رواية حب وعذاب الفصل الخامس والعشرون 25 بقلم آية السيد

 رواية حب وعذاب الفصل الخامس والعشرون 25 بقلم آية السيد

رواية حب وعذاب الجزء الخامس والعشرين 

رواية حب وعذاب البارت الخامس والعشرون 

رواية حب وعذاب الفصل الخامس والعشرون 25 بقلم آية السيد


رواية حب وعذاب الحلقة 25

البارت الخامس والعشرين

في القسم
فارس كان قاعد علي مكتبه وبيخلص شويه ورق
فارس لنفسه /بما اني النهارده اكتشفت غباء زين وبقت كل حاجه ماشيه كويس وزي ما اترسم ليها مع الزعيم وزين الغبي هو بنفسه بيبعد الناس اللي بتحبه عنه يبقا الموضوع دا محتاج احتفال واحتفل كبير كمان وانا عارف انا هروح فين
فارس خرج من الاسم وهو بيبتسم بشر وراح الكباريه
فارس دخل وقعد علي الترابيزه واول لما سهر شافته راحت عليه بسرعه
سهر بدلع /ايه دا فارس بيه بنفسه هنا
فارس /ايوة شفتي بقا
سهر /لا دا انت علي كده شكلك مبسوط بقا
فارس بضحك /هههههههه طول عمرك لماحه يا سهر
سهر بمياعه /هئ هئ طبعا يا باشا
فارس /طاب ايه ما تيلا بقا دا انا حتي وحشني رقصك
سهر بمياعه /بس كده عيوني يا فارس بيه وكمان فيه هديه ليك
فارس /وانا طول عمري بحب الهدايا
سهر شاورت للجرسون وجاب الويسكي وقدمه لفارس
شهر بسهوكه /دول ليك يا باشا ودول مخصوص ليك انت
فارس /ماشي يا سهر يلا بقا
سهر /ماشي يلا حلو
سهر طلعت علي المسرح وفضلت ترقص وطبعا الكل بيسقف ليها

*سهر/عندها كباريه و رقاصه فيه وتعرف فارس من فتره ودايما بياجي يسهر معاها في الكباريه *

