رواية عشق حياة الفصل الثالث 3 بقلم زوزه

 رواية عشق حياة الفصل الثالث 3 بقلم زوزه

رواية عشق حياة الجزء الثالث

رواية عشق حياة البارت الثالث

رواية عشق حياة الفصل الثالث 3 بقلم زوزه


رواية عشق حياة الحلقة الثالثة


رواية عشق حياة
بقلمي المتواضع زوزه

الفصل الثالث

في منزل محمد الصافي

عادت حياه الي البيت ولم تجد أحد فاختها عهد في الكليه ووالدها يعمل في الشركه .
حياه لنفسها : هقوم انضف البيت واجهز الغدا علي ما يجي بابا وعهد . وقامت بالفعل عملت غدا فهي ماهره جدا في عمل الطعام وبعد ذلك نظفت البيت وجلست تقرأ في روايه علي ما اختها ووالدها ياتوا .
~~~~~~~~~~~~~~~~~~~~~~~~
في المستشفي الحكومي
في مكتب كنان الشناوي

كنان بغضب لنفسه : مستحيل اسامحها انا كرهتها ع قد ما حبتها كلهم ماينفعش معاهم حاجه اهم حاجه عندهم المظهر واللبس والشكل والخروجات والفلوس مفكراني عشان بحبها هخسر قيمي اللي اتربيت عليها وهكون زيها وبعد اللي انا شوفته مستحيل ارجعلها .
~~~~~~~~~~~~~~~~~~~~~~~
في قصر الشناوي
في غرفه تالا

