رواية نقيض بلهفة عاشق الحلقة الخامسة 5 كاملة

 رواية نقيض بلهفة عاشق الحلقة الخامسة 5 كاملة

رواية نقيض بلهفة عاشق الجزء الخامس 

رواية نقيض بلهفة عاشق البارت الخامس

رواية نقيض بلهفة عاشق الحلقة الخامسة 5 كاملة


رواية نقيض بلهفة عاشق الفصل الخامس

روايه واقعيه لشاب
#بعنوان_نقيض_بلهفة_عاشق_الحلقه_خامسه_للكاتبه_shosheta

للعبره❤️

قراءه ممتعه

مشيت بسرعه للسانيه الي لاوره وخشيت بسرعه بعد لقيت الباب مفتوح والدم رقى لراسي والافكار كيف جني..تنرفزت جديات..

ونا خاش وحااامق هكي😡🤬
ونسمع صوووت عالللي..
يقول..

هي..عرفت كيف انجيبك حقيييييييييت ي مضحكه🤪😁

نا..🤬نرججججسسسسسسس😡

هي..اشرايك ف لبستي سمحه صاح
😍🔥🤤

نا..بدر وين🤬انطقي😡

هي..ف كتر امه وين نعلم بيه

نا..نرجس احكي اكويس🤬

هي..بس قولي قولي👗فستاني سمح صاح😍😍

نا..هنا وين انتبهت نا..
انها طالعه هكي والي ف شارع يقدر يشوفها. ب لبسه هذي..
نا..
ي بنت ال..... وسكتت هديت عليها بقوه وغضب ومسكتها من شعرها وخشيت بيها للممر الي قبل السانيه..

هي..😭😭😭اطلق ي بارد شعري خربتلي تسريحه

نا..تو انوريك تسريحه شنو شكلها
وشديتها وعجنتلها شعرها وشديته بالقوا..

احكي شنو اديري برا ومن قالك اطلعي اصلا مش منبه عليه رجلك متهوبش ناحية البيبان متسمعيش ولا شنو...

هي..طلعت عشانك نا😭
نا..كذابه.. وبدر من وين لقيتيه ووينهو انطقي 😡..احكي را والله نكسرك هنا.🤬

هي..مشفت حد خطاني حول يدك راني نعيط لامي😭

نا..ولو عيطتي لامي هذك فالقبر والله م طالقك قولي وين بدر وشنو خلطك عليه وكيف تطلعي هكي شنو قايل نا
😡😡🤬🤬🤬

هي.. ي عليك نكد وبارد انت نا دزيتلك بعد شفت بدر عدا ب سياره عشان نبي نعصبك واتجيني قتلك بدر معايا من لاوره..

نا..اصبري اصبري وبدر كيف حقيتيه عدى قتيلي.. توابعتي من خيمة الشارع واتبحتي ف شباب اه🤬هكي😡 درتي

هي..اء ءءء..م ..ممهاااااب😭😭😭😭😭😭😭😭 والله م قصدي كنت نبيك اترد عليا والله قاسي معايا انت كنك هكي..

نا..وطالعه من خيمه اتبحتي ب لبسه هذي😡🤬

هي..😭😭😭

نا..يعني طلعتي هكي😡

هي...مهااااأااااااااااااب😭😭

نا..تمام بكل .وجك معش نبي انشوفه وعدي اطلعي وكسدي برا تمام مع رجالا.. نا فوتي د......امي بكل فاهمه🤬

وطلعت وحاااامق بكل منها..

وصكرت الخارب الباب ودرتلا قفل من برا والسانيه ربطت الباب بتل..

ومشيت جبت كرسي وحطيته ع فم خيمة الصبايا بعد برمت ع فتحات الخيمه كلهن واكدت عليهن مسكرات وحولت اي حد واقف بالصدفه جنب الخيمه.

