رواية اسم مستعار الفصل السادس عشر 16 بقلم اسماء أشرف

 رواية اسم مستعار الفصل السادس عشر 16 بقلم اسماء أشرف

رواية اسم مستعار الجزء السادس 

رواية اسم مستعار البارت السادس 

رواية اسم مستعار الفصل السادس عشر 16 بقلم اسماء أشرف


رواية اسم مستعار الحلقة السادسة


#اسم_مستعار 16
ايه:ماسك التلفون..وتسمع للمحاضرات يلي دزتهن لها امال..لين جاها اتصال من محسن..قلبها دق بخوف..شافت لتلفون لقت المكالمه اسكرت..حست انها كانت المفروض ترد..بس بعدين ران اخر وكان محسن طبعاً ف ع طول ردات
محسن:الو ايه
ايه: بصوت مخنوق..اهلين محسن
محسن:انا تحت في شارع تعالي نبي نحكي معك شوي
ايه:تمام..وصكرت..خذت نفس ونزلت💔💔
محسن:يحرك ف راجليه ع الارض ويشوفلها..لين حس ان باب الحوش انفتح..شاف لقه ايه
ايه:قربت منه ومدت يدها وهي فيها الرعشه💔
محسن:شافلها فتره وشاف لعيونها كيف فيهن دموع..بدال مايحضن يدها بسلام لا..قرب منها وخذاها في حضنه
ايه:بدات تبكي..قديش كان خاطري فيه الحضن هذا منك😭
محسن:يمسح ف دموعه..معلش كله ف وقته حلو
ايه:بعدت عنه..عرفت بكل شي صح
محسن:اي حكتلي..واول ماعرفت طلعت من الحوش وقاعد عند صحبي توه
ايه:هزات راسها...اخر شي كانت نتوقعه انك تطلع خوي بجد صدمه
محسن:اتكا ع سياره ويشوف السما...اكيد صدمتك اكبر من صدمتي
ايه:تنهدت..اي يعني بعد ماعشت معهم 20سنه وفي الاخير يطلعو مش هلي الحقيقيين يلي من لحمي ودمي💔وربي مافيش حد انظلم غيري انا في الحكايه هذي كلها
محسن:معلش..كله يهون مع الوقت
ايه:هزات راسها...قعدو هم الاثنين ساكتين شوي
محسن:تنهد..المهم ماتبي شي توه
ايه:تبي تمشي
محسن:اي تاخرت ع صحبي ومش حلوه نروح متاخر
ايه:هزات راسها
محسن:حضنها..مع سلامه
ايه:بادلته الحضن..ربي معك
محسن:ركب سيارته وعدا
ايه:خذت نفس..والتفتت شور الباب تبي تخش اطيح عينها ع مالك وهو يشوفلها من روشن..شافتله بعدين خشت..وصكرت الباب
____________________________
بشير:نورتي حوشك يا عروس😏
حور:اطلع خليني نغير الهم يلي لبسته بسببك
بشير:مش انتي يلي تبي هكي..وخليتي عمتك تجي تحيل علي عشان نستر عليك🤷🏻‍♂️
حور:حقير و واطي..تفوه عليك
بشير:مسكها من شعرها بغل..انتي الحقيره والواطيه يلي بعتي شرفك من اول مره..يافرخه انا تقوليلي هكي..وربي توه تشوفي..وفك سير السروال..ونزل فيها ضرب
وهي بي فيلو الفرح..فيلو الفرح يلي كل بنت تتمنه تلبسه وتتهنه بيه..فيلو الفرح تتمنه انك تلبسيه لشخص يلي انتي تحبيه ويحبك❤️

