رواية هروب ما بعد اغتصاب الحلقة السابعة 7 بقلم ميرو أحمد

 رواية هروب ما بعد اغتصاب الحلقة السابعة 7 بقلم ميرو أحمد

رواية هروب ما بعد اغتصاب الجزء السابع 

رواية هروب ما بعد اغتصاب البارت السابع

رواية هروب ما بعد اغتصاب الحلقة السابعة 7 بقلم ميرو أحمد


رواية هروب ما بعد اغتصاب الفصل السابع

#هروب_مابعد_اغتصاب

#الـــحـلـقـه_الـســابــعــه


الــكـاتــبــه مـــيـــروو احـــمــد


"«قـــراءة مــمــتـــعــةة»"


انا بعصبيه: ايه الف مره قتلك ما نبي شي خطيني مش طالعه

مسعود: بس انا مش ايه

انا انصعقت من الصوت حسيت جسمي يرجف من صوته ليش قلبي دق بعد سمعت صوته

مسعود: كنك ماتبي تطلعي

انا: شوري مانبيش نطلع مادخلكش

مسعود:ليش هذا كله علي خاطر شنو

انا لفيت وجهي بالبطانيه: ماهو علي خاطر شي خلوني نرقد مصر انت واختك تزعجوني انت امشي كلم حبيبت القلب اكيد طمنتها عليك

مسعود انصدم ورفع البطانيه من عليا

مسعود : شن اتخرفي انتي

انا امغمضه اعيوني: ماجبت الكلام من راسي بالله عليك ماخطريش نتعارك امعاك اطلع خليني ابروحي

مسعود مش فاهم شي من كلامي وعلي شنو نقصد

مسعود:كلام شنو

انا ساكته مش طايقه نسمع صوته ولا انشوف مانعرفش عليش هكي

مسعود رقيله مني: ريناد لاخر امره نسالك كنك

انا:لو سمحت نبي نرقد اطلع

مسعود عصب عيط عليا: بتحكي النم خيرك 😡😡😡 ماتختبريش صبري 😤😤

انا خفت من صوته زدت غمضت اعيوني خايفه منه

انا: ماتعيطش عليا لو سمحت

مسعود 😡😡: ريييناد

انا فتحت اعيوني كن امصبي اقريب مني قعمزت

انا عيطت عليه: قتلك تاعبه نبي نرقد خيركم ماتبوش اتصدقو

مسعود امسكر علي اسنونه: صوتك نقصيه بعد انكلمك حسك مايعلا عليا فاهمه

انا: شنو انت حلال اتعيط ع الناس وماتبيش حد ايعيط عليك

مسعود مسح ايده علي وجه بغضب: ريناد راهي واصلتي هنا منك تكلمي النم خيرك لو علي روان نعرف شن حكت امعاك بس مايستحقش كل هذا الباين موضوع تاني احكي احسن

انا 🥺🥺:ان شاء الله تنحرق انت و روان شن دخلني فيكم

مسعود 😡😡😡:لي اخر مره نسالك وربي ماتجوبيش تحملي عصبيتي وجهي التاني

انا ضحكت بوجع 💔 : يعني انهمك لدرجة تبي تعرف شن صارلي

مسعود فنص اعيونه فيا بمعنى احكي

انا جبدت البطانيه ووخشيت تخت منها: بري شوف رسائل تليفونك تفهم

مسعود استغراب ؟ شن في تليفونه وليش زاعج ريناد

طلع تليفونه بسرعه فتحته وخش لي الرسائل

القي رساله من الرقم الي قرتها ريناد تعصب طول عرف صاحب الرقم 😤😤😡😡😡😤 كان خاطره يطلع ويجبد روان من شعرها ويعجنها لانها بجد زودتها 😡😡😤

سكر تليفونه بعصبيه

مسعود:وانتي عليش ضاربتلي الحزن في شنو انهمك انحب ولا ننحرق في شنو امضايقك

انا بنفاد صبر 🥺😢: اطلع برا 💔

مسعود:مش بكيفك هو تفهمي غلط واتجي اتنكدي علي امي 😡😡

انا:مافمتش غلط واضحه الرساله

مسعود: به شن واجعك ولا حتي انتي طلعتي اتحبيبني

انا سمعت جملته زادو دقات قلبي اكثر ❤️

انا: مافيش منه الكلام لا انحبك ولا تعنيلي شي

مسعود:وشن تفسير حركاتك والزعل امتاعك وحرق الاعصاب شن معنى

انا رفعت راسي: اخاف الإقتراب منك ولا استطيع الإبتعاد عنك ؟ فا اخبرني اى الوجعين اخف ؟

مسعود مافهم 🤔: شن قصدك

انا بنبره حزينه:ولاشي انسى

مسعود: شن معنى كلامك اخاف الاقتراب منك ولا استطع الابتعاد عنك فهميني النم شن معنى

انا شفت اعيونه 🥺😢: ولا شي القصه انه حبيت اهتمامك ليا وتعودت عليك خايفه تبعدك عني حبيبتك ولا تتغير عني

مسعود قرن حواجبه ايحاول يستوعب: هو انا امتى اهتميت فيك لعند تتعودي عليا ومن هي حبيبتي اصلا؟ كنك اتقولي في كلام حتي المجنون مايقوله

انا 💔: انت ممكن مش حاس اهتمامك شي عادي بس انا حسيت بي اهتمامك فيا وطريقة معملتك امعايا غير عن الناس كلها هكي تعودت علي اهتمام بالخص بحالتي وضعي هذا

مسعود: كنهم حالتك وضعك

انا دمعو اعيوني: بنت فقدت امها من هي طفله عاشت امعا مرت بوها في وسط عذاب بعد كبرت فقدت حتي بوها فقدت حياتها وكل شي حلو مشي امع اهلها وحيده في هل الدنيا مافيش حد امعاها بس لقيت خو الي يحميها 💔 ويعطيها الامان ومهتم بيها وايحسس فيها انها عندها جبل بعد تضايق او تنكسر 😭😭تقدر تنسند علي الجبل هذا وتبي ديما يبقا امعاها

مسعود ثأتر بكلامها كان مسعود نقطة ضعفه هي ريناد بعد تحكي علي اهلها وانها فقدتهم مايتحملش ايشوفها هكي

مسعود نزل علي مستوايا وقعمز ويمسحلي في ادموعي

كانت تاني مره مسعود يمسحلي ادموعي 💔

مسعود: اششش خلاص وربي مش مستاهل الموضوع ولا اتنزلي ادموعك عشانه وانا قاعد امعاك مستحيل نتغير عليك