وطلعت دخان ورا دخان ونا انبحت ف مدخل صبايا. ومتوقع نرجس تطلع اخرا...عارفها هبله بلا عقل ..
وادير اي شي عشان تنرفزني واطلع عقلي 🤬

بعد م هديت اشوي اذكرت ان بدر قالي امبدري عندا مشوار ومش امطول..
بس وقت جت الفسخه الصغيره وقالتها بضحكه والله خشيت ف بعضي.. ونسيت صاحبي قالي ماشي

واصلا والله مش ف حال بصارتها ومقالبها نرجس...
كل شي ف راسي ..وع اعصابي قاعد
وهي فاضيه واتبرد علي😤😡🤬

سيارة العروس..هي امتاعت جارنا مشيت جبت فيها اختي للخيمه .
والزفه عدو كلهم الاقارب واشوي جيران ونرجس م مشتش🤨😒..
تنقعت فالحوش

بعد الفرح ب4 ايام ردت سكنتلي مكالمات ومنردش عليها

جت للحوش وشكت في اختي
ع اساس بنتحشم منها ولا نسمع كلامهن😒🤨..

خشت اختي بينا صكرت الموضوع وقتلها معش تلزمني مدام متسمعش فالكلام..

قعدت تبكي هي واتقولي اخر مره معش انديره ومن هالكلام..

وبعد ايام رقت..قصدي تعبت من سكنااانها لان كل يوم نظام دواء هي..

المهم. رنيت عليها ف يوم ف ليل وحكيت معاها 😤بتكبر..

صح هي تحرق الدم بس خذيت عليها ..
واصلا مش متريح لكونها بعيده مني عارفها طايشه هبله تصرف بدون م تفكر.. عشان هكي رديت بنشوف تهتيييكها وعمايلها..
مش عشان ن ن نحبها ولا شي
😤😤😤😤😤😤

》》》》》》》
shosheta..
اي واضح واضح ي مهاب😁🤗 متحبهش غير تبيها تحرقلك دمك
واصلا الي ميحبش لاخر ميتحملش عمايلا وحرق دمه واعصابه الي يديرلا فيه ولالا ي متابعين😚🤗

مهاااب يكاااااابر وميبش يقول انها حبها.. مزال يصرف ب سطحيه
بس مقالبها واهبالها يطلعن ف غيرة مهاب عليها😉كل مره

وليام جاياتك ي مهاب😜

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡

نا😤 بعد رديت معاها رديت ذكرتها ب كلامي من قبل وايش شرطت

بيش م تنسش..

وتمام مشن ليام وع قولة قوليلي وين طالعه قبل

ومتحركيش لمكان برا لين اتقوليلي😒
وابيات برا الحوش لا🤨

مكالمات بعد ساعه11 ليل ممنووووع🤬

هي..باهي😍🥰

ورديت لشغل بعد تم الفرح
ونبي نجري ع حالي وانرد الديور الي ادينتهن عشان الفرح

ف نظركم يمكن مبلغ بسيط..
بس بالنسبه ليا مبلغ كبير بكل هذا
وعمري م جمعته حتى لروحي..

ف كل يوم انفكر فيه..

من ناحيه ثانيه
ندى تشتغل فالحوش وقتلها ثقيل متقربيش بعدين انجي وانديرا نا

الود ودي والله م نبيها تتعب عشان اعاقة رجلها لان تقعد توجع فيها لما تشتغل واجد هي

قعدت شغل ف صبح وعشيه وليل انروح نغسللها فالفرش.. وشطبت معاها عالحوش..

ايام واجد يقعد بالي معاها عشان
نا انطول وهي بروحها فالحوش..معندهش موبايل هي..
نقعد مشغول عليها..
صح الجيران عارفينها بروحها وعينهم منها بس مش كيف

وقتها حسيت بفقدت الام اكثر
حسيت ان لو كانت موجوده مع اختي مكنش بالي مشغول عليها هكي..

لان في ايام حتى الحوش منروحلش إلا ف ليل..
نقعد طالع من8\9 صبح

وفاتن ليام وبوي معش جاء

ع تمام ال15يوم جت اختي زايره عندنا..
وطقيت فيها متأخر سهريت معاها
واطمنت عليها وع راجلها كويس ولالا..

