رواية اسم مستعار الفصل الثالث 3 بقلم اسماء أشرف

 رواية اسم مستعار الفصل الثالث 3 بقلم اسماء أشرف

رواية اسم مستعار الجزء الثالث

رواية اسم مستعار البارت الثالث

رواية اسم مستعار الفصل الثالث 3 بقلم اسماء أشرف


رواية اسم مستعار الحلقة الثالثة


#اسم_مُستعار 3
ايناس:ماسكه ايه في حظنها...حبيبتي يا ماما انتي..وراقت الدروج..ولحقها انيس وحط يده ع كتاف ايناس ويده لاخر ع وجهه ايه..وسيبو سميرن لوط تبكي ع الارض💔
ايناس:شوف حبيبي كيف راقده
انيس:اي مشالله تهبل
سميره:قعدت ع الارض بحيل مهدود وهي تبكي..💔💔كان المفروض مانوفقش..اي اي كان المفروض نرافض ونراقد في شارع ولا اني نبيع قطعه من قلبي💔حطت يدها ع وذنها..كانت تسمع فيهم وهم يضحكو ويلعبو معها..مش حاسين بالنار يلي في قلبي🔥
ربيعه:نزالت ع الارض...خلاص سميره نوضي..اكيد مُحسن يبكي فوق
سميره:بصوت مغصوص...خضوها مني..وكاني ماحملتش فيها..كاني ماجبتش بنت واسمها ايه😭
ربيعه:قالتها لك من قبل ونقولها لك توه..انتي ع الاقل ح تكون معك وتحت عيونك غيرك مايقدرش💔بعدين انتي درتي هذا كله عشانها وعشان خوها..والام تقدر ادير اي شي عشان خاطر صغارها..هي توه نوضي معي نمشو فوق
سميره:صبات بالغصب لان مش حاسه بجسمها..طلعت مع ربيعه..وكل درجه تطلعها تحس قلبها يبي يطلع من مكانه💔
______________________________
ايناس:طلعت من الحمام وهي ماسكه ايه بعد مادرتلها دوش ساخن...حطتها ع السرير وبدات تلابسلها في دبشها...حليلي انا من الايدين الصغيرونات🥺تثاوبي ياماما تبي تراقدي..هي حبيبتي نراقدك..وخضتها في حظنها..وراقدتها...وانيس الوقت هذا كله وهو يشوفلها كيف فرحانه..والشي هذا كان اهم شي عنده..حتى ولو ع حساب ناس ثانيه💔
____________________
ربيعه:خلاص اهدي مش كويس الزعل عليك ماتنسيش انك تراضعي
سميره:نار في قلبي نار🔥😭
ربيعه:معلش..مدتلها سحلب..هكي اشربي حاجه ادفيك في صقعه
سميره:ماخطريش في شي
ربيعه:لالا هي اشربي مانبيش اعتراض...وقربت الكابيه من فمها
سميره:خذات الكابيه وشرابت شوي وعطت الكابيه الربيعه
ربيعه:يلا خوذي ولدك في حظنك وارقدي..واحمدي ربك ع كل شي
سميره:بدوخه..الحمدلله ع كل شي...شوي شوي حست روحها تبي تراقد وجسمها متخدر..نزالت وحطت راسها ع المخده..وخشت في نوم عميق
ربيعه:تنهدت...باهي يلي شربت شوي من سحلب كان هذا ره المنوم يلي حطيته له عدا ع الفاضي...شافتلها..حرام امس واليوم بكت واجد..ضحكت بوجع...ماتعرفش ان يلي هي فيها نعمه💔...خضت كابية السحلب وطفت الضي وطلعت
____________________________
ثاني يوم صباح⛅️