حور:تعيط تبي اي حد ينقذها من تحت يده لان بجد كان ضاربه واعر وعنيف💔اما بشير بعد ماصبا..مسح العرق
وبدا يضرب فيها ع بطنها بعنف..لدرجة حور تمت تنزل في دم من فمها.. واخر شي صار بدات تنزف لين بدا الدم في كل مكان في دار وحور ع طول فقدة الوعي💔
_________________________________
ايه:اسمع محسن من يوم يومي نعتبر فيه زي خوي..ماتجيش انت توه وتقولي عليش تحضني فيه
مالك:لا نبي نحسبك ونسالك ونعرف منك خير مانعرف من غيرك
ايه:بعصبيه...تي كنك ماتفهمش انت..نقولك زي خوي تقولي نعرف منك احسن مانعرف من غيرك..انت واعي يلي تقول فيه
مالك:مسكها من مرفقها..اسمعي يابنت..طول ماانتي قاعده في حوش العاشم معناها كل شي وليه اصول..يعني الطالعه والخاشه بحسب..فاهمه
ايه:لاااا انت زودتها بكل..بعد عني كذا..وفكت يدها منه وخشت لسرير وغطت وجهها
مالك:مصيري نعرف..وخش لسرير
ايه:تفكر..مستحيل نقوله ع يلي صار معي..ولو نموت مستحيل نخليه يعرف بشي💔
_________________________________
فوزيه:تران ع حور تبي تطمن عليها بس مافيش اي رد..مره واثنين وثلاثه بس شي وفي الاخير دزتلها رساله(انتي يا فرخه نران عليك عليش ماترديش اول ماتحصلي فرصه كلميني نبي نطمن عليك)صكرت فوزيه التلفون وحطته ع شحن وخشت راقدت..ماكنتش تعرف ان في الوقت هذا حور...💔
.
.
ماجده:مش قادره نراقد قلبي مش مترياح
ميلاد:بالله عليك ارقدي ورياحيني..نقولك شي اقري المعوذات توه تراقدي
ماجده:نقولك قلبي مش مترياح تقولي بالله عليك ارقدي..نبي نران ع حور نبي نطمن عليها
ميلاد:بنرفزه..تي فيش تقولي انتي..البنت اليوم عرسها خليه اتهنه مع راجلها
ماجده:ماعندكش قلب..وطلعت برا
ميلاد:طول حط راسه ع المخده وراقد..ولا ع باله شي
________________________________
ساعه5الفجر..واعت ايه عشان حست انها مصقعه..خذت من دولاب بطانيه وقعدت ع سرير تفرد فيها..شافت المالك..طبعاً راقد ولا ع باله الصقع..ماهو مايحسش..تي كنه هذا يهزا ف كتوفه تقول يرقص😂🤦🏻‍♀️قربت منه وحطت يدها بهدوء ع كتافه..لقاته مولع نار من الحراره
ايه:حي هذا مريض والحراره شكلها عاليه عنده..حطت يدها ع جبهته..لقتها نار🤦🏻‍♀️🔥حي لا هذا لازم ينوض يداير دوش مصقع
ايه:مالك مالك نوض..مالك تسمع فيا
مالك:ماردش عليه
ايه:صباات ومشت شوره..مسكت يده..وقعدت تصبي فيه..لين صبا معه..بس دايخ من الحراره
ايه:تسند فيه..تي طلعت ثقيل..وانا ع قد حالي
مالك:شبه واعي بس مش قادر يمشي
ايه:وصلت بيه للحمام..خلته يسلح دبشه من فوق..وخششته لدوش وفتحت الميه المصقعه

مالك:انفجع من الميه يلي انصبت عليه..صحصح شوي..بس مزال دايخ لدرجة قبل طاح وايه مسكته
ايه:قبل مايطيح مسكته لدرجة خشيت معه في دوش وتعبيت ميه مصقعه🤦🏻‍♀️
مالك:حط راسه ع كتاف ايه وحضنها..خليك معي ماتمشيش
ايه:مالك طبعاً ثقيل عليه وبالغصب مسكته..قعدت معه في دوش ممكن15دقيق بعدين طلعت جابت فوطه وطلعته من دوش..وتمت تنشفله في شعره وجسمه من فوق..مشت وطلعلته شي ثقيل عشان يلبسه
ايه:مالك نساعدك ف شي..تقدر تلبس بروحك!
مالك:هزا راسه
ايه:عطاته دبش..وطلعت من الحمام وطول غيرت دبشها ونشفت شعرها
مالك:طلع واتجاه ع طول لسرير وراقد..اما ايه قربت منه وغطاته كويس..وبعدت شوي..بس مالك خذها من يدها وحضنها
مالك:دافيني
ايه:😳..بادلته الحضن..بس تمت واعيه عشان تشوف حرارته كل شوي❤️
___________________________________
ثاني يوم الكل ناض ع صدمه مافيش حد كان يتوقعها..خبر الكل كان من صعب ان يصدقه..حور ماتت يوم عرسها..من يصدق..شنو السبب..الناس اول ماعرفت..مافيش حد فيهم تراحم عليها اول شي يقولو فيه..زعم لما خش عليها لقها مش بنت!!؟..زعم سماعها انها تكلم في حبيبها القديم💔!وين راجلها عليش مش قاعد..اكيد خش في حاله بسبب العار يلي دارته مراته..تستاهل المووت كان هي دايره العار هذا اقل شي يصير فيها..ووووووالخ..مافيش حد فيهم كان عارف الحقيق شنو

