رواية اسم مستعار الفصل الحادي عشر 11 بقلم اسماء أشرف

 رواية اسم مستعار الفصل الحادي عشر 11 بقلم اسماء أشرف

رواية اسم مستعار الجزء الحادي عشر 

رواية اسم مستعار البارت الحادي عشر 

رواية اسم مستعار الفصل الحادي عشر 11 بقلم اسماء أشرف


رواية اسم مستعار الحلقة الحادية عشر


#اسم_مستعار 11
ايه:ترد فوق النفس..لا وياريت تبعد
مالك:ولو مابعدتش ايش تبي اديري
ايه:نعيط ونلم عليك الحوش كله
مالك:ضحك بهزوه..كان انتي صح بنت انيس..ديريها😏
ايه:قرب انت مني بس وتوه تشوف
مالك:لصق فيها..وتوه قربت هي دايري
ايه:😨😨دفت لين طاح..وصبات..اصحه تفكر مره ثانيه انك تقرب مني..شن تحسب روحك انت
مالك:صبا..وماسكها من يدها بقوه..تعالي هنا يا فرخه..مش عشان حكيت معك كلمتين..معناها تحسبي روحك مراتي ولا لك قيمه عندي
ايه:بصوت عالي..لا يا بابا ع اساس انا يلي قتلك تعال اجوزني..اذكرت التاق يلي درته لي ع الفيس..مش انا يلي خذيتك من يديك وقتلك تعال اجوزني..فوق الروحك
مالك:شافلها بحقد..وقرب منها..احمدي ربك ان انا اليوم ماعنديش نيه نكسر حد بين يدي🔥
ايه:تنفس بسرعه وتشوفله وخلاص
مالك:فانص فيها.ومشه راقد ع السرير وسيبها
ايه:ماتبيش تراقد جانبه..خذت مخده وراقدت ع الصالون..وهي مضايقه منه
___________________________
ميمونه:زعما مالك في ايش يداير توه
نهله:عزقت عليها المخده..صكفمك يا قليلة الادب..خزي😒
ميمونه:شافتلها بنظره مُستفزه..خليك هك ع طول كان لقيتي راجل يشوفلك بحق
نهله:اطلعي من راسي كذا..مانبيش نجوز اصلا انا..مش صايعه كيفك🙂
ايلاف:خشت..ميمونه كذا تعالي شوفي شهاب..مايبيش يراقد
ميمونه:هذا متعود ع مالك..ومالك توه غرقان في العسل🤤
نهله:تعالي معي ايلاف توه نشوفه انا..خليها هذي😒..وطلعو مع بعضهن
ميمونه:كنهن هذين..حسسوني اني قالت حاجه غلط..بس الفرخه ايه طرف طلعت اليوم..ربي يعينك يا مالك😂
__________________________
ثاني يوم صباح✨

