رواية اسم مستعار الفصل الخامس 5 بقلم اسماء أشرف

 رواية اسم مستعار الفصل الخامس 5 بقلم اسماء أشرف

رواية اسم مستعار الجزء الخامس 

رواية اسم مستعار البارت الخامس 

رواية اسم مستعار الفصل الخامس 5 بقلم اسماء أشرف


رواية اسم مستعار الحلقة الخامسة


#اسم_مستعار 5

لايك قبل ماتقري❤️

ايه:فتحت عيوني بشوي حاسه بصداع قوي في راسي..وجسمي متكسر💔عقلي مشوش ومش قادره نذكره اي شي
.
.
.
.
.
.
فلاش باك👇🏻

حلا:اوفف...وراكبت...المحل كله شين مافيش حاجه عجبتني..غير هكي ماشيه لسوق بي دبش المدرسه
امال:كله من اختك😂
ايه:كله يقعد ذكريات...ونحكيها انا الراجلك المستقبلي
حلا:باهي هي خلونا نروحو ساعه 2
امال:مغير ادعي ان باتك مش قاعد في الحوش
حلا:انا ماليش دعوه..كله من الفرخه اختي الكبيره
ايه:ماتخفيش فرختي الصغيره شوري😌
امال،حلا:😂
ايه:النفسيه تبي شوية هايجه...وعالت صوت الاغاني وزادت السرع
امال،حلا:يصورو بتلفون ويغنو مع الاغنيه..اما ايه تعيط وتراقص..وفجأه شافت سياره فيها شباب ويحاولو يضيقوهم
ايه:زادت سرع..بدا العب..خليهم يعرفو مع من يلعبو
امال:ايه بشوي ناقصي السرع
ايه:اششش انتي خليك مستمتعه بس..الشباب كل مالهم يضيقو في سيارة ايه..لحد ما ايه معش عرفت تتحكم فيها...وفي الاخير سيارة شباب خبطت سيارة ايه من جانب لين طلعت من طريق وخبطت في ساس💔
.
.
.
.
.
.
ايه:بصوت  تعبان..ماما
ايناس:انا معك ياماما..حمدلله ع سلامتك
ايه:الله يسلمك..امال وحلا وين
ايناس:ماتخفيش مافيش حاجه صارتلهم..شوية خدوش في وجهم ويدهم..المهم انتي كويسه
ايه:هزات راسها...ماما نبي نطلع مانبيش نقعد هنا
ايناس:بوك طلع توه ينهي في الاجرات..مافيك شي اصلاً عشان تقعدي هنا..يدك بس انكسرت وشهرين وترد و شوية صداع في راسك قال الدكتور بسبب الحادث
ايه:صبات بشوي عشان تقعمز..تمام
انيس:خش..حمدلله ع سلامتك
ايه:الله يسلمك بابا
انيس:هي اطلعو..مافيش داعي تقعدو هنا..جبتها ورقة الخروج..وطاهر خذا حلا وروح وامال جا بوها وخذاها
ايناس:تمام..صبات ساعدت ايه..وطلعو مع بعضهم
____________________
كلهم عرفو بحادث وكانو متوجدين في الفيلا..نعيمه..ماجده..فوزيه..ميلاد..حور..بس كلهم كانو عادي مافيش حد مشغول ع ايه ولا حتى ع حلا غير فوزيه وطبعاً سميره يلي قاعده في الكوجينه تبكي قريب تموت ع بنتها💔
طبعاً وصلت حلا قبل ايه خشت سلمت عليهم وطلعت فوق ترياحه...وسميره من اول ماخشت وهي تسال فيها ع ايه بس حلا قالتلها مافيها شي وجايه مع بابا وماما في طريق
بعد ربع ساعه خشت ايه الفيلا..حمدولها كلهم بسلامه..وطبعاً حور وماجده كانو متشمتين فيها ونعيمه من الاول معارضه انها تسوق سياره وهذي فرصه وجات لعندها بيش اتبين ان هي ع حق وهم لا
فوزيه:اهم شي سلامتك..كله يتعوض
ايناس:اي حبيبتي ماتفكريش في شي توه وخليك مرتاجه كم يوم في الحوش..حتى الجامعه مافيش داعي تمشيلها
نيعمه:من الاول قالتلكم مافيش داعي تخلوها تسوق هذي متهوره..وماتعرفش تصرف..كلكم واقفتو ضدي..اهي حور قاعده معززه مكرمه وقت ماتبي تمشي مكان ياخذها سواق
ايه:ولله انا مش كيف حد..ومانحبش نعتمد ع حد..بعدين يمكن يلي صارلي هذا كله عشان نجيب سياره جديده😌
حور:ضحكت بهزوه..اي جيبي وبعدين دايري حادث اخر
ايه:نداير حادث اخر معناها في سياره جديده وكله لصالحي ومن فلوس بوي انا..مش من رزق حد ثاني😏🔥