ايناس:ماشي لشركه توه
انيس:اي
ايناس:مزال بدري
انيس:عندي شغل واجد اليوم..مانقدرش..بس انا نبيك منك انك تخشي ترقدي توه
ايناس:ليش!
انيس:لان طول الليل وانتي تشوفي الايه و واعيه مارقديش في صباح يمكن صح
ايناس:ضحكت بهدوء...اي مزالت مش مصدقه ان واخيراً عندي طفل
انيس:ندير اي شي عشان نشوفك فرحانه زي توه..يلا سلام توه تاخرت
ايناس:مع سلامه
ربيعه:صباح الخير
ايناس:صباح النور...شنو غريبه اليوم واعيه بدري
ربيعه:ماجنيش نوم قالت نوض انظف المخزن
ايناس:ربي يعون..سميره راقد
ربيعه:اي راقده مزالت
ايناس:تمام خليها براحتها واول ماتنوض خليها تجيني نبيها
ربيعه:تمام
                     أسمـــاء أشـــــرف❤️🔥
         روايـــات أســــــــماء أشـــــــــرف

سميره:ناضت ساعه12 ظهر..استغربت الصراحه لاني اول مره انوض في الوقت هذا...بس قالت يمكن عشان تعبانه وجسمي محتاجه راحه...ناضت نبي نغير المحسن لقيته دبشه متغير و واضعه تمام
ربيعه:خشت..ياصباح الخير
سميره:انو صباح بالله عليك..ظهر توه
ربيعه:ضحكت...كله من مفعول المنوم يلي عطيته لك امس في سحلب
سميره:منوم!
ربيعه:اي منوم..امس لما حسيتك مستحيل تراقدي من تفكيرك حطيتلك منوم في سحلب
سميره:تنهدت...خير مادراتي
ربيعه:هي صبي خشي الحمام..عشان تفطري
ربيعه:محسن من غيرله انتي
ربيعه:اي انا غيرتله واموره تمام
سميره:شكرا..وناضت للحمام...ادوشات ع السريعه..وطلعت
ربيعه:نعيمن
سميره:ينعم عليك ربي
ربيعه:هي تنزلي معي لان حتى مدام ايناس تبيك
سميره:كنها ايش تبي مني اخر..مش سدا ماخذات مني💔
ربيعه:تعالي معي وتوه تعرفي ايش تبي منك
سميره:طلعت من الدار بدون ماترد عليها
__________________________
ايناس:تنهدت...ح تكوني المربيه بتعتها..وقريبه منها..صح ايه تمت ع اسم انيس..بس يلي حملت فيها9شهور هي انتي..انا قتلك من قبل اني مستحيل نحرمك من بنتك
سميره:تبكي..مش عارفه ايش نقولك..غير ان كلامك رد في الروح من جديد😭
ايناس:مسكت يدها..انا حاسه بيك...صح ماعنديش صغار بس عارفه احساس الامومه بكل معنايها
سميره:ربي يرزقك ان شالله
ايناس:ضحكت..انشالله...بس حتى ولو رزقني ايه حتكون ع اسم انيس..لاني تعلقت بيها...وانتي حتكوني موجوده جنبها
سميره:هزات راسها بي معنى باه..لان الاهم عندها انها تكون جانب بنتها❤️
_______________________________
#تسريع_في_الاحداث
مرو 3 شهور ع ابطال روايتنا وتغيران احداث واجد وصارن احداث جديده🔥

في خلال ال3شهور هذين ايناس حملت..اي حملت بي بنت..ربي رزقها بعد 6سنين..فرحتها مش معطيتها لاحد..بس الشي الوحيد يلي حست بيه ان ايه هي وجه الخير عليها❤️

انيس طبعاً  كلم هلها برا وقاللهم ع ايه..وبعدها بي فتره..كالمهم وقاللهم ع حمل ايناس..وطبعاً هم ماعطوش فرحتهم لاحد..اما انيس..وزاع ع الناس المحتاجه لحم لمدة شهر..❤️

