رواية عائلات راقيه بفسادها الحلقة الرابعة 4 بقلم أروى طاهر المسلاتي

 رواية عائلات راقيه بفسادها الحلقة الرابعة 4 بقلم أروى طاهر المسلاتي

رواية عائلات راقيه بفسادها الجزء الرابع 

رواية عائلات راقيه بفسادها البارت الرابع 

رواية عائلات راقيه بفسادها الحلقة الرابعة 4 بقلم أروى طاهر المسلاتي


رواية عائلات راقيه بفسادها الفصل الرابع

ماريا:داهشه والطين مغطي ملابسها وشوي من وجها ....اءء اء انت مني!!!!!
جاوبها صوت رجولي بي اسمه.....أرسولان
ومدلها يده
ماريا:بلعت ريقها بخوف ومسكت في يده وقامها
وقفت وهيا مركزه في شكله والهيئه يلي جاي بيها !
ملابسه يلي كانت ع الاسود والجاكيت الجيشي
والشنطه يلي طايحه ع الارض منضر يوحي انه المكان يلي كان فيه ابدا مكانت مكان عادي !
ارسولان:قام الشنطه ورجعها ع كتفه ....قولي لي خوك المره الجايه يربط الكلب كويس
ماريا:عقدت حواجبها....ارسولان؟
ولد عمي جلال صح؟
ارسولان:عطاها بضهر وهوا ماشي....ارجعي للحوش خير مايشوفك خوك بي المنضر هاذا وفي الساعه زي هاذي واقفه هنايا
وقتها رح يطلقه عليك الكلب ومحد يقدر يفكك منه
ماريا:قعد لسانها مربوط ساكته مش عارفه شنو ترد لين اختفى من قدامها

بدت تفكر كيف بترجع وهيا بي المنضر هاذا؟!!

_________________________________

طاحت ع الارض والدم تبعثر بطريقه فوضويه جنبها محكتش ولا كلمه ولا حتى اشتكت من قوة الخبطه !
قعمزت وهيا تمسح في الدم يلي نازل من خشمها
أمير:عاقد حواجبه وتعابير وجها جامده....باش مره تانيه تعرفي كيف تتكلمي وتحسبي كويس لي كلامك
هزت براسها وفمها منطقش بحرف!....كأنها راضيه ع الشي يلي يصير ❌
راضيه ع ضربها واهانتها!.....تفاجأت ان يلي ضربها قبل دقايق هوا نفسه يلي قامها
وقفها ع رجليها وشافلها بنضرات غريبه ....انسحب بعدها وغاب على عيونها
معش شفاته كانت فاهمه كويس انه يعاني من شي
بس متجرأتش حتى تفكر فيه بينها وبين نفسها!

______________________________________

هبه:الاجواء يلي في الحفله دمرتلها نفسيتها من الكلام الجارح يلي تسمع فيه وهما يحكو بشويه
خدت عبايتها لبستها ونسحبت بهدوء من بين المعازيم

طلعت وهيا قاعده تسكر في بطم عبايتها
لاقتها ريح قويه خربت كل الجهد يلي دراته عشان تستر نفسها !
عطت بضهرها لي الريح وكملت تسكير العبايه ❤️
لفت بتطلع جت عينها في عين امير كان واقف يدخن وواضح انه كان يراقب في المنضر من لما طلعت!❤️
امير:اشرلها بعيونها ....اهلين
هبه:ردت بي ابتسامه خفيفه....بيك
وبسرعه ما اختفت الابتسامه وحاولت تسرع خطواتها للحوش لكن وقفت لما سمعاته يحكي
امير:بكرا الساعه8ونص تكوني هنايا منبيش نتعطل
هبه:لفت بتعابير وجه مش فاهمه....نعم!!؟
امير:واضح ان بوك متفاهمش معاك
هبه:ع شنو ؟
امير:من بكرا بنبدا نوصل فيك مع ماريا
هبه:عقدت حواجبها وهيا مضايقه
امير:لوح الدخان وشاف لي ساعته...كأنك مروحه بكري ؟!
عندك ما ديري ولا الاجواء كانت فخمه هلبا عليك!
هبه:في الكلمه هاذي بدات فهمت ان امير نسخه من اخته ماريا !
مش هامه شي في الناس غير مستواهم المادي
ابتسمت ع جنب وردت عليه.....ولا شي من هاذم
بس مرواحتي بكري كانت بسببك
امير:قام حاجبه ....انا!
هبه:بسبب التصرف الغريب يلي درته قعدت مضايقه طول الوقت من كلامهم ونضراتهم ليا داخل
امير:حط يديه في جيوبه وشافلها بنضره جاده وترتها......شنو يلي درته؟
هبه:نضرته ليها خلتها تسكت معرفتش شن ترد
امير:اهاااا فهمت....اول مره نعرف ان التصرف بي لباقه مع بنت يعتبر غريب
هبه:ردت بدون ماتفكر .....اي يعتبر غريب لانك درته معاي
امير:شافلها بنضرة سخريه من فوق لتحت....رسمي غريب مع وحده زيك..انتي وين وانا وين بس يالله اسف لان حاولنا نقيمولك قدرك شويه قدام الناس
سيبها وخش للحوش مخليها واقفه وفي هلبا كلام مقدرتش تقوله
كانت تقصد بي كلمة تصرف غريب انه فعلا
غريب مع بنت اول مره يشوفها قدام الميئات من البنات
كسر قلبها اكتر ما هوا مكسور وحسسها هوا واخته ان الانسان بدون فلوس ميسواش شي وبدت الفكره هاذي تسيطر عليها ❌
_____________________________________