فوزيه:غيرت الموضوع..يلا حبيبتي ايه اطلعي فوق عشان ترتاحي
ايه:خليني نمشي نسلم ع ماما سميره اكيد مشغوله علي..وناضت للكوجينه
ماجده:تحكي الحور بصوت واطي...الفرخه هذي حتى وهي دايره حادث مش رحمه حد
حور:بحقد..سمعتيها في ايش تقول تبي تجيب سياره جديده
ماجده:اي سمعت..حريق وضيق عليها ان شالله
_______________________
ايه:طبطبة ع ظهر سميره...خلاص ماما سميره وربي كويسه انا كيف الجن
سميره:اسكتي يا الهبله معش تقولي هكي😭
ايه:😂..باه باه..مغير خلاص اسكتي عبيتيني دموع
سميره:معلش من خوافي عليك..في ايش تحسي انتي توه
ايه:وربي بخير..يدي بس وراسي صداع كله كم اسبوع ونكون كويسه
سميره:قلبي مشغول عليك من صباح كانت حاسه ان ح تصيره معك حاجه
ايه:اكيد ح تحسي مش انتي يلي مربيتني❤️
ربيعه:حمدلله ع سلامه ويه
ايه:الله يسلمك..الصراحه ماكنتش عارفه روحي مهم لدرجه😂الحمدلله الي صار الحادث
سميره:معش تقولي هكي..وتوه اطلعي فوق وتوه نجيبلك العشا انتي وحلا
ايه:احسن لان اكيد يلي قاعدين برا مزالو مطولين وانا مانبيش ناكل معهم
سميره:تمام..هي اطلعي
ايه:خذات بعضها وطلعت فوق..سلمت ع حلا واطمنت عليها ومشت لدارها❤️
__________________________
ايه:قاعده تاكل في دار خش عليها طاهر
طاهر:ان شالله كويسه توه
ايه:اي..الحمدلله اموري طيبه
طاهر:كيف صار الحادث..عندي احساس ان صار عن قصد
ايه:ومن يبي ياذني بالله عليك😂
طاهر:ايه مش وقت ضحك..وماتنسيش ان بوك..عنده اعداء واجد..وناس تبيله الشر
ايه:عارفه..بس هو حادث عادي مافيش شي يستحق للخوف
طاهر:باهي تمام احكيلي من اول ماصار معك الحادث
ايه:حكتله كل شي لعند ما اسعفهم شاب للمستشفى هي والبنات..وبس هذا يلي صار
طاهر:يعني هم طلعو عليكم فجأ وضايقوكم وبعدين خبطك من جانب لين ماطلعتي من طريق
ايه:اي بضبط
طاهر:ماشفتيش من يسوق
ايه:شفته اكيد
طاهر:تمام..وصبا
ايه:تعال هنا تعال..كنك تسال وكانك شاك في حد
طاهر:اي شاك في شخص واحد وهو اكيد يلي دار هكي
ايه:باهي من هو؟
طاهر:مش وقته توه..خليني نجيب عليه معلومات قبل
ايه:بس انت تشك وبابا مايشكش ولا حتى سالني اي شي كل يلي قاله قضاء وقدر
طاهر:ضحك بهزوه..ومن قالك انه مش شاكك في حد..اكيد مش ح يقولك كانو في ناس ويبو يقتلوك
ايه:الله عليك مغامره
طاهر:ع العموم من اليوم اي مكان تمشيلها لازام نكون انا معك
ايه:اتس اوكي
طاهر:تصبحي ع خير يابتعت المغامرات انتي
ايه:تلقي الخير مغرور😂❤️
____________________________
ايناس:تشوف الانيس كيف قاعد ع السرير ويفكر ومهموم..انيس
انيس:وهو يشوف لسقف..همم
ايناس:كنك نحس فيك مش تمام..وجك متغير اليوم
انيس:بيني وبينك..عندي احساس قوي..ان حادث ايه مش قضاء وقدر
ايناس:كيف😨
انيس:اي..متاكد ان يلي دار هكي شخص واحد بس
ايناس:معقول يكون رد للبلاد بعد السنين هذي كلها
انيس:تنهد..مش عارف بس بكرا ح نسال عليه
ايناس:عشان هكي انت مابتش تحكي مع ايه او تاخذ منها سياره
انيس:اي مانبيش نحسيها بالخوف..وفي نفس الوقت مانبيش شخص هذا يحس ان انا شاك فيه...بس ايه انا خايفه عليها عشان هكي من يوم وغادي ح يطلع معها طاهر لاي مكان هي تبيها
ايناس:تمام..باهي حكيت مع اب امال انت
انيس:ماقال شي الراجل..قال كله قضاء وقدر وتفهم الموضوع...بس بكرا انتي تاخذي بنتك وتمشو لناس
ايناس:ان شالله❤️
___________________________
ثاني يوم صباح🌕

