رواية عشاق الصعيد الفصل الحادي عشر 11 بقلم آية الإبشيهي

 رواية عشاق الصعيد الفصل الحادي عشر 11 بقلم آية الإبشيهي

رواية عشاق الصعيد الجزء الحادي عشر 

رواية عشاق الصعيد البارت الحادي عشر 

رواية عشاق الصعيد الفصل الحادي عشر 11 بقلم آية الإبشيهي


رواية عشاق الصعيد الحلقة الحادية عشر 

الحادي عشر والثاني عشر
عُشاق الصعيد 💙(11)
بالصعيد
بمنزل عزت القناوي
بغرفة ليل
ورد قفلت وأحمد كان هيموت من الضحك وهيا بصت جانبها لقيت ليل مايتة من الضحك.... وورد افتكرت الكلام اللي قالته لأحمد وطلعت تجري ورا ليل
ورد: -والله مش هسيبك
ليل جريت دخلت أوضة النوم وقفلت بالمفتاح
ليل: -يالا يا ماما على أوضتك
ورد: -افتحي يا ليل احسنلك
ليل(بضحك): -لا مش فاتحة..... ويالا تصبحي على خير
ورد: -ليل
ليل: -انا نمت
ورد (بغيظ): -ليل
ليل(بضحك): -انا بحلم
ورد بصت للباب بغيظ وضربته بإيدها وطلعت راحت
لأوضتها
رحيق صحيت على صوت الخبطة
رحيق(بفزع): -في اي يا ليل؟؟
ليل(بابتسامة واسعة): -مافيش حاجه حبيبتي دي ورد..... نامي انتِ
رحيق: -لا خلاص مش عاوزة انام هقعد معاكِ شوية.... ولا انتِ هتنامي؟!
ليل(وهي تضع هاتفها على التسريحة): -لا مش هنام.... هدخل اخد دوش بسرعة ونقعد مع بعض
رحيق: -ماشي
ليل دخلت وبعد شوية طلعت ووقفت قدام المراية بتنشف شعرها وبصت على التسريحة وبعد كدا كلمت رحيق
ليل(وعنيها على صورة رحيق في المراية): -رحيق...... معلش انزلي هاتي ازازة ماية عشان انا نسيت
رحيق(بخضة): -نعم!!!!...... مين دي اللي تنزل؟!...... انتِ عاوزاهم يقتلوني صح!؟...... قولي انك زهقتي مني
التفتت إليها ضاحكة: -هههههههه ايه يا بنتي...... انزلي هاتي ماية واطلعي على طول...... بعدين الكل دلوقتى نايم...... واصلا هنية وعمتي مش هيطلعوا ماتقلقيش
رحيق (بنفي): -لا يا ستي انزلي انتِ بسرعة
ليل: -هبرد يا رحيق..... بصي البسي طرحتي وغطي وشك كدا زيادة احتياط..... مع إني عارفة ان محدش هيشوفك
رحيق: -بس.....
ليل(وهي تحثها على الخروج): -انزلي يا رحيق كان زمانك جيتي....... افتحي التلاجة وهاتي الازازة واطلعي..... شوفتي ساهلة ازاي..... (أغلقت الباب برفق قائلة)يالا
رحيق (بتأفف): -اوووف...... انا خايفه...... ايه الهبل ده هو انا هفجر نفسي دي إزازة ماية

*في غرفة فهد
يحيي (وهو يُلقي بورق الكوتشينة): -والله انت بتخم
فهد (بضحك): -ايوا كل اما الشايب يبقي معاك تعملي الفيلم ده
يحيي (بمكر وتثاؤب مصطنع): -ااااا انا عاوز انام خالص..... مانمتش من ساعة ماوصلت
فهد (بحزم خفيف): -قوم يالا طرقعلي صوابع رجلي
يحيي(باشمإزاز): -اتفووو
فهد: -بتقول حاجة!؟؟
يحيي: -بقولك ايه شوف حاجة تانية بدل ما ارجع عليك
فهد (بضحك)؛ -ههههههههههه....... طب قوم اعمل كوبايتين نسكافيه
يحيي(بدلع): - ماتؤمرنيش بحاچة تانية يا سي فهد
فهد (وهو يقترب من يحيي): -مانحرمش منك يا ام العيال
يحيي (بيحاول مايضحكش وواخد وضع انه يجري بس مقرب من فهد جدا): - هات بوسة يا سي فهد
فهد (هب واقفا وهو يضع يده على ثغره): -يا مصيبتي...... انت يا يحيي..... اخويا الصغير؟!..... لا
يحيي (بضحك): -اعطني قبلة الحياة يا اخي..... الم تشاهد فيلم فروزين وهي تقبل اختها؟!
فهد (وهو يوجه إليه حذاءه): -ماقبلتهاش يا حقير
يحيي (بضحك وهو يتفادي الحذاء): -ايوا صح حضنتها..... فين بقي حضن ام العيال
هب الفهد واقفا فأسرع يحيي للخارج سريعا متوجها للمطبخ بالأسفل