طق طق طق طق

حسنه:مرات رعد جايك
رؤى:ضحكت وهيا فاهمه امها كويس...وعلاش بيكون جاي مثلا
حسنه:ابتسمت....مرات يكون جاي يشوف امير وخطر ع باله يشوف البنت يلي خبطها بي السياره وكسرها ولا نسيتي انه طلع صاحب امير ؟
رؤى:ضحكت ع تفكير امها وع خيالها الواسع
حسنه:فتحت الباب وهيا تشوف لي رؤى وتبتسم ومجرد ما شافت مني يلي واقف ع الباب قلبها قريب وقف !❤️
بدون شعور حضناته ودموعها ينزلو كل شويه تباعد عليه وتركز لو كان ولدها او لا وترجع تحضنه وتشم ريحته ❤️💔

ارسولان؛بادلها الحضن وهوا حاس بنفس الشوق💔
رؤى:طالعه من غرفتها ونصدمت لما شافت خوها
ارسولان:بعد من على امه وحضن رؤى وهوا يشوف لي رجلها .....شن صاير ؟؟
رؤى:تمسح في دموع الفرخ وهيا مبتسمه....حادث خفيف
ارسولان:يمسح على الجروح يلي كانت في وجها ...ضربتك الف مره وطيحتك من على الدروج 3مرات لما كنا صغار وتوا حادث تافه يكسرك ؟
رؤى:طلعت ضحكه من قلبها ورجعت حضناته....الحمد الله ع السلامه ❤️

_________________________________

ليلى:قلتلها متكبريش الحفله انتي مش صغيره باش اديري اعياد ميلاد هكي لكن بنتي ونعرفها راسها مسكر
نوره:معليش ياسلفتي بنت زي باقي البنات فرحانه بي نفسها خليها براحتها
ليلى:خدت رشفه من القهوا
نوره:بملامح توتر....ليلى بنقولك
ليلى:اها؟
نوره:رعد
ليلى:رعد ولد ناجيه؟
نوره:اي من غيره
ليلى:خيره شن فيه؟
نوره:بنسألك اكيد تعرفي بحكم انه صاحب امير ولدك هلبا ويتردد عليكم
ليلى:قامت حاجبها مش فاهمه
نوره:يفكر في الزواج ولا لا؟
ليلى:قلبت عيونها بملل .....مستحيل تبطلي العاده البارده يلي فيك انتي وين ورعد المسكين وين
خليه في حاله يكفي يلي صايرله
نوره:عندك حق بس لامتى بيقعد هكي ؟وامه ناجيه نعرفها كويس مستحيل ترضى بي الوضع هاذا
اكيد بتبدا تزن فوق راسه
ليلى:سكتت وهيا تفكر
نوره:ولا حاطه عينك عليه لي بنتك ماريا؟
ليلى:كملت شرب فنجانها وهيا متجاهله سؤال سلفتها..

