رواية اسم مستعار الفصل الثامن 8 بقلم اسماء أشرف

 رواية اسم مستعار الفصل الثامن 8 بقلم اسماء أشرف

رواية اسم مستعار الجزء الثامن 

رواية اسم مستعار البارت الثامن 

رواية اسم مستعار الفصل الثامن 8 بقلم اسماء أشرف


رواية اسم مستعار الحلقة الثامنة


#اسم_مستعار 8
لايك قبل ماتقري حبيبتي❤️

ثاني يوم صباح كان يوم جمعه..صوت ايناس وفوزيه في الحوش عالي يجهزو للرحله...ونعيمه قاعده ع نشره لكن عيونها عليهم😂ايه وحلا فوق راقدين...وحور وماجده قاعدين في الدار ع اساس مايبوش يمشو..

ميلاد:غريبه قررت ان نطلعو اليوم
انيس:تنهد...خلي جو العائله يتغير شوي لهم كم اسبوع وهم عايشين في خوف
نعيمه:لكن يا خوفي تندم..الاحسن ان مانطلعوش الا بعد يتم الامر
انيس:مش من طبيعي نكونو حابسين ارواحنا..مانبيش نحسس حد بحاجه
ميلاد:حتى انا معك...ع العموم خلينا نمشو نضحكو ونلعبو اليوم وننسو همنا شوي
نعيمه:اخخخ...ع راحتكم
فوزيه:هي ماما تعالي غيري دبشك..انيس خلاص كملنا كل شي
انيس:تمام..انا برا...وطلع
________________________
ايناس:ايه يا خميرة نوم صبي يلا...وانتي يافرخه يلي اسمك حلا صبي اكيد راقده ع الفجر امس
حلا:يا ماما حرام عليك ارحميني نبي نرقد حتى يوم الجمعه مش مسيبتني في حالي
ايناس:مسكتها من يدها...هي صبي قبل ما ناخذ منك التليفون ويكون معي طول اليوم
حلا:ووك عليا الا تليفون اهو نضت..وخشت للحمام
ايناس:لا اله الا الله..هذي ايش يبي يخليها تنوض بس🤦🏻‍♀️..ايه..ايه اوعي هي..ايه
ايه:راقده...همممم😴
ايناس:هي نوضي نبو نمشو للرحله
ايه:ليش رديت سنه اول ابتدائي انا ولا شنو
ايناس:نوضي بسرعه البسي عشان نخليك تسوقي السياره
ايه:ناضت..جد
ايناس:تلم في دبش الي طايح ع الارض...اي اي جد هي بس
ايه:هي نخش الحمام بس
حلا:ماما انا ماشيه نلبس
ايناس:ايش الي خلاك ترقدي مع ايه
حلا:كنا نتفرجو ع فيلم وخذا عليا النوم❤️
ايناس:عدي البسي بسرعه باه
حلا:باست امها..هي
_____________________________
ميلاد:انتي هكي ع طول ام النكد..قتلك صبي البسي خلينا نمشو نغير جو
ماجده:مادخلنيش مانبيش نمشي وانت اخرى خليك قاعد مافيش داعي تمشي
ميلاد:لا انتي هبلتي رسمي..تي في ايش تخرفي..صبي حور البسي
حور:بتمثيل...بابا انا تعبانه من يلي دراته فيا ايه امس
ميلاد:معلش صبي البسي توه جوك يتغير ماتقعديش زي امك نكديه
ماجده:بنتي مش متحركه من هنا الا بامري انا
ميلاد:وانا معنديش وليه تقعد في الحوش بروحها..امشي معي واكسري شر
نعيمه:خشت..كنكم باسم لله صوتكم عالي
ميلاد:شاف الماجده...ماتبيش تمشي معنا الخانم
نعيمه:قمعزت ع الكرسي..والله معاها حق بس اهو قالنا نغيرو جو..هي اكسري الشر وصبي البسي
ماجده:شافت الميلاد بعدين شافت الحور..تمام عمتي نلبس بس
نعيمه:تمام..انا برا خلاص كلهم تحت يراجو فينا خلينا نمشو ونجو بدري..وطلعت
فوزيه:ماكنتيش خشيتي يا امي..خليه بينه وبين مراته
نعيمه:امالا تبي مرات خوك تقعد في الحوش بروحها..هي اطلعي قدامي
ميلاد:يعني لازم امي تسمعنا وتجي تقولك هي
ماجده:حنمشي عشان خاطرها بس
ميلاد:بعصبيه..تمام..وطلع
حور:انا ماشيه نلبس ماما..وطلعت
ماجده:تنهدت..خليني نلبس حتى انا
____________________________
خلال دقايق كلهم كانو برا الفيلا...نعيمه وماجده وحور وميلاد في سياره...وانيس وايناس وايه وطاهر وحلا وفوزيه في سياره..ومحسن وربيعه وسميره في سياره..ثلاث سيارات ورا بعضهم اغاني وجو كله عند انيس وايه هي يلي تسوق طبعاً اما سيارة ميلاد كان يسمع في الاخبار وطبعاً حور مضايقه لان طول طريق ملل😂بعد يمكن ساعتين وصلو المكان خالي جبال ورياح وشمس قويه🔥انزلن البنات و رتبو كل شي ع طولات و انيس استلم الشوايه..وميلاد قاعد بعيد يحكي مع سيارة الحراس لان طبعاً مش ح يطلعو بروحهم من دونها..اما طاهر اختفى بعيد عليهم وطول الوقت يصور😂🤦🏻‍♀️وربيعه وسميره يجهزو في سلاطات ومحسن مع ايه يلمو في حطب عشان شاهي والقهوه(بصراحه شاهي ع الحطب حاجه فوق الخيال🤤)حور قاعده في تركينه بروحها وماجده تبرم ع سميره وربيعه وخلاص🤦🏻‍♀️اما نعيمه قاعده بعيد وتراقب فيهم

