رواية نور الفصل الثاني 2 بقلم نور عصام

 رواية نور الفصل الثاني 2 بقلم نور عصام

رواية نور الجزء الثاني 

رواية نور البارت الثاني 

رواية نور الفصل الثاني 2 بقلم نور عصام


رواية نور الحلقة الثانية


رواية نور
بقلمي ✍️ نور عصام
الفصل الثاني
نور بعند قالت مش هيقعد جنبي ولو فيها رفدي من الجامعه

يوسف بعناد اكتر مال عليها

شيماء يوسف مش كدا

نور خليه يعملها لو كان راجل

يوسف بعصبيه نزل عليها وبيحاول يحط ايه عليها

نور اقسم بالله اقطعهالك لو لمستني

يوسف اقطعيها وحط ايده علي خصرها

نور خبطته بالكتاب علي ايده

يوسف ماشي ولسه هيقرب منها تاني

الدكتور دخل بقلمي نور عصام

نور عاالله تتربي بقي وتغور من وشي

يوسف راح وقعد بعيد عنها

نور بصتله ببتسامة نصر والتفتت قدامها

يوسف وربي لاخليكي تتمني تبصيلي مش تقعدي جنبي

محمود مالك ياعم بيها

يوسف ملكش دعوه انت تعرف تسكت

الدكتور فونه رن قال لحظه شباب وفتح فونه وخرج برا القاعه يرد

محمود قاله ايه مليش دعوه دي هو حرام عليا وحلال ليك

يوسف بعصبيه قاله محمود انت عارف ان مقصدك من الاول التسليه ودا مش طبعي ولا عمري هوافق عليه وانت عارف ف اسكت احسنلك بقلمي نور عصام

محمود ماشي يا صاحبي بس نخلص نتكلم

يوسف بيغلي منها ومن انها انتصرت عليه ونفذت كلامها

نور التفتت وبصتله

يوسف اتغاظ لانو فهم نظرتها كويس

الدكتور دخل وبدأ المحاضره

علي الجانب الأخر في ببت احمد عمار جد يوسف

حمزه عاوز حاجه يا بابا

احمد رايح فين يا حمزه

حمزه هروح الشركه شويه ياسين كلمني ومحتاجني

احمد تمام وابقي كلم يوسف وشوفه راح الشركه التانيه ولا

حمزه حاضر يا بابا

احمد قاله حمزه قول ل يوسف ميضغطش عالراجل هو ف محنه واحنا نعرفه من زمان

حمزه هكلمه يا بابا واقوله ومشي

سناء تشرب حاجه يا بابا ودي بتكون سناء زوجه حمزه ابو يوسف وياسين وياسمين

احمد تسلمي يا بنتي مش عاوز حاجه انا هطلع اقعد في الجنينه شويه بقلمي نور عصام

سناء طيب ايه رايك ف كباية شاي بنعناع كدا نشربها مع بعض ف الجنينه

احمد عاوزه ايه يا بت يا سناء

سناء ابدا يا بابا

احمد اممم هو انا مش عرفك يامرات ابني

سناء دايما ظلمني كدا

احمد ايوا علشان انا مفتري

سناء ياربي هو انا قولت حاجه دلوقتي

احمد طيب روحي اعملي الشاي وتعالي اما اشوف حكايتك ايه وبصلها وقال متنسيش النعناع

سناء من عيوني يا بابا وراحت عملته وخرحت الجنينه اتفضل يا بابا احلي كوباية شاي بنعناع

