رواية نقيض بلهفة عاشق الحلقة الثامنة 8 كاملة

 رواية نقيض بلهفة عاشق الحلقة الثامنة 8 كاملة

رواية نقيض بلهفة عاشق الجزء الثامن 

رواية نقيض بلهفة عاشق البارت الثامن

رواية نقيض بلهفة عاشق الحلقة الثامنة 8 كاملة


رواية نقيض بلهفة عاشق الفصل الثامن

روايه واقعيه
#بعنوان_نقيض_بلهفة_عاشق_الحلقه_الثامنه_للكاتبه_shosheta..

للعبره❤️الروايه..

الصحبه ي حبااايبي عمرها م كانت بالفلوس..
عمرها م كانت ف ايام الفرح بس
عمرها م كانت وقت دون وقت
عمرها م كانت بين عمرين متقاربين..

مهاب..ربي رزقه من صغره ب صاحبه بدر
وكانت علاقتهم زي التوئم مش الخوت

من صغرهم يفقدوا مهاب يلقوه مع بدر

يفقدو بدر يلقوه مع مهاب

◇◇◇◇◇◇◇◇◇◇◇◇
#مهاب
نا..عمري م حسيت اني نخاف من حد
وعمري م خشيت وسط مشكله إلا ولقيت بدر يضرب ع صدره ويقولي معاك ي كبدي❤️

من صغرنا ونحن ننضربوا مع بعض ونتناصروا ع الغير مع بعض.

عمره م رخى بيا
عمره م شراء حاجه ومجابلش معاه

ايام الدراسه نقرو مع بعضنا..
ايام الزرادي لازم واحد يذكر لاخر وياخذا معاه

ايام لبيات ونحن اصغار نا وياه ف بطانيه وحدا..

كبرنا وديمه ع لسانه ياكبدي..
و

اوووو كبدي❤️(لما يشوفني

ايام حالي داير. ولفلوس مفيش
كان يجي ويقولي نشتغلوا ف كذا وكذا عادي

ايام نقصن على لفلوس عشان دواء ل ندى صبيت عليه ولباني

ايام موت امي(اكبيدتي)
كان معاي هوا ف جنبي. هو الي هونها علي وخفف عني
هوا سندني
هوا قواني..
هوا فتح عيني ع حجات واااجد
ديمه عالموت جاهزين ناوياه..

يوم ايصير شي يفرحني اول واحد هوا يعلم..
يوم نضايق من شي نمشيلا ونحكيلا
وايريحني..

منبش نذكر اهله عارفهم ناس ينشهد فيهم الظهر.. ويعلم الله

بس المره هذي بنحكي عليه هوا..
نقدر نطلع لشغل وانوصي بدر ع خواتي.في حين عندي رفاقه ثانيين بس م نقدر نأمنهم ع سبسي دخان

قتلكم ان هوا انعكاسي ف لمرايه
يوم يخش من باب الحوش وينادي ع وحدا من بنات

كأني نا منادي عليها اختي

يوم خليت خواتي يطلعن ف فرح واحدا احذانا هو شال هله مع هلي..
ويخاف ويغارن عليهن كيفي واكثر

الشي الي يختلف بينا
ان نا اندفاعي .هجومي.عدواني وقت نعصب ندعس ع الي قدامي بالذراع انكسرلا دنيتا

بدر كان بالنسبه ليا العقل الراكح
كان صح معاي ف مشاكلي وعرايكي
بس يفكر ويحسبها قبل
مش متهور كيفي..

وزي م عارفين نا غير نابشني مسرع م انفور ونغلي.. ونقعد نعيط ونهزب

بدر كان يقولي..افصل بين اللسان والذراع..
شغل ادماغك ولسانك مش ديمه اذراعك..
《صحتك لروحك ولسانك لعدوك》

م يحلا جوي ف شارع الا معاه
ان يحلا عشاي فالمربوعه إلا ب سهارينا وعرايكي معاه

#تذكروا حلقات البدايه لما بوي ضربني وحلف علي ماني خاشلا الحوش ومشيت قعدت فالجبل

تذكروا..

