رواية نقيض بلهفة عاشق الحلقة الحادية عشر 11 كاملة

 رواية نقيض بلهفة عاشق الحلقة الحادية عشر 11 كاملة

رواية نقيض بلهفة عاشق الجزء الحادي عشر 

رواية نقيض بلهفة عاشق البارت الحادي عشر 

رواية نقيض بلهفة عاشق الحلقة الحادية عشر 11 كاملة


رواية نقيض بلهفة عاشق الفصل الحادي عشر 


رواية شاب《 واقعيه》

#بعنوان_نقيض_بلهفة_عاشق_الحلقه_الحاديه_عشر_للكاتبه_shosheta..


حياتهم لعبرة غيرهم..❤️


الحلقه هذي والله كتبتها ع ثلاث ايام.. واليوم كملتها.. وعشانكم نزلتها..(جمعه)

يعني محد يقولي نزلي حلقه اخرا الليله..


🔥🔥قراءه🔥🔥ممتعه🔥🔥


نا..خشيت وانبحت ف الي ع الارض وناديت ع البنات..


لقيت بوي صح م قال تعليق منكم


مكسر المكنسه ع ندى..

وضاربها ع رجليها.. وظهرها.. واذراعها..


ونجوى حتى هي حصلت منه ضرب بس مكسرش المكنسه عليها..


خشيت انبلطت في بوي وقعدت انهارج فيه..(((وتعاركت معاه شفهيا.


وعليش هكي ولحد امته بتقعد اتمد ف يدك. علينا ونحن كبرنا وصرنا طولك..


وشنو ذنبها ندى تشيل ف غضبك


اتجينا متعقد وفوقها تظلم فينا.

انقاااني طردت بوي من الحوش وقتلا معش اتجي مدام هذا جوك معش اتزورنا..دور وين تقعد.


بوي..كبده موجعتش علينا ولا ع ندى مشبعش من ضربها..


واحمق من كلامي..قعد يهزب فيا

بمعنى نا صايع غضيب والدين انطرد ف بوي والمفروض نسكتلا وانتحملا ونضحك ف وجه ونستقبلا ..

وقالي مدام فيا نفس وقادر..

كل يوم بنجي هنا حوشي

ومتقدرش تمنعني منه مش عاحبك الوضع خوذ ادبشك واطلع برا..ابروحك..دور وين اتعيش..البنات متاخذهنش معاك.بيقعدن هن لين ايموتن.


معجبنش كلامه وبديت انلاطع فيه واطول من لساني مفش وانتم عارفين..


ليييين رقى ضغطه مني وانا انرد عليه وانتعارك معاه ..

خذا طفاية دخان زجاج ثقييله وطلقه ف صدري..متوقعتش يديرها..


بس دااارها.. وتمنيته مش بوي الي ضربها في ..واقسم بالله نعجنه بين ايدي..


ضربته لي حسيته ف صدري من جوا..


طولت ونا مصكر يدي وضاغط بيها ع صدري/جيهة القلب.


ونفس واااعر حسيته..


هو..يراجي في نرد


نا....


هو.. منك اتخلي في نضربك...واتقولي قعدنا طولك..

طول عينك ناقصين تربيه..

اتردوا علي واطرد في ناسي اني بوك نا ي ولد الحر.....😠


وهزب اشوي وطلع طول عدا..


الالم الي حصلته ف صدري

ولحظه الي مسكت فيها غضبي


فشيت غلي كلا فالحوش..


قعدت نكسر.. شي طاولات شي تحف ونضرب بكل قوتي وساااااخن فاااااير دمي..نضرب ف باب الدار بقبضت يدي لين كسرته


من الوسط شيقته ...


#لتوضيح..

الباب مش اللوح المتين المحفور حفر بيش محد يقولي كيف كسره

الباب الخشب الخفيف..ايطاره متين بس الوسط زي الطبل اقرب وصف ل هالشي


::::::::::::::::::::::::::::::::::::::::::::


و نا طالع خبطت رف كامل من الزجاج اطقم عوايز دششتهن تدشيييش وناخذ ونرمي ونهزب من بوي.. ف عقلي


كيف ايقولي صايع..شنو ايحق فيا..كل يوم جايه شارب لين طافح بيش ايقولي ولد حرام..


