رواية اسم مستعار الفصل الخامس عشر 15 بقلم اسماء أشرف

 رواية اسم مستعار الفصل الخامس عشر 15 بقلم اسماء أشرف

رواية اسم مستعار الجزء الخامس 

رواية اسم مستعار البارت الخامس 

رواية اسم مستعار الفصل الخامس عشر 15 بقلم اسماء أشرف


رواية اسم مستعار الحلقة الخامسة


#اسم_مستعار 15

حلقه طويله ونزلت بدري اخر😂مدلعتكن اليوم عشان هكي نبي تعليقات واجد ولايكات اكثر🥺

ملاحظه:-للبنات يلي يسالن امتى الحلقه انا انزل يوم بعد يوم..يعني يوم في حلقه ويوم لا
ايه:طالعه من الحوش تجري وترعش ودموعها ع خدها لدرجة ماتشوفش في شي قدامها💔
ايه:مجرد ماوصلت المالك حضنته❤️ودفنت وجهها في راقبته..خوذني من هنا مالك😭
مالك:مخلوع..غير كنك تبكي..شنو صار
ايه:زادت تبكي..ودايخه ومش قادره تصبي..قتلك خوذني من هنا مانبيش نقعد حتى دقيقه💔😭
مالك:كان اول مره يخاف عليها بذات ان هي مش قادره تصبي ودايخه وصوتها رايحه ووجهها اصفر..خذها وهي في حضنه وتبكي وركبو سياره وطلعو💔💔💔
مالك:يشوفلها وهي تبكي ومش قادر يداير شي..بذات ان ايه ماكنتش تسمع فيه حتى من صوت بكاها...ايههه شنو صار عند هلك عليش تبكي!!
ايه:كانت مخنوقه... بجديات موقف لا يحسد عليه..وجهها حمر والكلام مش قادر يطلع منه..كل ماتبي تجي تحكي متيصير شي حاسه روحها مخنوقه وكان حد يخنق فيها💔
مالك:درس السياره ع جانب..شاف الايه وتنهد وقرب منها..عشان يحول ايديها من ع وجهها
مالك:بعد يدها..لي ساعه نسال فيك ونقولك كنك تبكي...وانتي شي ماتبيش تردي..في حد زعلك!ضايقك بكلمه!
ايه:بدات تاخذ في نفس بصعوبه..مالك افتح الروشن
مالك:تي كنك تاخذي ف نفس بصعوبه..ماهو مش منك من البكا..وفتح الروشن..وخذا شيشة ميه وغسل وجه ايه بيها وعطاها تشرب
ايه:مقربه من الروشن وتاخذ ف نفس بقوه لين تعادل نفسها طبيعي..بس خلاص معش بكت لان معش عندها حيل..طول طريق وهي ساكته ومالك يشوفلها كل شوي يطمن عليها❤️
____________________________________
فلاش باك
سميره:تشوف لدبش ايه وهي صغيره...قبل عشرين سنه
ايه:يعني من عمري انا توه
سميره:اي من عمرك انتي..ماكنش عندي مكان نراقد فيه..لا انا ولا صغاري..ندور من مكان لمكان..راجلي توافى وانا في بداية عمري💔وبعد كم شهر بس مات وانا جايبه يعني مزلت نبي حد يعاني معي ويساعدني في تربية الصغار..قعدت كل مره عند حد..مره الكويس..مره يلي مش محترم
ايه:تسمعلها وخاطرها مكسوره ع يلي صار معها💔
سميره:لين جا يوم..مشيت فيه الاختي..وبصدفه سمعتها تحكي مع راجلها ع ان حالهم ع قدهم وان انا مش لازام نقعد عندهم ولو قعدت مانطولش والا ح يلزوني💔
ايه:بصراحه اختك هذي معندهش رحمه..ربي ياخذ الحق منها
سميره:تنهدت...بس قبل مانمشي الاختي..مشيت الناس وطلبت منهم مساعده وهم وافقو انهم يخلوني عايشه معهم بس بشرط
ايه:وشنو هو الشرط!
سميره:شافتلها...اني نعطيهم حد من صغاري وينسبوه لهم..وانا بي هكي نقدر نعيش معهم...بس انت في الاول رافضت
ايه:في الاول🤨!
