رواية حب وعذاب الفصل الثلاثون 30 بقلم آية السيد

 رواية حب وعذاب الفصل الثلاثون 30 بقلم آية السيد

رواية حب وعذاب الجزء الثلاثون 

رواية حب وعذاب البارت الثلاثين 

رواية حب وعذاب الفصل الثلاثون 30 بقلم آية السيد


رواية حب وعذاب الحلقة 30

البارت الثلاثون

في اوضه وعد
وعد كانت مصدومه لما فتحت الشنطه اللي ياسين باعتها وفجأه سمعت خبط علي الباب واتصدمت لما لقت مجموعه من البنات
وعد باستغراب /افندم
البنت بابتسامه /انسه وعد
وعد /ايوه انتوا مين
البنت /الاستاذ ياسين باعتنا لحضرتك
وعد باستغراب /ياسين... طب ممكن ثانيه واحده
البنت /اه طبعا اتفضلي
وعد دخلت اخدت الموبايل واتصلت على ياسين
______________
في اوضه ياسين
رحيم كان عاوز يعرف ياسين ناوي علي ايه
ياسين /يا عم اهدي بس وشويه وهتفهم
رحيم /لا انا مش مطمنلك فهمني كل حاجه دلوقتي
ياسين /ماشي يا عم.
رحيم /ها أنا سامعك
ياسين /بص يا رحيم انا عاوز.....
وقطع كلامه صوت موبايله اللي بيرن
ياسين /استني يا رحيم
ياسين راح مسك الفون وابتسم لما لقي الاتصال من وعد
ياسين بابتسامه عشق /الو يا وعدي
رحيم كان بيبصله بغيظ وهو رافع حاجبه
وعد بتوتر /احم ياسين هو انت باعت بنات ليا ليه
ياسين /دول ميكب ارتست يا وعدي
وعد /تمام.. سلام
ياسين /وعد
وعد /ها
ياسين /شوفتي الكيس
وعد /احم اه
ياسين /يبقا تجهزي بقا بسرعه وتلبسيه عشان هتكوني ليا وليا انا وبس
وعد بخجل /سلام
ياسين بضحك /سلام
وعد قفلت مع ياسين وابتسمت وبعدين دخلت البنات وبدأت تجهز

ياسين قفل مع وعد وضحك علي كسوفها ورحيم راح عنده وخبطه بخفه علي كتفه
ياسين /يخربيت فصلانك يا اخي
رحيم /يبني احترمني شويه ولاحظ ان دي اختي
ياسين /كانت وبعد شويه هتبقي حرم ياسين الألفي
رحيم باستغراب /نعم
ياسين /زي ما بقولك انا مجهز حفله وهطلب ايد وعد فيها وهنكتب الكتاب
رحيم بعند/لا انا قولت خطوبه خمس سنين
ياسين /ولا حتي خمس دقايق وبعدين انا ووعد عارفين بعض الخطوبه دي للي مش عارفين بعض وافق بقا يا رحيم واخلص عشان كده مكنتش عاوز اقولك
رحيم /بس...
ياسين /مبسش يا رحيم اظن انت عارف اني بحب وعد واظن انك قولتلها عليا وهي وافقت يبقا ليه بقا خطوبه
رحيم بقله حيله أمام هذا العاشق /ماشي يا سيدي
ياسين حضنه وهو كمان حضنه
ياسين /ربنا يخليك ليا يا صاحبي
رحيم /ويخليك ليا
وبعدين رحيم بعده عنه/بس عارف لو زعلتها هن....
ياسين /بااااس والله ما انت مكمل دا انا هحطها في عيني
رحيم /وانا متأكد من كده... ويلا بقا أنجز عشان اروح اجيبها
ياسين /اشطا
وياسين بدا يخلص كل حاجه وكلم مدير القاعه واتأكد ان كل حاجه تمام

