابتسامه ضعيفه: اكيد اتفضلي.. دخلوا اوضه نهله
شهد قعدت قدامها: يمكن كنت قليله الذوق معاكي في فتره.. بس لاني كنت فاهمه غلط.. كنت فكراكي يعني انتي وفارس ف حاجه
نهله بلامبلاه: ولا يهمك
شهد: مش جايه اقولك كده… انا جايه اسألك بتحبي بابي
نهله عنيها اتملت بالدموع ومقدرتش تمسك نفسها وعيطت: معرفش حصل ازاي بس هبعد وهسيبه مننفعش لبعض
شهد حضنتها وهي حاسه بيها الحب زي ما هو حلو بس الفراق صعب: انا حاسه بيكي… انا مريت بالفتره دي وكنت قربت افقد الامل ان فارس يحبني… كنت دبلانه وخاسه وتعبانه اوي في بعده… رجاله عيلتنا تقريبا عندهم داء تعب القلوب رغم ان بابي بيحبك الا انه معرفش ليه بيبعد
نهله: عشان زياد… زياد مش هيتقبلني ابدا… وانا اصلا كده كده هسافر بكره مع حسن وندى
شهد: خليكي ادي فرصه تاني ليكم يمكن بابي يقدر يقنع زيزو
نهله: مش هستني مبقاش ينفع… شكرا ليكي يا شهد
شهد: ع ايه…. ممكن طيب اعرف هتسافري فين واخد رقمك عشان نتواصل سوا
نهله:اكيد
نهله ادتها الرقم والمكان وخرجوا لبره
يحيي وفارس وقفوا
فارس: الف مبروك يا ابو علي نستأذن احنا
حسن: يا راجل لسه بدري خليكم…
يحيي ضحك: بذمتك عايزنا نقعد ده انت ما هتصدق نمشي
حسن: دايما فاهمني صح.. وضحكوا
البنات قاموا وودعوا نهله وندي وخرجوا مع فارس ويحيي
………
حسن: نهله هاخد ندى وننزل نتعشي ايه رايك تيجي معانا
نهله ببتسامه ضعيقه: لا يا حبيبي اخرجوا انتو عرسان
ندى: تعالي معانا يا نهله واهو تغيري جو
نهله:تسلميلي يا قلبي انا هبقي مرتاحه هنا اخرجوا انتو
حسن: ع راحتك بس خدي بالك من نفسك
نهله: حاضر يا حبيبي سلام
ــــــــــــــــــ
عدي اسبوع ندى وحسن فرحانين بحياتهم سوا ومستنيين اوراق ندى تخلص عشان يسافروا كلهم
شهد و ملك بيشتروا جهازهم سوا
فارس ويحيي بيجهزوا الفرش بعد اما يحيي اشتري الشقه ال قدام شقه فارس
وفي يوم اتجمعوا في كافيه هم الاربعه
فارس: تشربوا ايه
شهد: قول ناكل ايه انا جعانهمن الصبح بلف وتعبت
فارس ضحك: يا عيني ع الحلو لما تبهدله الايام
ملك: احنا اتبهدلنا جامد الصراحه وكله بسبب استعجالكم ده
يحيي بصلها بزعل: ايه يا ملك مش حابه ناخد خطوه في حياتنا ولا ايه
شهد: هي اكيد متقصدش
يحيي: لوسمحتي يا شهد خليها هي ترد… لاكون فارض نفسي ولا حاجه
ملك بندم: يحيي مش قصدي انت فهمتني غلط
فارس: استهدوا بالله…. وانت اهدي شويه مش كده
يحيي مسح وشه بغضب واتنهد: معلش بس انا كمان مضغوط ومتفق مع 4ورش عشان يجهزولنا الفرش في اقصي سرعه وفي نفس الوقت يبقي فرش محترم ويليق بينا ومع ذلك علي قلبي زي العسل
ملك: والله وانا يا يحيي ومبسوطه بقرارك وتمسكك بجوازنا بدرى وانك قدرت تقنع بابا اننا نتجوز وانا بدرس.. بس هي ذله لسان والله اسفه