ايه:يابنتي وربي كويسه..انتي بس ايش واضعك مشغوله عليك من امس
امال:كويسه مافي الا كل خير
ايه:ع العموم نحن جايينا في العشيه عندكم..ماما قالتها لي توه
امال:مرحبتين بيكم..وللهِ حتى ماما قبل تبي تجيكم امس بس اهل بابا وماما استقرو عندنا 🤦🏻‍♀️
ايه:نفسنا نحن هل بابا لقيتهم امس قاعدين قال ايش يبو يطمنو علي😂
امال:عليك حقد كلا في مرات عمك وبنتها
ايه:اي زي سم هم الاثنين..الوحيده يلي كويسه هي عمتو فوزيه تجنن🥺
امال:اي حتى انا نحبها..
ام امال:انتي يا فرخه تعالي هنا شوفي اختك كنها تبكي
ايه:تضحك..عدي شوفيها كنها البكايه
امال:اكيد متعركه مع صحبها الجديد..ونبي ايش داخلني انا🤦🏻‍♀️
ام امال:امال ي بنت
امال:وووك علي..هي جايه...ويه صكري خليني نمشي نشوفها
ايه:باي😂..وصكرت..امها حسستني انها تبي تحل مشكلة الضي في ليبيا من كثر ماتعيطلها😂🤦🏻‍♀️
                   أسمـــاء أشـــــرف❤️🔥
         روايـــات أســــــــماء أشـــــــــرف
حلا:وهذا يلي صار
طاهر:نفس ماقالتلي ايه
حلا:ووك علي طالما انت عارف القصه من ايه ليش جايت سالتني
طاهر:كسوله..حبيت نعرف هل انتو نفس الكلام اهو لا عشان التحقيقات
حلا:شنو..تحقيقات شنو..حسستني تبي تلعب دور المحقق كونان ومن ورا الحادث🤦🏻‍♀️
ايه:خشت..اي حتى انا امس سالني 100سوال في وقت واحد
طاهر:محقق كونان..في خلال يومين ح يجبلكم المعلومات عن سياره يلي خبطتكم
ايه:اسمع..انا من زمان كانت نخاف منك لاني لما كانت نجيك ونطلب منك معلومات عن اي حد كانن يكونن عندي في خلال يومين..واخر تعرف حاجات عن ناس مهمه وخطيره..وفي نفس الوقت تساعد في ناس من غير مايعرفو انت من؟وتوه تبي تجيب كل المعلومات عن سياره..لا هكي واجد انا بديت نخاف منك
طاهر:ابتسم بغرور... لا تخافو ولكن احذرو😈
ايه،حلا...شافو البعضهم..بعدين ضحكو بصوت العالي😂
طاهر:خليكم هكي اضحكو علي مش عارفين قيمتي اصلاً..وطلع
حلا:مغرور وربي
ايه:بس ذكي عنده ذكاء يخوف
حلا:سيبك منه توه..نبيك تقنعي ماما نمشي معكم الامال
ايه:لا انتي تقعدي هنا ترتاحي
حلا:حتى انتي😩
ايه:اي..وطلعت
_____________________________
محسن:وهي ايش دايره توه
ربيعه:بخير ماتخفش عليها..انت ناسي ان مافيش حاجه تاثر عليها
محسن:ضحك..كله من طاقه الايجابيه يلي عندها😂حتي في الجامعه معروفه بي هكي
ايه:خشت الكوجينه..الحمدلله يارب طلعت مشهوره وانا مش عارفه
محسن:حمدلله ع سلامه
ايه:الله يسلمك...معقول هكي يا ماما سميره..ولدك مايسالش علي الا توه
محسن:عارفك كويسه وماينخفش عليك..بعدين من امس نبي نشوفك تمه عندكم ضيوف
ايه:اي اي داير الضيوف حاجه توه
ايناس:خشت الكوجينه...انتي هنا وانا ندور فيك
محسن:اهلين خالتي ايناس
ايناس:اهلين بيك شخبارك
محسن:الحمدلله..يلا انا نستاذن..وطلع
ايه:كنك ماما
ايناس:ساعه3 عدي البسي عشان نمشو
ايه:باه..وطلعت
سميره:قاعده تخلط في عصير ودمعتها ع خدها كل ما تسمع ايه تقول الايناس يا ماما كان حد كاب ميه ساخنه عليها💔
                   أسمـــاء أشـــــرف❤️🔥
         روايـــات أســــــــماء أشـــــــــرف