في المطبخ
اسرع يحيي للداخل ولكنه وجد باب الثلاجه مفتوح وهناك أحد منغمس داخلها..... اختبئ خلف الجدار عندما سمع صوت تبرمها
رحيق (بتبرم وهي تضع بضع حبات العنب في فمها): -كان لازم تنزلني..... تبقي تيجي تطلعني بقي....... يامييييييييي 😋 دا جاتوه بالكراميل..... يااااه دا انا بقالي قرن مانزلتش من الأوضة....... (امتلئ فاها بالطعام وانتبهت لشيء فقالت بفاهٍ ممتلئ) الله برقوق وزيتون اسود ومخلل وشكولاتة (أخذت حبة زيتون) لا الحمدلله هبقي اخليها تنزل تجيبلي الحاجة فوق..... (اغلقت باب الثلاجه وكادت أن تذهب ولكنها تذكرت زجاجة المياه) يالهووووي المايه
اخذت الزجاجة وتوجهت للخارج ولكنها تصلبت حينما استمعت لذلك الصوت
: -انتِ مين؟!
رحيق (بقلق وخوف ولم تلتفت): -ااانا..... اانا
يحيي (وقف قدامها واتصدم وفرح ومشاعر كتير كانت جواه لما شافها): -انتِ!؟
رحيق (وهي تبتلع ريقها بصعوبة وهي تنظر للأسفل): -اانا رحيق اخت....
يحيي (بعدم تصديق): -رحيق
رفعت عينيها إليه لتقابل عيناه
رحيق (بهمس سمعه هو): -يحيي!!!
يحيي(بابتسامة مخفية): -تعرفيني؟!
رحيق (وهي تحرك رأسها تارة بالنفي وتارة بالإيجاب): -ااه.. لا...ااه... اقصد...... انت تعرفني؟!
يحيي(بضحك وحب): -ااه ولا
رحيق (بحب): -بجد تعرفني؟!
يحيي(بعشق): -اعرفك
ظلا كل منهما منغمس بعين الآخر لبضع من الوقت حتي استمعوا لصوت دربكة فقالت رحيق سريعا وبهمس: -انا همشي.... اقصد هاطلع.... مش مصدقة اني شوفتك... اقصد فرحانة اوي... لا مش كدا.... انا طالعة... سلام
ركضت من أمامه وظل يتتبعها بنظرات حب وابتسامة مرسومة على ثغره
آفاق على يد موضوعة على كتفه فاستدار سريعا،، ليجده بابتسامة بمكر ينظر إليه
فهد (بمكر): -بتبص على إيه
يحيي (بهيام وصوت عال نسبيا): -بحبها
فهد (وهو يضع يده على فمه ويجذبه للداخل): -بس اسكت..... تعالي ادخل
صعدوا للأعلي سويا واتجهوا نحو غرفة فهد
في غرفة فهد
يحيي (بسعادة): -بحبهاااااا....... لالا بعشقها والله
فهد (بضحك وعدم فهم): - بسس يا بني..... بعدين مين دي؟؟
يحيي (وهو يضع يداه على كتفي فهد): -رحيق..... بعشقها.... و مش مصدق إني شوفتها.... انا بحلم صح؟!.... فهد هو انا شوفتها فعلا؟!
فهد (بضحك واستغراب): -اهدي كدا وفهمني..... انت بتحب رحيق؟؟..... ازاي؟!
يحيي (وهو يهوي على الفراش بفرحة): -مااعرفش ازاي..... كل اللي اعرفه اني بحبها انا بحبها
فهد (بهدوء وهو يجلس جانبه): -عشان شكلها يعني؟!
يحيي(باستغراب): -انت اللي بتقول كده يا فهد؟!..... لا طبعا بس انا حسيت بحاجة لما شوفت صورتها وكنت هموت واشوفها
فهد: -وانت شوفت صورتها امتا وازاي
يحيي(بدون وعي): -اصل زهور وحاتم..........
فهد (بسخرية): -لا بسم الله ماشاء الله علي الرجولة..... شوفت بنت عمك اللي هيا اختك واقفة مع واحد في الشارع وانت عادي
يحيي (بهجوم): -فهد..... انت عارف انا بحب زهور زي اختي وعمري ما كنت هسمحلها انها تقف مع حد كدا..... بس انا اتأكدت ان حاتم بيحبها وهيجي بكرا ان شاءالله يطلب إيدها وانا هطلب منه رحيق
فهد: -اما نشوف
يحيي (بضيق): -فصلتني الله يخرمبيتك
فهد (بضحك): -و يخرم بيتك انت كمان
يحيي (بتنهيدة عشق): -انا هطلع الجنينة شوية
فهد (بضحك): -هتشعر للقمر ؟!
يحيي (بحزم مصطنع): -خليك في حالك يا بابا..... انا مش هشعرله وبس دا انا هغنيله كمان
فهد (بضحك): -ربنا معاك يا حبيبي
_____________
*بغرفة ليل*
صعدت للأعلي غير مصدقة أنها رأته وتحدثت معه...... كادت أن تتعثر عدة مرات وهي تصعد كانت تريد أن تراه وتشبع نظرها من رؤيته،، ولكن خجلها جعلها تدلف لغرفة شقيقتها سريعا،، وما إن دلفت حتي قفزت من فرط سعادتها
كانت ليل تجلس مع ورد يتحدثان،، ولكنهما تفاجأ حينما دلفت رحيق الغرفة وهي تقفز في الهواء،، وألقت بزجاجة المياه التي كادت أن تصيب الفتاتات ولكنهما تفادايها
ورد (باستغراب): -اختك مالها يا ليل؟؟
