رواية قصة حب ابكاها القدر الفصل الثاني 2 بقلم وفاء كامل

 رواية قصة حب ابكاها القدر الفصل الثاني 2 بقلم وفاء كامل

رواية قصة حب ابكاها القدر الجزء الثاني 

رواية قصة حب ابكاها القدر البارت الثاني 

رواية قصة حب ابكاها القدر الفصل الثاني 2 بقلم وفاء كامل


رواية قصة حب ابكاها القدر الحلقة الثانية


وصلنا الفصل ال فات عندما ترکهم محمود وذهب
فرح.. فهميني تعرفيه منين ده
يارا.. ما هو ده الحيوان بتاع التاكسي ال حكتلكم عليه

فرح بصدمه.. ياشيخه بس ميدلش عليه ال انتي حكتيه خالص يابنتي ده دحيح الدفعه وكل بنت هنا بتتمنى بس انه يقف معاها
ده محترم جدا وعمر ما ف بنت هنا ف الكليه قدرت توقعه
مالهوش ف جو السهر والبنات والحب خالص واديكي شوفتي عمل فيا لما حكتلك اني حاولت اتقرب منه وهو رفضني ولما كتبتله رقمي قطع الورق قدامنا كلنا

انتي بس تلاقيكي اتعصبتي عليه ونرفزتيه احنا عارفينك لما تتعصبي بتبقي حاجه اااوفر اوی
كتر خيره استحملك ومسك نفسه
واحد غيره كان عملك مشكله ومد ايده عليكي
احمدي ربك ان محمود هو ال كان معاكي

يارتني انا ال كنت ركبت معاه 😁😂😂
يارا.. هو اسمه محمود
بس تعرفي شكله شيك وحلو اوي ع الصبح خالص كانه حاجه تانيه ميبنش عليه انه غلبان وفقير

فرح.. الفقر مش عيب يا يارا
كفايه انه محترم جدا ومجتهد ف دراسته واحسن مننا كلنا

يارا.. عندك حق انا كنت غلطانه معاه
وحاسه بالندم وحابه اعتذرله
شكله طيب فعلا ومحترم
وحلو وامور وعسل و.....

فرح بضحك.. هههههه اي حيلك حيلك هي الصناره غمزت ولا اي
يارا بتوتر.. ها
لا طبعا انا ابص لده 😒

فرح ف نفسها.. شكلك وقعتي ياصاحبتي وياعالم مصيرك هيبقا اي والقدر مخبيلك اي

اما عن محمود ع قد ما كان متعصب جدا انه شافها ع قد َما كان سعيد جدا
وظل يسال نفسه
اي ال جرارك يامحمود معقول تكون حبتها م اول نظره كدا
انت عمرك ما ف بنت قدرت تملى عنيك
هو اي ال بيحصلك وبعدين هي فين وانا فين بس
وياتري القدر مخبيلي اي 😞

انتهى محمود م الكتاب وقفله واعاده الي مكانه
وذهب للبيت
ولم يذهذ لصديقه ممدوح الذي كان بانتظاره ف المساء

قام بتحضير العشاء لوالده وتناولوا الطعام سوياً ثم ذهب للنوم
ظل يفكر فيها كثيرا ثم يقول لنفسه.. مالك يامحمود فوق لنفسك
ازاي وقعت كدا وكمان مش انت ال هتملى عنيها
ودخل عليه ممدوح فجأه

ممدوح.. حووووووده 😂
محمود بخضه.. عااااااااا
اي يابني حرام عليك خضتني
مش كدا قطعتلي الخلف منك لله 😤
المفروض تعمل اي صوت وانت داخل😡

ممدوح بضحك.. ههههههههه معلش متزعليش ياابيصه 😂
ايه كنتي سرحان ف ياقطه 😁

محمود بتنهيد بزهق.. يابني بطل اسلوبك ده الف مره اقولك مش بحب الطريقه دي انا ولد مش بنت
ممدوح.. ياعم براحه علينا ليطقلك عرق ولا حاجه 😂😂
المهم قولي بتفكر ف اي

محمود بابتسامه.. بفكر ف حاجه كده
اقولك! مش مهم
سبني انام بقي علشان عندي شغل الصبح بدري وكمان عندي كليه ع العصر
ممدوح بضحك.. ماشي 😂
تصبح علي خير
محمود.. وانت من اهله
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

