رواية حقد النساء الحلقة الثالثة والعشرون 23 بقلم الكاتبة حنو

 رواية حقد النساء الحلقة الثالثة والعشرون 23 بقلم الكاتبة حنو

رواية حقد النساء الجزء الثالث والعشرون 

رواية حقد النساء البارت الثالث والعشرون

رواية حقد النساء الحلقة الثالثة والعشرون 23 بقلم الكاتبة حنو


رواية حقد النساء الفصل الثالث والعشرين 

الحـلقـة #الـثـالثـة_والعـشرون2⃣3⃣
.
.
.
مـن رواـية
.
.
.
#حـقـد_الـنـسـاء💔🔥
.
.
.
بـعد سّاعة
عـند أيـات..مـاتطّلعش خـليگ مـعاي
عمـر..حـاضر نـطلع دقـايق بـس نجـيب حجـات نـاقصين للـحوش ونـروح
أيـات..بـاه نسـتنى فـيگ
عـمّر..تمـام
طـلع عمـر وسكـر البـاب ونـزلت هـناء طـول اول مـاشافاته..عمـررر كـيف حـالگ
عمـر..اعوذ بالله من الشيطان الرجيم تفـضلي!
هنـاء..كـيف حـالگ
عمـر..بخـير
هنـاء..نـبي نسـتفسر علـى الامـتحان النـصفي
عمـر..مـش فـاضي انـي
تـلفت عمـر وبيّنزل شـداته هنـاء مـن يـده وفّتحت أيـات البـاب عـلى شـدة اليـد سـمعت هنـاء البـاب لصـقت فـي عمـر وباسـاته
أيّات طـاحـت عيـنها علـيهم..عمـررر😳😦هنـاااااء!!!!!؟؟؟
عمـر دف هنـاء..ياحـقيييرة انتِ بـاش تفـهم تلصـقي فـي روحگ علـيااااا ياحـيوااانة
هنـاء..انـت نـاديـتتتني عـلاااش اديـر فـي روحـگ بـريئ قـدامهـااا
أيـات..لا ياربـي لااا😦😭
عمـر جـي طـول لأيـات وشـد يـديها..حـبيبي والله مـش زي مـاشـفتي والله هـيا اللـي طـيحت روحـها علـيا بالله
أيـات نـفضت يـديها مـنه دمـوعهـا بـدو يـنزلو..انـت انـتت خخـنننتتتني قققـدااام ببـااابببب حـوووششـييي كككـيييف تتجـررأ واددديييـررر هككـييي للـهدددرجـةة انـنـيي غبـبـييية ومممـانففـهممش كككـييففف تتتخـوونـييي مـعااااهاااااااا كككـييييفففف وتبـووس فـييييها وشـاااد يـددددييييييـهااااااا كـييييييف هكككككـييييي
عمـر سـكر البـاب وخـش مـعاها..خخـلااص اهـددديييي اهـدددي مـش باهـي لـيك انتِ حـاامل مـاتـرعشـيش روحـك افهمـيني بـسس والله مـاهككـي صـااار بالله اسّمعييييلي
أيـات..ببببـعدددددد بعـددددد لـو حـاسب حـساب للـي فـي بطـني راك مـادرتش هكـيييي مـااااادرتتتتش هكككـي😭😭حـراااام علـيييك وانـي نقـولك مـاتطلـعشش خـليك مـعاي وانت مـتسببل بـإنگ بـتاخد حجـات للـحوش تـااااريـتگ بتتـلااااقااا مـعاهاااا خـاااين😭😭خـاااااين حـقيير
عمـر..لا اله الا الله ياربـييي شـن مـافيش ثـقة والا كـيييف قـلتلگ والله الا هـيا دارت هكـي بالعـاااني جـت تجـري اول مـااشافتـني طـلعت قـلتلها بـري وهـزبـتهاااا والله هزبـتهااااا تلفـتت بنـكمل طـريقـي امـشي شـديني مـن يـدي اول مـافتحـتي انتِ البـاب لـوحـت روحـها علـياااا اقـسملك بـالله هـدا اللـييي صـاااار ويحـرم علـيا دينـي الا هـدااا هوا اللـي صـاااار
أيـات مسـكرة ودانـها..اطـلع بـرااااا اطـللللللع بـراااااا مـانـبيششش نـسمـع ولاااااا حـررررف شـفتكممم بـعيووووني مـاحد قـالي ومـش حـنسمع كـدبگ اطـلللللع خـلييني بـروحـي وبـرررالهـاااا
عمـر..انتِ هكـي تحـققيلـهم فـي مُـرادهـم همـا هكـي يبـو يـبو يخـربو بـيناتنـا عـلاش العـياط والـدوة الـزايـدة وانتِ مـريضـة وحـامل تزيـدي فـي عمـرك علاش ياروحـي والله مـافي مـنها الـدوة الله
