رواية احببت ذات النقاب الفصل الثالث 3 بقلم سيمو اشرف

 رواية احببت ذات النقاب الفصل الثالث 3 بقلم سيمو اشرف

رواية احببت ذات النقاب الجزء الثالث

رواية احببت ذات النقاب البارت الثالث

رواية احببت ذات النقاب الفصل الثالث 3 بقلم سيمو اشرف


رواية احببت ذات النقاب الحلقة الثالثة


خرجت رؤي من المكتب وهي متعصبه جدا وبتضرب اخماس ف اسداس وبتنفخ تحسها تنين بيتحول 😅 وهي ماشيه خبطت ف واحده من غير ما تاخد بالها..
رؤي: اوبس اسفه والله مش..... اي دا ما طلع في بنات محترمه هنا اهو ولبسها محترم امال اي حفلة الرقص ال شفتها وانا داخله دي ♥️

البنت: هتفضلي سرحانه كدا كتير
رؤي: اسفه والله انا بس استغربت ان في حد محترم هنا كدا ولبسه كويس

البنت ضحكت وقالتلها: طب انتى مين لسا جديده ولا اي
رؤي بغيظ: يييي متفكرنيش انسان غتت ورزل
البنت ضحكت بصوت عالي وقالتلها: دا انتي شكل موالك موال تعالي شكلنا هنبقي صحاب.... نسيت اسالك هتشتغلي اي

رؤي: السكرتيره الشخصيه للبني ادم ال جوا دا
البنت: انتي بترمي دبش كدا علي طول مفيش كنترول خالص 😂 تعالي تعالي هوريكي مكتبك
واخدتها ورتها المكتب ال كان جمب مكتب سليم بالظبط وليه باب بيفتح علي مكتبه

رؤي وقفت تبص باعجاب وتحسس علي كل حاجه : الله ماشاء الله المكتب دا هيبقي بتاعي لا لا انا كدا هتغر بقا ومحدش يكلمني تاني
البنت ابتسمت: اي يبنتي حيلك حيلك دا مكتب عادي
رؤي بانبهار: كل دا وعادي امال لو مش عادى

البنت: طب اقعدي يبنتي ربنا يتولاكي اقعدي يا حبيبتي انتي شكل مخك طار خالص...
رؤي: قعدت اهو دا شكل ايامنا عنب وبطيخ وحاجات قمر
البنت: اه ورمان وخوخ كمان دا انتى شكلك مشكله قوليلي بقا
رؤي: ها

البنت: انتي اسمك اي
رؤي: اسمي رؤي عبدالله وانتي 🌚🧚🏻‍♀️
البنت: اسمي خديچه الانصاري وكلو بيقولي ديچا بس
رؤي: اسمك قمر اوي يا ديچا يا انصا... ايييه بتقولي اسمك اي 😱😱

ديچا ضحكت بكل صوتها: ايوااا هو داا
رؤي: انا شكلي هتكرش برا انهاردا يعني انتي تبقي اخت الكائن البارد المتلج الساقع ال فيه كل العبر دا مكنش يومك يا رؤي مكنش يومك يختي 😂😂

ديچا: بطناااااي حرام عليكي 😂😂 حتي بعد ما عرفتي ان اخته مفيش كنترول خالص بس لا يستي متخافيش مش هتطردي ولا حاجه انا متعوده علي كدا اصل سليم اخويا واخد كورسات ف التعامل مع البنات 😂
رؤي: لا وشطور اووي ما شاء الله عليه ربنا يحميه 🌚🧚🏻‍♀️

ديچا بضحك: ااه اووي 😂 بصي لو معندكيش مانع عاوزه نبقي صحاب ممكن
رؤي: وتروحي تفتني عليا لابو الهول صح
ديچا: كفايه ضحك حرام عليكي بطني وجعتني 😂😂 لا مش هفتن لابو الهول لا بس عاوزه يبقي عندي صحاب قمر زيك كدا
رؤي: وانا موافقه جدا هتنضمي للحزب بتاعي