عند يارا
نائمه ف فراشها شارده ف هذا الشاب الذي رأته اليوم
حتي دخلت اليها اختها فاطمه
فاطمه.. اي ياحبيبتي لسه منمتيش
يارا ما ذالت شارده

فاطمه.. يااابنتي.... يارا
انتبهت لها يارا وردت بفزع اي يافاطمه ف اي
فاطمه.. ال واخد عقلك كدا
بنادي عليكي م الصبح

يارا.. معلش كنت سرحانه شويه
فاطمه.. مش بالعاده ان حد ياخد تفكيرك كدا
شامه ريحه كدا

يارا بضحك.. ريحه اي حتي انا لسه اخده شاور وريحتي حلوه هههههه
فاطمه ضربتها بالمخده.. ياحيوانه انا اقصد شامه ريحه شاب ف الموضوع😡

يارا بارتباك.. ها
شاب..... لا طبعا
م امتى وانا اعرف شباب انتي عارفه مافيش حد مالي عيني
فاطمه.. عارفه ياقلبي بس شكلها الصناره غمزت 😉

يارا.. هو اي حكايتك انتي كمان مش كفايه فرح قالت نفس الكلام ده
فاطمه.. احكيلي مين هو
واتعرفتي عليه فين
وابن مين

يارا بضحك.. ههههه اي يابنتي ده بالعه راديوا
اولا انا مش بحبه
وهو معايا ف الكليه
انا بس مستلطفاه
فاطمه.. ايوه بقا كبرنا وبقينا نحب بقا

يارا.. قولتلك مش بحب حد ده مجرد اعجاب بس
فاطمه.. ههههه واضح واضح المهم هو ابن مين واسمه اي

يارا.. اسمه محمود
م عيله مين الله واعلم بس يظهر م عيله ع قد حالهم مش زينا
عشان كدا بقولك عمر ما حاجه هتحصل بنا بابا مش هيوافق وانا ليه اعلق نفسي بيه وف الاخر اتعب م فراقه
وكمان اصلا اشغل نفسي ليه بيه
ع اساس هو بيحبني يعني ده بيكرهني

فاطمه.. ليه كدا بس اي ال حصل
سردت يارا لها ما حدث معها ف التاكسي والكليه
فاطمه.. م كلامك عليه عجبني ع فكره واستجدعته

يارا.. ليه بقا انشاء الله
فاطمه.. باين عليه عنده عزه نفس وانتي غلطانه ف ال عملتيه يا يارا
وهو لو مكنش انسان محترم كان ممكن يمد ايده فعلا عليكي او يطردك م التاكسي بتاعه
وردت فعله دي طبيعيه
وبما هو متفوق جدا ف الكليه والكل بيحترمه وبيجري وراه وهو ولا همه
يبقا هو ده فعلا ال تتمناه اي بنت وياسعدها ال هتكون م نصيبه
لانه هيخاف عليها ويقدرها ومش هيبص لحد غيرها

يارا.. انتي بتتكلمي ع اساس اننا بنحب بعض بقولك هو يومواحد بس ال شوفنا بعض فيه
وكمان بيكرهني
فاطمه.. معتقدش ان النوع ده بيكره حد او ممكن ياذيه او يهينه
ومين عالم مش ممكن حبك م اول نظره

يارا بضحك... ياشيخه بلاش جو الافلام ده والنبي ههههههه
فاطمه.. بصي ياقلبي انتي اختي الوحيده واتمنالك كل خير
وهيبقا اسعد يوم ف عمري لما اشوفك مع الانسان ال بتحبيه
بس لما تحبي
حبي بس بالعقل
وخديها نصيحه مني

يارا.. يعني ايه احب بس بالعقل ؟!!
فاطمه.. هقولك ازاى .. مش بقولك ألغي قلبك وحكمي عقلك بس

لا حبي وافرحي وادي قلبك فرصته بس لازم يكون في حكمه م العقل

يارا.. ازاى يعني ؟!!
فاطمه.. لما تحبى يا يارا حد بلاش يكون هو محور حياتك مش لانه ما يستاهلش
لكن عشان ميتخنقش
وعشان كمان لو اتخانقتوا متحسيش ان حياتك وقفت

