رواية كانت غلطتي الفصل الثاني 2 بقلم ثقتي بربي تكفيني

رواية كانت غلطتي الفصل الثاني 2 بقلم ثقتي بربي تكفيني

رواية كانت غلطتي البارت الثاني

رواية كانت غلطتي الجزء الثاني

رواية كانت غلطتي الحلقة الثانية

آيه كانت ف حاله ذهول وصدمه وماسكه نفسها بالعافيه
بابا آيه:رايح فين ي ابنى ما لسه بدرى
خالد:مره تانيه بقا ي عمى هستنى تلفونك تقولى موافقه العروسه ان شاءالله
بابا آيه:نورتنى ي بنى
خالد:بنورك ي عمى سلام عليكم
بابا آيه:وعليكم السلام ورجع لآيه ها ي آيه رايك ايه
آيه:ادينى فتره افكر ي بابا بعد اذنك ودخلت اوضتها واول ما دخلت انهارت ف العياط ومسكت تلفونها اتصلت بمريم
مريم بزعل:نعم
آيه بعياط:الحقينى ي مريم أنا محتجالك اوى
مريم بخوف:فى ايه ي بنتى اهدى اى ال حصل
آيه:تعالى ي مريم أنا محتجالك اوى
مريم:خلاص اهدى انا جايه مسافه السكه بس
آيه:متتأخريش عليا بالله
مريم:والله ما هتأخر بس انتى اهدى بس كل حاجه هتكون بخير
آيه:حاضر
وبعد مده قليله كانت مريم وصلت اول ما دخلت لآيه لقتها منهاره من العياط
آيه اول ما شافتها زادت ف العياط:مريم الحقينى ي مريم صاحبتك ضاعت انا ادمرت
مريم خدتها ف حضنها:اهدى بس واستهدى بالله كده اى ال حصل لكل ده
آيه بعياط:خالد خالد هو السبب
مريم:طب بصى ممكن تهدى الاول وتبطلى عياط وبعد كده نتكلم وقعدت تهدى فيها وتقرألها قرآن لحد ما راحت ف النوم
مريم بحزن على حاله صحبتها:ربنا يريح قلبك ويعوضك يارب
تانى يوم
آيه صحيت لقت مريم حضناها ونايمه:مريم ي مريم
مريم:انتى صحيتى صباح القمر عليكى ي قمرى
آيه:انتى فضلتى من بليل عل الوضع ده اكيد ضهرك وجعك
مريم:مش مهم المهم انتى تكونى مرتاحه
آيه:انا بحبك اوى
مربم:انا اكتر لو سمحتى
آيه:مش عايزه تعرفى اى ال حصل
مريم:قومى فوقى الاول وصلى وافطرى وبعدها نتكلم
آيه:ماشى
بعد مده من الوقت
مريم:ها ي ستى اى ال حصل وانا بقولك اهو من غير عياط
آيه كانت هتعيط بس مسكت نفسها:خالد
مريم:ماله
آيه:حكتلها كل ال حصل
مريم:نتكلم جد وبصراحه ومن غير كذب ماشى
آيه:ماشى
مريم:انتى بتحبيه
آيه بسرعه:لا
مريم:احنا قولنا ايه قولنا بصراحه
آيه:كنت ي مريم لكن دلوقتى لا
مريم:طب دلوقتى لا ليه
آيه:مش حابه اقول السبب
مريم:وانا هسيبك عل راحتك دلوقتى انتى موافقه تتجوزيه
آيه:طبعا مش موافقه بس هو هددنى ب بابا
مريم:من غير موضوع انه هددك لو كان اتقدملك من غير تهديد وكده كان ممكن تسامحيه وترجعيله خصوصا انك كنتى بتحبيه ولا صعب
آيه بعياط:مش عارفه بس بعد موضوع تهديده ده انا كرهته اوى ومش طايقاه
مريم:احنا قولنا ايه نبطل عياط
آيه:حاضر
مريم:طب بصى انا عندى حل ايه رايك تتكلمى معاه تانى وتحاولي تقنعيه انه يتراجع عن موضوع الجواز ده وتحاولي تفهميه ان ضربك له بالقلم كان بسببه لان هو ال مسك ايدك الاول وحرام يمسك ايدك وانتى مش من محارمه وانك اكيد مش قصدك تقللى منه قصاد صحابه وانتى اصلا مكنتيش تعرفى ان صحابه معاه وانهم بيلعبو لعبه
آيه:تفتكرى ممكن يوافق
مريم:وليه لا
آيه:انتى مشوفتيش شكله وهو بيكلمنى كان شكله يخوف اوى كنت حساه عايز يقتلنى
مريم:لا متقلقيش خير ان شاءالله ونجرب مش هنخسر حاجه
آيه:متأكده
مريم:متأكده
آيه :طب وانا هتكلم معاه تانى ازاى
مريم:هتتطلبى من باباكى انه يتصل بيه يجى عشان كنتى عايزه تسأليه ف كام حاجه كده قبل ما تقررى
آيه:خلاص ماشى
وفعلا اتفقو على يوم يجى فيه
مريم:يلا ي آيه خالد جه ادخلى واتكلمى معاه من غير عياط ومتخافيش خير ان شاءالله وكل حاجه ليها حل متقلقيش
آيه بعياط:طب ما تدخلى معايا انا خايفه اوى انا بقيت بخاف منه
مريم:ي بنتى مش انا قولت مفيش عياط ومتخافيش انا جنبك هنا اهو بس عشان تعرفو تتكلمو براحتكوا
آيه:طب لو ندهتلك تيجى على طول
مريم؛حاضر بس بطلى عياط وادخليله يلا
آيه:حاضر
خالد بعصبيه:اهلا بالسنيوره اخيرا قررتى تدخلى انتى مش عارفه انى هنا من بدرى وبعدين انا مش فاضى لشغل العيال بتاعك ده او بمعنى اصح مش فاضيلك ف انجزى قولى عايزه ايه وقبل ما تتكلمى تراجع عن ال انا قولته مش هيحصل فاهمه
آيه بتحاول تمسك نفسها ومتعيطش:طب ممكن تسمعني
خالد:انجزى
آيه بعياط وشحتفه: انا والله مكنتش اقصد اضربك بالقلم انت تعديد حدودك فكان لازم اوقفك عند حدك انا عل فكره مع اى شخص كده يعنى مكنتش اقصدك انت
خالد :طب ممكن تهدى الاول
آيه بعياط اكتر:انا والله مكنتش اقصد اقلل منك قدام صحابك انا اصلا مكنتش اعرف انكو بتلعبو
خالد:طب خلاص اهدى وبطلى عياط
آيه بعياط: طب ممكن تبطل تزعق فيا عشان انا مبحبش الزعيق وبقيت بخاف منك
خالد بحزن:حاضر بس اهدى طيب عشان خاطري
آيه بعياط:بص حقك عليا والله بس متعملش فيا كده انا بحب بابا اوى ممكن متأذنيش فيه ممكن متوجعش قلبى عليه
خالد بحنيه: طب خلاص حاضر بطلى عياط الاول وانا هعملك ال انتى عايزاه متوجعيش قلبى عليكى اكتر من كده

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية كانت غلطتي)