رواية اسم مستعار الفصل العاشر 10 بقلم اسماء أشرف

 رواية اسم مستعار الفصل العاشر 10 بقلم اسماء أشرف

رواية اسم مستعار الجزء العاشر

رواية اسم مستعار البارت العاشر

رواية اسم مستعار الفصل العاشر 10 بقلم اسماء أشرف


رواية اسم مستعار الحلقة العاشرة


#اسم_مستعار 10❤️
امال:ولله وتميتي مشهوره ياويه😂
ايه:صكفمك خيرلك...اهيييي علينا صكري صكري..خليني نشوف بنت الجيران كنها
امال:بنت الجيران شغل انا عنيا
ايه:صكرت في وجهه..الو رباب..تمام وانتي...شنو..ع الفيس😨..خليني نشوف..وصكرت في وجهها..خشت ايه ع الفيس..ولقت تاق من مالك..ان عراسهم يوم الجمعه الجاي..يحليلي شنو هذا..شكله بدا يخرف بدري..كل مصيبه جايه من وراها مالك...🔥لا جديات شكله يخرف...ران تلفون ايه كان رقم
ايه:الو من معي!
مالك:بصوت حاد.معك يلي ح يكون راجلك بعد 3 ايام بس
ايه:هو انت..خذت نفس..مالك اسمع لو تبي تنتقم من بابا ع حسابي..ف نحب نقولك انك غلطان..ولو دارت هكي عشان خاطر الفيديو يلي انتشر ف مساعده زي هذي انا مانبيهش
مالك:انتي جيتيني وطلبتي مساعدتي وانا اهو ساعدك..شاف لساعته..يلا يا عروسه قدامك بس 78 ساعه عشان تجهزي روحك..وصكر في وجهها
ايه:الو الو مالك..شافت لتلفون..صكر في وجي..حي لو بابا عارف..تي اكيد يبي يعرف🤦🏻‍♀️زعما شنو يبي يصير توه..شافت لتلفونها لقت امال تران عليها...يييي هذي اكيد شافت التاق
ايه:ها ياهمي
امال:لاععععع صار تبي تجوزي من دون علمي..كانت نكلم فيك قبل شوي..وماتقوليلش
ايه:شافتي تاق صح
امال:تي ليبيا كلها شافته..عدي بنتي شوفي التعليقات🙂
ايه:صكري صكري خليني نمشي نشوف🤦🏻‍♀️
_____________________________
فوزيه:قاعده في الكوجينه مع سميره...لا اهم شي مش مالحه واجد
ربيعه:اي لا مش مالحه ذقتها توه حلوه..سلم دياتك
فوزيه:ولو..خليني نفتح تلفون نشوف الوصفه الثانيه
ربيعه:تمام نراجى فيك
فوزيه:فتحت التلفون شافت الوصفه..بس حبت بعدها خشت ع الفيس تصفح عادي ..شافت منشور مالك واخر شي تاق يلي داره مالك لايه
فوزيه:تي شنو هذا😨زواج شن ويوم جمعة شنوو..ايه كنها!
سميره:كنك شن في!
فوزيه:مدتلها التلفون..شوفي
سميره:تقرا..مافهمتش..قصدك ايه فرحها يوم الجمعه ولا شنو
فوزيه:اي..ربك يستر وانيس مايديرش مشكله
ربيعه:حسستيني مش عارفه خوك..تي ح يطربق الحوش علينا
فوزيه:خليني نمشي نحكي الايناس عشان حتى كان تعصب انيس تعرف كيف تهديه..وطلعت
سميره:ربيعه انا ماشيه الايه فوق عينك من طباخه يلي ع نار..وطلعت تجري
ربيعه:ربي يكون في عونها💔
___________________________
حور:ماما الحقي شوفي
ماجده:خلعتيني..كنك ايش في
حور:يا ماما ايه تبي تجوز مالك ولد هاشم😭
ماجده:شنو..معقوله يكون انيس وافق😨وانتي كنك تبكي
حور:يا ماما مالك طرف وغير هكي عنده هيبه..والفرخه ايه تبي تاخذه😡
ماجده:وانتي يا الهبله كنك ماطيحتيه فيك..ولا غير فالحتلي غير تهزي في راسك وخلاص