أيـات..عـلاش مـادفيـتهاش طوول
عمـر..انصـدمممت انـي قـاعد نشـوفلـگ وهـيا دارت اللقـطة هـدي والله مـاهـي باردة بـيها ولمـا نوريـها حـجمها الـ###
أيـات بـدت تبـكي..تعـبت والله تعـبت عـلاش هكـي بـسس شـن درتـلهم انـيي عـلاش هكـي يـديرولـي😭عـلاش كـل يـوم حـقد وحـسد وايامـات سـود علـيهم عـلاش بـس💔حـرام علـيهم والله
عمـر قـرب بّشويا مـنها وحـضنـها..اسـف حـقگ علـيا والله المـرة هـادي حـنديرلـها حـد ونكـلم مـحـمد
أيـات شـافتلـه..بـس حـتصير مّشكلة نّفس المـرة الأولـى😭😭
عمـر..عنـدي خـطة
أيـات..شـنو
عمـر نـاض شـاف مـن روشـن لقـي مـحـمد كـيف روح وخـش للحـوش..هـزبي توا وعيـطي
أيـات..كـيف
عمـر..هـزبي وعـيطي اقـلبي الـدنيـا وقـولي اللـي تبـيه حـتى تسـبيني عـادي خـلي مـحـمد يسّمع كـل شـي ويـخش فـي المـوضوع وانتِ بنفـسگ تحكـيله اللـي صـار بـاش مـايصـيرش نـفس المـرة اللـي فـاتت
أيـات بـدت تبـكي جـديات وكـل مـاتـذكر اللـقطة اللـي صـارت تـزيد تهـزب وتعـيط وتكـسر قـلبت الـدنيا وعمـر بـدي يعـيط زيـها
أيـات ابـتسـمت ومـسحت دمـوعها خـدت المـزهريـة وكسـرتها..انـت خـااااااايـن حـيواااان ارفـعنننني حـووووش امـااااااليـاااااا توااااا
عمـر خـدي المـزهريـة التـانية وكسـرها..بـااااااش تفـهممممي هممممما يبـوووو يفـرررقو بـينننننا والله العـظييييم مـااااخـننننتگ همـااا هكـي يبـووو يـديرووو
أيـات بـدت تعـيط..قـللللتـلللللك شـفتتتتكم بـعيوووووونييي اللي بـياااااكلـهممم الـدددود والتـرااااااب شـن مـزال تنككككر شـنوووو
.
.
هـالة&هـناء&رزان واقـفين قـدام باب شـقة هنـاء ويسـمعو ومـتشمـتين
امـا لوطـة فـاطـمة..ياسـيدي ربـي هـداا شنو الـحوش بـيطيح لوطة مـن صـوت العـياط والتكـسيررر😳😱
مـحـمد خـش يجـري..يـام شـن فـي اصواتهّم للـشارع وصـوت تكـسيررر
فـاطـمة..هـدو أيـات وعمـر شـن فـييي خـييرهم المـرا حـامل كـان مـاتصـيرلهاش حـاجة😱😱اركبب اركـبببلهم شـووفهّممم ونـزل خـوككك اشـبح شّن مـداير مـن مصـيييبة😳😱اركـب ياولـدي انـي مـعش عنـدي جـهد حـتى نخـطي خـطووة😱😱😱
ركـب مـحمـد يجـري بـدل الـدرجة درجـتين
.
.
أسـاور..هـدا شـنوو! أحّمد تسّمع وله؟؟
أحـمد..تقـول قـامـت القـيامة فـي الحـوش شن العـياط هـدااا
أسـاور سـمعت حـاجة تكـسرت..هيييي تكـسير شـن فـي ويييـن هـدااا ..طـلعت تجـري للـباب
أحـمد..تعـااالي اهنـي بـري البـسي حـاجة مسـتورة طـالعتـلي هككـي
خـشت اساور تجـري لبـست وطـلعت ورا أحّمد يتجـارو نـزلو لقـو هـالة ورزان وهنـاء واقّفين يتصّنتو أحمـد فـاتهم ونّزل يجـري
أسـاور..تصّنـتي تصـنتي راجـعتلـكم قسَمابالله كـان يطـلع عنـدكم يـد فـي المـشكلة هـدي قّسما بالله مـاااني سـااااكـتتتة المـرة هـددددي اهـو حـذرـتك
هنـاء..هههههههههااااي راگ تنـسي اننـا مّسحنا كـل شـي مـعش عنـدك ولا دلـيييل تسّخففي تعـرفي
اسـاور..والله مّاتسخـفو الا انـتم وعـارفة التّلفون عنـدكم وانـي حطـيته قّصداً هـيا وتـو روحّكم امـالا شـوية وتنـفـضحـو
رزان..هوا انتِ مـرت أحّمد😒
أسـاور..ايـه ياعمـري انـي مـرت أحـمـد عـلى سّنة الله ورسـولـه عنـدك حـاجة عنـدي!؟
رزان..🙂🙂
نّزلت أسـاور تجـري وخـشت لحـوش عمـر
.