انيس:قاعد في المكتب ومعه ميلاد
ميلاد:انت عليش شاك فيه..وهو برا البلاد
انيس:برا البلاد جو البلاد هذا عنده رجال برا وجوا البلاد يعني يقدر يداير اي شي يبيه
ميلاد:خلاص طالما انت شاكك فيه..خلي حد يسال عليه
انيس:ان شالله من تحت التحت..مانبيش نحسس حد بحاجه..برغم ان عندي احساس ان هو لكن انتمنه من ربي اني نكون غلطان لان لو طلع هو..ح تقوم الحرب يلي صارت من 13سنه من جديد🔥
ميلاد:بخوف..لا ان شالله مش هو..ويطلع هذا كله قضاء وقدر
________________________
ايناس:رشفة رشاف من العصير..امال زي بنتي ومتربي مع ايه من وهم في روضه وزعلات عليها زي مازعلت ع ايه
ام امال(فتحيه):ولله حتى انا زعلات عليهم كلهم..لكن الحمدلله مافيش اصابات واجد
ايناس:ايه يدها انكسرت بس كله كم شهر وترد
فتحيه:حمدلله ع سلامتهم وانشالله هذا حد السو..وكملو هدرز
امال:تبتسم وتشوف لقدام وتحكي مع ايه بصوت واطي...حاسه روحي انخنقت من امي وامك لو قاعدة هنا دقيقه ح ننفجر
ايه:لو خاطر علي القعده تبي تكون ممله هكي كانت قعدة في الحوش وجايتك يوم ثاني🙂
امال:اسمعي هي فوق لداري وبالمره تشوفي البكايه
ايه:اهم شي نطلع من هنا..استاذنو من فتحيه وايناس وطلعو فوق🤦🏻‍♀️
__________________
نجاح(اخت امال):قاعده في دار حط يدها ع خدها..وتسمع في اغنية اليسا انا وحيده
ايه:مصبي ع الباب..وربي مانك وحيده في معك جنون تراقص جانب منك في دار😂
نجاح:شافتلها..ايه
ايه:خشت جانبها...امالا عفريتتها
نجاح:شافتي الصارلي
ايه:اي حكتلي امال لما جايت..ع اساس اول واحد ما انتي كل شهر معجب بشخص معين
نجاح:بس هذا اثر في😭
ايه:نفس الكلمه
نجاح:وحبيته من قلبي
ايه:نفس الكلمه ماغيرتي شي حتى القعده نفس كل مره
نجاح:تبكي...مافيش حد قادر يفهمني
ايه:نفس البكيا والكلمه🙄
امال:خشت..جابت حلويات عشان يرفعو هرمون السعاده
نجاح:مسحت دموعها...عطيني🙂
ايه:ضحكت..نفس كل مره😂هكي انتي نجاح الي انا نعرفها
نجاح:اصلاً عادي بكرا نلقه احلى منه😌
امال،ايه:نفس الكلمه🤦🏻‍♀️
                   أسمـــاء أشـــــرف❤️🔥
         روايـــات أســــــــماء أشـــــــــرف