انيس:هي الشوايه طابت
ايناس:بنات انتن عدن وانا نجيب حاجات العصير ونجي
فوزيه:تمام هي بنات
انيس:بسم الله وبدا ياكل..خذيت ماكله للحراس
ميلاد:ياكل..اي اي
ايناس:حطت سفرة العصائر..قعمزت تاكل..كلهم كانو ياكلو وجوهم حلو حتى محسن وربيعه وسميره قاعدين معهم وياكلو❤️
طاهر:جاهم يجري..معقوله ماتقولوليش انكم حطيتو..وقعمز ياكل تقول له سبعه قرون ماكلش🤦🏻‍♀️
ايناس:بشوي الماكله قاعده مش ح تهرب
طاهر:بس انا نبي نهرب عشان هكي ناكل بسرعه..ايه صبيلي ببسي
ايه:صبتله...امسك
طاهر:شاف الحلا وايه..نعرفكم انا..انتو الاثنين لما تحبو الماكله يلي قدامكم مستحيل تكلمو...وناض
ميلاد:خليك كمل ماكلتك
طاهر:لا صحه خليني نمشي نكمل استكشافي..وعدا يجري
ايناس:الحمدلله...هي بنات كان كملتنا خلينا نلمو
نعيمه:اي عشان حتى نروحو بدري
انيس:نفس ماقالت امي...هي بنات...صبت ايه وحلا رتبن كل شي ولمنا حوسة الغدا وطبعاً معاهن فوزيه اما  حور وماجده..قعدات ولا دارن اي شي...طبعاً زي اي زرده ليبيه صورن البنات مع بعضهن ودارن جو ومن صبايا كل وحده قاعده مع راجلها...جا المغرب وكل حد راكب سيارته ومشو للفيلا...❤️
___________________________________
ثاني يوم الصباح⛅️