انا نبكي: عارفه بتتغير وبتهتم بحبيبتك واتخليني

مسعود ضحك: هو كان في حبيبه اصلا

انا: نعرف اتقول هكي عشان تبيني نسكت

مسعود: والله العظيم مافيش منه الكلام ولا عندي حبيبه لا طبيبه كلام كله كذب

انا: به شن منعى بعتتلك حبيبي بعد توصل طمني عليك

مسعود: كله من الكلبه ر استغفرالله وخلاص

انا: مني باهي

مسعود:فوتي مش مهم

انا: ريت هذا الكلام الي نحكي عنه

مسعود: تبي تعرفي

انا هزيت راسي

مسعود: نوضي صحصحي واغسلي وجهك رايح كله احمر من البكي ومنتفخ

انا 😢😭😭💔:وجعني كلام روان ليش ديما اضايق فيا

مسعود: احسابها امعايا هذي زودتها بكل 😡😡

انا: اتحسس فيا كاني مش حاسه باهلي ولا ايهموني تقول اني قاتلهم مافيش حد حاس بي احساسي غير الي امجرب فقد الاهل مافيش حد بيحسهم زي انا الي فقدتهم انا الي محتاجتلهم اكثر وقت نبيهم جنبي بس كله قضاء ربي بنعاند ربي انقوله ليش خديتهم مني ولا انقوله رجعهم عشان الناس اتبطل تجرحني ولا شنو بزبط قدر الله وماشاء فعل راضيه بحكم ربي (مايصيبكم الا ماكتب الله لكم) وهذا اختبار من ربي وانا مؤمنه بربي بي الي كتبه ليا ليش الناس مصره تجرحني وتظلمني

مسعود وجعه كلامي: معاش اتخلي حد ايأثر فيك بكلامه خليك ديما قويه

انا: 😢 كل مره نفقد قوتي اكثر معاش عندي طاقه ليهم

مسعود: وانا امعاك معاش حد يقدر يجرحك بكلمه

انا دمعو اعيوني انشوفله في نضرات مش مفهومه ليش يقدر اياثر فيا هكي بكلامه وايخليني نتعلق فيه اكثر


مسعود: اهم شي انتي عارفه ربي يختبر فيك وفي مدى تحملك في الحياه والضروف الصعبه بس صدقيني حايعوضك بكل شي اخسرتيه وايفرحك

انا مسحت ادموعي: ممكن ربي عوضني فيك بعتك ليا عشان اطلعني من الي فيه انا 💔

مسعود ابتسم: ممكن ليش لا 😂 توا نوضي قدامي اغسلي وجهك واطلعي كولي سلم بنتي توا اطحيلنا هنا 😂

انا دمعو اعيوني ليا حسيت كانه بابا قالها ليا: زمان مااسمعت كلمة بنتي من توفى بابا

مسعود حس كانه قال حاجه غلط وجرح ريناد

مسعود:اسف مش قصدي اندكرك بي بوك

انا:ممكن طلب 🥺🥺😢

مسعود: شنو

انا:انك اتنادني بنتي مره تانيه 💔💔😢 لانه والله حسيت كانه بابا قالها ليا كانه موجود امعايا عادي اتكونلي الاب والام والاخ والاخت وكل شي فحياتي نبيك ديما امعايا مانبيش نفقدك زيهم

مسعود انصعق من كلامها وحس بيها قداش موجوعه💔مسعود💔: حاضر زي ماتبي من اليوم انا بوك وخوك وامك واختك انتي خلاص بطلي ابكا قتلتي روحك

انا: توعدني

مسعود:بشنو

انا: مهما صار ومهما اسمعت مهما صارو بينا مشاكل ما اتخليني ابروحي ماطيحنيش في النار تاني انا مديت ايدي وتقت فيك وخليتك سندي مهما ايصير ماترخيش ايدي وتحرقني بي النار

مسعود: وعد ريناد كنك اليوم

انا: بنتك مش ريناد

مسعود ضحك علي جنب: انصحوحها 😂😂 بنتي كنك اليوم في شنو اتحسي

انا ابتسمت: جيعانه بكل لعند بديت نخرط في الكلام

مسعود: هيا نوضي امعايا

انا :به

صبيت امع مسعود وطلعنا


مانكدبش عليكم كنت حاسه بشعور حلوه والسعاده غمرتني بعد انكون امع مسعود انحس كل اهمومي تمشي بعد ايكون امعايا ممكن اتقولو خفيفه ممكن اتقولو استغلاليه بس مافيش حد فيكم بيفهمني انا زي العصفور الي انكسرو اجناحه وطاح في وسط غابه مليانه حيوانات مفترسه يبو ياكلو هل العصفور الضعيف بس لقيت الشخص الي طلعها من هل الغابه واهتم بيها و دواها تعودت عليه حبت اهتمامه وتعلقت فيه لانه هو الوحيد الي وقف امعاها لقت فيه الاهتمام والحنان الي فقدهم باخص في وضعها الي في حاليا فاماتلومني لو صدر مني اكثر من هكي اتجاه مسعود لانه انشوف فيه المنقد والبطل في حياتي ❤️


مسعود

كنت حاس انه تعلقها فيا في وره شي كانت كل يوم اتماده وتسلل في حياتي اكثر بس ليش معامتلي امعاها غير الناس ليش انخلي فيها تتقرب مني مانقدرش انقوللها لا ليش ما انعاملها زي روان وغيرها حتي اختي ماعاملتها هكي ديما واعر امعاها ليش هي بس مانرفضلها طلب ليش نضعف قدامها كل قوتي وعصبيتي تختفي قدامها ليش نضايق بعد انشوفها تبكي ولا زعلانه حاس بشعور تاني بس متاكد منه مش حب ممكن تعطفت امعاها لا اكثر ولا اقل 💔

طاحت عينه عليها وهي تشرب في العصير وتاكل

ابتسملها

انا ابتسمتله وكملت نشرب في العصير


خالي محمد: باهي الي طلعتي يابنتي والله عقلي مشغول عليك من امبدري

انا: ماتشغل بالك خالو الله تعب الطريق وانت تعرفني ماعنديش روح امع النوم ضروري انكمل نومتي لعند ايطيب خاطري منه 😂😂😂