حلا:تشوف لروحها في المرايا...اوف امتى يحاولو الجروح هذين..منظري شين..كيف نبي نمشي للمدرسه بس هكي..تن تن..مسكت تلفونها
حلا:رساله من رقم غريب..زعم من..فتحت الرساله وكان فيها(حمدلله ع سلامه يا قمر عينك من روحك لان في ناس تهمها..سلام❤️)
حلا:مصدومه وخايفه..حي علي من هذا شكله شاب..من وين جاب رقمي😨نران عليه نساله..تؤ اوفف لالا اكيد مش ح نران..احسن شي خليني نحطه في الحظر..مش ناقصني كلام من حد انا..خشت ع الرقم دارتله حظر وحطت التلفون ونزالت اتعشا
_______________________
ايه وايناس روحو من عند امال..طلعو غيرو دبشهم ونزالو يتعشو مع الكل..قعدو فتره ومافيش حد حكا حاجه لين ما انيس قطع حالة الهدوء هذي بسواله ع حلا وايه
حلا:انا كويسه يا بابا..بس نبي مرهم يحاول الجروح هذين باسرع وقت😭
ايه:انتي في خلال كم يوم ح يختفو الجروح..لكن انا يدي ح تاخذ كم شهرين عقاب ماتكون كويسه
طاهر:شافلهم..احمدي ربك انتي وياها انكم طلعتو كويسين
حلا،ايه:الحمدلله
انيس:مشيتي لهل البنت اليوم
ايناس:اي..كويسه مافيها الا الخير
انيس:خذيتو معك حاجه صح
ايناس...اكيد ماتخفش..مستحيل نخش بيدي فاضي
انيس:ربي يبيض وجك
ايناس:سلمك❤️
_________________________
ايه:تشرب في شاهي مع سميره وربيعه في الكوجينه..نحمد ربي مليون مره ان يدي اليسار يلي نكسرت
ربيعه:عليش😂
سميره:اكيد عشان لو نكسرت يدها الايمين مش ح تعرف تاكل صح
ايه:اي صح..سلمها يارب يلي ديما فهمتني😂
ربيعه:باهي الحمدلله انتي اهم شي عندك الماكله
ايه:ونوم🤤
سميره:ربي يحفظك ويحقق لك كل يلي في بالك
ايه:ومافيش ربي يرزقك بي ولد الحلال الحليوه🙂
ربيعه:مستعجله ع الجوازه
ايه:لا بس عشان نبي نغير مودي ونجرب حاجه جديده
سميره🤦🏻‍♀️
ربيعه:انا متاكده ان الحادث اثر عليك😂
ايه:اي..خلني نفكر في حاجات واجد..زي مثلاً خطري نمشي لجامعه بكرا
سميره:كوني بخير وكويسه بعدها توه تمشي
ايه:ان شالله لاني رايفة ع ماكله الكافتيريا
سميره:عشان هكي تبي تمشي
ايه:اي😭
ربيعه:🤦🏻‍♀️
__________________________
حلا:هي انت
طاهر:يقرا..همم كنك
حلا:وصلت الحاجه ولا مزال😏
طاهر:قريب يكون عندي الملف
حلا:امتى يعني
طاهر:خلال يومين بس..ونجي نحطه في وجك
حلا:متاكد يومين بس
طاهر:امتى عمري قالت حاجه وماطلعتش قدها
حلا:ولا مره🙄
طاهر:خلاص معناها اسمعي الكلام وامشي اقعدي ساكته واشقي بحالك لين مايوصلني الملف
حلا:الوحد مايعرفش ياخذ منك لا حق ولاباطل..وطلعت
طاهر:ابتسم..وشاف للملف يلي قاعد فوق الطاوله..تحسبني سهل..الملف قاعد عندي من اول يوم🔥لكن مش توه يطلع لين ما بابا يتاكد من عنده قبل..صبا خذا الملف وحطه في درج وصكر عليه بالمفتاح
___________________
ايناس:حاول تعرفه اذا هو او لا.. مانبيش نعيش في خوف انا وصغاري
انيس:خلاص قتلك يومين ويكونن عندي المعلومات
ايناس:باهي لو طلع هو
انيس:ح تكون مشكله لان بهكي المشاكل ح ترد
ايناس:يارب يطلع مش هو
انيس:هزا راسه..وهو مهموم