سميره:اي في الاول...لكن بعد مامشيت قعدت عند اختي يوم واحد وسمعت الكلام هذا..لقيت ان مافيش حل غير اني نوافق ونعطيهم قطعه من قلبي💔
ايه:بخوف..شن دارتي!
سميره:مشيت لناس يلي طلبو حد من الصغار..وفعلاً قدارت اني نعطيم...مقابل اني ناكل ونشرب عندهم ونراقد..وكل شي
ايه:تنفس بسرعه..من الناس يلي عطيتهم حد من صغارك!!!؟؟
سميره:زادت تبكي😭
ايه:بعصبيه..قتلكككك منن!!؟؟... جووابيني
سميره:عيلة انيس هي يلي خذت مني الطفل الثاني😭
ايه:فهمت ان الكلام شورها..بدات الدموع تجمع ف عيونها...يلي فهمتها انك بعتيني لهم ونسبوني ليهم صح!؟ماهو انا مش غبيه..عليش تقوليلي انا في الكلام هذا بذات الا مانكون انت المقصوده منه..صحححح💔!!
سميره:اي اي صح...وانتي تؤام محسن خوك...وانا دارت..
ايه:قربت منها وتحكي وهي حط سنونها ع بعضهم...انتي دارتي هذا كله عشان تلقي وين تراقدي و وين تاكلي..مادرتيش هكي عشان حتى خاطري انا او محسن
ايه:ضحكت بهزوه..هه محسن..محسن يلي كلهم يقولو عليه شبهي..وفيه مني..طلع خوي في الحقيقه..ولا تؤام اخر
سميره:تبكي..سماحيني بنتي..ماتظلمنيش..دارت هذا كله عشانك انتي وخوك💔😭وهم كانو محتاجين لطفل في حياتهم لان ايناس طولت ماحملت..وبعد مانسبوكي ليهم ربي فاتحه في وجهم وحملت بي طاهر وحلا
ايه:والمفروض نفرح صح انا توه!!نفرح لاني كانت وجها خير عليهم صح!!؟...20سنهه...20سنه عايشه في وهم وكاذب وخداع بسببك انتي..20سنه وانا متخيله اني بنت انيس وايناس..بس في الاخير طالع هذا كله..وهم..عطيتوني اسم مستعار غير اسمي وناسبي💔
سميره:اهدي اهدي بس وتوه نفهمك كل شي
ايه:خليك بعيده مني..مانبيش نشوف وجك..سدا يلي جاني منك..وطلعت من دار تجري😭اما سميره ف نهارت من البكا
.
.
ربيعه:قاعد في الممر تراجى في ايه تطلع..لين واخيراً طلعت..طلعت زي ما متوقاعه كانت عارفه ان ايه مش ح تسامح بسهوله..ايه بنتي ارجي
ايه:بصوت عالي..معش حد يقولي بنتي..انا مش بنت حد💔
ربيعه:غير اهدي..تعالي معي
ايه:مشت وسيبتها..طلعت لصاله لقتهم كلهم قاعدين فيها حتى فوزيه كانت قاعده لانها رواحت🔥
ايه:اسم مستعار..ايش رايكم في الاسسم!!يمشي مع قصتي
ايناس:في ايش تقولي!
نعيمه:البين ان بنتك خرفت بدري
ايه:قربت منها..اكثر حاجه مفرحتني في الموضوع انك مش حني الحقيقيه..ياعجوزه النحس🔥
ايناس:بنت احترامي نفسك
ايه:نحترم نفسي..انتو خليتو فيها احترام..يا..بهزوه..يا ماما..ولا نقولك يا مدام ايناس احسن..
ايناس:بعدم فهم..في شنو تقولي انتي
ايه:نقول في الحقيقه..نقول اني مش بنتك..نقول اني بنت سميره🔥
ايناس:بلعت ريقها وشافتلها بخوف..من قالك!؟
ايه:يعني صح الكلام يلي قالته امي الحقيقيه...ضحكت بوجع..ع العموم صحيتو ع كل شي طلبته انا..واخر طلب نطلبه منكم..انكم تنسوني..تنسو انكم كانتو تعرفو بنت اسمها ايه..وطلعت تجري المالك..زي ماكلنا شافنا🤷🏻‍♀️
                    أسمـــاء أشـــــرف❤️🔥
         روايـــات أســــــــماء أشـــــــــرف

