رواية أولاد سلطان الحلقة الثانية عشر

 رواية أولاد سلطان الحلقة الثانية عشر

رواية أولاد سلطان الجزء الثاني عشر 

رواية أولاد سلطان البارت الثاني عشر 

رواية أولاد سلطان الحلقة الثانية عشر


رواية أولاد سلطان الفصل الثاني عشر 

#أولاد_سلطان 12 تابع

#ibrahim_qurji

لايك قبل ما تقروا يا حلوييين ❤❤

كندة:الصدمة اللي كانت فيها اكبر شي ... كيف الشخص اللي كانت واثقة فيه و دارت كل شي باش تكون جنبه بعد ما تحسنت علاقتها معاه و مع اهله ... يطلع السر هذا قدامها ... كيف قدرت ادير فيا هكي يا ركان ... كيف قدرت انك تخبي سر زي هذا ... كان هذا السؤال اللي يدور في رأسه ... و ادور في الاجابه لكن ما فيش فايدة ابدا 🤷‍♀️🤷‍♀️
كنزة:كندة كندة ... وين مشت البنت جبتلكم قهوة
كندة:انتلفت ... و ناضت من جنبها
كنزة:حطت السفرة ... كندة خيرك شن في و لحقتها
كندة:بعصبية ... و لا حاجة
كنزة:كيف و لا حاجة ... شووفي يديك كيف يرعشوا ... شن قالتلك البنت هذيك ... اكيد حكت شي
كندة:بالله خليني يا كنزة ... اللي فيا يكفيني
كنزة:ربي يكون في عوونك و خلاص
______________

ركان:اي خيره شن عرفت شي جديد
جابر:اي عرفت ... طلع الولد اللي ندوروا عليه ساكن معاكم في نفس الحوووش
ركان:اءء ... كيف ... من هووو
جابر:يحك في رأسه ... اءء الولد هو نفسه هيثم
ركان:اءء كيف ... متأكد يا جابر
جابر:اي يا ركان
ركان:يعني هيثم ... ولد هذاك الراجل ... و مش ولد السلطان ... خدي الملف من جابر و طلع
جابر:وين يا ركان
ركان:لازم حد يفهمني شن اللي قاعد يصير ... و من هذاك اللي عايش معانا ... شن القصة لازم يشرحها السلطان اليووم
جابر:غير استنى بس يا ركان
ركان:ركب السياره ... و طلع
جابر:اكيد حتصير مشكلة تووو ... خليني نمشي لحد يقدر يهدي ... به من يا رب من ... خبط ع رأسه كندة
______________

شيماء:نحت وشاحها ... اه هكي تريحت توو و خليها توولع بين الكنه و العزوز الحقيرة هذيك
هيفاء:انت مستوعبة اللي تقولي فيه يا شيماء
شيماء:اسكتي انتي ... هذا اللي فالحة فيه بس ... بدل ما توقفي مع اختك باش ترجع حقها و حق ولدها من هذيك العيلة ... واقفة ضدي ... اي اخت ادير هكي مع اختها بس
هيفاء:لما تكوني صاحبة حق نووقف معاك ... لكن متأكدة انك ما عندكش حق عند هذيك العيلة ابدأ ... و مش هكي بس قصة طلاقك من ركان اللي مزال مش مفهومة ابدأ ... في شن تفكري انت
شيماء:بصدقي به كان هذا اهوا الباب
هيفاء:طالعة حتى اني
.
.
.
طق طق طق بالقووة ✊✊
هيفاء:من يطق الباب هكي
شيماء:تو نشووفه ... فتحت الباب ... اءء انت شن تبي
عمار:هكي تقوولي لضيفك ... و اب ولدك
شيماء:😨😨 اءء شن تخرف انت اي اب و اي ولد تحكي عليه ... برا اطلع اقلب وجههك
عمار:حدف الورقة قدامها ... شووفي ها و قولي حتى هذا كذب
شيماء:بلعت ريقها بخووف ... و خدت الورقة ... و تشوف فيها بصدمة
_________________

