رواية اسم مستعار الفصل التاسع 9 بقلم اسماء أشرف

 رواية اسم مستعار الفصل التاسع 9 بقلم اسماء أشرف

رواية اسم مستعار الجزء التاسع 

رواية اسم مستعار البارت التاسع 

رواية اسم مستعار الفصل التاسع 9 بقلم اسماء أشرف


رواية اسم مستعار الحلقة التاسعة


#اسم مستعار 9

شكراً بجد لاي بنت دارت لايك او علقت تعليق حلو❤️انتو الناس يلي مكمله ونبي نكمل عشانها بق لافيو ليكم❤️
ايه:تي بلاغ شنو وهكر شنو..خلاص انا رحت فيها سمعتي في الارض توه..كله من الفرخ يلي اسمه مالك..وربي يشوف..وخذت التلفون بحثت ع اسمه في الفيس لين لقته خشت عليه وقالتله(نبي نشوفك ضروري..انت سبب المهزله هذي ولازم تنهيها)..رد عليها مالك(نتلاقو توه ع الكورنيش)..
ايه: خذت جاكه ولبستها..وطلعت سبيدرو ولبسته
امال:شنو هذا في ايش اديري!
ايه:طلبت نشوفه قالي تعالي ع الكورنيش
امال:بصدمه..لا انتي بعقلك صح!متاكده انك واعيه ع روحك
ايه:شافتلها..مافيش مره حد قدر يمسك عليا حاجه..ولما يجي اليوم هذا يكون فيديو وانا طالعه فيه بطريقه مش حلوه مع شخص ماينفعش زيه...لازم نشوف حل للموضوع هذا قبل مايوصل البابا
امال:تنهدت..باهي نبي نمشي معك
ايه:انتي حتمشي معي..بس حنواصلك لحوشك
امال:شنو...😨لا نبي نمشي معك..معقوله تبي تمشي بروحك مش خايفه
ايه:بجديه...لا مش خايفه ايش يبي يديرلي يعني..هي اطلعي..وطلعت
امال:خذت تلفونها وشنطه..هذي مش طبيعيه وربي🤦🏻‍♀️..وطلعت حتى هي...اما ايه خشت لدار طاهر وخذت منه مفاتيح سيارته وهو راقد مايجيب عليها علم🤦🏻‍♀️..ونزلت تحت قالت الايناس نبي نوصل امال لحوشها ونجي وطبعاً هي وافقت...طلعو امال وايه مع بعضهم..وخلال دقايق كانو قدام حوش امال
ايه:هي انزلي..خليني نمشي نشوفه ونخلص
امال:متاكده ماتبينيش نمشي معك
ايه:امال ساعه 10 هي انزلي
امال:باهي بعد توصلي للحوش كلميني
ايه:تمام
امال:مع سلامه..ونزلت❤️
_____________________________
مالك:واقف ع الكورنيش ويشوف للبحر وحط ايديه في جيوبه..وطرف الدخان في فمه..كان جو صقع ورياح قويه وجو لليل ومافيش حد دنيا هدوء تام..شوي وحاس ان في ضي سياره جايه شوره..التفت شور سياره ويراجى في ايه تنزل