شهد: خلاص بقا ي يحيي مش حوار… قولولي بقا ازاي اقنعت اونكل وليد عشان متحمسه جدا اعرف
يحيي ضحك وبص لفارس: قولتله ان فارس اقنع سياده المقدم عامر الخولي وشهد وفارس نفس سننا وهيتجوزوا اشمعنا احنا… ووعدته جوازنا مش هيأثر ع تعليمها… وهو بيني وبينك اطمن لما عرف ان والدك وافق حس ان ده قرار صح
فارس: ميعرفش ان بابا وافق لما عرف ان عمو وليد وافق علي جوازك انت وملك
شهد وملك بصوا لبعض: انتو بجد عملتوا كده ضحكتوا ع بابي واونكل عامر
يحيي: هل كان عندك حل تاني
شهد: زين ما فعلتوا والله
فارس: المهم بقا تتعشوا ايه
طلبوا الاكل واتعشوا سوا
يحيي: ما تيجوا تتفرجوا ع الشقه
شهد: ياريت بجد
فارس: مفيش مشكله
ملك بتوتر’لا. مش هينفع
يحيي بتركيز: ليه مش هينفع
ملك: اقصد يعني الوقت اتأخر و.. و يعني احنا تعبانين من اللف ولسه عندنا بكره
يحيي: تمام زي ما تحبي
شهد: خلاص روحوا انتو واروح مع فارس اتفرج ع الشقه انا
فارس: معنديش مشكله برضو
يحيي: خلاص روحوا انتو.. انا هقعد شويه مع ملك وبعدين نروح ولا عندك مشكله يا ملك
ملك بابتسامه: لا خالص
فارس وهو بيلم حاجته: تمام يلا تصبحوا ع خير
خرج فارس وشهد سوا
اما يحيي ف الكافيه مع ملك
يحيي بنبره صوت غريبه علي ملك نبره مليانه شك: بتخافي مني اوي كده يا ملك
ملك بتوتر: ايه… ليه بتقول كده
يحيي ابتسم بسخريه: خايفه تيجي معايا الشقه رغم اننا مش هنبقي لوحدنا شهد وفارس معانا… مشفتيش شهد مطمنه لفارس ومأمنه ع نفسها معاه.. مبتشكش فيه نهائي ولا بتخاف منه
ملك اتلجلجت ف الكلام: يحيي… انت فاهم غلط وواخد الامور من زاويه وحده….. هو سؤال واحد ترضي اختك تروح مع خطيبها مستقبلا يعني شقتهم لوحدهم.. مهو معلش احنا هندخل شقتنا لوحدنا وفارس وشهد ف شقتهم… ومتتعودش تقارني بشهد لان حياه شهد وفارس تختلف كتير عننا… شهد متعوده ع فارس كانوا بيباتوا في بيت واحد.. اوقات كتير كانوا بيبقوا ف البيت لوحدهم.. هي متعودة ع ده من فارس مش جديد عليها وجودهم سوا لوحدهم لكن انا لا، ظروفنا مش زي ظروفهم.. انا مش بشك فيك.. بس الصح صح والغلط غلط. انا واثقه لو اتصلت اقول لبابي ومامي هيرفضوا وانا مستحيل كنت اعمل حاجه من وراهم… يحيي انا ملاحظه النهاردة انك مستنيلي غلطه وواقفلي ع الكلمه.. لو بتشاور عقلك وحابب ترجع ف كلامك وتفسخ خليك صريح وقولها وسحبت شنطتها ومشيت
يحيي قام وراها: استني اوصلك
ملك مشيت فبخطوة سريعه منه وقف قدامها: مهما حصل مش هسيبك تروحي لوحدك ف الوقت ده اتفضلي اركبي
ركبت وهو حرك العربيه وكلامها بيدور ف دماغه هي صح… اعترف لنفسه انه اتسرع هي مش مفروض عليها تمشي ورا مشاعرها وبس لازم تحافظ علي نفسها.. هي غير شهد حياتهم وظروفهم مختلفه.. مينفعش يقارنها بحد… بصلها لقيها باصه من الشباك ودموعها بتنزل ع خدها في صمت تام
