رواية جرائم في منطقتي الحلقة السادسة 6 بقلم اسماء أشرف

 رواية جرائم في منطقتي الحلقة السادسة 6 بقلم اسماء أشرف

رواية جرائم في منطقتي الجزء السادس 

رواية جرائم في منطقتي البارت السادس 

رواية جرائم في منطقتي الحلقة السادسة 6 بقلم اسماء أشرف


رواية جرائم في منطقتي الفصل السادس

#جرائم_في_منطقتي 6

المريض:حول الشرشاف يلي فوق وجه..مافيش داعي لا لعمليه ولا شي😏دكتوره..وابتسام بخبث..دكتوره ريناد
ريناد:قربت منه وهي تحاول تشوف ملامح وجهه..وانصدمت لما شافته🔥
ريناد:بصدمه وقلبه يدق من شدة الصدمه والخوف..ااا ..ااص اصيل انت..انتتت اصيلل..حطت يدها ع فمها..لالالا مستحيل
خيري:باستغراب..اصيل!اصيل منوو؟ هذاالرئيس ي ريناد يلي قتلك في اي لحظه تشوفيه
ريناد:بتفكير بصوت عالي وهي تشوفله بصدمه...مستحيل..مستحيل تكون تشبهله لدرجه هذي..نفس العيون وشكل ولحيه وكل شي كل شي💔
خيري:ي نمر هذي ريناد يلي حكيتلك عليها
نمر(الرئيس وطبعاً اسم النمر مش اسمه الحقيقي):ابتسم بخبث..انتي ريناد عدا..ناض من مكانه..تعرفي ان انتي البنت الوحيده يلي معنا😏قرب منها..لا وحلوه اخر يلي يشوفك مستحيل يقول انك تشتغل في حاجات زي هذي
ريناد:كانت تشوفله بعيون مليانه دموع
نمر:كنت نحسبك اقوى من هكي عليش الدموع هذين
ريناد:خذت نفس وردت بقوه..اي انا ريناد وحضرتك رئيسي النمر..تشرفت بيك
نمر:عارفه معنى انك تشتغلي مع النمر؟؟يعني الغلطه بموتك ي حضرة الدكتوره
ريناد:بثقه..اي عارفه وانا قد اي شي انت تطلبه مني
نمر:عجبته شخصية ريناد..الوضح انك قويه عشان هكي خليني نحطك في عملية استلام سلاح بكرا وانتي يلي ح اتمي الامر
ريناد:قلبها طاح بس حاولت انها تكون عاديه..وانا جاهزه لاي عمليه
نمر: وهو يشوفلها بنضرات خبيثه..تمام ي شاطره
تقدري تطلعي
ريناد:وصلت لباب بس وقفها صوته المرعب
نمر:عارفه لو حد عرف انك شفتيني او حكيتي لاي حد شنو ح يصير فيك
ريناد:لتفتت شوره وردت بابتسامه..اي عارفه..وطلعت
نمر:شاف الخيري بغضب..تعرفلي من هو اصيل هذا..فاهم
خيري:بخوف.حاضر حاضر
نمر:هي طلعني من هنا
خيري:تمام حاضر
_________________________
نضال:في حركه غريبه اليومين هذين
شرطي:زي شنو؟
نضال:يمسح ع وجه..مش عارفه بس عندي احساس من جماعة النمر
شرطي:ممكن بس يكون ف علمك هو له مده ع استلام الحاجات الممنوعه كان عارف ان نحن نراقبو فيه وفي كل شي يخصه
نضال:بصرار..انا متاكد ان هو مافيش حد ح يجوبن ع سوال هذا الا شخص واحد بس
شرطي: كلم اصيل وشوفه مش هو يلي يعرفها
نضال:هزا راسه..خليني نتاكد بنفسي بعدين نكلمه
