رواية نقيض بلهفة عاشق الحلقة الواحدة والعشرون 21 كاملة

 رواية نقيض بلهفة عاشق الحلقة الواحدة والعشرون 21 كاملة

رواية نقيض بلهفة عاشق الجزء الواحد والعشرون 

رواية نقيض بلهفة عاشق البارت الواحد والعشرين 

رواية نقيض بلهفة عاشق الحلقة الواحدة والعشرون 21 كاملة


رواية نقيض بلهفة عاشق الفصل الواحد والعشرون

: روايه شاب واقعيه
#بعنوان_نقيض_بلهفة_عاشق_الحلقه_الواحد_و_العشرون_للكاتبه_shosheta..

للعبره..الي بيصير❤️

وما عَلِمْتُ بمدى فرحة الدنيا إلا بقربها..

وما ذقت لراحة طعم إلاحين شدت على يدي بيدها..

هي..الدنيا هي الروح هي الامل
هي الضحكه هي الامان هي الحب..

ويفنى كل شي من بعدها🔥✋🏼

قراءه مشوقعه..

الالم الي نحس بيه.. مع الوقت معش قعد خفيف زي قبل
مع الايام قعد يقوا عليا ويزييييد

ونتعب منه بكل

كنت ندوش ونطلع اشتاء وصيف عاده مش ابطلها..

الا ع كلام هنادي.. قعدت انحاول مندوشش ونطلع ع طول..

الالم منعرفش كيف نوصفه لكم..
مجرد م يجيني يشل حركتي..
اتفه حركه وااااو ع وجعها ..

اشوي اشوي..زاد عليا.. وقعد يجيني كل فتره اقريبه من لخره...
مش زي قبل ..💔🔥

الامر ملش علاقه ب هنادي..
بس مش عارف كني..

اليوم هذك جتني فالمستشفى ف وقت الدوام..

بعدها جتني ونا نحكي مع هنادي..

كذبت عليها 😔💔 وقتلها كويس
منبش نشغلها بس وربي حالتي قعد تسوووء..

حولت ادبشي طلعت برا..النفس منحصلش فيه...

تعبت.. اخرا

خشيت دورت شي نهوي بيه معش قدرت..
ناخذ ف شهيق بصعوووبه مش قااادر

معش قدرت وخرت وقعدت ع الارض نبي انادي ع خواتي مقدرتش
دوب م حركت موبايلي واتصلت ب فتح الله..

وانحس بروحي بيغمى عليا

قدمت اشوي عند الباب
و......

فقدت الوعي معش حسيت بشي بكل..

ف المستشفى يخبطوا فياا واينادو ..
انحس فيه الصوت بعيييييييد بكل..

علقولي الاكسجين.. ومعش جبت ع الدنيا علم لثاني يوم فالصبح..

شنو صار ومن كان ع راسي منعلمش..

لقيت روحي فالعنايه و عالقيلي تغذيه.. وقاعد ب الاكسجين..

وعيت لقيت شباب قدامي..تمريض العنايه.. ومعاهم فتح الله..

حكولي شنو صار وجابوني كيف كنت منذكرش شي نا..

مر عليا الدكتور كنت وقتها راقد ومقالش شي..

وكان عندي هبوط..
كيف جا مش عارف

حسيت روحي احسن اليوم..
خش فتح الله قعد يطمن علي ويسأل في ع روحي..حكيتلا الي اذكرته بس..

قالي تليفونك مبطلش..هلك يبو يطمنوا عليك..
وراني رديت ع وحدا من خواتك وقتلها كويس رغم
انك البارح وضعك مش تمام..

نا..منور ي نصي.... وقعدوا يسهروا معايا وتحسنت اشوي.. ولا كأن في شي البارح.. الحمدالله..

لقيت رساله من هنادي.. رديت عليها..
بس مش قادر نكتب..مزبوط
حروف معندش حيل لهن
..

هي..وين قاعد ي روحي..🥰
نا..ف افراشي..💔

هي..كيف صرت اليوم🥰
نا..لا كويس تمام..