مالك:مافي شي امي..هي بس تعبانه
مريم:ليش عيونها حمر..انت زعلتها صح!
مالك:لا اله ال الله..انا نبي نمشي لشركه..ويكون ف علمكم مش ح تحكي حاجه لاحد..يعني مافيش داعي تطلعو فوق وتسالوها..لان انا بروحي مش عارفه السبب..وطلع
مريم:انا متاكده ان خوك زعلها..عشان هكي مايبنش نطلعولها فوق
ميمونه:ماما نطلعلها انا ونسالها
نهله:تي كنكم..ممكن صاير معهم شي ولا مالك يبي يحكي ولا ايه..مافيش داعي ندخلو ف حياتهم الشخصيه
مريم:صكفمك انتي..ونوضي اغسلي الخضر وابدي في الغدا..ساعه11توه..وبوك يروح ساعه2لازم كل شي يكون جاهز
نهله:كل شغل الحوش عليا..مافيش رحمه ابداً..وناضت للكوجينه
ميمونه:😂🤭
مريم:بلا تسهويك انتي الثانيه والحقي ساعدي اختك
ميمونه:باه😒
ايلاف:تحبي نطلع نحكي معها!
مريم:لا خليك..انتي ماسمعتيش مالك ايش قال!فكينا من المشاكل معه
ايلاف:هزات راسها..ونزلت تلعب مع شهاب ع الارض
______________________________
ايه:جديات ماكنتش نقدر نوصف مشاعرها والم يلي تحس بيها💔بين يوم ولليل تكتشف انها مش بنت الناس يلي عشت معهم مش من لحمهم ودمهم..مافيش كلام يوصف هي في ايش تحس...في لحظه حاسة انها ماعندهش هويه..مش قادره حتى تذكر المواقف يلي بينهم وبينها...كانها فاقده لذكر