شرطي:المهم قبل مايفوت الوقت
نضال:بعزيمه..عارف لو المره هذي مسكنه وربي ميشوف ضي شمس اخر🔥
شرطي:شافله بوجع..اي اي ان شالله ونحن معك
نضال:يكلم..اسمع توه تاخذ معك كم عسكري وترقبولي المكان يلي ح ندزه لكم في رساله ولو لحظت اي شي مش تمام كلمني ع طول..وصكر
شرطي:احسن مادرت
نضال:هزا راسه وغمض عيونه يذاكر للاحداث يلي صارت معه سنه يلي فاتت💔
_____________________
انتصار:بفرح..ووووخ تعرفي قلبي اطمن لما نسيبه قالتلي هكي
تهاني:بصراحه لما كلمتيني بتلفون وحكيتيلي مقدرتش مانجيش ونسمع منك وانا نشوف في فرحتك
انتصار:ماتخيلتش ان مفعوله سريع لدرجه
تهاني:بخبث..انا قتلك خليك معي وانتي ح تكوني فرحانه
انتصار:باهي مفعوله امتى يكمل
تهاني:طول ما انتي تحطيلها الدواء هذا في الماكله مستحيل ينتهى مفعوله
انتصار:وح تكره القرايه صح؟
تهاني:اكثر ماتكره اي شي..وتوه تشوفي
انتصار:ولو اكتشفنا و
تهاني:لا مش ح ننكشفو ماتخفيش
انتصار:تمام باه
تهاني:هي وين حلوتي
انتصار:ضحكت..ماتنسي بكل انتي😂
تهاني:هذا حق الوليه يلي درت السحر
انتصار:طلعت من صدرها مبلغ..تفضلي وفوقهم بوسه اخر
تهاني:ولله هذا حق المراء اما البوسه يلي فوق المبلغ توه ناخذهن انا
انتصار:صحيحه😂
________________________
ياسمين:ناضت صباح لقت هاني مش قاعد..تنهدت بملل
خشت غسلت وك لعاده طلعت قعدت ع تلفون ونت
ع الواتس:-
اسكندار:صباح الغزال😉
ياسمين:شفت الرساله وماردتش
اسكندار:اول مره يعني تشوفي وماترديش
ياسمين:تقرا وماتردش
اسكندار:ياسمين ماتحرقليش دمي كنك ازح 😤
ياسمين:شي
اسكندار:لا في حاجه كنك هكي انتي؟
ياسمين:اسكندار بعدين نحكو..توه مش قادره نحكي معك
اسكندار:عليش عاد
ياسمين:صكرت نت
اسكندار:يشوف لاخر ظهور لها..انا ي ياسمين الكلبه اديري في هكي..لكن وربي تشوفي شكلك بديتي تملي مني
ياسمين:بارد معش تقبلته زي قبل..مش عارفه كيف قادر ياثر عليا بس💔
طق طق
ياسمين: اكيد شغاله..ناضت تفتح..ليش تاخرتي هك..اسكندار😳
اسكندار:بعيون شر..اسكندار ي روح امك..وصكر الباب براجله
ياسمين:كنك جيت افرض هاني جا توه شن نبي نقوله ها؟
اسكندار:ع اساس يهمك يعني ما من قبل ماكنتيش تخافي..شنو يلي تغير توه ها،؟؟
ياسمين:اسكندار حبيبي انا نحكي هكي عشانك بس
اسكندار:لا ماتخفيش نعرف كيف نصرف
ياسمين:هزات راسها بخوف
اسكندار:كنك تحكي معي بجفاف ع الواتس ي هانم
ياسمين:عشان كنت واعيه من النوم بس..معلش حبيبي اسفه🥺
اسكندار:اهمممم
ياسمين:خلاص عاد بلاش زعل..تعال وخذاته من يده..وقعدت جانبه ع صالون وهي تشوفله بحب❤️