ايه:بعد وصلت امال طلعت شور الكورنيش وسرعتها عاليه عشان تبي تنهى المهزله هذي بسرعه وترد للحوش عشان انيس مايحسش عليها..وصلت للكورنيش واول ماوصلت شفت مالك..واقفت سياره ونزلت
مالك:قرب منها..الي عندك
ايه:ضربته ع كتافه وبعصبيه..تي شنو يلي عندك..انت ماعندكش احساس..ماشفتش الفيديو يلي انتشر!
مالك:التفت للبحر..اي شفت..كنه!
ايه:ضحكت بصدمه...لا شي ماكنش...حضرتك مقرب مني في الفيديو وكاننا في واضع مش تمام
مالك:ولله..انا شاب الموضوع مايهمنيش
ايه:بصوت عالي..كان انت مايهمكش..انا يهمني لان هذي سمعتي..وانت عارف قديش المدينه صغيره وسيرتي ح تكون ع كل لسان بسببك..لازم تنهى المهزله هذي وتشوفلي حل
مالك:مش من باقية هلي انتي عشان نشوفلك حل..ومشه شور سيارته
ايه:مشت واقفت قدامه...نفهم منك انك ماتبيش تصبي معي
مالك:حاجه زي هك
ايه:بجديه..اسمع..انا ماعمريش طلبت من حد مساعده..بس انت بذات لازم تشوف حل لانك سبب المشكله🔥
مالك:خلي يلي يشوف يشوف..ماليش داخل بيك..انا شاب ومايعيبني شي..
ايه:انت اصلاً ليش دارت هكي..ايش الغرض انك تخش وداير معي هكي..ايش تبي مني بضبط..في الاول كانت تبي تقتلني واليوم درتلي فضيحه في ساعه انتشرت..بكرا ايش تبي ادير في!
مالك:شافلها ومشه ركب سيارته وطلع
ايه:شنو هذا..انا متاكده انه مش طبيعي🤦🏻‍♀️مشت شور سياره وطلعت حتى هي...وفي 10دقايق كانت في الفيلا
__________________________
طق طق طق
ايه:ماما نبي نراقد..خليني بالله عليك
سميره:انا سميره
ايه:قعمزت ع سرير..خشي ماما سميره
سميره:خشت..شخبارك اليوم بنتي
ايه:تنهدت..تمام
سميره:قعمزت جانبها..ليش نحس فيك مضايقه..في شي صار معكك
ايه:هزات راسها بي معنى لا
سميره:ع العموم لو تبي تحكي انا قاعده..انا جايه نقولك شكرا ع الموقف يلي دارتيه معي اليوم
ايه:في شنو تقولي انتي..انتي امي يلي ربتني..اكيد نبي ندير معك اكثر من هكي❤️
سميره:وحده غيرك كانت ماهتمتش بالموضوع..ماكنتش عارفه نصرف حسيت
ايه:ماتكمليش..انتي مش الي ربتني بس..انا نحس فيك كانك حاجه كبيره عندي..كل يلي نبيه منك انك تكوني جانبي وبس❤️
سميره:حضنتها..اكيد بنتي ح نكون جانبك وقت ماتبيني..يلا خليني نسيبك عشان تراقدي..اكيد تعبانه
ايه:ابتسمت براحه
سميره:تصبحي ع خير
ايه:وانتي من اهل الخير
_________________________
ثاني يوم صباح✨