من يوما كارهنا ومن يومه يضرب ويلز فيا وايسب... م نحن اعيالا مش مربينا شارع.. ومش مربينا هوا بيش يقول مش متربيين..


امي متعبتش علينا وربتنا عشان ف نهايه يقول الي قالا🤬👊🏻هو


يمشي يشوف اعيالا الي كل واحد اجلط من ثاني..

ولا ال.......الي عنده متجوزها دايرته عامل عندها واتهزب فيه


والله ماني مشيها له.. مهزلته هذي والله انوريه عليها..


وطلعت دلفت الباب تبع الحوش وخذيت تكسي ومعاي طرف جعبة اميه حديد..


ومشيت شور حوشه.. لقيته

قاعدا فالحوش وسياره برا

.نزلتلا فيها تخبيط شي من السقف شي الزجاج زي مقدمة السياره

وبيبااااااانها قعرتلا العجل..

وهرستها له اتقول دايره حاااادث..


ومع كل ضربه لسياره تهيالي كل مالي انطلع ف غضبي فيها

الضربه. ف تكسير..


وجيت بنولعله نار فيها..بس مكنش معاي دخاني والولاعه


روحت..


خشيت من شارع للصاله اندور ف دخان من وسط الزحمه الي ع الارض


ماحوتني لقيته.

ومشيت بنولع دخان راسي منقلب..


ومنتبهتش اني كملت القرطاس كلا ليلتها..


ثاني يوم اصلا واعي.. نسمع ف نجوى واعيه اتلم فالي مكسور من بارح..


صبيت درت معاها.. وحطت الفطور

وعدت هي كلمت ندى عالفطور


ندى مبتش..

خذيت السفره وخشيت لدارها

وقتلها صبي افطري معانا...

معش تحطي ف بالك ومتفكريش

ف الي صار..


شفت دمعتها بعيونها بس درت روحي م شفت ومديتلها الحليب..


مدت يدها وباينه اثر الضرب عليها..


نا..تنهدت بغضب..لاحولا ولا قوه إلا بالله..


نجوى..كنك شنو في


نا..لا شي..سمن بالله هي..

وناكل بالقوا و الله م عندي نيه


ندى كلت اشوي ووخرت


نجوى..كولي كنك وخرتي

هي..معندش نيه خلاص.. وبكت..


نا..عليش لبكاء توا خلاص الي صار صار..


ندى..ياريت امي قاعدا راهي دافعت عليا زي قبل ومخلتش يضربني..


نا ..نزلت راسي بعد كلمتها

نجوى😔


ندى..والله خاطري نعرف عليش يكرهني ليش شايل مني بالكثر هذا ونا مش دايرتلا شي..

مقدرتش البارح نرقد منه. جسمي مكسر منه..حتى لما نغمض ف اعيوني نشوف ف بوي


نا..مش كارهك بروحك.. نحن

معاك..


هي..بس نا اكثر منكم هو ميحبنش ولا عمره حن عليا و....


قطعت عليها...

نا..خلاص خذيت الحق ولو مش كله ع الاقل ربعه..


نجوى.شنو قصدك..


نا..صح منقدرش نمد يدي عليه ولا نقدر نغلط فيه ...بس نقدر نأذيه بشي ثاني.. وامس كسرتلا سيارته.. م عقبتلا طرف ع ثاني واقف..

ومزال حوشه..


انراجي ف امته يطلعوا من الحوش بس..تو يشوفوا الخراب لاخر..


نجوى😳😳😨😨😨تحكي جد


نا..ورب العزه جد نحكي..

امس كنت قدام حوشه وراجيت شارع يهدا ودرت الي ف راسي..وروحت


مزال الحوش.. تو انوريه الضرب كيف يكون..


نجوى ..مهاب.متقعدش هكي من امتى قلبك اسود عليه صح هو مدارس خير فينا بس متوصلش ف حوش لعيال..


خلاص سيارته هو ودمرتها الحوش متقربش..


نا..🤬🤨


نجوى..مهاب متقعدش كيفه قلبك اسود..ف نهايه مجبورين انتحملوا.مش انردو الي دارها فينا ف اعيالا لخرين..


نا..ملكش دخل ..الي ف راسي بنديرا..


نجوى..مهااااب وغلاوة امي عندك م اتجي شور باتي وحوشه...حلفتك بالغاليه م انديرها اه


نا..قلبت سفرة الشاهي وصبيت🤬


منحبش حد يحلفني ب امي..