خالي محمد: مش اكويس نوم الواجد

انا : ههه عادي

اسيل: بعد اتزوجي تاني يوم ايطلقك راجلك عشان ترقدي واجد وبايره 😂😂😂

مؤيد: 😂😂😂 اي صح بايره وماتعرفش اطيب

مبروكه: عادي توا اتعلم التطيب

تهاني: قصدك ماتعرفيش الطيبي يا ريناد

انا :اي مانعرفش واجد حاجات معينه بس نعرفهم

روان ضحكت: بايره الله ايعين الي بياخدك بيموت من الجوع

مسعود: والله هي تربت علي الخدم والعز والحشم والي تطلبها اتجيها وكان علي راجلها مش حاتاخد راجل الا اموفرلها كل وسائل الرحه واهم شي يسعدها وعلي قول امي توا تتعمل امع امي كيف اطيب قالو الجمل مايشوف عوج ارقبته علي اساس انتي تعرفي تقلي دحيتين علي بعضهم هي فيها الخير تعرف 😏😏😏

ايه 😍: اووووووه قصف قوي يا سعوودي اقووه عليهم

انا ابتسمت علي كلام مسعود كيف دافع عليا ❤️

اسيل: 😂😂😂 مش غير

روان بتموت من داخل محروقه تكلمت بحقد

روان: والله حتي انا تربيت ع العز مانقصتني حاجه

مسعود: اما عز تربيتي فيه خليها ع المكشوف خير

انتي تربيتي علي الحقد والنقص وقلة اصل

وليد: هي مسعود راك تغلط واجد

مسعود اتكا ع الكرسي: والله ماغالط لو صح متربيه وبنت ناس ماكانت تغلط في ريناد واتسمعها كلام وتجرحها

روان صفرت وخضرت امع بعضها 😨😨

الكل مصدوم ويسمع في مسعود

خالي محمد: شن دارت لي ريناد

مسعود: نفس الدسكه الاوله وكلامها المره الاوله سكتلك ومشيتها والمره التانيه انحدرك فيه المره الثالثه مانضمنش رقبتك تقعد علي جسمك

وصبا من الطاوله والتفت علي وليد الي فاتح فمه مش فاهم شي

مسعود: وانت الي امدايرلي فيها راجل وكلام فاضي لم اختك احسن من اتهز في راسك وتتفرج

خالي محمد: انا شن قتلك يامبروكه علي ريناد

مبروكه: والله انا كلمتها تهاني اتشد بنتها عن روان

انا: خلاص ماتكبروها عادي مشت علي حالها

مسعود: كيف مشت علي حالها وهي كل ما اتشوفك تحذفلك في الكلام وتجرحك وانجي نلقاك تبكي منها

انا خفت اتصير مشكله: عادي يامسعود ماتكبرها هي غلط صح بس مش مستحق اتدير مشكله توا

مسعود : نوضي يا ايه وريناد قدامي

صبيت انا و ايه من الخواف مشينا امعاه تبعدنا عنهم

قعدنا نمشو احني ساكتين


خالي محمد: تهاني وليد شدوم روان المره هذي مسعود تكلم بدالي وانا مزلت محترمكم علي خاطر اعيون مبروكه بس اما ريناد خطر احمر والي يغلط فيها يعني غلط فيا ماتخلو العشره الي بينا تنتهي بسبب تافه واطياش بنتكم

جمال خو مبروكه: حقك علينا يامحمد واسفين ان شاء الله مش حاتعاود مره تانيه

تهاني ام روان: يرزيني فيك ياروان من شوم جبتك ماريت الخير ياريتني اعقمت ولاجبتك حشمتيني قدام الناس

روان ناضت تبكي

خالي علي: حرام البنت يتيمه وهي ديما تجرح فيها

مؤيد بحقد: حقيره اشبح شن قتلها تاني

وليد:اني ساكتلك انت وخوك من امبدري تغلطو في اختي هو كلام صبايا شن دخلكم فيه

خالي محمد:اكيد انتم امعها يابنات شن قالت

اسيل: ريناد اول ماروحنا قالت بترقد شدينا فيها نحنا عشان تمشي امعانا للبحر وانعومو روان قالت خلوها بلكي مدكره بوها ولا امها امرايفتلهم لانه اتشوف في الكل امع اهلهم

العيله انصدمو من كلامها

مؤيد: شفت كلام اختك الحقيره حتي ربي ما يرضا بكلامها

خالي محمد وجعه الكلام: " فما اليتيم فلا تقهر "

إذا كانت دموعه تهز عرش الرحمن فما بالك بوجعه وأنين قلبه

النبى صلى الله عليه وسلم قال :"إنّ اليتيم إذا بكى اهتز لبكائه عرش الرحمن، فيقول الله سبحانه لملائكته: يا ملائكتي! من أبكى هذا اليتيم الذى غيّب أباه فى التراب؟ فتقول الملائكة: ربنا أنت أعلم، فيقول الله: يا ملائكتي! فإنى أشهدكم أن لمن أسكته وأرضاه أن أرضيه يوم القيامة..""

وحرام الي ادير فيه بنتكم في البنت المسكينه احني ربي وصانا في اليتيم انحاولو نسعدوه وانعوضوه مش نجرحو وانبكوه لو كان انتم راضين بالكلام هذا وبنتكم تغلط في بنتي مانسمحلكم وناض من الطاوله متعب وخلاهم

اما الكل الي امقعمز ع الطاوله امنزل راسه في الي متحشم من عملة روان في الي واجعته ريناد

تشتتو كل الي قاعد ع الطاوله


مؤيد: زعما وين مشو هذوم

خالي علي:مش عارف

مؤيد: والله عجبني مسعود كيف ايدافع علي ريناد

خالي علي ضحك: والله خوك طاح طيحه اجعنه طيحة كل حبيب

مؤيد:ماتقولاش

خالي علي ابتسم: نفس الي في عقلك بزبط واضع عليه من اعيونه واليوم كيف خداها امعا في سيارته وكيف دافع توا عليها مش من فراغ كلنا شفنا مسعود كيف تغير في اخر فتره

مؤيد: اي صح حتي انا املاحظ عرف يختار والله ريناد تستاهل تبي واحد زي مسعود يحميها وايدافع عنها

خالي علي: اي صح ❤️

مؤيد: توا انشوفو نهايتها خلي نلقوهم قبل

خالي علي:معاش اتخلوها امع الي ايقولها روان مرزن دمها الزفت

مؤيد: 😂😂😂 خلاص توا خش فيها مسعود وفيها قطع ارقابي معاش تقدر تقربها وربي حتي انا خفت من تهديده

خالي علي: 😂😂😂 ومن الحب ماقتل 😂😂 خوك خاش ع الحب بجميع انواع الاسلاحه الي يقرب ريناد يشهد علي عمره من قبل واعر وايدره الكبد توا بيبدا اطروحه