الوجع ال هتحسيه وقتها هيصعب عليكى حتى انك تسامحيه وتحاولى تحلى مشكلتك معاه
لان نفسك وهي محبطة هتصعب عليكى اكتر من زعلكوا من بعض

على عكس لو كانت الحياة بينكم وسطية
اينعم الحب بيخليكى حابة انك تقدمى كل شىء وتركزي حياتك كلها حواليه وبتكونى مستمتعة وانتى بتعملى ده
بس الفرح الزايد بيقابله حزن زيادة انتى مش قده وسهل جدا حياتك تتحول لجحيم
ممكن يقابلكم صعوبات اتحدوها مع بعض
وناس كتير هتعارض حبكم وهتحصل مشاكل
معلش استحملي واقفي معاه
هي الحياه كدا صعبه
مش ذي ما الناس فاكره الحياه بمبي لا بالعكس الحياه كلها صعوبات وتحديات
وتضحيات لازم تضحي م اجل حبك

م الاخر يا يارا خلى حياتك عبارة عن حلقة بتدور حواليكى وحطى فيها كل اهتماماتك وحبايبك وأنتى أقفى فى النص وشكليها زى ما انتى عايزة
اوعى تعكسى و تخلى اى شخص او اهتمام منهم هو ال ف النص وانتى ال تلفى حياتك حواليه
عشان لو اختفى حياتك كلها هتقف

زي مثلا لو اديتك ورقة مكتوب عليها كلام وقربتها جدا من عنيكى هتشوفيها؟؟

يارا.. بالتأكيد لاااا
فاطمه.. مظبوط لكن لو بعدتها شوية عن عنيكى هتشوفيها بوضوح

يارا.. فعلا
فاطمه.. اهو الناس كمان كده .. لازم تبعدى مسافة عشان انتو الاتنين تشوفوا بعض بصورة اوضح

اينعم الحياة مش بالورقة والقلم
بس تدبير الحياة بشكل وسطى فى الفرح والحزن بيخلى الواحد قادر يواجه صعوبات الحياة بفكر صافى ومعتدل ويقابل اى مشاكل باستعداد تام
وتاكدي حبك ليه هيبقا سبب بوابه هتتفتح عليكي كلها صعوبات واكيد انتي عارفه اقصد مين

يارا.. بابا 😞
فاطمه.. صح
لان محمود مش م مستوانه
عايزاكي لا تدلقي عليه اوي ولا تبعدي عنه
وكمان عايزاكي تحافظي ع حبك بايدك وسنانك
وكمان عايزاكي تختاري صح
واوعي تحطي اهلك ف كفه وحبيبك ف كفه لان هيجي يوم وهتقاارني بنهم وهضحكي بحد فيهم عشان ترضي الطرف الاخر

عشان كدا ياحبيبتي بقولك حبی بالعقل عشان متخسریش حد
ولا تتخذی قرار تندمی علیه بعد كدا
لانك لو حبيتي بقلبك
عمرك ما هتكسبي ولا هتعرفي توفقي حياتك

كلام فاطمه لاختها طمأنها وقلقها ف نفس الوقت
اصبحت محتاره ماذا تفعل هل تبعد عنه ولا تفكر فيه مره اخري ام تتوكل ع الله وتحاول تقرب منه وتعتذر له
لعل الله يريد خيرا بينهم
لعل القدر يرى شئ لهم

ظلت تفكر وتفكر حتي غلبها النوم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بعد مرور اسبوع
ف الجامعه
انتهت يارا م المحاضرات وظلت تلتفت يميناً وشمالاً تبحث ع محمود لكنه لا يأتي منذ اسبوع
ظنت به شيئاً تمنعه م الحضور

فرح.. ال واخد عقلك ياجميل
يارا.. ها ..... مافيش

فرح.. متاكده
يارا.. يوووه بقا يافرح وبعدين معاكي مش هتبطلي بقا

فرح.. انا عارفه العصبيه دي ليه
بس احب اطمنك هو كدا مش بيجي اصلا الكليه الا فين وفين لانه بيفضل يشتغل طول الوقت وبيحب يعتمد ع نفسه ف كل حاجه وميفرقش معاه يحضر ولا لانه بيجي المكتبه مره ف الاسبوع وبيدرس مع نفسه
مختلف عننا يابنتي

