رواية عشق حياة الفصل الخامس 5 بقلم زوزه

 رواية عشق حياة الفصل الخامس 5 بقلم زوزه

رواية عشق حياة الجزء الخامس 

رواية عشق حياة البارت الخامس 

رواية عشق حياة الفصل الخامس 5 بقلم زوزه


رواية عشق حياة الحلقة الخامسة

رواية عشق حياه
الفصل الخامس

ذهب كنان الي مكتبه لكي يأتي بهاتفه ،ولكنه راي شيء آخر صدمه بين المكتب والكرسي .
صدم كنان عندما وجد حياه تنام بين المكتب والكرسي ويظهر علي وجهها الخوف والفزع .

كنان بصدمه : حياااااااااه انتي بتعملي اي هنا .
ولكنه وجد لا رد منها .
كنان بصدمه منها : حياااه قومي يا دكتوووره قومي .
ولكنه وجد لا رد .
كنان لنفسه : مش معقوله ده نوم ده حاول أن يوقظها أكثر من مره وهي لا تفيق فعلم أنها في حاله اغماء فقام وحملها علي ذراعيه واجلسها علي الاريكه التي بغرفته .
كنان جاب جهاز ضغط وقاس ليها ضغط لقاه واطي جدا .
كنان لنفسه : ايه ده ضغطها واطي جدا وباين علي وشها الخوف والفزع ، وقام ونادي علي الممرضه أن تأتي له بمحلول .
الممرضه: اتفضل يا فندم المحلول اهو بس هي الدكتوره حصلها ايه .
كنان بخوف علي حياه : مش عارف ، ممكن تتفضلي انتي وانا هركبه ليها وهقعد هنا لغيت ما تفوق .
الممرضه : حاضر عن اذنك يا دكتور ، وتركته وخرجت .
كنان ركب لحياه المحلول ووقف وذهب لكي يقعد علي مكتبه وينتظرها حتي تفيق .
بعد مده من الوقت فاقت حياه
حياه بالم : اه انا فين.
كنان عندما رآها ذهب لها بسرعه .
كنان بخوف عليها : حياه انتي كويسه ايه اللي حصل .
حياه بالم : انا دماغي وجعاني اووي وأيدي ايه ده .
كنان : انتي كان مغمي عليكي وانا حاولت افوقك لكن انتي موفقتيش ولقيت ضغطك واطي جدا فركبت ليكي محلول .
حياه بالم : شكرا يا دكتور تعبتك معايا .
كنان : ايه اللي حصل وايه اللي وصلك للمكان اللي كنتي فيه وليه كان باين علي وشك الخوف احكيلي في ايه .
حياه بخوف : انا كنت بصلي الضهر وخلصت وجيت اطلع لقيت الباب مش راضي يفتح حاولت افتحه اكتر من مره مفيش مش راضي يفتح حاولت انادي علي حد بس مفيش حد سمعني لأن تقريبا ساعتها كان في صوت إسعاف عالي حاولت كذا مره محدش رد عليا وانا عندي فوبيا من الاماكن المغلقه بخاف جدا بيجيلي نوبه خوف .
كنان : طب وليه كنتي مستخبيه بين المكتب هناك وليه ضغطك واطي جدا كده .
حياه : استخبيت بين المكتب لاني لاني شوفت فاار كان كبير وليه فرو اه ولله ، وضغطي وطي عشان مكالتش حاجه من ساعه امبارح في العربيه .
كنان وهو يحاول أن يكتم ضحكته : فاار وكبير والأوضه اتقفلت عليكي عملتلك كل ده اجمدي يا بنتي شويه .
