رواية نقيض بلهفة عاشق الحلقة العشرون 20 كاملة

 رواية نقيض بلهفة عاشق الحلقة العشرون 20 كاملة

رواية نقيض بلهفة عاشق الجزء العشرون 

رواية نقيض بلهفة عاشق البارت العشرون 

رواية نقيض بلهفة عاشق الحلقة العشرون 20 كاملة


رواية نقيض بلهفة عاشق الفصل العشرين

رواية شاب واقعيه
#بعنوان_نقيض_بلهفة_عاشق_الحلقه_العشرون_للكاتبه_shosheta..

للعبره..❤️🔥

#هي
الاحتلآل آلوحيد آلذي يرحب به أعمآقِي 😍💙 •

وكأنها"هي" مسحتَ على قلبي بيدها
و قالت بسم الله أرقيه
و لا أحد غيري يسكُنه و يحتويه

و كأن كل شعُوب الأرض رددت آمين"


◇◇◇◇◇◇◇◇◇◇◇◇◇
قراءه مشوقه😍

ابدوا اقروا من هنا مش تجلبوا الكلام عشان اتكونوا معاهم فاللحظه😜👇🏻
****************************

هي..جدول العمل متغيرش صح

نا..ااه عليش..

هي..معناها انت فالحوش قاعد🥰

نا..ااه عليش كنك..😟

هي..نبي انجيكم بعد نص ساعه..بنعطي البنات شي.. بس برضوا مفاجئه مقلتش لندى راهو..🥰

نا..قصدك روحتي😍😍
هي..وتوا نلبس نبي انجيكم..

نا..باهي باه منش مهزب توا بعدين نتحاكوا وتلقيني قدامك انراجي فيك...

وصكرت وتهيالي بندربك ع بيبان الحوش كلهن 😁 من الفرحه..

ومشيت طيبت قهوا وخذيتها برا فالقوراج..

والبنات قاعدات جوا لاوره..ف سانيه يشربن ف قهوتهن..

نشرب فالقهوا واندخن وانبحت فالساعه... وهيييييييييييك لين طق الباب...

نا..صبيت وفتحت..

واذ🔥🔥..
جت هي...

نا..معش عرفت شنو صارلي..واقسم بالله رجليا رقدن.. يبست ف مكاني..

وقلبييييي يدق يدق يدق..

هي..🥰 قولي تفضلي بس

نا..❤️🔥❤️🔥❤️🔥

وخشت هي..

رديت الباب..

ونسيت ع ام الدنيا كلها لما شفتها وشفت اعيووووونها🔥🔥🔥

هي..🥰كنك ساااكت..

نا..

هي..مهاب🥰..

نا..صوتي معش طلع جديات والله
هزيتلها براسي بس

هي..قربت شوري ومدت يدها وعطتني علبه اصغيره..قالتلي هذي لك..

نا..ياااناس واقسم بالله كان مثبتيني ب مثبت م قعدت هكي..البنت جمدتني ب احضوووورها وشخصيتها ووقفتها وبسمتها ونظره اعيونها الي نموت فيهن..

هي..ألبسها باهي..🥰

نا ولا رد فعل..

هي..مهاب انت كويس وحطت يدها ع خدي وهي اعيونها فيا...🥰

اعيونها فيهن سحر والله م نقدر نقاااومها🔥❤️

تبلدن مشاااعري وقلبي صار يدق بسرعه وسخنت ومعش حكيت شي

هي..تبش تسمعني صوتك.. بنطمن نا

نا..دوبني حكيت وقتلها انا بخير..

هي..نزلت يدها🥰 وانا مسكتها..
وقربتها ع فمي وقلبتها
وبستها من الداخل 🔥❤️🔥❤️
بكل هدوووء

هي..🥰ارتبكت..

نا..ولاول مره ي ناس جسمي يرجف/يرتعد من حاجه سمحه مش برد/صقع... توء لالا

هكي..مش عارفه

هي..عصت ب ايدها ع ايدي بعد م حبيتها ونزلتها...

هي..كنك ترجف..🥰شوف ايديك
وفعلا محسيتش بيهن إلا لما شفتهن..

معرفتش انرد..ضحكت بس.مش عارف قتلها..

هي..نجك ليا..🥰..بنخش لخياتك باهي..نتحاكو بعدين.