حور:شوفيلي حل نبي نخرب عليها..مستحيل نخليها اتهنى معه الفرخه هذي
ماجده:خلينا توه نشوفو ايش يبي يصير قبل بعدين سهل🔥
ايناس:ياغبرتي الاسوده..انيس اكيد ماعندش العلم..ولما يعرف ح يداير مشكله ومشكله كبيره الايه
فوزيه:انا ح نمشي نحكي مع ايه ونفهم منها..انا متاكده انها مالهش داخل بشي
ايناس:تنهدت..ان شالله لما يعرف يهدا بس
نعيمه:بنتك هي سبب المشاكل هذين كلهن..انا لو وادي صارت فيه حاجه مستحيل نسامحها
ايناس:ياعمتي..ايه مالهش ذنب في شي..هذي قصه قديمه بين انيس وصاحبه ايه معندهش علاقه بالموضوع..عن اذنكم نبي نمشي نشوفها..وطلعت
فوزيه:ليش هكي بس يا امي..ديما فاهمه غلط..وطلعت
__________________________
سميره:اهدي..عشان لما يجي بوك ويعرف بالموضوع تعرفي تحكي معه
ايه:زعما بابا مشاله وحكو وقررو يديرو هكي!
سميره:لا ماعتقدش..لان لو يبي يمشيله كان مشاله امس ليش يقعد لعنداليوم
ايه:اي صح معك حق..كله منه ومن الفيديو يلي انتشر هذا
سميره:ماتخفيش..ان شالله خير..عسى ان تكرهوا شيئاً وهو خير لكم
ايه:لا بالله الايه هذي مش ماشيه معي..لان اكيد مالك مش خير لي
سميره:ماتقوليش هكي مرات القدر ينقلب 180درجه
ايناس:فتحت الباب وخشت..ايه تعالي فهميني شنو يلي صار..عشان وربي تعبت من الموضوع هذا
فوزيه:غير بشوي..احكو بهدوء
سميره:باهي انا نازله ايه لو تبي اي شي كلميني
ايه:مسكت يدها..لا خليك نبيك معي
سميره:شافتلهم بعدين ردات قعمزت من جديد
ايناس:ها يلا ابدي احكي
ايه:نحكي ايش يا ماما..فتحت الفيس اليوم لقيت منه تاق ان فرحنا يوم جمعه..هذا كل الموضوع
ايناس:خذت نفس..ع كل حال انيس خلاص ع وصول انت لازم نحكيله مانبيش يعرف من برا
ايه:تمام
__________________________
هاشم:انا مش فاهم..ليش دارت هكي..كنا ماشيين كويس..ليش ديما خارج عن مسار الخطه ليش!
مالك:قرب منه..هذا احسن حل..انا نجوزها نكون قريب منه..بعدين يلي نبو من بوها نقدرو ناخذوه
هاشم:انت عارفني مانحبش ناخذ حاجتي بطريقه هذي..كيف..
مالك:ماخلش يكمل كلامه..عارف..لكن انا نشوف انا هذي احسن طريق
هاشم:لا انا معش عرفت نتعمل معك..ديما مخرب عليا حاجتي..وصبا
مالك:شافله..توه تشوف كيف انا عندي حق..وتشكرني بعدين
هاشم:شافله وطلع
مريم:حطت سفرة الشاهي..كنه بوك
مالك:خليه توه..المهم زي ماقتلك..
مريم:تنهدت..مش عارفه يلي ادير فيه صح ولا غلط..بس تمام..ح يكون اكبر فرح في المنطقه كلها زي ما تبي
مالك:تمام..وطلع
ميمونه:ووك يبي يكون عندنا فرح..من زمان وانا خاطري نهيج شوي😭
نهله:هذا في ايش فالحه🤦🏻‍♀️
ايلاف:مرات عمي.مالك متاكد من يلي يداير فيه
مريم:مش عارفه ولله يابنتي..هو عنده ان يداير المستحيل عشان ياخذ حق خوه
ايلاف:يعني خلاص يبي يجوز
مريم:اي خلاص الفرح بعد 3ايام بس
ايلاف:💔💔💔
                   أسمـــاء أشـــــرف❤️🔥
         روايـــات أســــــــماء أشـــــــــرف

