رواية نقيض بلهفة عاشق الحلقة الثانية 2 كاملة

 رواية نقيض بلهفة عاشق الحلقة الثانية 2 كاملة

رواية نقيض بلهفة عاشق الجزء الثاني 

رواية نقيض بلهفة عاشق البارت الثاني 

رواية نقيض بلهفة عاشق الحلقة الثانية 2 كاملة


رواية نقيض بلهفة عاشق الفصل الثاني 

روايه حقيقيه لشاب
#بعنوان_نقيض_بلهفة_عاشق_الحلقه_الثانيه_للكاتبه_shosheta..


للعبره..❤
قراءه ممتعه..

نا..وين بتشيلنا ي بوي
بوي..بنشيلكم ..هه 😏😈ل مرتي الثانيه اليوم فرحي ولازم امس و اتباركولها تبي اتشوفكم هي انتم وامكم

نحن😳😳😳😳😳😳😨😨😨😨😱😱😱😱

امي..💔😭😭🔥🔥

نا..ومن قالك نبو ام جديدا اهي امي قاعدا

بوي..جايبها لروحي مش لكم العروس نا

نا..عدي اجوز بروحك منبيهاش عروستك

بوي..يلا صكر فمك يلا بلش خبر فاضي. ساعه7 تقعدو واتيين اه اني قتلكم😡

نا..منش ماشي باهي بنقعد ف شارع

مسكني من دبشي بوي..
وتخزر في خزرته السماويه امتاعت الشر هذك..وقال منبش نعكر جوي
وبتجي مع امك غصبن عنك..
ولو جيت ولقيتك مش معاهم والله انوريك.. وطلقني بدفه لين وخرت وطحت...

خذا حجات وعدا..

ع الغدا. منصدمين مزلنا وكيف صار
بوقتها نحسوها عيب كلمه وليه ثانيه
الي هي زوجة اب نادر وين نسمعوها

امي تضحك ف اوجوهنا. واتقول هي تغدو الغداء واتي هي

قعدنا ناكلو وانبحتو ف امي وهي تكابر كانت متبش اتبين زعلها وتجامل ع سفره واتوكل فينا ب ايديها❤️

فترتها تعتبر ف حياتي اول صدمه كبيره خذيتها بعد ضرب بوي لامي

صدمه هي (الزوجه الثانيه)

تأثر منها وصار جواتي كره كبير
لبوي..نشوف فيه راجل سيئ مش زي ابهات ناس لخره💔

كنت بنهرب من حوش ونعدي نلعب بعيد عشان م نمشش معاهم
بس امي م خلتني وقالت لازم نسمعو الكلام..مهما كان هذي كلمة بوكم متثنوهاش.

وجانا ساعه 7 لقانا واتيين لابسين
وسيرته مزينه وهو عريس جديد باين..

باتي..كنك ماشيه هكي امشي حطي اللوان على وجك ماشيه لفرحي انتي
مش شايلك لجبانه نا طالعتلي هكي

امي نزلت دمعتها..
خشت دارت مكياج ع وجها وطلعت
ومشينا

مشيت ونا وهلي مغصوبين..
ونزلنا لحوش العرب دايرين الفرح قال خشو سلمو ع مرتي..

وفعلا خشينا وسلمنا وهي مش معدله العروس..

خش بوي ولبسها شبكه ودار تورته وخذا مرته وعدا..

ونحن كلملنا خوه روح بينا

مفهمتش القصد من لقطه الي دارها
وروحنا الحوش وامي خشت لدارها وطولت م طلعت..

عارف انها قاعدا تبكي بس تبش تطلع علينا

وعند العرب مبتسمه وراسها فيهم وف الارض.

ومن هالموضوع شهر بوي م شفناش..
ولما جا...قال ل امي ديري عشاء
جاي نا ومرتي بنتعشو وانعرفها عليكم من اقريب..

وهذا م صار جت عشاء.. وقعدوا لاخر الليل وهي ملصقه ف بوي

محد دورها ولا دور حتى باتي بس كرهناه ازياده من لقطه هذي

وفاتن الشهور..
وبديت سنه خامسه❤️
وخواتي يقرن كل وحدا شي

وحالنا ماشي

نا مع اصحابي ودراسه

وخالي مرا مرا يجينا والباقي ميجوش إلا ف المناسبات وهكي

هل بوي منحقوش فيهم ولا نمشولهم بكل هكي شبه قطعيه بين بعضهم ميعرفوش بعضهم الا ف القرش بس

مرت بوي الجديده كل جمعه عندنا
اتقول باقي عيلتها نحن😒

اتجي تاكل وتمشي

وبوي يبات عندها ويومي غادي ف شقه مأجرلها..