نا..هزيت براسي بمعنى باهي ونا منسطل ومنسته..ذاااااااااايب زي الشكولاه لما اتذوب..

حاس روحي مش واصل فالارض بكل..❤️🙈

هي.طقت وخشت جوا..
ونسمع ف الدوشه سهاري وترحيب..

وعمكم مهاب اغمى عليه وهوا واعي مش طايح😅🔥🔥

خشيت للمربوعه ومعش طلعت بكل بكل..

شعور غريييب اول مره ف حياتي انحس بيه..
وكأني خشيت ف عالم أخر بكل..

هايم/ذايب/سارح/فرحان/بنطيير/
🔥🔥🔥🔥🤤🤤🤤

الموضوع الي نحكي فيه ملش علاقه ب رغبه +18..ولا ب لبس ضيق
لبسها طويل ومستور..

الي حسيته حسيته بشي له علاقه ب داخلي ب قلبي..

شفت العلبه 🎁الي جابتها لي..
فتحتها..((سلسال/ فيه مربع عليه حرفي ))
شكله حلوو وطول علقته ف رقبتي مع سلسلة بدر الله يرحمه منحولش فيها من رقبتي وفي نفس الوقت
منطلعش فيها برا ادبشي

ديمه داسه جوا.. وديمه ع صدري قااعدا..

وتوا صار بدر وهنادي بيرافقوني من جوا❤️🔥

بعد روحت للحوش هي.دزتلي..
وقعدت تحكي معاي ونا فرحان شعوووور ان شاءالله كلكم اتجربوه

متعرفش روحك كيف صاير فيك اصلا🤤🔥

وقعدت نحكي معاها.. وهي اتقولي
حرمتني من صوتك..متبش ترد علي امبدري..

ونا....ينعلييييي لو تعرفي شنو صار في..نا بروحي مش عارف روحي..
تبيني انرد عليك اخرا..واجد هكي

هكي تحكي وانا نسمع ف صووووتها
يرن بمسمعي..
وبمخيلتي نذكر ف وقفتها قدامي🤤🔥...

ليلتهاوالله حتى الحلم احلمت بيها..

وكأن حد عطاني جرعه فالوريد اسمها هنادي

عششت جواتي
اندير شي...نفكر فيها
نصبي.. نفكر فيها
ناكل..نفكر فيها
نطلع برا ...نفكر فيها

واااااو ع الشعور الي صارلي.. والي مش عارف كيف نوصلا لكم ونحكيه..

بس الي نعرفه..
ان عسى ربي يخليها لي هي وكل شي يصيرلي منها..انا راضي بيه🤤

قتلكم ان هالبنت فرحتي..❤️

وقعدنا..نا وياها..احكايات.. وهي تقعد تقعد واتعودلي اليوم هذا

ونا نسكت لان منعرفش نرد عليها 😊

ويوم الي كانت بتجي فيه لشغل..

طفل فرحان بيوم يحبه ف مدرسته وصاحي نشيط ومبسووط..

من الفرحه مشيت قبل الموعد بنص ساعه😅مش عارف اشقالي عقلي لقيت روحي قدام المستشفى..

بعد اشوي جا فتح الله..
اهوو نصي😁كنه فمك منشرط ضحك..

نا..لا شي
هو..كذااب..ضحكتك من الوذن للوذن عدي شوف وجك ع اول سياره😂

نا..خطى وجي ي بارد..مش جوك راهو😤

فتح الله..مصيرنا نعرفوا😜معندك وين ماشي مني

نا..يرا خش جوا اقلب وجك😤

هو..😅واقسم بالله فيك حاجه ي مهاب انت..وجك يضحك في..

بس احكيلي كنك..

نا..انقنك الا واطي حتى واحد يجي رايق لشغل تسكنولا..ياسيدي ساطلها باهي شارب نا ملكش دخلا..😤

هو..كذاب ف وجك بس هذا وجي كان م عرفت كنك😜 وخش يجري
خشيت وراه بنغير ادبشي عشان نستلم التوكه..

وغيرنا قعدنا انتناااقرووو جوا..
وخشينا استلمنا شغل..
وكانن حالتين بس في يومها وحالتهم تحت سيطره كويسات

نا والواطي هذا نحكو😤 ومكسد علي..((لابسني😅

مقتلش شي نا..

بعد دقاايق..يطق باب العنايه..يمشي يفتح هو..