انيس:اليوم موعدي معاه
ميلاد:ايش قررت!
انيس:مستحيل نبيع..جا وخيرني بين ان يقتل حد من عائله او ياخذ كل شي نملكه وانا قررت اني نختار الشركه
ميلاد:بصدمه..معقوله ع هكي من بكرا قول علينا يا رحمن يا رحيم
انيس:ماتخفش انا متاكده انه مش حيدير شي
ميلاد:ايش يلي خلاك تاكد لدرجه هذي..انا متاكد مش حيسيبنا في حالنا
انيس:ومن قالك مش ح يسيبنا..انا اليوم ح نوصل معه ع حل ان شالله
ميلاد:يشوفله بخوف..ان شالله والا العائله ح تدمر
انيس:هز راسه
.
.
.
.
.
امال:اهم شي غيرتي جو..وطلعتي من جو التوتر يلي انتي فيه
ايه:اي الحمدلله كلنا غيرنا جو الحق
امال:سكتت
ايه:كنك حسيتك مش تمام اليوم
امال:تنهدت...نفس الموضوع
ايه:ييييي..هو ولد عمك هذا غبي كيف يرضى  ياخذ وحده ماتحبش
امال:انا بروحي تعبت منه الموضوع هذا..مابش يصكر بكل
ايه:ماتضيقيش روحك اهم شي انتي تمسكي برأيك

امال:ان شالله❤️
                   أسمـــاء أشـــــرف❤️🔥
         روايـــات أســــــــماء أشـــــــــرف

مريم:ربي يرحمه كان حنون ومايتحمل شي فيك او في شهاب
ايلاف:💔..شافت الشهاب بحسره...ايش ذنبه يعيش طفولته من دون اب..يحن عليه او يعطف عليه..تنهدت..صبت خذت شهاب وطلعت فوق لدارها
مالك:شاف الامه...ياامي انا ايش قتلك
مريم:شنو!!
مالك:نفخ...مش قتلك معش تفتحي سيارة خوي قدام مراته
مريم:هذا ولدي واكيد نبي نحكي عليه سو قدام ايلاف او لا
مالك:صبا..ع العموم معش تحكي قدامها وخلاص...تبي تحكي عليه خشي دارك واحكي زي ما تبي
مريم:تنهدت...ان شالله..وين ماشي انت
مالك:عندي موعد ماشي لشركه..يلا سلام...وطلع
مريم:ربي يهديكم💔
______________________________
هاشم:ايش نفهم منك يعني انك بايع عيلتك😏
انيس:لا اكيد..بس انت لازم تعرف ان يلي صار مش بيدي..وانت عارف هكي كويس
مالك:قعمز معهم..شنو طولت عليكم
انيس:شاف هاشم وبعدين شاف مالك
هاشم:ولدي مالك
انيس:عارف..هذا يلي خبط بناتي وقبل يبي يقتلهن
مالك:ضحك بهزوه..بنتك الكبيره بسبعه ارواح..زي البسه بضبط😏
انيس:شاف الهاشم..مازلت مصدق ان انا السبب
هاشم:طبعاً انت السبب
انيس:تنهد..شوف انا معك اني غلطت بس مش انا سبب موت ولدك..وخليك متاكد ان مش ح نخليك تقرب من هلي وانا واقف نتفرج عليك
هاشم:قرب منه..توقع مني اي شي..توقع حتى وانت قاعد معي هنا وهلك نصفي فيهم واحد واحد
انيس:ضحك...مستحيل اديرها..مشكلتك انك وفي بزيادة عن اللزوم..مستحيل ادير شي من وراي لازم تخليني كله نشوفه بعيوني
