رواية عائلات راقيه بفسادها الحلقة الثانية 2 بقلم أروى طاهر المسلاتي

 رواية عائلات راقيه بفسادها الحلقة الثانية 2 بقلم أروى طاهر المسلاتي

رواية عائلات راقيه بفسادها الجزء الثاني 

رواية عائلات راقيه بفسادها البارت الثاني 

رواية عائلات راقيه بفسادها الحلقة الثانية 2 بقلم أروى طاهر المسلاتي


رواية عائلات راقيه بفسادها الفصل الثاني

رؤى: يعني كان فخ؟؟؟يعني ضحكو عليا؟؟؟
وقفت ولساني مربوط مش قادره ننطق بحرف💔
مفكرتش في شي!
مفكرتش اني بنموت او الطريقه يلي بيقتلوني بيها او حتى هل بنروح لي امي اليوم او لا!
كل تفكيري كان بنتي💔
معش بنشوفها؟؟؟💔💔💔
مش رح نراقبها وهيا تكبر قدامي !!....سكرت الشنطه متعي ووقفت رغم ان رجليا مش قادرين يحملوني
شبحت للبنت يلي قدامي ونطقت بصعوبه ..عفوا مدام
انا جيتك هنايا عشان نشتغل وبس شنو صاير؟
البنت:قامت المرايه وتشوف لي حواجبها بدلع ....صراحه خدمتك تجنن
معمريش شفت شغل مزينه هكي بس مش انا السبب الرئيسي عشان تجي هنايا اليوم
رؤى:طاحو دموعها لما شافت الشاب يلي كان واقف وعيونه طالعه منهم شرااااار 🔥

يوسف:اشر بعيونه للبنت بمعنى اطلعي
وطبعا البنت فهمت من اول نضره وناضت
رؤى:مسكت البنت ويديها يرجفو وقعدت تترجى فيها متطلعش
وطبعا البنت نفضت يدها بقوه وطلعت مخليا رؤى مع يوسف بروحهم

يوسف:يقرب منها ورؤى تبعد ...واهو حصلت عليك
مفيش حد غيري انا وياك!
نقتلك وندفنك هنايا ومفيش حد يعلم بيك
رؤى:ردها الحيط يلي وراها وحصلت 💔...استسلمت ومكانش فيدها شي غير انها تبكي !
يوسف:مش عيب وحده في عمرك تخنب ؟؟؟
رؤى:بصوت متقطع....و ور وراس بنتي كنت مضطره وربي
يوسف:خنقها بيديه.....مش انا يلي ينضحك عليا يا بنت الكلب واشكالك نعرفها كوووويس جعانه خنابه حرايميه
رؤى:بعدت يده بعنف وعيطت عليه وهيا تبكي ....مش حرااااااايميه
مش حرااااايميه انا نخدم من حوش لحوش عشان نوكل بنتي الحلال
يوسف:بدليل انك خنبتي مني 15الالف صح!؟
رؤى:نصدمت....كك ك كم؟؟
يوسف:مصطنعه الغباء!!؟
رؤى:المبلغ يلي خديته هذاك اليوم 50دينار من جيبك وكنت في المصحه نعاين في بنتي معنديش حق تحاليلها 💔
يوسف:ضربها كف بقوته لين قريب طاحت ...بطلي استشراف يا حثاله
رؤى:منكدبش منكدبببببش ورديت ال50دينار عند الريسبش عشان سمعت انك جاي مع صاحبك للمصحه لانه مصاب وقلتلهم يسلموهولك 💔
منعرف شي ع ال15الالف يلي تحكي عليهم
يوسف:هه....مقوا عينك الزح
رؤى:دفاته ومتجها لي شنطتها....يعد خليني في حالي متبيش تصدقني امورك
يوسف:مسكها من يدها ورجعها بقوه لين نخبط راسها في الحيط وتألمت ......مش بساهل يا ابله هكي
رؤى:علت صوتها وهيا تبكي.....شنو تبييييييي مني
يوسف:يا تجيبيهم15الف تامات من الشنطه يلي رفعتيها
يا تخلصي بطريقه تانيه
رؤى:نهارت بكي.....وربي ما خديت حاجه وررررربي
يرسف:كان يبي يحكي لكن شاف شخص اشرله من بعيد طلع وسيبها

