رواية غرام الأسد الفصل الرابع 4 بقلم شروق محمد

 رواية غرام الأسد الفصل الرابع 4 بقلم شروق محمد

رواية غرام الأسد الحزء الرابع 

رواية غرام الأسد البارت الرابع 

رواية غرام الأسد الفصل الرابع 4 بقلم شروق محمد


رواية غرام الأسد الحلقة الرابعة

اللهم صل وسلم وبارك على سيدنا ونبينا محمد صلى الله عليه وسلم تسليما كثيرا
---------------------------
غرام الاسد
البارت4
-----------------------
"في صباح يوم جديد وبالتحديد في المدرسة التي تعمل بها غرام كانت تجلس في المكتب وجاءت إليها هاجر.
هاجر: يافتاح ياعليم علي الصبح، نفسي أدخل المكتب مره ألاقيكي بتضحكي
غرام: أضحك، أضحك علي ايه، علي اني ماحققتش حلمي، اني خلاص كلها ايام واتجوز
هاجر: ليه يابنتي علي الصبح كدا ايه الجديد
غرام: الجديد هه، الجديد ان خطوبتي كمان يومين ده الجديد، الي بنام واقوم علي كلام بابا نفسي اشوف أحفادي، نفسي اطمن عليكي، نفسي ونفسي
هاجر: نعم ازاي دا وعلي مين هو أسد رجع
غرام: أسد، أسد ده كان حلمي وامنيتي، لا ده واحد ابن صاحب بابا، وبابا خلاص قرر وهينفذ الحكم وانا عليا سمعا وطاعه من غير ما اعارض
هاجر: وباباكي الي قرر دا ايه دا
غرام: هو كدا ماتعرفيش هو بيفكر في ايه
هاجر: وبعدين هتتصرفي ازاي
غرام: ولا قبلين خلصت الحكاية قبل ماتبدأ
هاجر: طيب حاولي تغيري تفكريك ياغرام وحاولي تفرحي ممكن يكون ده نصيبك
غرام: خلاص ياهاجر ماعدتش تفرق كله محصل بعضه فرحت مافرحتش الجوازة هتم
"" وقفت هاجر وضمت صديقتها ورفيقة عمرها ودموعها سالت علي وجنتها وقلبها يتألم علي حال صديقتها ووجع قلبها ""
غرام: يابت بتعيطي ليه خلاص ياهبله دا جواز مش هنتحر ولا حاجه، هو اه انتحار بشكل تاني بس خلاص يعني، نصيب بقي والسلام
هاجر: ربنا يريح قلبك يامورا
غرام: يااااااه فكرتيني بأجمل أسم بحب اسمعه تعرفي كان أسد دايما يقولي يامورا وهو بيبتسم ليا وعيونه فرحانه ومليانه كلام ليا، بس زي مايكون عاوز يتحفظ بالكلام ده بيبقي عاوز يتكلم، بس مش عارفه كان بيسكت ليه، بخرف صح سيبك
هاجر: فهماكي بس حاولي تفكري في حياتك ونفسك ياغرام ده الي يهمني.
------------------
"بمكان اخر وتحديدا عند اسد (فيلا وليد)
وليد: والله منورني، ماتفكر يااسد تاني
اسد: افكر في اي ياوليد، اظاهر انت ماتعرفش سعد المنشاوي لما يتعصب
وليد: تصدق نفسي اشوفه واتكلم معاه، حبيته اوي من كلامك عليه وكمان اشكره علي تربيه ليك
اسد: حبيبي تسلملي، انت الي جدع، وراجل بجد انا لو ليا اخ مش هحبه كدا ومش هبطل اقؤلها انت اكتر من اخويا ربنا يخليك ليا ياصاحبي
وليد: حقيقي انت اكتر من اخ تعرف انا لو ليا اخت
اسد بإبتسامه: ايوه هتعمل اي بقي
وليد بإبتسامه: خليني اكمل كلامي ياض
اسد بضحكات عاليه: اتفضل خلاص سكت اهوه
وليد: كنت جوزتهالك لاني مش هلاقي في ادبك، اخلاقك واحترامك
اسد: حبيبي تسلملي ياصاحبي، انت حقيقي صاحبي، مش رئيسي في الشركه
وليد: اسد حاول ماتغبش عليا
اسد: سبها لله وياله انت مش ناوي تغدينا ولا اي
وليد: لا طبعا ياله حضرتك الي عليك الشوي وكل حاجه جاهزه في الجنينه
اسد بإبتسامه: اها قول كدا طيب اتفضل ياباشا قدامي
"ظل وليد وأسد يتناقشون ويمرحون وبعد ذلك ذهبوا لتحضير الطعام سويا"
-------------
"في المساء منزل ايهاب وتحديدا غرفته"
ايهاب: الوو اذيك ياسحس
حسين: مساء الانوار