سهر بعد ما خلصت رقص راحت وقعدت علي ترابيزة فارس تاني
سهر بسهوكه /ها ايه رايك في رقصي عجبتك
فارس بخبث/طول عمرك عجباني يا سهر
سهر /وانت طول عمرك عاجبني يا فارس
فارس /هههههههه ما انا عارف
سهر بمياعه/هيهيهيه طول عمرك واثق من نفسك
فارس /لأبعد الحدود وحياتك..... وبعدين انتي جبتي الويسكي دا ومش هتشربي معايا ولا ايه
سهر بسهوكه وهي بتاخد الكأس من ايده /لا طبعا ودي تيجي
سهر اخدت منه الكأس وشربته وفضلوا يشربوا هما الاتنين
____________________
في منزل حسن خليفه
محمد راح لريم اوضتها وخبط بس محدش رد وفكر ان ريم نامت بس سمع صوت خلاه يقلق وراح فتح الباب ودخل
محمد اتصدم لما شاف ريم نايمه علي السرير ومستغطيه بس فيه صوت
محمد قرب منها ورفع الغطاء وشاف ريم ضامه نفسها شبه الجنين وبتعيط جامد وبتحاول تكتم شهقاتها
محمد بصدمه من منظر اخته /ريم...... ريم مالك فيكي ايه
محمد مسك ريم وقعدها وريم لسه بتعيط
محمد قلبه وجعه علي اخته واخدها في حضنه وحاول يهديها
محمد بحنيه وهو بيمشي ايده علي شعرها /هشششش اهدي يا حبيبتي بس اهدي يا ريم
كل دا وريم مستمره في العياط
بعد فتره محمد بعدها عنه ورفع شعرها اللي نازل علي وشها ورجعه ورا ودنها ومسح دموعها
محمد بحنيه /هششش اهدي يا حبيبتي بس وقوليلي مالك وايه اللي مخليكي تعيطي كده
ريم بشحتفه /ع.. عشان.. ع.. علا ه.. هتسافر
محمد /طيب اهدي كده وفهميني براحه
ريم بعياط /ع.. علا خلاص.. ق... قررت انها ت.. تسافر اس... اسكندريه
محمد /طب اهدي يعني هي هتقعد هناك دايما
ريم هزت راسه بمعني لا
محمد /طب اهدي بس وفهميني
ريم وهي بتحاول تهدي وتاخد نفسها /هي كانت ت.. تعبانه الفتره اللي فاتت وقالت هنقل شغلي واقعد فتره .. و.. وبعدين هرجع
محمد /طب اهدي بس... وبعدين انتي بتقولي انها هترجع تاني صح
ريم هزت راسها /ايوة
محمد /طب يبقا ايه اللي مزعلك بقا
ريم بعياط /ع.. عشان انا وهي د.. دايما سوا و.. ومع بعض وو.. ومينفعش هي تمشي وتسبيني... عشان هي عارفه اني مش بحب ابقا لوحدي وان هي أقرب حد ليا
محمد بتفهم /اهدي بس يا حبيبتي وبعدين انا عاوز أسألك سؤال
ريم بصت ليه
محمد /انتي بتحبي علا
ريم هزت راسها بايوة
محمد/يا حبيبتي انتي قولتي ان علا كانت تعبانه الفتره اللي فاتت صح
ريم /اه
محمد /يبقا خلاص سبيها تروح تغير جو الفتره دي وترجع احسن من الاول وبعدين يا ستي التليفون موجود اتكلموا كل يوم وبعدين يا حبيبتي مينفعش نكون انانيين ونفضل راحتنا علي راحه اللي بنحبهم
طب انتي هتتبسطي لما علا تقعد هنا ونفسيتها تتعب اكتر
ريم هزت راسها بعنف بمعني لا
محمد /شوفتي بقا خليها تبعد فتره وبالعكس لو دا هيخليها أحسن شجعيها واقفي جنبها مش تحسسيها بالذنب
ريم حضنت محمد /معاك حق يا محمد وانا مش لازم اكون انانيه وانا وهي هنتكلم كل يوم.. لا كل ست ساعات... او لا انا هفضل اكلمها كل ساعتين
محمد بضحك /هههههههه اتكلموا كل ثانيتين وريحي نفسك
ريم بضحك /بس يا بارد
وبعدين ريم بعدت عن محمد و دموعها نزلت تاني /ط.. طاب انا كده هبقي لوحدي
محمد خبطها براحه علي جبينها /طاب وانا روحت فين يا بت... اي وقت تحتاجيني فيه هتلاقيني جنبك وفي ضهرك دايما واي حاجه عاوزة تقوليها ليا تعالي فورا وانا دايما هسمعك
اتفقنا يا ريمو
ريم حضنت محمد جامد
ريم /ربنا يديمك ليا يا احلي حمص في الدنيا كلها
محمد بضحك /يبنتي ارحميني بقا بالذمه دا اسم يتقال لظابط
ريم /طاب والله الاسم حلو
محمد /ماشي يا ريمو اي حاجه منك حلوة يا اسطي
ريم /طبعا يا باشا
محمد بعد عنها /ايه يا بنتي الثقه دي
ريم /عيب عليك يا باشا دا انت معاك اجمد صحفيه
محمد /وانا معنديش شك في كده..اه صحيح انتي قابلتي الفهد
ريم /ايوة وطلع زين صاحبك
محمد بضحك /هههههههه منا عارف يا هبله