مالك:ممكن معك حق...بس انا لا...مش كيف بوي مانحرمش حد ان شالله يكون من...صبا وشاف البوه...انا نبي نمشي لاني ضيعت وقت اكثر من لازم...وطلع
هاشم:اخر كلام عندك
انيس:اي ومافيش كلام بعده
هاشم:صبا..هكي حلو..وطلع
انيس:مسح ع وجه بخوف من مالك🔥
_______________________________
ساعه 7 المغرب
حلا:قعدت بخوف..لان جاتها نفس الرساله..والي هي...لو تبي تشوفيني انا تحت
حلا:ياحليلي🤦🏻‍♀️ايه لو تشم  خبر حتقتلني انا متاكده..ايش ندير توا..عندي فضول نشوفه..شافت لسقف..يارب لو فيه خير لي خليني ننزل نشوفه..لكن لو مافيش داير اي شي عشان نمنع روحي ننزل..اي شي ان شالله حتى نطيح من دروج..تنكسر يدي..اي شي اي شي
سميره:الطف كنك تدعي ع روحك هكي
حلا:شافتلها..ماما سميره ربي جابك لي من سما
سميره:ليش ايش درتي المره
حلا:وربي مادرت شي😭لكن انتي اليوم مُنقذتي
سميره:مش فاهمه شي..باهي تعالي انزلي تحت تبيك عمتك فوزيه
حلا:باست سميره..تمام..ونزلت
ايه:خشت الدار..حلا وين شحن تلفوني...ماما سميره انتي هنا..وين حلا
سميره:نزلت تحت تبيها عمتك فوزيه
ايه:اوففف نبي شحني منها
سميره:وهي ترتب في دولاب لقت شحن...هذا يلي ادوري عليه
ايه:شافتلها..اي هو شكرا ماما سميره..وطلعت
سميره:ربي يحفظك يا روح ماما❤️
____________________________
مالك:قاعد يتمرن..وكل مايذكر منظر خوه يزيد يقوى الضربات...لعند ما دهش..شرب ميه وخذا منشفه..خش الحمام ادوش..وطلع لقى شهاب قاعد ع سريره ومعه تلفونه
مالك:قعد جنبه وخذا منه التلفون...عيب الحركه هذي..استاذن قبل
شهاب:حضن مالك...عمو نبي نمشي الملاهي
مالك:تنهد..عدي البس توه ناخذك
شهاب:هييييي..وقرب باسه وطلع
مالك:تلفونه رن...بصوت قوي...الو...يعني بكرا ماشيه لسوق...تمام خلاص..خليك تراقب فيها باستمرار...عيونك ماتنشلش من عليها...وصكر..لبس ومشى خذا شهاب للملاهي...وطلعو
______________________________
ثاني يوم صباح
حلا مشت للمدرسه وحور لجامعه اما ايه قعدت لانها تبي تمشي لسوق مع امال
محسن:انتي يا فرخه..هي اركبي نشوف فيك تحطي في روج ع المرايا من بدري
ايه:بس اعترف انا جميله ولا مش جميله😌
محسن:وانا ايش دخلني😒هي لو سمحتي اركبي..سدا ان مامشيتش لجامعه عشان خاطرك
ايه:ركبت..تبي تذلني توه يعني
محسن:يضحك...حاجه زي هك😂
ايه:باهي هي نمشو للامال تاخرنا عليها