ليل(بصدمة): -اختي اتجننت
تقدمت منها بحرص قائلة
ليل: -رحيق انتِ كويسة؟!
رحيق (بسعادة): -شوفته.... شوفته يا ليل... (التفتت لورد قائلة) كلمني يا ورد..... انا خلاص مش عاوزة حاجة تانى من الدنيا
ورد(باستغراب وهي تجذبها لتجلس): &هو مين دا اللي شوفتيه؟!
رحيق (بهيام): -يحيي
ابتسمت ليل ابتسامة مخفية على تدبير الفهد،، تقدمت منها لتجلس بجانبها
ليل: -احكيلي كل حاجه فتفوتة فتفوتة
ورد: -بت الكلمة دي بتاعتي
ليل: -ماختلفناش يا رورو
ورد: -عندك حق.... احكي يا رحيق
رحيق(بضحك): -ادا هو كلكوا عليا ولا ايه
ليل: -بت انتِ احكي يا لا
رحيق(بضحك): -احكي ايه؟!
ورد: -قولي اللي حصل
رحيق: -اقول ايه
ماهي إلا ثوانِ حتي هجما عليها بسيل من الضربات الخفيفة بالوسادات
رحيق (بضحك): -خلاص خلاص هقول
ورد: -قولي
رحيق: -لما نزلت المطبخ............
ورد: -هااا
رحيق: -انا داخلة انام..... مش عاوزة حاجة من الدنيا دي خالص
ليل: -استني مش هتاكلي
رحيق (وهي تتجه للغرفة وتلوح بحجابها في الهواء): -أوّل مرّة تحب يا قلبي
وأوّل يوم اتهنّى
ياما على نار الحب قالولي
ولقيتها من الجنّة
ورد: -تعالي يا شادية اقعدى معانا شوية
رحيق (من الداخل): -أوّل مرّة تحب يا قلبي
وأوّل يوم اتهنّى
ياما على نار الحب قالولي
ولقيتها من الجنّة
أوّل مرّة... أوّل مرّة
ورد(بهزار): -مجنونة يحيي القناوي
ليل (بضحك): -هههههههههه
ورد(وهي تنظر إليها بمكر): -بس الصُدفة دي من تدبير فهد مش كدا؟!
ليل: -ههههههههه.... لمّاحة انتِ اوي
ورد (بضحك): -طبعا..... بس انا عاوزة اشوف يحيي ورد فعله
ليل: -هكلم فهد
ورد: -طب مع نفسك انتِ بقي انا هقوم انام...... او هكلم أحمد مش ضامنة يعني
ليل: -هههههههههه ربنا يستر ويجي بكرا
ورد: -بس بس يا ماما دا بيحبني مووت موووت..... لدرجة أنه نفسه مايجيش يكتب الكتاب هههههههههه..... يالا تصبحى على خير
ليل: -و انتِ من أهله
اجهت ليل نحو شرفة غرفتها والتقطت هاتفها لتحادث محبوبها
فهد: -وحشتك صح؟!...... قولي ماتتكسفيش
ليل: -هههههههههه وحشتني اوي
فهد: -رحيق طلعت؟!
ليل: -ايوا..... مش قادرة اوصفلك شكلها كان عامل ازاي لما طلعت
فهد: -طب اطلعي البلكونة
ليل: -انا في البلكونة!!
أسرع نحو الشرفة قائلا بضحك: -اخص عليكِ
اقتربت من شرفته التي يفصل بينها وبينه سور وأغلقت الهاتف
ليل: -هاا قولي بقي
فهد: -اقولك ايه؟!
ليل: -يحيي قالك ايه؟!..... ولا مقالش
فهد: -هو قال..... بس انا مش هقولك
ليل(بزعل): -ليه؟!
فهد (وهو يشير إلي مكان بالحديقة): -عشان تشوفي بعينك
نظرت إلي ما آشار إليه لتجد يحيي يدور حول نفسه وهو يرفع صوته بغناء
يحيي: -أوّل مرّة تحب يا قلبي
وأوّل يوم اتهنّى
ياما على نار الحب قالولي
ولقيتها من الجنّة
أوّل مرّة تحب يا قلبي
وأوّل يوم اتهنّى
ياما على نار الحب قالولي
ولقيتها من الجنّة
أوّل مرّة... أوّل مرّة
"""""
"""""
ليه بيقولوا الحب قسيّه
ليه بيقولوا شجن ودموع
أوّل حب يمرّ عليّا
قاد لي الدّنيا فرح وشموع
ليه بيقولوا الحب قسيّه
ليه بيقولوا شجن ودموع
أوّل حب يمرّ عليّا
قاد لي الدّنيا فرح وشموع
إفرح واملا الدّنيا أماني
لا انا ولا إنت حنعشق ثاني
إفرح واملا الدّنيا أماني
لا انا ولا إنت حنعشق ثاني
أوّل مرّة... أوّل مرّة
"""""
"""""
أوّل فرحه تمر بقلبي
وانا هايم في الدّنيا غريب
قلّي احكي والّا اخبّي
ولّا اوصفها لكل حبيب
أوّل فرحه تمر بقلبي
وانا هايم في الدّنيا غريب
قلّي احكي والّا اخبّي
ولّا اوصفها لكل حبيب
إفرح واملا الدّنيا أماني
لا انا ولا إنت حنعشق ثاني
إفرح واملا الدّنيا أماني
لا انا ولا إنت حنعشق ثاني
أوّل مرّة... أوّل مرّة
"""""
"""""
قلبي يعيد لي كلّ كلامك
كلمه بكلمه يعيدها عليّا
لسّه شفايفي شايله سلامك
شايله أمارة حبّك ليّا
إفرح واملا الدّنيا أماني
لا انا ولا إنت حنعشق ثاني
إفرح واملا الدّنيا أماني
لا انا ولا إنت حنعشق ثاني
أوّل مرّة... أوّل مرّة