                   أسمـــاء أشـــــرف❤️🔥
         روايـــات أســــــــماء أشـــــــــرف

بعد مرور اسبوع

ايه  معش قدرت اتحمل تقعد في الحوش اكثر من هكي ف رادت للمدرسه بس طبعاً يلي يمشي ويجي معها محسن..لان طاهر عنده مدرسه ومش ح يقدر يوفق بين الاثنين

حلا حتي هي ردات لمدرستها وامورها طبيعيه..بس كل مايصير معها موقف او اي حاجه ..تجيها رساله من مجهول يطمن عليه او يقوللها معش اديري هكي..وهي كل ماتجيها رساله تقراها وتحط الرقم في الحظر..الخوف تمه مسيطر عليها كل ماتجيها رساله💔

انيس يراجى في الاخبار عشان يعرف اذا كان الشخص يلي في عقله هو سبب حادث ايه او لا🔥

__________________________
ايه:قاعده في الكافتيريا تاكل
امال:قعدة بغل...اوف
ايه:كنك
امال:الامتحانات قربت وانا مش فاهمه شي
ايه:ع اساس ان يلي فاهمه😂
امال:ايه بلا ضحك..هذي اول سنه لنا وصار فينا هكي..امالا السنوات الجايه ايش ح يصير فينا🤦🏻‍♀️
ايه:باه باه..خلاص خليها ع ربي وان شالله خير
امال:ان شالله..خليني نمشي نطلب حاجه ناكلها..وصبات
ايه:مستمره تاكل
مجهول قعد ع نفس الطاوله يلي فيها ايه
مجهول:احممم
ايه:لو تبي تعاكس عاكس عادي..بس ح تشوف شي عمرك ماشفته
مجهول:احمممم
ايه:شافتله...او هووو علينا...انت😨انت يلي خبطتني بسياره...يتبع

يُتبع ..

google-playkhamsatmostaqltradent