.
.
مالك:موقف سيارته قدام مول كبير..يراجى في ايه🔥بعد نص ساعه شاف ايه نازله ومعاها امال وفي سيارة حراس وراها..لبس طاقيته ونزلء وراهم
                   أسمـــاء أشـــــرف❤️🔥
         روايـــات أســــــــماء أشـــــــــرف

ميلاد:حرام عليك ضيعتنا ليش هكي..انا لو عليا مانبيش شي..كنت بعتله كل شي
انيس:قرب منه..انت متاكد انه لو هاشم خذا مننا كل شي ح يسيبنا في حالنا
ميلاد:اي اكيد ح يسيبنا..امالا ح يكون ايش يبي مننا بعد ما خذا كل شي يبيه
انيس:لا مش ح ياخذ مننا الا حد من عائله ويقتله بس هذا يلي ح ايديرة
نعيمه:بخوف...مش عارفه اذا يلي درته صح او غلط..انا خايفه عليكم
انيس:حط يده ع يد امه..ماتخافيش الي يجي من ربي يا محلاه
ماجده:انا من الاول قلتلكم خلينا نطلعو برا البلاد..مافيش حد سمع كلامي
ايناس:ولعند امتى ونحن نهربو..خلينا نواجهو الامر وان شالله يصير كل خير
كلهم:ان شالله
______________________
امال:ايه اصبري نبي نمشي لمحل النظارات
ايه:تمام خشي انا نبي نمشي نجيب سروال ع البلوزه
امال:تمام نتلاقو بعد نكملو
ايه:محسن انت ارجانا في الكافتيريا هذي
محسن:تمام هي خشن..وعدا
امال:يلا باي..وعدت
ايه:خشت المحل وخش وراها مالك بدون ماحد يحس عليه
ايه:قاعده تختار وكل مره تقيس في سروال..بس برغم انها مشغوله وهي تقيس وتختار الا انها حست ان في حد يلاحق فيها بس طنشت..وماعدلتش ع الموضوع🤦🏻‍♀️
ايه:اي خلاص نمشي نقيسه نشوفه عليا بس
الموضفه:تمام خوذي راحتك
ايه:قبل ماتخش غرفة القياس وهي في الممر...واقفها مالك في زوايه🔥
ايه:بصدمه...انت في ايش ادير هنا😨
مالك:حط يده ع فمها...اشششش ولا صوت🤫
____________________________
حور:شافت سميره خاشه للكوجينه طلعت بسرعه من الباب بتع السور بدون ماتشوفها...تنهدت..قبل شافتني..وريني عد ايش تبي اديري يا فرخه يلي اسمك ايه😏وخشت للحوش من باب الرئيسي
ماجده:شافتلها...وهزات راسها بي معنى شنو صار معك
حور:ضحكت ضحكه خبيث😈
ماجده:فهمت
حلا:اوففف ايه طولت مليت
فوزيه:خليها لها زمان ما طلعت لسوق مع امال
نعيمه:ديما وهي برا البنت هذي..نحن قاعدين وخايفين وهي برا ولا ع بالها
ماجده:بصوت واطي..خليها بلكي حد من جماعة هاشم يقتلها🔥
حلا:شنو قلتي
ماجده:سلامتك حبيبتي☺️
_____________________________
ايه:تي انت كنك ايش تبي مني..حول بعد عني
مالك:بعنف...اسكتي مانبيش نسمع صوتك
ايه:ايش تبي مني..كنك..تحسبني خايفه منك
مالك:قرب منها اكثر..تخافي وغصبن عنك🔥
ايه: مغمضه عيونها...الناس ح تشوفني حول لو سمحت من تحسب روحك عشان تقرب مني
مالك:ماسك ابره في يده بس ايه ماتشوفش فيها...مانبيش نسمع صوتك
.
.
امال:طلعت من المحل..النظارات وتشوف الايه وين..قربت من المحل يلي فيه ايه وشافت التلفزيون يلي برا لقت ايه ومعاها واحد ومقربين من بعضهم
امال:تي هذا شنو😨من هذا يلي معاها..ينهار احرف
محسن:قرب من امال..شنو يلي نشوف فيه هذا...في خلال دقايق الناس التمت اتفرج ع ايه ومالك يلي كانو مقربين من بعض وكانهم حبيبين
.
.
.
.
مالك:ضيعتي وقتي في الكلام اسكتي شوي
ايه:مانبيش نسكت..انت ايش تبي مني
مالك:شافلها بنضره اخيره..وقرب الابره من رقبتها بدون ماتحس..فجأه يخش محسن ومعه صاحب المحل وامال
مالك:حس ان في حد يبي يخش عليهم وفي هرجه برا..سيب ايه بروحها وطلع من الباب لاخر..وسيب ايه في صدمه
امال:قربت من ايه وحضنتها...انتي بخير حبيبتي..ايش يبي منك هذا...اما محسن طلع يجري وراه ومالحقش يمسكه...رد خذا ايه وامال والناس كلها تشوفلهم...وهنا ايه اول مره تحس انها ضعيفه🔥
___________________________
مالك:طلع ركب سيارته وهو يخبط ع دومان اضايق...كان لازم يقتلها🔥قبل ماحد يشوفهم..كان لازم يخلص الامر هذا باي شكل اليوم..روح الحوش وهو مضايق ماحكش مع حد..طلع لداره طول قبل ما اي حد يشوفه..خش ادوش بي ميه مصقعه..عشان اتبرد ناره...طلع من الحمام وخذا عصير برتقال يلي يحبه و طلع للبلكونه كالعاده🔥
_______________________
محسن:واقفه السياره...انا مش عارف كيف حد ايدير فيك هكي ويمسكك وماتعرفيش منه ايش يبي منك..سدا الفضيحه يلي صارت وكلهم شافوك ويعرفوك انتي بنت من..بكرا تعلمي ان المدينه كلها عندها علم بي الي صار
ايه:ترجف..مش عارفه ايش يبي..سالته ماجوابنيش
امال:خلاص محسن ماتزيدش عليها
محسن:انا نقوللها يلي يبي يصير
ايه:نزلت من سياره
محسن:تنهد...خلي عينك منها
امال:ماعليك فيها..بس حتى انت قسيت عليها
محسن:قتلك انا نقوللها في الي يبي يصير..عليش نكذب عليها
امال:تمام معك حق..وفتحت الباب
محسن:ارجي خوذي الشكاير معك قبل ما ننسى انزلهن
امال:تمام..نزلت ونزل معها محسن خذت الشكاير..وخشت للفيلا
ايناس:كنها ايه طلعت فوق بسرعه في شي صار
امال:لا مافي شي..راسها توجع فيها بسبب الشمس
ايناس:هزات راسها
امال:طلعت فوق الايه
                   أسمـــاء أشـــــرف❤️🔥
         روايـــات أســــــــماء أشـــــــــرف