ليل(بضحك): -بتهزر والله!!....... ههههههههههه
فهد (بضحك): -لا دا كان بيعد النجوم من شوية ماشفتهوش انتِ
ليل(بضحك): -للأسف لا...... تعرف أن رحيق فضلت تغني الاغنية دي وهيا داخلة
فهد (بضحك): -ماهو سمعها وهو نازل.... هههههههههه
ليل: -هو بيحبها بجد
فهد (وهو يمسك بيدها): -هكدب عليكِ يعني؟!
ليل(بابتسامة بسيطة): -كنت عاوزة اتأكد بس
فهد (بابتسامة واسعة): -اتأكدي..... بعدين سيبك منهم بقي وقوليلي..... اختارتي فستان من المجلة اللي ادتهالك؟!
ليل(بحزن مصطنع): -لا
فهد: -ليه؟!
ليل(بضحك): -اخترت اتنين
فهد: -ياستي اختاري عشرة.... خضتيني
ليل: -لا هختار انا وانت واحد بس..... عشان رحيق اختارت واحد..... وورد اختارت واحد..... وكمان ورد خلت زهور تختار واحد
فهد: -مالكيش دعوة يا بت انتِ...... ادخلي هاتي المجلة وتعالي
دلفت للداخل وخرجت سريعا بيدها تلك المجلة التي اعطها إياها..... وظلت تشير إليه على ما آثار إعجابها وهو يتابعها بعينيها ويعشقها فوووق العشق ألف عشق آخر 💙🌸