انيس:ايناس لك ساعه تبي تحكي..عندي شغل في شركه ياتحكي يا نمشي
ايناس:باهي باه وانت ديما مستعجل
انيس:لا اله الا الله..ياوليه يا تحكي يانمشي مزلت نخيار فيك
ايناس:خذت نفس..انت اكيد تعرف مالك ولد هاشم صح!
انيس:كنه شن صار اخر..ماهو خلاص كل المشاكل من تحت راسه🔥
ايناس:فتحت التلفون و وراته المنشور
انيس:مخلوع...شنو الكلام هذا..وامتى صار بس
ايناس:اهدا..مرات هم يديرو هكي عشان خلاص طلعو من بالهم فكرة الثار
انيس:تي هذا هاشم مستحيل يدايرها..اكيد في سر وراه الشي هذا..ايه وين!
ايناس:فوق..كنك عليش تبيها
انيس:البنت هذي ماتطلعش من باب الحوش..ولو طلعت انتي يلي ح تعقبي
ايناس:باه تمام غير اهدا
انيس:خليني نطلع نشوف هاشم..ونشوف المهزله يلي دارها ولده..وطلع وهو مضايق
ايناس:ربي يستر المشكله كل مالها تكبر
_________________________
ميلاد:ياكل..منعرفش..بنته وهو حر فيها
ماجده:حطت كوب العصير وقعمزت جانبه..اي بس انت خوه وعمها..ومالك ولد اكبر عدو ليكم..ولو اجوز ايه..ح يكون اكبر غلطه درتوها في حياتكم لان هكي ح يكون قريب منكم ويقدر يداير كل شي يبيه ويتحكم فيكم
ميلاد:يفكر في كلامها..
ماجده:وغير هكي ايه مزلت بنت طايشه اكيد ح تفضحكم عندهم..فكر في سمعة العائله
ميلاد:صبا..انا ماشي نغسل وطلع لشركه..وطلع
حور:جات الماجده..ها ماما شن صار
ماجده:شبه اقتنع..بس لازم نكون فوق راس عشان يقدر يقنع خوه
حور:مش  انتي امبدري قالتلي..راجي لين نشوفو ايش يبي يصير قبل!
ماجده:مافيش وقت..قالت لازم نسابق الوقت..لازم نديرو احتياطاتنا
حور:كويس..ان شالله بابا غير يعرف كيف يقنع عمي انيس
ماجده:عمك انيس طول ما ايناس قاعده معها مستحيل يعرف يقنعه
حور:باهي والحل
ايناس: خليني نفكر..المهم ان ايه ماتخذش مالك🔥
______________________________
الموضفه:استاذ انيس تفضل يراجى فيك استاذ هاشم
انيس:صبا وخش للمكتب..سلام عليكم
هاشم:وانا نقول المكتب منور ليش..تفضل اقعد
انيس:مش جاي عشان نقعد انا..جاي عشان نبي نفهم ولدك الفرخ ليش دار المهزله هذي
هاشم:بجديه..اولاً ولدي مش فرخ..ثانياً ليش ايش دار ولدي😏
انيس:بعصبيه..لا تبي تفهمني انك مش عارف..ع فكره الجو هذا مش خايل عليك..اطلع منه خير
هاشم:ولدي حر ويلي يبيه يدايره
انيس:وعشان ولدك حر..يمشي لبنتي ويحكي معها بطريقه مش كويس..والكاميره تصورهم والفيديو ينتشر..واليوم يوصل تاق البنتي من ولدك الحر ان فرحهم يوم جمعه..هكي الحريه عند ولدك😡
هاشم:اسمع لو تبي الكل يصكر فمه ع بنتك..الحل الوحيد هو الجواز..بالنسبه لي انا لو وافقت او رافضت..عادي لان انا ولدي راجل ومايعبه شي..لكن بنتك هي يلي ح تكون الضحيه
انيس:شافله بحرقة دم ومابش يرد عليه..
هاشم:مافيش عندك خيار غير انك توافق..خلاص الفرح عليه 3ايام😏
انيس:اذكر كيف الناس تسال ع بنته..وهل الفيديو صح او لا..وهل ايه فعلا مخطوبه المالك او لا..وكيف كل مره يجيله اتصال يسال ع صحة الكلام هذا هل صح او لا
انيس:تنهد..تمام موافق
هاشم:تمام..يوم الجمعه الفرح والعقد..وبكرا حفله كبيره عندكم وعندنا
انيس:هزا راسه..وطلع
____________________________
ايه:تي لا يا بابا كيف ادير في هكي..عرفني مش ح نراضى..مستحيل ناخذ شخص مش كويس زيهه
انيس:جوازكم مؤقت بس..يعني اكيد فتره وينتهى
ايه:ولو مابش يطلقني
انيس:ساعتها لكل حادثاً حديث
ايناس:بنتي ماتنسيش ان الحل هذا كويس لك..سيارتك ع كل لسان..بوك غصبن عنه وافق..مش براضه..وكله عشانكك
ايه:شافت الانيس..بابا لو كله عشاني فعلا..الغي كل شي يعني لا فرح لا جواز لا شي
انيس:مانقدرش..خلاص عطيت كلمه لراجل..وبكرا في حفله عندهم وعندنا..اعزمي كل حد تعرفيه يا ايناس
ايناس:تمام ولا يهمك
انيس:طلع
ايه:ماما عرفتني ان انا مش اي حد يمشي عليا كلامه واا طالعه البابا في النقطه هذي..ليش بابا خله اب مالك يمشي عليه كلامه؟
ايناس:بوك وافق غصبت عنه عشانك عشان سمعتك❤️يلا بنتي ارتاحي عشان بكرا يوم طويل
______________________________
ميمونه:ايلاف ايش رايك في الفستان هذا حلو
ايلاف:اي حلو
نهله:اسمعي الفستان الاحمر نبيه انا ره مش تاخذيه مني😒
ميمونه:اصلا مانبيش يعععي ذوقك انتي
نهله:هيييي ايلاف انا ذوقي مش حلو😨
ايلاف:ماسك شهاب تراقد فيه..ومش معهم بكل
نهله:الو ايلاف..نحكي معك
ايلاف:ها كنك
نهله:لا انتي شكلك مش معنا بكل..كنك في شي صار معك
ايلاف:لا بس شهاب له كم يوم مش مراقدني كويس
ميمونه:تشوفلها بشك..اممم..اهم شي البسي يوم الفرح اطلعي احلى من كناتنا الجديده
ايلاف:ابتسمت..خليني نمشي نراقد خلاص لليل توه
ميمونه،نهله:وانتي من اهل الخير
ايلاف:طلعت
ميمونه:مش عارفه ليش نحس انها مع ع بعضها
نهله:قالتلك ولدها متعابها..اكيد تبي تكون مش ع بعضها🙄
ميمونه:باهي كذا اسكتي وانتي حماره وماتعرفي شي🤦🏻‍♀️
                   أسمـــاء أشـــــرف❤️🔥
         روايـــات أســــــــماء أشـــــــــرف