ايهاب: خلاص زي ما اتفقنا قولتلك هتوافق
حسين: خلاص تمام هنيجي انهاردة ناخدكم وننزل نجيب الشبكة ايه رأيك وكمان يومين يلبسوها
ايهاب: وماله علي خيرة الله هستناك سلام
منال: بتتفق مع صاحبك علي بنتك انا ماشوفتش كدا
ايهاب: ايه الهبل ده انا عارف انها هتوافق عشان كدا اتفقنا وبليل ننزل نجيب الشبكه وهتلسبها بعد يومين
منال: مافيش فايدة لا عمرك حسيت بيها ولا بقلبها
ايهاب: اهو كلامك ده الي ضيعها اسكتي احسن
منال: ساكته بس بكرة تندم علي وجعها
غرام: خلاص ياماما سيبي بابا يعمل الي هو عاوزه
ايهاب: اه اتفقتو عليا وطلعت انا الوحش في الاخر صح
غرام: خلاص ياجماعه انا وافقت وانتهي الكلام في الموضوع ده شوف يابابا انت عاوز ايه وانا اعمله
ايهاب: عمك حسين جاي انهاردة هو وحسام عشان نروح نجيب الشبكه ويومين وهتلبسوها
غرام: طيب وانا هكون جاهزة في المعاد
منال: لا حول ولا قوة الا بالله ربنا يقدم الي فيه الخير
ويسعدك يابنتي ويكتبلك الخير
"" دلفت غرام غرفتها وجلست بتعب علي مكتبها وشاردة في الماضي ""
Flash back
أسد: الحلو قاعد سرحان في ايه
غرام: أسد
أسد: ايوه اسد هو في حد يقدر يدخل هنا غيري ولا ايه مالك بقي سرحانه ليه
غرام: مافيش عادي يعني
أسد: لا مش عادي حد زعلك في الكلية
أسد: هو انت مخلي حد يقدر بس يبصلي
أسد رافع حاجبيه وبدأ يتحدث بجديه: وانتي زعلانه ولا ايه، عاوزة حد يبصلك فاهميني
غرام بابتسامه: ازعل لا طبعا انا مبهورة بيك وبحس معاك بإلامان وببقي مبسوطه اوووي لما بتدافع عني
أسد: بودي جارد يعني اه وايه كمان
ابتسمت غرام برقه وقالت: لا مش كدا
أسد: ماشي يامورا لما أشوف أخرتها انا رايح مشوار مع عاصم صاحبي ماتروحيش لوحدك انا هاجي اوصلك ماشي
غرام بمشاكسه : ماانت هتغيب
أسد: مورا عاوزه حاجه اجيبهالك وانا جاي
تعالت صوت ضحكات غرام وقالت: لا شكرا
أسد: ماشي ومش هغيب علي فكرة
"كانت غرام شارده في وسامته وهيبته الساحرة"
أسد: بت مالك سرحتي تاني في ايه
غرام: ها لا مافيش شكرا
"ابتسم اسد بوسامته المعهوده وكان قلبه يدق بعنف"
غرام: يالهوي ياناس هيموتني بتقله ده
أسد: بتقولي حاجه يامورا
غرام: يالهوي لا بقول تيجي بالسلامة
أسد بابتسامة: اه طيب سلام ياقمر
Back.
فاقت غرام من شرودها وبدأت تتحدث مع نفسها..
"وحشتني اوي وحشتني ضحكتك الي كانت مجنناني وحشني هزارك، وكلامك ياتري فعلا مش بتحبني وانا موهومه، ولا قلبي صح، لو انا صح طيب ليه الغيبه دي
"دلفت منال غرفة غرام"
منال: غرام غرام يابنتي بنده عليكي بقالي ساعة انتي سرحانة في ايه كل ده ولا بتتكلمي مع مين
غرام: لا ابدا مش سرحانه ولا حاجه بكلم نفسي
منال: طيب اجهزي الجماعه في الطريق
غرام: حاضر هصلي بس والبس علطول
منال: غرام حبيبتي لو مش عاوزه الجوازة دي خلاص بلاها ونتأسف للناس
غرام: وانتي تفتكري نتأسف للناس كدا بالساهل خلاص ياماما ده نصيب وانا رضيت بيه اديني بس شويه اجهز
منال: طيب حبيبتي انا كمان هروح اجهز
"ذهبت منال من امامها ودلفت الي غرفتها وهي حزينه علي حال ابنتها ووجع قلبها وقساوة زوجها عليها.. وقالت :يارب يكون ده الصح فعلا ما باليد حيله ياغرام..
--------------------------
بعد مرور نصف ساعة .
ايهاب: ياله يامنال انتي وغرام الناس مستنيه تحت
منال: خلاص انا خلصت هدخل اشوف غرام خلصت ولا لسه كانت بتقول هتصلي الاول