في دقيقه قدرت تنسى انها امس راقدت ف حضن هاني من خوفها💔قدرت تنسى يلي داره فيها اسكندار قدرت تنسى كل شي كان الحرام عندها بدا حلال🔥
_____________________
سعيد:خلاص بنتي هذي اخر سنه لكي تحملي معلش واكيد لما تكملي قرايه ح ترتاحي
نسيبه:بدون اهتمام..ان شالله بابا
فاطمه:تحكي ببرأه..خاطري نكون اكبر دكتوره ف العالم كله ❤️
نسيبه:مسحت ع شعرها..اكيد حبيبتي ح تكوني حتى احسن مني💔
سعيد:ههههه حبيبة بوها طالعه شاطره الامها الله يرحمها
نسيبه:الله يرحمها..بابا نبي نمشي الريناد شوي اخر عادي
سعيد:بحزام..اي بنتي عادي بس ماطوليش
نسيبه:تمام حاضر..ناض سعيد خش يتفرج ع تلفزيون اما فاطمه تلعب
نسيبه:خشت تلبس وكل ماتشوف حاجات الجامعه كان شافت عفريت قدامها لدرجة خذات الاقلام والاوراق وكل شي وعزقتهن كل شي مافيش شي يدل ع انها هي تقرا
شعور كنت تحس بيه داخلها بس مش عارفه هو شنو او ليش هي تحس انها تكره القرايه💔بعد ماكنت تموت فيها عشان تحقق احلامها
نهت تفكيرها بشي واحد هو ان ممكن من ضغط القرايه والامتحانات السنه يلي فاتت كرهت القرايه الفتره هذي واكيد ح ترد تحبها لما تبدا السنه الجديده
خذات بعضها نسيبه وطلعت من لحوش لعند نسيبه عشان تحكي معها وتهون عليها❤️
_____________________________
كنت ساعه7 المغرب
ريناد كان لازم تروح لان انتهى موعد شغلها من ساعه4 بس قعدت 3ساعات تراجى في اصيل تحت فالجنان بس للاسف ماجش
خذات بعضها وروحت💔بس كنت مشغوله ع اصيل لان ولا مره قاللها توه نجي وماجش
ريناد:سلام عليكم
نجاة:عليكم سلام..خشي غيري وتعالي في دار نسيبه قاعده لها ساعه تراجى فيك
ريناد:بزعل..تمام باه
نجاة:خشت ع نسيبه..اهي جت ريناد تغير وتجيك
نسيبه:بابتسامه..تمام خالتي
ريناد:غيرت بسرعه وغسلت وجيتك..نقدرش نطول عليك😂
نسيبه:مصح وجك لي ساعه نراجى فيك وتقوليلي مانقدرش نطول عليك😒
ريناد:خلاص عاد وانتي عيونك الزعل
المهم شخبارك وشخبار عمي سعيد
نسيبه:تنهدت...تمام كويسين بس
ريناد:بس شنو..كنه وجك متغير انتي
نسيبه:بس انا مش تمام💔
ريناد:بخوف..كنك بسم الله شنو صاير معك نسيبه احكيلي
نسيبه:خذت نفس وبدات تحكيلها ع الحاله يلي هي وصلتلها وع شعورها بما تشوف الكتابات او اي شي يخص الدراسه
ريناد:باهي اهدي اهدي مادريش في روحك هكي