.
محـمد اول مـاوصـل للـباب تحـشم يطـق..توا هـدي مـشكلة بّينهم شّن دخـلي انـي🤔
كسـرت أيـات فـازة تـانيـة..خـلااااااص عـيييييت مـنها هـاااالة وهنـاااااء هـدممم لأمـتتتتى لأمـتتتتى بـيقعدو يخـربو حـيااااتي لأمـتتتتى لكـن بّرافو علـيهم المرة هـاااادي قـدررررو يسـحبو حـتى راااااجـلي
مـحّّمد عـقد حـواجـبه وقـعد يطـق بقـوة..عممممرررر افـتتتح
عمـر ابّتسـم لأيـات
أيـات..يسسس
فـتح عمـر البـاب ودارت أيات روحـها تبـكي وخـشت لدارها لبـسة بـدلة الصـلاة وطـلعت امـا عمـر مـلامحـه تغيـرو لواحـد مـتعصب اول مـافتح البـاب
مـحـمد يـشوفلـهم الـزوز..شـننن فـييي خـيييركم شـننن هـداااا قمـتووو الـدنيييا علـى روووسـكككم
أيـات..أسئل خـوووگ هـوا السـبب😭😭
مـحـمد عقـد حـواجـبه..شـن مـداير للـمراااء
عمـر..مـادرت شـي هـيا تتـهم فـيا بحـجااات انـي مـادرتهـاش
أيـات بـدت تبـكي..كـيف مـادرتهاش كـان مـاااشفّتهمش بَعيييني يامـحمد والله مـااانصـدددق
مـحـمد..احكككو
عمـر..تـي النّم قـلنا هـياااا هـيااااا طـيحت روحـها علـياااا
أيـات..كـددددااااب خـاااايـننن تخـيييل فـتحـتتت البـااااب بنـعطّـيه تـازداااانه نـساااه نفـتح البـاااب نلقـاااه هوا وهنـااااء اخـتتت مـرررررتگ شـادة يـدددده وتبـوووس فـييييه شـن مـززززال اكـتتتتر مـنننن هككككـي😭😭😭مـستحيييل مّزززال نـققققعدلـه فـييييه انـيييي
خـشو أحّمد وأسـاور وهمـا يتخـطو فـي المـرش اللـي كـان فـي كـل مكـان ويسّمعو فـي كـلام أيـات وهـي تبـكي
مـحـمد..خـلاص هـدي روحـگ بـسس مـش باهـي لـيگ الأعصـاب هـدي انـت مـراء بـي روحـين وغـلط اللـي اديـررري فـيه هـدا بـاهي سّمعتي مـن راجـلگ مـرات فـي غـلط مات فهمـتي غـلط
ايـات..لااا والف لااا شنـ مّزااال بًنسـمع مـنه حـيكدب علـيا وبـسسس شّن بنّسمممع شًنوو
أحّمد..اذكـرو الله بـس شّن فـي خـيركم
أسـاور..أيـااات خـييرك
أيـات..مـاخـيرنـي شـي غيـر ان المـصايب تجـي لـعنـدي
مـحـمد..عمـرر نـستنى فـيك تـببرررلها شـي شـن سـاااكـت هككي عـمر نـعرفگ تحـب مـرتك ومـاديرهـاش
عمـر..كـم مـرة يامـحمد نقـولگ ونحكـيلك انـت بـروحك مـاتبـيش تصـدق شـي لا فـي مـرتك ولا فـي اخّتهااا شـن تبـي نحكـي هـيا بـررتّلها وعنّدها حـق فـي كـل شـي اديـره لو فّي مكـانها كـنت درت العـار امـا انـتم مـش حـنبررلـكم شـي حـنطلع مـانـنفـعش ونسّمع فـي كـلام مـرتي والااا خـلاص انـي مـش حَنقول ولا حـرف
أيـات..يعنـي تقـبل انّگ خّنتني وقـددددام حـووشي
عمـر..لا مـاااانقـبببلش النـممم قـلتلك هـيااا تتلـصق علـياااا قّلتلـگ انـ هـيا لـوحـت روحـها علـيااااا هـياااا كـرامة مـااافيـشش نهـااااائي كـيف تبـي نـدددير اذا كـان خـوي سـاكـت ومـش مـدايرلـها حـد خـلي يصـير اللـي يبـي يصـير انـي مـليت وعـييت
أيـات..توا تّرفعنـي حـوشنـا مـستحـيل مـزال نـقعد فـيه واطـلللقـني خـلاااص انـي مـليت وعيييـت وفـديييت
أسـاور شـافت لأحـمد وأحـمد شـاف لأسـاور
أحـمد..لحـظة لـحـظة مـافـي حـد يمـشي لـي ولا مكـان مـحـمد نـادي مـرتگ واخـتهاا وخـلي نفـضو المـشكلة هـدي امـا انتِ يا أيـات خـليگ عـاقلة وفكـري بـعقلگ فـي بيبي فـي الطـريق ومّش كـل مّشكلة تمـشي لحـوش بـوك خـلي مشـكلتـگ بّينك وبـين راجـلك مـاتخلـيش امـاليك يعـرفو كـل شـي هكـي بّتكبر القـصة اكـتر احـني خـوتگ لو هو غـالط احـني نـاخدو حـقگ ومـستحيل نخـلوه يغـلط فـيك انتِ بس خـلي المـوضوع عـليا انـي وحـنفرش كـل شـي عـلى الطـاولة
سكـتت أيـات وخـدتها أسـاور قـعمزتها وتهـدي فـيها
أمـا مـحمـد..انـي حّنمشي نجـيبهم الـزوز بـس توا عنـدها ضـيفة بنـت خـالتها عـيب!