حلا:باهي كذا فهميني انتي ايش تبي اديري!
طاهر:اسمعي ايه..صح انا مانحبش مالك..بس الجواز الحل الانسب لك مش له هو..لان انتي سيارتك ع كل لسان
ايه:سيارتك ع كل لسان.. سيارتك ع كل لسان..الكلمه هذا سمعته اكثر من جدول الضرب اليوم🙂
حلا:لان هذا الحل..انا اليوم المدرسه كلها سالتني..لين اضيقت وربي
طاهر:صبا..انا خوكي وعارف مصلحتك..ماتحوليش اديري اي حاجه تخرب الجوازه هذي لان ح تندمي..وطلع
حلا:شافتلها..معه حق طاهر..ماتنسيش انه شاب..واكيد فاهم كل شي
ايه:ساكته ولا كلمه
حلا:كنك ساكته..غريبه
ايه:حسيت روحي خشيت في حالة اكتئاب
حلا:مسكت يدها..معلش فتره وتمشي
ايه:تي مش ع الفرح
حلا:امالا ع شنو
ايه:ع الجامعه الي لي يومين مامشيتلهش..وماكلتش ماكلتي المفضله😭😩
حلا:انتي في ايش ولا في ايش بس🤦🏻‍♀️
_____________________
انيس:انا حبيت يكون عندكم العلم عشان تعزمو الناس كلها وتعرف
نعيمه:وعليش جيت قالتلنا خلاص ما انت واخذ قرارك😒
انيس:قتلك عشان يكون عندكم العلم..وبنسبه القراري هذا شي يرجعلي..وانا عارف ان فيه مصلحة بنتي..وطلع
ماجده:مش عارفه كيف انيس وافق ع طلب زي هذا..غلط غلطة عمره هو هكي🔥
فوزيه:هو شاف الصح وداره..والي في مصلحة ايه كذلك
ايناس:لازم تعرفو..ان انيس قبل مايفكر في روحه ديما يفكر فيكم..وكله المصلحتكم..تصبحو ع خير..وطلعت
نعيمه:كنها هي اليوم هكي مش ع بعضها
ماجده:ممكن مضايقه عشان مافيش فرح كبير ح يندار الايه
فوزيه:هي مضايقه منك امي لانك انتي طول اليوم مغير تضايقي فيها بكلامك..احسن شي نمشي نراقد بكرا عندنا ضيوف يبو يجو..وطلعت
ماجده:اي عدي ارتاحي وانتي مغير ادفاعي عليها ع الفاضي والمليان😒