نسيبه:مسكتها العبره وصوتها مختوق..مش عارفه ليش صارلي هكي انا بروحي مستغربه من نفسي💔ماعنديش نيه للقرايه مش عارفه سنه الجايه شنو يبي يصير
ريناد:كل خير حبيبتي بعدين ممكن زي ماانتي قالتي ممكن بسبب انك كانتي تقري بجد وجهد
نسيبه:ان شالله يكون كلامك صح احكيلي انتي شخبارك مافيش اي جديد ف حياتك
ريناد😅لا مافيش اموري تمام
نسيبه:ان شالله امورك طيبه ع طول..وناضت
ريناد:ع وين
نسيبه:ع الحوش ع وين يعني😂
ريناد:باهي خليك شوي مزلت ماقعدت معك
نسيبه:مره اخر..وطلعت و وراها ريناد وصلتها لعند الباب و ودعتها وخشت وهي عقلها عند اصيل و نسيبه💔
_____________________________
اصيل:اليوم ع اساس نبي نمشيلها بس ماصرش بسبب ضغط شغل
نضال:ع العموم نحن تاكدنا ان في استلام سلاح بكرا واكيد هي كنت ح تقولك طالما كلمتك
اصيل:مش عارف لعند امتى البلاد يكون فيها اشكال وسخه زي نمر
نضال:عشان هكي نحن لازم نتحركو بسرعه.بس انا عندي طلب
اصيل:عقد حواجبه بمعنى شنو
نضال:ياريت تمشي توه الريناد وتاخذ منها المعلومات يلي عندها ولو ماتق
اصيل:ناض..تمام خلي نمشيلها توه عشان نلحق نكلمك ونقولك التفاصيل
نضال:اصيل لو المشور هذا فيه تعاب لك عادي قولي وتوه ندزلها اي حد من العناصر
اصيل:حاجه شور البلاد انا مانتخرش عليها مهم صار❤️
نضال:ونعم الوطنيه
اصيل:وطني❤️ابتسمله وطلع بسرعه لريناد
نضال:ياريت الدنيا كلها زيك ي اصيل
كنت البلاد ح تكون احسن بواجد💔
______________________________
ياسمين:ماتبيش تراقد ساعه12توه
هاني:عيونه ع تلفون..نكمل يلي ف يدي ونجيك
ياسمين:اها باه..وطلعت فوق وسيبته
هاني:قعد ممكن نص ساعه وهو ينهى في شغل ع تلفون ويحكي مع شركات...ناض حط تلفونه بتعب ع الطاوله يلي قدامه..وطلع للدروج بس ويطلع شاف شي اسود تحت الصالون
نزل بتعب وطبس خذه وطلع خاتم راجلي
هاني:مش خاتمي هذا..زعم خاتم منو
طلع فوق خش لقى ياسمين تبي تراقد
هاني:قاعد ع سرير..ياسمين نسالك
ياسمين:همممم
هاني:الخاتم هذا بتع من
ياسمين:خاتم شنو
هاني:بشوية عصبيه..صبي شوفيه
ياسمين:التفتت شوره وشافت للخاتم
هاني:ها بتع من
ياسمين:بتوتر..ممم مك..ممكننن بتعككك
هاني:بصوت حاد..ياسمين..ع اساس انا منعرفش حاجتي
ياسمين:صوتها هاربه خلاص ومعش عرفت ماتقول لان الخاتم هذا بتع اسكندار لما كان عندها اليوم🔥

