Uncategorized
رواية البنات بتحب مين الحلقة السادسة 6 كاملة
رواية البنات بتحب مين الحلقة السادسة 6 كاملة
 |
| رواية البنات بتحب مين الحلقة السادسة 6 كاملة |
رواية البنات بتحب مين الحلقة السادسة 6 كاملة
حاتم بص لمنى ب استغراب بعد ما كنت قالتله انه يمثل انها بتحبه وانه بيحبها عشان يخلي فرغلي يغير عليها ويجوزها….بس المشكله ان حاتم فعلا كان بيحبها يعني ماكنش هيمثل … حاتم فضل فتره متردد ف القرار مش عارف يوافق او يرفض .. بس مشكلته او مشكله اي حد بيحب حد انه مابيقدرش يرفض طلب من الشخص الي بيحبه ، دايما بيضعف قدامه وعشان كدا ، حاتم اخد نفس عميق قبل ما يقولها بكل اسف وحزن…..
= ماشي يامنى انا موافق
* ردت منى عليه وهيا طايره من الفرح *
– بجد …
*حاتم بنفس النبره الحزبنه *
– ايوه يامنى
= انت احلى اخ ف الدنيا والله
* وميلت على خده وباسته *
* حاتم عينيه برقت بلمعه فيها شوق وشغف من البوسه المفاجاءه *
= سوري ياتومه انا مش قصدي انا بس انفعلت من الفرحه وبعد كدااااا …….
– سوري ايه .. دا انا الي سوري اني اخدت وقت ف التفكير ????
= بس باه ياحاتم انت زي اخويا
– بصي انا موافق ابقى ابوكي شخصيا طالما فيها بوس من حد زي القمر زيك .. هو القمر بيطلع بالنهار ياجدعان
= بس باه ياتومه .. ماتكسفنيش
– ماشي يانونا
=نونا .. ايه نونا دي ؟!
– مش بتقوليلي ياتومه .. خلاص انا كمان اقولك يانونا
= ماشي
– حتى بصي الاتنين لاقين على بعض ازاي ( تومه ، ونونا ) ، يعني لو غلطت ف مره كدا دا وقربت منك
* حاتم بيقرب من منى ، وبيبص ف عينيها الخضرا الواسعه الجميله *
– وبعد ماقربت ميلت على خدك وهمست ف ودنك وقولتلك
– بحبك
* حاتم بيرجع لورا شويه ويبص ف عينيها *
– هتعملي ايه ؟!
* منى فضلت فتره متنحه مش فاهمه ف ايه بيحصل دا بجد ولا جزء من الاتفاق ولا ف ايه الي حصل .. اول مره يحصل عندها لخبطه ف مشاعرها….وهيا سرحانه برضو ف عيون حاتم … بعد فتره جمعت نفسها تاني وقالت لحاتم…..
= حاتم انت لخبطتني جدا .. ممكن نلتزم ب اتفقنا
* حاتم ابتسم ليها وقالها *
– حاضر هسيبك وهبقى اكلمك بكره ان شاء الله تعالى اقولك نعمل ايه
* حاتم استاذن وروح وطول الطريق للورشه بتاعته كان عمال يفكر ف الي حصل ومش مصدق نفسه انه هيكون السبب انهم يرجعو لبعض بل وهو هيساعدها كمان انها تجوزه … انت متخيل ان اكتر شخص انت حبيته ف حياتك بتسلمه بالساهل كدا لحد تاني…،حاتم وصل لورشته وقفل موبيله وقفل باب ورشته على نفسه .. وفضل هناك فتره طوووويله….
* باليل على الساعه 10 *
* احمد بيجي لحد باب الورشه وبيخبط عليها جامد *
– افتح ياحاتم انا عارف انك جوه
* بيخبط تاني اقوى من الاول *
– افتح بقولك ، بدل ما اجيب ابراهيم وشله البلايستيشن ونكسرلك الباب دا
* بيخبط تاني اقوى واقوى *
* لسه هيتكلم لاقى حاتم فتحله باب الورشه وكان على باين وشه انه كان بيشرب حاجه او بيشم حاجه *
-ايه يابني ف ايه لدا كله ؟!
= انا غبي يا احمد عارف كدا … انا غبي
– اهدى كدا وصلي على النبي وفهمني ايه الي حصل ؟!
= بقولك انا غبي … انا غبي
– طب صلي على رسول الله
= احمد …..