ترن ترن
كندة:بصووت تاعب من البكيي ... الوووو من معاي
جابر:اني جابر يا كندة
كندة:مسحت دموعها ... اها خير جابر في حاجة
جابر:اي و كان ما لحقناش ما نعرفش شن اللي حيصير
كندة:بصوت جدي ... خيره ركان صارتله حاجة
جابر:ما نعرفش بري الحقيه للحووش جاي و رافع معاه الشر
كندة:خيره شن في يا جابر
جابر:ركان عرف انه هيثم مش خووه و مش لعيله السلطان و تو ماشي لحووشهم الغادي و مش عارف شن اللي ح يصير
كندة:به به صكر ... تو نمشي نشووف شن اللي صاير
جابر:بالله عليك وقفيه ... و ما تخليشي يحكي
كندة:به ... و صكرت ... لبست عبايتها و نزلت
.
.
.
كندة:سعد سعد
سعد:يأكل في فطيرة و شاهي ... هااا يا كندة
كندة:اوقف يا سعد ... ارفعني لحوشي توا
سعد:خيرك شن في نازله و منظرك هكي زي الغووله لاباس انشاء الله
كندة:غير هيا بس ... تو نحكيلك في الطريق
سعد:رغم اني كيف واصل لكن هي تو نرفعك
فريدة:خيرك شن في يا بنتي وين ماشية في هالليل
كندة:لازم نوقف اللي حيصير و الا ... مش عارف شن حيصير
سعد:هي اطلعي
كندة:هي ...
_________________🔥رواياتي🔥_______________
_____________🔥ibrahim qurji🔥____________

ركان:طق طق طق
عبله:فتحت الباب ... اءء ر ر ركان بيه ... انت حق و لا اني نتخايل ... هو انت ازاي لسه عايش
ركان:دفها بالقوووة ... و خش ... وين اهلي
عبله:اشرت بإيدها ... الفووق
ركان:ركب و في رأسه الف سؤال ... و يستنى من يجاوبه بس ... مش عارف كيف يتصرف
ناضوا كلهم حضنوه ... و بدوا يبكوا
كلثوم:اءء ر ر ركان ... حضنت ركان ... اه يا ولدي ...
سلطان:حضنه ... اه يا غالي وين مشيت و خليت فينا نار ... يا غالي
كلثوم:ركان ... شن في خيرك لونك مخطووف
ركان:ماسك الملف في ايده ... كانت هذي اصعب لحظة في العيلة كلها ... لحظة المواجهه ... شن هذا و شن اللي قاعد يصير
كلثوم:اءء شن يا ركان
سلطان:شن اللي عندك
ركان:هذا سركم اللي كنتوا مخبيينه طوول 30 سنة اللي فاتت ... و توا صار الوقت انه ينكشف قدام الكل ... و كل واحد يعرف من هو في العلية هذي
هيثم:تي شن تقووول انت فرحنى بيك انك عايش ... طلعتنا بسر ليه 30 سنة ... شن علاقتنا بيه احني ... هيا رانيا خلينا نمشوا ...
ركان:بعد تردد طووويل ... هذا السر يخصك يا هيثم
_________________

شيماء:اءء شن تقول انت اكيد هذا مزور
عمار:حتى اني في البداية قلت هكي ... لكن هذا المزبووط
هيفاء:خيرك شيماء ... شن فيها الورقة
شيماء:اءء معادش عرفت شن تقووول
عمار:هذا اللي يكشف وساخة اختك ... يزن ولدي يا هيفاء مش ولد ركان
هيفاء:😨😨 اءء ... شبحت لشيماء اللي كانت في حالة جموود ... رسمي الكلام اللي يقوول فيه الراجل هذا و لا
شيماء:ساكته و خلاااص
هيفاء:نكلم فييك اني ... احكي
عمار:اختك في صدمة يا هيفاء ... هذا الدليل كافي لانه يثبت كل شيي
هيفاء:ضربتها كفف 👋👋 حيوانة واطية حقيرة ... علاش درتي هكي احكي تكلمي ... لو تشوفي وجهك في المرايا بس ... و الله خجلانة اني نكون اخت وحدة زيك
عمار:تفاهموا انتم ... و اني خلوني نأخد ولدي و نمشي
شيماء:لا لا ولدي لا ما تأخداش لاا 😭😭
عمار:بعدي ... ولدي و من حقي نأخده ... اصلا ما يستحقش يعيش مع وحدة وسخة زيك انتي
شيماء:انهارت بالبكيي ... لا لا ولدي لاا ... بالله عليك يا هيفاء ما تخليشي يأخد مني ولدي
هيفاء:تستاهلي كل اللي يصير فيك ... لان انتي حرام انك تكووني ام ... خلتها و طلعت
عمار:هذي اختك شوفتيها و لا ... حتى اختك ما رحماتك ... تبيني اني نرحمك ... و لا حتى في احلامك ... الولد حيقعد عندي ... لعند ما يرجع عقلك لرأسك و ترجعيلي ... باااي يا حلوووة
شيماء:زاد بكاها اكثر فأكثر 😭😭
_____________