كانت تالا تجلس وتبكي فهي تحب كنان جدا وبعد مده من الوقت سمعت طرق علي الباب فاعتدلت ومسحت دموعها وقالت ادخل .
خالد الشناوي : مالك يا تالا يا بنتي انتي عارفه انا قد ايه بحبك ايه اللي حصل بينك انتي وكنان .
تالا : شايف كنان يا جدو بقا بيعاملني ازاي بعد ما كان يتمني مني اني اجي هنا وميسبنيش لحظة .
خالد الشناوي : اكيد في حاجه حصلت منك يا تالا .
تالا بتوتر : ها محصلش حاجه ياجدو هو من نفسه كده .
خالد الشناوي بهدوء : اكيد حصل حاجه وكنان ميعملش كده غير بسبب قوووي .
تالا بغموض : يا جدو حاول معاه وخلينا نتخطب بقا مش انت قايل من واحنا صغيرين أن تالا لكنان ومايا لعدي نفذ بقا كلامك عشان خاطري يا جدو .
خالد الشناوي بغموض : هشوف هشوف يا تالا اللي في الخير ربنا يقدمه .
تالا بغموض : نفذ كلامك يا جدو عشان خاطري انا .
خالد الشناوي : هشوف أن شاء الله هقوم انا واسيبك وبلاش تعيطي .
وخرج وتركها تفكر ...
في الخارج قابل ثريه وهي تجلس فذهب وجلس معاها .
ثريه بغل : شايف حال تالا يا بابا كنان مهمل فيها ومعتش بيعاملها حلو علقها بيه وخلاها تحبه وبعد كده سبها ينفع كده يا بابا .
خالد الشناوي : هو طبعا مينفعش اللي بيحصل بينهم ده بس اكيد في سبب قوي خلي كنان يتصرف كده .
ثريه بغل : سبب ايه اللي يخليه الفتره دي كلها يعاملها كده ده هو بيعاملها كده من اول ما اتخرج واشتغل .
خالد الشناوي بتفكير : بس اكيد حصل حاجه من تالا انتي عارفه كنان طبعه صعب جدا زي ابوه وميحبش حد يهز ثقته فيه ولا يحاول يسطير عليه ومبيحبش الدلع الكتير .
ثريه بغل واضح : ماهو طالع لابوه وعشان كده انت بتفضله علي الكل انت لو خايف علي مصلحه بنتي كنت جبرته أنه يتجوزها .
خالد الشناوي بعصبيه : ازاي اجبره انا معنديش حد يتجبر علي حاجه .
ثريه بهدوء عكس ما بها : يا بابا يا حبيبي انت تجبرهم انهم يتخطبوا مش لازم جواز دلوقتي وهما هيقربوا من بعض وهيتصالحوا ولو اتجوزوا واتقفل عليهم اوضه واحده اكيد هيتصالحوا وكمان عدي كبر ولازم يتجوز قبل كنان ومايا بنتي بتحبه موت ونفسها تتجوزه اوووي .
خالد الشناوي بهدوء : هفكر في موضوع تالا وكنان لاني عارف ان كنان كان بيحب تالا جدا لكن عدي مش دلوقتي لما أحسه أن هو عايز مايا هتكلم في الموضوع .
ثريه بهدوء : اللي تشوفه يا بابا .
خالد الشناوي: اللي في الخير ربنا يقدمه انا هفكر في الموضوع وهكلم معاه لو كده بعد ما يجي من سفريه الصعيد .
ثريه بغل : نفسي اعرف يا بابا سايبه يشتغل في مستشفي حكومي ليه .
خالد الشناوي : هو عاوز كده وده رأيه وهو حر ومتتكلميش تاني في الموضوع ده .
ثريه بغضب مكتوم : حاضر يا بابا حاضر عن اذنك هروح النادي شويه وتركته وذهبت الي النادي .
~~~~~~~~~~~~~~~~~~~~~~~~
في شركه الشناوي
في مكتب عدي
دخل عليه صديقه حازم
حازم بمرح : عامل ايه يا دودو وحشتني ولله .
عدي بعصبيه مكتومه : اقعد يا حازم واسكت وقولي اخر اخبار الصفقه ايه .
حازم بهدوء : مالك يا عدي ايه اللي معصبك كده .
عدي بعصبيه : مفيش يا حازم ده بسبب عمتي وبناتها عندنا .
حازم بهدوء : هي جات عندكوا طب قول كده واكيد دلوقتي كنان علي آخره .
عدي : ومايا كانت هنا وعايزه تشتغل في الحسابات .
حازم : مايا مين اللي عايزه تشتغل في الحسابات وبعدين تشتغل ايه دي .
عدي بغضب : عايزه تمسك مديره الحسابات .