ايواه .اليوم هذك محكيتش حد إلا بدر. وقتلا بوي ضاربني وطردني من الحوش
والله شد ع يدي ويدا لخره ع كتفي قالي تو ترقد معايا ف داري متعدلش عليه بوك

وياااما وياما ويااااامااااا

والله علاقتي بيه م نقدر نوصفها مهما حكيت..😔💔🔥

قبل الميته ب ايام كنا مع بعضنا
قايلا عشيه ليل..

ونسقنا ف زرده مع بعضنا ليام الجايات..
ولحد اليوم الي قبل م يموت فيه
قالي

ياااكبدي..متشيلش هم الدنيا ونا معاك واضرب كل شي فالساس وارمي وراك..

مهلبش ع كلمته24ساعه إلا وكان متوفي💔🔥

صح مكنتش نشيل ف هم لان عارف روحي عندي من نحكيلا ونشكيلا وحتى لو بكيت قدامه م يعايرني ولا يذلني ب الي قلته..

باه وتوا.. امي الي كانت فاهمتني لما كنت نتعصب وانفلم ومنقدرش نحكيلها نمشي نكسرلها كبايه عشان اتعاقبني ب حضنها واتضمني
واديرلي هكي ماتت

باه
واليوم رفيق العمر الي نجيه مليان ثقيل نطلع من جنبه مترييييييح
حتى هو مات..

لمن خلوني بس نبي نعرف
للدنيا واللط والحظ الزفت
ولا لبوي واقاربنا..

غير شنقول ولا نقووووول..

اول م جيت لشارع وشفت لخيم منصوبات قلبي يددددلللللفف

وتهيالي نبي حد يقوليي ان في حد كبير فالعمر مات..

نبرم وانتلفت نبي حد نسألا
يجي جارنا ويقولي
عظم الله اجرك بدر مات

نا.. كيف الصدمه حصلت
وكأنك صعقتني ل ضي وجمدتني ب حاجه..

انبحت فالراجل ومحكيتش..
هو يضبط في ويعزي ونا منصدم مزال..

امس ي ناس امممممس من دون ليام
مع بعضنا..

وكلمني ساعه1فالليل يسأل في وحكينا اشوي وصكر..

كيف اليوم يموت مش معقولا..

وقعدت نمشي شور بوه وتهيالي نبي حد يقولي كذبه راهو مش بدر

بس للاسف بدر الي مات

يضبط فيا بوه ويقولي خوك مات ي مهاب خوك مات

وااااااو لحظتها بشنو حسيت
وشنو صار فيا من جوا بعد قالي الي قالا

تبنجت والله وقتها وناس يعزو ونا زي اللوح واقف

# بيش تعرفوا
اني مش غلطان لما قتلكم الدنيا تلعب بيا ومش مطمن للفتره الي مرت علي كويسه وضاحكتلي الدنيا

عارفها ح يصير شي
بس مش عارف ان مكتوبلي نقعد بروحي وبيش اتشوفوا
لا حادث ولا عركه
موته طبيعيه هك..
امه جت اتوعي فيه لقاته ميت ف افراشه..

توا مش حاجه اتخليك .......
ولا خلاص..🚫😔🔥

امته عرفت وصدقت ان بدر مات
لما نزلت للقبر ونزلته نا
لما طبست ع اجبينه ونزلن ادموعي بلا م نحس برواحهن نزلن

هنا حسيت اني فقدته ودفنته ودفنت حجات وااااااااااجد معاه..💔

ربي يرحمه ويصبرني ع فقده..

من الجبانه للخيمه العزاء.. ونا جنب بوه والباقي واقف يعزو فينا الناس..

وشباب من جيلنا وااااااجد جو..
وايترحموا عليه.

كان ونعم الاخ
ونعم الجار
ونعم الصاحب
والنعم منه.