هنادي..صباح الخير🥰

هو..صباح النور والسرووور ويهزلي ف راسه ويضحك..

هي..خشت..

نا.من جوا..نعلييييييييي🤤🔥🤤🔥🤤🔥🤤🔥🤤🔥🔥

فتح الله..ونا انقوووول صاحبنا طارب ويضحك وفمه من وذن للوذن مشرعه..طلع عشان..... اهااااااااااااا

هنادي..🥰مش فاهمه شي
نا..فتح الله اسكت يا والله..

هو قاطعني..يرا صكر فمك الله يربحك.. الي اهناك بااانت...😈🤪
ونا انقول كنه صاحبي طالع طرف اليوم ثاريتك جااااايه ي دكتووورتنا😁

هي..انحرجت..

نا..هديت عليه نبي نضربه ب ابصااره

هو..قرب كذا..انردلك البوني هذا تذكره.. ونحكيلها ع كل شي😌

نا..واطي عارفك اديرها..

هي..كنكم شنو في

نا بنسكت الطولان هذا
هو طول قاللها عندي لك اشوالات سهاري..غير انوزع الهبل هذا ونحكيلك...

نا.. فتح الله😡

هو...رقيتلا😂وو😂

نا..خلاص را نقلب عليك..

هو..وينك يا يمي خفت منك نا.. و الله ي مهاب اتجي شوري نحكي للبنت كل شي..

نا..تمام احسابك بعدين

هو..😁خواف😂طلعت ي صاحبي

هي..فهمووني شنو صاير🥰

هو..بعدين انقولك😂

نا..😤

وقعد كل الوقت يخطم علي ويرفع ف حواجبا ويصبي احذاها ويقولي كنك راجل تعال كذا😂

نا..حسابك بعدين تو انوريك

هو..قعد كل اشوي يقرب لهنادي ويحكيلها شي ويشير علي ويضحك هو

تخزرطت..واستنقصت وعصبت..

هو..باهي خلاص..

بعد ساعه..
هو..هنادي عارفه مهاب كان تحقي وجه ليام لولا كيف يجي ويصبح علي اتقول قاتل بوه نا😅
معصور فالعصاره وطالع..
طايرتلا ديمه كل م يجي

هي..عليش🥰

هو..واااضحه افهميها..ب الاخص اليوم بس.. جانا يضحك من يوم ساافرتي قالب علينا الاخ🤪😌😎

هي..اوكي اهاا🥰..

نا..مبيتش نبحت فيهم درت روحي منسمعش ونكشف عالحالا..

بس تعرفوا الي قالا صاح..
هنا وين تريحت وفرحت حتى كان يقولولي امسك 3ايام ف جرت بعض
نمسك عادي❤️

هي سعادتي وفرحتي..معذوور لو كشرت وعصبت وهي مش جنبي..

بعد وقت جتني هي..

هي..بصوت واطي مهاب بحت فيا🥰

نا..شغل شغل مش وقت تبحيت يلا😤

هي..مهاااااااااااب هيا🥰
نا..ي اعيون مهاب انتي😊تمام هكي..

نط هذك ويضحك..((ألعب ي معلم😂 ريت ريت كيف قعد كيوت😂😂السيد😂مهاب😂😂😂😂

وطلع يجري

طلعت ف جرته من عنايه وضربته ف وسط اظهره..

هو..ميت ضحك
ناس منفحعين

نا..اكيوت صار اه اهو تحمل 😏👊🏻

وسايح ضحك هو...
لقيت روحي نضحك لضحكته..
خشيت وسيبته..
جا طق الباب..لزيته..

دزلي رساله قالي عرفت نقطة ضعفك افتح خيرلك

نا...تافه😤خزي..وحليت خش واسكت خلاص..

هي..🥰
نا..متريحه عاد انتي اه

هي..انحرجت..

ومشى يوم من احسن الايام..
صح الثقيل هذك اينابش بس بجووده بيه💙😅

ويوم ورا يوم ونحس بروحي متريييييححح وفرحان..
صاين الي ف قلبي..❤️
فرحان بوجودها ف حياتي💛
ممتن لليوم الي حكيت معاها فيه

ومشيت بديت فالمعهد..السمستر م قبل الاخير..❤️

وهنادي.صبح قايلا مغرب ليل نراسل فيها..حتى كلمه كلمه.. المهم اترد علي هي

#محاضراتي
منحضرش ب استمرار انبلد ونمشي..
هنادي..تسألني انقوللها بلدت غبت اليوم..وعيت متأخر ولا جيت لشغل..
تعاركني.. تبيني نحضر..ونا معندش فيه جو..
الكلام عارفه ونشتغل فيه.. ونبي شهاده بس.
يعني نبلد ونقرا ف نهايه وخلاص.وعارف روحي نقرا نحل حتى قبل الامتحان بساعه..
منحبش نطول ونا نقرا.