أسمـــاء أشـــــرف🔥
🔥روايـــات أســــــــماء أشـــــــــرف

نجاة:هي خشو ارقدو عليش نايضين
اسيل:(اخت ريناد)...خلينا ي ماما شوي
نجاة:ساعه1 خلاص نوم
علي:(اخ ريناد)..صيف ي ماما خلينا
نجاة:وكان صيف يعني خلاص تسهرو خشو يلا قدمي
اسيل،علي:ناضو وهم يتبكو😭ولحقتهم نجاة تراقدهم
ريناد:ماما نبي نمشي ننشر البلطو بتعي
نجاة:تمام بس بسرعه
ريناد:ماما انا طالعه لسور ره مش لشارع🤦🏻‍♀️
نجاة:كلمه واحده
ريناد:باه..وطلعت ومعها البلطو
واقفت ريناد تنشر ف البلطو وهي تدتدن بصوت واطي..بس في لحظة كنت في يد ع فمها
ريناد:تحاول انها تنقذ روحها لين في الاخير عضت يده
اصيل:ماسك يده بوجع..اههههه ي بنت الهبله
ريناد:مزلت ماعرفتش ان هو اصيل...احسن تستاهل انت من وكيف تجراء انك تخش حوشنا😤
اصيل:بغضب..انا اصيل ي حماره
ريناد:بصدمه..اصيل😨عليش جايت شنو صار
اصيل:مش انتي كلمتيني وقتلك توه نجي اليوم
ريناد:اها صح بس قالت توه تجيني في المستشفى بس انت ماجيتش
اصيل:اولاً امشي حطي ع شعرك وشاح وتعالي نقولك وتقوليلي
ريناد:اذكرت انها طالعه بدون وشاح مشت تجري للحبل وخذت وشاح وعبايه ولبستهن
ريناد:بحشم..احمم هي اصيل تفضل قول
اصيل:طبعاً بكرا في استلام سلاح
ريناد:اي صح وانا يلي ح نشرف ونستلام
اصيل:بصدمه..شنو
ريناد:اي واليوم شفت الرئيس وهو يلي قالي نتي استلامي
اصيل:تمام بكل..ونا وشرطه ح نكون معك ماتخفيش
ريناد:تنهدت..ان شالله خير
اصيل:نبي نمشي توه عينك من روحك
ريناد:هزات راسها..اما اصيل رد نط من السور زي ماخش
_____________________________
نوران:مش غريبه
انتصار:وشنو الغريب..بنت خوي وديرلتها عشا بكرا ونبي نمشي نعطي لها
نوران:عشان انتي عمرك مادرتي هكي ماما ومابتحبش تودي حد حتى لو خوك
انتصار:بعصبيه..عارفه نسمعك اتقولي الكلام هذا مره اخر يويلك
نوران:بصوت عالي..اصلاً انتو هكي يلي يقول كلام الحق تزعلو منه وتقعدو تهزبو
انتصار:بكرا مافيش ماشي العيت خالك وانتي خليك هنا هي
نوران:احسن مل فك
انتصار:قليلة ادب خزي..وطلعت من دار
فرج:(راجلها)..كنه صوتك عالي انتي وبنتك
انتصار:لا شي ماتشغلش بالك
فرج:انا مش عارف البنت هذي طالعه المن بس..لا في حوش نافعه ولا في جامعه نافعه ماعندش احترام للكبير ولا اخلاق ولا شي وكله من دلعك فيها
انتصار:انا
فرج:اي انتي ومانبيش نسمع منك صوت واحد
انتصار:سكتت وداخلها نار🔥
________________________________
اصيل:يلبس في تشرت..اي زي ماقتلك بضبط
نضال:تمام بكل بكرا من ساعه6 ح نكونو ف الموقع
اصيل:تمام وانا اكيد ح نكون معكم
نضال:تم اصيل..سلام
اصيل:صكر التلفون وتلفت الامه
ندى:وين ماشي اصيل بكرا
اصيل:الشغل وين يعني
ندى:ان شالله يكون كلامك صح بس
اصيل:وانا من امتى نكذب عليك
ندى:اخخخ انسى..كلمك خوك؟
اصيل:لالا معش كلمني بعد اخر مره
ندى:قلبي وكلني عليه💔امتى بس يرد لنا
اصيل:ببصاره عشان يخفف عليها ..وانا مش مالي عليك حياتك ولا كيف
ندى:انت كل حياتي❤️ربي يحميك الشبابك
اصيل:ويخليك لي..جدي وين
ندى:راقد من امبدري..قعد يراجى فيك بس انت ك العاده طولت
اصيل:باس راس امه..معلش بكرا اكيد ح نشوفه
ندى:خليني نسيبك ترتاح
اصيل:ابتسملها وهي طالعه❤️ويدعي الربه ان يرد خوهم قريب
_________________________

لما تشوفي حد عنده غيره بلادك تاكدي ان فيها رجال🔥فيها رجال يخافو عليها ويحموها ويحمو عرضها
فيها رجال تخاف ع ارضها وشرفها وتدافع عمرها عشان تكون احسن🔥
فيها رجال تخاف ع عرض وشرف بناتها فيها رجال ادير الخير ومادورش وين مشه
فيها رجال وطنيه وتحب بلادها بجد❤️