ولحد توا اكويس كان..

بعد نص ساعه. روحت وتعشيت وجوني جماعه وقعدنا قدام الباب..

ف ليل حكيت مع نرجس. ورقدت

وقعدت كذا شهر ع وضع هذا...
المصروف الي انطلعه نقسمه بالنص
نص للحوش ونص للديون نجمع فيهن..

بعد مده جت اختي وجابت مبلغ بسيط قالت زلوف م زلوف العرايس خبر منفهمش فيه..

وقالت عارفه ان الدين مزال م خلصش..خوذ هذن ع الي جمعتهن بلكي ايديرلك حل .حتى اشوي

انا ف بدايه مبيتش نقبلهن لان هذن افلوس جنها.
بس بعدها فكرت وقلت لو بنقعد ع حال هذا تبيلي اقريب السنه بيش انتمه..

الحق اختي الي فالحوش متطلبش ف شي لروحها بس طلبات الحوش يبن.. وابسط شي الاكل وراهو دوب الحال مش انواع اللحوم ومشاوي لاوالله.. بس نحكيلكم عالاساس

لان المحل الي نشتغل فيه قسم صاحبه ودارني نا وشاب ثاني صبح..
واثنين ف العشيه والباقي رحلهم..

عشان هكي فكرت ناخذ من اختي عشان منطولش ع الناس الي ادينت منهم..
صاح هم مطالبونيش بشي.
بس نا مش متقبل الدين

عندي نبات وانعيش 》مفلس《
ولا ناكل ونرقد 》 مدين《

وخذيت لفلوس وحطيتهن مع الي عندي مزال ناقص اشوي

راتب شهر هذا قلت نحطه كلا وانوفي ديني..
وبيني وبين حوشي ربي يفرجها❤️

وهذا م صار.. بعد خذيت راتب محل
مشيت رديت المبالغ لهلهن❤️

والله تريحت راحه غريييبه بعد نهيت هالموضوع..
ورقدت متريح صح..💛💙

قعدت فتره اندور ف شغل فتره مسائيه ..ملقيتش..

نعرف حد حطيت عنده علم..
نبرم ع رجليا السوق كلا ومحلات المطرفه.. بس وقتها محد قالي نبي..

بعدها حصلت ناطور/ليلي.. حارس/بواب..مش عارف.. المهم ف سوق الخضره شغلا باليومي كل يوم 15اجنيه..ونحرسها من ليل لصبح..

وهذي شغله كويسه قلت انتحملها شهر عشان نشري بيها موبايل ل ندى
بيش حتى كان نقعد متأخر ولا مطول نكلمها ونطمن خير من قعده هكي.. مرات تستحق لشي ولا يصير شي لقدر الله..

المهم توكلت ع الله..
وقعدت ف صبح فالمحل ملابس
انروح نرقد نوعا8\9.. اندير برنامجي وانجيب لاختي الي
تبيه ونأكد عالحوش..
وانقوللها سكري من جوا..

ونمشي..
وبديت ع روتين هذا
شغل ليل من10\11 بالليل ل 7
الصبح.

انروح نرقد ساعتين وانرد نمشي للمحل وهكذا

جارتنا الي من قبل امي اتقولي قوللها خالتك.. بعد عرفت شغلي بالليل وندى تبات بروحها..
قعدت اتجي اتبات معاها.. هي..
اول الايام استثقلت الشغله والله وقلت عليش وفيها تعب ومش عارف شني..