مؤيد يضحك: 😂😂😂 مش غير

تي كنها هديك ايه صح

خ علي ركز: اي صح هي


بعد طلعنا من جنبهم مسينا مسافه بعيده عنهم انا و ايه ماسكات ايدين بعضنا وخايفن من ردة فعل مسعود الي واضح عليه متعصب وراقيله


انا: باهي افرد وجهك اشويا تخلع في الناس

مسعود: امشي وانتي ساكته

انا: باهي ليش راقتلك حقي وخدته كنك امزودها عن الزوم

ايه تنخص فيا من الجنب وتهمز: اسس اسكتي يافرخه

مسعود: لا مش امزودها لانها هي الي بعتت الرساله بعد كان عندك تليفوني

انا انصدمت: كيف

ايه سكتت عرفت انه روان دايره فالطه

مسعود: شنو الي كيف زي ما اسمعتي

انا: قصدي ليش تبعتها الرساله

مسعود ولع طرف دخان وحطه في فمه

مسعود: القصه كلها انها هي اتحبني

انا 🥺: وانت اتحبها

مسعود نفخ الدخان: لو انحبها ماهزبتها قدام الكل

انا تنفست براحه: يعني ماتحبها

مسعود : اي ولا ممكن انحبها

انا :باهي ليش اتعامل فيا هكي وحاطتني في راسها

مسعود:لانها تحسابنا انحبو بعض وفي علاقه بينا وهذي الهبله الي جنبك اتبتلها كلامه وقتلها صح ايحبو بعض

وهي صدقت

انا التفت علي ايه: ليش درتي هكي

ايه: لاني نكرها وزددت حقدت عليها بعد كلامها امعاك حبيت نقهرها اكثر وانخليها اتغار منك لانك خديتي مسعود منها وهي طول عمرها تحلم

انا: توا انتي خليتها تكرهني اكثر واتزيد ايديرلي مشاكل مش ناقصتها بكل

ايه: تستاهل هي معاش تقدر اديرلك حاجه احني جنبك قصدي مسعود جنبك

انا ضحكت وشبحت مسعود: ربي يحفظكم ليا ومايحرمني منكم ❤️

ايه: ويحفظك لينا

مسعود: وانتي معاش تقعدي في مكان فيه روان حاولي ما تحتكي امعاها في الكلام ماتعدليش عليها خليك ديما امع ايه

انا ضحكت: حاضر اي اوامر تانيه

مسعود: وبطلي ضحك الناس اتشوف فيك

انا: ووووه عليا خوك اهوا معقد بكل بدا يتامر من توا

ايه ضحكت: ربي ايعنيك نبهتك من البدايه

انا ضحكت: ناعليا 😍حتي من وعراته ايهبل غير شوفي كيف عاقدها 😂😂😂 ماتقوليش من هداك المجرم الي بيقتل عشاني

ايه ضحكت: بتخلي خويا مجرم من وراك

مسعود: كان ماتسكتو توا اندير فيكم جريمه ونقتلكم

ايه ضحكت: مايهونش عليك الاتنين غاليات عندك 😂😂

مسعود: امال ضمو فمكم احسن

ايه: ياخيه نجيه 😍😍😍 هذا مسعود ولا غلطانه

انا: هههههههه لالا مسعود

مسعود: قلنا اسكتو

علي جية مؤيد وخالي علي

مؤيد: وين ع الضحك هذا

ايه: شي نضحك علي مسعود بيقتلنا انا وريناد

خالي علي غمز لي مسعود: هو يقدر اصلا

مسعود فهمه علي شن يقصد

مؤيد: توا دايرلي فيها بطل وجو علي الطاوله قريب قلبتها عليهم وتبي تقتلهم

مسعود: يارا نفخولي راسي من دوشتهم وضحكهم الي ماشي يفرج علينا

خ علي غمز لي مؤيد: اتشم في النار

مؤيد: اها 😂😂😂😂

مسعود 😑😑😑😑

ايه: نار شنو

خ علي: اشويات 😂😂😂😂

مؤيد: اي صح اعليوه نبو اشويات من تحت ايدينك

انا: حتي انا خاطري فيهم حكتلي ايه انك ادير فيهم سمحات

خ علي: ادللي غالي والطلب رخيص

مؤيد: لا خلي مسعود ايطيبلها احسن مرات تنخنق من لحمه نيه يقتلك مسعود مش ناقصنا 😂😂😂

ايه ومؤيد وخ علي انفلقو من الضحك

اما انا اعيوني علقو طول علي مسعود انشوفله هو نفس الشي قعدت انبحت فيه هو نفس الشي

مؤيد صفر: قدرونا ع الاقل امعاكم مش هكي عاد

خ علي: 😂😂😂 مافيش احترام بكل يحسابو روحهم هنود بكل

انا نزلت اعيوني ضحكت: كنكم لبسيني اليوم مافيش منها الدوه الي تحكو عليها

مسعود: خليهم ايفسرو كيف مايبو مش حايفهموك لانه اعقولهم اموسخه حشاك

خ علي: والله فاهمينكم وحاسين بيكم 😂😂😂

مؤيد: علي اساس انت عقلك النضيف 😂

ايه حست انه طحنا في موقف صعب: هيا خالو نبو الشويات توا مغرب يبو وقت عشان ايطيبو

خ علي صبا من جنبهم: امال هيا قدامي ديري السلايط وتيلي اللحم وانت

مؤيد : ولعلي الفحم عارف 😂😂

خ علي: اكويس عارف

مؤيد: امال انطيبوها احني وخلاص ليش اتعب روحك

خ علي: 😂😂😂 غير نوض بلا كثرت الدوه

ايه: هذوم شن ايديرو واشرت عليا انا ومسعود

خ علي: هدوم خليهم علي حالهم نقربوهم يعلونو علينا الحرب امع بوك اتجي علي روسنا

ضحكنا كلنا 😂😂😂😂😂

مسعود يضحك: امال هيا وزعو من هنا

مؤيد: نمشو بكرمتنا احسن يا اعليوه

خ علي يضحك: اي والله يا اوليد خويا في ناس طلعت علي حقيقتها

مسعود: اختصرو كلامكم في الطريق احسن

ايه: انا بنمشي 😂😂😂

وصبت وصبو علي ومؤيد لحقوها 😂😂😂


انا التفت: ليش اتوضحلهم انه انحبو بعض

مسعود شافلي: خليهم يفهمو زي ما يبو ماعندي ما انديرلهم وكذبت ايه قدام الكل توا ينتشر الكل