أحـمد..جـيبها حـتى هـيا مـعاهم اصـلا فـي المـوضوع
مـحـمد..شـن قـصدك يعنـي حـتى مـرتي!!؟ شن دخـل مـرتي هـدي اخـتها هنـاء مـن قـبل هكـي ماليـهاش عـلاقة مـرتي
أحـمد..باه جـيبها مـع أخـتها
طـلع مـحـمد وهـو يـدعي فـي نفـسه انـ مـرته مـايكـونش لـيها اي دخـل والا حـيكون تصـرفه وقـراره صـعب
ركـب مـحـمد لقـاهم قـدام البـاب الـ3..انـتم الـ3 قـدامـي لحـوش عمـر
هـالة..شّن فـي شـن صـاير؟؟
مـحـمد..تو تعـرفو
نـزلو الـ3 وخـشو وقـعدو يتخـطو فـي المـرش ودخـلهم أحـمد للـصالـون
أيـات..مـانبـيش نـشوفها هـديكا لانـي حـنعجـنها طـريحة
أسـاور..غـير خـليك قـوية بـسس ونـوضي مـعاي انت حـمارة كـيف اديي هكـي وانت عـارفة عمـر كـيف وكـيف يحـبگ مـفروض حـتى تشـوفي بعـيونك مـاتصـدقيش
أيـات..مـستحيل يغـيب عن عـينـي المّنظر اللـي ريـته😭
خـشو أيات وأسـاور للـصالون
.
.
أمـا فـاطّمة..خـيره اللـي نبـعته يمـوت مـعش يـنزل تعـالى يامـعاااذ تعـالى ركـبني لحـوش خـوگ ارزيـني فـي الهّم الواحـد يفـرح لانـهم كـبرو بـاش يـرتاح يـلقى روحـه فـي الهـم اكـبر مـن هم
شـدها مـعاذ وركـبها وخـشو مـع بعـض للحـوش لقـوه مـرش كـله سمـعو دوة فـي صـالون خـشت عـليهم امـهم ومـعاذ
فـاطـمة..شـني فـييي خـيييركم
أيـات نـاضت طـول وحـضنت فـاطـمة..عمـييمة😭😭يبـو يـفرقو بـيننا ياعمـيمة😭😭
فـاطـمة قّعمزت وقّعدت تسـكت فـيها
خـش أحّمد وفـي يـده فـون أسـاور
مـحّمد..هـيا احكـي يا أسـتاذ أحـمد شـن اللـي حـضرتگ شاده عـلى مـرتي ومـدخلـها فـي النـص !؟
هـالة بـدت تـرعش ووجـهها بـدي أصـفر ومـش فـاهمة شـن اللـي قـاعد يـصير اما هنـاء فـ كـانت مـقعمزة بـكل ثـقة وتّشوف لأيـات ومـبتسّمة ابتّسامة شـر كـان مـش هـامـها لا أخـتها ولا خـراب بـيت أخـتها المـهم عنـدها انـها تخـرب بـين عمـر وأيـات ومـاتخـليهمش يعـيشو مـرتاحـين
أحـمد..قـعمـز وبـالهـدوء كّل شـي ينـحل أسـاور افـتحي الفـون
أسـاور..أحّمد هكـي حـتزيـد المـشاكـل والمـوضوع حـيكبر اكـتر وممّكن تـوصل للطـلااق
مـحّمد..طـلاق شـنووو شـن تقـولو شـن فـييي وشّن دخـل مـرتك؟؟
احـمد فـنص وكـشخ على أسـاور..قـلت أفـتحييييه مـستحيـل نـدرق علـى خوي ونخـليه مـوهوم وعـايش فـي كـذبة زي هـدي
نـاضت أسـاور تـرعش خـدت الفـون وفـتحـاته
أحّمد..افّتحي اللـي فتحـتيهولـي مـبكري مـننن الأووول
فـتحـت أسـاور كـل شـي وفـتحت التـسجـيل مـن الاول
أحـمد..اول شـي قـبل مـاينفتح التـسجـيل ويـنها هنـاء
هنـاء..نـعم