لان تقعد امي بين اعيوني.. منبش هكي نا..منبش هكي منبييييييييش🤬


هلبت كم يوم ونا ماشي جاي انراجي فيهم يطلعوا.. مطلعوش


سألت جارهم عليهم بدون م انقولا نا من...


قالي من نادر وين يطلعوا من حوشهم

زوجته متطلعش واجد ولعيال24ساعه فالشوارع ايتبارموا


حتى هلها م تمشيلهم..


نا..كيف يعني..

الراجل..من م يعرفها (فلانه).. دايره مشاكل مع هلها ياماا .

واجوزت واطلقت وحاربوها هلها من مشاكلها

معندش لا صاحب لا قريب

حتى زوجتي حصلت موقف منها


وليه مش متربيه متخافش ربي

ديمه فضايحها واعياطها ف شارع..

اسملا ع راجلها منها.


نا..وراجلها وين قتله


الجار...قاعد المسكين مشنعه بيه..

خذت الحوش لها وهوا اتقول مأجر

عندها...قاعد


نا..💔🔥كم لك تعرفهم انت


الجار..ويييييين فوق ال12سنه جيران حاجه هك..


نا..🔥🔥🔥💔💔💔


زلحقته اشوي وروحت..


بس تعرفوا مشيت لغايه معينه

وبعد الكلام الي سمعته..(وجعني بوي


حطو ارواحكم مكاني..

بالله عليكم فكروا


حتى لو بوكم ظالمكم واموجعكم..

ترضولا الاهانه من حدا اخر..

ترضوا حد يبهدلا بعد هالعمر ويسمعه كلام حتى لو هو متحمل ومش شاكي وانتم تسمعوا هالكلام

معقولا متحركش فيكم اشعره..


عن نفسي شي تحرك جواتي..


روحت وقلت البنات ونسأل فيهن عندهم علم ولالا من الي قالا لي الراجل..


ولقيتهن معندهنش علم..


يعني شنو..

بوي وافقت عليه عشان حالته الماديه وقتها يصرف عليها هي وولدها بعد م ساءت علاقتها مع اهلها بعد الطلاق من زوجها واجرت بروحها


وهكي اجوزت بوي.. وعرمت لعيال وخذت لحوش لها..

وهوا قعد عندها لا قدر لا احترام..


الحصيل..


بعد ضربت بوي لندى وبعد ظلمه وإسائتا لنا ولامي وتربيتها فينا..

مشيت كسرتلا السياره الي يجيها بيها....


وثاني يوم جا وطلق لسانه وقتله ااه مني.. وهزب واااااجد وعدا..


وبعد وقت كلمت نرجس نجوى وشكتلها مني..عشان طبعي ومعاملتي.. بعدها قالتلها نبي نحكي معاه ف امر ميبش يرد عليا..شوفيه ليا


#وهي كذبه ..لا متصله ولا شي بعد الي صار.


#بوي حط سياره فالورشه..

وجاب ادبشه عندنا وقعد

ونحن بلا اي رد فعل..

وواجبنا عليه بنديروه.


وقعد مقيم ف حوشنا..

والله وضعه زي الي مريض..

يوم اكويس معانا ورايق من الصبح


وعشر ايام وجه م اتبحت فيه بكل.. ويكملها لنا هزايب وعرايك بلا سبب اقسم بالله..

قعد وجوده ف حوشنا..

((زي الطوق الضيق ع العنق))

قعد يدخل ف كل شي...

وعليش الضي والع..

وعليش استهلاك الصابون هكي

وعليش انت طالع خاش

وعليش جايب الحجات هذن كلهن


وعليش الجيران يجوكم

وعليش تطلع انت

ووين ماشي..

وكنك تقعد مع جماعتك


ووووووووو.....الخ


شي مدقق فالحوش

وشي فالبنات..

وشي فيا نا

وفالجيران الي هم بالنسبه لنا زي الاهل.. يقعد ميبيلهمش خلطه..

ويضايق لما حد يجينا..


وع طول يدخل.. ويهارج..

وبرا عتبت الحوش مطلعش..


ومنكد علينا جوا..


بالايام والله تصحلا يهارج ع موعد الاكل لين انتنكدوا معش ناكلو


وايام عقاب الليل


غير هك يبينا نوعوا من 6صبح زيه ونرقدوا9\10..