انا: وشن ايصير باهي والعيله تحسابنا نبو بعض

مسعود يبي ايغير الكلام: مانعرفش المهم انا كلمت محامي عدلي الوراق ناقص توقعيك انتي وباتي بعدين بنحكي امعا باتي في الموضوع

انا: تمام باهي شن بنديرو بعد ماننقلو املاك

مسعود ابتسمت: مرت بوك شن اغلا حاجه عندها

انا: الفلوس ولدها

مسعود: الفلوس توا بح معاش تحلم بيهم ولدها

انا 😨😢😢💔 توترت: كنه ولدها

مسعود: الدور بيجي عليه هوا

انا خفت 😨😨: شن بدير

مسعود: خليك ساكته وتفرجي

انا 😨🥺😢: باهي شن بديرله

مسعود:بنربيه علي ايديني اشويا بكلي ايثوب

انا خفت العبه تنقلب ضدي ومسعود يعرف انه جلال اغتصبني علي كول ترجعت

انا:لالا خلاص فوته معاش نبي ننتقم منهم املاك بيتحولو باسمك هكي هم يخسرو كل شي

مسعود: وين ادموعك يومها وتبي تنتقمي ولا ترجعتي في كلامك اما انا عطيت وعد مانقدرش نخلفه فات الاوان سالمه بتتعاقب علي كل جرائهما امعاك والي دراته فيك بنحاسبها فيه واحد واحد

انا: انا ترجعت فيه لانه حسيت بنورطك في مشاكل وجع راس من الاحسن انفوتهم ربي ايحاسبهم

مسعود: انتي تراجعتي مش انا وانا عندي امعاها احساب نبو تنصافو عليه تم الكلام توا معاش اتناقشيني

انا خفت:احساب شنو

مسعود: مش شورك

انا:تي هيا انا بنتك قولي

مسعود ضحك: لا

انا:: ماتبيش اتقول لي بنتك

مسعود: اي

انا: بنتك تزعل منك ره

مسعود: خليها تزعل نعرف انرضيها

انا :وبي شنو اترضيني اهم شي حاجه فيها شكلاطه

مسعود: هذي اسمها شحته غير مباشره

انا ضحكت: هههه اي والله خاطري فيها

مسعود: حاضر ادللي شن تبي تاني

انا ابتسمت: نجيه ياخيه شكلاطه بس اهم كثر من الكندر

مسعود: تمام

انا: بجد انت نعمة نشكر ربي عليها

مسعود ابتسلمي: نمشولهم

انا هزيت راسي: باهي

صبينا نحنا الاتنين نمشو

انا: هههه انبان طشه احداك

مسعود: شن انديرلك كان انتي قصيره

انا مسكت ايده بعفويه ❤️: 😂😂ماعندك ما ايدير امغير اتنقص انت طولك 😂😂😂

مسعود حس باحساس غريب بعد مسكت ايده والي اغرب منه ماقدرش اينحي ايده من ايدي

مسعود متوتر مني قربي ليه: ليش ما انتي تطولي لانك قصيره بزياده

انا ضحكت:والله قصري عاجبني

مسعود: وحتي انا طولي عاجبني

انا ضحكت: بس انهبلو امع بعضنا في المستقبل نبيك تختارلي راجلي ايكون نفس طولك واهم منه ايكون نفس طبعك وصيفاتك وشخصيتك

مسعود ضغط علي ايدي: كان القيته هذا لانه صعب تلقي زي

انا ضحكت: كان ما القيت بناخدك انت من توا خبرتك حجزت فيك😂😂😂

مسعود: كان ازوجت

انا 💔: ساهله بنطلقك من مرتك وناخدك

مسعود: والله

انا: اصلا مش ح انخليك تزوج ولا وحده تقرب منك

مسعود: ليش

انا: لانك بابا مش ح انخلي امره تقربك واديرلي زي سالمه

مسعود ضحك 💔: ههههه ضحكتيني يعني شن بديلك

انا: ماتعرفهم ربي قال انه كيدهم عظيم مش من فراغ

ماتعرفش شن ادير بعد تاخدك مني

مسعود شافلي وشاف ايدينا الي في بعض مزال ابتسم

مسعود: صح كلامك كيدهم عظيم وكيدك اعظم 😂😂😂

انا ابتسمت: لا انا مش خبيثه زيهم انا طيوبه وحبابه

مسعود ضحك: واضح حبابه بزياده 😂😂😂

انحني نضحكو ونهدرزو مش منتبهين علي ارواحنا اوصلنا قدام الشالي وكانت العيله اتشوف فينا كلهم ماسكين ايدين بعض ونضحكو


مؤيد واقف علي الشويا وايولعزفي الفحم

مؤيد بصوت عالي :احممم واخيرا شرفتو

انا و مسعود انتبهنا فكيت ايدي منه تحشمت كان الموقف محرج

مسعود توتر وحك راسه برتباك موقف محرج انحط فيه

مسعود: ترا ياباتي نبيك اشويا

خالي محمد: تعال

مسعود: لا نبيك ابروحنا

خالي محمد اوقف: ان شاء الله خير

مسعود: خير امغير نبي نشتشيرك في موضوع

خالي: هيا جيتك

طلعو مسعود وخالي محمد امع بعض

اما انا كنت متوتره مشيت لي ايه اندير امعاها السلايط

انا: ووووه عليا موقف محرج بكل

ايه : بس اتهبلو امع بعض وربي كيف ماسكين ايدين بعض وتضحكو منضركم من بعيد ايهبل احلى عشاق

انا ابتسمت علي كلامها : بس والله تخزرطت خالي وخالتي والكل ايشوفلنا

ايه: ماتعدليش بابا وماما جوهم افري واعليوه زيهم ريته امبدري اما التانين طز فيهم ماتعدليش اصلا الجو متوتر بينهم

انا: شن صار تاني

ايه: شي منواشات بسيطه بين ماما وخالتي وبابا هددهم انه يقطع العلاقه الي بينا لو روان رجعت غلطت امعاك

انا انصدمت: جديات تحكي

ايه: اي حتي وليد وخالتي تهاني زعلو رغم بنتهم غالطه لمو دبشهم بي ايروحو الصبح وحتي احني زيهم بنروحو

انا: اخساره خربت الزرده بي سببي ليش حكيتي لي مسعود انتي لو كان ماصارش هكي

ايه: احسن تستاهل لازم حد ايحطلها حد وكان ع الزرده انعوضها في زرده تانيه ونمشو ابروحنا احسن من النكد هذوم بس عيت خالي جمال بناته عسل مش زي خالتي تهاني