هي..لا لازم تمشي..

لما تبيني اندير شي وانا منبش اتقولي ح انعاقبك..لو مدرتش

وشنو عقابها..(إنها م تحكيني ولا تهتم بيا ولا تسأل ولا اترد شي بكل هك..منتحملش انضوح بلا وانعصب..

مهما حكيت والله ربع م نحس بيه ناحيتها منوفيهاش
حقها
وانا منتحملش🥺💔 انها اتجافيني

حجات واجد تغيرن في وهي سببهن

الموس الي مرافقني من صغري و وين م نمشي هو معاي عشان العرايك نضرب بيه

هي خلتني نحولا ب كلمتين منها بس

صارت تبيني معش انضوج زي قبل
كل م انتنرفز اتقولي مستعملش موسك متستعملش عضلاتك
استعمل لسانك وفكر بعقلك قبل

مش كل مره تستعمل فيها الحجات
هذن خليهن لضروره...

نا..هم ناس متبيش الا اذراع اصلا😤

هي..🥰لا (ياروحي) متبش اذراع..في مواقف يبن حضور شخصيه تبي كلمة راجل
تبي لسان وقول الصح
مش ديمه ضرب ضرب..شنو يقولو الناس عليك..

نا..ميهمونيش الناس😤ولا انحس فيهم🤨

هي..بس نا يهموني ي قلبي((اي احسن يقولولي طفلي شين وشيطان
ويضرب وناس تكرهك رغم انك انت من جوا مش هكي

ولا يقولولي طفلي ماشاءالله عليه
رزين وهادي..ويعرف امتى يصرف بطيش وامتى يكون بعقله وناس تحبه لحجات وااجد اي احسن قول الحق

نا..😤الثانيه..

هي..🥰ايواه هكي.. يعني شنديرو توا..نتمالكوا اعصابنا ومعش الدم يفور ع اتفه شي..
خلي الضرب للموقف الي يستحق بس باهي ي 《روحي》
بنفتخر بيك نا..نبي نتهرب من الحكي ع طفلي

نا..بعدم رضى قلت باهي😓

صعبه علي اصلا والله من شخص عصبي ويده والضرب = وادماغ وقت التفليم ميشتغلش .للن وميهابش شي..ومندورش شي
وصحتي الحمدالله قويه

لشخص هادي/يحكم عقله/ويبطل يكون مشكلجي/وايرد ب لسان بس

والله صعبه نا مش واخذ على هك😔

حتى لما بدر الله يرحمه يقولي فيها
مكنتش نعرف انديرها..
هذا ليش قتلكم نا اذراع وهو العقل

بس توا..
صارت هنادي القلب وغيرت تفكير العقل.وسيطرت علي.. وصارت تتحكم في تصرفاتي
واتصلح من اخطائي واتنبه في لحجات عمره م حد قالي عليهن
حتى امي الله يرحمها مطقتش تحضرهن عشان تحذرني منهن

هنادي..صارت هي السيطره
وانا انفذ بتذمر..بس من جوا ف داخلي..نسمع ف كلامها بكل حب..❤️

لاني تعبت والله من حياتي ع شكل هذا..تسحابوني فرحان ونا ديمه انهارج وانعارك ونضرب..هذا كلا يرد عليا..

انا نسمعلها لانها قدرت اتخش فيا
رغم ان كل الناس تنقر مني ع طبعي وشخصيتي وسيبتني

هي الوحيده الي فهمتني بدون م نحكي..
وحنت علي واحتوتني زي امي ..بس بدون حضن..

امي كان تحضن فيا وتخليني بين ايديها مكتف وتقعد تقرا ع راسي واتقولي مديرش هكي ومديريش
هكي

هنادي..كانت بصوتها الدافي الحنون الي مجرد م نسمعه نرتخي ونسمعلها لأي شي تبي اتقولا.. وبكلماتها وحنية قلبها.. كانت تقدر عليا.. ونتكتف تكتيفة العاجز و الله..