#اوو زي م يقولوا الموت م تاخذ غير لكويس.. استغفر الله العظيم😔

بعد وقت قيس المغرب دزيت ع امه وعزيتها .. وم عقبت كلمه م قااالتها

هدتلي حييلي💔🔥😔

بكيت!!

اسبوعين متحركتش من الحوش..
غير للعزاء بس..

من اول م نفتح اعيوني ل ساعه1\2ف ليل..

طارت النيه من كل شي
حتى الاكل يالله كشيكين انجامل فالناس الا نا والله م عندي نيه.

وغبت ع دراسه والمحل والمستشفى

وقعدت شهر ونص ونا جثه هك
ومش ف خاطري شي بكل

نبي بس انحط راسي ونوعا حد يقولي الي صار كابوس مش حقيقه

بس للاسف هذا الواقع وهذا النصيييب.💔🔥😔

#خواتي. طولن عند هل بدر يباتن فالحوش ويصبحن عند العزاء

#بوي. جا عزا خامس يوم وسلام وتعزايت البراني خير منه.سلام بارد..

#كل اصحاب بدر جو اسبوع كامل ووقفوا فالعزاء

واااعره بعد تقعد كل يوم تطلع من حوشك لحوش صاحبك بدافع معين
وفجأه يتغير هالدافع ويتغير كل شي

حتى خطوتك لحوشه ف موته مصعبها ومثقلها والله..

بعد شهر ونص من العزاء ومن القطع ع كل شي كنت اندير فيه

خسرت شغلي ف المستشفى..
وخسرت شغل المحل..

والله م حسيت بخسارتهن قدام اخسارة المرحوم..

لما استقريت فالحوش والعزاء انتهى..
قعدت فتره منطلعش من الحوش هك معش جتني نيه
ومعش نبي انشوف ناس
ولا نحكي مع ناس..

بنقعد بروحي..

يكفي الي مريت بيه من تعب ومرمدة شغل وهم واخساره.

وتميت الشهرين والنفسيه يعلم بيها ربي بس.

كلكم تسألو على نرجس صح وينهي من الي صار.

تذكروا الكلام الي قلته ل بوي قبل م نعطيه مفتاح الحوش..
قعدت كم بعدها محكيتش معاها..
بعدها رديت كلمتها بدون م ننتبه ل شي فيها

وقعدنا كل فتره نتحاكو وماشيه الامور.. ومفش مشاكل غير قلن المكالمات اشوي..

انردوا لاوره اشوي.
قبل م تطلق نجوى بمدة فتحت واتس انا وندى.. فيس مخليتهش تفتحه ولا نا فتحته..

ونحكي عالواتس مع نرجس من وقتها..

يمكن عشان هكي محسيتش ب الي هي ادير فيه من ورايا..

كنت امنبه عليها متقعدش عالنت بعد ساعه12\1 ف ليل...

بس كانت تستغفل في وتفتح

ومشن لياالام لين صار الي صار هذا

ف موتت بدر قفلت النقال..
ف يوم قالتلي ندى ان نرجس تبي تعزيك وهكي..
قتلها باهي والحق انسيت لان كان هالخبر ف بداية العزاء..

والي صار بعد موتت بدر والله كأني خشيت ف حاله او عالم اخر معش دورت حد حتى خواتي معش نذكر امته يطلعن للعزاء وامتى يروحن ف ليل

حجات وااااااجد والله م نذكر منهن شي..

الي ريحتني اشوي..
بعد العزاء قعدت نرقد ف دار امي مش عارف عليش بس قعدت نرقد ع مرقدها

قبل ديمه دارها مصكرينها..
المده الي قعدتها فالحوش طول الوقت فيها نطلع اندخن برا وانرد نقعد فيها

بعد7اسابيع ..فتحت الموبايل واتذكرت ان في نرجس في دراسه
في امتحانات وفي وفي و في

واذكرت ان هي كانت تبي اتعزيني
بس نسيت وكيف هكي مسكنتلش.كيف مدورتش..

