رواية عشقت سجاني الفصل الثاني عشر 12 بقلم أمنية حمدي

 رواية عشقت سجاني الفصل الثاني عشر 12 بقلم أمنية حمدي

رواية عشقت سجاني الجزء الثاني عشر

رواية عشقت سجاني البارت الثاني عشر

رواية عشقت سجاني الفصل الثاني عشر 12 بقلم أمنية حمدي


رواية عشقت سجاني الحلقة الثانية عشر

عشقت سجاني 💜꧁꧂

زهلت حور مما رأت كان المكان مليئ بأناس تعرفهم حور جيدا

ام مصطفي، مصطفي، رانا، مازن، نعيمه

وكثيرا من الناس الغرباء بالنسبه لها وصحافيين

نظرت حور لحسام فقال

حسام: انا عارف انك مكنتيش عايزه فرح علشان واالدتك الله يرحمها بس انا بحتفل بكل انجازاتي معقوله مش هحتفل بأهم انجاز في حياتي كلها

وقبل يدها

حور والدموع بعيناها : انا بحبك اوي

حملها حسام وقام بالدوران بها وسط تصفيق الحاضرين

ذهبو وجلسو في المكان المخصص لهما

واتت رانا ومصطفي ووالدته ليسلمو علي حور

حور: رانا وحشتيني اوي انا اسفه انك سبتي شغلك بسببي

رانا: ايه اللي انتي بتقوليه ده وبعدين انا ربنا عوضني بشغل احسن

حسام: رانا وامصطفي من النهارده بقو من تيم الشركه

رانا: شفتي بقي الف مبرووك ياحبيبتي

حور؛ الله يبارك فيكي عقبالك

مصطفى: قريب جدا ان شاء الله

حور: مبروووك

نظر مازن فوجد مريم تدخل بفستان بنفسجي وحجاب بنفس اللون

كانت رائعه الجمال

واتت والدته بجواره وقالت: حلوه مش كده

مازن: جدا

والدته: طب غض بصرك

تفاجئ مازن بها وقال : يابخته

والدته: مين

مازن: خطيبها

والدته: بس هي مش مخطوبه

مازن: نعممممم

والدته: انا كدبت عليك وبعدين انت غلطت فيها وكان لازم تقف عند حدك

مازن: طب انا عايز اتجوز

والدته: ابقي ادورلك علي عروسه

مازن: مش عايز غير مريم

ضحكت والدته بسعاده وقالت: هقولها واشوف

انتهي الحفل علي خير


وذهبت حور برفقه حسام كعروس اشرقت سمائه

حسام: مبسوطه

حور: طبعا مش معاك بس الصراحه فيه حاجه مش عجباني

حسام: ايه هي

حور: الاغاني

حسام: مالها

حور: مستعد تسمع محاضره

حسام: محضراتك ديه نورت حياتي

حور: نبدأ المحاضره قال رسول الله صلى الله عليه وسلم ليكونن من امتي قوم يستحلون الحر والحرير والخمر والمعازف.

حسام: استني انا فاكر انك كنتي بتغني قبل كده

حور: انا بسمع اناشيد مش اغاني بتكون مافيهاش مازيكا وكمان مافهاش كلام غلط او يحرك المشاعر صدقني الاناشيد ديه احلي ميت مره في الاول مكنتش بحبها بس بعدين عشقتها

حسام: طب وهي الاغانب هتأزيني في ايه مش كل حاجه محرمه بيبقي ليها ضرر زي ما الخمر بيغيب العقل وكده

حور: برغم ان احنا المفروض نقول سمعنا واطعنا مش اقتنعنا واطعنا انا هقولك كام مره كان بيبقي في دماغنا نشغل قرأن ونروح نشغل اغاني كام مره واحنا بنسمع اغاني جه قرأن ف حولناه بسرعه

في القبر عايز مين يكون معاك القرأن اللي هينور قبرك ولا الاغاني اللي هتضلمه وانت بتموت عايز تبقي بتردد القرأن كلام ربنا
ولا بتردد الاغاني كلام ناس مش فاهمه حاجه وكل غرضها تكسب فلوس وشهره من ورا دمار اجيال

حسام: انا خلاص اختارت اوعدك اخر مره تشتغل فيها مزيكا او اغاني تافهه

حور: وانا اوعدك اني اكون الزوجه اللي تتمناها

حسام: اللي اتمناها ده انتي كتير عليا والله

حور: انا بحبك من اول مره شوفتك فيها رغم اني كنت خايفه منك ولما كتبنا كتابنا برغم اني كنت المفروض مغصوبه وكده بس كنت طايره من الفرحه لاني اخيرا هقدر ابص في البحر اللي جوا عنيك

حسام: طب ماكنتي تبصي براحتك ياقلبي

حور: وبعدين فين غض البصر يااستاذ

حسام: صح عيب بس دلوقتي عيني قدامك اهي

ابتسمت حور بخجل واحتتضنها حسام

نسيبهم بقي علشان ديه اسرار بيوت مالناش فيها

♡♡♡♡♡

في الصباح

عند مازن

مازن: يعني ايه مش موافقه

والدته: هي قالت كده

مازن: مريم مريييييم

مريم: نعم

مازن: يعني ايه مش موافقةعلي جوازنا

مريم: انا لا يمكن اتجوز واحد اهني قبل كده

مازن: مريم والله ماكان قصدي

مريم: انت مش قولت انا عمري ماهتجوز مريم خليك قد كلمتك

مازن: ياست انا عيل مالكيش دعوه

مريم والله انا حبيتك حتي من قبل مااقول الكلام الغبي ده كنت بدأت احب روحك انتي طيبه اوي مختلفه مش زي اللي عرفتهم