بس بعد بيتت جارتنا مع اختي تريحت..وعدا اسبوع وانا انقول الملزوم للقرش يتعب عادي المهم حصلت شغله اتجيبلي قرش نشري بيه حاجتي💛بالحلال.وتغنيني ع السؤال والذل والدين والطلب

وانصبر ف روحي ب ايش
والله مش عارف..
طبعا منبيش نحكيلكم ع قعدت ليل بروحكم قصدي(مع نفسك)

كملتها دخان وتفكير..ان ليش يعني نا من دون الناس حياتي هكي

وليش مكتوبلي التعب والشقى والمرمده عشان نوصل لمصروفي

وغيري من عمري واكبر واصغر ربي معاطيهم بدون م يشتغلوا. باهي ليش م نا يكون حالي زيهم

ليش م نقعد كيفهم ليش مكتوبلي ديمه الجري والتعب..
وليش..
وليش..
ولييييش...

ايام وانا فالسوق ف تخطر علي امي مش عارف عليش..
ايام نقعد مفش شي ف بالي غيرها

ان يعني لما كانت هي قاعدا محسيتش بالثقل والمسؤوليه كثر م حاسس بيها توا..
انو هي كانت شايلا الحوش كلا ع راسها وهي تضحك..

وانا من يوم شلت المسؤوليه غير صاير عصبي ازياده عن قبل .وديمه مش رايق..

وحجااات وااااجد نبطل وانا انعود وانقول..

ثاريتها صبايا ياما شايلات ابيوت وهم اجبال ويجاملن فالواقع قدام الناس💙 وامي منهن..

يلا.. كلا مكتوب من ربي والحمدالله ع م خذا وم عطى❤️❤️

بعد تميت الشهر.. وجمعت لفلوس..
شريت لندى نقال وشفره واطمنت اشوي عليها..

وسيبت الشغل لان والله تعب..
نظامي تلخبط والايام كلهن مرن علي تعب ب تعب..

وتمت هالسنه على خير ونا ف شغل واحد.

السنه الجديده.. قلت لاختي كملي دراستك معندك عليش موقفه..
وكانت متردده واجد ..
ومبتش

من جانب ثاني..نرجس بتخش لجامعه.. وانا مكنتش نبيها تقراها.
نبيها اتخش اي معهد وتطلع بسرعه منه وخلاص.. بس هي اصرت عشان تخصص معين تبي..

ف من هنا بدن المشاااكل
قتلها تمام تبدي..بس بشروط 😤

هي..وافقت طول😍🤗.عشان تبي جامعه

قتلها لبس اقصير ممنوع..🤬 مكياج ممنوع.🤨. اختلاط ب شباب ممنوووووووووع منعاً باتاً😤😤

ضحكه امتاعتك نبيك تنسي دين امها بكل🤬 تسكري خاربك بكل يكون احسن🤨

هي..باهي😁😅
[

: #ضحكتها فضيحه اصلا وديمه نعارك فيها ميصير شي.

وبدت المرحله الدراسيه..
ونبهت عليها لبس ع ركبه وفوق لا..
واتفقنا..

وشفت الجاكه الي كانت بتمشي بيها وكانت اكويسه..

وبدت هي ف دراستها.. وانا ف شغلي..
انتلاقى معاها مرات فالصبح وهي ماشيه...

ومرات لا..

وكل م انشوفها الوضع تمام وزي م نبي ..
مخطرلش مره ان الوضع ايتغير لما اتكون هي ف جامعه..

حياتي ماشيه..
واختي اتجينا كل اسبوع اسبوعين اتجي مره.

سألت ع بوي قنالها من يوم الفرح معش جانا ولا سأل ولا طل

لما نسألها ع راجلها اتقولي اكويس وخلاص طول تغير موضوع

بعد مده حصلت شغل برضوا فترة عشيه/ وايام ليل..

وين..
ع باب المستشفى..💔❤️..
سببها جيت لواحد صاحب سمعت واحد قال نبو حد عالباب قعدت هيدقى المستشفى..
الي عندهم سيب.
ف قدمت نا وخذيت الشغل..❤️
وانسجمت فيه... والوضع مطمن من كل شي..

وقعدت حاجة الشهرين والله مستغرب كيف مفش اي كوارث
لان مش واخذ ع وضع هكي
ديمه في مفاجأات
وفعلا بعد الشهرين من الراحه هذي

بدن يهلن المواقف والمشاكل..
[

في كنت ساهر مع جماعه واليوم هذا مفش شغل عندي..فالمستشفى..