*___________________*
بصباح يوم جديد ممتلئ بالعشق ورائحة الحب تغلف الهواء على الجميع
كان الجميع يعمل على قدم وساق بمنزل عزت القناوي ومنصور الدالي...... كانت كل من ورد وليل يستعدون معا ويجلسون بنفس الغرفة ومعهم رحيق التي أصرت أن تبقي بالمنزل حتي بعد إلحاحهم عليها...... مر وقت قصير حتي جاءت إحدي المتخصصات بالميكب لتساعد ورد،، بينما ذهبت زهور لتظل مع فرح

*مر الوقت سريعا،، حتي بلغت الساعة الخامسة ليستمعوا لصوت السيارات من الخارج،، خرجت كل واحدة على حدة لتجد شريك العمر يقف أمامها يأخذ بيدها للسيارة متجهين نحو المسجد الذي يفصل بين منزل منصور وعزت

أمام المسجد كان يقف فهد ويحيي وحاتم الذي جاء صباح اليوم ولم يخبر إحدى شقيقاته ليجعلها مفاجأة لهم........ ولكن فهد أخبره بعدم قدوم رحيق
يحيي (بهمس لفهد): -رحيق مش جاية؟!
فهد(بلا مبالاة): -لا.... ليل كلمتني وقالتلي انها فضلت تقولها تيجي هيا وورد ومارضيتش
يحيي (بقلق من تواجدها بمفردها): -انا هاروح اجيبها
فهد (باستغراب): -تروح فين؟!..... وكتب كتاب ورد مين هيشهد عليه؟!
يحيي (بسرعة وهو يأخذ مفاتيح السيارة من يد فهد): -مش هتأخر هجيبها وأجي...... طبعا مش هقولك اتصرف لو حد سأل عليا..... سلام يا بوب
فهد (بهمس): -الله يخربيتك يا يحيي
*____________________*
آية_الإبشيهي 💙
عُشاق الصعيد (12) 💙🌸
بالصعيد