__________________________________

هبه:زاد الضرب وحوشنا طاح قدام عيونا💔
في يوم وليلى اصبحنا ع الحديده
ركبنا السياره وطلعنا من المدينه يلي نحنا فيها
وين ماشيين؟ مش معروف ....المهم طالعين من الحرب والضرب وبس !
نشوف في بابا نزل من السياره مرتبك ومش فاهم كيف يتصرف💔
فلوسه ضاعو !.....احتمال يرفعوه لانه خدم مع النضام السابق(معمر القدافي)
قعدنا في خوف مش طبيعي ومشردين!
عمامي كلهم طلعو من البلاد !
مفيش مكان غير حوش خوالي ....وبي الفعل اتجهنا غادي طول والخوف قاعد موجود في عيونا💔

نعرفكم بنفسي❤️انا هبه اخت كبيره لي زوز ولاد
قبل الحرب كانت حالتنا الماديه فوق الممتازه لان بابا يخدم في البحريه ويده واصله زي ما يقولو
بس من لما جت الحرب انقلب كل شي 💔

__________________________________

رؤى:نهارت بكي.....وربي ما خديت حاجه وررررربي
يوسف:كان يبي يحكي لكن شاف شخص اشرله من بعيد طلع وسيبها

يوسف:شنو؟ليش رجعت؟؟
أمير:نسيت الساكو متع السفر هنايا ...خيرها البنت هيا شنو ادير هني؟
يوسف؛هاذي متع ال15الالف الشنطه يلي نخنبت في المصحه
أمير:خليها تروح وتوا
يوسف:تي وربي ما هي مروحه لين تخلص فلوس ولا لحم
امير:يوسف متنزفزش امي البنت هيا بتروح اليوووم ورد بالك تمس شعره منها
يوسف:وعلاش !!؟شن هيا اختك وانا منعلمش
امير:وهوا متنرفز .....شبه
يوسف:نعممم؟؟؟
امير:يلم في ملابسه.....بنت جلال الراجل يلي ساكن في حوش المزرعه يلي عاطيهولهم بوي
البنت كان صارلها شي وعرفوك وراها انا وياك الله يرحمنا حتى كان هيا غالطه ف ريحني تو نعطيهولك انا ال15الالف
يوسف:رجع شعره للخلف وهوا متنرفز
أمير:ضرب بخف ع خد يوسف.....متلعبش بي النار وخليها تروح ....وطلع

______________________________________

شافت ماريا لي غرفتها وابتسمت بغرور وقالت
انا عندي كل شي ومفيش شي يقعد في خاطري فرق كبير بين مستواهم ومستواي
قامت خشمها بي كبرياء لكن بسرعه ما نزلاته لما سمعت امها وبوها يتعاركو زي كل ليله💔
تنهدت بملل وطلعت من غرفتها....سكرت الباب ونزلت
وقفت قدام المطبخ و تسمع فيهم