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

رقيه:واقفه على حوض الماعين ....تغسل وعقلها مسافر بعيد !
تفكيرها السطحي سيطر عليها مره ثانيه
المره الاولى لما خلاها تهرب من حوشها
من بين حضن امها وبوها وخوتها طامعه في حياة الحريه كيف ماتبي بدون قيود!
والمره الثانيه يلي هيا توا !....خلاها تلغي فكرة انها ترجع للحوش وركزت ع هلبا حاجات تانيه
لو تبعتها بتحط نفسها في مواقف غلط ومشاكل اكبر من راسها❌

غسلت الطواسي يلي فرقو بيهم العصير على المعازيم
طاح منها الكوب وانكسر لما سمعت الخبط ع الباب والمنضر يلي كانت فيه ماريا
قعدت واقفه في مكانها وهيا مصدومه
ماريا:افتححححي شن واقفه تتفرجي عليا
رقيه:قربت على باب المطبخ الخارجي وفتحاته
ماريا:مسكت المنديل يلي كان ع الطاوله وبدت تمسح ....شوفيلي الطريق بنركب غرفتي
رقيه:مستحيل امك ومرت عمك مقعمزين في الصاله
ماريا:افففف اركبي جيبيلي اي قفطان قصير عندي ومكياجي بسرررعه تلقيني في حمام المربوعه
رقيه:هزت راسها بمعنى تمام وركبت بسرعه ❤️

__________________________________

جلال:يالله ياسرك خلي الولد يتريح اكيد تاعب
حسنه:خليني في حالي مستاحشاته قريب نهبل عليه
جلال:ضحك بوجها البشوش❤️...سلم ولدي برا ارتاح امك هاذي لو تقعد معاها لصبح مش رح ترخيك
ارسولان:ابتسم وباس راس امك ...تصبحو ع خير
جلال:تلاقي الخير
حسنه:تلاقي الخير ياقلب امك❤️
ارسولان:سيبهم وخش للغرفه مسكر على نفسه الدار
رؤى:تصبحو ع خير
حسنه:تلاقي الخير بنتي❤️

حسنه:اضايقت وتبدلت ملامحها.....حاسه بي الولد فيه شي
جلال:كيف تبيه كويس ؟نص اصحابه توفو قدامه !
جاي من مكان الله يعلم قداش شايف حاجات بشعه فيه
خليه براحته متضغطيش عليه
حسنه:هزت راسها وملامح الحرن والخوف ع وجها
جلال:قرب بي خطواته البسيطه وحضنها ...مسح على شعراتها يلي كان مغطيهم الشيب ....ياحسنة الوجه احمدي ربي ان الولد روح الباقي يتعالج❤️
حسنه:ابتسمت وقلبها مرتاح❤️

كانت رؤى تراقب في المنضر من شق الباب
تمنت تلقى حب زي حب بوها لي امها ❤️
حب للمشيب مهما كبرو في السن يقعد ثابت مهما فاتو سنين ميتغيرش❤️

__________________________________

موده:خيرك بدلتي حوايجك؟
ماريا:القفطان الطويل يتعب قلت نغير نرتاح شوي
موده:جابت كرسي وقعمزت جنب ماريا ...
ماريا؛تتفرج ع الهدايا يلي وصلتها
البنت:باي ميمي نتلاقو بكرا الحفله كانت تجنن
ماريا:تصبحي ع خير ❤️....
موده:بتمشي بكرا المدرسه؟
ماريا:اكيد ...بنمشي نسمع شنو يحكو ع حفلتي ...ليش متباتيش عندي ؟
موده؛مستحيل بابا هالفتره هاذي كلها يتعصب ع ابسط شي
ماريا:تفتح في الهدايا ....براحتك
موده:الكلوطه يلي تسكن عندكم ادره الكبد من لما تشوفيها طوول تفهمي ان فيها عقده نفسيه
ماريا:هبه؟
موده:في غيرها ع اساس
ماريا:نبشرك بتبدا تمشي وتروح معانا كل يوم لان بوها بدي يخدم مع بابا ومعندهاش من يرفعها
موده:بضحكه.....تبصري صح!
ماريا:لاهيا في الهدايا...لا للاسف
موده:تكنطت وضربت الهديه يلي كانت ماسكتها ماريا.....نحكي معاااااك انا
ماريا:عصبت....اي بتبدا تمشي وتروح معاي انا وامير ريحيني عاد
موده:شن الكلام هاذا ماريا ديري حل مطلعينيش من عقلي
ماريا:شن تبيني ندير يعني ؟شنو في يدي انا
موده:شرين تالفونها....بابا وصل تصبحي
وطلعت وهيا تخبط
ماريا:كملت فتح الهدايا وهيا مش هامها