حياه : ولله بحاول يا دكتور بس انا اتربيت علي كده بابا وماما كانوا بيخافوا عليا من اي حاجه مكنوش بيسبوني اروح مكان لوحدي او اكون في مكان لوحدي .
كنان بتفهم : بس ده غلط لان زي ما انتي شايفه دلوقتي شخصيتك عامله ازاي وبقت الحاجات دي تعملك نوبات خوف وده أكبر غلط لازم نعلم عيالنا يتحملوا المسئوليه يعرفوا يروحوا ويجوا من غيرنا لان احنا مش موجودين ديما ليهم .
حياه : ايوه وانا بحاول اتعامل مع الناس وأخرج عشان الخوف اللي عندي من الناس ومن كل حاجه يهدي ، علي فكره يا دكتور انا عمري ما اتكلمت مع حد زي ما اتكلمت معاك شكرا ليك .
كنان بعد أن اطمن عليها : ياستي لا شكر ولا حاجه واعتبريني من هنا ورايح اني اخوكي واللي تعوزيه قوليلي عليه وساعه ما تحسي بالخوف رني عليا وانا هجيلك وانا هعتبرك اختي الصغيره .
حياه بطفوليه : يعني معتش هتزعق ليا ولا تتعصب عليا يا دكتور تاني .
كنان وهو يحاول أن يمثل العصبيه : دكتوره حياه لو سمحتي انتي ضيعتي عمليه علينا انهارده .
حياه بدموع : انا اسفه ولله اسفه مش هتتكرر تاني ودموعها هبطت .
كنان بضحك : يابنتي مش كده ولله كنت بهزر معاكي ومتخفيش انا عملت العمليه وخلصت بلاش دموع من اقل حاجه يا حياه لو هتسمحيلي اقولك حياه من غير مقدمات .
حياه وهي تضحك : ما انت قولتها خلاص مش محتاج إذن .
كنان : طيب خلاص انت قوليلي كنان بردو زي ما انا هقولك حياه .
حياه بطفوليه : تؤتؤ مش هقولك كنان هقولك اخي لان كان نفسي يكون عندي اخ اوووي ينفع يا اخ كنان ههههههههه .
كنان بمرح : ما انتي قولتيها يا اخت حياه تصدقي حلوه ولله كان نفسي يكون عندي بردو اخت هههههه.
حياه بطفوليه : خلاص احنا بقينا اخوات ، بس ممكن تشيلي المحلول ده لاني بخاف منه وهو وجع دراعي .
كنان : لا لما يخلص وهقوم اجيب اكل عشان الاستاذه اللي ماكلتش دي تاكل ومعتش تتكرر يا حياه والا هزعل منك .
‏حياه : حاضر بس ولله انا بخاف من الحقن والحاجات دي عشان خاطري شيل المحلول .
كنان : نفسي اعرف دكتوره ازاي دي ياربي دي طفله .
حياه : انا مش طفله انا كبيره وبعرف اتعامل حتي شوف هشيل المحلول لنفسها وشلته لنفسها ولكنها جرحت حالها.
حياه بالم : اه دراعي اه جاب دم ازاي بسببك شوف بسببك انت ازاي .
كنان : بسببي ازاي انا ملمستوش يا طفله .
حياه : متقوليش طفله انا دكتوووره وهبقي دكتوره كبيره اوووي .
كنان بضحك : حاضر يا طفلتي وهتبقي احلي دكتوره .
حياه بفرحه: بجد يا كنان يعني انت شايف اني هبقي دكتوره شاطره زيك كده .
كنان وهو يصطنع الغرور : مش زي اووي انتي متعرفيش انا مين والا ايه انا الدكتور كنان الشناوي اللي كل المستشفيات نفسها يشتغل عندها .