بس اكثر شي كان واجعها ان طاهر وحلا مش خواتها💔الشي هذا كان قاهرها من جو..لان كل ذاكريتها معهم
كانت قاعده طول اليوم ع صالون وتشوف لروشن..مغيرتش حتى دبشها..قاعده بس تفكر في كيف ح تقدر تعيش حياتها هكي💔وكيف هي اكثر وحده انظلمت في الموضوع هذا.
____________________________________
ايناس:جايه بعد كل هالسنين..وقالتيلها الحقيقه..ضميرك انبك صح!!
سميره:من حقها انها تعرف بنت من!!
ايناس:بعيط...لا مش من حقها ولا من حقك انتي انك تقوليليها..انتي راضيه بالوضع هذا من زمان..عليش جايه توه وتقولي من حقها عليششش!مافكرتيش في ردة فعلها..مافكرتيش في شي انتي غير انك تحكيلها الحقيقه وبس
فوزيه:لحظه لحظه...يلي قدرت نفهم من كلام ايه وكلامكم انتو توه..ان هي مش بنتك يا ايناس صح؟
ايناس:اي صح مش بنتي..بس هي كل حياتي😭انا مانقدرش نعيش بدونها
نعيمه:اصلاً البنت هذي مش مناسبه لينا..احسن يلي طلعت مش بنتنا..بس انتو كيف تكذبو علينا كل هالسنين
ايناس:منكم انتو..ومنك انتي بذات..كانتي تبي حفيد باي طريق..وكانتي تبي تجوزي انيس عشان انا طولت ما حملت..بس بعد ماخذيت ايه كل شي تغير..ربي رزقني بي طاهر وحلا..وكل بسببها لان هي وجه خير علينا
ماجده:وايه هذي تكون بنت سميره!
سميره:اي بنتي..بنتي يلي خذوها مني غصبن عني..مقابل بس انهم يساعدوني نعيش بخير💔
ربيعه:قربت من سميره...تعالي سميره نخشو جوا..خلاص هكي
سميره:مشت معها بحيل مهدود😭
حور:كانت قاعده تسمع فيهم وتشوفلهم..بس في نفس الوقت تشوف الفوزيه عشان تبي تعرف منها ايش صار معها
___________________________________
ايناس طلعت فوق..مش قادره تشوف حد
نعيمه قاعده تخطب في صاله لوط كيف هم كذبو عليهم كل هالسنين..وماجده تشعلل فيها اكثر🔥
فوزيه وحور طلعو فوق..عشان يحكو براحتهم
حور:ها احكي..شنو صار معك
فوزيه:زباله..عارفه الزبالههه!!هو زباله...تي انتي وين كان عقلك لما مشيتي وقدرتي تراقدي معه وين بس🤦🏻‍♀️لا اسلوب ولا ذوق في الكلام ولا شي
حور:بالله عليك ماتزديش عليا..يلي فيا ماكفيني..احكيلي هي
فوزيه:تنهدت..وبدات تحكي

فلاش بالك👇🏻
فوزيه:تحكي بثقه..ف الاحسن انك توافق تجوزها حتى كم شهر..بعدين امشي في حالك..ومعش نبو نشوفوك😒
بشير:تحكي بثقه عكس بنت خوك😏بس انا لو رافضت طلبك ايش تبي اديري
فوزيه:ولله بيك بالك..نعرف نصرف عادي..بس الاحسن انك توافق
بشير:لو وافقت ايش ح نحصل...اكيد في شي لازام ناخذ بعد مانطلق
فوزيه:انت ايش تبي!
بشير:50الف جنيه
فوزيه:انصدمت بس ماحبتش انها تبين..تمام..تعال بعد يومين واطلب..وبعد كم شهر طلق..وتاخذ ال50الف
بشير:اتفقنا..ومد يده عشان يسلم عليها
فوزيه:شافتله بقرف..وناضت من دون ماتسلم عليه
.
.
فوزيه:وهذا كل يلي صار
حور:قعمزت بصدمه..من وين نبي نجيبهن له50الف😭
فوزيه:ماتخفيش..انا عندي في المصرف..مغير خليه يجي وتجوزو..ونتريحو من هالقصه
حور:😭💔
___________________________________
مالك:قاعد في اجتماع لشركه..بس عقله مش معه مع ايه..يلي سيبها تبكي..كان اول مره يشوفها ضعيف هكي..ديما واخذ عليها تضحك وتلعب..معمرش تخيل ان ح يشوفها بالحاله هذي..بس يلي محيره..ليش طلعت من حوش تبكي..اكيد في شي صار معها عند هلها..خذا نفس..وستأذن المواظفين..وقاللهم اجلو الاجتماع البكرا
هاشم:يحكي مع المواظفه..ويشوف الاوراق..تمام هذين التصاميم اطبعيهن ودزيهن الفريق التصميم..عشان يبدو فيهم
المواظفه:حاضر..وعدت
هاشم:ها..شن صار في الاجتماع!
مالك:عقله مش معه..اجلنه البكرا
هاشم:عليش..بعدين انت كنك اليوم..جاي متاخر وماعندكش نيه لشغل..في شي صاير معك
مالك:ماعنديش نيه اليوم الشي..نبي نروح للحوش..سلام
هاشم:امتى بس نقدر نفهمك ونفم دماغك🤦🏻‍♀️
مالك:طلع بسيارته واتجاه شور الحوش ع طول❤️
_________________________________
ايناس:كلمت انيس عشان يجي يفهم من سميره..ويكون معها في الوقت هذا💔
انيس:قاعد بحيل مهدود..امتى صار الكلام هذا
ايناس:تبكي..اليوم صباح..جات ايه قعدت معنا شوي..بعدين خشت ع سميره..وطلعت حكت زي ماقتلك😭
انيس:كانت عارف ان ح يجي يوم وتعرف..كانت عارف ان سميره مش ح تسكت🤦🏻
ايناس:انيس داير شي مانبيش نفقد بنتي..تبكي بالشهق..هذي بنتي انا مش بنتها هي..هي خلاص بعتها لنا من عشرين سنه..جايه توه وتبي تاخذها مني وتفرقنا😭لا انا مستحيل نخليها ادير هكي
انيس:وين هي توه
ايناس:وين يعني تحت قاعده
انيس:نزل وسيبها..عشان يبي يحكي مع سميره بروحهم
                    أسمـــاء أشـــــرف❤️🔥
         روايـــات أســــــــماء أشـــــــــرف