أحـمد..شـن اللي قـاعد يـصير وشـن اللـي درتـيه هـدا انتِ عـارفة ان عمـر مـش لـيگ وهو راجـل مـتزوج قـداش مـحـمد حـذرگ مـرة ومـزال مـش سـاكتة وتحـاولي لـين اهو النتيـجة انك تفـرقي بـينهم ونجـحتي اهو تخـاصمو لكـن لا مـستحيل نـرضو بالشـي هـدا احـني
هنـاء..انـي مّادرت شـي هوا اتـصل بـيا وقّالي انـزلي تلقـيني لـوطة قـدام حـوشي
عمـر..اكـدبي زيـدي كـدبتي غـير هـدي انتِ؟؟ كـملي حـطي مـع كـدبك الأول
هنـاء..احـترم نـفسگگ بنات النـاس مـش لعة عـندگ مـرة تقـول الـو ومـرة تـفوتنـي ومـرة تقـول انـزلي وبـعد تشـوفنـا مـرتگ ادفّني مـش لعـبة عنـدك انـي يا دكـتور حـسبي الله ونّعم الـوكيل
عمـر..سـبحان الله شكـلها اخـتك هـالة اديـر العمـلة وتقـول انـي مـظلووومة وحـسبي الله ونـعم الـوكيييل
هـالة..مـحـمممد هكككـي تخـليييه يّدووي مـع اخـتي و عّليااا مـعقووولة خـلاااص اخـرتها انـت تـدوي علـينا احّنييي بّنااات صـققر تـي والله لمـا نـقول لبـااابا وخّوتي يـطربقوها عـليك اخـتي مـش لعـبة عنـدك بـاش تلـعب علـيها
فـاطـمة..خـلاااااااااااص خـلااااااص اسكـتووو مـافـيش احّترام للكّبير والا شّنووو اسكـتووو هنـااء هّدي مـش اول مـرة اديـري هكـي لعمـر انتِ هيا الغـالطـة ومـن قـبل تـبي تفـرقيهم وحـاسّدتهم بـس توصـل بّيك انك تتـبلي عـليه لا انـي نعـرف ولـدي ونـعرف تـربايـتي فـيه مـستحيل ولـدي يخـون تـي هـيا مـرضت مـرته بـس حـتى خـدمته غاب علـيها وقـعد جـنبها طـول الـوقت تبـي تقـنعيني انـه يبـيك انتِ المـزعوطـة المـلوية ويا هـااالة المـفروض تجـي مـع الحـق لانـك هكـي بتخـربي بـيتگ يابنـتي أحـمد ولـع اللـي بتـولعه وخـلي كـل واحـد ينكـشف عّلى حـقيقته
أحـمد..اول شـي هـدا بّرنامح مـن اول مـا أسـاور جـت اهنـي داراته كـانت شـاكة شّك ووقـت دارت البـرنامج هـدا اتأكـدت مـن كـل شـي وانـي مـاصـدقتش لّين سًمعت بعـيوني وفـي حـتى مـشاهد فـيديوات وفـي حـتى مـشهد كـيف طـاحت أيـات مـن الـدروج كـل شـي شـفته وعـرفت كـل شـي الـيوم الـظـهر شـفت شـي مـاكـنت مـتوقعـه نَهائي
مـحّمد..سـمعنا هيا
فـتح أحّمد التـسجـيلات اللي فـي الفـون اللي كـانت بّين هـالة وهنـاء وفـي مـن تسـجيلات دوة هـالة مـع ولاد وقّت هيا فـي حـوش بـوها كـانت تقـعمز وتخـون فـيه محـمد يّسمع وقـريب يـهبل وسّمعو العـيلة كـللل شـي اديـر فـيه هنـاء مـن الأول للأخـير لأخـر مكـالمـة وكـله وهـالة تبـكي بحـرقة ونـادمة عـلى كـل شـي داراته لانـها فـعلا حـبت مـحـمد فـي اخـر الايام بـس شّن يّنفع النـدم!!
مـحـمد..قققلـتتت فـي فـيييديـو !!