ريم /طاب مقولتليش ليه يا رخم... دا انا اول لما شوفته تنحت
محمد بضحك /هههههههه يخربيت كده كان بصراحه نفسي اشوف منظرك
ريم /والله انك بارد
محمد /خلاص خلاص طاب هو زين دايقك
ريم /لا بالعكس اتكلم بهدوء والمقابله كانت حلوة
محمد بثقه /طبعا يا بنتي زين جا اصلا مفيش منه اتنين
ريم /ايه يا تم دا تحب اجوزهولك
محمد خبطها تاني براحه /يبت بطلي هزار... لا بجد زين اخ جدع وصاحب وفي وطول عمرنا سوا وبجد لو رجع بيا الزمن هختاره يبقا أقرب حد ليا
ريم كانت بتسمع كلام محمد ومبتسمه واعجابها بزين بيزيد كل يوم اكتر
محمد /ريم.. يا ريم انتي يبت
ريم /ها
محمد /ها ايه روحتي فين
ريم/ موجوده
محمد /لا واضح وبعدين يلا بقا فضلنا نرغي وامك اصلا زمانها خلصت الاكل
ريم /تصدق انا جعانه اوي
محمد /عارف يا لمضه وخصوصا ان سيادتك مكلتيش حاجه من فتره
ريم /ايه دا دا شغل مخابرات بقا وكده
محمد /اي خدعه يا باشا ويلا بقا
ريم /ماشي يا عم متزقش طيب
وخرجوا هما الاتنين وريم غسلت وشها عشان متبنش انها معيطه
هيام /اخيرا يا ريم وبعدين مال عينك انتي معيطه
ريم /ابدا يا حبيبتي انا كويسه اهوه
محمد حاول يغير الموضوع /ها يا ست الكل الاكل جهز
هيام /ايوة يا حبيبي ثواني بس
وبعدين هيام جابت الاكل وحطته وريم ومحمد أكلوا وكل واحد دخل اوضته
وريم قررت انها تدعم علا في قرارها واقتنعت بكلام محمد جدا وأنها لازم تقف جنب علا طالما هي كده هتكون أحسن
وبعد كده راحت في عالم الاحلام
_________________
ثاني يوم جه علي أبطالنا
في بيت عبدالحميد
علا /ها يا زيزو خلصت
يزيد /يبنتي اهدي بقا هخلص اهوه
علا بضحك /يبني هو مش المفروض العكس
يزيد بعدم فهم /هو ايه دا
علا بضحك /يعني الولد اللي يخلص الأول والبنت هي اللي تتأخر.. اشمعنا القاعده معكوسه دلوقتي
يزيد /يبنتي هو انا اي حد بردوا
علا /طاب اخلص بقا يا خفيف
يزيد /حاضر يلا يا ستي انا جاهز
علا /يلا اخيرا
يزيد /خلاص بقا دا الحكايه كلها نص ساعه تأخير
علا /يا رب صبرني
نسرين /فيه ايه بس يا ولاد
يزيد /ابدا يا عمتو الحكايه كلها ان علا دايما بتتاخر علي مواعيدها ومش ملتزمه خالص
علا فتحت عنيها وبوقها وبصت ليزيد بصدمه /نعم دا اللي هو انا
نسرين بضحك /هههههههه عمركوا ما هتتغيروا ابدا نفس الحكايه بتعملوها من وانتوا صغيرين لسه علا بتخلص الأول ويزيد يتأخر
يزيد بضحك وهو بيحك ايده خلف اذنه /ياه انا مفضوح كده
علا بضحك /هههههههه عشان تعرف بس انت طول عمرك كسول
يزيد /ماشي يا عم القرد
علا /انا قرد ماشي يا عم اصبر بس اما نرجع... لولا بس اني متأخره كنت نفختك
نسرين /انتي راحه الجريده دلوقتي
علا /اه يا حبيبتي هروح بقا اقدم طلب النقل وبعدين اجي عشان ناخد الشنط ونسافر بعدها
نسرين /ماشي يا حبيبتي
علا /يلا مش عاوزة حاجه
نسرين /سلامتك يا حبيبتي
يزيد /مع السلامة يا جميل
نسرين /مع السلامه يا حبيبي
وبعدين يزيد وعلا نزلوا وراحوا الجريدة
علا كانت ماشيه هي ويزيد وكانت بتحاول تنسي زعلها واي حاجه وكانت بتشاور ليزيد علي كذا مكان ويتكلموا عن الأماكن دي
علا كانت ماشيه وبعدين خبطت في حد واتصدمت
علا بصدمه /هو انت؟؟؟؟؟؟
________________
في المستشفى
الحراس كانوا واقفين قدام اوضه احمد عشان ميهربش بعد ما الدكتور بلغهم انه بقا أحسن شويه بس بردوا لازم يقعد فتره في المستشفى
الحارس1/احنا لازم نتأكد انه كويس عشان لو جراله حاجه احنا ساعتها اللي هنموت
الحارس2/معاك حق انت مشفتش رحيم بيه ماكد ازاي انه مينفعش يجراله اي حاجه
الحارس 1/اه صحيح هو رحيم بيه في شرم ليه
الحارس 2/راح يغير جو وخصوصا بعد اللي حصل للانسه وعد وبعدين بطل اسئله بقا وتعالي ندخل نشوفه
الحارس 1/ماشي يلا
والحرس فتحوا الباب واول لما دخلوا اتصدموا؟؟؟؟؟؟؟؟؟؟.

يُتبع ..

google-playkhamsatmostaqltradent