هل بشير طلعو صباح يطقو ع باب شقه مافيش حد فتح ولما قصرو الباب..مالقوش بشير قاعد وحور ميته في دار ودم من كثر الصقع لين تجمد..اما حور ف كان لونها ابيض..بسرعه بلغو هل حور وموتت حور انتشرت في المدينه اسرع من فيروس كورونا🔥

فيلاة انيس كانت مليانه بناس..وكلهم قاعدين جانب بعضهم ويتوشوش..اما ماجده خشت في عقل غير عقلها..قعد تبكي وتعبط ومافيش حد قادر ان يهديها حتى ولو شوي..💔برغم ان حور كانت لها حركات مش مقبوله بس مافيش حد من هل الحوش مابكش عليها..واكثر وحده هي فوزيه لان حست بذنب..وكانت متاكده ان بشير هو يلي دار فيها هكي🔥
____________________________
مالك:فتح عيونه بشوي..جا يبي يتحرك ماقدرش..لان ايه في حضنه..استغرب كيف هي في حضنه بعدين اذكر الي صار امس..رد حط راسه ع المخده ويشوفلها بتعب
ايه:ناضت من حضن مالك اول ماوعت..وقعدت تلم ف شعرها
مالك:يشوفلها..كانت مريض واجد امس لدرجة سهرتي عليا
ايه:شافتله..ضميري الانساني ماسمحليش نسيبك وانت في عز ضعفك..بعدين انت يلي طلبت مني نكون جانبك
مالك:ماردش عليها لان مزال دايخ..فتح الدرج وخذا بنادول..اما ايه خشت الحمام وطلعت فتحت تلفونها ولقت رسائل ومكالمات واجد من حلا...الطف يارب هذي اكيد دايره مصيبه..رادت اتصلت بيها

حلا:تبكي..تي وينك انتي من صباح نران عليك ماترديش
ايه:غير بشوي كنك تبكي وشنو صوت العيط يلي جانبك انتي وين،؟!
حلا:حور ماتت يا ايه😭
ايه:بصدمه..كاذبه
حلا:وربي ماتت اليوم..وبشير هو يلي قتلها اخر نحن كلنا متاكدين من هك...ايه انتي لازم تجي انا متحاجه واجد لك..اول مره نحضر عزاء في حياتي💔😭
ايه:صكرت ع وجهها..شافت لروحها ع المرايه..شن سبب عليش متتت!!؟شنو دارت من مصيبه..بس صح اي اي هي اجوزت بسرعه بسرعه وحتى بدون عرس كبير..وحور من طول عمرها تحب المظاهر غريبه ان دارت عرسها ع سريع هك..اكيد في شي..لازم نمشي نكون جانب حلا..
مالك:من مات!
ايه:بنت عمي
مالك:هذي يلي اجوزت امس!
ايه:كيف عرفت😨
مالك:انا ماشي نبلغ امي عشان تمشي معك..وطلع
ايه:بدات تلبس وعقلها مش معها
____________________________________
خشت ايه للفيلا ع طول حضنت حلا..ومن كثر ماحلا قاعده تبكي..بكت معها ايه ومريم وميمونه وايلاف..بعدت ايه..وحلا حضنتها ميمونه ونهله..اما ايه مشت عزت ماجده