أحّمد فـتح الفـيديو ووراهولـهم وكـان كـيف دفـت هـالة أيـات مـن الـدروج واهنـي الكـل انصـدم وخـصوصا عمـر ومـحّمد
مـحّمـد..تحـرمـي علـيا مـن بـعد اليـوووم ومـستحـيل تـولي مـرتـي مـن بعـد الـيوم اول مـاتولـدي حّنطـلقگ ومـستحيل مـزال تـرجـعيلييي كـمشة بـيئة وزبـاااالة كـيييف حـتى كـيييف صـدقتگ وحـبيتگ كـيييف حـتتتى انگ تكـوووني مـرررتـي كـيييف حـسبي الله ونـعم الـوكيييل فـيييك حـتى لو همـا سـامحـوك مـستحيل نسـامحگ علـى شـن بّنسااااامح علـى خـياااانتگ لـيا والا عـلى تـدبييييرگ فـي تخـريب حـياش خـوتي والا عـلى انّك تـبي تخـليني خـااااتم فـي صّبعگ وتـبي نـعصي امـي عـلللى شّنووو والا عـلللى شّنووو تـي مـستحـيييل مـستحيييييل مـزال تولـي او تقـعدي مـرتي اهـو قّلتلگ انـي اول مـاتجـيبي حـنطلـقگ ومـعش يـربطّني بـيك شـي غـير هـالعـيل اللـي فـي بطـنگ وحـتى الحـوش مـاك قّاصتيله خـطوة روحـي مـن اهنـي لحـوش بـوگ
هـالة..لاااااا مـحّمممد لااااا وراس امـيييمتگ لااااا😭😭😭لااااا بالله علـييييك والله نـاااادمة والله نـاااااادمة هـيا السـببب كـانت هـيا السـببب هـيا ديّما تعـبيلي فـييي راسـييي😭😭😭حـرام علـيييكم حـتخـلو البـيبي مـتشـرد بـيننا حـراااام علـيييكم
مـحـمد دفـها..قّتلك تحـرمي علـيااااا ..وطـلع مـحّمد وسـيبها ركـب لـشقته طـول
عمـر شـاف لهنـاء وهـالة ورزان..كـل حـد طـلع عـلى حـقيقته وتوا لـو سمحـتو مـنغير مـطرود تفـضلو بـرا
طـلعو هـناء ورزان ورا بـعض بـكل هـدوء
هـالة مقـعمزة قـدام فـاطمة وتبـكي..سّاعديـيني عمـيمة ارجـوگ بالله علـيگگگ والله نحـبه ونـبيه
فـاطـمة..مـش حـينفـعگ البّكي اطـلعي ورا خّواتگ وروحـي مـعاهم لانـگ اللـي درتـيه فـي ولـدي مـستحيل نـسامحگ علـيه حـرام علـيگ مـحّمد والله مـايسّتاهل اللـي درتـيه فـيه هـدا كـله حـتى يـوم حـرجتي فّي حـوش بـوك مـشالگ ورضّاگ رغّم انـ مّش غّالط بـس مـع هـدا كـبر بّيك ومـشالگ وروح بـيگ سـامـحيني المـرة هـدي مـاخلـيتي شـي تولـي عـليه بـري لحـوش بـوك ووقت تولـدي وريقـتگ توصلگ وغـير هكـي مـعش فـي شـي يـربطنا بـيك غـير هالبـيبي
طـلعت هـالة بّروحّها مكّسورة ومّـهدودة الحـيل جـت بتـركب لقـت هنـاء ورزان يّلمو فـي دبـشها اللـي فـي دروج مـلوح وحجـاتها كـلها لـوحـهم لمـو كـل شـي وخـدت هًالة وشًاح لـبساته وطـلعت ورا هنـاء ورزان ركـبو همـا السـيارة وقـفت هّالة وتلـفتت وراها وشـافاته لقـاته واقـف فـي البـلاكونة واول مًاشافها خـش طـول نـزلت مـنها دمـعة سخـونة مسـحتها وركـبت السـيارة وطـلعو
.
.
عمـر شـاف لأيـات..صـدقتي توا !؟؟؟صـدقتي ان انـي مـستحيل نخـونگ؟؟
أحّمد شـد عمـر..يا عمـر المـرا عنـدها حـق خـلاص توا شـافت وسّمعت كـل شـي اكـيد تفـهمت وصـدقت واي واحـد فّي مكّانها كّان حـيدير هكـي
أيـات..نـبي نخـش نّرقد بّس☹
فـاطّمة..يا أسـاور خـششيَها بنـيتي
دخـلتها أسـاور للـدار وغـطتها وخـلتها تـرقد
.
.