                      أسمـــاء أشـــــرف❤️🔥
         روايـــات أســــــــماء أشـــــــــرف

#تسريع_في_الاحداث🔥

ثاني يوم صباح الكل كان..مش فاضي في حوش مالك..مريم مشرفه ع الحاجه كلها لان هاشم عازم الدنيا كلها اليوم..ميمونه ونهله مره يتعركو ومره يقعدو كويسين(طبعاً هن توام نسيت نقوللكم🤦🏻‍♀️)ايلاف تساعد فيهم شوي بعدين تمشي تشوف شهاب..والحوش مقلوب بي هرجة الصبايا يلي يدايرن في الغداء والعشاء..وصوت الاغاني مافيش حد ماسمعهنش

الجو كان مايقلش دوش وهرجه في حوش انيس..الي حتى الجيران جو من ساعه 7صباح😂🤦🏻‍♀️ايه قاعد عليها الكوافيره من ساعه12 في ظهر لعند ساعه 2 نهتلها امورها من حلوه وحواجب وشعر وكل شي..وطبعاً امال قاعده معهم..اما حلا ضربتها ونازله شطيح😂💃🏻وحور وماجده قعدات مضايقات من الجو هذا قريب يموتن ومادرنا شي مع ايناس..الي من صباح ربي وهي واقفه ع حيلها ومعها فوزيه..وطبعاً نعيمه قاعد مع النسواين الكبار..بس تراقب فيهم..اما سميره كانت تخدم بي قلب ورب لان هذا فرح بنتها الي تحبها والي تتمنى تشوفها عروسه حتى ولو في ظروف نفس هذي❤️

الجو كان حلو عند العائلتين جو الناس وقعدو وهدرزو..ودارو. الواجب و عدو..وانتهى اليوم هذا ع خير..صح مافيش حد كان عاجبه الوضع بس كلهم فرحوا❤️
_________________________
يوم جمعه في صباح كلهم طلعو لصاله..كان كل شي جاهز فيها..تلاقو هل ايه مع هل مالك وسلمو ع بعضهم عادي جداً..وحلا اول ماشفت ميمونه عرفتها لانها طلعت تقرا في نفس المدرسه الي هي تقرا فيها..تعرفت ع نهله..وطول الوقت وهم مع بعضهم..اما ايناس ومريم وايلاف ف كان التعامل بينهم عادي جداً وطبعاً نعيمه مش مسيبتهم في حالهم وتبي كل شي تحت امرها🤦🏻‍♀️بس الحمدلله مافيش حد يسماعلها😂حور وماجده خشن للكوافيره اول وحدات ولبسن وامورهن تمام..بس يا خسار برغم المبلغ الكبير يلي ادفعن للكوافيره الا انهن يعععع🙂
.
.
.
.
امال:اول مره نشوف عروس مش متوتره..انتي بنت غريبه بجد
ايه:وعليش نتوتر كذا قوليلي ع اساس واخذته ع حب انا
امال:يعني لو كانتي واخذت ع حب كانتي توترتي مثلاً🤣
ايه:ممكن😂وين ماما سميره
امال:اهي قريب تكمل..تبخلها في مُثبت الكوافيره
سميره:جاتهم..حرام عليكي يا ايه انا الكلام هذا ماعمريش دارته
ايه:قتلك عشان خاطري🥺
سميره:مسكت يدها..كله يهون عشانك بنتي❤️الف مبروك
ايه:يبارك فيك
امال:حي حي يا مزه انتي
ربيعه:اسكتي فضحتيني🤦🏻‍♀️
ايه:لا انتو هكي ح تغطو علي..شنو السماح هذي
ربيعه:عشان تعرفي بس😌
ايه:اي اي عرفت😂حي طاهر يران شكله برا
امال:لبستها الكاب..ولبست حتى هي
سميره:اركبي انتي مع وامال مع طاهر توه نمشي انا مع محسن
ايه:لا نبيك معي🥺
ربيعه:خلاص توه نركب انا مع محسن..اهو برا يراجى..نتلاقو في صاله..وطلعت..اما ايه وسميره وامال طلعو ركبو مع طاهر واتجهو لصاله
                      أسمـــاء أشـــــرف❤️🔥
         روايـــات أســــــــماء أشـــــــــرف