ديچا باستغراب: حزب اي دا 🤨
رؤي: حزب التفاهه 😈 انا والبت ندا فيه هيعجبك اوي ومدت ايدها عشان تسلم عليها
رؤي: نورتي حزب التفاهه 🤝😈
ديچا: منور برؤي وندا 😂

صحيح هو انتي لابسه كدا علي طول اصل لبسك حلو اوي
رؤي باستغراب: انتي شيفاه حلو 🤨 ربنا ينصفك يا شيخه ويجبر بخاطرك ويعطيكي ما يحرمك ويسترك دنيا واخره ويبا... 😎

ديچا: خلاص يا حاجه ماسوره واتفتحت انتي هتشحتي 😅 اه والله نفسي ابقي زيك بس سليم مش راضي بيقولي خنقه وافق علي لبسي دا بالعافيه واصلا مش عاجبني لبس الناس ال هنا دول تحسيهم جايين فرح شيماء

رؤي: شيماء مين
ديچا : لا متاخديش ف بالك المهم ادعيلي كتير ربنا يحنن قلبه عليا ويوافق البس خمار حتي
رؤي باعجاب: هدعيلك والله وانتي كمان ادعي ربنا علي طول وهو هيستجيب ان شاء الله

ديچا ": يااااارب انا هقوم اشوف شغلي ولينا لقاء تاني مع الحزب بقا ان شاء الله 😈🙃 سلام
رؤي: سلام... اخيييرا هيبقي ليا حد هناا والنبي البت عسل والنبي اي قولي لا اله الا الله يلا بقا علي الشغل عشان ابو الهول دا ميزعقش من اول يوم كدا

واندمجت ف الشغل بتاعها ال كان بسيط جدا كلو عباره عن ترجمه ومؤهلاتها ساعدتها عشان اللغات ال معاها وخلصت اليوم وروحت واعجاب سليم بشغلها كان فوق الخيال بس برضو مصمم يعرف اي تصميمها علي النقاب دا وكان مضايق جدا انو مشافش شكلها عامل ازاي
اليوم خلص وكل واحد روح بيته

اول ما دخلت البيت قالت دعاء الوصول للمنزل وسمت وجت تفتح لقت الباب بيتفتح اتخضت🌚🧚🏻‍♀️
رؤي: بسم الله الرحمن الرحيم منك لله قلبي وقع ف رجلي
عمر اخوها بضحك: لازم داين تدان ال بتعمليه ف ماما بطلعه عليكي ومسك خدودها زي الاطفال اعيش واخضك يا رؤيتي
اخدته بالحضن: وحشتني خااالص جدا اوي يعني

عمر: كل دا 😂 وانتي اكتر يا اوزعتي
رؤي خرجت من حضنه: انا مش اوزعه انت ال طويل
طبعا عمر كان اطول من رؤي بكتير هي طولها معقول بس هو طويل جدا مسمينو برج ايڤل 😂
دخلو جوا وسلمت علي باباها ودخلت سلمت علي مامتها وبعدين دخلت اوضتها وخلعت هدومها واتوضت وصلت العصر ال فاتها وخلصت لقت اخوها داخل عندها

عمر: وحشتيني يا قرده
رؤي: قلب القرده والله اي الدنيا
عمر: الحمدلله ماشيه...في حوار كدا عاوزك فيه
رؤي: خير قلقتني

عمر: لما كنت هنا المره ال فاتت شفت بنت قمر كدا خطفتني من اول مره معجب بيها جدا بس
رؤي بصفير: والله وشفت اليوم ال وقعت فيه يا عمر
عمر: بس يا زفته انتي وطي صوتك
رؤي: اهوو 🤐 بس هي مين واسمها اي

عمر: لا منا معرفش عنها اي حاجه ولا اسمها حتي
رؤي مسكت المخده وحدفتها فيه: قوم اطلع برا يا عمر عشان مزعلكش
عمر بضحك : اااااااه يا مفتريه اشوف فيكي اليوم ال تقعي فيه وقعتي قادر يا كريم
رؤي ضحكت عليه وقالت عبيط بس بحبه

تفتكرو مين البنت ال عمر اعجب بيها وسليم هيعمل اي مع رؤي🧐🤓

يُتبع ..

google-playkhamsatmostaqltradent