حازم : نعم مديره ايه دي وتفهم في ايه بقا ده حتي لسه متخرجتش وبعدين هي مبتحبش الشغل وبتحب تخرج وتدلع وبس شغل ايه بقا اللي جد .
عدي بتفكير : ولله ما عارف اعمل ايه وكنان هيسيب البيت اسبوعين رايح الصعيد بس انا عارف أنه رايح عشان عارف ان هما ايجوا عندنا وعايز يبعد لغاية ما يمشوا .
حازم : بس عارف تالا دي متستهلش كنان .
عدي بتفكير : ساعات بتصعب عليا وبحسها بتحبه وساعات لا بس كنان بردو ليه حق أنه يعمل كده ربنا يريح قلبه ويرزقه بواحده تستاهل قلبه وطيبته .
حازم : يارب ياصحبي وانت كمان وانا هههههههه .
عدي : ده امها داعيه عليها اللي هتاخدك يا حازم .
حازم بمرح : ده هتبقي مدلعه دلع بس هي تيجي بس ههههه.
عدي بجديه : ربنا يرزقك ببنت الحلال ياصحبي .
حازم : ياااارب
عدي بجديه : قولي اخبار صفقه لندن ايه .
حازم : كل حاجه تمام وان شاء الله هنفوز بيها والمهندسين عندنا بيحولوا يطلعوا احسن تصميم وانا ممسكها لاحسن مهندس في الشركه.
عدي : اكيد مسكتها لباسم صح .
حازم : ايوه هو ممتاز في الشغل علي أنه شاب مش ملتزم وعنده تصرفات كتير وحشه بس هو في الشغل ممتاز .
عدي : أن شاء الله هنفوز بالثفقه دي .
حازم بتأكيد : باذن الله اسيبك انا بقا واروح اشوف الشغل .وتركه وغادر .
~~~~~~~~~~~~~~~~~~~~~~~
في شركه المعز
في مكتب وعد
وعد لسكرتيره منار : ابعتيلي لكل مهندسين الشركه وأكفاهم .
منار : حاضر يافندم هبعتهم علي قاعه الاجتماعات.
وعد : ماشي
بعد فتره من الزمن تجمع المهندسين في قاعه الاجتماعات والتي تجلس علي رأسهم بها وعد .
وعد بجديه : طبعا حضرتكم اكيد سمعتم عن الصفقه لندن اللي شركتنا داخلها .
الكل : ايوه يافندم .
وعد بجديه : طب انا هديكم مشروع عايزه كل واحد فيكم يصممه بطريقته ويكون تصميمه ممتاز والتصميم اللي هيعجبني هياخد مكافاه و صاحب التصميم هيروح معايا لندن وهيترقي في الشركه واحتمال كبير امسكه فرع من فروع الشركه ها رايكم ايه يا شباب هلاقي حد يعملي التصميم اللي انا عايزاه .
الكل : هنحاول يا فندم بس في وقت قد ايه .
وعد : كمان تلات ايام يكون قدامي لأن الصفقه لسه عليها اسبوع وانا عايزه التصميم كمان تلات ايام .
مهندس من الموجودين : بس يافندم تلات ايام قصيرين جدا ده اسبوع فتره صغيره .
وعد بعصبيه : ازاي مده قصيره احنا ممكن ننفذ التصميم في 24 ساعه بس .
الكل : حاضر يافندم .
وعد بغموض : واحسن تصميم هختاره يلا كل واحد يروح يشتغل وبعد تلات ايام تجولي .
وذهبوا وظلت هي وسجده في قاعات الاجتماعات .
سجده : وعد مش انتي قولتي انك انتي اللي هتصممي المشروع .
وعد بغموض : ايوه وهصممه ولسه عند كلامي .
سجده بعدم فهم : طب ليه عايزهم يصمموا هما المشروع .
وعد بغموض : هتعرفي بعدين ، المهم تعالي عندنا انهارده واتعشي معانا عشان فوفا زعلانه مني عشان كانت جيبالي عريس وانا رفضته .
سجده : هي فوفا لسه بردو مصممه علي موضوع الجواز ده .
وعد : اه ولله يابنتي كل شويه
تقولي اصلا ابن طنطك مش عارفه ايه عايزك وحبك وهيموت عليكي وهما كلهم شويه عيال بيصرفوا من المصروف اللي بياخدوه من ابوهم .
سجده : بس انتي مبتفكريش في الموضوع والا ايه .
وعد : انتي عارفه اني عندي هدفي ولازم احققه واخلي شركات المعز احسن شركات في العالم .
سجده : أن شاء الله هتحققيه .
وعد : باذن الله يلا عشان نروح علي البيت اتاخرنا .
سجده : ماشي يلا . وذهبوا الي قصر المعز .