هي كانت بتفكر معقول يحيي عايز يتلكك ويسيبها.. معقول مش بيحبها و.. ممكن يكون افتكر حبه القديم… يا ترى مين دي ال هتاخدك مني يا يحيي
يحيي همس بصوت غالب عليه الحنان: ملك
ملك بصتله بعيون مدمعه: نعم
يحيي بندم: اسف… والله بحبك
ملك بصت للشباك وابتسمت: اثبتلي
يحيي ضحك بدأ يغني «صوته مش حلو 🙂»
انا مش معاهم انا معاكي
مطرح ما هتروحي وراكي
انا كنت تاية و صغير و الحب خلاني اتغير
انا كنت حبيبتي كأني شيطان و بقيت ملاك و انتي ملاكي يا ملك. ♡
صدقيني انا عايز اعمل اي حاجة عشان ارضيكي عايز ابقى حد يستاهل بجد يبقى ليكي
كنت تاية و اما شفتك ابتدت احلامي بيكي و اللي فات بقى ذكريات دا انا ابتديت عمري بهواكي
انا كنت قبلك مين انا كنت قبلك اية
ملك ابتسمت وهي فرحانه ان يحيي بيغنيلها : يعم ده انت طلعت بتحبني اوي اسكت بقا عشان صوتك نشاذ يا يحيي والله
يحيي بغيظ: تصدقي انك عيله رخمه النهاردة.. بصي مش هروحك واحنا قافشين لا لا.. وقف العربيه قدام محل ورد واشتري بوكيه ورد من نوعيه زهور الياقوت
فتح باب العربيه ناحيه ملك وقعد علي ركبه واداهلولها: بحبك
ملك بصت بفرحه للبوكين وخدته منه: بحبك اكتر… شكلها غريب الزهره دي
يحيي بصلها بحب: دي زهره الياقوت يا ياقوت حياتي وليها دلاله
ملك ضحكت بفرحه: وايه دلالتها يا يحيي باشا
يحيي لف وركب مكانه: كانت دايما ماما بتهتم بالورود والزهور وكانت بتقعد تحفظنا اسماء الزهور ودلالات كل نوع…فاكر انها كانت بتحب الزهره دي لانها بتدل علي الوفاء…. انا مش غبي يا ملك وعارف كويس ال دار ف دماغك.. انا محبتش ولا هحب غيرك وقلبي وفي ليكي
ملك دمعت: ربنا ميحرمني منك يا يحيي… ارجوك مش عايزين تحصل بينا مشاكل تاني
يحيي ضحك: اوعدك ان في اي مشكله هعرف احتويكي… بحبك🖤
ـــــــــــــــ
شهد بتجري وفارس بيجري وراها ف الشقه: بت يا شهد قطعتي نفسي كفايه هاتي الفون بقا
شهد ضحكت: ابدا لما تقولي الباسورد هبقي اديهولك
فارس: والله لو مسكتك هتندمي ع اللعب ده
شهد بدلع: تؤتؤ فاروستي مش هيزعلني اكيد
فارس بصلها وبلع ريقه بصعوبه: شهد تعالي نروح كفايه كده
شهد ضحكت: قول انك مش قادر تجرى تاني يا حرام فارس بيه سلم نمره بدرى وفضلت تضحك.. فارس اتغاظ منها واستغل فرصه ضحكها وانها مش منتبه فجرى عليها وقعها ع الكنبه وهو فوقيها: هاتي الفون يا شهد
شهد: تؤتؤ مش هتاخده اوعي كده
فارس عنيه جت ف عنيها وبدأ قلبه ينبض بسرعه وملامح وشه تتجمد… عنيه بتنتقل بين عنيها وشفايفها… شهد بعدت عنه بسرعه: المشهد ده انا حفظاه في كل المسلسلات التركي تعالي نروح وخد تليفونك اهو يعم
فارس اتعدل وظبط قميصه وفتح الباب وشتورلها تنزل
نزلوا سسوا وركبوا العربيه