– طب صلي على رسول الله ف الاول ….
= اللهم صلي على سيدنا محمد وعلى آله وصحبه وسلم
– واهدى كدا خالص وفهمني ف ايه
= منى ياسيدي
-مالها ياعم مش خلاص رجعت لفرغلي ، وانت فضتها سيره
= اتصلت بيا بعد ما انتو ما مشيتو
– اتصلت بيك!!! …هيا جابت رقمك من فين ؟!
= مسالتهاش لاني كنت فرحان اني كنت اول حد جه على بالها وانها بتفكر فيا
– ماشي وبعدين
= لما روحت هناك اخدتني على فيلتها الي ف التجمع و قالتلي انها اتخانقت مع فرغلي وعاوزه طريقه عشان ترجعله بيها
– ياسلااااام … يعني هيا اخدتك المشوار دا كله عشان تقولك الكلمتين دول طب ما كانت قالتهمولك ف الموبيل
= والله قولت كدا .. مش دي المشكله
– اومال ايه
= قولي ف الاول ، انت عارف اني شخصيه تحليله ولا مش عارف
– عارف اه
= يعني انت عارف شخصيتي لازم تحلل كل خطوه عشان اعرف النتايج بتاعه اي قرار او فكره
– ايوه اه … انت ماشاء الله عليك استاذ ف الحاجات دي
= روحت ايه يامعلم باه قولتلها فكره مش هتخلي فرغلي يحبها وبس … لا دا كمان يجوزها
– اوبس
= اه والله زي ما بقولك كدا….شايف الكوبيات الي حواليك دي كلها
– اه انت كنت بتحضر جن ولا ايه ????????
= انا عمال اشرب عشان عاوز انسى…
– حاتم انت بتعمل ايه
= هشرب … عاوز انسى يا اخي ..، عاوز انسى
– حاتم لا ..، كدا كتير وخطر على صحتك
= سبني يا احمد … سبني بقولك … عاوز انسى … عاوز انسى يا اخي
– لا مش هسيبك تدمر صحتك انت لازم تتعالج فوق يا حاتم فوق لنفسك
= يووووووه .. بقولك سبني يا احمد سبني عاوز انسى
* احمد بياخد بوق من الي بيشربه حاتم *
– انت بتشرب ايه اصلا ؟!!!
= تمر هندي
– نعم ؛!!!
= بس طعمه مر .. مر ، حتى التمر الهندي الي انا بحبه لما اشتريته طلع مر
*ابراهيم بيظهرلهم *
– ايوه ياعم ، عشان تشكر الجندي المجهول الي ف المعركه …
= ابراهيم اتمسى وقول يامسا ماشي
– ماشي ياعم ما هو من لقى احبابه خلاص نستني كدا اول ما منى كلمتك
= وانت عرفت باه ازاي انها كلمتني
– الحب ياولدي …. الحب
= اخلص بطل جو اسامه منير مش ناقصه محن على المسا
– طبعا انت سالت نفسك هيا منى جابت رقمي من فين ؟!
= اوعى يكون الي ف بالي صح .. انت ، صح ؟!
– مش بحب اتكلم عن نفسي كتير بس دايما بحب اعمل الخير وارميه ف البحر
= والله …مش عاوز اقولك انت النهارده اخدت كميه دعا من قلبي
– بجد
= اه اومال ايه … احمد اتاكد ان محدش شافه وهو داخل واقفل باب الورشه عشان نوجب صح من الجندي المجهول بتاعتنا
— هيوحشنا والله
– هو احمد بيكلم عن مين الي هيوحشنا !!
= لا حد كدا … تعال انت بس معايا جوه …احمد قفلت الباب كويس
— تمام ياباشا
=دا انا هنفخك يلا ، على الي حصلي بسببك
* منى بتتصل بيه وهو ببفتح السبيكر *
– ايوه ياتومه انا بشكرك اوي على فكرتك الصبح فرغلي شكله بدا يغير عليا لانه كلمني من شويه وكان بيسالني عن الي كان معايا الصبح … مستنيناك بكره ان شاء الله تعالى.
* حاتم بيشارو لابراهيم واحمد على الي حصل دا وبيبص لابراهيم وبيقوله *
= دا انا مش هنفخك بس دا انا هلعب معاك عريس وعروسه دلوقت
يتبع..
لقراءة الحلقة السابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية حكايات عروسة للكاتبة آية موسى