يارا بتوتر .. انتي بتتكلمي ع مين
فرح.. ع امي 😂

يارا ضربتها بالحقيبه.. يااارخمه 😡
فرح.. بهزر معاكي يابنتي اي 😆

يارا.. طيب انا هروح البيت بقا مش عايزه اتاخر عشان ابيه طارق هيجي بدري وهيخرجنا
فرح.. الله يسهلوا اعم 😉😁

يارا بضحك.. نوقي فيها بقا يابومه 😂
فرح.. كدا ماشي انا زحلانه ويلا بقا م هنا هنرش مايا 😂😂😂😂
وفتحت زجاجه المياه ورشت عليها بالفعل 🤭🤫
يارا.. يامجنونه هههههه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ذهبت يارا الي البيت ولكن تفاجأت بوجود ضيوف ف البيت

يارا.. اهلا وسهلا
الشاب ووالده والدته.. اهلا بيكي

فاطمه.. تعالي ياحبيبتي عايزاكي
يارا.. حاضر

ذهبت معها الي المطبخ.. اي بقا الحكايه مين دول
فاطمه.. ده عريس متادملك م طرف ابوكي
يارا بصدمه.. اي 😳
لا طبعا انا مش موافقه ولا يمكن اتجوز بالطريقه دي

فاطمه.. بس بابا لو عرف هيزعل يايارا ومش بعيد يصمم انك ترجعي الصعيد ومتكمليش كليتك
يارا.. ليه يعني مش فارقه معايا

فاطمه.. بس.....
قاطعتها يارا وقالت لها انها سوف تتصل بوالدها

وبالفعل قامت بالاتصال به
يارا.. ايوه يابابا ازاي تبعتلي واحد واهله وعايزني اتجوزه
انت مش عارف اني لسه بدرس
والدها بعصبيه.. انتي ازاي تتكلمي معايا كدا
اوتي اتهبلتي ولا اي
ولا القعده ف القاهره علمتك انك تقلي ادبك ع ايوكي😡

يارا.. انا اسفه يابابا بس لو سمحت بلاش الطريقه دي
انا مستعده لما اخلص كليه اوافق ع اي حد تجبهولي بس مش كدا ع الاقل اعرفه الاول

والدها.. ومن امتى عندنا البنات بتختاو وتتعرف ع شباب
شكلك اخدتي ع عادات وتقاليد ال عندك
اسمعي م هنا ورايح لو متعدلتيش
هبعت ال يجيبك للصعيد وبلاها الجامعه دي واصل وده اخر كلام عندي
وده اخر كلام عندي
يارا ببكاء.. بابا ارجوك بلاش كدا 😭😭
والدها اسامعيل.. انا قولت كلمه وخلصت ع كدا خطوبتك الاسبوع الجاي وبعد كليتك تتجوزوا هنا ف الصعيد
بيني وبين ابوه مصالح وهتتحل بجوازك منه

يارا.. بس انا
واقفل والدها الهاتف ف وجهها
ظلت تبكي بحرقه ودخلت غرفتها وقفلت عليها الباب
قلقت عليها اختها جدا وظلت تطرق الباب عليها لكنها لا تفتح
حتي جاء طارق لها

طارق.. ف اي يافاطمه صوتكم جاي لحد بره الناس تقول اي علينا
فاطمه ببكاء.. يارا ياطارق شدت مع بابا ف الفون وفضلت تعيطت وحبست نفسها جوه ومش سمعالها صوت خالص 😭
طارق.. اهدي بس تلاقيها مش موافقه وشويه وهتدى
انا هروح اجال المعاد معاهم وناجلها لوقت تاني عشان بس ميلاحظوش حاجه مع اني رافض اصلا المبدأ م الاول وابوكي غلطان انه يدخل يارا ف امور شغله هو محتاج حاحه اصلا ما عنده ال يكفيه وذياده ومن اغنى اغنياء الصعيد لازم يعني يدمج الشركتين بينه وبين ابو الواد ال بره ع مصلحه بنته حرام والله

فاطمه.. والعمل
طارق.. العمل عمل ربنا انا هعمل ال عليا والباقي ع ربنا

فاطمه.. ربنا يستر م ال جاي 😭

💔💔💔💔💔💔💔💔💔

خلص فصلنا الثــــــــــــــــــانی

يُتبع ..

google-playkhamsatmostaqltradent