بس ماجده ماكنتش في واعيها بنتها الوحيده ماتت لليلة عرسها..لا وطلع صيت مش تمام عليها💔بجد موقف لا يحسد عليه..كملت ايه عزت نعيمه يلي قاعده تبكي من صباح وحالتها حاله..لما وصلت الايناس عزتها بدون حضن او شي غير قالتلها البركه فيك..ومشت قعدت مع حلا💔

سميره قاعده مع ربيعه وتشوف الايه وخطرها تمشي تسلم عليها وتحضنها بس خايفه من ردة فعلها خصوصاً قدام الناس

ايه شفت السميره لكن مابتش تسلم عليها ولا حتى تقرب منها طول الوقت قاعده مع حلا وفوزيه
فوزيه:انا سبب..انا يلي قتله اجوزها كانت نقدر نشوف حل غير الزواج
ايه:انا مش مصدقه..حور حمل بي الحرام
فوزيه:كلنا متاكدين ان من بشير بس هو توه هارب..ميلاد وانيس دزو ناس ادور عليه عشان يتعقب
ايه:ربي يرد الحق💔
_____________________________________
(بعد مرور شهر ع وفاة حور)

طبعاً الطبيب الشرعي كشاف ع حور وقاللهم سبب موتها الضرب المبرح وبسبب النزيف يلي تعرضتلها بسبب الحمل..يعني حور كانت حمل..كلهم انصدمو..ميلاد خش في حاله بسبب بنته💔اما فوزيه لما شفته في الحاله هذي قررت تحكيلها ع كل شي..وفعلاً حكتله كل شي وانا اب الجنين هو بشير

اما بشير مسكوه انيس وميلاد..عطوه طريحه تقتل واخر شي اعترف وسلموه لشرطه وحكمو عليه بالحبس..اما هل بشير تبرو منه💔

طول العزاء سميره وايناس يحاولو يحكو مع ايه بس شي هي رافضه..وماعطتهنش مجل..وطبعاً ايه عزت انيس وميلاد..وانيس قاللها بعد مايتم العزا نبيك عشان نحكي معك...وطبعاً محسن مزال مارد للحوش بس انتقل للفندق لان حاس ان قاعد فتره طويله عند صاحبه
                    أسمـــاء أشـــــرف❤️🔥
         روايـــات أســــــــماء أشـــــــــرف

ميلاد:مش مصدق💔بنتي الوحيده يصير معها هذا كله..وتموت لليلة عرسها ع يد راجلها الزباله
انيس:وكل ربك..كل شي مكتوب من ربي يا محلاه..بعدين نحن خذينا حقها صح هي غلطة بس خلاص الكلام معش ينفع توه
نعيمه:موتتها تقهر اي حد..مزالت في بداية عمرها
ميلاد:بعصبيه..بس غلطة ونزالت روسن للاراض..انا مش راض
انيس:ماتغضبش عليها..قتلك يلي صار صار..وهي مراهقه..والحمدلله ان قدرنا نلمو الفضيحه ومافيش حد عنده علم بشي
ميلاد:شافله بكسرة عين وطلع برا💔
فوزيه:وين ماجده..المفروض ماتقعدش بروحها
ايناس:توه كانت عندها..سيبتها تبي تراقد

صح حور كانت مستفزه وبارده بس مافيش حد كان يتمنلها الموت..وبجد كلهم زعلو عليها حتى ايه❤️
                    أسمـــاء أشـــــرف❤️🔥
         روايـــات أســــــــماء أشـــــــــرف

