رواية أولاد السلطان الحلقة السابعة

 رواية أولاد السلطان الحلقة السابعة

رواية أولاد السلطان البارت السابع 

رواية أولاد السلطان الجزء السابع 

رواية أولاد السلطان الحلقة السابعة


رواية أولاد السلطان الفصل السابع

#أولاد_سلطان 7

#ibrahim_qurji

لايك قبل ما تقروا يا حلووووين ❤❤

فريدة:اءء كيف شهد مهناش شن درت يا عزيز
عزيز:تي نقوولك يما كنت طالع بعد جيت دورتها ما لقيتهاش ... لقيت الرسالة هذي بس
فريدة:تعرف لو اهلها سمعوا بالشي اللي صارلها ينهونا يا عزيز ... احني ما صدق لفقنا المصيبة الاولى ... تو طلعتنا بمصيبة اخرى
كنزة:يما خلاص ... عزيز مش ناقصه اللي فيه مكفيه
فريدة:اووسكتي انتي .... اخ يا رأسي بيتفجر
____________

ركان:طلع من غرفته بسرعه البرق ... لدار بووه ... خش لقي بووه مغمى عليه ... يا بووي بوووي خيره شن فيه
كلثوم:تبكي ... مش عارفه كنا نحكوا ع موضووع هيثم فجأة طاح و اغمى عليه
ركان:اتصلتي ب مازن
كلثوم:اي اتصلت بيه يعطي مقفل
كندة:شن في يا ركان
ركان:كان متفركس و مش عارف شن يدير
كندة:بعد شووي يا ركان
كلثوم:هي انتي شن اديري هنايا ... هيا اطلعي اصلا كل اللي صار فيه بسببك انتي يا حيوانه
كندة:عمتي مش وقت كلام توا خليني نشووفه ... و نزلت عليه و حطت ايدها جهه رقبته و تلمست النبض ... ركان بووك نبضه ضعيف هذا صايرله ازمه قلبية و احني لازم نسعفووه
ركان:اءء ... شن عرفك انتي
كندة:برا يا ركان ولع السيارة ... و الا رح نخسروا بووك هيا برا
ركان:طلع يجري بسرعة البرق
____________

رانيا:عارفه ان هكي رح يصير يا هيثم
هيثم:لازم يصير هكي ... باش كل واحد يبان ع حقيقته
رانيا:لكن اللي درته غلط يا هيثم
هيثم:شن هو الغلط يا رانيا ... العيله كلها غلط في غلط هيا
رانيا:بصدمه ... لا انت مش هيثم اللي نعرفه و لا اللي حبيته
هيثم:خلاص رانيا ... سكري عليه الموضوووع
___________

في المستشفى
مازن:خيركم شن في
كلثوم:بوووك يا مازن ما نعرفش شن صارله
مازن:كيف ما تعرفوش شن صارله
كندة:عمي صايرله ازمة قلبية و نبضه ضعيف يا مازن و اني درتله الاسعافات الاوليه
مازن:جهزوا غرفة العمليات بسرعه
ممرضة:حاضر يا دكتووور
ركان:مقمعز ع الكرسي ... و افكاره ترفع و تجيب ... لو انه بووه توفى كل حمل العيله بيبقى عليه لان عارف خووه هيثم مش حمل العيله ... قاطعه صووت كندة
كندة:ركان ركان
ركان:همممممم
كندة:رغم انها كانت مش طايقه تشووفه ... لكن الظرف اللي فيه ركان ... كان بحاجة انها تووقف جنبه و تدعمه ... ما تخافش ركان عمي قوي و رح يتحمل و يطلع منها و رح يجعلك ... انت غير ادعيله بس و ربي يقومه بالسلامه
ركان:حضن كنده بكل قوووة ... شكرا يا كندة
كنده:بادلاته نفس الحضن ❤❤
_____________

مرت ليله صعبه ع عزيز و هو يبكي و يتفكر في شهد و شن اللي داراته ... هل برضاها و لا غصب عنها ... موعرها دمعه الراجل بعد يخسر من يحب 💔💔