المهم مشيت فتحت الموبايل ولقيت مسج واحد منها بس مكتوب فيه
عظم الله اجرك..
ولا كلمه ازياده بعد هك.

و لا مكالمات فائته ولا شي..

حتى فتحت الواتس ملقيتش منها ولا رساله ولا شي..

دزيتلها عالواتس لقيتها فاتحه..
دزيتلها والحق مستغرب ..كلمه كلمه متكثرش فالدوه زي قبل..

لين صورتلها تاريخ رسالتها ودزيته
وقتلها كيف هكي..

قالت عزيتك مرديتش عليا
سألت اختك قالت قافل نقال
نا..اهااا تمام باه..

وسكتت نا سكتت هي
10دقايق فاتح وهي متصل..

دزيتلها تحكي مع من قالتلي ع محادثتك حالا عليها. منحكش مع حد..
قتلها باهي..

وصكرت ورديت لقيتها نفس الشي ..

رديت سألتها قالت نفس الكلام..

معندش اخلوق للعرايك ونقاش طفيت نقال وخلاص..

بعد ساعه رديت فتحت لقيتها اخر ظهور من12د.

دخل الشك ف راسي وياااريته م دخل...

ثاني يوم رنيت عليها ف ضحى
عطتني مشغول عندها محاضره

بعد وقت نجوى حكتلي ع معهد ولحد امتى هكي بنقعد و.....الخ

مشيت لبست وبنجيب حجات للحوش تكيت عالمعهد وحكيتلهم وشفت وين واصلين وايش مزال

وروحت..

تغديت..
وسألتني عالمعهد نجوى وجاوبتها...

ودووووب انلحق انجيب الشيتات..
الامتحانات اقريبات..

بعد الغداء اتصلت ب نرجس يادوب حكينا اشوي وصكرت

وقعدنا عالوضع هذا كذا يوم

وبديت امتحانات ونقرا عشية الماده وخلاص.

وكملت امتحانات ونرجس كان مدورتهش..مدورنش

بعد الامتحانات ب يومين..كلمتها وتعاركت معاها

عالنت نلقى فيها بس مش معاي وتسهر واطول..ومدورش فيا

لما جيت ناقشتها طلعتني نا غلطان.. ونا مندورش

صح مريت ب مرحله وفقدت خوي مش صاحبي بس.

وهي عارفه شكثر متعلق بيه وشنو علاقتنا ببعض والمفروض توقف جنبي بس هه م دورت ولا همها

بالعكس استغلت فرصة اغيابي ولعبت من وراي ومتأكد ..

#على فكره
نا من الناس الي مستحيل ننسى بسهوله ومهما طال الوقت الذاكره تخدم وكأنها امس الشي صاير.

وفوقها نربط الاحداث بدقه..ولهكي ديمه كاشف الي يلعبوا من وراي

#نرجس قتلها ع وضعي وانتي عارفتيني..
هي.. وعشان عارفتك سيبتك تاخذ راحتك.بروحك

نا..مقتنعه انتي هكي مش المفروض تقعدي معاي ولا مش لك الدور هذا

هي..

نا..كنك سكتي..نعرف الي يحب ميسيبش لاخر ف اصعب ظروف ولالا

هي.. بس نا.. وتلبكت واسكتت

نا..معندكش م اتقولي صح..تمام بكل تبي شي بنسكر

هي..مهاااب نحبك نا ونبيك😭 مرايفه عليك عشان هكي متلخبطه نا
مش عارفه نحكي

نا..ومن امتى انتي متعرفيش تحكي م ديمه متعطيش فيا كسره فالكلام

هي..اسكتت

نا..منكش مجبوره تحكي شي مش حاسه بيه خليك زي م انتي زي نرجس زمان.

هي..مش هكي ي مهاب بس غبت عليا واااااجد انت وتوا رديت حاسه روحي مرتبكه بس

نا.. وعليش ترتبكي مش نحن ف علاقه قديمه.. ولا دوبنا متعرفين لين مرتبكه وخاشه ف روحك.