والله نحكيلكم ومتحشم فيها

لان بوي و المفروض منقولش عليه هكي بس ي ناس.. والله مضااايقنه بكل قعد وقعدت شايط منه وع اعصابي وفي نفس الوقت منبش نحكي شي معاه..


نتهارج معاه لما يجي ع خواتي نوقفلا وانتعارك معاه..

وبيها بكل يعاند في وكأن يقولي اني هزبتهن ولا ضربتهن وريني شنو بديرلي....


قعد يستعمل ف كرت او صفة او مكانته ك أب...ف عمايلا..


وايذكر في ان هوا بوي ونا ولده..

وبمعنى

(متخطش احدودك معاي ياليد)


و الله وصلت بيه لدرجة يعارك ع الجلسه الي نجلسوها ..

ويقولي مش هكي اجلس هكي ودير هكي..


من الفراغ قعد يبرم ع اتفه الاسباب ويدير عليهن خلاف..

وعشان منعطيش فيه فرصه يهارج (لاني نسمع وانقولا حاضر حتى لو الشي انا مش رااايده)قعد يوصل بيه لدرجة يهارج بدون اسباب ..


وغير الدخان الي خلا الحوش محرقه انقولا نقص منه مش اكويس ع صحتك 50 سبسي/60 واااااجد بكل..


يهزبني يقولي متدخلش..


قعد اعنادا فيا ايرد عليا سلباً..


وتلقائيا قعدت اندخن من انفعالي وااااجد..


منبش نقعد نار وبنزين مع بوي

عشان هكي انتحمل ساعه ساعتين ونطلع اندخن لازم..


وهكذا...


والفتره هذي والله اصعب فتره تمر علي..


لان الوضع قعد حرج بكل

ومن شغل للمعهد للحوش..

حتى طلعة الحوش وقعده قدام الباب قعد دايرلي فيها وجيج.


نحكيلكم ببساطه بس والله وقتها لو كنتوا معايا راكم هجيتو من حوشنا

من الجو الي كاين فيه..


ف فتره هذك..نفسيتي(( 0 ))

ورنت علي مرتين نرجس بوي كان احذاي درته صامت..

ف ليل لما جيت بنرقد خطرت علي رنيت عليها(لقيتها انتظار)


بعد 15دقيقه لقيييتها

انتظار اخرا انقني سكنتلهااااااااااا

🤬


رن لين فصل4مرات.. جيت كتبتلها

((كان متصكري المكالمه مع فرخ ال....... الي تحكي معاه🤬 ميصيرش طيب..


وطول عاودت علي ومرتبكه..

طول قتلها متكذبيش مع من

تحكي..


هي..مع....

نا..بنات خالاتك كذذذب🤬مع من


هي..ارتبكت.. لا مع صاحبتي تبي حجات مني..


نا..ساعه2توا😏🤬


هي.. واشفيها وكان..مزلت واعيه نا..


نا...نرجس من الاخر..تحكي مع شاب انتي..ومن جيتك من فرح الي حضرتيه وانتي منقلبه.. ومش من عادتك اديري مشاكل..تبي اتفكي مني ومش لاقيا طريقه..او ب الاصح مش لاقيا سبب اتفكي عشانه..صح ولالا احكي..


هي..اءءء م .ل .لالاا مقلتش هكي نا


نا..بس تصرفك يقول..

عالعموم.. بنقولك شي


هي..


نا..كل يوم كذبتي علي فيه..كذبتك كان اتبان ع طول.. وانا محبيتش نحرجك وانقولك كذبتي..

تذكري يوم كذا قتيلي كذا..طلعت الحقيقه كذا


تذكري يوم سألتك ع لبستك وقلتي شي وطلع ف نهايه شي اخرا وبدليل يومها كنتي لابسه(وذكرتلها بالتفصيل


وتذكري يوم قتلي انك ظالمني ومنكد ع دين امك تذكري..


خلاص زيها زي غيرها جيتك ف جامعه شفت الي عمري م توقعته..


وجبدتلها كل شي داراته ومشيته لها بجوي رغم اني عارف انك كذابه إلا اني نعطي فيك فرص ونسأل فيك وبرضوا تكذبي..


كل م كانت وقتها مكانتك تنهز عندي.


جبدتلها عرم كوارث حتى انتم م قلتهنش لكم.. وذكرتهن لها..