المهم طلعت لجماعه وكنا بنقعدوا للفجر....
المهم ع سهاري و اخذ وعطى..

رنت علي نرجس..
صبيت من احذاهم وقعدت نحكي معاها..
حاجة 10\15 دقيقه..
وجيت لشباب..

لقيت واحد منهم يحكي مع وحدا وفاتح المايك وامكسد عليها..
قدام الشباب
ف بدايه مفهمتش..
قمعزت وصاحبي يجر فيها بالكلام..
ولخرين يضاحكو..
بعدها قعد الموبايل من يد ل يد وهي طاااربه ال......🤨🤬

نرفزتني والله...منقبلهش البنت الي هك
بعد اشوي وهم يضحكوا عليها وهي اترد مش معارضه بكل
ومش دايره غيبه..

بعد اشوي سألها واحد من شباب قاللها.. شنو لابسه..

هي..........................🔥🔥😍
لبسه مش تمام بكل.. وتوصف فيها بكل التفاصيل

نا..طارتلي احمقت🤨🤬جديات
مهما كانت نبي بنت نا ونحبها مستحيل انقوللها الكلام الي قالا الشاب ولا تعجبني البنت الي هك

صاحبي..نعلييييي😍😍 وشنو لونه

هي.............. 🤤🔥😍

صاحبي😍😍 ياريتك كلمتيني امبدري كان هكي راني بايت عندك الليله.. مدام راجلك مطول..

نا..بيني وبين روحي والله انصدمت مش من الوليله..لا من صاحبي كيف طلع نذل هكي..ويحكي مع مرت
راجل.

اتكيت ع جنب وسألت صاحبنا لاخر.
قتلا من هذي..وشنو قصتها

قال..هذا احمد😁 متعرف عليها عالنت
واتكون مرت ابراهيم جارك ولد الحاج مسعود..

نا..

هذا..يرا احمد الي مرا مرا يجي يكسد معانا الي عنده سياره يشتغل عليها تكسي..

نا😳😳😳😳😳😳

احمد ..احمد..😦
الراجل الي طول عمره يخدم عشان هله وامقطع روحه اكثر مني ع سبه لعويله..وامرته وامه..

وهوا نفس الراجل الي فتح حوشه ل
احمد ف عزاء بوه السنه الي فااااتت

واااااااااو عالنذاله ي هووووو

انقاااني م قدرتش نسكت
وجعني جاري لحد الاسبوع الي فات معشيهم ع احسابا..يطلع توا هذا يحكي مع مرت الراجل..

انقاني م تحملت صبيت ودلفته طريحه سمحه وم عقبت كلمه وما قلتها فيه وكسرتلا موبايلا..

وحزوها شباب وسيبتلهم القعده بعد مسحت كبدي فيهم..

وصكرت عليهم من وقتها.

ثاني يوم والله كنت طالع بنمشي لشغل يجي يصادفني جاري راجل الوليه الي حكو معاها.. وسلم علي وحلف ووصلني ومخذش مني افلوس..

اول م شفته خطر علي الموقف
واقسم بالله جيت نبي انقولها له.
بعدها سكتت قلت اشدخلني موضوع فيه خراب ابيوت ومش ساهل.. واخرا علاقة الواطي الي امس ب مرت هذا لها فتره طويله اشوي مش جديد الخبر

وكان يعلم الراجل مش بعيد يقتل لعيال قبل امهم لان الشك يخليه يدير اكثر من هك.. يقول لعيال مش مني..
مدام احمد طلع راقد مع الوليه من قبل وانظر كم مره وامته.

بعد نزلت من سياره.. وعقلي يقولي شي وضميري يقولي شي..

قررت نقطع علاقتي بالكل حتى جاري المسكين هذا.. معش نبي نختلط بيه بيش يصير م يصير..نا انكون بعيد وفخار يكسر بعضه

اما اني انجامل جاري ونضحك ف وجه ونمشي وناكل معاه ونا عندي علم بخيانة امرته مع صاحبنا ومنقولش والله م صارت..