انيس:بصوت عالي..تي شنو هذا..كلموها لي وينها هي
ايناس:اهدا اكيد في حاجه غلط
انيس:قتلك كلميها لي هنا نبيها🔥
حور:بتشمت...ولله ياعمي انا اول ماشفت الفيديو ماصدقتش لكن بعد ماشفت الناس دايره تاق الايه فهمت ان الموضوع شورها..وقالت لازم نقولك عشان نلمو الفضيحه هذي😏
ايناس:شافتلها بكره..بعدين شفت الانيس..هي من الي واقفه معه!
انيس:مع اكبر عدو لي ولد هاشم
ايناس:😨😨
نعيمه:البنت هذي طايشه..ديما نقوللكم خلي عينكم منها..ماحدش عدل علي
ايه:نزلت من فوق عشان تبي تمشي لجامعه..كنكم ليش صوتكم طالعه
انيس:بغضب..منك يا فرخه تعالي هنا قبل مانمدا يدي عليك
ايه:فهمت ان عارف بالموضوع..قربت منه وهي تشوفله بخوف
انيس:ايش الي لمك ع ولد هاشم؟!
ايه:تنهدت..وشفت السميره الي واقفه تشوفلها بخوف عليها..توه نقولك بابا بس اهدا
انيس:مالكش دعوه بي..احكي خيرلك
ايه:قعمزت ع الكرسي..وبدات تحكي..وهذا يلي صار..انا ماليش ذنب في الموضوع
انيس:قعد بحيل مهدود..ايش يبو يقولو علينا الناس توه
نعيمه:اهدا ياولدي..اهم شي صحتك
ماجده:هذا لون يلي يسيب بنته تسرح وتمرح براحتها😏
انيس:شاف الايه بغل..امشي اطلعي لدارك مافيش طلوع من الحوش الا لما نشوف حل للمصيبه هذي
ايه:بس..
انيس:بصوت عالي..قتلك امشي
ايه:شافت لايناس بعيون معبي دموع..وطلعت فوق
سميره:طلعت وراها
انيس:خذا بعضه وطلع
فوزيه:ميلاد اطلع وراه..ماتنسش ان عنده الضغط
ميلاد:خذه مفاتيحه وطلع بدون ولا كلمه
ايناس:شافت الماجده بحقد..
ماجده:قربت من حور..تستاهلها🔥
حور:ايييي...ان شالله مغير اتربى
نعيمه:في ايش تحكو بصوت واطي
ماجده:لاشي عمتي😒
نعيمه:امممم
ماجده:عطك مايرفعك لربي
حور:امين🔥
________________________________
ساعه 7 في المغرب
حلا:بصراحه صدمه..اليوم مشيت لمدرسه..كلهم يحكو عليكم
طاهر:يلعب بتلفون..انتي طول عمرك كان خاطرك تكوني مشهوره..واهي جاتك الشهره ع الواتي
ايه:ضربته...صكفمك..تحسبني فرحانه
حلا:صوت رساله..شفت لتلفون ورساله مكتوب فيها(الاسم:ناصر مختار العمر:24 سكن:حي(؟؟؟)يقرا في جامعة الاقتصاد..هذين كل المعلومات عن الشاب يلي نشر فيديو ايه اختك و ولد هاشم..)
حلا:ماسكه التلفون ويدها ترعش ولونها انخطف
ايه:هي انتي..كنه لونك انخطف
طاهر:شافلها وضحك بهزوه😏وبصوت عالي...حلااا
حلا:انفجعت..تي كنك مش طرشه انا
ايه:لا ولله شكلك انطرشتي..نحكي معك وكانك مش معي بكل..كنك في شي صار معك
حلا:بتوتر..ها لا مافي شي نبي نمشي نقرا..وطلعت😖
ايه:شنو هذا..وربي الحوش معش فيه حد طبيعي🤦🏻‍♀️
طاهر:اولهم انتي..وطلع
ايه:مغرور😑
____________________________
انيس:في المربوع ومعه ميلاد ومحسن..هذا كل يلي صار يعني
محسن:ايي..لو كانت نعرف ان ح يصير هكي..كانت خذيت شريط الفيديو من المحل
ميلاد:وانت كيف تسيبها وتخليها تخش المحل بروحها
محسن:هي يلي طلبت..وانا نفذت
ميلاد:بس الغلط
انيس:خلاص خلاص..الي صار صار..توه انا في الي جاي..لو نعرف من نشر الفيديو بس
محسن:تحب نمشي معك لصاحب المحل
انيس:تنهد..ومش منتبهى المحسن..اكيد هاشم عارف بي يلي صار
ميلاد:اي اكيد عارف..بس ايش ح تكون ردة فعله
انيس:منعرفش..عن نفسي انا هذي مشكلة بنتي وح نحلها بروحي بدون مساعدة حد
ميلاد:هكي خير..مافيش داعي تكلمه ولا تحكي معه
انيس:حط يده ع راسه ويفكر..اما ميلاد يشوف المحسن بغل🤦🏻‍♀️
                   أسمـــاء أشـــــرف❤️🔥
         روايـــات أســــــــماء أشـــــــــرف