بصباح يوم جديد ممتلئ بالعشق ورائحة الحب تغلف الهواء على الجميع
كان الجميع يعمل على قدم وساق بمنزل عزت القناوي ومنصور الدالي...... كانت كل من ورد وليل يستعدون معا ويجلسون بنفس الغرفة ومعهم رحيق التي أصرت أن تبقي بالمنزل حتي بعد إلحاحهم عليها...... مر وقت قصير حتي جاءت إحدي المتخصصات بالميكب لتساعد ورد،، بينما ذهبت زهور لتظل مع فرح

*مر الوقت سريعا،، حتي بلغت الساعة الخامسة ليستمعوا لصوت السيارات من الخارج،، خرجت كل واحدة على حدة لتجد شريك العمر يقف أمامها يأخذ بيدها للسيارة متجهين نحو المسجد الذي يفصل بين منزل منصور وعزت

أمام المسجد كان يقف فهد ويحيي وحاتم الذي جاء صباح اليوم ولم يخبر إحدى شقيقاته ليجعلها مفاجأة لهم........ ولكن فهد أخبره بعدم قدوم رحيق
يحيي (بهمس لفهد): -رحيق مش جاية؟!
فهد: -لا.... ليل كلمتني وقالتلي انها فضلت تقولها تيجي هيا وورد ومارضيتش
يحيي (بقلق من تواجدها بمفردها): -انا هاروح اجيبها
فهد (باستغراب): -تروح فين؟!..... وكتب كتاب ورد مين هيشهد عليه؟!
يحيي (بسرعة وهو يأخذ مفاتيح السيارة من يد فهد): -مش هتأخر هجيبها وأجي...... طبعا مش هقولك اتصرف لو حد سأل عليا..... سلام يا بوب
فهد (بهمس): -الله يخربيتك يا يحيي
اقترب منه حاتم قائلا: -يحيي راح فين؟!
فهد (بهدوء): -مشوار.... مش هيتأخر
حاتم: -طب هتيجى معايا عشان اكلم عمر!!
فهد (بضحك): -مالك يا تومي؟!...... انت متوتر كدا ليه هههههههههه
حاتم: -هيهه رخم..... اخلص هتيجى!؟
فهد (حط ايده على كتف حاتم): -تعالي يا عم حاتم وافتكر
اقتربوا من عمر وانتظروا قليلا حتي ينهي مكالمة
عمر(بفرحة وهو يلتفت إليهم): -حاتم باشا بنفسه هنا........ لالا تتحسد...... دا احنا لازم نعملك فرح وزفة
فهد (بخبث وهو ينظر لحاتم): -انت فعلا هتعملوا فرح وزفة يا عمر
حاتم (وهو يحتضن عمر): -وحشني يا عريس
عمر(بضحك): -نحن السابقون
فهد: -وحاتم وراك في ديلك كدا لزق
عمر: -بتهزر!!.... حاتم انت خلاص؟!
حاتم(بتوتر): -عمر انا عاوز ااا........ ماتتكلم يا فهد
عمر(باستغراب): -عاوز ايه!؟
فهد (وهو بيكتم ضحكاته): -عاوز يتجوز
عمر(بسعادة): -مبروك يا تومي
حاتم(بشجاعة وهو يقف أمام عمر): -عمر..... انا عاوز اتجوز اختك زهور..... فتعالي معايا نقول لوالدك دلوقتى...... وياريت لو نكتب الكتاب معاك انت وأحمد
عمر (بذهول وعدم استيعاب): -ايه؟!
فهد (بهدوء): -عمر..... حاتم عاوز يتجوز زهور..... وكلمني وقالي انه عاوز يكلم عمي خيري الأول بس انا قولتله يكلمك انت الأول عشان احنا في الأول والأخر صحاب
عمر(بهدوء وحيرة): - طبعا صحاب...... بس لازم اخد رأي زهور وبابا وعمي عزت!!
فهد (بمكر وهو يوجه الكلام لحاتم): -لو عاوز الجوازة تتم على خير...... عليك بالحج عزت.....حتي اسأل عمر
عمر(بابتسامة واسعة): -عندك حق والله يا فهد....... (ثم أكمل وهو يضع يده على كتف حاتم) ان شاءالله الموضوع يتم على خير....... وبعدين انا مش هلاقي لاختي واحد زيك..... انا واثق إنك هتحافظ عليها يا حاتم
حاتم(بتنهيدة تفاؤل): -ربنا ييسر الأمور..... طمنتوني والله يا شباب
كاد فهد أن يتحدث ولكن قاطعه صدح صوت هاتفه..... ابتعد عنهم قليلا ليجيب
فهد: -ايوا يا حبيبي
ليل:-انت فين يا فهد؟!
فهد: -انا واقف برا يا حبي
ليل: -طب تعالي انا واقفة عند باب النساء
فهد: -حاضر يا قلبي
توجه نحو الباب ليجدها واقفة في الخارج..... أسرع إليها قائلا (بضيق): -ادخلي
ليل: -ادخل ليه؟؟؟
فهد (بضيق): -بقولك ادخلي
دلف ليل داخل المسجد وعلامات الاستغراب تكسو وجهها
ليل: -في ايه يا فهد؟!
فهد (بغيرة واضحة وهو يخلع جاكت بدلته): -انا مش عارف انا عقلي كان فين وانا بوافقك على الفستان ده!!
ليل (بضحك): -ههههههههه..... أكلت بيه حلاوة
فهد (وهو يناولها جاكت بدلته): -امسكي البسي
ليل: -نعم؟؟..... انت بتهزر أكيد!؟.... فهد الفستان بكم وطويل ولابسة طرحة..... فين المشكلة؟!
فهد: -المشكلة إنه ضيق وحلو جدا عليكِ
ليل(بابتسامة حب): -المشكلة إنه حلو جدا عليا.... بس مش ضيق
فهد (بغيرة): -بصي ضيق ولا مش ضيق..... انا مش عاوز حد يلمح ظلك
ليل: -حاضر يا سيدي..... المهم
فهد: -المهم قولي
ليل: -قول لأحمد يكلم ورد عشان عمالة تتصل عليه ومش بيرد
فهد: -أحمد في مشوار وعمر كان لسه بيكلمه
ليل: -طيب هقولها
فهد: -هيا عاوزة حاجة؟!.... او نسيت حاجة؟!.
ليل: -لا حبيبي كانت عاوزة تقوله حاجة
فهد: -طب قوليلها إنه زمانه جاي
ليل: -حاضر
ليل طلعت وقعدت جانمب ورد وقالتلها ان أحمد على وصول..... كان قاعد جانمبهم فرح وزهور وعمالين يتكلموا على عمر...... عفاف كانت قاعدة قدامهم ومتابعة الفرحة اللي في عيونهم ومش مركزة خالص مع كلام هنية
هنية(بضيق): -فيه ايه يا عفاف..... عما اتحدتت معاكِ وانتِ مش إهنه خالص
عفاف: -هااا بتچولي ايه يا هنية؟!
هنية(بضيق): -بچولك تنزلي دلوچتي تچولي لعزت اخوكي يكتب كتاب زهور على يحيي
عفاف (بزهول): -اتچنيتي إياك ولا اتخبلتي في عچلك!؟..... عوزاني انزل أچوله حديتك الماسخ ده؟!...... هيچول ايه!؟
هنية (بخبث): -چوليله عشان نبقي مطنين زيادة على زهور وتبچي تروح تچعد مع يحيي في شقة مصر
عفاف (وهي تبتعد عنها متوجهه للخارج): -لاااا دا انتِ اتچنيتي على الآخر
هنية (بسرعة): -خودي إهنه رايحة على فين؟!
عفاف (بضيق): -تعبانة ودماغي مصدعة فهروح
هنية: -وهتسيبي ولاد اخواتك فيوم زي ده؟!
عفاف: -ابعدي انتِ عنهم وكُل حاچة هتم على خير...... سلام في رعاية الله
هنية (بهمس لنفسها): -ابعد؟!.... هه ماشي
عفاف نزلت تحت وشاورت لفهد ورحلها
فهد: -نعم يا عمتي!؟
عفاف: -يحيي فين يا ولدي
فهد (بثبات): -في مشوار وزمانه چاي..... تؤمريني بحاچة
عفاف (بتعب): -شوفلي السواچ فين يروحني
فهد: -هتروحى دلوچيت؟؟
عفاف: -ايوا يا حبيبي..... تعبانة شوية
فهد: -طب استني هوصلك انا
عفاف: -لع يا ولدي.... ماهينفعش تهمل اختك ومرتك لحالهم..... وقمان انا مش شايفه أحمد..... خليك معاهم يا ولدي
فهد (باستغراب من طريقتها): -اللي تشوفيه..... تعالي اوصلك للعربية

بمنزل عزت القناوي
يحيي دخل وطلع دور خبط على رحيق بس ماردتش!! فضلت يدور عليها في أوضة ورد وزهور بس مالقهاش نزل تحت وسمع صوت جاي من ناحية المطبخ وكأنه بيغني..... راح هناك براحة وفضلت واقف مكانه لما شافها ومبتسم