ميجيناش الا بعد كم يوم اشوي ويمشي..

والمصروف 65%..70% ع امي باتي مش مدورنا بالحيل..

بالاخص لما مرته ثانيه جابتلا عيل
غم علينا بكل قعد كل شي لثانيه وولدها

ودار اسبوع للعيل الجديد اتقول بكريه مش عنده 3 قبله

المهم..
نجحت ف سنه هذك ب تقدير كويس..

وخواتي نجحن حتى هن..
وسنه لخره
مرت بوي اطلقت.. وخذت ولدها معاها..بوي ميبش يصرف عليها

ع طول دور وليه غيرها

وجا قعدلنا فالحوش وكملها غير يفش ف غلا فينا ..

وكل مره يسأل ع وحدا بيجوزها..
وحصل وحدا اجوزها شهر وطلق..

واجوز بعدها وحدا ثانيه وجابها سكنت معانا ..

عطاها دار
وامي دار
ونا وبنات مع بعضنا..

وقعدت ع ذمته8اشهور..
ع دهوير واشراء واكل متنوع.. ولها بس..

يقول هذي لفلانه خلاص لها..
مستحيل انمدو ايدينا عليها
ولا انقولو نبو منها..

امي علمتنا الرضى والشبع
مستحيل نوقفوا على حد عشان نعمه

اتقول هي 《الخير من ربي والي م جاش من ربي توا ردبالك تطلبه من العبد》 ربي الرزاق❤️

امي هي مسؤوله عن طبيخ وحوش وهذك ع بوي ومرقده بس

حتى مع امي ميرقدش هو

جاب مرته عندنا لان معندش امكانيه يأجر لي الي فاتن..

وقعدت8 اشهور معانا وديمه ف ليل عرايك مع باتي هي..

مش عرايك +18..

لا اعياط وهزايب.. وتعطي فيه ع وجه وديمه تطلب منه وميجيبلهش حاجتها تنقلب عليه ف ليل
وهوا مستحيل ايتكلم معاها
يجي علينا نحن
(قادر علينا عشان محترمينا
اما ام لسان هذك مياخذش معاها كسره

مشت الفتره هذك واطلقت هي

بعدها معش اجوز بوي..
قعد مهدي اشوي هو.. من ناحية زواج

حاط راسه براس امي

ومشن سنتين.. والوضع كويس
لحد م جا يوم

كانو قاعدين ف الحوش من لاوره في زي السانيه الصغيره زارعه امي اشوي حجات وفيها خرده واجد
وحديد ولوح

وبوي قال لامي دوريلي عروس من الحومه هنا(من حواشين الجيران)
يبيها اصغيره وسمحه

نطت اختي وبدت تلاطع فيه ولحد امته المهزله هذي وامي تهزب وتضرب فيها وكل مره خاش علينا ب اوليه شكل وتوا تبيها اصغيره وسمحه

(بوي ميقبلش حد يلاطعا..واختي متحملتش كل مره يبي وايدير نفس الجو..

سكتها مبتش تسكت لان كلام اختي على حق وهوا باطل

لما قالتلا اصرف علينا كان افلوسك واجد وامضايقاتك.

وانت حارمنا من حجات واجد وتصرف ع روحك وع صبايا بس
وتعبت حتى امي معاك ب الجو هذا


بوي متحملش كلامها وناض فيها
شتايم وضرب وتهزيب وخذا
طرف حديدا من جنبه وضربها ع رجلها.
وع قولة محد دخلا بي افلوسي وحر فيهن وبنصرفهن ع روحي


وم حوتهن فكنها منه

نا حكوها لي لما روحت مش حاضر كنت

فش غلا ف اختي لان هوا دز ل اعربين مقبلوش بيه عشان هكي جا وقال لامي دوريلي

ونطت اختي وضربها..

ليلتها م رقدتش من ألم رجلها
وهي تبكي..

امي تحايل ع بوي تبيه يشيل
اختي للمستشفى مبش هو

ولما شفت رجلها كانت ألوان ألوان مبقعه بكل.
ومش متحملا حد يلمسها

حاولت ع قد م تقدر امي انها تخفف المها وياما قالت لبوي صكر راسه

قتلا تو انشيلها نا..
حلفلي لو طلعت بيها من وراه إلا يكون ذابحني..