أحـمد..هّم وانـزاح مـن علـى قـلبي
عمـر..تعـرف بجـد تعـبت اعصـابي وعـيييت خـلااص
فـاطـمة..انـي بنـركب لّمحمد بّنشـوفه
أحّمد..خـليه يـام يـقّعد بـينه وبـين نـفسه شـوية
فـاطّمة..لالالا مّستحيل نـخليه ولـيدي بنـركبله
أحـمد..بـاهي
أسـاور..انـي خـلي بنّضم المـرش
فـاطّمة..ضـمي ضـمي سّلم بـنيـتي
مـعاذ..ريّت مـايطـلع مّنها هـالصـفرااا
أحـمد..لفـعة ياوخـييي
عمـر..قـولي شـن جـيب رزان لـهالة
أحـمد..بـنت خّالتها
مـعاذ..هّدي هـيا نفـسها؟
أحّمـد هـز بّراسه بـي ايه
مـعاذ..مـاكـنتش نَعرف ذوقگ خـرا هكـي🤢
أحـمد..بـاه هـي ضـم فـمگ كـتاب وتسـكر عـيلة خـرا علـى بعـضها
عمـر..وين مـعتز
أحـمد..وانـي خـاش مـبكري هوا طـالع هو ومـرته
عمـر..باه اللـي مـاحضـرتش مـرته الـزفت راه تحّشمنا قـدام البّنت بّرانـية مـن اول يـومين لّيها عنـدنا
مـعاذ..شـن قّصدك وأسـاور😎
عمـر..أسـاور بّرانـية تشـوف فـيها؟؟🙂🙂
أحـمد..خّيركم عـلى مـرتي🙂🙂
مـعاذ..حـقا غـدوا بنّخطف مّنگ مـرتگ
أحـمد..اشـي يـقولي فـيها بكـل عيـن وقـحةةة
مـعاذ..بنمـشي انـي وياها لمـشوار
أحّمد..وويـن عّلى خـير!!؟🤔🤔
مـعاذ..بنـدير المـقابـلة غـدوا وهـيا بتمـشي مـعاي هكـي قـالت السـلطات العـليا امـي
أحـمد..مـداما امـي هكـي قـالت بـرو
عمـر..وراس وخـييي وراااس وخـييي هـدرز مـعاها وشـوف تصـرفاتها وكـل شـي قـبل راه انـي بـدت عنـدي فـوبيا مـن نسّاوين الخـوت
مـعاذ..تخـافش البّنت مـنكبة علـيها دنـيا مـن كـل النـواحـي مـش فـاضية لحّد🤣
عمـر..انـ شـاءالله خـير وخـلاص
أحـمد..تكـلم فـيها!
مـعاذ..لا مـاتبـيش هّيا
عمـر..مّنين تعـرفها
مـعاذ..قـصة طـويلة نحكـيها مـرة تّانية
أحـمد..شكـلها مـصيبة مـش قـصة
مـعاذ نـاض وقـف..مـرتگ الاسـتخباراتـية تعـرف كـل شـي هـي السلام
عمـر..تعـالى جـااااي وانـي منـين بنّعرف
مـعاذ..بلا جـو عـاد مـرته ومّرتگ ديمـا روصـهم فـي بعـض جـت عـلى هّدي مـاتعـرفهاش؟🙂 هـيا تشـااوات
طـلع مـعاذ يجـري نّزل طـول لحـوشهم وخـش لـداره يبـدل بـاش بـيطلع هـوا ووسـيم
.
.
أحّمد..كـملتي!
أسـاور..ايه هلبـا مكسـرين دنيـا كـلها
عمـر..سـامحّينا فـي تعـبگ
أسـاور..ولـو
عمـر..وشكـرا ليـگ لأنـگ بيـنتيها عـلى حـقيقتها كـانت حّتخرب العـيلة بـسمها
أسـاور..ولـو انـي اول مـاشكّيت درت اللـي عـليا واهـو فـي النهـاية بـان الحـق والحـمدلله رغـم ان مّاكّنتش نـبي نكـون سـبب فـي طـلاقها مـنه بـس الله غـالب حـذرتها اكـتر مـن مـرة بـس مّابتـش توقـف وهـدي نتـيجة أفـعالها
أحـمد..نهـايتها صـعبة وتسـخف كـل حـد بـس كـانت حّتكون نهـايتنا احـني انـي وأنـتِ وعمـر وأيـات خـلي هكـي كـل واحـد ياخـد جـزاته وتـكون عـبرة لغـيرها
أسـاور..هوا هـدا خـليها أيـات توا تـرتاح ولمـا تنـوض مـاتخـافش حّتسامحگ هـيا بـس واجـعها خـاطـرها
عمـر..انـ شـاءالله خـير
أحّمد..هيـا
اسـاور..هّي
طـلعو أسـاور وأحّمد ركـبو لـشقتهم
.
.