انيس:احح احح
ايناس:شربته ميه..حسيتك واعي مريض اليوم..كان هكي خليك اليوم وماتمشيش لشركه
انيس:مانقدرش..احح..بارد خفيف بس..هي ميلاد..وانتي يا امي توه تمشو الايه مع طاهر
نعيمه:مانبيش نمشي انا😒
انيس:تنهد وشافلها..يا امي بالله عليك امشي...مش ناقصني ره
نعيمه:عشان خاطرك انت بس😒
انيس:سلم خاطرك..وطلع
ميلاد:تبو شي؟
كلهم:سلامتك
فوزيه:خليني نمشي نشوف حلا..ناضت ولا لا
ايناس:اي تمام..ومشت للكوجينه
سميره:تغسل في المواعين..وهذي اول مره تنوض وماتشوفش ايه قدامها..فعلياً هي اكثر وحده في الروايه حالها يصعب💔
ايناس:سميره هي واتي روحك عشان تمشي معنا الايه
سميره:شافتلها بفرحه..بجد😭
ايناس:اي..هي ديري زي ماقتلك..خلينا نكونو جاهزين بدري..وطلعت
ربيعه:طلعت من دار الغسيل..كنها ايناس!
سميره:تبيني نمشي معها الايه
ربيعه:باهي كويس..امشي وشوفيها وتعالي طمنيني
سميره؛تمام❤️
_________________________
ايه:ناضت الصباح من ضي الشمس..هي مش متعوده تنوض بدري هكي..بس عشان نومتها مش مرياحه ناضت بدري..اول ماناضت كانت تحسب روحها مزالت في حوشها..بس بعد شافت مالك..اذكرت ان امس فرحها..ناضت بشوي..خذت فوطه وخشت لحمام..ادوشت..وطلعت تلبس..لقت مالك مش في سرير
ايه:عليك بخت نبي نلبس انا توه..وين عدا هذا🤦🏻‍♀️
مالك:متكي ع الدولاب...وراك قاعد
ايه:التفت مخلوعه..شافتله..اما مالك خذا فوطه وخش لحمام من دون ولا كلمه
ايه:ربوت..وربي زي راجل الالي😂نحس فيه يتحرك بي رموت كنتروال..مشت ايه لبست توته عاديه..ومشطت شعرها..ونزلت تحت
ميمونه:لولولولولولولي..صباح النور
ايه:مصدومه فيها..صباح الخير حماتي😂
نهله:اهلين ايه..انا نهله اخت مالك الصغيره☺️
ايه:اهلين نهله..انتي والهبله يلي تزغرطه توام صح😂!
نهله:اي توام..بس انا ماليش علاقه بيها..هذي لما كنا في بطن ماما انا خذيت العقل كله وهي خذت التافها والهبال🤦🏻‍♀️😂
ايه:اي اي لحظات حتى انا
مريم:نزلت..اهلين بنتي ايه
ايه:صباح نور عمتي
مريم:صباحيه مباركه..الف مبروك ان شالله
ايه:قربت من ميمونه..امك البين عليها صايعه كانت..الله يبارك فيك عمتي☺️
ميمونه:كانت ومزلت..لو تشوفي كيف تغار ع بابا تقول مالهمش شهر مجوزين..مش اكثر من 20سنه
ايه:😂
ايلاف:عروستنا شخبارك..انا ايلاف سلفتك..مرات سلفك الله يرحمه
ايه:حطت يدها ع يد ايلاف...الله يرحمه..شخبارك انتي
ايلاف:تمام
مريم:يلا اقعدو افطرو
مالك:نازل من فوق..ولا كلمه قاعد يفطر بي هدوء..اما هاشم طالع من صباح
_________________________________
ساعه4 في العشيه
حلا:تكلم في ميمونه فيديو ع الواتس..تي وربي جايينا مغير يجي طاهر بس
ميمونه:تاكل في تفاح..لكي ساعه تقولي مغير يجي طاهر..تي انتو اهل العروس المفروض اول الناس تكونو هنا..الصاله مليانه وانتو مزلتو ماجيتو
حلا:ووك علي..نعنشكلك صكري اهو طاهر جا..وصكرن في وجهها
ميمونه:الفرخه صكرت في وجي..مغير تجي بس يا حلا
شهاب..مشه الميمونه..ممونه تعالي ماما تبيك🥺
ميمونه:قربت منه..عارف امك هذي هبله😂
نهله:صكفمك..ماتقوليش للولاد هكي😒
ميمونه:محترمه بي زايده عن لزوم..تعال حبيبي..وطلعت هي وشهاب برا
نهله:ام علي مزلتي
ام علي(شغله)...هي خلاص انظمهن بس
نهله:تمام ربي يعون..وطلعت من الكوجينه