اما سميره كانت جديات فرحانه لايناس..لانها برغم حتى من حملها كانت تقعد وتلعب مع ايه..وماتغيرتش عليها..مع ان معظم الوقت ايه مع سميره..لكن ايناس كانت تحب تشوفها وتلعبها لان ايه بي اختصار هي سبب السعاده يلي فيها هي توه❤️اما سميره كان اهم شي عندها ايه
                     أسمـــاء أشـــــرف❤️🔥
         روايـــات أســــــــماء أشـــــــــرف

في ال2012
ايه عمرها 20 سنه تقرا مختبرات طبيه..بنت دمها خفيف وفرفوشه وماتحبش النكد😂🤦🏻‍♀️واهم شي عندها الماكله..وصحبتها امال..جمالها حلو..سمر وشعرها اسود وعيونها عسليات ورموشها طول🥺
.
.
.
.
.
المُنبه:تررر ترررر تررر
ايه:حطت يدها بكسل ع المُنبه وطفته..وردات راقدت..شوي وران تلفونها...شافتله..اوووف...الو
امال:يافرخه لي ساعه نراجى فيك قدام الكافتيريا..وانتي مزالتي في سريرك صح
ايه:تقلبت في سرير...اي مزالت
امال:باهي يا فرخه انا ح نخش للمحاضره وانتي خليك راقده..بس ماتنسيش ان اول محاضره اليوم هي بتعت دكتور كريم
ايه:ناصت مخلوعه...يييي نسيت..صكري صكري..خليني نصبي نلابس..وصكرت...وككك علي كيف نسيت..وصبات خشت الحمام تاخذ في دوش
__________________________
ايناس: يابنتي اقعدي كاملي فطورك
حلا:خلاص ماما خليني نمشي مدرستي
طاهر:(خوها)..لا فالحه..لو كانتي جبتي درجه كويسه في3ثانويه..ماكنتيش عاتيها من جديده
حلا:ماما قوليله😤
انيس:طاهر خلاص اسكت
طاهر:ناض..انا ماشي مدرستي..خليك انتي هنا
حلا:احكي معي بي ادب..ماتنسش اني اكبر منك بي سنتين
طاهر:لو حكيت معك احتمال تفوتني الحصه الاول..سلام..وطلع
حلا:بابا لعند امتى وهو يذكر في بسنه السوده يلي سقطت فيها😭
ايه:نزالت من دروج..ومسكت حلا من يدها...قوليلي بس من مزعلك وانا نمشي نضربه لك
حلا:طاهر يا ويه
ايه:ضحكت...لا طاهر الحق مانقدرش عليه😂
حلا:باهي هي نبي نمشي المدرستي😒
ايه:خذات خياره..يلا سلام ماما..ونزالت باستها
ايناس:سلام خلي بالك من روحك
ايه:في عيوني روحي😂..يلا...وطلعت هي وحلا
انيس:هبله البنت هذي امتى تعقل بس
ايناس:ضحكت بهدوء...هي يلي مدايره جو في الحوش❤️
______________________________
ايه:واقفت السياره عند الباب الفيل..ماما سميره
سميره:شافتلها من بعيد بي حب...نعم بنتي
ايه:نزالت من سياره..وقربت منها حظنتها...مش متعوده نمشي الاي مكان من دون حظنك ولا من دون شوفتك❤️
سميره:ربي معك ويوفقك يارب
ايه:بعدت..ان شالله..شنو مُحسن طلع
سميره:اي من بدري..ربي معكم انتو الاثنين
ايه:لو تشوفي شنو يقولو علينا في جامعه😂
سميره:انخلعت..شنو يقولو
ايه:كلهم يقولو ان نحن زي تؤام من كثر مانشبوهُ البعضنا
سميره:اي صح😅
ايه:يلا خليني نمشي لان امال من بدري وهي تران
سميره:مع سلام
ايه:مشت راكبت في سياره..نزالت حلا في مدرستها...واتجهته لجامعه
                     أسمـــاء أشـــــرف❤️🔥
         روايـــات أســــــــماء أشـــــــــرف