و لا شيماء اللي طووول الليل و هيا خايفه و راقده جنب ولدها ... من عمار اللي بعد كل هالسنين يرجعلها بعد ما تأقلمت مع الوضع 💔💔

و لا هيثم اللي طوول الليل حتى هو يفكر في الكلام اللي قاله لبووه و لا كلامه اللي مش مفهوم اللي قاله لركان 💔

و لا رانيا اللي طووول الوقت و هي تبكي متفاجأة من رده فعل هيثم العصبية اللي اول مرة تشوفها منه 💔💔

و لا ركان اللي في الوقت هذا بالذات كان محتاج حد في جنبه و يدعمه في ازمته ... فكانت كندة مكفية و موفيه ... رغم انها كانت مش طايقه حد من العيله هذي لكن اجباري عليها تتأقلم مع الوضع حتى لو شهور 💔💔
_________________🔥رواياتي🔥_______________
_____________🔥ibrahim qurji🔥____________

بعد 6 ساعات

مازن:طلع من العمليات
كلثوم:بصوت مبحوح من البكي ... ها شن صار يا ولدي في بوووك طمني الله يطمن قلبك
مازن:هيا الحق العمليه كانت صعبه ... لكن الحمد لله كملت ... و تو رح نحطوه في العنايه لمدة 24 ساعه كان حالته استقرت نحطوه في حجرته
كلثوم:و كان هذا
مازن:تفائلي بالخير يما ... انشاء الله ما في غير الخير
كلثوم:انشاء الله
.
.
.
كندة:ها سمعت يا ركان و لا بووك كويس
ركان:شكرا كندة ع وقفتك معاي ... مش رح ننساها لك ابدا
كندة:هو صح مش طايقتك لكن هذا في النهاية عمي ... ما تشكرنيش اي حد في مكاني كان دار نفس الشي
__________

مازن:ممكن نعرف شن اللي صار باش بووي وصل للحاله هذي
كلثوم:اءء ... كنا نحكوا ع موضووع يخص هيثم و فجأة طاح
مازن:يما الحقيني للمكتب
كلثوم:اءء ... به يا مازن
.
.
.
ركان:يما شوي ترا
كلثوم:نعم يا ركان ... اني مش في وقت نقدر نحكي فيه توا
ركان:لكن الموضووع ما يتأجلش
كلثوم به خيرك شن في
ركان:مش كأن الوقت المناسب و لا
كلثوم:مناسب لشن 🙄🙄
ركان:انك تتشكري و تعتذري من كندة ع اللي داراته لبوووي لولاها كان تو بوووي
كلثوم:اني كلثوم مرت السلطان بجلالة قدري نمشي نعتذر من المنتفه هذيك
ركان:خلي الرسميات في الحوووش يما ... تو انتي في موقف ما يحسدش عليه ... فلهذا بري اعتذري
كلثوم:ع جثتي اني نعتذر من هذيك البنت ... و مشت
ركان:صبرك يا رب بس
___________

يزن:باح الحير ماما
شيماء:كان تفكريها كله في عمار و شن اللي خلاه يرجع هنايا و خاصة في الوقت هذا ... زعما عرف بأن ركان تزوج ... و رجع يدمرنا حياتنا
يزن:يمسك فيها من البلوزة متاعها ... ماما ماما
شيماء:فاقت ع روووحها ... صباح الفل و الياسمين حبيبي
يزن:حيرك ماما ذعلانه
شيماء و لا شي حبيبي غير امبارح ما ردقتش كويس بس
يزن:و حيرك باه
شيماء:مش قولك يا يزن ... هي تو برا جيب اسبيدرو امتاعك خلينا نطلعوا هي
يزن:به ماما 🥺🥺
___________