امال:في خلال يوم واحد بس..الفيديو بتع شاف اكثر من مليون واحد
ايه:وانتي عدا فرحانه
امال:تضحك..بصراحه..اي فرحانه😂
ايه:تضحك..وربي انتي فاضيه
امال:تي في جامعه مافيش حد ومسالش عليك..حتى الدكاتر يسالو عليك..وانا كلهم يجو يسلو في عليك..حسيت روحي مشهوره زيك🤣
ايه:اي اي..كله ع حسابي طبعا😌
امال:بارده..هي احكيلي عمي انيس ايش دار بعد ماعارف
ايه:ياما دار اول مره نشوف بابا متعصب هكي..وربي خفت تصير فيه حاجه بسببي
امال:كله من الفرخ مالك..معقول يرفض يساعدك..ويحذف الفيديو..تي اكيد اضرار حتى هو..وادنه
ايه:حسيت روحي مع محامي..مش دكتورة مختبرات
امال:نفهم في كل شي انا😌
ايه:نقصني حالات انا🤦🏻‍♀️
.
.
.
.
.
حلا:كيف نعرف ان الكلام يلي في رساله صح..اوف عليك واجع راس..حاسه روحي دايخه..من هذا اصلا يلي عنده معلومات زي هذي اصلاً..تي هو عارف كل شي عليا🤦🏻‍♀️معقول يكون جن😨اي اي ماهو مش انسان يلي يعرف كل شي بسهول هذي..قعمزت ع سرير..لالا استغفر لله..احسن حل نمشي نحكي الماما اكيد تعرف كيف تاكد من صحة الكلام هذا
                   أسمـــاء أشـــــرف❤️🔥
         روايـــات أســــــــماء أشـــــــــرف