هي.

نا..م قتلك لو انتي نرجس لولا راكي شابطه فيا اسئله وكلام بس انتي متغيره..

هي..بيش تنفي حقيقة كلامي
قالتلي مرااايفه عليك نا ..واغيابك مأثر فيا وااااااجد.. حتى جوي مع صحباتي انقلب منك و........الخ

خلتني نحس بالذنب من ناحيتها.. ومن تقصيري وانها متأثره لغيبتي وهكي..

وعشان هالكلام الي قالاته والله حسيت اني نا الي غلطت معاها..

هلبت يومين ومحكيتهش
وقلت نمشي انديرلها مفاجئه ف جامعه.. وفعلا..
حلقت بعد 3اشهور من تسييبتي لروحي المهمله ..

وجهزت روحي..
وتكيت ع محل وخذيتلها حاجه معاي ومشيت...

ع11هك..خشيت لجامعه.. وعارف شلتها وين تقعد وهي معاهن..

ورنيت عليها.. ونا نمشي..

لين اقريب وصلت لمكانها .. وشفتها..

لقيييتها هاااايمه ضحك واتلوي وحركات م يندارن بكل ف مكان زي جاامعه.. وصوت ضحكتها يجيب
من وين..

اتصلت بيها.. ونشوف فيها قدامي

خذت نقالها وتباعدت من جنب صاحباتها..

نا.. وين قاعدا..
هي.. بصوت مصطنع اقرب للحزين قالت فالمحااضره

نا..اهاا.. وامتى مروحه..

هي..ع1 واشوي..
نا.. مطلعتيش لساحه برا..

هي..لا توا استأذنت وطلعت بيش انرد عليك

نا...اهاااااا

هي..تبي شي انت

نا..شنو لابسه اليوم
هي..جاكتي السوده الطويله عارفها

نا..تمام بكل..مستوره..بااهيئ.منبش شي غير نسأل عليك بس..
وصكرت ونا عيني عليها..

لابسه جاكه حدها جيب السروال
وسروال ضااااابط..

شفتها كيف ردت تجري واتنطر وتضحك مع صاحباتها..

هه..حسيتها ف روحي زي الضحكه..
من يومين خلتني انقول ياريتني تحملت ف روحي وحكيت معاها ولا قطعت عليها فتره هذي كلها ..
مسكينه علقتها معاي وتعبت نفسيتها

واليوم يلعن بو النفسيه الي حطيتها ف بالي وفكرت فيها..

تكذب علي نا..تضحك علي واتقولي
ياما صاير في ومتغيره وحزينه ومتنكده ع غيبتك وتطلع مهيجه وواخذا رااحتها..

هه..💔🚫

ونا طالع..رميت الكريس الي فيه الهديه ف حاوية القمامه حشاكم ومشيت..

روحت .. وقعدت رابطلها قدام الحوش..

اول م نزلت من حافله نزلت ع حوش جيرانهم مش حوشهم..

رنيت عليها مرتين مردتش..

ساعه4 رنت مبيتش انرد لاني كنت متعقد بكل لو رديت راني سلختها سلخ بالكلام..مش حكيت و خلاص

ف فتحت الواتس لقيتها متصل طول رنيت عليها

ردت..

والمشكله ولا كأن في شي مزالت تبي تستغفلني..

مسكت لساني ومشيت الامر عادي..
وقعدت الفتره هذك غير انراقب فيها ف جامعه.
لا شغل ولا مشغله غيرها..

وكل يومين طالعه بحاجه شكل وطول شكل ومكياج شكل ..

ونا زااااااامط ي نااااس زااااامط ومش من عادتني نسكت ولا نزمط غيرتي ولا الشي الي مش عاجبني.

هلبت كم يوم هك
ورديت كلمتها وانا انشوف فيها قدامي..

قالتلي نبي انجيكم..اليوم
قتلها قاعد تعالي..

اول م جتنا قبل المغرب..
خشت منطلقه واتهارج وتضحك..