هي..باهي عادي نحكو🥰
نا..غلطت وقتلها جنبي الشباب منقدرش..

هي..اي شباب فيش اتقول انت
نا..معش عرفت نكتب شي

هي..مهاب كنك..رقدت ولا شنو..

نا..اها.. نعسان.. نرقد ونوعا متاخذش ع كلامي..

وفعلا..وعيت نعسااااان..
قلت لهنادي عندي شغل.. وصكرت..

وهذي اول مره نكذب فيها عليها😔💔 بس والله عشانها..عارفها متريحش..

وعطيت نقال ل فتح الله ورقدت..
معش وعيت الا ع المغرب

قتله بنطلع منبش نقعد اخرا..
نعطي لمكان لغيري.. كويس نا..

يبوني نقعد شباب..مبيتش روحت..
طمنت البنات.. وغيرت ادبشي وغسلت وصليت.. ورديت لفراشي..
جابلي العشاء وكليت اشوي ورديت اخرا رقدت..

وعيت ساعه3..
جت ف بالي طول هنادي..

بس مدزيتلهش..

وقعدت نفكر ف روحي..

والي صار.. وحاولت نفهم شنو مفهمتش..

رديت لشغل ثالث يوم.. ونبهة ع فتح الله ميقولش شي..
لهنادي..

وانا مزلت انقول ان ضربت برد..

لما جت هنادي فالصبح..
#توكه_صبح_يومها

فرحت بشوفتها وكأن لي فتره طويله م شفتها...

هي..سلام عليكم🥰
ردينا السلام..
وقلبي يدددق من اول م جت واعيوني عليها..❤️

قربت مني..
هي..مراايفه عليك🥰
نا..وانا اكثر والله..❤️🔥
ونشوف لملامحها..
الي مش باين غير اعويناتها بس..
كمامتها لابستها..

بس نعرفها امتى تضحك وامتى تعصب وهي ساكته

كلا ف اعيوونها❤️🔥

وقعدنا نشتغلوا ومرا مرا نحكو..

وسألتني ع مرضت يومتها قتلها لا تمام اكويس..

يومها حسيت اني مشبعتش منها..
نشتغل نشتغل وننسى ع روحي نلقى اعيوني فيها..

سارح ف شنو انفكر منذكرش بس مركز فيها وكأني لي عام م شفتها..

و《《ملهوف》》 عليها..🔥
هي اتقولي كنك.
نا..لا شي..مرايف بس..

واستمرت علاقتي بيها..
وقعدت نمشي نحضر ف محاضرات..

وفاتن ايام.. واقدرت نشري سياره صغيووره.. ب3000\\
هي طايح سعدها..بس تشتغل وتوصل ومش مدمرا من شكل .. وفرحت بيها وكأني شريت سيارة27.000..
جت اصدافي واحد يعرض فيها.. وقلت نشريها بيش حتى تساعدني ف مشاويري..

احسبوا تكسيات من حوش
للمعهد مشي وجي..
ومن حوش للمستشفى.. وغير
حجات لخرات..

مشيت دفعت لصاحبها وروحت بيها..اقريب وانطير..😍😍..عمري م فكرت اندير سياره..
بس اهو ربي عطاني قيس حالي ودرت.. و اول م وصلت للحوش
كلمت هنادي..
وقلتها لها..

نا.. بلهفه.. وفرحه قلت هنادي وين قاعدا...
هي..ع اسطاح ننشر ف دبش كنك ي روحي شنو في..

نا..تبيش تبااركيلي..😍

هي.. ومبروووكين والف مبرووك بس ع شنو ي روحي..🥰

نا ..شريت سياااره😍😍

هي..صاااح.. وانا نقول مكالمه والصوت هذا وراهن شي سمح صاير..
مركوب الهنا ياعمري ..❤️🥰

تعرفي..منش قاعد فالحوش
بكل بنطلع بنروح فالليل.. بنبرم فالدنيا كلها😍

هي..نجك لي...بس فكني من الجري باهي..بشويش بشويش..🥰

نا..تعرفي وحق الله مش مصدق ان صارت عندي سياره..فرررحااان

هي..ربي يدوم فرحتك ي روحي والله باين ع صوتك..زايد سماحه🤤🥰 ومنشرح..