هاشم:غلط يلي دارته غلط..انت هكي فسدت كل شي نبي ندايره🔥
مالك:لا مش غلط..الغلط اننا نسكتو عن حقنا بنتها كان لازم تموت امس..لكن طلعت فعلاً بسبعه اروح
مريم:خليك انت بعيد عن الموضوع هذا..مانبيش نخسرك حتى انت..سدا خوك خسرته وهو صغير..و واحد خسرته من سنه و شوي..مش ناقصني واجع قلب💔
مالك:هذا خوي وانا يلي نبي ناخذ حقه..وطلع فوق
هاشم:ولدك هذا وجعلي راسي
مريم:معلش تحمل هو مقهور ع خوه
هاشم:كلميلي ايلاف اديرلي قهوه
مريم:ايلاف عند خوه اليوم توه نكلمك نهله..نهله يا نهله
نهله:جات ومعها اختها التوام ميمونه..نعم ماما
هاشم:شاف النهله..ديريلي قهوه
ميمونه:انا مش نهله انا ميمونه🙄
هاشم:نهله ديريلي قهوه بالله عليك
نهله:حاضر بابا..وعدن
مريم:مزلت تلخبط بينهن😂
هاشم:وربي مزلت عليك دوخه🤦🏻‍♀️
مريم:معلش توه بس شوف ايش تبي ادير
هاشم:مش ح ندير شي..فتره بسيطه وناس تنساه
مريم:هزات راسها
________________________
ايناس:وانتي من وين عرفتي؟
حلا:بتوتر..😅اخ صحبتي شاطر في التكنولوجيا وتلفونات وقدر يعرف من صفحة من انتشر الفيديو
ايناس:كويس..توه علينا غير نتاكدو..مافيش احسن من محسن يمشي ويتاكد
حلا:اي اي نمشي نكلمه
ايناس:لا توه ننزل ونكلمه وانتي خليك هنا
حلا:به
ايناس:قالتيلي اسمه ايش
حلا:ناصر مختار
ايناس:تمام ونزلت..اما حلا طلعت وراها عشان تبي تعرف ايش تبي تقول المحسن
.
.
.
محسن:مايهمك شي خالتي ايناس..ح نمشي توه وناخذ معي شباب ونعرفو اذا صح او غلط
ايناس:الله يربحك..واهم شي مانبيش انيس يعرف لان مرات يطلع هذا كله كذب..خليه يعرف اذا طلع الخبار هذا صح
محسن:تمام..خليني نمشي وبين تلفون..سلام
ايناس:سلامات
____________________
ايلاف:طالعه فوق شفت مالك نازل..اهلين مالك
مالك:اهلاً..شخبارك
ايلاف:بحشم..تمام وانت☺️
مالك:بخير..ناقصك شي تبي شي
ايلاف:لا سلامتك..شكرا
مالك:هزا راسه ونزل
ايلاف:شافتله لعند اختفى عن عيونها..تنهدت وطلعت فوق
نهله:بخوف..حاضر دقيقه ويكون عندك احلى شاهي
مالك:بدون مايشوفلها..بسرعه
نهله:خشت الكوجينه..وين الشاهي..حي عليا قالي بسرعه..ميمونه تعالي
ميمونه:حط سماعات ومش معها
نهله:وين السكر..فتحت حكة السكر..زعما هذا ملح ولا سكر
ميمونه:بصوت عالي..ده سكر لون الملح واحد حلو و واحد حادق..راحة البال يلي بجد ليها اصول ليها مبداء
نهله:تعالي هنا يا فرخه مش وقت تامر حسني بكل توه..قوليلي هذا سكر ولا ملح
ميمونه:بدون اهتمام..ذوقيه
نهله:خذت شوي في كشيك..وذقاته..اععع ملح..معناها هذا سكر..خذت سكر وحطته ع الشاهي وسيبته ع نار...تنهدت براحه..واخيرا..مش عارفه ليش لما مالك يطلب مني شي نحس روحي في مهمه🤦🏻‍♀️
ميمونه:بصوت عالي...وبشوقك عيش بشوقك
نهله:🤦🏻‍♀️🤦🏻‍♀️🤦🏻‍♀️
___________________________
ايناس:قاعده في دار وتراجى في مكالمة محسن..وخايفه من انيس يعرف شي
انيس:طلع من الحمام..كنك اليوم انتي
ايناس:لا شي مغير نفكر في المشكله هذي بس
انيس:خش سرير..ماتفكري في شي..خليه علي..وان شالله خير
ايناس:ان شالله
انيس:شنو ماتبيش تراقدي
ايناس:ها اي اي..وخشت سرير وعقلها مع محسن
                   أسمـــاء أشـــــرف❤️🔥
         روايـــات أســــــــماء أشـــــــــرف