حياه : نفسي اكون شبهك اوووي .
كنان بحنان : طفلتي هتكمل تدريب وتشتغل وهتكون احسن دكتوره .
حياه بفرحه : هي وهنشتغل سوا بقا ونتشاكل وتررجع تصالحني بشكولاته وورد عشان بحبهم جدا وتبقي احلي اخ ربنا بعته ليا .
كنان بحنان : واخوكي تحت امرك ديما اللي تؤمري بيه يتنفذ فورا هو انا عندي كام اخت ده هي واحده ولله ولسه طفله ههههه .
حياه بنرفزه : متقوليش طفله انا مش طفله هااا .
كنان بضحك : طفلتي مينفعش تزعل تعالي يلا نطلع نتغدا برا وانا هصالح طفلتي .
حياه بمرح : هي يلا يلا .
كنان : طب روحي غسلي وشك واجهزي وانا هستناكي برا يا طفلتي وخرج وتركها .
حياه في سرها : الحمد لله يارب انك بعتلي اخ كان نفسي اوووووي يكون عندي اخ حنين عليا ويخاف عليا . وذهبت لكي تغسل وجهها وتعدل من هدومها وحجابها . وخرجت الي كنان .
~~~~~~~~~~~~~~~~~~~~~~~~~~
في شركه المعز

في مكتب وعد
منار: اتفضلي يا فندم دي كل المعلومات اللي قدرت اوصل ليها عن شركه الشناوي.
وعد: شكر يا منار واخدت منها الملف الذي يحتوي علي كل المعلومات .
وظلت وعد تقرأ في الملف وعلمت كل المعلومات عن شركه الشناوي ومن مديرها ومن ماسك التصميم بتاع الصفقه وبعد وقت اتيت إليها سجده .
سجده : وعد باشا اكيد عرفتي كل المعلومات احكيلي بقا عرفتي ايه وليه كل ده .
وعد بهدوء : عايزه اعرف مين بعتلي رساله تهديد وليه ، وبعدين من المعلومات اللي قدامي مدير الشركه دي شخص محترم ملوش في شغل التهديد .
سجده : طب مين اللي هيبعتها ياتري .
وعد بتفكير : هعرف هعرف المهم قوليلي اخبار المهندسين والتصميم ايه .
سجده : كل حاجه تمام وهيسلموا التصميم بكرا ، بس نفسي اعرف ليه تخليهم يصمموا وانتي هتصممي .
وعد بغموض : احسن تصميم هو اللي هيفوز بالصفقه ايا كان مين بقا .
سجده : تمام ، بقولك انتي طبعا هتاخدي طقم حراسه معاكي وانتي رايحه لندن .
وعد : انتي بتهزري يا سجده هو انا محتاجه حراسه ده انا كنت بطمن ماما بس انتي مش تائه عني يا سجده وعارفه انا اقدر اعمل ايه .
سجده بخوف علي صديقتها : عارفه يا وعدي بس انا بخاف عليكي وانتي شايفه جيلنا رساله تهديد من شركه ولسه لما تروحي هناك الله اعلم ايه اللي هيحصل عشان خاطري خدي طقم حراسه معاكي حتي بس لو هتخليهم حواليكي من بعيد لبعيد .
وعد : هشوف يا سجده
سجده : ماشي يا وعد المهم اسيبك انا تكملي شغل وأروح انا اكمل شغل وتركتها وغادرت .
وعد لنفسها : معقوله وعد المعز تمشي بحراسه هههههههه هما ميعرفوش انا مين ، وظلت تعمل .
~~~~~~~~~~~~~~~~~~~~~~~
في قصر الشناوي