عمار:اوووف هذا كله لعيلة السلطان
عمر:اي
عمار:كله هذا داروه في 5 سنين
عمر:اي
عمار:خلينا نبدوا ضربتنا الاولى و نأخدوا منهم المعرض متاع 11 يوليو
عمر:مش كأن مزال الوقت يا عمار خاصة ان تو كيف راجعين ... خلينا نتبتوا روحنا كويس هنايا و بعدين نبدوا الحرب
عمار:ليا 5 سنين و اني نستنى في الوقت هذا 5 سنين و كأنهم 50 سنه و اني نستنى اليووم هذا امتى يجي باش نضرب فيه اولاد السلطان و نأخد منهم كل اللي يملكووه ... اول شي رح نأخد منه شخص يحبه كيف ما خذي مني حبيبتي شيماء
عمر:كيف شن اللي يحبه
عمار:اركب خلينا نمشوا نباركوله ع الزواج هذا 😈
____________

ركان:كندة كندة
كندة:كانت غافيه ... همممم
ركان:فيقي ... تو نخلي جابر يروح بيك
كندة:اممم به ... طمني كان صار حاجة يا ركان ...
ركان:تمام ... جابر يا جابر
جابر:نعم ركان
ركان:وصل كندة للحووش و خليك معاها ... و تستحق اي شي وفره لها
جابر:هز برأسه تمام
_________________🔥رواياتي🔥_______________
_____________🔥ibrahim qurji🔥____________

كنزة:صباح الخير
فريدة:صباح النووور
كنزة:تأكل في الزيتون ... اتصلت بيك كندة
فريدة:لا خيره
كنزة:ما نعرفش امبارح بعتتلي رسالة و قالتلي ان السلطان طاح عليهم و رفعووه المستشفى
فريدة:غبارة فيهم ... اتصلي ترا بكندة و اسأليها
كنزة:اتصلت بيها و يعطي مقفل
فريدة:اممم معناه لازم نمشوا للزياره
كنزة:خيرك ماما ... اي زيارة هذي ... مستغنية عن كرامتك يما و لا شن
فريدة:الناس نسايبنا خيرك انتي تبي الناس يضحكوا علينا و لا شن
كنزة:حرة يما حرةة مش تجيني و تقولي قالولي و قالولي
فريدة:اممم اه
___________

كلثوم:هذا اللي صار يا مازن
مازن:قصدك تو بتقنعيني ان هذا اللي صار يما
كلثوم:قصدك بدي تحقيق هووو
مازن:مش تحقيق يما ... لكن متأكد ان مش هذا الكلام اللي صار
كلثوم:معناه مكذبني انت
مازن:لا حشاااك يما
كلثوم:وووه خلاص معادش نقدر ... ضغطي نزل
مازن:استني خليني نجيبلك كأس اميه ...و طلع
كلثوم:هزت برأسها ... تمام ... لو ادير ما ادير مش رح تعرف ع شن كنا نحكوا اني و بوووك 😈😈
___________

كندة:وصلت للحوووش و تلاقت هي و عبله ... هيي انتي وين ماشيه
عبله:تكلميني انا يا ست هانم
كندة:لا اللي وراك
عبله:بكل استعباط ... تلفتت الورا ... بس يا ست هانم ما فيش حد وراي
كندة:اما بعد غباء زيك ما شوفتش 🤦‍♀️🤦‍♀️ ... انتي وين ماشية ... عليك انتي
عبله:ما تقولي من البدايه يا ست هانم ... كنت طالعه للمخزن شوووي و راجعه
كندة:به بري ما تعطليش ... و ركبت
عبله:بدت تعايب فيها ... بري ما تعطليش ... جتكم القرف عيله مهببه ربي يخلصني منكم
اما كندة ركبت لدارها و حطت تلفونها في الشحن و بدت اطلع في حوايجها باش تخش ادوش ... سمعت صووت الجرس ضرب
كندة:عبله يا عبله ... يعطيك هبله انشاء الله ... ثواني و سمعت الباب فتح ...فخشت ادوش
___________

ركان كان ماسك تلفونه و مستغرب كيف هيثم لا اتصل و لا جي يشوووف بوووه ... فاطع تفكيره صووت واتس اب فيه فيديو ...
ركان:بإستغراب فتح الفيديوووو و .... 😨😨 #يتبع

قيموها هي بالتعليقااات الحلقوة و سكروا الحلقة 500 لايك باش بكرا انزللكم حلقةة هي 🏃‍♂️🏃‍♂️

google-playkhamsatmostaqltradent