حلا:حالها مش احسن من ايناس..لانها واقفه قدام الروشن وتراجى في سيارة محسن ادرس قدام بابا الفيلا لكن العند توه ومافيش اي شي..ساعه 1ومحسن مزل ما جا..وحلا خايفه يكون صارله شي وتكون هي السبب🔥

اما ايه بعد روحت امال قعدت في دارها ومعش نزلت بكل..ماتبيش تشوف حور لان لو شافتها ممكن تقتلها🤦🏻‍♀️وهي توه ماتبيش مشاكل مع حد لعند تنحل قصتها مع مالك..خذت تلفونها تشوف في الفيديو كل شوي لعند ماخذها النوم😴

مالك في كل لليله لازم يطلع للبلكونه ومعه عصير البرتقال يقعد ساعه تامه بعدين يخش يتمرن ويراقد..بس لليله هذي..قاعد يمكن ساعه ونص في بلكونه يفكر هل الي دار صح او غلط بس اخر شي قاله..انه صح لان كان يبي ياخذ بثار خوه باي طريقه🔥
_______________________
ساعه 10صباح🌧

جو كان مطر لان في نهيت شهر12..صقع وصوت الرياح قويه..ايه كانت واقفه ع الروشن وتشوف في المطر تصب..اول مره تكون هاديه هكي..كانت في حالة صمت
حلا:ويكند ياعيال
ايه:كنك ما مشيتيش للمدرسه
حلا:الا تعلمين ان سماء تمطر..ولهذا سبب قررت ادارة المدرسه ان اليوم عطله بسبب المطر
ايه:الله اكبر..للغه عربيه فصحى اصيله
حلا:الحاجه الوحيده يلي فالحه فيها😂
ايه:وطاهر
حلا:تضحك..تي خوك وتعرفيه..ان شالله لو السماء مش تمطر ميه لا تمطر حيط..ح يمشي يعني ح يمشي للمدرسه🤣
ايه:عبقرينو..مش زيك
حلا:اننننن..نبي ننزل نشرب سحلب نجيبلك
ايه:شافت لروشن..اي
حلا:تمام..وطلعت
_____________________
هاشم:لا ولايهمك..ولو كان في حاجه من هذي كانت قتلك..مع سلامه
مريم:كنه!
هاشم:كلهم يسالو اذا الفيديو هذا مفبرك ولا حقيقه...اخخخ كله من مالك🤦🏻‍♀️
مريم:ماتعصبش عليه..كل شي ح يكون بخير
ايلاف:سلام عليكم
كلهم:عليكم سلام
هاشم:تعال شهاب حبيب جدو
شهاب:مشه وعزق روحه ع هاشم
مريم:شخبار هلك
ايلاف:بخير يسلمو عليك
نهله:ماما دارت سحلب نجيبلك
مريم:اي حبيبتي جيبلنا كلنا
ايلاف:خلي نجي نساعدك..وصبات
هاشم:لو يصير يلي في بالي بس
مريم:ماتفتحش معه الموضوع هذا توه بكل..الا بعد ماتم مشكلة انيس
هاشم:هزا براسه
_____________________________
ايناس:تعال احكيلي شنو صار معك من باب الكوجينه
محسن:بتعاب..تمام خالتي..وصكر
ايناس:خشت لكوجينه وفتحت الباب
محسن:اهلين خالتي
ايناس:اهلين اهلين..ها شن صار
محسن:طلع صح هو نفس الشخص يلي نشر الفيديو..وحذفنا الفيديو من صفحته وكله تمام وفوق من هذا كله خدا طريحه سمحه
ايناس:الحمدلله..يعني توه المشكله نحلت
محسن:اي..بس في مشكله
ايناس:شنو🤦🏻‍♀️
محسن:الفيديو انتشر..ومافيش تلفون في ليبيا..مش قاعد فيه الفيديو هذا
ايناس:ياحليلي انا..عليك قصه🤦🏻‍♀️
________________________
سميره:بس انا حاسه ان كان يبي يداير فيك حاجه مش تمام
ايه:زي شنو!
سميره:مش عارفه..بس انا حاسه ان كان يبي ياخذ بثار خوه..مش انتي قالتي..ان ولد هاشم..يلي حكتيلي قصته من يومين
ايه:اي اي..هو بذاته
سميره:خلاص معناها زي ماقالت انا
ايه:ياغبرتي السوده🤦🏻‍♀️يعني لوما ستر ربي..راني توه ميته وانتو تقرو علي في الفاتحه
سميره:بعيد الشر عليك..ان شالله القصه هذي تمشي ع خير
ايه:انشالله
_________________________
حور:صفحات اليبيه كلهن يحكن ع فيديو ايه
ماجده:فضيحه تقعدلها العمر..تستاهل
حور:ياخوفي ان هذا كله يطلع الصالحه
ماجده:كيف!
حور:يعني..عشان يلمو الفضيحه هذي..تجوز الطرف يلي طالع معها في الفيديو
ماجده:لالا..انيس مستحيل يداير هكي
فوزيه:في ايش تحكن
حور:شي..وصبات
ماجده:عمتي وين
فوزيه:عدت لجيران عزمينها اليوم
ماجده:اهممم
______________________
ايه:ماسكه تلفون تحكي مع امال..شوي وصحبتها تران عليها..وينت جيرانهم
امال:تي من يلي يخش عليك انتظار كل شوي
ايه:مش عارفه كنهن اليوم..اكيد يبن يسالن ع قصة الفيديو🤦🏻‍♀️
امال:ولله وتميتي مشهوره ياويه😂
ايه:صكفمك خيرلك...اهيييي علينا صكري صكري..خليني نشوف بنت الجيران كنها
امال:بنت الجيران شغل انا عنيا
ايه:صكرت في وجهه..الو رباب..تمام وانتي...شنو..ع الفيس😨..خليني نشوف..وصكرت في وجهها..خشت ايه ع الفيس..ولقت تاق من مالك..ان عراسهم يوم الجمعه الجاي..يحليلي شنو هذا..شكله بدا يخرف بدري..كل مصيبه جايه من وراه مالك...🔥
يتبع

google-playkhamsatmostaqltradent