حور:توه يا سراقه طلعي الخاتم...انتي الوحيده يلي خشيتي داري
سميره:وربي ماخذيت حاجه..ايش نبي ندير بيه خاتمك
حور:شوفي عد انتي..اكيد تمشي تبيعيه وتاخذي حقه
ايناس:ايش في كنكم...ليش صوتكم طالع
حور:شافت للايناس..سميره خانم سارقه خاتمي
ايناس:شافت السميره
سميره:وربي ماخذيت حاجه ولو تبي ننزلوا تحت..وفتشي
حور:تمام ونزلت..ونزلت وراها ايناس وسميره...وماجده خشت مع حور لدار سميره ومعها طبعا ايناس وسميره
ايناس:ماتخفيش انا متاكده انك ماسرقتيش شي
سميره:دموع في عيونها💔
حور،ماجده: يدورن في الدار ع الخاتم..بس مالقوش شي
ايه:نزلت مع امال...كنكم شنو في
ايناس:قربت من ايه وحكتلها...
ايه:ضحكت بهزوه..وطلعت خاتم حور من جيبها..امسكي يا حور
حور:شافتلها..من وين جبتيه
ايه:من دارك😏
حور:كذابه انا متاكده انك انتي يلي سرقتيه
ايه:عندي يلي خير منه..وطلعت وسيبتها
ايناس:ع ما اعتقد ان خلاص عدا شغل عويل صغار..وطلعت
ماجده:شافت السميره وخذت حور وطلعت
حلا:غمزت الايه وهي طالعه فوق
ايه:قربت منها..نجكلي..باهي يلي شفتيها
حلا:ماما سميره مانتحملش فيها شي..واكيد مانرضش فيها شي مش تمام❤️
___________________________
مالك:فتح الفيس شاف الفيديو وناس ديرتله تاق في منشورات..فاتح وحد من تاق لاقه روحه قريب من ايه والفيديو يلي مصورهم منتشر ع الفيس كله🔥
مالك:يلعن🔞كيف صار هكي..انا نبهت عليهم يقطعو سلوك الكاميرات..اغبياء
.
.
.
.
.
ايه:ماسك تلفون...ووك عليا وككك..خلاص رحت فيها انا
امال:كذا خليني نشوف..وخذت منها تلفون..يانعليا من يلي ناشر الفيديو بس
ايه:ياريتني قلت المحسن يقوللهم يحذفو الفيديو😭
امال:ماتخفيش اكيد توه ينحذفو الفيديوهات لما نديرو بلاغ
ايه:تي بلاغ شنو وهكر شنو..خلاص انا رحت فيها سمعتي في الارض توه..كله من الفرخ يلي اسمه مالك..وربي يشوف..وخذت التلفون بحثت ع اسمه في الفيس لين لقته خشت عليه وقالتله(نبي نشوفك ضروري..انت سبب المهزله هذي ولازم تنهيها)..رد عليها مالك(نتلاقو توه ع الكورنيش)...يتبع

google-playkhamsatmostaqltradent