مريم:نحطلك غدا
مالك:لا مانبيش..ماعنديش نيه
ايلاف:انا يلي دايره الغدا اليوم..مش تحب تاكل من تحت يدي انت😏
مالك:شافلها بنضرة كره..قالت مانبيش يعني مانبيش..ايه تغدات
مريم:لا طلعت ميمونه ومعها سفرة الغدا..مابتش تحل الباب
مالك:طلع فوق من غير ولا كلمه
طقطق
مالك:ايه افتحي
ايه:شافت للباب فتره..بعدين ناضت فتحت بالغصب
مالك:اول مافتحت..شفتها لقيتها بنفس الدبش..و وجهها شاحب..ايه انتي بخير
ايه:اطلع في دبش لها..اي بخير
مالك:يشوفلها وعارفها تكذب
ايه:خذت الدبش..وخشت لحمام تدوش
مالك:لازم نعرف كنها هذي..اووف وانا ايش دخلني..بس لا يلي يصير معها مش طبيعي
___________________________________________
انيس:يعني انتي مقتنعه بايلي دارتيه!؟
سميره:اي مقتنعه..لان هذي الحقيقه..وعاجلاً اما اجلاً..كانت ح تعرف
انيس:اي بس مش بالطريقه هذي..بعدين من عطك الحق انك تقوليلها..من عشرين سنه وانتي راضيه بالامر الواقع..ايش تغير توه!؟
سميره:هذي بنتي من لحمي ودمي..عشرين سنه او اكثر او اقل..كان لازم انها تعرف
انيس:مشبك ايديه في بعضهم ويسمعلها
سميره:انتو يلي استغليتوني..ليشششش!عشان بس نبي نوفر الحياه لي والصغاري..والمقابل كان ايه بنتي انا🔥ع العموم استاذ انيس..انا ح نطلع من الفيلا ح نمشي الاي مكان انا و ولدي..معش عندي نيه نقعد بينتكم بعد كل شي صار..وماننركش انكم طول السنين هذي تعملو فيا بي احترام انا ومحسن و وفرتوله كل شي..شكرا
انيس:ماتطلعيش خليك هنا..لين ايه تراضى عليك وعلينا حتى نحن..ايه مش بس بنتي في البطاقه..او بي الاسم..ايه بنتي يلي انا ربيتها وشفتها تكبر قدام عيوني..وياريت ماتكسريش كلامي..وطلع
نعيمه:حكيت معها
انيس:اي حكيت
نعيمه:وانت كيف تكذب علينا كل هالسنين
انيس:بصوت حاد..ماحدش لها داخل في شي..هذي حياتي وانا عارف في ايش نداير🔥
__________________________________________
مالك:عليش تبكي..اكيد في شي صار معك عند هلك..ومن حقي نعرف
ايه:لا مش من حقك شي مالك..نبكي زي اي بنت تبكي
مالك:عنك ماحكيتي..يلي علي انا دارته
ايه:تمشط في شعرها..وماعدلتش عليه
مالك:قاعد يدخان وينفخ..ويشوف الايه كيف عيونها حمر وماتبيش تبكي قدامه💔خذا بعضه بهدوء وطلع برا الدار..عشان تبكي وماتكتمش بكيتها..وفعلاً اول ماطلع ايه نهارت من البكا😭
_________________________________
حلا:تمسح في دموعها..مش مصدقه يلي سمعتها..ايه تطلع مش اختي ليش😭
طاهر:بالنسبه لي انا سوا هي اختي من امي وبوي او لا..هي ح تكون اختي الاكبر مني مهم صار❤️
حلا:اي بس اكيد ايه توه في حاله..ومش عارفه ايش داير..واكير فكرت ان هي خلاص معش لها حد مننا
طاهر:اسمعي ايش رايك بكرا نمشولها؟؟
حلا:جد..اي اي خلينا نمشولها بالله عليك..نبي نكون جانبها..زي ماهي كانت جانبي في مشكله عندي
طاهر:خلاص تمام..بكرا توه نمشو..وخلي حتى امال تمشي معنا..هي اكثر وحده تفهمها
حلا:طلعت تلفون وحكت الامال كل شي صار..وطبعاً صدمة امال كانت كبيره..واتفقو ان بكرا يمشو كلهم الايه..وطبعاً امال برغما صدمتها الا ان ماسالتش حلا عن اي شي غير ايه توه شن اخبارها ايش دايره❤️