احمد تسلم ايدك وبعدين بصلها وقال وراكي ايه يابت يا سناء انطقي علطول

سناء احم بصراحه عاوزه اكلمك تاني ف موضوع ياسين

احمد تاني انا مش قولت الموضوع دا يتقفل نهائي

سناء يا بابا انت عارف ان ياسين بيحب البنت وهي كمان

احمد اممم وايه تاني

سناء بابا ياسين رضي بقرارك وانت عارف ان عمره ما عصاك ولا حتي فكر يتمرد ولا يرد عليك دايما اللي تقوله يرد ويقولك حاضر بس المرة دي صعبه عليه والله دايما زعلان وشايل هم زعله لوحده حتي بقلمي نور عصام لما بروح اتكلم معاه مش بيرضي ويقولي كلميني ف اي حاجه الا الموضوع دا متحمل قهرته وحزنه لوحده والله قلبي وجعني عليه علشان خاطري يا بابا وافق الله يخليك يا بابا وافق ياسين بيحبها ومش قادر ينساها والبنت فعلا بتحبه

احمد انا عارف انهم بيحبو بعض ومعنديش اعتراض وانتي عرفه كدا كل اعتراضي علي شغلها

سناء بمرح قالت والله دي تجنن وخصوصا وهي بالبس الميري دي احلي ظابط

احمد هزري هزري ما انتي مش علي بالك

سناء ايه بس ياحاج

احمد يعني يرضيكي ابنك يبقي نايم ف البيت ومراته ف مأموريه تبع شغلها ولما يحصلها حاجه يبقي كويس يرضيكي تسيب ولادها كل اليوم دا لو شافتهم اصلا ولا رضية تخلفهم بسبب شغلها انتي عرفه شغلها دي ممكن تتواجد فيه ليل نهار يعني ممكن ابنك ميشوفهاش كازوجه بالبيت ودا هيخلي علاقتهم تفشل لانهم دايما هيكونو علي خلاف بسبب الشغل بتاعها اما انا نفسي انو يتجوز ومعنديش اعتراض علي البنت نفسها انا اعتراضي علي شغلها لو سابته انا موافق الصبح اجوزهاله نور بقلمي نور عصام

سناء والله يا بابا انت معاك حق بس ياسين متعلق بيها وانت قولتله كذا مره يتجوز وهو رفض وبردو مش عاوز يزعلك ياريت يا بابا تفكر تاني

احمد افكر ف ايه يا سناء بعد اللي قولته

سناء ريحه يا بابا هو اختياره يتحمله بقا

احمد يابنتي متبصيش للموضوع بعاطفة الأمومه بصي لقدام مش عاوزين نندم بعد كدا

سناء دموعها نزلت وقالت وافق يابابا علشان خاطر ياسين الواد قلبه مقهور متنساش انها اول حب ف حياته

احمد بصلها وسكت

سناء مالت علي ايده وباستها وبعدين قالت علشان فرحة ياسين يا بابا

احمد طيب اهدي واللي فيه الخير يقدمه ربنا

سناء بفرحه يعني موافق

احمد لسه موافقتش بس هتكلم مع ياسين تاني

سناء ربنا يخليك لينا يارب

احمد ايوا ياختي اعمليهم عليا

سناء ابدا والله

في الجامعه

المحاضره خلصت والكل قام علشان يخرج

شيماء ايه رأيك يانور تيجي معايا اشتري فسان لخطوبة بنت خالتي بقلمي نور عصام

نور طيب خليها بكرا لاني لسه هروح عند ماما الشغل وكمان اقولها وانتي عرفه ممكن يكون لسه عندها شغل ونتأخر ف يبقي بكرا افضل واهو معندناش غير محاضره واحده بس

شيماء ماشي عموما لسه قدامي يومين ومشيو

يوسف شافهم راح عليهم وقال ل نور متفرحيش كتير

نور بصتله وعوجت بوئها ومشيت

يوسف ماشي وراح علي عربيته

محمود ايه بقا اللي انا شايفه دا

يوسف شايف ايه

محمود انت هتستعبط يعني تقولي ابعد عنها وعندنا اخوات بنات ومش عارف ايه وف الأخر تقرب انته منها

يوسف ايوا ولسه عند كلامي

محمود يعني ايه

يوسف يعني حضرتك عاوز تتسلي بيها

محمود طيب وحضرتك

يوسف ف نفسه انا هربيها وانسيها عنادها دا بس وهي في بيتي ان مخليتها تندم علي معاملتها معايا