رحيق: - لا الزمان ولا المكان قدروا يخلو حبنا
ده يبقى كان يبقى كان الزمان
وبحبك والله بحبك والله والله والله بحبك
قد العيون السود احبك
وانت عارف منته عارف قد ايه كتيره وجميله
العيون السود في بلدنا يا حبيبي
احبك والله بحبك والله والله والله بحبك
يحيي قرب منها ووقف جانمبها من غير ما تاخد بالها
يحيي: -ومين ده اللي بتحبيه قد العيون السود
رحيق (بخضة): -يحيي!!..... انت ايه اللي جابك؟!
يحيي (بابتسامة بسيطة): -حظي إني أجي عشان اسمعك بتقولي اسمي واسمعك وانتِ بتغنيلي
رحيق (بخجل): -ااانا أسفه إني نزلت من أوضتي..... بس ماكنتش أعرف إن فيه حد هيجي
يحيي(بحب): -دا بيت اختك على فكرة ومن حقك تعملي اللي انتِ عوزاه..... وقريب إن شاءالله وهيبقي بيتك إنتِ كمان
رحيق (وهي تتجه للأعلي): -عن إذنك أنا طالعة
احكم قبضته على معصمها سريعا: -استني يا رحيق دقيقة..... انا بحبك..... وهطلبك من حاتم..... بس قبل ما أكلمه عاوز اعرف رأيك الأول
رحيق (بخجل): -يحيي بعد إذنك سيب إيدي
يحيي: -دي مش إجابة لسؤالي يا رحيق؟!..... موافقة ولا لا
رحيق: -يحيي!!
يحيي: -بتحبيني ولا لا؟!!
رحيق: -..........
يحيي: -لو ماردتيش هعتبر دا رفض لطلبي
رحيق: -..........
ترك يدها وابتعد عنها قليلا ليسمعها تقول
رحيق: -وافرض والدك ماوفقش؟!
يحيي(بدون أن يلتفت): -هقنعه
رحيق: -ومرات عمك؟!!..... دي عاوزة تجوزك زهور!؟
يحيي: -انتِ أكيد عارفة ان حاتم وزهور بيحبوا بعض...... واحتمال كبير يكون حاتم كلم عمي دلوقتى
رحيق: -يعني لو هما كلهم قالولك تسيبني عشان مام
اقترب منها قائلا بصدق: -مش هسيبك صدقيني...... انا ماليش دعوة بحد...... دي حياتي انا وقرار طالع من قلبي ومستحيل اكسره عشان رأيهم
رحيق: -يعني مش هتندم؟!
يحيي: -انا اللي بقولك دلوقتى..... مستعدة تعيشي حياتك كلها معايا..... وماتسمعيش لرأي حد او كلامهم
رحيق: -مش هسمع لكلام حد
يحيي(بسعادة): -يعني موافقة؟!
رحيق (وهي تصعد للأعلى سريعا): -لما حاتم يسألني هيبقي يوصلك ردي
يحيى طلع بسرعة وراها وخبط على الأوضة
رحيق (من الداخل): -مين؟!
يحيي: -انا
رحيق: -انت مين؟!
يحيي (بضحك): -انا يحيي
رحيق (بهزار): -مش عاوزين انهاردة
يحيي: -رحيق ممكن اطلب منك طلب وأرجوكي ماترفضيش
رحيق(بترقب): -ايه هو؟!
يحيي: -البسي وتعالي معايا الفرح
رحيق: -بس.....
يحيي: -عشان خاطري!!
رحيق(بسعادة): -ربع ساعة وهكون جاهزة
يحيي: -هستناكِ تحت
يحيي نزل وطلع قعد في الجنينة وماخدتش باله من العيون اللي كانت بتراقبه هو ورحيق...... عيون كانت بتراقبهم بفرح..... طول عمرها بتفرح لما تشوف اتنين بيحبوا بعض..... كانت بتتخيل نفسها مكانهم مع حبيبها معتصم...... افتكرت لما سمعت والده بيكلم ابوها وبيقوله عاوز اخطب عفاف لمعتصم..... كانت الفرحة مش سيعاها.... أخيرا اللي كانت بتدعي بيه حصل وفرحت وبقت بتحلم باليوم اللي هيجي هو يتقدملها عشان تعترفله بحبها وانها بتعشقه من وهما صغيرين ،،حتي صممت تدخل نفس كليته عشان يبقوا مع بعض وفعلا كانوا مع بعض دايما طول فترة الدراسة وكان هو أكبر منها بسنة وكان بيشرحلها لو فيه حاجة واقفة معاها...... بس هو سبق و لغي الموضوع عشان كان نفسه يتجوز واحدة متعلمة برا...... فضلت تفتكر إنها اتعلمت واتخرجت وبقت البلد بتتكلم عليها وعلي إنها الوحيدة اللي اتعلمت تعليم عالي في البلد..... بس في الآخر سبها و اتجوز واحدة تانية......... لا ويوم مااعترفتله بحبها قالها انسي وانا كأني ماسمعتش حاجة وخلينا زمايل زي ما احنا واصحاب وانه عمره مافكر فيها اكتر من إنها زميلته وزي اخته وكان بيتكلم معاها عشان بيستريحلها....... فضلت تفكر هيا إزاي بقت كدا وازاي بقيت تمشي ورا كلام هنية الطماعة هيا عمرها ما حبت تإذي حد ولا دا كان طبعها........ يمكن بس كانت عاوزة تثبت للكل إنها قوية وإن رفض معتصم ليها ماأثرش فيها..... بس هو أثر وكسر قلبها....... بس فكرت إنها تفتكر الحاجات الحلوة والذكريات الجميلة اللي كانت مابينهم
فاقت من أفكارها