                   أسمـــاء أشـــــرف❤️🔥
         روايـــات أســــــــماء أشـــــــــرف

ماجده:هو عنده اخ ولا لا
حور:ع ما اعتقد لا..كان عنده بس توفه من سنه
ماجده:بصوت واطي..لو العيل الصغير يلي مات من كم سنه..كان ممكن يكون عايش وتوه راجلك..لكن كله من انيس عمك🔥
حور:شنو. في ايش تقولي ماما
ماجده:صكري فمك..مادخلكش..لو كانتي شاطره..راكي طيحتي مالك
حور:ايه مش مخلي حد حاجه..اي حاجه تبيها تاخذها حتى لو ع حسب غيرها
ماجده:من يوم يومها وهي انانيه..وامها معها في اي شي تبيها🔥
حور:حظها نار
طق طق طق
فوزيه:فتحت الباب..هي انزلن طاهر تحت
ماجده:تمام..هي حور..ونزلن
___________________________
ايه:واقفه قدام المرايا ولبسه فستان مجسم عليها..لونه خضر هادي..وشعرها طايح ع ظهرها🔥ومكياج خفيف..طالعه تجنن الفرخه😭
مالك:فتح الباب وخش..شاف الايه بهزوه..وخش يتمرن
ايه:شافت لروحها في المرايا..ايش ذنبي بس انا عشان يصير في هذا كله💔؟
ايلاف:طقطقطق
ايه:بدينا عدا في جو البرستيج🙄خش..اه قصدي تفضل او تفضلي🤦🏻‍♀️
ايلاف:خشت...هي تعالي كلهم واصلو وحتى هالك تحت قاعدين
ايه:صح🥺
ايلاف:عارفه شعورك انا في ايش تحسي توه نفس شعوري يوم صباحيتي💔
ايه:خذتها من يدها..يلا انزلي معي
ايلاف:انخلعت..باهي😂هي
.
ميمونه:كان لازم نقول هكي عشان تجو بسرعه😂
حلا:يافرخه..وتكذبي علي وتقولي كلهم قاعدين وانا نجي نلقه غير نسواين كبار وحده راقده ع روحها ولاخر ماتسكتش بكل
ميمونه:حي عليك لو تسمعك ماما🤣
نهله:جاتهم..العبي..حلا شوفي اختك وهي نازله زي الاميرات من فوق
حلا:وين..والتفت رواها..حي اختي الطرف..ومشتلها تجري
ايه:اختشي حبيبتي
حلا:رايفت عليك😭
ايه:كاذبه..اكيد مترياحه مني🙂
حلا:بصراحه اي..غير هذا جو قدامهم بس
ايه:بعدي بعدي خليني نمشي نسلم ع ماما..ومشتلها
ايناس:حبيبتي شخبارك
ايه:تمام انا شخباركم انتو
فوزيه:بنت خوي الطرف..شخبارك😉
ايه:صايعه😂كويسه كويسه انا
نعيمه:احممم
ايه:شافتلها..وقربت منها..اهلين حني..وحضنتها..رايفت عليك🥺
نعيمه:😨وحتى انتي بنتي..ربي يهنيك
سميره:واقفه وتشوف الايه بحب
ايه:مشتلها..ماما سميره..وخضنتها..وماقلتش ولا كلمه🤫
سميره:تنهدت..بنتي حبيبتي شخبارك
ايه:تمسح في دموعها..تمام وانتي
سميره:بخير بنتي❤️
ماجده،حور:سلمنا ع ايه وهن قلبات وجهن🤦🏻‍♀️
_______________________________
مر الوقت بسرعه وكل الناس رواحت ومعش فيه الا هل ايه..ودعو كلهم ايه بحراره🔥وخش طاهر سلم عليها وطلعو