محمود ايه يادكتور

يوسف هااا

محمود هااا وعموما انا عارف ومش محتاج انك تبرر وبصله وقال مبروك عليك

يوسف مالك ياعم ف ايه

محمود في ان من فتره وانت مراقبها ومراقب كل حركاتها ومش مخلي حد يقربلها ولا نسيت الاتنين اللي ضربتهم لما عاكسوها من غير هي متعرف ولا البنات اللي بيقعدو معانا اي واحده فيهم تجيب سيرتها تقوم عليها زي العاصفه مره واحده بس كنت احب انك تقولي انك معجب بيها دا ان مكنتش بتحبها يا صاحبي

يوسف خلصت كلامك

محمود قاله انا مسافر بكرا دبي ومش راجع غير عالامتحان

يوسف ليه كدا

محمود بابا تعبان واخويا حجزلي وبعتلي التسكره من شويه عالواتس وكمان بيحاول يقنعني احول واكمل هناك

يوسف الف سلامه علي عمي

محمود الله يسلمك

يوسف بس تسافر وتشوف الوضع قرر ومتستعجلش

محمود ان شاء الله

يوسف طيب انا هروح الشركه عندي شغل تيجي معايا

محمود لا هروح اجهز حاجتي الطياره الساعه سابعه الصبح

يوسف بدري كدا

محمود ايوا

يوسف طيب انا هجيلك واوصلك المطار سلام دلوقتي

في الشركه

ياسين ايه يا بابا يوسف لسه ماراح لعند الدكتور سامي

حمزه هو كلمني من شويه وقالي لسه مخلص محاضرات ورايح عليه وبس يخلص هيجي

ياسين تمام

ياسين بيكون دكتور صيدلي وبيشتغل مدير الشركه ودي بتكون شركه ادويه وكمان ابوه شغال معهم ف ادارتها وبيروح وقت اللزوم لانه تعبان جدهم ترك الشركه ل ياسين ويوسف هو كان بيديرها ف البدايه ومعه ابنه ولما كبرو الشباب ترك لهم المسؤليه ولكن في النهايه تحت اشرافه

نور راحت عند مامتها الشغل

فريده ببتسامه اهلا حبيبتي

نور راحت عيلها وباستها وقالت اهلا ياقمر خلصتي

فريده يعني نصف ساعه واخلص اقعدي ياقلبي وبعدين قالتلها اكلتي

نور مليش نفس

فريده ليه ياروحي هطلبلك اكل دلوقتي

نور لا لا بس تخلصي نروح ناكل سوا

فريده ياحبيبتي لسه هتستني

نور والله يا ماما مالي نفس

فريده خلاص مش هطول

نور براحتك ياقلبي

فريده لحظه يانور ادخل الملف دا للاستاذ امين

نور اومئت بعيونها

فريده خبطت ودخلت وعطته الملف وقالت استاذ امين نور برا وانا شايفه ان كدا خلاص دا اخر ملف ممكن امشي

امين القمر برا وسيباها خليها تدخل

فريده حاضر ونادت عليها

نور خبطت ودخلت وقالت السلام عليكم ازيك ياراجل ياطيب والله وحشني جدا

امين اه يبكاشه

نور ابدا والله انا كنت هدخل اسلم علي حضرتك بس لما ماما تخلص بقلمي نور عصام

امين شوفتي النصب دا يا فريده قبل كدا

فريده هههههه ايوا شوفته وعايشه فيه

امين هههههههه

نور راحت عليه وباست ايده وقالت ازيك ياجدو عامل ايه والله دايما بسال ماما علي حضرتك

امين طبطب عليها وقالها تسلمي ياروح جدو انتي اللي عامله ايه ف الجامعه بقلمي نور عصام

نور الحمد لله

امين حبيبتي اي حاجه تحتاجيها قوليلي انتي زي احفادي وانتي عرفه كدا كويس

نور بهزار قالت لا احفادك دا ايه دا انا كنت ناويه اتجوزك وبرسم عليك من زمان اومال انا موافقه ماما تشتغل معاك ليه ما هو علشان تتابعلي اخبارك لو عينك زاغت كدا ولا كدا