فارس لنفسه باقي يومين هانت .. بصلها بحب: يارب قدرني واحافظ عليها
اما شهد مبسوطه علي مكسوفه علي مشاعر متضاربه بتحمد ربنا انه هيجمعها بفارس حبيبها وكل المشاعر الحلوه دي لفارس وبس
ــــــــــــــ
«في بيت سيف الدين »
علي سفره الغدا
جورى: بابي اعمل حسابك هتنزل معايا نجيب فستان عشان فرح ابيه يحيي
سيف: مش مفروض تاخدي مامي هتعرف تساعدك اكتر
جورى: مامي مش هتبقي فاضيه مشغوله مع شهد الفتره دي
سيف: خلاص مفيش مشكله… مالك يا اياد مش بتاكل ليه
اياد بص لوالدته بحزن وسكت
عزه قلبها وجعها عليه بس حاولت متبينش: كل يا اياد عشان مش هحط اكل تاني مش فاضيين
سيف: لسه موضوع السفر يا إياد ف دماغك.. يا ابني ادخل هنا طب ف الجامعه ال تششاور عليها وانا مش هناقشك… بس سفرك هيتعبنا كلنا
جورى: تسمحلي اتكلم يا بابي.. إياد ادرى بمصلحته سيبوه يحقق حلمه ويسافر وهيرجع دكتور ليه مكانته ف المجتمع
إياد: اختي اوي
جورى ابتسمت: مامي عشان خاطرى وافقي
بصتلها بوجع: عشان خاطرك يا جورى… خاطرك غالي عليا اوي
سيف: راجع نفسك لحد فرح اخوك ما يخلص وبعدها قولي قرارك النهائي
يحيي بيكلم ملك ع الشات وهم بيتغدوا
يحيي : خبر تحفه.. الفرش كله وصل الشقه النهارده باقي تيحوا تفرشوا حاجتك بس وتبقي الشلقه جاهزة لينا ياروحي
ملك: مبسوطه اوي يا يحيي… اما باقيلي كام حاجه كده ف اللبس وابقي فنشت الشنط كلها
يحيي ابتسم و رقص حواجبه : متنسيش الفوشيا ها 😉😉كترى فوشيا كترى الدلع ي لووووكا
ملك وشها بقي احمر: انت قليل الادب 😡
يحيي ضحك بصوت ورفع وشه لقيهم باصينله ومركزين :احم.. سفره دايمه بالهنا والشفا.. هروح اريح شويه بقا
عزه بصت ل سيف: ابني اتجنن ملك جننته
سيف ضحك: طالعه لعمتها كانت مجننه ابو يحيي ولسه مجنناه لدلوقتي
عزه ضحكت: بتعرف تقول كلام حلو حتي بعد ما كبرنا يا سيف
اياد : طب يلا يا جورى نقوم احنا عشان يا حببتي في مشاهد خطر علينا
جورى ضحكت وقامت معاه
ـــــــــــــــــــــــــ
عدت الايام ووصلنا ليوم الفرح 🖤🔥🔥🔥
في فندق القوات المسلحه
في اوضه كبيره ف الفندق
ملك وشهد قدام المرايات وكل وحده معاها الميك اب ارتست بتاعتها بيجهزوهم وبيحطوا اللمسات الاخيره
عزه كانت واقفه مع شهد و بوسي كانت مع ملك وجورى بتصورهم خطوه خطوه بالكاميرا بتاعتها (احم نسيت اقولكم ان جورى بتحب التصوير جدا وف كليه فنون تطبيقيه قسم تصوير فوتوجرافي)
يحيي بيتصل بجورى: الو يا ابيه.. خلاص بيحطوا التاج… اوك اول ما نخلص هديك رنه.. باى
عزه: يحيي مش صابر ربنا يهديه ويقعد لاخر الفرح
ملك بتوتر وخوف: سربعه يحيي دي بتقلقني وتخوفني
شهد: ليه يا ملك ده دليل ع حبه
ملك: ودليل ع تهوره برضو ولا ايه يا طنط
عزه: يحيي مش متهور هو متسربع عايزك تبقي معاه بسرعه مش اكتر