مريم:فرح صار في 3ايام بس متعب
ايلاف:طبيعي كل حاجه جات بسرعه..وناس ماصدقت صار عندنا فرح
ميمونه:عشان ماما مجرد ماتسمع فلانه عندها فرح تمشي تجري تحضره
نهله:حطت سفرة الميه..وهذا الصح..امالا تسمعي قريبتك عندها فرح ولا عزاء لا قدر الله وتقعد قاعده ماتمشيش
ميمونه:نننننن..خليني نمشي نقعد مع ايه شوي..نبي نستكشافها
مريم:تعالي هنا خوك فوق..خليهم ع راحتهم
ميمونه:اوووف..وقعدت
هاشم:سلام عليكم
ايلاف:حطت وشاح ع راسها..عليكم سلام
هاشم:قعمز بي تعب..كيف كان يومكم
ميمونه:يجنن يا بابا..الحمدلله ان مالك اجوز..عشان نهيج شوي
هاشم:هذا في ايش فالحه..مش كيف اختك ميمونه..وشير ع نهله🤦🏻‍♀️
ميمونه:بابا انا ميمونه يلي شعري قصير ونهله شعرها طويل..انت توه لخبطت بينا
نهله:حرام عليك يابابا تحسبني انا كيفها عشان هكي شيرت علي😭
مريم:تعال فوق..هذين فاضيات..وطلعو
ايلاف:😂بصراحه عندهم حق..وناضت خذت شهاب وطلعت
ميمونه:خزي😒
___________________________
ايه:ع كيفه نبي نراقد ع سرير اليوم..وهو يمشي يراقد ع صالون
مالك:خش من البلكونه..حط كوب العصير..وخش السرير وخذا تلفون
ايه:قربت من سرير..وقعدت..وين تبي تراقد انت اليوم😒
مالك:وهو يشوف لتلفون..وين يعني هنا ع سريري
ايه:وانا نبي نراقد عليه
مالك:ارقدي حد ماسكك
ايه:خذت نفس..لا بس نبيك تراقد ع صالون😤
مالك:ماردش عليها
ايه:هي انت نحكي معك انا
مالك:بصوت عالي..كنك ايش تبي
ايه:نبيك تراقد ع صالون
مالك:عليش!
ايه:عشان لو راقدت معي ع سرير..اكيد ح تحاول تقرب مني
مالك:من جمالك ماهو..وتلفت لجهه الثانيه وراقد
ايه:اووف.. وجابت ماخده وحطتها في وث بينها وبين مالك وراقدت..وربي او جيت جانبي او جانب الماخده هذي حي عليك مني🔥
مالك:وهو عيونه مغمضه..لو عندي مزاج كانت ح نداير الي نبيه بس لو لا مش ح نداير..ف ماتعبيش روحك معي..وهي ارقدي..خيرلك
ايه:واطي..حقير..وربي تشوف..غير اصبر علي شوي بس
________________________________
انيس:يعني واضعها تمام؟
نعيمه:ماعند حالها سو..كويسه لا بيها ولا عليها
ايناس:اي كويسه وبصراحه مريم كويسه وحتى البنات..تحس جوهم حلو..ومالهمش علاقه بي هاشم ومالك ابداً
ماجده:اذكرت كيف مريم مانزلتش عينها من ع ايه طول ماهم قعدين..اي بس حسيت بنتهم التوام هذي متعبه شوي وحتى طباعها مش حلو ويمكن ادير مع ايه مشاكل
انيس:شاف الايناس
ايناس:ايه بنت شاطره وتعرف كيف تكسب الناس..مش كيف الباقي تكرها الناس فيها..وشافت الحور😏
ماجده:بعصبيه..ايش قصدك
ايناس:انا مالقلتش حاجه تعصبك عليش هذا كله
نعيمه:خلاص ماجده اسكتي..اطلعي فوق ارقدي
ماجده:شافتلها بغل وطلعت تخبط🔥
ميلاد:شاف الحور..في ايش تراجي انتي..اطلعي الحقي امك
حور:طلعت ولا كلمه..كانت زي السكرانه تهزها اطيح🤔
ميلاد:شاف الانيس..ربي يهنيها
انيس:هزا راسه
نعيمه:قربت من تلفزيون واتفرج ع فلم اجنبي عار معرعر😂🤦🏻‍♀️
ايناس:طلعت فوق..وسيبت نعيمه تراقد وتنوض ع صوت تلفزيون..وميلاد وانيس يحكو مع بعضهم
_________________________________
طاهر:انا متاكد ان بابا مستحيل يخلي ايه عندهم اكثر من سنه
فوزيه:متكي ع طاوله..بس بصراحه هم ناس كويسين برغم كل شي
حلا:عمتي اخت بابا هل انتي هبلتي..تي بابا يكره الناس هذي زي مايكره اسرائيل بضبط
فوزيه:ولله لو ايه مترياحه خليها عليش يخرب عليها
طاهر:شخص زي مالك ايه مستحيل اترياح معه..انا متاكد
فوزيه:يمكن كلامك صح..يلا نخليكم توه..خليني نمشي ناخذ امي من تحت ونراقدو..تصبح ع خير..وطلعت
حلا:مش عارفه ليش حاسه ان في حاجه نحن مش عارفنها
طاهر:قولي الروحك..انا عارف كل حاجا..وشاف التلفونها😏
حلا:احكيلي باهي
طاهر:لما تكبري😂..وطلع
حلا:سخيف..ترن ترن..يييي رساله..اكيد منه..فتحت حلا التلفون وخشت ع الرسائل(شكلك كان حلو اليوم..عينك من نفسك😉)
حلا:ينهار احرف..وين شافني هذا..لا لا لازم نحكي الايه وتشوفلي حل..الموضوع حسيته بدا يكبر🤦🏻‍♀️
__________________________________
محسن:اهم شي تكون هي مرتاحه..ايه زي اختي
سميره:ولا كلمه
محسن:ياامي..امي
سميره:ها..كنك..تبي عشا
محسن:لا انتي شكلك مش معي بكل..في ايش سرحان القمر
سميره:نحس في ايه مش مترياحه..حستها طول ما نحن قاعدين انها تمثل علينا انها كويسه بس هي لا مش كويسه
محسن:ياامي انتي ح تشيلي همك وهم غيرك..انا متاكد انها تعرف تصرف..مش هبله ايه
سميره:بس صغيره..واي حد يقدر يضحك عليها
محسن:ومن يبي يضحك عليها..راجلها مثلاً لا اكيد
سميره:مش عارفه هذا احساسي انا
محسن:احسن حل انك تخشي ترياحي جسمك..لانك اكيد تعبانه..وصبا.باس راسها..تصبحي ع خير..وطلع
سميره:ربك يستر..واختك مايصيرش فيها حاجه توجع قلبي عليها اكثر ماهو موجوع💔
ربيعه..انا كملت سميره هي تعالي نشربو حاجه ساخنه ونراقدو
سميره:هي باه
____________________________________
ثاني يوم