معدلتش عليه وكنت بنراجيه يطلع يمشي..عشان نشيل اختي للمستوصف

مبش يطلع بكل وامي قالتلي تو نحكي معاه متكلمش انت

#بوي عارف حجم الشي الي دارا.
وخاف حد يسأل ولا يمسكو اختي منه وينحبس هو عشان هكي مبش

لان فترتها القانون مزال ماشي
واختي تفضح بيه عارفها..
مبش يشيلها

بعد ايام قعد يجيبلها ف ادويه تخفيف الورم والكدمات

وعجزت حتى ع الحركه اختي

بعد فتره طويله اشوي

حصل عروس هو..
وعروس (سامحوني ع كلمتي)
بنت حرام جديات ..وعندها رزق وخير مش عارف من وينلها
بنت شوارع لا اخلاق لا ادب

متجوزه ومطلقه وعندها عيل اصغير بكل.. وافقت ع بوي.. وحدد كل شي
معاها واتفقوا

وقتها
بوي كيف تحشم على وجه وبعد
حدد الفرح

صحلا يشيل اختي يعاينها
بس دكتور. للاسف قالا هذي تبي عمليه بدونها بنتك مستحيل تمشي مزبوط..ح تقعد اتجر ف رجلها جر

واصلا
كيف بنت دايره حادث ومش شاقي بيها لحد توا

(قال ان دايره حادث مقالش مضروبه)

ومش عارف كيف الكذبه مشت ع الدكتور

روح بيها وسيبها فالحوش

لما قالتله امي وسافر بيها البنت وديرلها عمليه متخليهاش
هذي بنت مش شاب ح اتعرقل بعدين

بوي..منش داير شي ..وافلوسي بنجيب بيهن لوازم العروس الجديده
معندش بالوسع بيش انديرلها

امي..من اولا بيهن لفلوس عملية بنتك ولا مرتك لخره

بوي..مرتي😏🔥.. لان معندهش حد
الا بنتك عندها انتي واعيالك اخدموها وخليها مطوحه ع لفراش..

جت بتكثر عليه الكلام طلع وسيبها

والمبلغ والله امي بروحه م تقدر عليه بروحها..مبلغ كبييييييير

الحصيل..

اختي صار عندها اعاقه ف رجلها

وبوي سيبنا وعدا اجوز الوليه الي لقاها..

طلعت
تبي ظل راجل ..الا هي مكفيه و اموفيه حوشها
مسيبه هلها وساكنه مع ولدها

امي جرت ع اسيادي (اسلوفاها
تبيهم يشقو ب اختي
محد عدل عليها

ومن هنا بدت الدنيا تلعب بينا
وكل مره تضرب فينا من جها💔

صرت بالمرحله الاعداديه.. نا..

وكفيت مشواري ف دراسه
وكلام واجد قالا دكتور ع اختي وقتها م فهمتش..

الكبيره تقرى.. وشاطره حتى هي
ونا.. نقرا

والوسطيه وقفت فتره وقررت بعدها تتعايش مع اصابتها ومحستش ف حد..

وصار جارنا ايشيل فيها مع بنته ونا معاهم وانحطها لعند باب جوا ونطلع

وف مرواحه نجي وناخذها..
وهكذا..

قرار اختي جا بعد شافت حال امي كل م لها صحتها لاوره وتنقص..
وديمه اتخمم ع اختي وحالها وتبكي قدامها..

اختي قررت اتشد حيلها عشان امي

وفاتن الشهوووووووووووور..
والحال ماشي..

بس صحة امي مش تمام..
وكل م لها ف نازل

لدرجة تتعب واطيح وتقعد ف لفراش ب الايام..

وبيها بكل اتكاابر ومتبش تعترف انها مريضه واتصبي اتقاوم

وبوي عليما دزينه عليه عشان امي مبش يجي...
وفوقها مرته متبيش يرد يخالطنا

نجحت ف اولا اعدادي وثانيه.
وخشيت شهاده اعداديه وكنت اول ب اول فيها..

وامي كل مالها اتغير علينا..
وكيف باديه تشكي من حجات معش
قدرت تسكت

تعبت علينا ف ليل..
وقتها كانت امتحانات نهائيه عندي
.شهاده.

طقينا ع جيرانا وسعفو امي ونا واختي معاها..

ودارو برنامجهم بالكامل..ديكاتره..
ثاني يوم نتائج..
وقاعدا ف عنايه..

دكتور ف ليل نذكره قعد يقول وين هل المريضه منبش اعيالها هلها وين

جيران قالو نحن جيرانها وكيف هلها
دكتور صكر راسه وقال كلمو هلها نبيهم..

ووقتها حتى 《السوريلات》 البولنديات..الي واهبات روحهن لشغل نذكرهن مزالن قاعدات..