وبينتلها ان هي شنو وانا شنو ..


عمري م حطيت روحي للمهزله هذي وعمري م جرحت حد..

بس لما يحتاج الامر.. ننزل لمستوى مهزلة الثاني ونقلب الطاوله عليه وانرد مكانتي..


ببساطه نقدر ننزل ف اي حد

لان الحمدالله عارف روحي


صح نا مليان عيوب.. بس كذب ولعب من تحت لتحت وطعن والاستغلال عمري م درتهن..


ومستعد انواجه اي حد لان ضامن روحي شنو داير ومفش حد ماسك علي ذله...😏وهذي بروحه تكفيك تاخذ حقك ثالث وامثلت..


بينتلها ان عطيتها فرص يامه بس هي فكرت ان بتمشيها علي..

وفالحقيقه مشتها ع روحها😏


بينتلها ان في ناس القلب الوافي اخساره فيهم ..والدليل تصرفاتها..


بينتلها الثقه الي قتلها اخسرتيها وقالتلي بنردها نا


بينتلها انك افشتلي ف ردتها ولقيتها ياما تبي. ف قررتي تلعبي من بعيد البعيد. وانتي عارفه نفسك انك متسحيل تقدري اترديها.. ف قعدتي ادوري ف مشاكل عشان اتفكي..😏


قتلك من قبل انا انسان منعطش ف فرص وبرضوا شكرا..

خذيتي فرصه عشان اتبيني روحك شنو وفوقها تأكدي هالشي🔥😏


¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤


هي..قعدت تبكي...


كانت مكلمتني عشان بتنهي الموضوع بس مش قادرا..هي


متوقعه مني نقاش عادي

بس متوقعتش اني نا ح انقنبلها ومليت من عمايلها وكذبها

متوقعتش كل شي قلته لها ان ح تسمعه وجبتلها الدلائل ب تفاصيل واليوم والساعه...


#قتلكم.. اني مننسش.. وانخزن زي الجمل🐪 لين يجي الوقت المناسب وانقول الي اهناك..😏


بعد م #صدمتها ب كلامي .قتلها وجك معش بنشوفه ووعلاقتك مع خواتي ي اقطعيها ي ع الموبايل بس.. اما الحوش انسيه..


نا..وان شاءالله توا غير عرفتي روحك شنو وانا شنو..سلام😏


ومن هالتسكيرا.. فالحظر طول معش نبيلها خلطه..وقطعت عليها نهائيا


حسيت اني تريحت بعد حكيت كل الكلام الي ف صدري..ليش انكون شايل كلام وقايلا..م من إلاول الواحد يبتر علاقه المسمومه مع الي زعم كبده..


ورقدت ليلتها متريييححححححح


ثاني يوم جت مرت بوي وخذاتا معاها بوي بعد نقاش طويل..


وخذا منا افلوس وعدا..

مقعدش 4ايام إلا وهوا عندنا رد


ووجه اسود ومريض..


ويتعب اشوي فالنفس..


قعد اسبوع وهي كل يوم اتهزب فيه مرته ع نقال وانظر ايش تبي ومن كثر م حمقاته طربق موبايل فالساس


بروحه قعد يشكي منها ويقول تعبتني الوليه هذي معش ريحتني بتجلطني هذي..


واشوي اشوي صحته بدت تدهور بوي.. وكل يوم اترد لاوره ووجه ينسود.. ومرات يتألم بدون مكان معين .


وكل م انقولا نشيلك انعاينك يقولي م فيا شي منش مريض نا..


يوم ورا يوم ورا يوم لين اتعب عالاخر ومعش اقدر يقاوم..


وعينا فالصبح لقيناه مش قاعد..

عدا عاين بروحه


قعدنا انراجو فيه عالغدا..

خش ودوبه قعد عالصفره ووجه ميتفسرش..


لما قلنالا كنك..قال متعارك مع هذا

(زوجته)


نسحابوه صاح نحن..


دوبه حط كشيكين فالصفره ووخر قال معش نبي..


وبعدها لاحظن عليه البنات ان يقعد فالدار بروحه ويبكي..💔🔥

كذا يوم هكي..


جيت حكيت معاه وبنعرف كنه يحس في شي..ولا محتاج شي ولا شنو..


مبش يقولي ولا كلمه وعليما درت فيه مبش..