امال:قتلك كانت مش فاضيه..مره اخر انشالله
ايه:لا مش مسامحتك..تسيبي صحبتك يوم صباحيتها..مش عيب هكي
امال:حسستيني..دارت العار وانا مش عارفه..تي قتلك توه نجيك يوم اخر
ايه:توه نشوفو😒
امال:المهم احكيلي..ايش صار معك😉
ايه:مادخلكش
امال:هييي..ماتبيش تحكيلي يعني
ايه:ايي..عشان تشفعي
امال:خزي
طق طق طق
ايه:المهم صكري توه الباب يطق..بعدك هم ابرستيج عندهم بشكل غريب
امال:مانعرفو بكل نحن البرستيج🤣
ايه:بضبط😂يلا باي..وصكرت..ناضت فتحت الباب..ميمونه خشي
ميمونه:اهييييي..حسيت روحي كسدت..قالت نجي نحكي معكك شوي
ايه:تعالي تعالي احكيلي ع عايلتكم شوي
ميمونه:قصقصه كيفي🤣
ايه:شكراً😌..هي احكي
ميمونه:اممممم..تبي نحكيلك ع مالك شوي
ايه:تفكر..باه احكي
ميمونه:هذا يا حنه...
_________________________________
مالك:قاعد ع المكتب وقدامه هاشم
هاشم:المهم العمليه مش توه اتنفذ..خليها ع الاقل بعد شهرين عشان مايكونش في شكوك علينا
مالك:ماتخفش..عارف شغلي انا..وانت لو جاك انيس وقالك بنتي تكون عندي بعد شهر قوله..
هاشم..عارف عارف..ماتخفش..بنتي مترياحه مع ولدي..وهم متافهمين وخارج اي حاجه صارت بيني وبينك زمان او حتى توه
مالك:تمام..وصبا
هاشم:ع وين ان شالله
مالك:نسالك سوال
هاشم:شنو!
مالك:انا عمري قتلك وين مشيت ولا من وين جيت
هاشم:ساكت
مالك:ع العموم ماشي للحوش نبي انتمرن
هاشم:تمام..نتلاقو غادي
مالك:سلام..وطلع
____________________________
ايه:تضحك😂😂خوك هذا من يومه معاق
ميمونه:الكلام هذا كله كان قبل مايموت خوي الصغير💔
ايه:اذكرت كلام يلي قالته لها ايناس..وبعد ماكبر
ميمونه:تمه ع نفس الحال..بعد ما مات خوي لاخر من سنه زاد زايده
ايه:كيف
ميمونه:يعني عصبي..وماتعرفيش تاخذي منه لا حق ولا باطل..وفوق من هذا كله..
مالك:فاتح الباب وخش..شاف الميمونه
ميمونه:خافت منه..نزلت تجري حتى بدون ماتقول الايه سلام او اي شي
ايه:شافتله..ان شالله لا خير لا شر
مالك:نبي نخش نتمرن..مش فضيلك انا توه..اطلعي من راسي
ايه:شافتله بغل...نمشي نرد ع تلفوني خير..الو حلا
حلا:اختشي
ايه:😂نعم..شخبارك
حلا:تمام..شخبار راجلك
ايه:كويس😒..كنك ايش تبي اطلعي ع راس حاجتك
حلا:حكتلها بدون تردد..
ايه:حتى انا حسيت كانت متاكده..ان الموضوع فيه راجل..دزيلي الرقم توه نشوفه لك من
حلا:نجكلي..تمام..هي صكري خليني ندز لك
ايه:باي..وصكرت..زعما من هذا
مالك:سمعت كلامك بالغلط نقدر نساعد لو تبي
ايه:تصنت علي انت..مش كانت اتمرن
مالك:وهي غرفة التمرين قاعده تحت..ماقاعده هنا..بعدين انتي صوتك عالي..كانك تطلبي في مساعدتي بطريقه غير مباشره😏
ايه:عارف نموت ومانطلب منك شي🔥ونزالت وسيبته
مالك:كل مالها تعنده معي😤
________________________________
العائله كلها ع طاولة العشاء..ميمونه دايره جو..وهاشم ياكل بهدوء وكان مش معهم..وايلاف تضحك عليها😂🤦🏻‍♀️
ايه:من اول ماقعدتي وانتي تحكي..كولي قبل مانكمل الماكله كلها
ميمونه:في جوا..عادي..اهم شي نضحك😂
شهاب:نزل من حضن ايلاف وهي توكل فيه ومشه المالك
ايلاف:تعال هنا
ايه:خذته قبل مايوصل المالك..وحطته في حجرها..تعال نوكلك
ايلاف:ح يتعبك..خليني ناخذه
ايه:لا تعب لا شي..خليه بس.نبيه ياخذ علي
ايلاف:ابتسمتلها
شهاب:يشوف الايه وهي توكل فيه🥺
ايه:ياعمري ع النظره الحلو..وحضنته
هاشم:طول ماهو قاعد وهو يراقب فيها..وكذلك مالك🔥اما مريم فرحت بيها واجد لان حستها خشت فيهم ع طول ومن اول يوم