___________________
في المستشفى
بعد ما الحارس نده الدكتور عشان يشوف احمد بعد الحاله الغريبه اللي كان فيها
الدكتور جه وكشف علي أحمد وبعدين طلع للحرس
الحارس /هو كويس يا دكتور
الدكتور باسف /البقاء لله
الحارس 1 بفزع وهو يتذكر تهديد رحيم /ازاي
الدكتور /مع الأسف مقدرناش نعمل اي حاجه وجسمه كان رافض كل حاجه وكان عاوز بس الحاجات اللي هو ادمنها... انا اسف
وبعدين الدكتور سابهم ومشي
الحارس 2/ هنعمل ايه دلوقتي وهنقول لرحيم بيه ايه وازاي
الحارس 1/ هنقوله هنعمل ايه يعني دا قدره ومحدش فينا هيقدر يمنع القدر
الحارس 2/ طيب هتكلمه
الحارس 1/ اه
والحارس مسك الموبايل واتصل علي رحيم اللي مردش اول مره بس تاني مره رد
الحارس بخوف /الو
رحيم /فيه وبتتصل ليه
الحارس بخوف /ب... بصراحه
رحيم بعصبيه /اخلص انت لسه هتهته
الحارس /احمد جاتله ح.. حاله غريبه والدكتور جه شافه بس...
رحيم بنفاذ صبر /اخلص في يومك دا
الحارس /ه.. هو م.. مات
رحيم بعصبيه /مات ازاي دا انا هقتلكم يا ولا ال***
وهبد التليفون في الحيطه
ياسين شاف تصرفه دا واستغرب
ياسين /فيه ايه يا رحيم وايه إلى يحصل خلاك تعمل كده
رحيم /مات... مات بن ال*****
ياسين /اهدي بس يا رحيم وفهمني فيه ايه ومين دا الل مات
رحيم بعصبيه /احمد الزفت مات
ياسين /لا حول ولا قوة الا بالله العلي العظيم.. اهدي يا رحيم دا قدره ومحدش هيقدر مين ما كان انه يمنع القدر
رحيم /ربنا رحمه مني ومن اللي كنت ناوي اعمله فيه
ياسين /اهدي يا رحيم خلاص هو عمره كده والحمد لله اننا خلصنا منه
رحيم بدا يهدأ وياسين اتصل علي الحرس
ياسين /الو
الحارس بخوف /الو يا ياسين باشا
ياسين /خرجوة من المستشفى واعملوا كل الإجراءات اللازمه
الحارس بخفوت /اوامرك يا ياسين بيه بس
ياسين /بس ايه
الحارس /رحيم باشا
ياسين /متقلقش خلص انت الموضوع بس
الحارس /تمام يا باشا
والحارس قفل معاه وياسين فضل يحاول يهدي في رحيم

أما عند الحارس في المستشفى
الحارس2/ها ايه اللي حصل
الحارس1/ياسين بيه قالي خلصوا الموضوع
الحارس 2/طاب ورحيم بيه
الحارس 1/طبعا اتعصب ادعي انه لما ياجي الموضوع يعدي علي خير
الحارس 2/يا رب... يلا بينا بقا نخلص الموضوع دا
الحارس 1 بإيمائه /يلا
وراحوا هما الاتنين وخلصوا الإجراءات وتم دفن احمد