وهذا كلا من غلاوتها ف قلبي وحبي لها..❤️ومن كبر معزتها عندي

مكنتش انسان سيئ لهذك الدرجه بس ف بنفس الوقت منقدر نطلع الشي لكويس فيا..
ع ايديها تغيرت وقعدت شخصيه غير الي عرفتوها...

وصرت اهدى وارزن..
غصبن عن انفعلاتي بس بحب وحرص خوف...

اول مره نحس ان حد ربي عطاه ليا اتكون وظيفته ب حياتي ايتحملني ويصلح الي مقدرتش انعدله ف روحي❤️

لأول مره حد يقرب مني ويهتم بيا بدون دوافع ومصلحه ❤️

اهتمامها بيا كان من قبلها برغبتها محد قاللها..❤️

اول مره حد يهتم ب ادق تفاصيلي..
اول مره حد يقولي خليك معايا ومتسيبنيش..

في حين نا الي مستحقلها ف حياتي
ونا الي نبي انقولها...

هي..صارت اتشجع في ع حجات لطيفات بس مش متوقع اني انقولهن وانديرهن...

انا ك مهاب نحب الناس الي متكذبش
قولي نا غلطت نا درت ان شاءالله اكبر الكبائر قولي انك درت ومتقعدش تلف وادور..

والله نعطيك اعيوني وانكون معاك

هنادي..كانت النسخه الي نحبها ونفضلها ونتريحلها..
ايش م يصير
اتقولي نحكو فيه..
والي مش عاجبتنا ف بعضنا نغيروها

اهم شي منخبوش على بعضنا..
مهما كان الشي نحكوه وانحلوه..

والشي ريييحنيييي بكل❤️
عمري م درت منها ولا انحرجت منها
ولا نضرت للفارق الي بيني وبينها
ولا هي عمرها حسستني هي بالشي هذا

نحكي ع المستوى المعيشي..

هي مستواهم اعلى منى..

وين نا ووين هي

بس ديمه معايا لا من البنات الي يدورن فالفلوس والجو هذا.

كسرت معي كل القيود..
والي منبش انقولها نلقى روحي حاكيها..
وهي مساعدتني فيها

هالبنت قلبي وحياتي يا نااااس

قلبي وحياااااتييييييييي
❤️❤️❤️❤️❤️❤️❤️❤️

من جانب ثاني..

فالشغل..
انحب الشتاء وهي اتحبه..

كان لما اتجي ف المطر هذك..
اتجيب ف 《سحلب دااافي》
وتعطيني نا وفتح الله(الي اتقول مخلفه وناسيه😤

هي..🥰هيا..اشربوا هذا قبل م نبدو ف شغل. يدفيكم..صقع بكل اليوم...

نا..لازم فتح الله تعطيه زي م تعطيني😤

هي..🥰عيب ي روحي..يكون معاك وما نعطيه ..مش خاسرين شي لو عطيناه..

نا..باهي نا نمدلا مش انتي😤

هي..فكني من غيرتك.. واطمن..الي جواتي خذاه واحد مش ح ياخذا غيره🥰

نا..اصبري اصبري.. كذا يدك..

هي..اه كنها

نا..🤨شنو قايلك على هذا..
هي..🥰 كسدت ودرته💅🏼..

نا..يديك من البالطوا ميطلعنش اه..
واي ازواق ع اضافرك معش اديريه فاهمه

هي..مهاب مش ازواق هذا..🥰

نا..نا قتلك وخلاص😤🤬

هي..حااضر..امرك الي تبيها🥰باهي هكي..

نا..ما يأمر عليك ظالم..تمام

#شفتوا كيف سايسااته...
م عاندتش ولا كبرت بالكلام معاه..
لالا
طول جاته بالكلام السمح والبسمة اللطيفه وهداته عشان م يفلمش ازياده وايتريح

◇◇◇◇◇◇◇◇◇◇◇◇◇

نا..طول الوقت وانشيرلها ع يديها..
🤨🤨بمعنى حطيهن ف بالطوا..

لبست قلافزات وبرضوا متريحتش
نحس هكي ان تلوين الاظافر يغري
يجذب العين لليد..
حتى لون عادي..