نفس الاجواء هذي في حوش انيس...بس القعده كلها كائبه لان ايه مش معهم..حلا وطاهر صح يحكو وجوهم سمح بس مش كيف ايه💔
انيس:الحمدلله
نعيمه:بسم الله توه غير قعدت
ايناس:شافتله وعرفته مضايق
انيس:لا الحمدلله كليت..صحه..ومشه للمربوعه
ايناس:لحقتها..كنك في شي صار
انيس:لا بس خايف ع ايه
ايناس:ماتخفش ايه شاطره..بعدين حلا كلمتها اليوم..كويسه مافيها شي
انيس:يدخان..ان شالله خير..وان شالله تعدي الازمه هذي ع خير
_______________________________
ايه:انتي اليوم قتلتيني ضحك..حرام عليك ارحميني شوي..هذا كله ولي يومين عندكم😂
نهله:مازلتي ماشفتي منها شي..الخير جاي لقدم
ايه:اي وانا نبيه الخير هذا بس بكرا لان توه نعست
ميمونه:تمام..نخليك اترياحي اليوم
ايه:يلا تصبحو ع خير...وطلعت
كلهم:وانتي من اهل الخير
ايه:فتحت الباب وخشت..غيرت دبشها..وخشت الحمام ادوشت ع سريع..وطلعت لبست وتمت اتجفف في شعرها..شافت لقت ساعة مالك ع الكوميدينو..صبات وقربت من البلكونه وتشوف مالك يحكي بتلفون..قربت منه اكثر عشان تسمعه في ايش يقول
مالك:ايوه بضبط..يوم 30 من شهر نبيه يكون ميت..والا انت يلي ح تموت بداله ع يدي
ايه:😨😨حي من هذا..وهي تواخر لاوراه..خبطت في باب البلكونه
مالك:تلفت وشافها..اوكي انت توه..وصكر..ومشالها.. بعصبيه...ايش سمعتي..قولي..خير مانقتلك بين يدي🔥
ايه:..
________________________________
فوزيه:فوق سطح تنشر في دبش
ايناس:تعيطلها..فوزيه فوزيه
فوزيه:من دروج..نعم كنك
ايناس:مزلتي!
فوزيه:لا خلاص..قريب نكمل..غير دبش امي بس مزال
ايناس:باهي هي..عشان لليل خلاص
فوزيه:تمام..خليني نمشي نكمل..طلعت لسطح تكمل في دبش..بس المره هذي حست بحركه غريبه..معدلتش..قالت اكيد نتوهم..بس فعلاً في حركه غريبه..كان حد يشوفلي ولما نلتفت..مانشوفش..نشرت الدبش بسرعه..ولما جات تبي..تنزل..ماسكها حد من لاوراه وحط يده ع فمه
فوزيه:تضرب فيه..امممم..اممممم..وتضرب فيه..وفي الاخير عضته في يده
مجهول:اهههه..يابنت الكلب..وضربها ع راسها بالمسدس..طاحت فوزيه ع الارض..ودمها ينزل من راسها💔
مجهول:اول ماشاف الدم..خاف انها تكون ماتت..وطبعا اول حاجه دارها هرب🤦🏻‍♀️
                   أسمـــاء أشـــــرف❤️🔥
         روايـــات أســــــــماء أشـــــــــرف