المهم منشغلين ع امي نحن واتجي سوريلا
(ممرضه اجنبيه للي مش واعي عليهن )
اتجي هذي واتقوللنا
لازم اتروحو مش ضروري تقعدو
الرب يحفظ الام تعالو بكرا انتم..

وقعدت اطمن فينا وان هي ح ادير بالها عليها وهكي..

وم لقينا ارواحنا الا روحنا.. واقلوبنا عندها

ودزينا لخوالي..
وباتي واسيادي ان امي مريضه تعالو اقعدو جنبنا ودكتور طالبكم..

محد فيهم انفجع عليها وكلاه قلبه

ثاني يوم جا خالي الوسطي. وخالتي
وباتي وامرته معاه وعمتي اخته..

دكتور يراجي ف نتائج..دز عليهن..
ونا خلوني بعيد..
ميبونيش نسمع وخواتي فالحوش سيبتهن..

خشو لدار وطولو جوا.. وطلعو
عمتي بصوت عالي لا ماني خادمتها
عندها بنات بلغوهن.نا خايفه ع اعيالي منها

مرت بوي..حتى نا منخدمش ضرتي اهي اختها قاعدا تخدمها..

خالتي .وبوي هذك ماني جايتهم يركبني المرض ولا شي حاجه.. خالي
عليما مسك فيها وبيفهمها مبتش وصكرت راسها ..

بوي.راسه ف الارض وايديه وراه

نا..قربت منهم ومش عارف كنهم..

قلبي يدق حاس ان في شي خطير بس مزلت م عرفت شنو هوا

قربت شورهم.. كنكم..شننو قال دكتور وليش مخليتونيش نخش معاكم..

هم ايبحتو ف بعضهم..

نا..😟كنكم..شنو في..كنها امي

بوي...لاحولا ولا قوه إلا بالله..

مرته يدها ع صدره واطبطب عليه
متحرقش متحرقش مش اكويس ع صحتك

عمتي..محد يدزلي راني منبش انعاني حد.. هيا ي وليد (اخ باتي)
شيلني لحوشي لعيال برواحهم

واسلحبو وعدو..

خالي..ولع دخان وقال لخالتي تعالي نبيك اشوي..

خالتي...لامنش جايه الشي هذا مفش بصاره ونا انخاف ع ارويحتي..انقني ماني قاعدتلكم..وطلعت تجري..

خالي وباتي ومرته قدامي...

نا..احكو شنو في..

هم ايتبرموا مقدروش يقولوها..

نا..هااااا احكوو كنها امي


مرت بوي..😏حرفيا.. وبشماته حسيتها اتقول..
اسمع ي مهاب معندهم عليش زامطينها.هذي امك وانت وخواتك اولى ب امعاناتها..

نا..كيف..!!يعني شنو💔

هي..😏..وتو ارواحكم الدكتور قال روحو بيها..

نا..بس هي مريضه💔

مرت بوي..😏وعشان مريضه انتم بتعانوها برواحكم اصلا مش ح اطول هي ع حال هذا..

نا..قصدك بتصح ❤️ واترد اكويسه

هي..م الاخر امك فيها.................😏

نا..

🔥🔥🔥🔥🔥🔥

#يتبع
#shosheta..

ديمه النفوس المريضه هي الي تشمت بالمريض واتمنلاش الخير حتى ف ابسط حالاته..👍🏻

خلوكم منتبهين لشي ..
ديمه الحن والحب ديمه يكون من البراني اقوا من الي لك👌🏻

عمركم م اتسلموا للاقرباء وتعتمدو عليهم لو مهما كانو كويسين ..متراجوش خير منهم..

مهاب رغم وجود اقرباءه حوله
رغم ان حس بروحه وحيد قدامهم..
من لقطه الي داروها وتهربو من امه قدامه..

تتوقعو شنو السبب الي خلاهم ينفرو هكي..

وزوجت الاب.. ب الاسلوب هذاا
اتوقوا ح تصدم مهاب بشي.. ولا توصل لاخر لحظه وتغير رايها وكلامها معاه

والاب..هل من الممكن يكون حس ب كبر المأساه الي دارها للمسكينه هذي
الي وصلها للفراش وجابلها الزعل والنكد طول فترة هو معاها

هل براايكم ضمير الناس الي زي اب مهاب هل يوعيهم مرض ولا..........؟؟
نتلاقوا ف حلقه جايه وتفاصيل اكبر واعظم❤️🔥

تصبحوا على خير..
ولييلتكم..❤️❤️💙💙

google-playkhamsatmostaqltradent