نا..والله جد😅

هي..والله.. جد..ان شاءالله ربي يعطيك خيرها ويبعد عنك شرها..

نا..ياارب...ويخليك لي ربي وميحرمنش منك

هي..ولا منك ياعمري❤️

وصكرت منها ومشيت ولعت سياره وقعدت نبرم وفرحاان.مش متخيلين الشعور الي غمرني لحظتها..

وكيف صار فيا.. تهيالي بنركب الدنيا كلها معايا تهيالي بنقول لناس كلها اني شريت سياره..

متبحتوش للامر ع ان شي تافه..

بس والله من ضمن الحجات الي فرحني ف حياتي السوده..
ورغم ضروفي الي ع قدي.

وقدرت نشري والله فرحه كبييره
وميحسش بفرحتي وكلامي إلا الي حالته زي حالي واقريب من الصفر ..
هذا الي يحس بيا..

ومشيت ف البلاد كلها ونبرم
وجبت حجات للحوش وروحت

ثاني يوم خذيت خواتي
حلاوة الشريه..ودهواري.
بس مش ف شوارع
زحمة شباب🤨😒
تباعدت بيهن وبرمت بيهن وروحنا ف ليل❤️❤️
[

وبعدها قعدت نمشي بيها لشغل.. فرحان بيها
اسمها سيارتي❤️😍

وتسوا كل سيارات الفخمات ف نظري..
وطبعاً امدرسا قدام الحوش/..

ويوم ورا يوم ورا يوم.. وقعدت نسمع ف دوا من الجيران..

شباب الشاارع..

وكنت انطنش..لما حد ينابشني
بس وصلت ل
يقولوا ف كلام يهين..

شي يمد ف يده..
وهذا من وينلا لفلوس...
وهوا حالته دوبه..
وغيرا وغيرا..

نا..💔😔..

حاكتني هنادي..وكنت متعقد والله

هي..مهاب كنك مش تمام..
شنو في..

نا..تعبت والله اتعبت ايش م اندير والله الناس ميخلونيش في حالي..

هي..فهمني بشويش شنو في

نا..ليش م يفرحوا للواحد بعد يدير شي..ليش يكسروا بخاطره ويسمعوه كلام.. ليش م يقولوا لا حرام اتعب واشتغل ليش هكي

هي..ع شنو تحكي..
نا.. وحكيتلها الي يوصل في..
واخر شي طلعوني سراق..نمد ف يدي عشان درت خاربه نمشي بيها😔💔

هي.. باهي ياعمري الناس راهم م عندهم غير لسان يحركوه..
وديمه اذكر انهم الي م يوصلولش لازم يحكوا عليه ولو بالباطل

نا..😔

هي..ي مهاب..ياعمري مدورهمش..المهم انت ونيتك وعملك بينك وبين ربك..
انت تسرق..
انت ترضى بالحرام وادير فيه

نا..لالا ولا عمري مديت يدي لواحد
وربي عالم

هي..خلص ي عمري..ليش تخلي فالكلام يعصبك..مدام عارف ان مصروفك جايبه ب تعبك

هو..بس هم معيطين وراي..ايش م اندير الدنيا معيطه معاي..
مفش مره حسيت ان الدنيا والناس معايا..

هي..بيبي..🥰

نا..هااااوووفففف..نعم..

هي..نا معاك شنو تبي فالناس..وكلامهم..ينباعوا بالعزاء..فوتهم..متحرقش اعصابك عشانهم..

نا..بس..

هي..والله الناس ي مهاب ماهم عايشين معاك ولا عارفين ضروفك..
يعني انت ف نظرك ان هالامر مفرح وشي كبير..