________________
في اسكندريه
علا ويزيد وصلوا اسكندريه وراحوا بيت يزيد
والده يزيد اول لما شافتهم فضلت تحضن وتبوس فيهم (كرونا بتزغرط مننا😂)
غاده بحب /حمد لله علي السلامه يا حبيبي
علا بابتسامه مصطنعه/الله يسلمك يا حبيبتي
يزيد بابتسامه /الله يسلمك يا ست الكل ها عامله ايه
غاده بابتسامه /مكنتش كويسه بس بعد ما شفتكم بقيت احسن
علا /ربنا يخليكي لينا يا حبيبتي
غاده /ويخليكوا ليا يلا بقا تعال يا علا اوريكي اوضتك وانت يا زيزو روح اوضتك وغير وبعدين تعالي عشان الاكل
زيزو /ماشي
وبعدين عمه علا اخدتها علي اوضتها وسبتها عشان تغير ويزيد هو كمان راح اوضته
علا غيرت وبعدين طلعت عشان تساعد عمتها وياكلوا
وفعلا حطوا الاكل واكلوا سوا
____________________
في بيت حسن خليفه
محمد وزين كانوا راحوا البيت ووالد محمد ووالدته رحبوا بيه لأنهم بيحبوا زين جدا
بعد ما خلصوا اكل زين ومحمد قرروا ينزلوا يتقابلوا شريف ويحطوا خطه
زين ومحمد كانوا خلاص هينزلوا بس محمد نسي المحفظه بتاعته ورجع يجيبها وزين فتح الباب ولقي
الشخص بصدمه /انت!!!!!!!
__________________
في احد محلات الأثاث
جني /يا سليم مليش دعوه انا عاوزه دا
سليم /يبنتي بس اهدي كده اولا الوان الشقه مختلفه ثانيا اصلا احنا خلاص اخترنا حاجه واتفقنا مع الراجل عليها
جني /مليش دعوه
سليم بنفاذ صبر /جني قلت خلاص يبقا خلاص
سليم زعق وكل اللي كانوا في المحل بصوا عليهم وجني بقت خدودها حمرا من الكسوف ودموعها نزلت وخرجت من المحل
سليم كان بيلعن نفسه عشان علي صوته عليها وكلم الراجل وخرج وراها لقاها ماشيه وبتعيط
سليم /جني.... يا جني
جني /مش بترد عليه ومكمله مشي
سليم راح ووقف قدامها لقي وشها كله لونه احمر من كتر العياط
سليم مستحملشي يشوفها كده واخدها في حضنه وحاول يهديها رغم محاولات جني انها تبعده عنها
سليم وهي حاضنها وبيحلول يهديها /هشششش اهدي يا حبيبتي انا اسف والله
وجني شهقات عياطها بتعلي اكتر
سليم بحزن /خلاص والله انا اسف انا جزمه وحمار خلاص بقا
وشهقاتها بتزيد
سليم /طاب يا رب امو....
جني خلطته في كتفه
جني بصوت متقطع من العياط /بع... بعد الشر... ع.. عنك
سليم حضنها اكتر /طاب خلاص بقا والله دموعك دي غاليه.... وكمل بضحك /وبعدين كده هناخد انا وانتي فعل فاضح في الطريق العام
جني غظبا عنها ضحكت وبعدين بعدت عنه وسليم مسح ليها دموعها
سليم /خلاص والله انا اسف
جني /لا انا اللي اسفه
سليم /وبعدين خلاص تعالي وفكك من كل دا وتعالي نروح نتغدا ايه رايك وبعدين نروح
جني /موافقه
سليم /اممم ايه رايك ناكل شاورما
جني /اه يلا بسرعه
سليم /مش انتي كنتي زعلانه
جني /لا طالما فيها شاورما اشطا
سليم بضحك /يلا يا مجنونه
وراح هو وجني مطعم واكلوا وبعدين روحوا

______________________
في القسم
في مكتب فارس
فارس لنفسه /اخيرا يا زين كلها شويه وهنهيك خالص وساعتها هاخد مكانك
وبعدين ابتسم بشر
وساب مكتبه وقرر يروح لسهر
__________________
في اوضه ياسين
ياسين كان بيحاول يهدي رحيم
ياسين /خلاص يا رحيم عمره كده والضرب اللي خده مننا او من الحرس مش قليل وبعدين دا قضاء وقدر
رحيم بدا يهدي /ونعمه بالله
ياسين بمرح /وبعدين بطل بقا نكد ايه يا عم جاي تنكد عليا يوم فرحي
رحيم بابتسامه /خلاص يا عم اهو
وضحك
ياسين /طاب يلا بقا روح هات وعد وانا هانزل اتمم علي الحاجه
رحيم /ماشي.. والف مبروك يا صاحبي
ياسين /الله يبارك فيك يا رحيم
وبعدين ياسين نزل القاعه ورحيم راح اوضه وعد
_________________
في شرم
وعد لبست الفستان
كان عباره عن فستان ابيض نصه ورد ونصه ساده وضيق من عند الصدر ونازل بوسع لغايه تحت وساعه بيضه وشوز ولبست عليه حجاب ابيض وميكب جميل جدا زادها جمال.
وعد كانت واقفه قدام المرايه وبتبص علي نفسه
الميكب ارتست/بسم الله ماشاء الله عليكي جميله جدا
وعد بابتسامه /تسلميلي يا حبيبتي
وبعدين الباب خبط
البنت فتحت وكان /.....
________________
في اسكندريه
يزيد قال لعلا ان مي اتصلت عليها وعلى كلمت أهلها طمنتهم عليها وبعدين قفلت وكلمت مي مكالمه فيديو
علا /مسا مسا يا حلو
مي بضحك/وحشتي الحلو يا قلب الحلو
علا /يبنتي دايما كده مثبتاني
مي /عيب عليك يا زميلي
علا /اخبارك ايه يا اسطي
مي /الحمد لله يا روحي بخير طول ما انتي بخير
علا /قلبي امال البت ريم فين
مي /هي روحت من شويه زمانها وصلت و....
وبعدين مي صرخت فجأه
علا بفزع /ميييييي!!!!!!!!!

يُتبع ..

google-playkhamsatmostaqltradent