ماريا تقريبا رح تكون اسوء بطله تمر عليكم بين جميع الروايات 🔥💔
سيئه بكل المعنى صفاتها عقليتها وافكارها كلهم يقولو انها سيئه
مصلحجيه معندهاش صاحب ومستعده تبيع اي حد قدام مصلحتها!....بس شنو الشي يلي يخليها بطله في روايتنا مش مجرد شخصيه شريره؟!

____________________________________

الساعه3ونص في الليل:-

امير:زي العاده كان في نوم عميق...ضي الغرفه كلها مفتوح
التلفزيون مفتوح واللاب توب شغال
كل ليله يرقد بنفس الطريقه كأن النوم ينزل عليه فجآه
كانت فيه عيون تراقب فيه وهوا راقد
مش لي دقيه ولا اثنين ولا ساعه ولا ساعتين
كانت تراقب فيه لي وقت اطول بهلبااااا
مستحيل بني ادم طبيعي يراقب شخص بي الوقت هاذا كله !
بدون مايرمش بدون ما يتكلم !!

قطع صوت نفسها الرجفه يلي حستها لما سمعت حد وراها
اسلام:انتي شنو اديري هنايا؟
رقيه:انخطف لونها....مردتش واكتفت انها تشوفله بدون كلام!!
اسلام:نكلم فيك
رقيه:استجمع عقلها الموقف وردت....سمعت دوشه وصوت وشفت ضي جاي من عند غرفة خوك قلت نطمن
اسلام:اختفت نضرة الجديه من عيونه
حك عيونه وهوا نعسان وضحك....بري ارقدي وانتي زي الاله صبح وليل تخدمي
رقيه:ابتسمت....حاضر

كمل اسلام طريقه للمطبخ
مشافش النضره المرعبه من رقيه يلي مخليها وراه
كأنها مريضه نفسيه
كأن شر العالم كله اجتمع في عيونها !!

____________________________________

رؤى:ناضت زي العاده في الوقت المتأخر هاذا عشان تشوف بنتها متغطيه كويس او لا؟
في سريرها ولا طايحه ع الارض راقده
غطتها كويس ورجعت لي السرير حطت راسها ع المخده ومجرد ما سكرت عيونها سمعت صوت تالفونها
ناضت مفزوعه منو ممكن يبعتلها شي في ساعه متأخره هكي !
مسكت تالفونها وقرت المسج

فطور صباحي هديه مني تعبير ع اسفي بسبب اسلوبي الوسخ معاك ؟....رعد
رؤى:ابتسمت وهيا تكتب ....اول مره نشوف عزومه الساعه 3في الليل ...مسامح من غير فطور ❤️
ورجعت سكرت عيونها بتعب ورقدت

____________________________________

كانت المزرعه هاديه 3حياش جنب بعض يلي فيهم كلهم راقدين ❤️

ماريا راقده وبالها مرتاح ...اكبر المشاكل يلي تواجه فيها في حياتها لما تحتار اي ساعه تلبس ؟

هبه تعبت من البكي والمواقف يلي تعرضتلها واستسلمت لي النوم اخيرا !

امير زي اي شاب مدلل ومرتاح بي فلوس عيلته راقد متريح ميفكر في شي لان طبيعي كل شي متوفر عنده

عيون رقيه تعبو من المراقبه واستسلمت لي النوم

حسنه وجلال اطمنو ع ولدهم وفرحو بي رجعته والشي هاذا يكفي يخليهم يرقدو احلا نومه

بس بين الهدوء هاذا كله كان في شخص يصارع💔
فتح عيونه في الوقت المتأخر هاذا والكوابيس في كل مكان حواليه
وقت نوم وهدوء بنسبه لي الناس بس كان وقت انهيار ليه هوا
لازم يتعب جسمه قد مايقدر عشان يطيح ع السرير ويرحمه النوم ويجيه حتى5دقايق
كان ارسولان .......
يصارع في الف قصه داخله!