امين هههههه هههههه وبعدين قالها وانا موافق

فريده ربنا يخليك لينا يا استاذ فريد ويعطيك الصحه

امين فريده انتي بنتي وهي حفيدتي ومعزتكم كبيره عندي

نور طيب بالمناسبه دي انا عزماكم برا علي حسابكم

فريده وامين هههههه لا كتر خيرك والله

امين خلي عنك المره دي يا دكتوره وانا هطلب اكل لينا كلنا علشان مامتك مرضيتش تتغدي وقالت بس نور تيجي باكل معها وكمان البت نرمين فوق لوحدها تنزل تاكل معنا

نور بفرحه بجد يا جدو نرمين هنا

امين ايوا ياروح جدو جت انهارده وقالت هتقعد معايا كام يوم والله فرحت قوي

نور ما انا قولتلك اتجوزك واريحك من عيشة العاذب دي

نرمين دي مين اللي عاوزه تتجوزك وانا موجوده يا جدو

نور حبيبتييييي

نرمين اكبر نصااااابه

فريده هههههههه

امين هههههههه هههههه ههههه جبتش انا حاجه من عندي

نور بعد ما حضنو بعض قالت والله انا خساره فيكم وبعدين يعني لو انا مش بسأل اسالي انتي عليا

امين في دي عندك حق

نور عدلت من ياقة بلوزتها وقالت طول عمري

نرمين ههههه بطلي يا بت غرور شويه

نور هو انا عندي غيرو

امين ربنا يحفظكم يارب وبعد الغدا والقاعدة الحلوه مع بعض الكل مشي

يوسف راح علي شركتهم

ياسين ايه يابني كل دا

يوسف والله غصب عني لسه مخلص معاه وجيت علطول

حمزه طيب اقعد خد نفسك وقول عملت ايه

يوسف اتكلمت معاه وقبلت الشراكه بينا بس بنسبة 60% وكتبت العقود ونفذت اللي جدو قالي عليه

ياسين تمام كدا

حمزه يا خبر ابيض دا انا كنت هخلص معاه بنسبة 50 او 52% بالكتير

يوسف علشان تعرفو انكم من غيري

ياسين اتلم يلا بدل ما اقوملك

يوسف يرضيك كدا يا حاج ف وجودك

حمزه ايوا يرضيني هههههه

يوسف بقا كدا وبعدين قال المحامي اخد العقود علشان يسجلها وبكرا هتكون عندنا بادن الله

ياسين اوك

يوسف ايه اوك دي

ياسين اومال عاوز ايه يا خويا

يوسف مكافئه زياده ف

ياسين قاطعه وقاله بس كدا من عيوني مخصوم منك عشر ايام حلوين ولا نزودهم

يوسف تسلملي يا ياسو والله من غيرك مش عارف هعمل ايه ربنا يخليك ليا

حمزه وياسين هههههه ههههههه

حمزه يلا بقا عالبيت وبعدين قال ل يوسف كلمت جدك

يوسف ايوا يا بابا وانا جاي ف الطريق ونزلو من الشركه

ياسين تعالي يا بابا معايا وخلي عربيتك هنا

يوسف مال علي ياسين وقاله عندي ليك اخبار تجنن

ياسين اخبارك كلها زي وشك بقلمي نور عصام

يوسف تبقي جميله

ياسين اخلص قول

يوسف لا في دي بقا عاوز مكافئه ومش هتنازل

ياسين مش عاوز اعرف

يوسف براحتك بس مترجعش تقول

ياسين قاطعه ومسكه من قفاه وقاله انجز وإلا بضربك

يوسف خلاص خلاص هو احترامي للأخ الكبير دا اللي موديني ف داهيه ليه يارب مخلتنيش انا الكبير