الناس عندهم موضوع سطحي والاغلب لو تحطهم محلك والله م ايتحملوا الي انت شايلا..
خليها ف بالك
..ان انت خير منهم ب100مره ف حجات واجد..

نا..

وقعدنا انسهروا.. لين تريحت اشوي

السياره مطقتش اسبوعين عندي..
الا وهي عاطله بروحه..
وعيت بنمشي بيها مبتش تولع..

عليما درت فيها شيي..

قعدت كم يوم وانا انجيبلها ف اطروف والله كل مره شكل طرف وكل مره شي..

بس توء.. كان رد جدي هذك من قبره ردت سياره تشتغل..

قتلكم ان فوق من الهم الي عندي ..امعيطين وراي..

هه ريت هالقصور الي عندي والحالا الي فوق الريح.. والثراء والعز والنعيم الواجد..

ريتو هالزهاء الي حاسديني فيه وامعيطين معاي عشانا..

والله ناس تخليك تندم ع العيشه معاهم الود ودك اتعيش فالمريخ بروحك هنك ..

عانيتها واااجد واخسرت عليها اكثر من م دفعت فيها..
بعدها خلاص ازمقتها ومعش جتني نيه فيها بكل..

مشيت طوحتها ب سياره ثانيه فالخرده هنك ..مش حتى بعتها لالا

لان عارف حتى كان بعتها والله ماهم مهنييني ف حقها..

و رديت مهاب لولي بلا سياره..

وقعدت من شغل لدراسه للحوش..

ودخان وقهوا....

بعد فتره.. المصارف ماشاءالله ينزلن ف رواتبنا اول ب اول ..

مريت ب فتره غير ربي م يعلم بي..
حالي(حالنا)..لدرجة ان الثلاجه فاااااضيه ب الاسبوع تقعد..

والمصارف مصكرات وبالشهور غامين علينا....والعمليه نشفت بكل..
وبالعربي..فلست💔🔥

معش قدامي الا شغل اعمال حره..

والي نقدر عليه حاليا..محلات الجمله.. تفريغ البضاعه..

قعدت نوعا من6ونص..نصلي ونفطر الي فيها النصيب 7 نطلع..

نمشي للمحلات وانشوفهم..
مرات نقعد بالساعتين انراجي ومنحصلش شغل..

ومرات نحصل وناخذ20\30بالكثير..

كل يوم نوعى ونطلع بدري ونمشي نشوف محل جايته سياره ويبي عمال اينزلوا
نبدا معاهم..

الله يلعن امتاعين المناصب..
الي خلونا ب رواتبنا وشهاداتنا.. واقريب نشحتوا حتى شغل م فيها لبلاد..

الله يزعزعهم من مطارحهم ويعيشهم الذل والفقر الي خلونا فيه..

كذا اسبوع ونا اندور وايام نلقى وايام واجد منلقش💔

نروح متعقد/قصدي مكسور..
حتى ب رغبتك وجهدك ومتحصلش
ابلاد امرقده شبه انها حيه اصلا..

مدورتش شغل فالمحلات لان ميناسبنش عشان وقتي ضيق.. بين دراسه ومستشفى..

وغير هكي مستحيل يستقبلوا ناس اجدد واصلا لبلاد مفيهاش افلوس

مواد الغذائيه بس تشتغل..

هنادي مكانتش عارفه وحبيتش انقوللها ف البدايه ..
حسيتها عيب او مش عارف منكسف من قولتها.. او منحرج..او...والله ماني عارف..المهم مقلتلهش.. الا بعد فتره..
طلعت مني..
ومش عارف ليش خفت من رد فعلها..

كنت متوقع شي🔥💔
وكان ردها عليا العكس❤️
ودعمتني ب كلامها الايجابي..
وبدعواتها..💛
وشجعتني عالشغل..وغير هكي..ديمه 《تدعيلي》

الشي الي نحبه ويذكر فيا ب امي..
ودعواتها وربي يحفزن في ويخلن في نتوكل ونمشي اندور ع شغل نستر بيه الوضع..
وانا فرحان..
مش زي قبل بلا نيه نمشي..