ملك بخوف: خايفه يفضل ملهوف كده واول ما ادخل بيته وابقي مراته لهفته دي تروح
بوسي: ايه الافكار دي يا ملك.. يحيي راجل وبيحبك وبعدين عمتك كده تزعل
عزه: مزعلش منها ابدا هي حقها تقلق بس انا واثقه ان يحيي هيطمنها وهيعرف يحتويها ويحتوي خوفها كويس
شهد: ملك بتفكر كتير ريحي مخك يا ملك شويه فصوص مخك تتعب يا روحي
ملك بصتلها وابتسمت
خلصوا وجورى رنت علي يحيي
يحيي: خليها تنزل علي السلم لوحدها محدش ينزل وراها انتوا انزلوا من السلم المقابل لينا عشان تتفرجوا علي الزفه
جورى: حاضر سلام.. بيقول تنزل لوحدها عشان احنا ننزل من السلم التاني ونتفرج ع الزفه
ملك: هو جايب الزفه الفندق؟!!! ورضيوا يدخلوه بالزفه هنا
شهد بصتلها وضحكت:ليه محسساني اننا هنتجوز سواقين تكاتك دول ظباط جيش يا روحي يعني يعملوا ال هم عايزينه ولا انتي ناسيه يحيي بيشتغل ايه وابن مين اصلا
ملك ضحكت ونزلت لوحدها زي ما قال والسلم المقابل عليه شهد وجورى وعزه وبوسي وبعض اصحابهم المقربين
دخل يحيي بفرقه كبيره وكان خالع جاكت البدله والبيبيون… بالقميص والبنطلون بس
واشتغلت اغنيه: حبيبتي افتحي شباكك انا جيت انا واقف تحت البيت مش هعمل زيطه وسيط وحشتييييني بتلفي وتدورى عليا ليه….(كان بيغني مع الاغنيه وبيمثل كلماتها وبيرقص ومنسجم جدا)(رقص يحيي باد بوي جدا وبيغمز وبيهز كتافه وحركات اخر صياعه) وملك بتضحك بفرحه ان اليوم ال استنته مع يحيي جه.. بطل احلامها وكل حكاياتها بقي عريسها كانت بتنزل السلالم سلمه سلمه بفستانها الابيض وطرحتها مفروده وراها وبتتمايل مع اااغنيه برقه ودلال
جه كوبليه (ما يصحش، في الرايحه وفي الجايه
عينك تيجي عليا.مش هاجي بالملاغيه والمرزايه
بتعاكس، طب بردك مش هاجي، معجب كلم دادي
لو وافق يا حياتي هديك عينيا) بدات تغني مع الاغنيه بدلع وحب وهو طلعلها باس ايديها وراسها وحضنها: بعشقك يا ملاكي 💜🔥
ملك وهي متعلقه في رقبته: وانا بموت فيك يا يحيوحي
يحيي ضحك: حيث كده نروح علي طول
جورى نزلت بعدته عنها: يا محترمين لسه الكتاب متكتبش
يحيي: منك لله يا هادمه اللحظات السعيده… خد ملك ونزلوا سوا القاعه علي مزيكا هاديه خالص
ــــــــ
نرجع الفندق كان عامر وزياد وصلوا الفندق وطلعوا لشهد الاوضه: بسم الله ما شاء الله.. قمر يا حبيبه بابا كبرتي يا شهد وبقيتي عروسه
زياد: الف مبروك يا شهد زي القمر
شهد: تسلمولي يارب… انا فرحانه اوي اوي اوي
عامر حضنها: وانا فرحان بيكي اوي اوي اوي.. والامانه ال سابتهالي رحمه الحمدلله قدرت اكبرها واجوزها كمان .. بص لزياد عقبال ما اطمن علي امانه ريهام واجوزك يا زياد.. اشوفك عريس زي فارس كده ويحيي يارب
زياد’الله يرحمك يا ماما… شهد اوعي تعيطي يا حبيبتي النهاردة فرحك وهي فرحانه معانا
شهد تماسكت: الله يرحمها..