نا منبيهاش ادير هكي😞

◇◇◇◇◇◇◇◇◇◇◇◇◇

يوم آخر..

نا..هنادي.. كذا بحتي فيا
هي..نعم ي مهاب🥰

نا.. قدمي وشاحك اشوي وكان اتنزليه بكل لحد الكمامه يكون احسن

هي..😳مهاااب كنك..

نا..تنهدت وسكتت..

ع خشت فتح الله..

طلعت الموبايل ودزيتلها..
اعيووونك يا بنت اعيووونك

هي..شافت موبايلها وبحتت في واضحكت..

هي.كنهن اعيوني..
نا..ذوبن كبدي.. ومزلتي تسألي
ح انلبسك خمار بيش انتريح نا..

هي..في عينك😅البسه انت

نا..😤😤😤باه تو انوريك

هي..🥰ضحكتلي وطفت نقال..
وعطتني نظره بمعنى خلاص اهدى يلا..

نا..🔥🔥🔥🔥🔥

فتح الله.. فطن ان نضحكوا ..هو..اسملا علينا..نحكي مع روحي وخلاص نا..
راعونا الزح..جفاف لين صدري متشقق وطالع منه عشب😁راهو

نحن😅😅😅

ف المرواحه..طلع فتح الله جاه واحد يبيه..

ونا طلعت وهي معاي..

نا..وين ماشيه
بنغير ادبشي وانراجي بابا..قالي نص ساعه وانجيك..مطول

نا..باهي عدي خشي لدار تمريض كذا
هي..عليش

نا..خشي بس..

هي..عدت قدامي..
بعد اشوي خشيت معاها..

نا..اسمعي. وحدا من لثنين ي تلبسي خمار ي تلبسي خمار غير هكي معندش م انقول

هي..من جدك تحكي😨
نا..امالا نبصر..

اعيونك ذوبني وعلقني🤤🤤
..تبي الناس الي تحكي معاهم يلصقوا فيك.. لالا🤨

هي..انت اتبالغ اعيوني عاديات مش خضر بيش تحكي هكي..

نا..ولانهن بنيات.. ومع الكحل الي دايرتيه ..اااااااااااه ي قلبي..
الحصييل بتلبسيه

هي..🥰سلامتك قلبك..بس مش لابسته..

نا..هنادي.. متفرحيش واجد يجيك يوم مش خمار ع لبسك هذا نلبسك لالا..

خمار يجر للوطى وواااسع مش باين منك شي.😏😎

هي..لا منحبش..اطمرني ف اشوال و خلاص عليش..😖 وبانت عليها مش عاجبها كلام..

نا...هنوودي ..اعيووني..بحتي فيا..

هي..نعم 😣

نا..منتحملش حد يشوفكك ورحمة امي راضي هكي بالشغل والاحتكاك الي يصير..عشان خاطرك انتي
بس في حجات منتحملهنش نا..
وانتي عااارفه..

هي..خلاص.غيرو الموضوع..

نا..زعلتي..

هي..لا لا بس منحبش نحكي ف موضوع هذا..

نا..باهي..تمام..خلص نخليك تغيري ادبشك..مش مروح لين نشوفك طلعتي باهي..

هي..تمام باهي

نا..هنادي..😟

هي..نعم ي روحي

نا..عارفه انك انتي قلبي..

هي..🥰اي عارفه ي روحي..

نا..وعارفه انك.... خذيت نفس وسكتت.😞
هي..عارفه شنو..

نا..لا شي..خلاص هيا غيري ادبشك..
نا طالع برا بكل تمام..

هي..باهي..دير بالك على روحك..

نا..ان شاءالله..

وطلعت..

تصدقوا بعد كل شي..
مقتلهش اني نحبها..😔
مقلتهلش انك حبيبتي..😔
لا مقلتش..

رغم(روحي/وقلبي/وحياتي/واعيوني/انقولوا فيهن
..
بس ولا مرا قلتها لها..ديمه توصل ع طرف لساني ونزمطها..مش عارفه ليش..

وهي ولا مره قالتها لي..

وبيها بكل علاقتنا ببعض مش موقفه ع كلمه هذي..

والحمدالله..❤️

طلعت من مستشفى برا كنت بندخن مجتنش نيه..

نحس ف روحي مش تمام...
حاجه مضايقتني ع صدري..

بعد وقت روحت هي.. وروحت نا..