◇◇◇◇◇◇◇◇◇◇◇◇
#شوشيتا..
#راهي الكلمه الطيبيه لزوجك ولا خطيبك ولا خيك ولا والدك..
ف ضروف قاسيه..
والله اتكون له زي البلسم
زي القوه الدافعه.
زي الدعم وتشجيع..

حتى لوقالولا امشي على جمر ح يمشي وهوا راضي..عشان يجيب لفلوس الي تستر جوك هل بيته ويفرحهم..

عكس م اتزيديها عليه واتهدي حيله..
ب طلبات وضيق المصروف والعيشه واتعرميلا المسكين نواقصك كل م اتشوفي وجه..

راهم والله الرجالا يشيلو الهم همين حتى هم بس ميحكوش

يفكروا كيف يجيبو القرش ويسعوا عليه واخرا ايقولوا انظر يسد ولا م يسد لوازم البيت..

◇◇◇◇◇◇◇◇◇◇◇◇◇
خوات مهاب مكنش لهن الطلبات الواجد..بس برضوا ساكتات وقاعدات

مهاب..م عدش يشتغل الا عشان خاطرهن.. هو راجل الحوش..

بس برضوا ملقش منهن دعم ولا شي..

والدعم لقاه ف البنت الي حبها..

وصار يشتغل ويقرا
ومش معقب جهد

ويشيل ف أوزان اثقال..

هذا عدا صالة الحديد الي دايرلها ساعه فاليوم او بعد يومين

وردت عليه..الوعكه الي صارتلا.. ف ليل اخرا..

جيت تعبان نبي نرقد..معش قعدت..
الالم ف نص صدري الايسر
مع قلبي..والالم يخف ويزيد..

ثاني يوم مشيت للمستشفى..ونعسان..بكل مش راقد اكويس..
وانحس بروحي مش تمام..

هلبت اول ثلاث ساعات..
ودوبني نشتغل وانرد انقمعز..

مش متريح.. والالم نحس فيه مره مره.. ويزيييييد

منبش نحسسهم بشي..
قتلهم بنطلع.. اشوي برا..

طلعت وانحس بروحي مخنوق..

والالم زااااااااااااد مرا وحدا..
والصوره غبشت قدامي
وناخذ ف نفس بالقوا
نحس فيه يخش ومعش يطلع.. ولا اصلا ميخشش..

كنت نمشي ف نص المستشفى.. نبين مشي ع واحد من جوانب عشان نتكي عالساس نسند عليه..
مقدرتش..

صكرت يدي اليمنه.. ونضرب على صدري جيهة القلب..نبي الالم يحول..

نحس فيه امواسس حادات جوا.. وغير ان اتقول حد يضغط عليا من جواااااااا...

نبي انتنهد ..مقدرتش
نبي نتنفس..صعب
نبي نفرد طولي..مستحييييل

عصيت على روحي ويدي على صدري..

معش قدرت..
طحت على اركابي.. ويدي ع الارض ولخره ع صدري...

قعد الزفير اقوا واكبر من الشهييييق..

واعيوني برواحهم يدمعن

حتى ال ااااه وقتها واااعره قووولتها..

معش قدرت نتحمل الالم..
وصرت نعيط من قوته
وإلتمو النااس من طييحتي.. وعيطتي..
[

وجو ممرضين.وناس بيحركوني..

بس منبش حد يقربني..
مش عارف نفرد طولي ولا انطبس ولا انصبي..

انعيط من ألم الي صارلي
كل م يحاولوا يرفعوني من جها نقوللهم لا مش قااادر ورحمة امي ماني قاادر وقتها..

بعد معانا وتحريك..
اقدرت واقدروا يرفعوني..

وطول اسعافات.. وهم مش عارفين كني..

الشي الوحيد الي داروه..

اكسجين..
لان صرت اندور فيه ادوارا..