عامر: يارب.. تعالي يا حببتي يلا عشان فارس مستني ف القاعه تحت
نزلت شهد في ايد عامر ووصلوت للقاعه دخلت علي مزيكا هاديه خالص. في ممر طويل مليان ورد أحمر شهد بتحبه جدا واقف في نهايه الممر فارس
وصلوا ليه سلم علي عامر وحضنه وباس راس شهد وايديها واستلمها من عامر والكل بيصقف ويصفر ليهم
دخل المأذون وقعد يحيي ووليد واتكتب كتاب يحيي وملك
يحيي قام حضنها بكل قوته وهي حضنته ودموعها اتجمعت في عنيها واشتغلت اغنيه للعسيلي (يا حلم بعيد جايز بكره يبقي اكيد)
بعد كده قعد فارس وعامر واتكتب كتاب شهد وفارس
فارس كان بيكرر ورا المأذون قبلت زواج موكلتك لنفسي وبنفسي علي كتاب الله وسنه رسوله وعلي الصداق المسمي بيننا عاجله واجله
شهد كانت بتضحك وبتكرر الكلمات بهمس وعنيها بتلمع بفرحه عاشقه.. قاعده جمب فارس وماسكه ايده التانيه واول ما اتقالت الجمله الشهيره
بارك الله لكما وبارك عليكما وجمع بينكم في خير.. فارس سحبها ل حضنه وباس راسها: بعشقك يا شهدي
شهد: بعشقك يا فارسي
اشتغلت اغنيه perfect المفضله ل شهد 🖤✨
وخدها وبدأوا يرقصوا عليها وفارس وشهد بيغنوا لبعض في حاله حب قويه ومشاعر مرفرفه من الفرحه والسعاده شهد زي ال كان طول عمره صايم ويادوب بل ريقه بالمياه.. قلبها عايز يرتوي منه كمان وكمان 🔥🖤
I will not give you up this time
But darling, just kiss me slow, your heart is all I own
And in your eyes, you’re holding mine
Baby, I’m dancing in the dark with you between my arms
Barefoot on the grass, listening to our favourite song
When you said you looked a mess, I whispered underneath my breath
But you heard it, darling, you look perfect tonight
Well I found a woman, stronger than anyone I know
She shares my dreams, I hope that someday I’ll share her home
I found a love, to carry more than just my secrets
To carry love, to carry children of our own
We are still kids, but we’re so in love
Fighting against all odds
I know we’ll be alright this time
Darling, just hold my hand
Be my girl, I’ll be your man
I see my future in your eyes
Baby, I’m dancing in the dark, with you between my arms
Barefoot on the grass, listening to our favorite song
When I saw you in that dress, looking so beautiful
I don’t deserve this, darling, you look perfect tonight
Baby, I’m dancing in the dark, with you between my arms
Barefoot on the grass, listening to our favorite song
I have faith in what I see
Now I know I have met an angel in person
And she looks perfect
I don’t deserve this
You look perfect tonight
ــــــــــــــــــــــــــــــــــــــ
بعدها نزل يحيي وملك ع الاستيدج معاهم ورقصوا علي اغنيه “قالهالي” لنداء
ملك كانت فرحانه جدا ومنسجمه مع يحيي بتغنيله وكميه سعاده ع الاستديج متتوصفش say اللهم بارك بجد 😂❤❤❤
بعدها اشتغلت اغنيه حته من قلبي للجسمي ويحيي خربها ع الاغنيه دي هو وفارس كانوا متفقين وبقيوا يمثلوا اااغنيه لشهد وملك وكل اتنين دايبين مع بعض
ـ
عزه وسيف بيبصوا بفرحه ليهم: مش مصدقه اني بجوز يحيي احنا كبرنا اوي كده
سيف ضحك: مش شايفه الشعر الابيض ال في شعري يا عزه ولا ايه
: يا روحي انت بتصغر مش بتكبر شعرك الابيض زادك جمال واغراء ووسامه يا نور عيني
سيف ضمها: يا روح قلبي ربنا يخليكي ليا ونجوز جورى وإياد كمان
عزه بصت لجورى بحزن: يارب
ـ، ــــــــ
وليد: بنتنا كبرت يا بوسي مش مصدق
بوسي : ولا انا ملك ال ككانت لسه بتحبي اتجوزت.. ربنا يسعدها..
وليد : يارب يارب
ــــــــــــــــــــــــــ
شاشات العرض ال في القاعه بدأت تعلن عن فيديو هينزل مفاجأه للعرسان
كان فيديو عباره عن صور يحيي وهو صغير وبعض الصور بتجمعه بملك..وبعد كده صور ملك … وبعده صور فارس وشهد ومشاهد من خطوبه يحيي وملك ومشهد second dance وشهد وفارس بيرقصوا شهد بصت لفارس بحب: بعشقك يا فارس
فارس مال علي خدها وباسها: وانا بموت فيكي يا شهدى
ملك بصت ليحيي بحب شديد : الصور دي جبتها منين دي مش عندي اصلا
يحيي ابتسم : بس عندي… مكنتش بفرط ف اي صوره تخصك والله … بدون مقدمات ملك حضنته وهو شالها ولف بيها
اشتغلت اغنيه حماقي زيها مين
ورجعوا يرقصوا تاني
(قصاد الغمزه احنا تلامذه قصاد المشيه احنا الحاشيه ودي السلطانه وتتسلطن)….