في قصر المعز

وعد وسجده دخلوا وجدوا فوفا وعشق يجلسون يشاهدوا مسلسل هندي .

وعدي وهي تقبل راس والدتها : فوفا حبيبتي عامله ايه .
فوفا تتصنع الزعل : لا انا زعلانه منك متكلمنيش .
سجده : فوفتي عامله ايه ده وعد عماله تقول فوفا وحشتني وفوفا نفسها تسافر وعايزين ناخد اجازه وكانت بتحاول تعمل اجازه عشان خاطر فوفا .
فوفا : بجد يا وعد هتاخدي اجازه ونسافر سوا بعيد عن الشغل ونرتاح شويه وانتي تغيري جو ويمكن يعجبك عريس والا حاجه .
وعد بغيظ من سجده : اه اه أن شاء الله يا ماما كنت بحاول بس مش لاقيه مواعيد بس موضوع عريس ده لا .
سجده بتفكير : بس هي كانت بتفكر تاخدكوا معاها سفريه لندن بعد اسبوع اصلا هي هتسافر عشان شغل اهو تسافروا عشان الشغل وبعدين تاخدوا اجازه .
وعد بغضب مكتوم : مش هينفع أيام الصفقه ممكن بعد الصفقه استناهم انا هناك وابعتلهم الطياره تجبهم ويجوا لكن أيام الصفقه خطر عليكوا .
فوفا بقلق : خطر ليه يا وعدي .
وعد بغموض : يا ماما يا حبيبتي بيبقي شركات كتير بتنافس وعايزين يخسروا بعض وانا اخاف عليكي انتي وعشق .
فوفا بخوف علي ابنتها : وانتي تخافي علينا واحنا منخفش عليكي .
وعد بهدوء : ياماما يا حبيبتي انتي عارفه اني اعرف ادافع عن نفسي قووي وياستي عشان متخفيش هاخد حراسه معايا بس اكيد هزود الحراسه هنا عندكم لغايه ماتيجوا عندي وسجده هتقعد معاكوا .
سجده : هقعد معاهم واخد بالي منهم ومن الشركه لغايه ما تيجوا .
وعد : انتي اختي يا سجده وانا مامنه علي كل حاجه معاكي .
وجلسوا يتحدثون سويا وثم غادرت سجده وذهبوا هم الي النوم ..
~~~~~~~~~~~~~~~~~~~~~~
في بيت حياه

حياه وهي تحاول أن تقول لوالدها علي السفر إلي الصعيد .

حياه بتوتر : بابا كنت عايزه اقولك علي حاجه .
محمد : قولي يا بنتي خير محتاجه فلوس او حاجه .
حياه : لا يا بابا مش محتاجه فلوس بس كنت عايزه اقولك علي حاجه في التدريب .
محمد : قولي يابنتي خير في حاجه .
حياه بتوتر شديد : ايوه يا بابا هو حاجه بخصوص التدريب .
محمد : قولي يابنتي في ايه قلقتيني .
حياه : انت عارف اني بدرب في مستشفي حكومي والتدريب ده مهم جدا ليا ولازم ادرب في المستشفي دي عشان اشتغل فيها وهي قريبه مننا ونفسي اشتغل فيها والدكتور اللي بيدربني دكتور ممتاز جدا جدا يا بابا .
محمد : ايوه يابنتي عارف .
حياه بخوف : هو الدكتور ده ممتاز بس شديد جدا يا بابا وهو نازل تدريب في قري فقيره اسبوعين وقالي عشان اكمل تدريب معاه لازم اروح اشتغل معاه في القري الفقيره دي يا بابا .
محمد : طيب يابنتي طلما مستقبلك في التدريب ده ماشي بس تاخدي بالك من نفسك وطمنيني عليكي علي طول بس التدريب ده هيكون فين بالظبط .
حياه بخوف من رده فعله فهي تعرف أنه يكره الصعيد جدا ودائما يخوفهم منها .
حياه بخوف واضح: في قري الصعيد الفقيره يا بابا .
محمد بعصبيه : صعيد ايه يابنتي انتي عارفه أن انا مبحبش الصعيد واخاف عليكم منها يابنتي دول ناس معندهمش رحمه يابنتي لا مفيش تدريب يا حياه لو هتقعدي في البيت .
حياه بدموع : يابابا عشان خاطري .
محمد بغضب : انا قولت لا يعني لا مفيش روح الصعيد .
حياه ببكاء: يابابا عشان خاطري ده مستقبلي وانا نفسي اشتغل في المستشفي دي والدكتور ده ممتاز في شغله نفسي اكون متدربه عنده يابابا .
محمد بعصبيه : قولت لا يعني لا وتركها وذهب الي غرفته وظلت حياه مكانها تبكي ...........
~~~~~~~~~~~~~~~~~~~~~~~~~
ليلا في قصر الشناوي
في غرفه ثريه
مايا بغل : يا ماما عدي مبحبنيش واتعصب عليا جدا وانا قولتله اني هكون مراته زي ما انتي بتقولي اني جدي خطبنا لبعض من واحنا صغار .
ثريه : ماهو ده اللي هيحصل بس انتي اتعاملي معاه بجديه وبلاش لبسك القصير ده والسهر والخروجات عشان هو مبيحبش كده واعملي عليه انك خلاص معتش هتفكري فيه .
مايا بتفكير : وبعد ما اعمل كده ايه اللي هيحصل مش معقوله هيحبني يعني عشان كده .
ثريه بتفكير : لا مش هيحبك بس هيلاقيكي اتغيرتي وبعدين جدك هيفتحه ف موضوع الجواز وعشان كنان يتجوز لازم هو يتجوز هيلاقيكي قدامه هيتجوزك بس لازم تسمعي كلامي زي ما بقولك كده تعملي أنه معتش فارق معاكي وانك اتغيرتي وعايزه تمشي وزعلانه جدا منه.
مايا بتفكير : فكره تجنن يا مامي .
ثريه : روحي نامي يلا واعملي زي ما قولتلك واختك اللي بتعيط علي كنان قولي ليها ماما هتجيبه لغايه عندك وبلاش عياط .
مايا : حاضر يا مامي اصبحي علي خير وخرجت وتركتها .

في غرفه تالا ومايا

دخلت مايا ووجدت تالا تبكي
مايا : يابنتي بتعيطي علي ايه ده الموضوع ميستهلش كل ده امال لو بتعملي زي .
تالا : هو ليه علقني بيه انا مكنتش كده بس هو إللي خلاني كده ليه ليه وظلت تبكي .
مايا : يابنتي هو كل ما يشوفك كده بيفرح فيكي وبعدين انتي معملتيش حاجه .
تالا ببكاء : نفسي يسامحني يا مايا وهعمله اللي هو عايزه ومش هكرر الغلط ده تاني بس يسامحني .
مايا : بلاش عياط كتير ماما بتقول هو في اقرب وقت هيكون عندك وهيكون جوزك مش اي حد .
تالا : بفرحه بجد يا مايا بجد .
مايا : ايوه ماما اللي قالتلي اقولك افرحي وبلاش عياط وهو في اقرب وقت هيكون عندك وعلميه بقي ازاي يبعد عنك .
تالا بتفكير : هندمه علي كل لحظه وجعني فيها بس انا بحبه جدا لا مش هندمه هو يجي بس وانا مش عايزه حاجه .
مايا : افرحي وكل حاجه هتكون زي ما انتي عايزه ويلا عشان ننام .
تالا : ماشي اصبحي علي خير يا احلي مايا وقبلتها وذهبت للنوم ....... ولم يأخذوا بالهم من الذي سمعهم . .......

رواية عشق حياه
بقلمي المتواضع زوزه

يُتبع ..

google-playkhamsatmostaqltradent