رواية حب وعذاب الفصل التاسع والعشرون 29 بقلم آية السيد

 رواية حب وعذاب الفصل التاسع والعشرون 29 بقلم آية السيد

رواية حب وعذاب الجزء التاسع والعشرين 

رواية حب وعذاب البارت التاسع والعشرون 



رواية حب وعذاب الحلقة 29

البارت التاسع والعشرين

في العربيه المتوجهه ناحيه الاسكندريه
يزيد مسك تليفون علا وقرر انه يرد
يزيد فتح الخط واول لما سمع الصوت اتصدم
الشخص /الو
يزيد بصدمه /انتي
الشخص التاني اتوتر لما سمع الصوت /ايوه انا
يزيد ابتسم لانه كان لسه بيفكر فيها وكأن ربنا حقق له رغبته وخلاه يسمع صوتها تاني
يزيد بابتسامه /عامله ايه
مي باحراج /احم الحمد لله كويسه.. انت عامل ايه
يزيد بابتسامه /الحمد لله تمام
ريم كانت ملاحظه تعابير وش مي اللي اتغيرت وطريقه كلامها الغربيه
مي بتوتر /احم هي علا فين
يزيد بص علي علا اللي نايمه في حضنه وابتسم /علا نايمه
مي /طاب انتوا وصلتوا
يزيد /لا احنا لسه في العربيه بس خلاص قربنا
مي /توصلوا بالسلامة ان شاء الله طب انا هقفل دلوقتي ولو سمحت لما علا تصحي وانتوا توصلوا خليها تكلمني
يزيد /ماشي
مي /مع السلامه وشكرا جدا
يزيد بابتسامه /مع السلامة
يزيد قفل معاها وفضل مبتسم وحضن علا اكتر وفضل باصص علي الطريق
وقطع شروده صوت موبايله
يزيد بص علي شاشه الفون ولقاها والدته
يزيد بابتسامه /ازيك يا ست الكل
غاده (والده يزيد) /الحمد لله يا حبيبي انت عامل ايه
يزيد /الحمد لله والله يا ست الكل كله تمام
غاده /يا رب دايما يا حبيبي وعلا عامله ايه
يزيد بص لعلا واتنهد بحزن لحالتها دي /والله يا امي مش عارف افرح انها هتقعد معانا فتره ولا ازعل علي حالتها
غاده بخوف /فيه ايه يبني
يزيد /مش عارف بس حاسس ان فيه حاجه حصلت معاها وهي السبب في اللي حصلها دا
غاده /ان شاء الله خير يا حبيبي ومش هيبقي فيه حاجه
يزيد /يا رب يا أمي
غاده /انتوا خرجتوا من القاهره ولا لسه
يزيد /اه خرجنا من مده كده وخلاص قربنا نوصل اهوه
غاده /تيجوا بالسلامة ان شاء الله يا حبيبي
يزيد /تسلمي يا ست الكل
غاده /ماشي يا حبيبي مش عاوز حاجه
يزيد /سلامتك يا حبيبتي
غاده /سلام يا حبيبي وخلي بالك من اختك
يزيد /دي بنتي يا أمي مش اختي
غاده بابتسامه حب/ربنا يخليكوا لبعض ومش يحرمكوا من بعض ابدا يا رب يا حبيبي
يزيد /ولا يحرمني منك ابدا يا رب يا حبيبتي
غاده /ماشي يا حبيبي سلام
يزيد /سلام
وقفل معاها وسند راسه علي الكرسي وفضل يفكر في حاله علا وياتري ايه سبب اللي هي فيه وجه علي باله مي فابتسم