الفرح انتهي بعد فقرات كتير طبعا وكل واحد روح بيته
ــــــــــــــــــــ
فارس شايل شهد وطالع بيها
يحيي فتح العربيه ملك: انزلي يا روحي يلا
ملك بتزمر: شيلني زي فارس ما شايل شهد
يحيي: يا روحي انزلي ونتفاهم
ملك: لا شيلني
يحيي بخبث: تمام يا روحي
شالها وطلع بيها جرى ع السلم وفتح الباب بأيد وهو ساندها ع رجله وهي متعلقه ف رقبته
فتح ودخل برجله اليمين ودخل ع اوضه النوم
ملك بقلق’نزلني يا يا يحيي
يحيي ضحك: والله ابدا ده حتي النهاره فرحنا مينفعش تمشي خطوه واحده
حطها ع السرير وخلع جاكت البدله و….
ـــــــــــــــــــــــــ
فارس سندها ع السرير وباس راسها: مش مصدق نفسي بقيتي ف بيتي
شهد مسكت ايده: انا ال مش مصدقه فارس انت كنت حلم بعيد بجد… بحبك اوي
فارس قرب منها ببطء فسحبته من قميصه و……
ـــــــــــــــــــــــ
صباح يوم جديد
نهله بتجهز الشنط وبتقفلها
حسن دخلها: خلصتي يا نهله
نهله: اه خلصت خلاص جاهز انت وندي
حسن: اه جهزنا.. يلا عشان ميعاد الطياره
نزلوا سوا وركبوا اوبر واتحرك للمطار
ـــــــــــــــــــــ
شهد بتفتح عنيها بكسل وبتبص حواليها وتبص لفارس وابتسمت
فارس حس بحركتها ف السرير فصحي.. بصلها وطول ف نظرته: صباح الخير يا روحي
شهد بزعل طفولي: بس يا فارس انا مش بكلمك انت طلعت نوتي وقليل الادب
فارس ضحك وحضنها: ال يشوفك دلوقتي ميقولش انك انتي ال سحبتيني من رقبتي
شهد بكسوف: مكنتش اعرف انك هتعمل كده.. انا مفكره انك هتبوسني زي المسلسلات التركي
فارس ضحك: التركي لحس مخك والحمدلله.. قومي يلا عشان نفطر
شهد باسته ف خده: هاتلي الفطار هنا يا فروتسيييي
فارس داب من دلعها عليه شدها عليه و😘… 👍🏻😂
ـــــــــــ
يحيي خرج من الدش ولبس شورت ابيض والنص الفوقاني تقريبا حران 😂👍🏻.. خرج المطبخ حضر فطار خفيف وعصير فراوله لملك عشان بتحبه
دخل حط الصنيه ع جمب وقعد جنبها يبعد شعرها عن وشها… سرح في ملامحها وهي نايمه.. ملامحها ناعمه جدا عنيها عيون غزال وشفايفها جميله ومرسومه.. كل مره يبصلها تغريه اكتر واكتر
همس في ودنها: اصحي يا روح يحيي
فتحت ملك عنيها وابتسمت بتعب: صباح الخير يا حبيبي
يحيي: صباح الفل علي مراتي.. مراااتي روح الروح ♥
ملك ضحكت: مزاجك رايق اوي كده
يحيي: ومروقش ليه يعني مش الليل كله في حضني حببتي
ملك ابتسمت بكسوف وهي بترجع شعرها لورا: مكنتش متخيله انك بتحبني اوي كده
يحيي قرب منها اكتر: واكتر مما تتخيلي او تتوقعي.. انا بقيت مجنون ملك… افطري يلا بدل ما نلغي الفطار و..
ملك قامت جريت للحمام: لالالا هاخد شاور واطلع علي طول
ــــــــــــــ
وصلت نهله وحسن المطار وطلعوا الطياره
بصت نهله من الشباك ودموعها مغرقه وشها
سأترك البلاد هروبًا منك لكني سوف احملك داخلي، داخل اعماق قلبي 🥺
لقراءة الرواية كاملة اضغط على : (رواية احتواء)
فين الباقي