محلاها الصحبه يلي اول ماتسمع عندك مشكله تسالك انتي شخبارك ان شالله بخير🥺مش تقعد تقصقص فيك😏
_______________________________
كل حد راقد ومعطي ظهره لشخص الثاني..مالك كان يفكر هذي عليش تبكي وقاعده حابسه روحها طول اليوم في دار..وايه تبكي ومش قادره حتى تسكت ولو سكتت ترد تبكي
مالك:تلفت جيهتها..ويشوف لظهرها وكتوفها كيف يهتزن وتشهق طول ماهي تبكي
مالك:قرب منها..ومسكها من يدها..ولفها شوره..وخلاها تراقد ع صدره❤️
ايه:حسيت بيه قرب مني..بعدين حط يده ع يدي..ولفني شوره..وفجأ مسكني من راسي وراقدني في حضنه❤️كانت مصدومه بصراحه..بس بعدين معش فكرت في شي غير اني تريحت وانا في حضنه
_______________________________________
#تسريع_للاحداث

مرو يومين وابطالنا ع نفس الحال
ايه ماتنزلش واجد تحت..ولو نزلت تقعد شوي وتطلع..وطبعاً جاتها حلا وامال وكذلك طاهر..ودارت عزا هي وحلا🤦🏻‍♀️بس في الاخير قعدو حكو مع بعضهم واتفقو ان هم اخوات مهم صار..ومافيش شي يقدر يفرق بينهم..ووجود امال فرحها واجد وعطه القوه❤️
معش بكت واجد والامر عدا عادي..الاهم عندها حلا وطاهر

سميره حكت كل شي المحسن..طبعاً صدمته مش اقل من صدمة ايه..هزب وخبط..وقال السميره كلام يوجع..وفي الاخير طلع من الفيلا ومافيش حد عارف مكانه وين💔سميره كانت تحسب ان لم تحكي ح يقدرو الواضع بس يلي صار العكس

حور جا بشير الزفت وطلبها..طبعاً ميلاد كان مايبيش عشان خاطر الجو متوتر في الفيلا..بس انيس قاله هذا نصيب وجا لعندها عليش تبي تصبي في وجهها..وفعلاً وافق ميلاد عليه..وفرح حور وبشير الاحد جاي..يعني بعد 4ايام..وطبعاً مانحكيش ع فرحة حور وفوزيه ان كل شي تم بخير..عكس ماجده يلي كانت تبي فرح فخم🤦🏻‍♀️ماهو ماتعلمش بي المصيبه يلي دارتها بنتها🔥