نا..اهلا اهلا😏..

هي..مهاااااب😍😍😍😍

نا..😏 وحكيتها اشوي وطلعت جاني واحد برا..

ساعه الا ربع وخشيت..

البنات يوتن ف عصور فالكوجينه.. وهي قاعدا ع نقال وتضحك بروحها

خشيت صليت وطلعت لقيتها تسهري ف الممر ب همس..

وامقربه نقال لفمها..

نا متريحتش..
و وقفتلها وراها من بعيد اشوي وانشوف فيها..

هي..صكرت وتضحك ونا نبحت ونغلي..

كملت وبدت تكتب وهي تضحك مزالت..

نا.. وقعدت انقدم خطوه خطوه شورها..ماشاءالله مع من تحكي

نرجس..😳😨😨😨😳😨😳
طفت موبايلها..

نا..لا كملي كملي عليش صكرتي..

هي..بان عليها الخوف وحطت نقال ورا ظهرها..

نا..قدمت اخرا شورها وبيني وبينها نص متر

نا..مع من تحكي..

هي..ااءاءاءاءا

نا..قتلك مع من تحكيييييييي🤬

هي...اررتبكت...م م م مععع

نا..ايواه مع من..🤬

هي..زمطت ريقها..

نا..هاتي النقال..🤬

هي..مهااااب😭

نا..قتلك بشويش هاتي النقال🤨

هي..وراس مهاب خلاص خلاص نبي انروح...ي ندىىى... نجوااااااااا😭

نا..احمقت وضربت الروشن القزاز الي جنبها ب يدي ف وسطه تكسر
قتلك جيييبي الخااااااارب متفهمييييييييييش انتي🤬🤬🤬

خواتي😱😱😱😱😱

هي..اجمدت ف مطراحها.. ومدت النقال وقعدت تبكيييي

نا..مسكته ...شنو الرمز...

هي..😖😣😖😣😖😖

نا..قتلك شنو الرمززززز😡🤬
هي...من خوفها حلت النقال بروحها ووخرت اشوي لاوره..

#قتلكم_ربي م يوريكم وجه مهاب وهوا يصفي ف احساباته👌🏼

هي..حلت النقال..

نا..طول فكيته من يدها..
وشفتها مفتوحه ع محادثه..

رقيت وقعدت انشوف فيها..

هي... تبي تبلط من جنبي مسكتها وخبطتها ف ساس.. وثبتت يدي عليها..

وكل م نرقى كل م نلقى ف محادثات وجووو..

نا.. هوا هذا الي تسهوكي معاه قدام وجي..

هوا هذااااا🤬😡👊🏻

هي..😭😭😭خلاص وراس مهاب اخر مره معش انديييرها..

نا..ليش من قالك في مره اخرا.. اصبري بس..

خواتي اطلقها ي مهاب خلاص البنت انخطف لونها سيبها..

اسكتي انتي متدخليش🤬😡

وخشيت ع باقي محااادثات.. ماااشااءالله.. مربوعه دايرتلي الفيس...

مربوعة رجاله ..تحسابيني ب اوذاني نا منعلمش بشي.. حذرتك ولا محذرتكش من قبل

جاااوبني متنرفزينيش انطقييييي..🤬🤬🤬

هي..😭😭😭😭..

واتجي رساله وهوا ف يدي من الفرخ الي تحكي معاه..

سيبت نرجس وخشيت شفتها

هو..مطوليش ي بيبي عند خالتك بيش انرن عليك بعدين ونحكو👩‍❤️‍💋‍👨😍🔥😋

نا..واتقوليلي نسهر معاك ومنحكش مع غيرك يا بنت ال...... وجيت بت
نغلط ونضضضضربها رفعت يدي
وخبطتها ف روشن اخرا وكسرت عقاابه..

نجوىىىى..مهاااااب لاء

نا..تستغفلي في وتحكي من وراااي
لا وفوقها مكالمات الليل واتقولي بنت خالتي اه..