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

ثاني يوم الساعه8:00:-
احلام:هبه خديتي فلوس؟هبه
هبه:خدت شنطتها وطلعت وقربعت الباب بدون ما ترد
محمد:خيرها.؟
احلام:وقاعد تسأل؟؟شن تخسر لو انت وصلتها بنتك علاش تبعت فيها مع واحد متعرفاش ومتبيش تركب معاه؟
محمد:انا نعرفه ....ومش ديمه قاعد باش نوصلها خليها تتعود تمشي معاهم يكون احسن توصل في الموعد وتروح في الموعد
ولا تبو الحج وتبو السلامه انتم ....وناض وهوا متكنطي
احلام:لوحت الكاشيك من يدها وهيا متنرفزه !

طلعت هبه وهيا تشوف لي الساعه
كانت الساعه8 ودقيقه ...يعني مزال هلبا على 8ونص
مقدرتش اطق على باب حوش احسان يلي هوا اب امير وماريا
ومتبيش ترجع لي حوشها لانها مكانتش طايقه تقعد فيه دقيقه💔
قعمزت على كرسي موجود برا وطلعت كتابها تراجع فيه

__________________________________

ناجيه:فتحت باب الدار وهيا تتفحص في الغرفه بعيونها وزي ما توقعت ولدها مكانش موجود!
سكرت الباب واتجهت لي الطابق الفوقي ...فتحت غرفة النوم وشافاته واقف في البلاكونا زي كل صبح

ناجيه:رعد
رعد:تلفت لي امه وبدون ما يحكي سيبها ونزل
نزلت وراه وهيا تنادي ....لما نكلمك توقف وترد عليااااا
رعد:تلفتلها بدون ما يتكلم
ناجيه:لوحت على وجها سوريته وطلعت منديل ابيض ملبز بي شوية دم .....هاذا شنو ؟
رعد:شنو؟
ناجيه:متركبليش الضغططط....هاذا كان في جيب سوريتك من وين جي ؟
رعد:لبس جاكيته وطلع بدون ما يحكي
نادت امه الالف المرات بس بدون فايده!

____________________________________

طلع امير وهوا يرتب في شعره وحاس انه متأخر
شاف هبه مقعمزه ع الكرسي تراجي .....شاطره على الموعد بزبط!
هبه:صباح الخير
امير:صباح النور ....وفتح السياره
هبه:ركبت من الخلف ونزلت عيونها في كتابها
امير:ولع دخانه وعدل المرايه بحجة يبي يساوي شعره بس كان غرضه شي تاني
ماريا:فتحت باب السياره وكانت بتركب بس يلي منعها كانت نضرات ارسولان يلي واقف يشوفلها من بعيد
كانت نضراته بنسبه ليها تخوف!
امير:معطله؟
ماريا:بلعت ريقها وركبت.....صباح الخير
هبه:بدون ما تقيم عيونها....صباح النور
دور امير السياره وفي اللحضات هاذي ماريا مركزه على ارسولان يلي طلع من حوشهم ويعلم ربي وين ماشي!!

اما امير كل دقيقه يشوف للمرايا
وواضح ان هبه طول الليل تبكي والشي هاذا باين من عيونها💔
كانت متكيه راسها ع الكرسي وسارحه في الروشن
لين وصلو وهيا بي الوضعيه هاذي!

___________________________________

احسان:صباح الخير
ليلى:صباح النور
احسان:يقرا في الجريده وياكل ....خيره وجهك تاعب؟
ليلى:رجعت فنجان القهوا قبل ميوصل فمها وحكت بصوت يرجف.....حاجات غريبه تصير معاي يا احسان
احسان:قاطعها......اوووووه علينا عاد خلاص
نفس القصه نفس الوهم عايشه فيه
صبح يافتاح...وناض وسيبها
ليلى:سكتت لانها تعودت على ردود الفعل هاذي !
حست ان صح ممكن هيا تتوهم
لكن كان قلبها متأكد من الحاجات يلي تسمع وتشوف فيها 💔....سيبت الطاوله ووقفت ع الروشن عشان تشم هواء نضيف