احسان:تي احمدي رببببك ياسر عايشه في مزرعه 6هكتار كل خير فيها وحوش سياح نياح ليك بروحك حوش المزرعه يلي موجود ع اليمين فاضي ليه 4سنين
ولما جيت بنعطيه لي صاحبي النازح طلعتي تبيه؟؟
ليلى:اي نبيه لي ولدي بيتزوج فيه مش سادك عطيت الحوش التاني لي شباني وعزوزته 10سنين مسكرات؟؟!
احسان:الرزق رزقي وانا حرر
امير:خش للمطبخ ولوح المفاتيح على الطاوله...بوي معاه حق
ليلى:نعمممم؟؟؟؟
امير:الزواج مش مفكر فيه من الاساس انا
خلي الناس تستفيد بيه احسن
ليلى:فقدت اعصابها.....حياش المزرعه قعدو زي الفندق يلي يجي يسكككككن وين رائي في الحوش هاذا انا ؟؟؟؟؟
امير:فتح الثلاجه خدي اميه وسكرها...زي ماقال بوي حر في رزقه ....وخدي مفاتيحه وطلع
احسان:هاذا ولدي 🔥
ليلى:طلعت وهيا تخبط مش عاجبها يلي صاير

ماريا:كملت العركه زي العاده ....وقفت ع روشن الصاله وانا زاهقه وماله من الروتين يلي صاير
شن ممكن يغير نفسيتي ؟
لمعت في بالي هلبا خطط ممكن تكون شريره شويه
بس يالله مهم يتغير بيها مزاجي

ماريا:انا اخت وحده لي اثنين خوت شباب
امير واسلام من عيله معروفه بي رزقها وتجارتها
عايشين في مزرعه كبيره فيها كل شي يخطر على بال بشر خيل إبل فواكه بجميع انواعها وهلبا حاجات
حوشنا كبير وحالتنا ممتازه لكن عيشتنا زي اي حوش ليبي
ناكلو ع الارض مش ع طاوله ...معندناش خدم ولا سواقين

جنبنا بيت صغير عايش فيه العم جلال قبل 10سنين عنده بنت اسمها رؤى مطلقه وعندها بنت نكرررررها في الدم
وعندهم ولد مش عايش معاهم وتوا في الحرب

معنديش صاحبات ولا مصاحبه قريباتي كلهم يقولو اني انانيه وغيوره ونبي الناس ملكي بس انا متأكده انهم غايرين مني بسبب النعمه والعز يلي انا عايشه فيه 🔥

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

فكرت زي اي مراهقه ان انا صح وكلهم غلط 💔
فكرت ان لو هربت من حوش اهلي رح نلقى مكان نسكن فيه وخدمه ونولي فلوس ونعيش حياتي زي الافلام
فكرت وفكرت💔...وتهورت وهربت
واكتشفت ان كله وهم ....

هربت من حوش اهلي بعد ما شفت ع النت ان طالبين موضفين مبيت في دار العجزه
نضمت اموري ومشيتلهم طول وبعد هلبا تحقق من اوراقي وافقو وقعدت عندهم اسبوع

كان اسوء اسبوع في حياتي 💔
ابدا متريحتش وشفت فيه هلبا انواع ذل من الناس يلي تخدم معاي
كثرت عليا الدوه ....هاذي وين اهلها ؟
مش هاذي بنت فلان قالو بنتهم هاربه مع واحد شكله خدي شرفها وسيبها💔
محدش كان فاهم اني مراهقه وتهورت وكان خطأ مني نطلع !
كلهم فكرو غلط ووصلو في شرفي💔

خذيت حوايجي وقررت نرجع للحوش وفي طريقي شفت بنت عمي مروحه من المدرسه
تجاهلتني وعاملتني كأني مرض خطير وخايفه يعديها 💔
سمعت منها كلمه عمري ما ننساها وحسيتها زي الموس في قلبي لما قالت

(كان تبي تموتي روحي للحوش بوك حالف يقتلك اول ما يشوفك)

هربت بسرعه ويدي ع قلبي خايفه من الموت 💔
ركبت اول حافله ومكنتش عارفه وين متجها كل يلي في بالي اطلعني من هنايا وبس💔
بكيت هلبا وتمنيت لو الوقت يرجع بيا بسس💔
مستحيل ندير شي زي هكي وربي !!!