انا: اي صح اقنينات اسيل ومسره ساره 🥰 حتي اساميهم حلوه

ايه: اي علي حالهم وطيوبات واحلا وحده فيهم اسيل دمها خفيف وتنحب بسرعه

انا: اي ❤️ مش زي الي دمها رزين زي روان

ايه: 😂😂😂😂 فوتينا منها توا احكيلي عنك انتي ومسعود وشن تطورات الي بينكم

انا: مافيش ولا حاجه غير انتي عقلك خارب

ايه ضحكت: انقولو عقلي خارب بس اعيوني خاربات واجد هكي 😂 الي شفته بعيوني اتنين ايحبو بعض واضح حبهم من اعيونهم

انا: غير فكينا والله كنا انبصرو انا وياه

ايه: لو الابصاره هكي كان حق شنو

انا: خلاص بطلي يا ايه والله نمشي

ايه: اي اهربي ياحنه

انا:ماهو انتي زودتيها شادتها في جرتي

ايه: اي صح انسيت انخبرك امبدري احمد بعتلي رساله

انه سافر لي اطرابلس قال عنده شغل غادي انساه ايكلمني بعد اتصلت بيه القيته مقفل

انا: هو قالك عنده شغل اكيد مش فاضي ولا طفى شحن قتلك امس ماتشغلي بالك اكيد صارله موضوع

ايه: والله مزال قلبي مش مطمن اكيد صاير حاجه مايبي ايكلمني لانه نعرفه احمد زين والله مايقدرش يقعد بلايا ضروري يطمن عليا حتي لو ماحصل فرصه ايكلمني امع اصحابه يبعتلي رسائل من تحت لحت ويطمن عليا بس توا مابعت حتي شن حالك بالكدب درز "" حبيبتي سافرت لي طرابلس عندي شغل اسف انسيت ماحكيتلك عليها السفره ماتشغلي بالك عليا مرات ما انحصل فرصه انكلمك "

انا: حبيبتي انتي اتوهمي في روحك اهو اطمنتي عليه بخير توا بعد ايحصل فرصه ايكلمك

ايه: ان شاء الله


رجعو خالي محمد ومسعود وقعمزو جنبنا عادي

قعدو ايهدرزو


طابو الشويات تعشينا صح الجو متوتر بس حاولنا انرطبو ونكسرو حاجز الصمت قعدو البنات ايهدرزو

بس وليد وروان مش موجدين


بعد العشاء


نداني خالي محمد انا ومسعود بعدنا عن الشالي وصلنا لي موقف السيارات كنت ساكته وماشيه وراهم

وصلنا لسيارة مسعود

مسعود فتح السياره وطلع الوراق في ملف

مسعود: هدوم الاوراق

انا:قصدك حكيتله يامسعود

خالي محمد: متاكده انتي تبي تنقليهم بي اسمه

انا: يا خالو واتقه في مسعود بيهتم فيهم اكثر مني وانا ويا واحد سواء باسمي ولا اسمه

خالي محمد: مش مسعود ضاغط عليك ولا جبرك انك تنقليهم باسمه

انا: لالا وربي انا الي قتله نكتبهم باسمك تعبني عشان وافق عليه لانه مايبي نكتبهم باسمه

خالي محمد: بس انتي قريتي وصية بوك

انا: لالا

خالي محمد: حكالي كل شي قاله المحامي وعن الوصيه

انا دعمو اعيوني: 😭😭 اكيد انفذوها وصية عادي حتي توا

خالي محمد: بعد تزوجي مكتوب في الوصيه

انا: 😢😢😢💔

خالي محمد: باهي توا شنو

انا: علي قراري بنكتب كل شي باسم مسعود محمد

خالي محمد : ليش اخترتي مسعود بزبط ليش مش خالك علي ولا انا ولا مؤيد

انا سكتت ماعرفت شن انقول شفت مسعود رفعلي حاجبه بمعنى تفضلي قولي ليش

خالي محمد ضحك: شكله سؤالي صعب عليك

انا تخزرطت: مش هكي ياخالي غير انت تقعدت من الشغل وشفت الانسب مسعود لانه من البدايه وقف امعايا لي لحظة توا واتقه فيه ونقدر انمن عليه في رزقي لانه لو قعد باسمي مرت بويا ما اتخليني بحالي

لو قعد باسم مسعود ماتقدر اديرلي شي طالمه انا في حماية مسعود ❤️

مسعود ابتسم❤️

خالي محمد:تمام زي ماتبي انتي هو واتق فيه ولدي بس عارف الناس بتقول طامعين في رزق بنت اخته

انا: مايهمني كلام الناس زي ما ايهمني انكم جنبي ❤️

خالي: ربي ايكمل عليك بعقلك


وقعت الوراق انا وخالي ومسعود وهكي صارو كل املاكي وكل شي نملكه باسم مسعود 🔥❤️


خش خالي محمد قعدت انا ومسعود ابروحنا


مسعود ماسك الاوراق: جاهزه لي الحرب

انا خايفه 😨🥺😢: خايفه نفقدك في الحرب هذي 💔💔

مسعود ضحك: الي يسمعك ايقول ماشي لي الجبهه وبنموت

انا ابتسمت بوجع: بعيد السو عنك

مسعود: امال اضحكي خلاص كنك نكد

انا متوتر: انت وعدتني صح

مسعود: اما وعد انتي وعودك مكثرهم

انا: ماترخيش بيا ولا اتسيبني مهما ايصير

مسعود: انا صح اعطيتك وعد ولا

انا هزيت راسي

مسعود شفشفلي اشعري : امال ريحني من اسئالتك الواجده وامشي ارقدي بكرا بنروحو

انا 🥺: اي صح تمنيت لو قعدنا اكثر ما استمتعت فيها بكل

مسعود: انجو مره تانيه ان شاءالله واتكون احلى من هدي

انا ابتسمت: حتي هذي اتهبل بكل

مسعود: في شنو اتهبل كلها نكد

انا: ههههههه والله جو

مسعود رد الوراق في السياره و رفع كيس وسكرها

انا: شنو هذا

مسعود مدلي الكيس: الشكلاطه الي طلبتيها

انا فتحته اعيوني اقلوب اقلوب 😍😍😍

انا: احيي واجده 😍😍😍 يناعليا اتهبل يامسعود شكرا شكرا شكرا

مسعود: شن قلنا عليها الكلمه

انا رفعت روحي من غير ماينتبه بسته علي خده 😘🔥

مسعود انصدم وجسمه تلج وقف مصدوم

انا فتحت طرف شكلاطه وكليت منه حسيت بي مسعود مش جنبي

انا نتكلم فمي امبه شكلاطه:تي كنك اوقفت

مسعود: شن قلنا علي الحركات هذي وديري احدود صح

انا 😂: وانا قتلك احدود ديرهم علي غيري لانه انا وياك مافيش حد بينا واضح 😂😂❤️ لانه وليت انا بنتك ❤️