امال:وربي حتى انا زعلت عليها..مهم كان هذي روح بنادم يلي ماتت..حسبي الله في زفت راجلها
ايه:تصدقي حتى انا..برغم كل شي بيني وبينها..الا اني ماكنتش نتمنلها الموت
امال:يلا..ربي يرحمها..امتى جايه لجامعه الامتحانات يوم الاحد...قرايتي؟
ايه:اي قريت شوي..بس مزال ماكملتش
امال:تمام منعطلكش..عدي كملي وانا كذلك نكمل
ايه:تمام باي
امال:سلام..وصكرت
ايه:قعدت تقرا شوي وبعد نص ساعه نزلت تحت
ميمونه:شن داير السمر توه😉
ايه:كويسه😂
نهله:اسمر سموري ملخبطلي اموري❤️
ميمونه:اول مره تقولي حاجه كويسه
هاشم:ناض هو ومالك للمكتب
هاشم:وحده فيكن اديرلنا قهوه
ايه:انا توه ندير
هاشم:صحيتي..ومشه للمكتب
نهله:ريحتيني ايه
ايه:ولا يهمك..وناضت للكوجينه ادير في قهوه..اما مريم خشت ع مالك وهاشم في المكتب🔥
_________________________________
مريم:انا مانبيش يصير هكي..مانبيش ولدي يلي طلعت بيه من دنيا..يكون في رقبته روح بنادم
هاشم:وحق ولدك يا وليه..ماتبيش يرد
مريم:انت عارف كويس ان مش انيس السبب..وان يلي صار كلها غدر
مالك:يشوفلهم ويسمع
هاشم:انتي مادخلكش بي الامور هي..خليك ف حالك
مالك:ياامي  انا نبي ناخذ بثار خوي..عاجلاً اما اجلاً
مريم:قربت منه..اسمعي مالك..امشي احكي مع انيس خليه يحكيلك الحقيقه ح يقولك نفس الكلام يلي انا نقول فيه بي الحرف
مالك:ياامي افهمي..لازم حد منهم يموت عشان خوي يترياح ف قبره
مريم:وانتتت من قالكك انه مش مترياح؟مننن!
هاشم:كله من كريم الزفت لو تم الموضوع تمام راهو توه مترياحين
مريم:موضوع شنو..وكريم من!
ايه:صبات عند باب المكتب وتبي اطق بس طاحت منها السفره من يلي سمعتها💔🔥
مالك:اي اي ياامي كريم كان ح يقتل حلا..بس ماصارش
ايه:قال حلا..حلا اختي😨
مريم:فتحت الباب شافت ايه مصبي وتبكي وسفرة القهوه مطرطشه ع الارض
مريم:ااي ااا ايه اايه انتي فاهمه غلطه
ايه:طلعت فوق من دون ماتسمع ولا حرف..هي صح كانت عارفه ان يبي ياخذ بثار خوه..بس توقعة ان نساه الموضوع بعد جواز💔
__________________________________
حلا:اي خلاص كملت امتحانات
فوزيه:بنجاح حبيبتي
طاهر:لا انا متاكد انها ح تنجح لانها تعبت وقرات واجد
حلا:ابتسمت
طاهر:اما بالنسبه لي انا..ف متاكد زي كل سنه من الاوئل😌
فوزيه: هههه ان شالله
.
.
ربيعه:شن قالك محسن
سميره:يحكي معي بي جفاف..بالغصب اخر💔
ربيعه:صدقيني بعد فتره وحيكون كل شي تمام..خلاص هانت
سميره:ان شالله💔
_______________________________
ايه:بعيط..تبي تقتل اختي..اختي الوحيده هذي
مالك:بعيط اكثر منها..اي نبي نقتلها نبي ناخذ بثار خوي يلي بوك قتله وسبب في موته
ايه:قربت منه..اقتلني انا بدالها..انا اقتلني لكن اختي الوحيده لا..بعد عنها هي مالهش ذنب
مالك:ضحك بهزوه..تبي اديري دور الضحيه..بعدين كنك شاده ع كلمة اختي اختي.ع اساس هي اختك من لحمك ودمك😏
ايه:شافتله بي معنى ايش قصدك!
مالك:اها انا عارف انك بنت سميره..ومش بنت انيس ..ها تحسبيني راقد ع وذني🔥
ايه:مايهمنيش انا بنت من..المهم حلا وطاهر يكون اخواتي ومستعده نضحي بروحي عشانهم
مالك:خليك قد الكلام معناها..وسحب مسدسه من خصره وصوب ع ايه
ايه:عمضت عيونها لان خلاص..في اي لحظه يقتلها..لين فعلاً مالك ضغط ع زر الاطلاق...يتبع+

عرفتها قصيره انا اسفه بس وربي هذا يلي قدرت نكتبه💔نعوضكن الحلقه الجايه ان شالله+رايكن مانبيش ملصقات او تم لا ..الحلقه هذي بذات نبي رايكن وهل كانتن متوقعات موتت حور او لا


يُتبع ..

google-playkhamsatmostaqltradent