قعد يجيني ألم ف قلبي غريييب...
هك فجأه يمسكني ومعش يطلقني..

وصدري ثقيل علي نحسه والنفس صعب..

قلت بلكي برد.. لاني ندوش ونطلع..

يقعد يقعد الالم ويحول بروحه
..

ومش اول مره يصير هالشي..

هلبت كذا يوم.. ورد الالم من جديد.. بس خفيف..

ملش توقيت.. بس يجي ويمشي..

غير أن مرات ف عز النوم وتعبان من شغل يوعيني قلبي.. ويقعد ينغز في..
وكأن في امواس جوا

اخر يوم فالاسبوع كنا..مع بعضنا فالعنايه.. ونشتغل تمام..

بعد اشوي يمسكني الالم ف صدري...

وخرت وقعدت نضغط ع صدري.. ونخبط عليه زي المنكمد نبيه يبطل..
ألم سخيييف بكل..

وناااخذ ف نفس..بالقوا..

انسندت ع الساس ودفيت الطاوله الصغيره..من جنبي..فطنولي..

جا يجري فتح الله..
وهي..

كنك..كنك..

نا..لا شي..غير اشوي برد .

فتح الله..مهاب فيش اتحس..انجيبلك كرسي..
نا..لالا منقدرش نقمعز...خليني هك اشوي تو يخف..

هو..شنديرلك باهي..

نا..هأحممممم... هااااءء.. ونبي نفس.. طلعت برا العنايه وقعدت فالشااارع..

لحقني هو..
وهنادي انشغلت قاعدا فالعنايه..

وقعد معاي..لين تحسنت اشوي وخشيت..

هي..🥺مهاب كويس انت..نا اها كويس اطمني..

وتحسنت بعدها..

ف ليل..ع ساعه 12..كنت نحكي معاها عالواتس..

وجاني نفس الالم بس المره اقوا من الي فات بكل..

لدرجة النفس ينقطع علي بكل...

سلحت الماليه.. وقعدت فالروووشن..
وريح راهو برا..بس ولا كأن فيه ريح..

جبت شي هويت بيه..
معش اقدرت..
لا نرقد ولا انتحرك.. ولا انصبي

هنادي ادزلي..قتلها مريض اشويا..

وانشغلت..بعدها قتلها بنرقد صرت اكويس منبش نشغلها..
وقعدت فاتح وهي ادز ونا منردش..معش قدرت ورحمة امي ألم

واااااااااو محقره..

بنادي ع بنات معش قدرت نحكي..

وحاس بدوووخه قويه.. بنفقد الوعي حسيت بروحي

دوب م اقدرت حركت الموبايل واتصلت ب فتح الله وقتلا جيب سيارتك وتعال....

صكرت منه و نبي نصبي..نبي ريح نبي نفس معش نقققدر ....بعد ثواااني هك فقدت الوعي..

ومعش نعلم بشي الا ونا ف............

◇◇◇◇◇◇◇◇◇
#لاحقاً..
هي.شخبارك اليوم

نا..هنادي..بنقوولك شي..

هي..نعم.قولي..

نا.خذيت نفس وبتردد.. تنهدت...
هنادي انا.. إنح.........🔥🔥🔥

#يتبع..
# shosheta..

تخبايت الحب عمرها م دامرت
الشاب تفضحه مشاعره وغيرته..
والبنت تفضحها اهتمامها وعاطفتها

ربي جبر خاطر مهاب بعد السنين التعب الي مرن عليه بروحه.ب
بنووته زي البلسم ف حياته صارت..

هي ..صاحبه وخوه وبوه وامه..
وهوا مقدرش يحدد العلاقه
وكان يبيها رسميه بس من الحظ الجميل..مقدرش يقاااااومها وحبها حب غريب و تعجيزي...

وبرضوا نكر..بس اعترافه لها مش ح يطول اكثر من هكي🔥😍..

ولان هو ميسمعش فالكلام..
وميديرش ف باله على روحه
ع قولا..حصل ضربت برد

بس صح ح يكون برد..ولا اعراض الحب هذن ولا في شي ثاني ح يكون..

ونتلاقوا ف حلقه جايه..
وباقي التفاصيل..

تنسوش تعليق حلو يليق بحلاوتهم هاه ع حلقة اليوم😉

تصبحوا على م تتمنون

google-playkhamsatmostaqltradent