حلا:اي انا بروحي ماعنديش نيه للمدرسه بكرا..بس السنه شهاده ولازم نجي عشان نطلع من هالسنه ونترياح..تن تن..صوت رساله اصبري خليني نشوف..خشت حلا ع الرسائل لقت رساله مكتوب فيها(هذي اخر فرصه لك تعرفي انا من..لاني مسافر توه..لو تبي تعرفي انا من انزلي انا تحت)
حلا:خولهه..صكري كذا..وصكرت..ووك عليا ايش نداير..نران ع ايه..تي اكيد راقد في حضن مالك توه🤦🏻‍♀️لا انا نبي ننزل مش قادره نبي نعرفها من..ع كيفها ايه..هذا القرار الصح..بعدين هو قال..هذي اخر فرصه لي..خلاص خذيت قراري انا نبي ننزل نشوفه..وفعلاً فتحت حلا الباب ونزلت بشوي..وهي لما طلعت من باب الجنان في حد شافها🤦🏻‍♀️
________________________________
حور:قاعده في الجنان وحط السماعات في وذنها..سمعت صوت حد يفتح في باب الجنان..تحسبه حد من الكبار..خذت بعضها وخشت وراه الشجره..وبعد شوي شافت حلا..هي يلي طالعه من باب الجنان
حور:هذي كنها طالعه في عقاب لليل..ايش تبي..هييي فتحت باب الشارع..اكيد تبي تشوف حبيبها..طلعت تلفونها..خلونا ناخذولها كم صور حلوه..وقربت من باب الفيلا..وتصور في حلا وهي راكبه في سياره..وتحكي مع شاب
حور:ولله وطحتي في يدي طاحلا😈....يتبع


يُتبع ..

google-playkhamsatmostaqltradent