ياسين بغيط هتنجز ولا انت عارف

يوسف خلاص متزقش وبعدين قال جدو

ياسين مالو يا خفه

يوسف عاوز يتكلم معك بخصوص حضرة الظابط

ياسين بفرحه بجد يا يوسف

يوسف ايوا طبعا هو انا عمري قولتلك كلام هزار

ياسين بصله وقال انته وبعدين قاله اصلا انا خلاص مش مهتم بالموضوع دا

يوسف طيب خلاص انا هكلمه تاني واقوله انك صرفت نظر وكمان اقول ل ماما تبطل تعيط وتتكلم كل يوم مع جدك

ياسين مسكه تاني من قفاه وقال انا قولت من الاول انك لازم تنضرب

حمزه ايه ياشباب هتفضلو كدا كتير مش هنخلص من الوشوشه دي بقا

ياسين اسف يا بابا جاين اهو وبعدين قال لاخوه تعالي كلنا بعربيه واحده كدا كدا انت هتيجي الشركه معايا الصبح وبعدين هتروح عالجامعه وفعلا مشيو

في بيت احمد عمار

الجد مبروك عليك يا يوسف وبجد برافو عليك انا متوقعتش النسبه دي بس عارف انك قدها وقدود

يوسف تسلم يا جدو تلميذك

الجد ربنا يحفظك ياحبيبي انت واخواته

يوسف ايوا وبعد الدعوات والكلام دا كله ايه بقا

ياسين عاوز ايه يلا بعد ما كتبت الشركه باسمك

يوسف يعني باسمي لوحدي

حمزه دا حق يا بني

يوسف عارف يا بابا وبهزر

الجد اتكلم مع ياسين بخصوص البنت الظابط والكل موافق وياسين فرح جدا واتفقو انهم يروحو يخطبوها

يوسف حضن اخوه وباركله

ياسين بادله الحضن وقاله الله يبارك فيك يا حبيب اخوك

ياسمين سينو حبيبي الف مبروك وحضنته

يوسف اخيرا ظهرتي ياختي

ياسين بس يلا ملكش دعوة بيها

يوسف علي فكره انا ليا فيها اكتر منك

ياسين ليه ان شاء الله انت اخوها وانا ابن خالتها

ياسمين ههههه حضنتهم هما الاتنين وقالت ربنا ميحرمني منكم ابدا احلي اخوات دي ولا ايه

ياسين ويوسف ويخليكي لينا ياقمر

ياسمين معلش يا سينو والله كنت تعبانه شويه ونمت بعد ما جيت من الجامعه وكمان الاستاذ اتصل عليا وقالي انه عنده شغل ومشي وسابني وبصت لجدها وقالت مش هتجبلي عربيه بقا ياجدو

اخمد ريحي نفسك مفيش عربيات هتيجي

ياسمين اشمعنا انا

احمد قولتلك ميت مره مفيش عربيات هتروحي وتيجي مع اخوكي بقلمي نور عصام

ياسمين دا ظلم علي فكره

احمد بتقولي حاجه يا سو

ياسمين راحت لعنده وقعدت جنبه وقالت يرضيك يا جدو يا حبيبي ابقي بنت حمزه عمار وجدي احمد عمار ومعنديش عربيه وبصت ل يوسف وقالت وعيل زي دا يتحكم فيا

احمد مفيش عربيات ان شالله حتي تروحي وتيجي مشي

ياسمين يا جدو انا خايفه علي شكلك قدام الناس

احمد ملكيش دعوه هو شكلك ولا شكلي

يوسف يا بنتي خلاص متحاوليش

ياسمين شوفت بعينك يا جدو

احمد وعجبني جدا

ياسمين قامت وقالت طيب يا جدو وعملت زعلانه

يوسف ان شالله حتي تفرقعي هههههههه وانتهي اليوم

واشرقت الشمس بنور ربها

في الجامعه

يوسف صباح الخير يا

نور بأرف قالت ......

ياتري نور هتقول ايه

انتظرو المفاجئه في الفصل القادم


يُتبع ..

google-playkhamsatmostaqltradent