___________________________________

رؤى:السلام عليكم
حسنه:اهلا اهلا بي الغاليه هي تعالي نصيبك كيف حطيت الشاهي لي بوك
مسكت يد رؤى وابتسمت بحنان....ودرتلك كيكة البرتقال يلي تحبيها ياغزاله
رؤى:ابتسمت وباست راس امها....صحتين
تعبانه والله خدمت هلبا نبي نرتاح
حسنه:بعيد الشر عليك تريحي باهي
جلال:شن تحسي بنتي؟
رؤى:مزال محافضه على ابتسامتها.....ولاشي بابا تعب الخدمه بس
جلال:نقرا عليك ؟
رؤى:لالا مش ضروري....تصبحو ع خير
وخشت بسرعه دارها
حسنه:على وجها علمات الاستغراب....تلاقي الخير 😕

رؤى:سكرت الباب على نفسها ونهارت بكي بسبب الموقف يلي نحطت فيه اليوم وهيا تلوم في نفسها...كان غلط مني نمد يدي ع جيبه هذاك اليوم💔💔
نستاااااهل وربي
بس كنت محتاجه بنتي كانت بتموت😭💔
يعلم ربي اني رديتهم ومخديتش اكتر من50💔
ياربي علاش يصير معاي هكي والله تاعبه عشان الحلال والله💔
نهارت ع الارض تبكي وقلبها واجعها على حضها💔

واجعها على قصة حبها يلي انتهت بي زواج زي اي مسلسل او روايه بس نصدمت بواقع مر 💔
نصدمت بي شرب وضرب وقلة احترام منه وطلاق
واجعها على تعبها عشان بنتها ومع هاذا مش قادره تكون قويه اكتر من هكي 💔

____________________________________

#بعد_مرور_اسبوع

ماريا:لمحت خوها درس في الساحه الثانويه
لبست شنطتها بملل وقربت ع السياره وكل البنات تحكي عليها وعلى خوها بصوت واطي
ركبت السياره ولوحت شنطتها للخلف

أمير:قداش برا بنحكي على شعرك يلي نصه في الشارع
وع يلي في فمك وع الريحه يلي سابقاتك الف ميترو ؟؟
ماريا:امير ريحني واسكت اليوم بدات متنرفزه خليني في حالي
امير:دور السياره ....شن صاير
ماريا:صاحب بابا يلي جي نازح في الحوش يلي جنبنا
امير:خيره،؟
ماريا:جت بنته اليوم .....اهيا طالعه
امير:نحى نضراته وطاحت عينه ع هبه❤️....طالعه من الثانويه
حاطه يدها على عيونها عشان الشمس وخدودها حمررر من النو قصت الشارع بخطوات سريعه
امير:قعد سارح لين بوها طلع بسيارته
ماريا:هي اميييير السيارات ورانا اطلع
امير:رجع لبس نضراته ....خيرها البنت؟
ماريا:تافها ....انتقلت اليوم بس ودايره روحها شاطره بين البنات درهتلي كبدي
امير:في ناس شاطره وتقرا مش كله واسطات زيك
ماريا:سكفمك انت خوها ولا خوي
امير:خوك لكن واضح البنت احسن منك في حاجه وانتي غايره منها!
ولاني خوك نزبط
ماريا:بندير حفله الخميس
امير:علاش!
ماريا:عيد ميلادي ولا نسيت
امير:امممم
ماريا:بنعزم بنات الثانويه وبنعزمها حتى هيا نتعرفو عليها
امير:فكينا من اللاعيب الزايده وخلي البنت في حالها
ماريا:ساكته بس نضرات عيونها مطمنش❌

_______________________________________

ليلى:مقعمزه وتتفحص في الحوش بعيونها
كانت حاسه ان في حاجه في الحوش البسيط هاذا معندهاش هيا في حوشها 💔
فكرت دورت بعيونها بس مفيش فايده لين قاطعت افكارها حسنه بي وجها البشوش❤️