شافت جلال طالع وهوا ساند بنته رؤى وراكبين في سيارة رعد
ضحكت ع جنب وسكرت الستار

_______________________________________

الحصه الثالثه:-

الابله:تصحح في الورق....كيف كانت حفلة ميلادك ياماريا
ماريا:بفخر....اسألي البنات
موده:تجنن زي العاده يا ابله
ارتفعت صوت الدوشه وكل واحد بدي يحكي في رائيه
الابله:خلاص انتي وياها انتبهو اخر مره بنشرح الباب ...
موده:تلفتت لي هبه....شن كان شعورك لما ركبتي مع امير اليوم؟
كلهم لاحضوك لي اول مره ....حسيتي روحك شي كبير ولا!؟
جنان:شن رايك تشبحي القدام وتلهي في الدرس احسن ما انوض وتخليهم كلهم يلاحضوك وانتي طايحه ع الارض ودمك يبخ؟!
موده:قلبت عيونها وشافت قدام .....
هبه:شافت لي جنان وابتسمت
جنان:قامت حواجبها ونزلتهم!!
الابله:وهاذم بس الصفحات يلي داخلين للمره الالف نقوللكم شهاده ديرو بالكم كويس
تقدرو تطلعو الجرس 5دقايق ويرن ....كملت الابله تصليح الاوراق وخدت حاجاتها وطلعت
وبدي الفصل يفضى شوي شوي

هبه:تنزلي معاي استراحه!؟
جنان:منحبش ننزل
هبه:ولا انا ....وربعت يديها
جنان:حطت رجليها فوق المقعد ....نقدر نفهم علاش انتي دلدوله وخرا هكي !
هبه:نصدمت....نعم!
جنان:تهزب فيك ع الطالعه والنازله ومدايراتك مضحكه في الفصل وانتي عندك عادي!
هبه:منبيش المشاكل وضعي في الحوش ميتحملش ولا اي مشكله
جنان:وقفت نحت الجاكيت الواااااسع يلي كنت لابساته
وهبه نصدمت وهيا تشوفلها
كانت جنان جسمها يجنن❤️كأنها تخفي في جمالها بي حوايج اخي !
حوايج مش مقاسها ومتعمده اطلع شكلها هكي
حست هبه ان في لغز كبير ورا جنان بس شنو هوا مش معروف !؟

_________________________________

في منطقه تانيه وعيله تانيه بعيده على القصص هاذي كلها كان في عرس ❤️
حوسة غدي كبيررررره❤️
صغار يلعبو وسفر غدي بازين ماشيه جايه
ولاد يعولو والضحك واصل لاخر الشارع❤️
منضومه مفتوحه ع قوتها

بس في نص العرس صارت عيطه هزت الكل !💔

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

جلال:الله يبارك فيك ياولدي
رعد:ابتسم....واجبي اهم شي تكون بخير
رؤى:نزلت من السياره مع بوها وابتسمت لي رعد
خشو الاثنين للحوش ورعد كمل طريقه

حسنه:ها شن صار؟
جلال؛قال الدكتور الامور كلها تمام متخافوش
حسنه:الحمد الله كويس
جلال:ارسولان وين؟
حسنه:جاه ولد وطلعو قال عنده عرس صاحبه
رؤى:بنتي وين؟
حسنه:راقده
رؤى:قعمزت جنب امها يلي كانت حاطه العاله وتفاجأة بي مسج يوصلها من رعد

(في حد في حياتك!؟)

_______________________________

هبه:وقفت ع مراية الحمام تساوي في وشاحها
شافت وجه ع المرايا وتلفتت ....نعم
ماريا:حسام ولد المدير
هبه:خيره؟
ماريا:علاش واقفه معاه؟
هبه:سألني بنت منو وجاوبته وبس ...عطتها بضهر
ماريا:لفتها بقوه من يدها ....لما نكلمك ردي علياااا
هبه:ردددديت فوتي جد اصلي معش تدوي معاي ولا تجي في طريقي خليك في طريقك وحده مريضه
ماريا:لما نكلمك احترميني غصب ع يلي جابوك
هبه:دفتها .....طز فيك وفي الاحترام يلي نطلبي فيه
ماريا:ضربت هبه كف ودفتها !
زلقت رجل هبه وطاحت ع الارض
مكانش في اي حل قدام ماريا غير انها تهرب بعد ما شافت اللون الاحمر يلي غطا المكان!....يتبع

لقراءة الفصل التالي : اضغط هنا 
google-playkhamsatmostaqltradent