_____________________
في الجريده
مي قفلت مع يزيد وابتسمت وفضلت تفكر فيه وهي م عارفه هي بتفكر فيه ليه وايه سبب انه بياجي علي بالها
مي فاقت من شرودها علي هزات ريم ليها
ريم وهي بتهز مي /مي انتي يبنتي فيه ايه ومالك سرحانه كده
مي بعدم استيعاب /اصلي كلمته
ريم وهي ترفع حاجبها الشمال /نعم ياختي مين دا اللي كلمتيه ان شاء الله
مي اخدت بالها من كلامها /ها لا مفيش حد
ريم /يا جدع
مي /خلاص بقا يا ريم
ريم /ماشي هعديها بس علا عامله ايه وانتي كنتي بتكلمي مين اصلا
مي /دا..... دا يزيد اخو علا
ريم بخبث /اممم اخو علا وكلمته انا عارفا هو مين دا..... وبعدين غمزت لمي /دا شكل الصناره غمزت يا جميل
مي خبطتها بالراحه علي دماغها /بس يا جزمه عشان مزعلكيش
وكملت بتوتر /صناره ايه وزفت ايه دا اصلا بارد ورخم
ريم /ماشي هعمل نفسي مصدقاكي المهم علا عامله ايه وليه مردتش هي علي الفون
مي /زيزو قالي...
ريم قاطعت كلامها
ريم بضحك /هههههههه زيزو طاب والله الصناره شكلها غمزت
مي بتزمر كالاطفال /طاب خلاص مش قايله حاجه عشان اصلا انتي رخمه
ريم وهي بتحاول تكتم ضحكها /خلاص ياباشا انا اسفه كملي بقا
مي /ماشي بس تبطلي تغيظي فيا
ريم /خلاص بقا يا ستي ها كملي
مي بتنهيده /يزيد قالي انها نايمه وأنهم لسه في الطريق بس قربوا يوصلوا
ريم بحزن /ماشي
مي لاحظت حزنها /خلاص يا ريم صدقيني علا لو مكانتش محتاجه انها تبعد اكيد مكنتش هتعمل كده وبعدين احنا قوتها عشان كده لازم ندعمها
ريم /عارفه وانا والله بحاول اعمل كده بس فكره انها هتبعد فتره ومش هنهزر سوا ولا نتكلم ولا نغيظ بعض دي بتضايقني
مي /حاسه بيكي والله بس احنا لازم نقف جنبها عشان تعدي الفتره دي وترجع لينا تاني
ريم بابتسامه /معاكي حق وحضنتها /انا بحبك اوي يا مي
مي بابتسامه /وانا بحبك اوي يا قلب مي
مي بعدتها /ها نكمل يلا بقا نكمل شغل بدل ما نترفد انتي عارفه عمك أمجد مش بيهزر في الشغل
ريم بضحك /خليه يسمعك وهيتعمل منك بطاطس محمره
مي /كده طاب يلا علي مكتبك بقا
ريم /ماشي يا اختي متزقيش طيب
وكل واحده فيهم بدأت تشتغل وبتحاول تداري حزنها عن التانيه
_________________
في شركه الجرحي
حنان كانت قاعده في مكتبها وبتفكر في محمد وحبها ليه وبتفكر في العريس اللي هياجي بعد يومين واللي واضح من كلام أهلها انهم موافقين عليه وهي معدتش هتعرف ترفض العرسان بعد كده
وبعدين اتكلمت بصوت مسموع /اكيد لو كان بيحبني وعاوزني كان جه خطبني ومكنش هيستني كل ده
هند صاحبتها دخلت المكتب بتاعها واتفاجات من كلام حنان
هند باستغراب /فيه ايه يا حنان انتي بتكلمي نفسك ولا ايه
حنان فاقت من شرودها علي صوت هند
حنان /ها انتي جيتي امته
هند /من اول لو كان بيحبني كان هياجي يتقدملي
حنان بتوتر /ها مين دا
هند /اللي واخد عقلك سي محمد
حنان بحزن /مش عافه اعمل ايه يا هند بحبه ومش قادره ابطل تفكير فيه و احيانا لما بشوف نظراته بحس انه بيحبني بس لو بيحبني ليه لغايه دلوقتي مجاش أتقدم ليا والمشكله ان العرسان اللي رفضتهم قبل كده كان عندي حجه زي اني اكمل تعليمي او اني اشتغل ويبقا ليا شخصيتي لكن دلوقتي خلاص بقالي سنه وزياده متخرجه ومن طريقه كلام بابا عن العريس دا واضح اوي انه موافق عليه
وبعدين اتكلمت بياس /انا بجد مش عارفه اعمل ايه
هند وهي بتطبطب علي كتفها /اهدي يا حنان وسلمي امرك لله وهو اكيد قادر يحلها
حنان /ونعمه بالله
هند كملت بمرح عشان تخرج حنان من الحاله دي /وبعدين انتي قاعده كده والشغل واقف دا كلها كام يوم والأستاذ رحيم يرجع ويعلقنا انا وانتي علي الشغل دا
حنان بصدمه /صحيح دا انا المفروض اخلص الملفات دي قبل ما ياجي وانا نسيت خالص
هند بضحك /اعمل فيكي ايه ما هو كله من سي محمد اللي واخد عقلك
حنان /طاب يلا يا لمضه بقا من هنا عشان اخلص شغلي
هند /بتطرديني ماشي يا ستي بس اعملي حسابك هستناكي واحنا مروحين نروح سوا اشطا
حنان بضحك /ماشي يا اسطي
وهند راحت مكتبها
حنان /يارب انت العالم بحبي ليه يا رب فرح قلبي يا رب
وبعدين كملت شغلها تاني
__________________
في شرم
رحيم راح اوضته عشان يجهز زي ما ياسين قاله وبعدين جه علي باله حنان
ومسك التليفون وكان هيتصل بس نفض الفكره من دماغه
رحيم لنفسه /طاب هتصل اقول ايه ولا ايه الحجه اللي هكلمها بيها
وبعدين ابتسم وساب التليفون /خلاص مش هتكلم الوقتي بس اكيد اول لما ارجع لازم اخد خطوة في علاقتنا وتبقي ليا يا حنان وليا انا وبس
رحيم كمل لبسه وبعدين قرر انه يروح اوضه ياسين يشوفه عشان يفهم هو هيعمل ايه بالظبط
رحيم لبس بدله سوده كلاسيك وكان قمر يعني
رحيم راح اوضه ياسين وخبط وبعد كده ياسين فتح الباب
رحيم دخل الاوضه ولقي ياسين لابس بدله سوده وقميص ابيض وشوز اسود وساعه سوده وكان قمر يعني بجد مع عيونه السوده وضحكته اللي تخطف القلب
رحيم بصدمه /ايه يا عم هتفهمني بقا فيه ايه ولا مش ناوي وبعدين ايه الشياكه دي دا انت بتيجي الشركه بالبدل بالعافيه ودلوقتي الاقيك لابس بدله
ياسين /يا عم اهدي بس وشويه وهتفهم
رحيم /لا انا مش مطمنلك فهمني كل حاجه دلوقتي
ياسين /ماشي يا عم.
رحيم /ها أنا سامعك
ياسين /...........