لما اديري شي او تضحي بشي عشان بلادك تكون بخير وتسلم من يد كل فاسد💔انتي هكي لك اجر عند ربي غير انك ح تحسي انك درتي شي عظيم وكبير البلاد يلي انولدتي فيها وعشتي فيها وشربتي وكليتي منها ومن ثمارها❤️

لما تسهري ليالي وتتعبي وتقري عشان تكوني دكتوره تفيدي بيها ناس بلادك❤️وتعالجي ناس وتقدري ظروفهم وتهوني عليهم مرضهم هكي انتي اديري في خير كبير واجر عند ربك لما تنقذي حياة انسان كان بين الموت والحياه❤️

كل حد فينا عنده غيره ع بلاده وحب كبيره لها مهم كان يصير فيها او مهم سمعتي عليها ح تقعدي تحبيها لاخر يوم ف عمرك❤️لان باختصار هي بلادك وانتي بنتها❤️🔥

أسمـــاء أشـــــرف🔥
🔥روايـــات أســــــــماء أشـــــــــرف

جا الصباح🌥

هاني:حبيبتي تعالي افطري يلا
ياسمين:طلعت من الكوجينه ومعها الشاهي
هاني:وين خاتم اسكندار عشان نعطي له بالمره
ياسمين:حطته ع طاوله وبدون ولا صوت
هاني:مش غريبه الخاتم يكون قاعد من اول ما اسكندارجانا لما سفرنا مع بعضنا لعند اليوم..مش المفروض كان الشغاله تاخذه وتسرقه عارفه توه يجيلها كم..500جنيه
ياسمين: اكيد عشان هي امينه😅
هاني:انشك ان في حد امين ومش خاين ف الزمان هذا بصراحه..ع العموم حصل خير
ياسمين:قعدت تاكل بخوف ودقاتها قلبها عاليات
هاني:الحمدلله..تبي شي حبيبي
ياسمين:اي مرات نمشي الهلي اليوم وبعدها نطلع ع ريناد
هاني:تمام خلي سواق ياخذ معه حاجات الهلك
ياسمين:هزات راسها
هاني:قرب باسها وطلع
ياسمين:تنهدت براحه..حي عليا لو كان عارف ولا حس وربي الا لما يقتلني ويقتل اسكندار💔
لازم الفتره هذي نبعد عن اسكندار شوي لين الوضع يستقر
_____________________
خيري:منعم انت ح تطلع مع ريناد وانت ي مختار ح تكون موجود ف المخزن عشان تستلام السلاح لما يوصل
منعم:تمام..هي ريناد معي مافيش وقت
ريناد:تمام هي
مختار:انا خليني نمشيي للخزن ونراجهم غادي سلام
خيري:تمام واول ماتوصل الشحنه كلمني
مختار:تم.وطلع
خيري:لو الشحنه هذي وصلت ع خير ح يطلعنا منها فلوس اكثر من عدد حالات كورونا حول العالم هههههههه😈