عـند أنـسام
أنـسام..مـامـا هـيا بـاش بنـطلعو
آمـنة..هـي اهو طـالعة
وسـن..بنمـشي مـعاكم اسـتنوني
أنـسام..خـليگ لا بنمـشي انـي ومـامـا بـس
آمـنة..وضّعكم انتم الـزوز مـش عـاجـبببني خـيركم مـتعاركّين لـيكم شّهر؟؟
انـسام..تعـرف روحـها شّن مـدايرة
وسّن..تـي خـلاص الـزفت والله خـلاص ذلـيتي ام امـي خـلااص
أمـنة..شـن فّي انت ويّاااها
أنـسام..موضوع بـيني وبيّنها يام تـشغليش بـالگ هـيا اطـلعي انـي فـي سيـارة
طـلعت آمـنة وهـي تخـمم
طـلعت وسـن تشـوفلـهم..بتحـرميني حـتى مـن فـرحتي لـيگ كّنت نسـتنى بالسـاعة والـدقيقة امـتى تنخطـبي ونّفرح بـيك ونبـدا نـطلع مـعاك ونـشري مـعاك بّتاتگ😭 حـرام علـيك قتـلك كـان غصـب عنـي
نّزلت انّسام مـن السّيارة بـضعف وقـلة حـيلة فـتحت حـضنها لأخـتها نـزلت وسّن تجـري وحـضنـتّها..اسـفة سـامحـيني حـقگ علـيا والله بـس وقّتها عـيلة وكّنت مـانعـرفش وكـان يهـدد فـيا😭
أنـسام حـضنتها..خـلاص انـسي المـاضي كـله خـليته وراي مـستحيل مـزال نتفـكره وبـري توا البـسي وتعـالي تلقـيني نسـتنى فـيك
مـشت وسّن تجـري تبـدل
ركـبت أنـسام السـيارة
آمـنة تنهـدت بـراحـة..توا نقـدر نمـشي وبـالي مـرتاح بـعد تسـامحـتو
أنـسام تمّسح فـي دمـوعهـا وتواسـي فـي روحـها..كّان عقـاب لـيها وتـم اخـتي هـدي ومـانـرضى فـيها شـي بـس قـرصة ودن فـقط وتّربت
آمـنة..شـن صـاير بّينكم
أنـسام..خـلاص يام مّعش عنـدي خـلوق نتفّكر ولا شـي مـن المـاضي كّتاب وسكـرته حّنبدا حـياة جـديدة واول شـي هو تـخرجـي اللي نجـهزله توا وزواجـي بـأمـير
آمـنة..ربـي يهنّيكم ويـسخرلگ الحـال
أنـسام..انـ شـاءالله يـااارب
جـت وسّن والبّسمة عـلى وجـهها ركـبت السيـارة وطـلعو مـع بعـض فـرحانـين❤
.
.
عـند مـحـمد
قـعمز فـي داره وقـعد يتفـكر فـي دعي أنـسام عـليه وقـلة سـماحـها لـيه لعنـتها لـيه لاحـقاته ويـن مـايمـشي ومـشقادر يقـدم خـطوة فـي حـياته نهـائـي الا بمـسـامحـتها لـيه
خـشت علـيه أمـه
فّاطـمة جـت قّعمزت جـنبه..ولـيدي كـيف حـالك توا
اتكـى مـحمد عـلى رجـل امّه..خـليني هكـي بـس
حـطت فـاطمة يـدها عـلى شعـره وقّعدت اديـرله فـيه..مـاتخـافش كـل شـخص يـدير شـي يلقـاه فـي حـياته وكـل ظالـم ربـي حـيجازيّه اكـيد ومـستحـيل ربـي يظلـم حـد وكـل واحـد حـياخـد حـقه انـت بـس خـلي أمـرگ لـي ربـي
دمـعو مـحّمد عـيونه..اصـلا اللـي قـاعد يـصيرلـي توا لعنـة مـن بنـت حـبتني وظلـمـتها وزي مـاقـلتي يام كـل واحـد حـياخد جـزاته وكـل شّخص ربـي حـيعاقبّه عـ كّل شـي داره فـي حـياته واهـو انـي ربـي يجـازي فـيا عـ اللـي درتـه قـاعد يـام مـش نّاسي يوم اللي قـالتـلي فـيه مـش مـسامحـاتگ وحـسبي الله ونـعم الـوكيـل فـيگ
فـاطّمة قـامت مـحّمد مـن عـ رجـلها..شـن تقّول بـنت مـن اللـي ظلّمتها!!؟
مـحـمد..#يـتبع

.
.
عـند مـعتز ودنـيا
دنـيا..زعمـا كـيف حـالها أيـات
مـعتز..اكـيد كـويسة بـعد خـبر الحّمل
دنـيا..مـعتز احكـيلي عـلى عّيلتگ شـوية
مـعتـز ابـتسم..عـلى مّني تـبي نـبدا
دنـيا..امك نعـرفها طـبعا😍 أبـدا بـي عمـر وأيـات
مـعتـز.. #يـتـبع
.
لقراءة باقي حلقات الرواية : اضغط هنا 
google-playkhamsatmostaqltradent