علي صوت خطوات على السلم..... رفعت عينيها وشافت رحيق وهيا نازلة وماسكة بطرف الفستان وشكلها كان جميل جدا..... شافت نفسها فيها..... فيها ملامح منها اول مره تركز في ملامحها كدا
رحيق مااخدتش بالها من عفاف فنادت علي يحيي.... بس بعد كدا بصت جانمبها ولقت عفاف قاعدة وبصلها بتركيز..... بصتلها بخوف وتوتر عنيها كانت بتلمع بدموع من كتر الخوف لتعملها حاجة او تزعقلها..... عفاف قربت منها بابتسامة وحضنتها جامد اووي...... ورحيق مافهمتش حاجة
عفاف (بابتسامة): -شكلك جميل چوي
رحيق (بفرحة طفلة): -بجد؟!!!...... انا ماما عمرها ماقلتلي كدا
عفاف: -ايوا بچد وچد الچد قمان
رحيق (بضحك): -ههههههههه..... حضرتك طلعتي طيبة اوي..... وانتِ كمان جميلة اوي..... عيونك شبه عيوني
عفاف (بضحك): -انا اللي شبهك إياك ههههههههه
رحيق: -لالا انا اللي شبهك
عفاف(وهي تشير على غرفتها): -دي أوضتي..... لما ترچعي ابچي تعالي اچعدي معاي...... وماتخفيش مني..... انا وچدك كنا....... كنا معرفة
رحيق(براحة): -هاجي حاضر..... تحبي اطلعك لأوضتك؟!
عفاف: -لع لسه ماعجزتش ههههههههه
رحيق (بحب): -ربنا يديكي الصحة وطولة العمر
عفاف: -ربنا يفرح قلبك يا بتي..... مع السلامه
رحيق طلعت ليحيى وكانت فرحانة جدا إن عفاف عملتها كويس
يحيي: -كُل دا يا ست هانم؟؟
رحيق: -معلش اتأخرت عليك
يحيي(بابتسامة): -اتأخري براحتك يا ست البنات.... انا بهزر
رحيق: -يحيي
يحيي: -نعم!
رحيق: -بص هقولك علي حاجة..... مش عارفه هيا مهمة ولا لا
يحيي: -اي حاجه تخصك تبقي مهمة بالنسبالي حتي لو كانت تافهة
رحيق: -اصل وانا نازلة دلوقتى عمتك عفاف...............
يحيي: -هيا عمتي عفاف طيبة..... بس لولا إنها ماشية ورا كلام هنية المؤذية
رحيق: -باين إنها طيبة خالص يا يحيي..... انا هبقى اطلع اقعد معاها
يحيي: -والله انتِ مافي اطيب منك...... تعالي الأول نلحق كتب الكتاب لحسن فهد أكيد هيقتلني..... واحنا راجعين نتكلم
رحيق: -لا يا بابا انت هتكلم حاتم ومش عارفه بقي ممكن ارجع مع حاتم
يحيي: -اركبي بس كدا..... قال ارجع مع حاتم قال..... جوزك انا ولا مش جوزك
رحيق: -ههههههههه
*_____________________*
بالمسجد
ورد(بقلق): -انا مش عارفه مش بيرد عليا ليه يا ليل!؟
ليل(بهدوء): -يا بنتي اهدي اكيد في حاجة أخرته
ورد: -طب يرد عليا يطمني حتي
ليل: -مافيش حاجه ان شاءالله خير صدقيني
ورد: -طب كلمي فهد اسأليه
ليل: -انا لسه قافلة معاه ماكملتش خمس دقايق
موبيل ورد رن وكان أحمد
ورد (بلهفة): -أحمد انت فين؟! ومش بترد عليا ليه؟!..... أحمد
أحمد: -ثواني أرد عليكِ
ورد: -اتفضل قولي انت فين؟!
أحمد: -انا تحت المسجد اهو واقف مع فهد وحاتم وعمر
ورد: -واتأخرت ليه
أحمد (بتردد وهو ينظر لفهد): -مرات عمك جاية
ورد (بعدم فهم وهي تنظر لهنية): -مرات عمي مين؟!!!
أحمد: -نبيلة..... وحصلت مشكلة وهيا في البيت عندنا حالياً
ليل: -ادا ماما بترن!!!!!!
*____________________*
آية_الإبشيهي 💙


google-playkhamsatmostaqltradent