ف نقطع علاقتي احسن شي.

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡

تعرفوا والله قعدت كذا يوم وانا مضايق من الشي الي صار..

لا وعارفين وين المشكله..
اي شي يصير والله يأثر في من جوا وينقلب علي ب ازيادا.

صاح نا مكنش عندي ثقه واجد فالناس
بس مع المواقف الي صارن ويبن يصيرن.. حرمت نعطي ثقه لحد

واخرا الشك كان فيا 40%..من شخصيتي توا زاد بكل..

خصوصاً فترتها بدت قصة الخيانات الاقارب مع جيران والاصحاب مع هل رفاقاهم والبراني مع القريب والخ..

ولاني عارف العالم وسخ حشاكم برا..
صار ينعكس عليا ف علاقتي مع ناسي..

موبايل اختي لازم من التفتيش والمراااقبه ومحرم عليها النت بشكل عام مفش قايللها.. وحتى نرجس نفس القصه..

وعن نفسي مش فاتح والله..
بيش ميطلعش حد يقولي حرمت عليهم وحللت لروحك.. لالا والله م عندي وقتها نا..

وكأن المواقف والايام بدن يصفن ف اصحاب الطفوله واعيال الجيران
الي كبرنا مع بعضنا من صغرنا..

كل فتره ينقص حد من الناس الي نعرفهم ..بعد م كانو واااو بالهبل..معرمين.

وغير الثقه الي بدت تنقص بشكل مخيف..

بعد ايام..سكنتلي عمتكم نرجس تبي تفتح فيس..وانا قاييلها لاء.

قالت ضروري عشان جامعه وهكي..قتلها باهي.. بعد م زعمت كبدي ب سكناانها.. والالحاح الي داراته..

قتلها باهي..

وفتحت.. ومتذكر امته قتلها باهي نا..
بعد يومين روحت بدري ومشيتلها ف جامعه بدون م انقوللها.. وقعدت مع شباب نحكي وانراجي فيها تطلع..

متوقع انشوفها زي م قلتلها من قبل..
جت موعد طلعتها وطلعت وهي
تسهوك واتمايل اتقول قاعدا ف حوشهم..

ولابسه جاكه اقصيره ومفتووحه..

شفتها طاارتلي.. روحت..

ساعه 3ف قاايلا..رنيت9مرات بيش ردت.. ودرت روحي مرايف بس منبش انبين شي..

وسألتها بشكل عام..ع كل شي
وجاوبت عادي..
وعاودت سؤال اللبسه شنو..
قالت شي..غير الي لابسته بكل..

مبيتش انكذبها.. ونهيت المكالمه..

بعد كذا يوم ربطتلها جنب حوشهم
بس مش باين نا وشفت لبستها برضوا اشر من الي قبلها.. وم تكلمت

روحت لقيت اختي عندنا..
من كثر نرجس محمقتني منتبهتش ع اختي وجها ويدها..

يادوب كلمتين وخشيت المربوعه وطلعت طول..

بعد 3 ايام.. ردت جتنى اخرا واستغربت جيتها..
كانو عندي ناس مفضيتش نحكي معاها..

سألت اختي عليها قالت جايه تاخذ ف حجات وعدت....

متريحتش نا..قتلها احكي في شي..

ندى..كيف الي تبي تحكي شي واسكتت..

نا..🤨ندى كنك..
ندى..مكنش نمشي ننشر الدبش نسيته..
حسيتها اتهرب مش عارف ليش..

المهم م تريحتش..

ف ليل قبل م نمشي للمستشفى طلعت بدري اشوي.. ومشيت لحوش
اختي لخره..طقيت فتحتلي العجوز قتلها نا مهاب جاي نبي نجوى اختي.
قالتلي خش تلقاها ف شقتها فوق

وطول رقيتلها.. وانا انطق وهي
اتقول من..مبيتش نحكي..خفت م تفتحلي..ولا اتحجج.