من فرخ الحرام الي تحكي معاه انطقييييييييي🤬😡👊🏻

متجنننيش احكيييييي👊🏻🤬

هي..😭😭😭بنروح لحووشنا..
نبي اميييييي..

نا.. نرجس احكي ورحمة امي كان م دويتي والله مانك امروحه لحوشكم
احكي من فرخ الحرام الي تحكي معاه..

هي..متعرفه عليه عالنت منعرفش نا😭

نا..متعرفااا..اهاا ومتقوليش عندك احمار هنا رابطته بيك..🤬
متقوليش نشوف حالا ونقعد معاه

تقعدي مع غيري ليش شنو منقص عليك نا🤨 شنو درتلك..
انطقي احكي جااااوبيييني..

هي..😭😭😭

تمام متحكيش باهي بس يطعمك ربي واتوريني وجك اخرا تمام.

وفرخ الحرام هذا انجيبا انجيبا
ولو ف بطن امه..

وخذيت اسم صفحته.. وعزقتها الموبايل ع وجها وطلعت..

بعد3ايام.. عرفت سلسفيل اهله طلع شاب معاها ف جامعه ..

مشيت اليوم لاخر ع طول وقعدت رابطلا ف وسط الجامعه وكل مره نسأل ف حد عليه لين طلع من محااضرته..
ومسك نقاله وقعد ايتلفت يمين يسار..

نرجس عارفتني جااي لجامعه ولقتني قداامها قعدت بعييييده خاايفه مع شلة بنات .

اترن علي نعطي فيها مشغول اترن اخرا قفلت نقال

وقربت شور الشاب وهوا حاط نقال ع وذنه وايتلفت يمين يسار

جيت وراه..
ادور على حد انت

هو..برم علي ع طول🤬👊🏻 بديت فيه ضرب .. وهوا مش عارفني من..
ويقولي كنك من انت شنو في..
وشباب يحزو وانا نضرب.. فيه
شي وجه وشي ع بطنه.. و ع.........🤬🚫

قتله كنك راجل جرب اتصل مره ثانيه ع رقم الي كنت ادور ف صاحبته باهي
وضربته ب راسي ع وجه وطلعت..

ومبيتش انبحت ف نرجس عشان محد يعرف انها المقصووده.

وطلعت..

حسيت اني بردت ع خاطري بس مش بكل..

مزلت شايل من نرجس..

قررت اني انفووتها معش تلزمني خلاص..

عارفين ليش ضربته هو..
عشان يجر فيها ل سهاري الليل
سهاري افراااش+18..

ونا الي هو حبيبها او ع الاقل كنت حبيبها عمري م فتحت طريق للخبر هذا ولا عمري طلبت منها شي

هي عقلها اصغير.. وجرها ومشت.. وفيها ليل اخرا..

لا يبي قتل مش ضرب بس

هذا الي خلاني نضربه مش عشان حكا معاها بس..
لاني شفت كلامه ف محادثه

هي بنت..منقدرش انمد يدي عليها
ولا نقدر انضرها ف شرفها..
لان هالشي مش طبعي ولا اسلوبي

الحاجه الوحيده الي انديرها
انفوتها .بكل🤨🤬معش نبيها
ولا اتهمني بعد هاليوم.

وصكرت عليها وحرمت عليها
خشت حوشنا. وانا قاعد .وجها معش نبي انشوفه.👊🏻🤚🏼🚫

اثر في الموقف وااااجد..

وطولت ونا نفكر فيه وعقلي يشيييييل ويجيب وم عقب شي قديم م جبته عليها
حتى الشي العفوي لحظتها درته مقصود

حتى فترة غيبتي عليها وااااااااو
ع الافكار الي جني فييها..

افكار شيطانيه ب امتياز..
وهالامر عاد علي بحجات واااجد

لدرجة وللاسف نحكي..
خلاني معش عندي ثقه ف حد ومن ضمنهن خواتي💔🔥

صح خواتي عارفهن شنو هن وعارف مربانا..