مسعود: مايصيرش هكي يا ريناد الكل ايشوفنا يفهم غلط توا توا فهمو غلط بزياده مانبو شبه لي ارواحنا

انا:صح قلت ما ايهمك كلامهم


مسعود كان خايف من مشاعره توضح اكثر لانه بحركات ريناد اتزيد اتجنن فيه 🔥🔥🔥لانه ريناد كانت واخده رحتها امعاها مسعود مايبي يضعفلها وايخاف عليها من نفسه ❤️

مسعود: حتي كان ما ايهمني لازم اديري احدود

انا: تي باهي يامعقد خليني ناكل الشكلاطه انا تصرفاتي مش حايتغيرو لانه هذا طبعي قتلك

مسعود: دلوعه بزياد وعنيده وراسك كاسح😂😂

انا هزيت اكتوفي وكليت من الشكلاطه: اهو بديت تعرفني اشوي اشوي 😂😂😂

مسعود ضحك: امشي قدامي وانتي باديه زي العيل تاكلي

انا : 😂😂😂😂 تبي تاكل

مسعود: لا ماناكل فيها

انا شهقت: حييي قصدك ماتحب الشكلاطه

مسعود: مش ما انحبها غير مش غاليه عليا واجد

انا: توا انخليك اتحبها زي

مسعود توتر 😅: ليل تحركي قدامي خلاص

انا:باهي

رجعنا لي الشالي انا مسعود

كانو الكل داخل بيرقدو كانو زوز شاليات واحد لي الرجاله واحد لينا

وصلني مسعود لقدام باب الشالي امتاعنا

مسعود: تصبحي علي خير

انا بسته ع خده 😘❤️: وانت من اهلي ❤️

مسعود: مصره يعني

انا هزيت راسي: مافيش نقاش 😂😂

مسعود: هبله وربي

انا ضحكت وخشيت

مسعود ابتسم ويلمس في خده مش مستوعب الي ايصير بكل❤️ كيف ريناد قلب حياته كلها وكل مره اتزيد اتقرب منه اكثر هو مش رافض بلعكس عطيها كل الراحه ومايبيهاش تبعد عنه ايساير فيها علي قد عقلها عارفها مزال طفله بس هل الطفله شن قادره ادير في قلبه هو مايقدرش يبعد عنها وتعود عليها زيها هي بزبط ايحاول ايخلي روحه رزين امعاها ومايضحك ويعطيها وجه بس ايصير العكس بعد اتكون امعا كل وقته ضحك وابتسامته ما اتفارق وجه عكس قبل الي كان من النادر يضحك ولا ايهدرز واجد ريناد قدرت اطلع كل شي حلو في داخل مسعود ❤️


ريناد حالها مش احسن منه الاتنين مش فاهمين مشاعرهم ولا شن يبو بس الي متاكدين منه انه كل واحد محتاح التاني ❤️


بعد خشيت القيت البنات فايقات وايهدرزو امعاهم مبروكه واخته ومرت خوها وزعت عليهم شكلاطه كلهم


ايه: من وجبتيهم

انا:مسعود جابهم ليا

اسيل: طلع مش بخيل ولد عمتي

مبروكه ابتسمت: ان شاء الله نفرح بيكم يارب ❤️

انا عرفتها شن تقصد لانه كلهم فاهمين انه انا ومسعود انحبو بعض مطره انسايرهم لانه بعد موقف امبدري وكذبه ايه وتوا الشكلاطه ورجعتي متاخر اكيد فاهمين انه بينا علاقه

انا ابتسمتلها

ايه تاكل في الشكلاطه: ايعيش وايجبلك يارب عيشي وادللي عليه واقهري الي حاسدك ومتمني يقعد في مكانك دقيقه 😘😘❤️🔥

انا ابتسمت متحشمه مش قادره نتكلم قدام خالتي مبروكه شفت روان كيف اتشوفلي

اسيل: ماتقوليلي امتى مسعود بدا كريم ويفهم في الجو وخش ع الرومانسيه

ايه: والله من خشت لحياتنا رنوده هو تغير بكل بدي ايهبل صح ولا ياماما

مبروكه ضحكت: هابا عليكن ماتنقدرن 😂😂😂 حتي ريناد مش ساهله غيراته بسرعه املاحظه عليه كيف تغير

انا زدت تحشمت واخدودي راحو زي اطمامه

اسيل: لو نحساب اولدك رومانسي ياعمتي ره لفيت عليه من زمان قبل لا اتجي ريناد خديته انا كان هدا توا انا الي امحلصه الشكلاطه 😂😂😂

ايه: ههههههه وراسك ماتقدريش لانه حاولو قبلك واجد ماحصلو شي غير اطياح قدر 😂😂اما ريناد هذي حاله خاصه مش زي اي بنت تانيه 😂😂😂

اسيل ضحكت: شن قصدك بيها يا كلبه

ايه ضحكت: يعني ريناد قادره عليه وتعرف كيف اتمص عصبيته واتخليه يضحك من قلبه واتسيطر عليه مش زيك كان تعصب اتخشي في بعضك وتبكي 😂😂😂

اسيل: خزي تافه اصلا مسعود مش من استايلي 😂😂😂 حتي من اسمه تقيل زيه مايمشي امعايا

انا:والله حلو اسمه مسعود

ايه:انتي اسكتي القلب غالب 😂😂😂

مسره: به لو بي ادلعيه شن بتقولي

انا: مودي او سعودي

اسيل:مودي احلى

انا: اي ❤️

ايه: رنو ❤️ مودي محلاكم اتهبلو بكل ❤️❤️😍😍

اسيل: ربي يعقد عسلكم

انا: تسلمي

قعدنا انهدرزو اشويا و رقدنا


تاني يوم طلعو عيت روان قبلنا حتي مافطروش


اما احني فطرنا وركبنا في سياراتنا وتوكلنا علي الله وطلعنا طبعا ركبنا نفس الترتيب الاول كل حد روح امع الي جاء امعا الا روان روحت امع هلها


تعرفوها الطريق ملل وطويله بس غيرنا جو احني والبنات انهدرزو 😂😂 صدعنا راس مسعود هو كل اشويا ايعطيطلنا اسكتو


اوصلنا روحو عيت جمال لي بيتهم

ونحنا من التعب كل واحد دوش وطاح رقد من الطريق


.