كثرت طقااات وشكلها تسحابني حد من حوش عمها ولا مش عارف.

المهم طقيييييييييت

هي..باهي هي وفتحت الباب..

نا..نجوى نا مهاب..

هي من وراء الباب..م م م م مه مهاااب😖😣😳💔.. حسيتها خافت ومتبش تقولي خش..

دفيت الباب وخشيت..

نا..شفت نجوى 😳 كيف وجها متكرم ومتلون من الضرب ..
طول الدم وصل لراسي🤬😡 يا ولد ال.......... والله انكسرك ي أشرف

وخشيت لشقه اندور فيه ملقيتاش..

نزلت بنخبط ع امه نبي نشوفه عندها ولالا.. ع جيته هو من برا نافخ..

هو...اووو بونسيب
نا.. سبق ونبهتك ع مدة اليد صاح وقتلك يوم اتمد يدك ع اختي شنو..

هو..ضحك.. كيف توا غير شفتها انت
نا.. نبهتك ولا منبهتكش..🤬

هو.. مرتي ونا حر فيها..نضربها انكسرها..ملكش دخل..

نا..تبيها هكي جو اعيال تمام بكل وهذي اختي ومنحسش ف حد مدام عفس ع طرفي بتحمل..

ونزلت فيه تكريم وتضرب ورقعني ورقعته.. وختام الضربه كسرتلا يده.. وجرحتلا خده.

طلعت امه تهزب بتحز ع ولدها.. حلفتلها كان قربت ولا كلمت حد انكون قاتلا لك وسط حوشك ولدك..

كملت ضربتي له وسيبته ايتلوى وقتلا نا م معايش بصاره وجرب مره اتمد يدك ع اختي سواء انت ولا غيرك وشوف شنو يصير فيك..

وطلعت دلفت الباب ومشيت للمستشفى..
وبعد نص ساعه جابوه هله للمستشفى.. ويجارو ايدورو ف دكتور..
خشيت عليه ف دار الاشعه لقيتهم يصورو فيه..

نا..هه. قدام الناس الي واقفين . قتلا..سلامتك ي بو نسيب..😏 حادث قوي قالو..

أشرف😳
وخوه 😳😠 و شاب اخرا معاهم جاي

خوه جا يبي يحكي اشرف امسكه ومخلش..

نا..😏بسيطه بسيطه ان شاءالله
كان تبو خلع ولا رد كسر قاعد راني
نبتر فاليد بتر عادي معندش مشكلا راهو..

ونابشت الممرض الي يصور وطلعت.. للباب برا

♤♤♤♤♤♤♤♤♤♤♤♤♤♤♤♤♤♤♤♤♤♤♤♤♤♤

اصلا نا نبهت وحذرته مرتين..
ومعدلش علي خلص من الغلطان..

مطلعتش بالدنيا هذي غير ب اختين هذن ومستعد اندير اي شي عشانهن.. المهم م ينظرن ولاايتأذن.

منبش نشكر اختي بس والله نا عارفها وعارف شنو مربانا ومستحيل اختي تغلط ف حد حتى ب ابصارا..

اتجي توا تغلط مع راجلها والله م صارت وبدون م نعرف القصه ..
راجلها هو الي غلطان.🤬

بعد كذا يوم خذيت ندى طبعا بعد م على كاهل عشان دستها علي
خذيتها ومشينا لنجوى.. واطمنت عليها وروحت..

وسألتها راجلها مجش شورها هو وهله..

قالت لالا متكلمش بكل من اليوم هذك..

نا احسن..وهذي اخر مره ادسيها علي
قتلك من قبل متخافيش نا ناخذلك حقك ولا لا

هي..ااه
نا خلص..انتي متغلطيش ف حد بس والي يغلط فيك حتى ي حرف قوليلي وما عليكي
راني مستحيل انتهجم ع حد بدون سبب وانتي عارفه

هي..😔بس منبش اتصير بينكم حاجه ونا سببها

نا..خليه ايصير الي يصير المهم ان يعرف وراكي راجل ويحترمك مش يهينك

هي..😔

وحكينا اشوي.. وروحنا.