ثاني يوم قاللنا فالصبح مسافر بنقعد حاجة اسبوع هك ف مصر وبنروح..


قتلا نمشي معاك قالي لالا خليك بنمشي بروحي((وقالها هالمره ب هدوء واسلوب حسن وبدون اعراك))


وجهزلا البنات ادبشه..

وفي نفس اليوم ف ليل سافر مع واحد صاحبه..


وكيف البنات تنفسن اشوي ودارن برمتهن عالحوش.. ووكيف تنفست نا بروحي اشوي..


#نحن مهما كان هو بونا انتبهوا مش مضايقين منه . بقد م يضايق فينا الضغط الي عيشنا فيه ..وعشان هكي قلت انتنفسوا !!


وهلبن4ايام وطق الباب ليلتها ساعه12بالليل..


صبيت فتحت لقيته بوي..

نا..😳..ك كيف..مش ف مصر انت


بوي.. لا مشيت لمكان ثاني وجيت


وخش..


هو..خواتك وين..

نا..راقدات..


هو..خش وعيهم وتعالو نبيكم..


نا..عليش كنك شنو في..


بوي.. بصوت هادي قال خش وعي خواتك وتعالوا لدار نبيكم ف موضوع ضروري..


نا..قلبي مش مطمن


مشيت وعيت البنات وجيت نا وجن بعدي متفاجأت كيف بوي روح

واكيد جيته ولمته لنا مش ل الله


جن وايديهن ع اقلوبهن باينات متفاجأت وخايفات


بوي.. تعالو قدامي انتم الثلاثه


نا والبنات جينا..

بوي.وجه اسود ويحكي ب تقطيع


بوي..نا مكنتش ف مصر...

كنت مساافر عشان شي معين

ومشيت درت اللازم وجيت وللاسف

روحت بنفس الظن والي مشيت بيه


نا..كيف يعني شنو قصدك

بوي..يعنى مشيت مع واحد صاحب.

عشان نتأكد من سلامة الاوراق الي عندي.. وطلعن...........💔😔


نحن...😨😨😨😨😳😳😳😳😳


🔥🔥🔥🔥🔥🔥🔥🔥🔥


#يتبع..

#shosheta..

اوقات واجد انقوللكم الفرص الثانيه مش حل

اوقات واجد انقوللكم..الحن فالدنيا..

اوقات وااجد انقوللكم متفرطوش ف الي لكم لان ف النهايه متلقوش إلا هم مصبيين لكم


ندى..ب طيشها خسرت قلب مستحيل تلقاه..خسرت الشخص الي يخاف ويغار عليها اكثر من أهلها الي مش سائلين عليها


بوح مهاب بكل شي لها مش غلط لانها انسانه متستحقش الاحترام

مهاب بطبيعته يحترم قرار الغير لو كانوا صريحين معاه مش يقدرهم ويحترمهم وهم يلعبوا من وراه هذي متمشيش عنده..


وهكي نهى علاقته فالوقت الي مفروض هي اتكون معاه وجنبه..

خصوصا ف الايام الجايات.

الي ح يحس بال...........💔🔥


اب مهاب..شخص متسلط ظالم عمره م حس ب ضناه ولا ب حاجتهم

عمره م كان اكويس في حقهم..

حتى بعد كل هالعمر م تغير ناحيتهم..


ليش اتقولوا هو فضل يقعد عند اعيالا من الزوجه الأولى ليش قعد يتهرب من سيرة زوجته الثانيه لدرجة حتى المبيت معش يباات عندها..


وليش سافر بروحه.. وشنو قصة الاوراق الي قال سافر عشان يتأكد منهن..


هل لهن أثر سلبي ع عيلة مهاب ولا على زوجته ثانيه ولا عليه هو

شنو اتقولوا انتم


الفتره الجايه فيها صدمه عمرهم الاخوه الثلاثه شي م توقعوه يصير شي ح يغير حياتهم لمده معينه و..........🔥🔥🔥🔥🔥


نخليكم مع التشويييق 😉

ونتلاقوا ف حلقه جايه

بس نبي تفاااعل كبير هاه

🤗 ..عشان الحلقه الجايه

ح اتكون ع الوتر الحساس الملامس للقلب...


تصبحوا على م تتمنون❤️حبايبي❤️



google-playkhamsatmostaqltradent