وصلو ريناد ومنعم بعد 4ساعات في طريق خشو في مكان شبه مهجور ومافيش حد ويخوف🔥
منعم:ساعه 9 توه مزل ساعه ويجوه
ريناد:انتو عادة تستلمو وتسلمو ف المكان هذا؟
منعم:اي لان المكان هذا مايخطرش ع بال حد
ريناد:اها..باهي ديما تاخذو في سلاح من نفس الراجل ولا لا
منعم:لا النمر يحب ينوع
ريناد:اي وشنو اخر
منعم:شنو يلي شنو
ريناد:احكيلي ع شغلكم وهكي يعني
منعم: ح نحكيلك لعند ماتجي الشحنه
ريناد:تمام
منعم:بدا يحكيلها وريناد فرحانه انها تاخذ في معلومات بدون مايحس
__________________________
ندى:طلع من صباح مش عارفه كنه له فتره متغير
راسل:(جد اصيل)..خليه يشوف شغله سيبيه هو توه في احلى مرحله ف حياته
ندى:انا خايفه عليها وخايفه يجي في يوم من الايام ويقولي نبي نسافر زي خوه💔
راسل:لا ماتخفيش اصيل غير خوه مستحيل يدايرها متربي ع يدي هو
ندى:يارب خليك معه و وفقه ونشوفه عريس قريب
راسل:ان شالله ان شالله انا متاكد ان ح يكون حاجه كبيره ف المستقبل❤️
_______________________
اسكندار:بخوف..وين لقيته
هاني:بطيبه..لقيته ي سيدي تحت الصالون في حوشي
اسكندار:اها شكرا هاني الخاتم هذا نحبه عشان خاطر لونه
هاني:وطالما تحبه ليش ماسالتش عليه..تي ي راجل انت مضيعه من اول ماكنت عندنا لما سافرنا مع بعضنا
اسكندار:فهم ان ياسمين قالتله هكي..اها اي بس نسالك كيف عرفتو ان الخاتم هذا بتعي ما مرات يكون بتع اي حد ثاني
هاني:ماهو ي هبل مافيش راجل ثاني خش ولا بيخش حوشي غيرك😂
اسكندار:اي صح..ع العموم شكراً مره ثانيه هاني
هاني:ولو نحن هل
اسكندار:ابتسمله وناض طلع
اسكندار:تنهد...الحمدلله عدت ع خير..خلي نمشي نكلم يا سمين نفهم منها اكثر
__________________________
منعم:شكلهم وصلو خليك انتي هنا وانا ح نمشي نداخل الشحنه
ريناد:تمام
منعم:طلع وريناد قعدت تراجى فيه دقيقه عدت وتسمع في حد ينادي بي اسمها
اصيل:ريناد ريناد
ريناد:بصدمه..اصيل كيف خشيت😳
اصيل:انا قعد هنا في المنطقه من 3ساعات ولما شفت توه منعم طلع خشيتلك عشان نطمن عليك
ريناد:ابتسامة..لا ماتخفش عليا الامور تمام..حتى اني خذيت منها معلومات ح تفيدكم
اصيل:تمام خلي بالك من نفسك انا برا والشرطه ف كل مكان ماتخفيش
ريناد:ضحكت بحب
اصيل:شكلها الشحنه تبي تخش خليني نطلع وره في كاميرات تسجل في كل شي صوت وصوره عشان الادلائل
ريناد:تمام..لتفتت وراها ولقت الشحنه تخش وقدامها منعم
بدو ناس تنزل وينقلو وريناد تعد في الكميه وتتاكد من كل شي بنفسها زي ما قللها النمر..اما منعم كان يداير في شي من ورا ريناد بس طبعاً الكاميرات صورته🔥
______________________
مجهول:بخوف..ي رئيس عرفنا من هو اصيل يلي انت تحكي عليه
نمر:بجمود وقوه...وانا نبي نشحت منك الكلام هي قول
مجهول:حط الملف قدامه..يفضل انك تقرا الملف هذا بنفسك
نمر:وجك اطلع يلا
مجهول:طلع بخوف كبير لان النمر فعلاً اسم ع مسمى
نمر:فتح الملف وبدا يقرا ف المعلومات قبل
واخر شي قرا الاسم وهنا كنت صدمتته
نمر: بصدمه كبيره...اصيل راسل نيروز..معقوله يكون هو ولا تشابه اسماء مش اكثر😳..يتبع

شنو علاقة نمر بي اصيل؟
منعم لشنو يخطط وشنو دار؟
نسيبه الكره يلي تحس بيه شور القرايه ح ينتهى ولا!
ياسمين:ايش ح داير في الايام الجايه وهل فعلاً ح تقدر تبعد عن اسكندار؟🔥


لقراءة باقي حلقات الرواية : اضغط هنا 
google-playkhamsatmostaqltradent