مايا : ماما بعد اذنك انت وجدو هخرج اقعد مع صحابي في النادي شويه وهرجع بدري .
عدي : مايا هانم بتستاذن من حد وهترجع بدري ههههههههه .
مايا : عن اذنكوا وتركتهم وغادرت .
ثريه لعدي: مايا بنتي قبل ما تروح اي حته بتقولي ياعدي وبترجع بدري بس تلاقيك انت اللي مابتخدش بالك .
عدي : ولا اخد بالي ولا ما خدش عن اذنكوا انا كمان . وتركهم وغادر .
وذهب الي سيارته وقادها بسرعه .فهو يعشق القياده السريعه جدا ، ولكنه كان سيصطدم بسياره أخري مسرعه مثله .
عدي بعصبيه: مش تاخد بالك ياعم ينفع كده العربيه اتخبطت وانا لسه شاريها جديد.
نزل له هذا الشخص الذي لم يراه بعد ولكن صدم عندما وجد أمامه فتاه شديده الجمال شعرها قصير تقف بثقه وشكلها عصبي أكثر منه .
وعد بعصبيه : مش تفتح يا اعمي انت وبعد كده لو بتخاف علي العربيه اللي دادي جايبها ليك يبقي متسوقش بسرعه .
عدي بعصبيه : انتي بتكلمي مين يابنتي انتي متعرفيش انا مين.
وعدي بعصبيه : ولا عايزه اعرف بلا قرف وتركته وذهبت الي سيارتها وقادتها بسرعه البرق .
عدي وهو مذهول من تلك التي لم تعيره اي اهتمام .
عدي لنفسه : بقا هو في ملاك كده بس اي ده يارربي ملاك ازاي وهي لسانها طويل ومغروره بس قمررر وذهب الي سيارته وقادها وغادر المكان .
~~~~~~~~~~~~~~~~~~~~~~~~~~~
في مطعم صغير في الصعيد

كنان : يعني ينفع كده اخرتها يا استاذه حياه تجبيني مطعم كشري .
حياه بطفوليه : بحبه اووي يا كنان ويكون حااااار اوووي .
كنان ؛ طب يلا كلي الأكل اهو وعايزك تأكلي كتييير عشان الاستاذه ماكلتش من امبارح وبلاش شطه كتييير .
حياه : حاضر حاضر ولم تسمع ليه وحطت شطه كتييير وبدأ وجهها يحمر وعيناها تدمع .
كنان : مسمعتيش الكلام يا طفلتي ينفع كده بلاش تأكلي ده وهجبلك غيره .
حياه : لا هاكله هاكله وبدأت تتناول منه ولكن وجهها ذاد احمرار ودموعها بدأت تسيل .
كنان اخذ الطبق من أمامها وقال : لا مش هتكلي منه وطلب طبق اخر وأخذ هو ووضع به معلقه شطه صغيره جدا وقال اتفضلي يا طفلتي كده هيكون احسن .
حياه أخذته منه وبدأت تأكله وهي تقول : الله ده احلي من التاني .
كنان بضحك : عشان تعرفي أن ايديا فيها سحر ههههه.
حياه بمرح : واحلي سحر يا كنونه .
كنان : بقا كنان الشناوي اللي كل بيخاف منه تيجي انتي يا طفلتي تقوليله يا كنونه .
حياه بمرح : واحلي كنونه هاتلي طبق كمان ههههه .
كنان : بقا كده يا طفلتي بتقولي كنونه عشان عايزه كمان وطلب لها طبق اخر وهي تناولته بسعاده ومرح .
حياه : تعرف أن عمري ما اتصحبت ع حد ولا كان ليا اخوات ولاد ولا اي حد ولا خرجت غير مع بابا وماما وبس .
كنان بزعل عليها : وانا موجود ديما وقت ما تعوزيني اديني رنه هتلاقيني عندك انتي اختي اللي كان نفسي فيها .
حياه بمرح : طب انا كلت تعالي يلا فسحني هنا .
كنان : طفله والله العظيم طفله يلا يا طفلتي وتعالي يلا عشان عملك مفاجاه .
حياه بمرح : الله مفاجاه ايه هيا .
كنان : يلا يا طفلتي وهنعرف .
تمشوا سويا في شوارع القريه ثم ذهب إلي محل ورد واتي إليها بورود وثم ذهب إلي سوبر ماركت واتي إليها ببوكس شوكولاته .
كنان بمرح : طفلتي نفسها ف حاجه تانيه.
حياه بمرح : لا عفونا عنك اليوم يا سيدي هههههههههه
كنان وهو يتأمل ضحكتها : احلي طفله واحلي ضحكه يلا بينا عشان اتاخرنا .
حياه : حاضر يلا وذهبوا سويا .........

توقعاتكوا بنات
والتفاعل وحش جدااا
رواية عشق حياه
بقلمي المتواضع زوزه
عايزه تفاعل كتييير .
وكنت عايزه أخذ رايكم في حاجه ؟؟؟؟ ايه رايكم اعمل جروب لينا هنزل الروايه فيه قبل هنا وهيكون اللي عايز يدخل وينشر روايته فيه يدخل هيكون بنات بس ونكلم فيه علي ابطالنا ونزل صورهم وتنزلوا ريفيوهات عن كل بارت وتقوليلي رايكم إلى شايف الفكره حلوه يقولي .....

يُتبع ..

google-playkhamsatmostaqltradent