هيثم:ضحك بهزوة ... شن هو السر اللي عليا
ركان:ممكن اللي بنقوله تو ما يستوعباش العقل ... حتى اني اول ما سمعت ما صدقتش ... و جيت هنايا نبي نعرف شن اللي صاااار
هيثم:احكي ركان ما تعصبنيش ... شن اللي صاير
كلثوم:لا ركان ما تحكيش بالله عليك ما تقوول حاجة
ركان:اسف يما ... هيثم انت مش من عيلة السلطان و لا ليك علاقة بيها
سلطان:غمض عيونه ثواني ... و رجع فتحهم
كلثوم:لا يا رب لا
هيثم:اءء انت شن تقووول ... اكيد انت مأثر فيك موضووع المووت و جااي تقوول في كلام مش مفهوم
ركان:و الله نفسي يطلع الكلام مش صح ... لكن اهم قدامك و تو لازم تشرحوا كل شي
كلثوم:عيونها دمعوا ... اءء اسفه اسفه يا ولاد
سلطان:حط عكازه ... و قعمز ع الكنبة بقله حييله
هيثم:في حد يفهمني شن قاعد يقوول البني ادم هذا ... الكلام صح و لا ... احكي يما ... احكي بووي
كلثوم:شافت لسلطان ... خلاص انتهى كل شي ... استجمعت قوتها ... و خدت نفس عميق ... و بدت تحكي ... القصة بدت من سنين طويييلة ... كان في عيله كانت تخدم عندنا كانوا زي الخووت احني وياهم ... كان كل شي تمام لعند ما جاء اليووم طلعوا فيه و خلو عندي قطعة صغيره منهم عمره ايام بس ... كانت المرا ماشية تزور في اهلها ... في الطريق داروا حادث و انتقلوا لرحمة ربي ... فحاولنا اني و عمك انا نوصلوا في اهلها و لا اهل الراجل ... بس ما فيش فايدة ... ما لقيناش اي حل ان نأخده و نربيه ... و بعد كم سنه ولدت ركان ... بس يشهد عليا ربي اني حبيتك كيف ركان و ما درتش الفرق بينكم ... عاملتكم زي بعض كبرتكم و كلتكم كيف بعض ... لبستكم كيف بعض
هيثم:حط ايديه ع رأسه ... اءء به علاش كل هالسنين مخبيين السر هذا علاش ما حكيتووش من الاول
كلثوم:كنت خايفه انكم تكرهوا بعض ... خفت انكم معادش تحبوا بعض
هيثم:يعني ان كل هذا كذب حياتي و عيلتي كلها كذب
كلثوم:تبكي و خلاص 😭 ... اما سلطان ساكت بس
هيثم:و انت بووي تكلم قوول حاجة
سلطان:مش قادر يقوول و لا كلمة
هيثم:اكتفى انه يأخد مفاتيحه و يطلع
كلثوم:وين ماشي يا ولدي ... لا هيثم وين ماشي
سلطان:خلاص كل شي انتهي ... خليه ع راحته
رانيا:بجد انكم ناس .... خليني ساكتة و خلاص ركبت لدارها
كلثوم:و انت من اللي قالك
ركان:حاط ايده ع رأسه ... مش هذا المهم تو ... المهم اللي درتوه في الولد اللي طلع قبل شوي ... كيف رح تحلووه
كلثوم:اءء ... هذي اكيد كندة اللي قالتلك
ركان:اءء ... كندة عندها العلم بكل هذا
كلثوم:بجد توو مش كندة اللي قالت لك
.
.
.
كندة:لا يا عمتي مش اني
ركان:انتي ... كيف تخبي عليا شي زي هذا كندة كيف
كندة:اءء ... اني من جديد عرفت بس
ركان:مهما يكوون يا كندة ... موضووع زي هذا ما يندسش عليا ابدا
كندة:تو هذا همك انت كيف دسيت عليك موضووع زي هذا ... و انت دسيت عليا موضووع زواجك من شيماء و عندك منها حتى ولد
ركان:هذا مش هذاك
كندة:شن اللي مش كيف هذاك ... انت كيف تقوول هكي يا ركان ... تو انت تحاسب فيا ع اني دسيت عليك موضووع هيثم ... و انت دسيت عليا موضووع شيماء
ركان:مش هذا موضوعنا كندة
كندة:خلاص انتهى كل شي يا ركان ... برا ارجع لشيماء وولدك ... و ريحني
ركان:شن المطلوووب
كندة:طلقني يا ركان
ركان:اءء كيف
كندة:زي ما سمعت ... ط ل ق ن ي #يتبع

هي قيموها عاااد ... هذي تكمله للحلقة السابقة ... و شكرا لكل واحد دعي لامي بالشفاء ... و هي تو تحسنت حالتها هلبا ... مشكورين فانزي و نحبكم ❤❤

هي هانت حبايبي الجاية ممكن الاخيره ❤❤


google-playkhamsatmostaqltradent