ايهاب: ممكن تبتسمي دي شبكة بنتك بلاش تحسسيني بالذنب انا اب بيخاف علي بنته وعاوز يفرح بيها
منال: ماانت هتفرح اهوه انا قلت حاجه عن اذنك هنده لغرام عشان الناس مستنيه
"ارتدت غرام فستان رقيق وجهزت ووقفت تتحدث مع نفسها في المرءاه" كان نفسي اكون رايحه اجيب شبكتي معاك يااسد مش مع غيرك كان نفسي اشوف الفرحه في عينيك نفسي احس بفرحتي بيك وظلت غرام تبكي وتتوجع علي حالها ونصيبها وحلمها الي أنتهي قبل مايبتدأ، حتي التفكير ياربي ماعتش ينفع افكر فيه لانه مش من حقي ياااارب"
"دلفت منال الغرفه علي ابنتها"
منال: خلصتي حبيبتي
قامت غرام بمسح دموعها بسرعه وقالت: ايوه ياماما جاية حالا
منال: ماشاء الله عسل ياقلبي اجمل عروسه ياناس
غرام: باست مامتها شكرا ياماما
"دلف إيهاب غرفة غرام"
ايهاب: ايه الجمال ده ياعروسه
غرام: شكرا يابابا ياله ننزل
"اخذهم ايهاب وذهب الي صاحبه ووقف يتحدث معه اما حسام فذهب لغرام.
حسام: اذيك ياغرام عاملة ايه
غرام: الحمد لله
نجلاء: ماشاء الله ايه الجمال ده ياعروسه
غرام: تسلمي ياطنط
منال: اذيك ياحسام
حسام: الحمد لله ياله بينا ياجماعه
"ذهبو جميعا لأختيار الشبكه واختيار الفستان وحسام ووالده اصروا ان يبقو سويا بعض الوقت واصرو علي دعوتهم علي العشاء"
حسام: مبسوطه ياغرام
غرام: وهنبسط ليه
حسام: عشان انا معاكي وكمان الشبكه واننا هنتخطب
غرام: هو انت ليه محسسني اننا واخدين بعض عن حب مثلا ولا كان بينا كلام وياريت تبطل الغرور ده شويه
حسام: ده مش غرور دي ثقه
غرام: ثقه طيب عن اذنك ياثقه
"تركته غرام وذهبت من امامه ودلفت الي غرفتها بحزن والقت الاشياء التي كانت بيدها علي أرضية الغرفة وألقت نفسها علي الفراش وأجشت في بكاء مرير"
نظرت منال لزوجها بعتاب وقالت: الف مبروك ياابو غرام عقبال الفرحه الكبيرة "وتركته وذهبت لأبنتها"
منال: غرام ايه ياقلب ماما ايه رأيك في الواد حسام كويس ومؤدب صح شكله ابن حلال
غرام: بصت لمامتها وعيونها مليانه دموع ووجع
منال: ليه كدا ياغرام تضيعي فرحتك افرحي ياقلبي
غرام: ما انا فرحانة حد قال اني مش فرحانة
اخذتها منال في احضانها لتهدئتها وقالت: دا الواد شكله بيحبك وعلطول مركز معاكي مااخدتيش بالك طول مااحنا قاعدين مشلش عينه من عليكي
غرام: مش محتاجه تضحكيني ولا تضحكي عليا ياماما انا رضيت وخلاص وده نصيب
منال: طيب قومي صلي ركعتين ونامي عشان ترتاحي
غرام: ان شاء الله حاضر
منال: يحضرلك كل خير يابنتي ويسعدك "تركتها وذهبت الي غرفتها وهيا تشعر بالحزن لأجل ابنتها"
"التقت غرام هاتفها وقامت بالأتصال علي رفيقتها"
هاجر: قلبي وحشتيني فينك يابنتي
غرام: موجودة اهوه
هاجر: مال صوتك ياغرام في ايه
غرام: عادي ياجوجو كنت بجيب شبكتي
هاجر: نعم يااختي
غرام: مش انا قيلالك يابت ان بابا كلمهم وكدا
هاجر: احكيلي حصل ايه
غرام: ولا حاجه نزلنا روحنا جبنا الشبكه والفستان وصممو يعزمونا "وظلت غرام تسرد لرفيقتها مما حصل معها "
"" كانت غرام تتهرب من الواقع المؤلم في الحديث مع رفيقتها لعل قلبها يهدأ من هذا الوجع""
هاجر: خلاص انا هاجي من الصبح ونفضل سوا
غرام: اكيد حبيبتي لازم تيجي وتكوني مع اختك
هاجر: قلبي ربنا يكتبلك السعادة
غرام: انا هقوم اصلي وانام
هاجر: تصبحي علي خير ياروحي
غرام: حبيبتي وانتي من اهل الخير
------------------------
دمتم بخير يا قمرات
رأيكم ياقمرات في
غرام الاسد


google-playkhamsatmostaqltradent