بس ي ناااس اعذرووني والله الي يصير معاي يخلي في اقريب انشرط ادبشي..
معش عندي لا عبا ع حد
ولا كتف ننسند عليه
ولا ثقه ف اقرب الناس لي
لا قريب لا اب لا صاحب لا حبيبه ل شي..

شي اكيد حتى خواتي غصبن عني بيصير هك معاي فيهن..

مع الوقت صرت انفتش ف نقالاتهن بدون اي اعتراض🤨

نسمع وحدا تسهري انجي نسألها مع من

تحكي عالنت..لازم نعرف من عندها عالنت..

والفيس حرمته بكل ونبهتهن عليه قتلهن ممنوع ينفتح لا وهمي ولا حقيقي اني حذرت👌🏼..

وبيني وبين نفسي كرهت هي اسمه فيس اصلا.

بعد ايام.. طلعت نتيجه ونجحت نا..

وبعدها ندى كملت وتخرجت..
وتريحت من سريب الجامعات نا..عشان ندى حتى هي كانت ف جامعه..

نرجس معش نعلم شي عليها

جتني نجوى وقالتلي حرام نرجس والله نادمه ع الي داراته ولها وين اتقولي تبيني انخش بينكم واتردوا مع بعض..
وكل مره انزلحق فيها..بس خلاص توا اني قتلك.
يوم يومين..واترد اتقولي نفس الكلام

واتبكيلي الحيط اختي..

والبنت والله كان اتشوفها والله تغيرت غير عطيها آخر فرصه عشان خاطري..

خيتك نا عشاني.. ي مهاااب
انت عارفها عقلها نقطه وتصرف بغباء.بنت هبله.. بس تحبك..
هيا سااامحها عشااني

هيا عشان خاطر خيتك..🙏🏻🙏🏻
هيااااا قول بااهي

نا....

<<<<<<<<<<<<<<<<<
من جها ثانيه ندى تحكي ف الموبايل وهاايمه فرحااانه.. ومنسجمه..

خش عليها مهاب🤨مع من تحكي انتي
ندى..صاااحبي..😝😎😌

مهااب..ندى احكي اكويس من

ندى..خوذ التليفون واحكي انت

مهاب..ندىىىىىى🤬🤬
هي خذت الموبااايل وحطاته ع وذني
و....
😋🔥😍.. 😜

#يتتتتتبععععع..
#shosheta

الأعمار بيد الله.. وزي م يقولوا
ربي بياخذ شي ويعطي شي ثاني

ربي خذا من مهاب رفيقه وامه..
هل ح يعطيه حدا أخر ولا ح يكمل حياته وعوضه يكون ف الجنه

مهاب كل مره تضرب فيه الدنيا من مكان واتخليه فيه يخسر حجات..
هل من الممكن يكون في شي يفرحه لقدام ولا ح يكتفي ب حياته هكي ع نمط هذا..

و نجوى الي تراجي ف قرار من مهاب عشان اترد ع نرجس هل اتقولوا ع يوافق بعد إلحاح أخته عليه ولا......؟؟

وشنو او مع من كانت تحكي ندى وفرحااانه هكي... لدرجة قالت قدام مهاب(صاحبي)وهي عارفه ان مهاب معندش ع لبصاره ف مواضيع هذن

اتقولوا من..حل حد نعرفوه ام شخصيه جديده🔥🔥😋😍

《《《《《《《《《
ومني نا انقووللكم 😋في حد بعد اشوي ح يجيهم ف حوشهم ولاول مره بس هالحده مش زي اي حدا
لان ..........🔥🔥🔥🔥😉

انتم قولو من🤗
نتلاقوا ف تفااااصيل اكثر واحداث اقوا من الي فاتن

ديرو مشاركه ل اصدقاء للمتابعة روايه
ومتنسوش لايك وتعليق هاه

تصبحوا علي خير مع مهاب و.....🔥😉


google-playkhamsatmostaqltradent