رنيت ع نرجس وحكيت معاها اشوي وصكرت..

ف شغل لهيت سهاري مع مرافقين وتمريض والاسعافات الفجائيه..

مدورتش النت. لان قبل كنت نبي نفتحه

وسبحان الله كل م نحط موضوع النت ف راسي كل ف يصير شي ويلهيني بكل وننساه..

ونرجس نحس بيها مش تمام صارللها كم يوم خافه علي..
حتى انرن متردش طول زي قبل

لما نسألها اتقولي راقدا.مشغولا.مش منتبها.
.وهالكلام ع غير العاده
قبل24ساعه منابشه..

المهم وقتها مشيت الامر طبيعي وقلت بالك مشغولا.. ولا روتين جامعه متعبها ومتلخبطه عشانه

قعدت كذا يوم هي مش امدورتني ..حتى للحوش معش اتجينا..

لا هكي متريحتش..
حتى سألت ندى قالت لها فتره عليها🙁

دغباااشه ف راسي
والفار يلعب زي م يقولو..

قعدت اندزلها في مسجات عاديه.. اترد.. انرن عليها تعطيني مشغول اتقولي منقدرش نحكي وانظر من جنبها...
وقايلتلي من قبل انها ترقد بدري عشان محاضرات..

واستمرت المعامله
وهككككذا ليييييييين ف يوم كنت ماسك ف مستشفى..
وكنت اندخن.. وانقنها عششت نرجس ف راسي وقعدت انراجع ف اخر فتره..
مشيت خذيت موبايل ممرض نعرفه قتلا بنكلم بيه عالسريع..قالي باهي

خذيته وكتبت رقم نرجس وكان الكلام هذا ساعه2 واشوي..

رنيت مشغووول..
عاااودت اخرا مشغوووول
عاودت ثالث مره.. مقفل..

حاجه نغزتني ف قلبي..

قعدت انرن عليها ب رقمي.. مقفل مقفل مقفل..
هلبت 10دقايق20دقيقه ..
ورديت رنيت عليها برقم الشاب..

لقيييييتها........
🤬🤬🤬
🔥🔥🔥🔥🔥🔥🔥🔥

#يتبع..

#shosheta ..

#الثقه ساهلا جدا خسااارتها..بس صعب جدا اترد تعطيها لنفس الشخص ولا حتى لغير ناس خصوصاً وانت مارات عليك مواقف يااامااا

#المربى الزين والسمعه الطيبه متحتاجش نشده من وراها..
وبناءً ع هك تاخذ حقهم وانت مرتاح..

قليل الخير لو مهما درت عشانه مستحيل يعجبه ويثمر فيه..

والفرص الاضافيه بقدر م نعطو فيهن لناس عشان تصحيح الاخطاء وتقوية العلاقات..بقدر م يسببن كوارث مرات..

ومهاب صاحبنا..ميحبش الفرص الثانيه بكل بكل..

بس هل صبره هالمره ح يجيب فايده مع زوج اخته ولا ح ايرد ويعود نفس الشي الي داراه..

و نرجس..هل من الممكن ايكون م فكرنا فيه نحن صح وانها ادير ف شي من وراء مهاب برغم انها عارفه قوته ورد فعله ع الامور هذن..

ولا نحن استعجلنا زي مهاب وفي شي ثاني نحن مش عارفينا...

شنو اتقولو انتم..

و شنو الخبر الي يعتبر الوحيد الي مفرح❤️❤️😍😍 ح يفرح مهاب ونجوى بعيد عن موضوع نرجس وباقي الاشخاص

شنو اتقولوا الخبر.. 🔥🔥

نتلاقوا ف حلقه جايه وااحداث ثانيات..ليلتكم🔥🔥🔥😉

لقراءة باقي حلقات الرواية : اضغط هنا 
google-playkhamsatmostaqltradent