طبعاً طاهر عمره 17 سنه يقرا 2 ثانويه..جابته ايناس بعد حلا بي سنتين..واما حلا عمرها19 سنه والمفروض السنه هذي اول سنه لها في جامعه..لكن عشان سقطت في 3 ثانويه عدات السنه من جديد🤦🏻‍♀️
.
.
.
.
.
.
نزالت ايه من سياره وهي تجري وتداعي ان الدكتور يخششها
محسن:شافها جايه من بعيد..نوم ك العاده
ايه:ضحكت..هو في احلى من نوم...شنو الدكتور جو
محسن:اي..بس مزال مابدا شرح..هي خشي
ايه:خذات نفس..وخشت
محسن:خش..صباح الخير دكتور
دكتور:صباح الخير...وشاف الايه..هزا راسه..واتجه لطاوله
ايه:قعدات ع الكرسي...خذات نفس براحه وبصوت واطي ..الحمدلله مش ح ناخذ طارد المره😂
محسن:احمدي ربك😂
ايه:شافت لسقف..الحمدلله
______________________________
انيس:ماتنيسش ان هلي اليوم جايين...قولي الايه مش تجي من جامعه وتراقد للعشا..
ايناس:باهي خلاص..توه نقول لسميره تنوضها بدري اليوم
انيس:تمام..وقوليلها تصرف بي عقلني شوي..مش تصرفات الصغار يلي ادير فيهن..كل مره محشمتني مع حد
ايناس:ولله في هذا مانقدرش الحق..لان انا بروحي مانحبش نشوفها الا وهي ادير في حركات الصغار لاني تعودت عليها هكي😂
انيس:هذا الي نقصني انا🤦🏻‍♀️
ايناس:😂😂
________________________
ربيعه:لك عشرين سنه ومزالتي ماخذيتي ع الواضع
سميره:تبكي...لو تشوفي وهي تفولي مانقدرش نمشي لمكان بدون ما نحضنك..الكلمه خشت القلبي من جو💔
ربيعه:احمدي ربك يا سميره..شوفي ايش يلي صارلي انا
سميره:مسحت دموعها...اي الحمدلله..وحطت يدها ع يد ربيعه..ربي يصبرك
ربيعه:💔انشالله...هي خليني نصبي نجاهز لعزومة اليوم
سميره:خليني نصبي نعونك❤️
_______________________
ايه:وراس امال تعالي اليوم معي
امال:يا فرخه انا تميت كل يوم عندكم..هلك ايش يقولو علي🤦🏻‍♀️
ايه:ح يقولو صحبت ايه ايش ح يقولو يعني🙄
امال:ضربت ايه ع كتافها..حماره
ايه:حماره حماره...المهم تجي معي اليوم...مانبيش نقعد مع العجوزه الشمطاء بروحي..خايفه ندير شي حركه هبله
امال:لا اكيد ح دايري..تنهدت...امري لله
ايه:بفرحه...هيييييي...هي نمشو ناخذو الفرخه حلا ونتغداو برا ونروحو نراقدو ونواعو نلابسو
امال:🤦🏻‍♀️🤦🏻‍♀️اهم شي عندك الماكله والنوم
ايه:هو في احلى من النوم والماكله🤤
___________________________
ساعه 5 في العشيه
ايناس:سميره بالله عليك عدي واعيي ايه والبنات..نعيمه(ام انيس)قريب اتجي ولو جات ولقتهن مش قدامها اكيد ح يصير جو مش تمام
سميره:تمام باه...وطلعت
سميره:فتحت باب دار...ايه حلا امال هي نوضن..وفجأ
ايه:ماما سميره...تعالي شوفي
سميره:قربت منها وهي الدموع في عيونها...شنو الجمال هذا يابنت😭❤️
حلا:بغضب..وانا
سميره:شافتلها..حتى انتي تهبلي..وانتي يا امال مشالله عليك...المهم هي انزالو لان اكيد حنكم قدام باب الفيلا
ايه:هذات نفس...ربي يستر...هي...يتبع

يُتبع ..

google-playkhamsatmostaqltradent