ايناس كانت تبي تشوف ايه بي اي فرصه..تبي تحكي معها..وتفهمها كل شي..بس انيس قاللها خليها لما تهدا وتكون بخير وجاهزه انها تسمعنا
                    أسمـــاء أشـــــرف❤️🔥
         روايـــات أســــــــماء أشـــــــــرف
اليوم فرح حور وبشير البسيط..يلي كان عدد الحضور المعازيم شوي بكل..بسبب كل شي مر بسرعه طبعاً بطلب من بشير وحور🤷🏻‍♀️وخصوصاً بشير كان يبي كل شي بسرعه عشان ياخذ الفلوس
كتبو الكتاب..وطلع بشير خذا حور وعدو..وطبعاً حور شكرت فوزيه لان هي سبب في حل مشكلتها..اما ماجده استغربت كيف بنتها تطلع من الحوش وماتبكيش..ماتعرفش انها تبي الحظه هذي باسرع وقت عشان تنقذ روحها..طبعاً ايه كلمتها حلا وقالتلها تعالي بس هي رافضت..ورغم ان كان حضور المعازيم شوي..الا كلهم يسالو ع ايه...ونعيمه قاعده تحرق تبي تحكيلهم بس خافت من انيس🤦🏻‍♀️
_______________________________________
ايه:انتي مشيتي؟
امال:لالا مامشيتش..بصراحه ماقدرتش نمشي ونلبس ونطلع وانتي بالحاله هذي
ايه:انا كويسه ماتشغليش بالك علي..المهم دزيلي ع الواتس كل مقاطع المحاضرات
امال:تمام..تبي شي ثاني
ايه:لا صحيتي..سلام
امال:باي..وصكرت
مالك:هي تعالي انزلي تعشي
ايه:ماعند
مالك:مش ح نقبل باي عذر..هي قدامي مانحبش حد ينزل كلمتي للاراض
ايه:اصلاً كانت جيعانه واول ما مالك قاللها هكي نزلت طول..حتى قبل ماهو ينزل😂🤦🏻‍♀️
_______________________________
ربيعه:ها ردات
سميره:لالا..لي يومين نكلم فيها ماتردش
ربيعه:قتلك خليها براحتها..بعدين كلميها
سميره:مش قادره نبصر..نبي نحكي معها نبيها تسامحني..مش سدا محسن سيب الحوش ومش عارفه وين عدا..فوق من هذا كله نران عليه مايردش💔
ربيعه:معلش اعذريهم عندهم حق..هذا شي طبيعي يلي قاعد يصير
سميره:خاطري بس يسامحوني ويرد كل شي زي ماكان من قبل
ربيعه:صدقيني الامور ح تكون طيبه غير اصبري بس
سميره:ان شالله يارب💔
_______________________
محسن:كان قاعد تحت حوش هاشم ويشوفله..مش عارف هل يلي يبي يدايره صح او لا..بس المهم يترياح💔مره يقرب من الباب مره يرد لاورا..يمسك التلفون يحط ع رقم ايه بعدين يرد يصكره..كان خايف من ردة فعلها..بس كان يبي يحكي معها..باي طريقه..لين في الاخير خذا خطوه وران عليها
.
.
ايه:ماسك التلفون..وتسمع للمحاضرات يلي دزتهن لها امال..لين جاها اتصال من محسن..قلبها دق بخوف..شافت لتلفون لقت المكالمه اسكرت..حست انها كانت المفروض ترد..بس بعدين ران اخر وكان محسن طبعاً ف ع طول ردات
محسن:الو ايه
ايه: بصوت مخنوق..اهلين محسن
محسن:انا تحت في شارع تعالي نبي نحكي معك شوي
ايه:تمام..وصكرت..خذت نفس ونزلت💔💔....يتبع

يُتبع ..

google-playkhamsatmostaqltradent