_____________________
في القسم
زين كان قاعد في مكتبه وكان معاه محمد وفارس
زين /انا طبعا اتاكدت من كل المعلومات دي بنفسي واتاكدت ان شريف فعلا متورط في كذا عمليه تخص الزعيم
محمد /بجد مكنتش اتوقع ان شريف يعمل كده
فارس بشر /هي دايما كده دايما اقرب الناس لينا هما اللي بياذونا
زين /المهم دلوقتي اننا ننهي الموضوع دا في اسرع وقت
محمد /طيب انت شايف ايه
زين /لسه بنجهز خطه
فارس /طاب ما نقبض علي شريف علطول
زين /مش هينفع لان كل الادله اللي عندنا سهل اوي شريف ينكرها عشان كده احنا لازم نعمل حاجه وساعتها هيتمسك متلبس وبكده مش هيقدر ينكر اي حاجه
فارس لنفسه بشر /كنت مفكرك اذكي من كده يا زين بس يلا مش مهم طالما هخلص منك قريب فكله يهون
زين /فارس يا فارس
فارس /ها
زين /ها ايه بقالنا ساعه بنكلمك
فارس/ معلشي يا زين واصل بصراحه مكنتش اتوقع ان شريف يعمل كده
زين /مع الأسف هو اللي قرر يدخل وكر التعابين من الاول
فارس /طاب ايه المطلوب
زين /لغايه دلوقتي مفيش حاجه بس كل اللي لازم تعرفوه ان خلاص معتش وقت كتير
فارس /تمام.. حاجه تانيه
زين /لا وشكرا يا فارس علي مساعدتك
فارس /لا شكر على واجب يا زين... انا مضطر امشي دلوقتي عشان لسه عندي شغل
زين /تمام يا فارس
فارس /سلام يا محمد
محمد /سلام
وفارس خرج من مكتب زين وابتسم بشر/خلاص يا زين هانت كل الحكايه شويه وقت واخلص منك للأبد
وبعدين راح مكتبه
زين ومحمد فضلوا قاعدين وبعدين زين مسك تليفونه واتكلم
زين /ها يا شريف كده تمام
شريف /اكيد بس بن ال******عامل نفسه خضره الشريفه وقال ايه مكنش يتوقع اني اعمل كده
محمد /اهدي يا شريف الحكايه حكايه وقت بقا ونخلص وساعتها هيبقا سهل نعرف مين الزعيم.
شريف /ماشي
زين /كده تمام كمل بقا شغلك ولينا قاعده عشان نرتب بالظبط هنعمل ايه
شريف /ماشي سلام
محمد وزين /سلام
وزين قفل مع شريف
وبعدين زين رجع دماغه علي مسند الكرسي
محمد /ان شاء الله خير يا زين متقلقش
زين /يا رب يا محمد خلينا نخلص بقا
محمد /ان شاء الله... وبعدين بقولك ايه ما تيجي اعزمك علي الغدا
زين /دا ايه الكرم دا
محمد /خلاص براحتك يا عم انت حر بس الحاجه بقا عامله محشي ورق عنب ايه جامد واظن انك مجربه قبل كده وعارف
زين /يعني فيه ورق عنب وانت لسه قاعد قوم يا عم بينا
محمد /هههههههه كنت عارف عشان كده عرفتهم في البيت
زين /طول عمرك جدع يلا بقا اخلص
محمد /ماشي يا عم ادينا قمنا
وبعدين راحوا هما الاتنين بيت محمد

____________________
في شرم
وعد كانت في اوضتها ولسه مصدومه من اللي شافته في الشنطه وفاقت من صدمتها علي صوت الباب
وعد راحت فتحت الباب واتصدمت
وعد باستغراب /انتوا مين؟؟؟؟؟؟؟؟
البنات /.......

يُتبع ..

google-playkhamsatmostaqltradent