مريم: انا هوافق بس بشرط

مازن: اللي هو

مريم: تنهي علاقتك بالبنات التانيه

مازن: اكيد طبعا

مريم: وماحدش يقولك مو غيري لاني حبيت الاسم الصراحه

مازن: من عين مو ياقلب مو

مريم: اتلم الكلام ده بعد كتب الكتاب فيه حاجه اسمها ضوابط الخطوبه

مازن بتحيه عسكريه: تحت امرك يافندم

ضحكت مريم وذهبت والدته واحتضنتها وقالت بصوت خافت

هدي: مش قولتلك ماتوافقيش عالطول

مريم: انا بحبك اوي ياطنط

هدي: اسمها ماما

ابتعدت هدي عن مريم

مريم: انا هطلع ابلغ ماما وبابا

هدي: روحي ياقلبي

مازن: وانا هروح الشغل

هدي: ماشي حبيبي

♕♕♕♕♕♕

استيقظت حور في الصباح وهي بجوار حسام نظرت له وهو نائم كالطفل وقبلت وجنتاه وذهبت لاسفل

نعيمه: صباح الخير علي احلي عروسة في الدنيا

حور: تسلمي ياداده اومال فين منيره انا مش شايفاها من امبارح

نعيمه: بصراحه كده منيره خبطتها عربيه امبارح وانا مارديتش ابوظ فرحتكم وروحتلها المستشفي بعد الفرح

حور: ليه كده ياداده مقولتيش ليه انا لازم اروحلها

نعيمه: تروحي فين انهارده صباحيتك

حور: داده اجهزي عقبال ماالبس هتيجي معايا

ذهبت حور واخبرت حسام ووافق علي ذهابها ولكن مع مريم او رانا وحور لم تضيع فرصه كهذه فاتصلت بالاثنتين

&&&&&&&&&&

في المشفي دخل الجميع الي منيره

ذهبت حور واحتضنت منيره عندما رأتها منيره بكت بشده

منيره: كان عندك حق العمر مش مضمون انا كنت.هموت قبل مااتوب واصلي

حور: شششش اهدي يابختك ربنا اداكي فرصه تتوبي فيها وانا جبتلك هديه معايا

اخرجت حور من حقيبه معها مصليه ومسبحه ومصحف وفستان فضفاض جديد

احتضنتها منيره مره اخري

وذهبو باقي الفتيات وسلمو عليها وظلو يتحدثون سويا حتي دخل الطبيب كان شاب

الطبيب: ازيك ياانسه،منيره

منيره: الحمدلله

الطبيب: انا دكتور خالد المسئول عن حالتك

منيره: اهلا

حور: هي هتخرج امتي يادكتور

الطبيب: ومستعجلين كده ليه

حور: نعم

الطبيب : اقصد يعني لسه شويه علشان الكسور الي عندها ممكن اسبوع انتو اخواتها

همت منيره لتقول بإنها تعمل لديهم ولكن

حور: ايوه

ابتسم الطبيب لمنيره دون ان يراه ا حد ولكن لمحته رانا

فقالت: ركز معانا يادكتور

الطبيب بحرج: احمم منا معاكم اهو عالعموم اسيبكو لووحدكو افضل

وخرج

رانا ومريم: يخربيتك وقعتي الدكتور

منيره: نعممم منا قاعده مكسحه اهو

حور: الله يسهلو بس بردو متسيبهوش يتجرأ عليكي

منيره: ياجماعه انا فوقت امبارح باليل مكنش فيه غير الممرضه ده اول مره اشوفه

حور: خلاص يابت مصدقينك

نعيمه: بقولك ايه مفيش هزار معاه ولا رغي سامعاني

منيره: حاضر يا ابله نعيمه

نعيمه: ابله ديه لما مكناش بنطيق بعد لكن دلوقتي انتي طلعتي طيبه وفيكي الخير اسمها ماما

ابتسمت منيره والدموع ترقرقت بعيناها: حاضر ياماما،،، طب صحيح انا هعمل ايه في الجامعه

الجميع: جامعه ايه

منيره: انا طالبه في كليه تجاره وشغلي كان مؤقت وبعدين استاذ حسام كان هيشغلني في الشركه هو قالي اني ممكن اشتغل تحت التدرييب بس انا رفضت

حور: ولا يهمك ياحبيبتي هنتصرف ونجيبلك المحاضرات كمان

منيره: ربنا يخليكو ليا

نسبهم بقي يرغو مالناش دعوه

♕♕♕♕♕♕♕♕♕

عند حسام في المنزل كان حسام مستضيف شريف

حسام: يعني ماجتش امبارح وانا منبه عليك

شريف: انا عندي خبر هيخليك تسامحني

حسام: خبر ايه

يُتبع ..

google-playkhamsatmostaqltradent