..

جلال: خلي انشفوهم اليوم لو مارجعو انردو بكرا

سالمه: غير بتعبني مرات ما روحو

جلال: عادي لو ماروحو انروحو في شنو المشكله

سالمه: والله حاسه روحي تعبانه كبدي توجع فيا

جلال: نرفعك انعاينك

سالمه:لالا مافيش شي

جلال: خلي نرفعك احسن

سالمه:لا عادي غير من العصير الحامض اشربته انبدري علي طول يقلبلي كبدي

جلال: معاش تشربيه

سالمه: انشاء الله

جلال خش من الشارع الي ساكنين فيه عيت خالي لمح الباب مفتوح وقدامه سياره واقف راجل

جلال:شوفي رجعو

سالمه تتفحص:هدا علي خو نجاة

جلال:اها

سالمه: به شن انقولو

جلال: زي ماقتلك انهدرزو امعاهم طبيعي انشوفو ردة فعلهم ونحكولهم الي قتلك عليه

سالمه: تمام

.

.

.


فقنا امع العصر كلنا جانين القينا خالتي مبروكه نايضه قبلنا و دايره امبكبكه ساخنه كلينا وسط الهدرزه

طلع خالي علي برا بعد جاء تليفون


مؤيد:والله يا امي المبكبكه من لاخير علمي هل البايرات ايطيبو

مبروكه ضحكت: كنت في بايره وحده وربي جابلي التانيه

مؤيد: عقبال انجيبلك البايره الثالته 😂😂😂

خالي محمد:كملت 3 بايرات في بيت واحد

مسعود ضحك: قول الثالثة من وين بتجيبها

مؤيد: البايرات واجد اتوا نجيب وحده 😂😂

ايه تضحك: والله احني مش بايرات تي من ايكنس واينضف ويغسل غيرالتطيب بس ماسكته امي الباقي الخدمه كلها عليا وتوا حتي ريناد اتساعد فيا وتخدم ماتقولو عنا بايرات ايواا تجرحو في محاسيسي 😂😂

مؤيد: لا ياحساسه انتي

ايه: دور من ايديرلك الفطور باهي

مؤيد: توا اديريلي ريناد

انا ضحكت: انا بايره مانعرفش انطيب بري دور غيري

مؤيد: تي كلها تن وجبته وهريسه ودحي بديرهم

انا: للاسف البايره ماتقدر اديرهم 😂😂

مؤيد:الله لا ايغيب امي من البيت كان هدا انموتو من الجوع توا امي اديرلي فطور

مبروكه: هدا ما احلمت بيه اتنوضلي امع الظهر والله ماك حالم بفطور تبي فطور نوض من ال 7 زي خوك انديرلك

مؤيد: تي يامي خلينا انبدلو توا ريناد ادير لي باتي ومسعود الصبح وانتي ديريلي انا هذين البايرات يقتلني من الجوع

خالي محمد: من قلك عاديهم تحمل

مؤيد: يعطيه قصه في السالني والله هن الا احسن فالحات وطيبات واحسن خوات في العالم

مسعود:لسن لسن بالك اتشد

مؤيد: والله يا ريناد لو اديرلي فطور كل صبح نعطيك مسعود باهي 😂😂😂

العيله كلها انفلقو من الضحك 😂😂😂😂

وانا نضحك تلاشت ضحكتي بعد شفتهم خاشين اكثر اتنين ظلموني فحياتي قدامي

خالي علي: احمممم محمد جوك اضيوف

كلهم صبو ايشوفو فيهم خشو سالمه وجلال ايسالمو وقعمزو قعمزو الكل مؤيد وايه مش عارفيهم منو بس الباقي عرفهم

انا اول ماشفتهم شريط حياتي الي عشته امعاهم مر قدامي في لحظه اختفت الفرحه السعاده الي كنت عايشتها بعد ادكرت ماضيا 💔

وخرت من مكانتي الي كنت جنب مؤيد وقفت جنب مسعود مسكت ايده خايفه نرجف انشوف في نضرات جلال الي اتفصل فيا

انا نرجف نتكلم: وراسك مسعود ارفعني من هنا 💔😨

مسعود حس بيا كيف خايفه ضغط علي ايدي: اهدي انا امعاك ماخافيش


سالمه:كيف حالكم يامبروكه والله لينا اسنين ماشفنا بعض

مبروكه مستغربه: صح يا مبروكه انتي ارمله ورابط توا كيف تطلعي قدام الناس

سالمه: انتي تعرفي عاداتنا

مبروكه: بس هكي سنة نبينا

سالمه سكتت هكي حتي كم ركعه في اليوم ماتعرف

ايه:من هذي يا ماما

سالمه: هذي مرت بات ريناد

ايه شافتلها 😑😑: اها

سالمه:كيف حالك ياريناد ليش حتي السلام ماتبيش اتسلمي

خالي محمد ساكت ويتفرج وحتي خالي علي نفس الشي

انا زددت خشيت وراء مسعود مانقدرش نسمع صوتهم ولا انشوفلهم خايفه منهم من صوتهم من مصيبه الي بيقولها

كلهم استغربو حركتي واضح خايفه منهم

مسعود التفتلي ومسك وجهي بي ايديه ايحاول ايخليني نهدا

مسعود مش حاس بروحه: اهدي حبيبتي انا جنبك مش ح ايصيرلك شي مافيش حد يقدر يقربك

انا خايفه وقلبي يرجف من الخوف حاسه رجليا ماعاش قادره نوقف عليهم

انا:خايفه مسعود

مسعود:اشش انا امعاك ماتخافيش

انا مسكت في ايده الي كانت علي وجهي ضغطت عليهاز

انا 🥺🥺💔:طلعني من ادي اي شي وراسك مخنوقه

مسعود: شن قلنا احني قبل

مسك ايدي زين ورد التفتلهم الي كان الكل المركزين فيا انا ومسعود وكلام مسعود كيف ايهدي فيا


جلال نار داخله بعد شاف مسعود كيف امقرب من ريناد وكيف ماسكها وكيف قاللها حبيبتي 🔥🔥😡😡 نار وحقده وكره كلهم التمو امع بعض

خالي محمد يبي يعرف ليش جايه سالمه هنا

خالي محمد: تفضلي يا سالمه ليش جايه هنا

سالمه توتر: والله يا محمد

جلال قص عليها: و.........

مسعود 😡😡😡😡:...........#يتبع


google-playkhamsatmostaqltradent