حسنه:حطت كوب الشاهي والبريوش على الطاوله ....انستيني وشرفتي والله
ليلى:يبارك فيك
شوفي حسنه انا منبيش نعطل عليك
حسنه:ادللي
ليلى:نبي منك تخدميلي حلويات لي عيد ميلاد ماريا
حسنه:من عيوني
ليلى:خدت رشفه من الشاهي ...وهيا ساكته
حسنه:حست ان ليلى عندها كلام تبي تقوله بس مافهمت شنو
ليلى:في طلب تاني بس نبيه يكون بينا
حسنه:اكيد يا مدام تفضلي
ليلى:نبي من راجلك جلال امية قرآن ضروري
حسنه:استغربت.....ان شاء الله حاضر
ليلى:صحيتي ربي يخليك
هي بنوض
حسنه:خليك كملي الشاهي
ليلى:لا والله صحيتي مستعجله
حسنه:ربي معاك❤️

______________________________

ماريا:نزلت من السياره وقربعت الباب
امير:الف مره نقولك بشويه ع الباب
ماريا:خش للحوش شافت رقيه قدامها ...لوحت عليها شنطة المدرسه وبسرعه ما تلقتها رقيه
ماريا:الحقيني انتي التانيه
رقيه:هزت راسها بمعنى تمام ولحقتها

ماريا:خشت لي دارها ودمها محروق ماشيه جايه وتحكي بشويه ....هبه!!
الواطيه كيف تخطف عيون حسام ولد عمي التافها
بنموووت 🔥حقيره كان ناقصني انا
رقيه:خشت وراها وحطت شنطتها ع الكنبه
ماريا:اسمعي انتي ليك 3ايام بس هنايا
بابا جايك عشان تساعدي امي لاني شهاده ثانوي بس نبي عيونك مفتوحات ع الكلبه يلي حوشها لاصق فينا وتقوليلي كل شي سامعه؟
رقيه:عقدت حواجبها وهيا مش فاهمه..من هيا؟
ماريا:لوحت الصنه يلي قدامها لين طاحت تكسرت.....بلا استغباء من البدايه نحكي ع هبه الواطيه
رقيه:هزت راسها بخوف
ماريا:صبعها في فمها من التوتر وتشوف لي حوش جلال .....شن سمعتي جديد ع حوش جلال وبنتهم رؤى!؟
رقيه:س س سمعت ان ولدهم مروح اليوم
ماريا:نزلت صبعها بصدمه وتلفتت ...ولدهم؟
رقيه:اي
ماريا:مش في الحرب ؟مماتش هوا؟
رقيه:لا
ماريا:شن في تاني ؟
رقيه:جايين اليوم بنات عمك محمد بيتعشو امك قالت
ماريا:تمام اطلعي نبي نبدل حوايجي
رقيه:سكرت الباب وطلعت

كانت رقيه عارفه وفاهمه ان ماريا تعاني من مرض نفسي!💔
تراقب في رؤى من قبل بطريقه تخوف وحاسدتها على ابسط شي رغم ان هيا عندها كل شي!
وتوا جاي الدور ع هبه يلي كانت تعاني في مشاكل رهيبه ومش ناقصه💔

________________________________

رؤى:فتحت عيوني وكل شي جنبي ضلام!!
منشوف في شي
نشم في ريحة مطهرات قويه نفس مطهرات المستشفى
نسمع في اصوات اجهزه وصوت خطوات ناس
قعمزت بسرعه وحاسه جسمي مكسر💔
حطيت يدي على عيوني وقلبي طاح لما ...يتبع

هلبا عائلات مطلعوووش والبطل مطلعش وهلبا قصص مجبتش سيرتهم منبيش نلخبطكم هاذا باش كتبت الحلقه هاذي قصيره عشان نتعمقو في حلقة غضوا الروايه حلوه محدش يقيمها من توا 
يُتبع ..

google-playkhamsatmostaqltradent