كان كيف اي عرس ليبي..الاجواء والاغاني.وكل شي.
باختصار..الكل رغم الظروف كانو فرحانين..هاجو البنات مع بعضهم ونفسو شوي ع اروحهم..وايناس ومريم يستقبلو في ضيوف..وايلاف تعون في فوزيه..ونعيمه قاعد قدام باب الصاله من جوا🤦🏻‍♀️خش مالك وبي مجرد ماخش البنات يتعيطن عليه وع جماله..خش خذا ايه وطلع ع طول..ومشو شور الفيلا..انتهى العرس وكلهم روحو الحوشينهم..وعدا اليوم هذا ع خير
__________________________
فوزيه:بس بصراحه فرح جا حاجه صح..رغما ان كل شي جا بسرعه..لكن وربي فرح جا ع قيس نية ايه
ايناس:تحكي بوجع..اي الحمدلله💔كان خاطري نسلم عليها كويس
فوزيه:معلش بكرا تشوفيها وتسلمي عليها زي ماتبي
ايناس:ان شالله..تصبحو ع خير..وطلعت
نعيمه:حتى انا طالعه نراقد..تعبت اليوم
ماجده:زعما الفرخه في ايش داير معه توه
حور:اثنين مجوزين زعما ايش يبو يديرو🙂
ماجده:قليلة ادب..امشي ارقدي يلا
حور:صبات وهي تنفخ
فوزيه:اييي..حتى انا طالعه..تصبحي ع خير
ماجده:هزات راسها
ميلاد:خش..وانيس طلع فوق ع طول
ميلاد:قعد جانب ماجده..عليك يوم متعب
ماجده:تشوفله..من جا اليوم
ميلاد:مافيش حد وماجا..بطلت وانا نسلم ع الرجال
ماجده:🔥🔥🔥فرح زايط جا..عليك حظ عندها
________________________________
ايه:اول ماخشيت الدار..حولت ع طول الفيلو ولبست بيجامه عاديه جداً..ومسحت الميكاج..وقعدت ع سرير ولا كان اليوم فرحي..
مالك:خش لدار شافلها مزلت واعيه..خش للحمام ادوش..وخش يتمرن..وطلع وزي كل يوم خش للبلكونه وفي يده عصير برتقال..قاعد ساعه..وطلع لقه ايه مزلت واعيه..
مالك:شكلك تسهري واجد
ايه:بدون اهتمام..يعني
مالك:قرب منها..يعني ماتبيش ترقدي
ايه:ترد فوق النفس..لا وياريت تبعد
مالك:ولو مابعدتش ايش تبي اديري
ايه:نعيط ونلم عليك الحوش كله
مالك:ضحك بهزوه..كان انتي صح بنت انيس..ديريها😏
ايه:قرب انت مني بس وتوه تشوف
مالك:لصق فيها..وتوه قربت هي دايري
ايه:😨😨...يتبع


google-playkhamsatmostaqltradent