دارو استدعاء ل دكتور باطنيه..

وجا كشف ..و قال...هكي مفي شي
لازم من صور وتحاليل..
واستدعولا دكتور صدريه.. او قلب

وهه..مفش هم لثنين..

بعد وقت شفت دكتور ومقدرتش نركز فيه ولا نركز ف الكلام الي
قالوه..

الأكسجين معلوق.. وضربولي مسكن قوي..

ومعش جبت ع الدنيا علم


توكتي كانت من قايلا ل ليل يومها

ورقدت ..و اوعيت ف ليل
جنبي شابين..بس مش فالعنايه كنت..

منعلمش من كان عندي..

وعيت ونذكر ف الي صار..

اخر شي خش دكتور فايز وبعدها خلاص..

شباب جو يطمنوا علي وحكولي من جا وشنو صار..

ودارولي تحاليل..
وقالي طلب صوره لك ..والصوره مفش هنا..تلقاها فالعياده..

بكرا ديرها وجيبها له..

نا..ان شاءالله خير..

وقعدت فالسمستشفى.. وكلمت البنات طمنتهن وقتلهن بايت هنا..

وشغلي بكرا صبح..

رقدت فالمستشفى.. وف صبح.. كنت واعي..
وبين وقت تسليم إلتوكه.... وهكي..والوضع هااادي
مزال..

جت هنادي.. وطقت عالباب..وخشت..

كان في ممرض معاي فالدار... وحالا راجل راقد.

هي..ترددت فالخشه..

نا..شفتها..شيرتلها خشي..
قربت وكانت منفجعه.. مش تمام بكل..

نا..ديري شغلك عادي فيا
هي..قعدت تبكي..وترجف.. دايره روحها اتشوف فيا (ك مريض)

الممرض..طلع قال تو انجي..

نا..شوفي الحاله لخرا واعي..

هي..لا راقد..

نا..باهي تعالي..

هي..والله خوفتني عليك امس
والشباب ازحموا عليك وكثروا معش قدرت نشوفك.. روحت و نا منشغلا عليك 😔😭

نا..اطمني نا كويس..عليش اتخافي

هي..😭والله أمس كنت مش هكي انت وكنت تعبان وتمنيت لو نقدر نقعد ..بس مقدرتش..😭طول الليل وانا نبي نرن عليك ومقدرتش..

نا..متخافيش.. الي قدامك مار بحجات اشر من هكي جت على هذي
بسيطه..

هي..مهاب..انت البارح صرخت..تعرف شنو يعني صرخت يعني مكنتش كويس بكل
كيف اتقولي توا هكي..

نا.☺️.اطمني اشوي تعب مش اكثر
هي..باهي قولي شنو قالك دكتور..

نا..حكيتلها..

هي..يعني اليوم بديرها الصوره..
نا..مش عارف تو انشوف..بعدين

هي..😔💔والله خايفه عليك..

واقعدت تبكي..

نا نشوف لعيونها... وصح نحس بشوي تعب

بس مش عارف ليش وقتها الكلمه تبي تطلع مني..

نا..نفكر انقولها.. وشي يقولي لا مش وقتها كنك انت متقولهش

لا انقوولها..خلاص وصلت ع طرف لساني..

شي جوا لالا لا ردباالك..

بس كنت اضعف من اني نسمع لصوت الي يقول عكس رغبتي.

كنت نشووفلها ونبي انقولها ومنبش

قتلكم ان قعد فيا 《النقيض》 صفه من صفاتي..
نبي الشي ومنبيييييش💔

بس..هالمره مسمعتش لشي غير الصوت الي يقولي قولها قولها قووولها..

من كثر م نحبها وانموت فيها..و《عشقي لها 》شي غريب قاعد ومستمر..

نا..هنااادي..

هي..😭..نعم ي مهاب

نا..امسحي ادموعك والله م يهونن علي..راهو

هي..مسحت..نعم

نا..هنادي..

هي..تشوفلي

نا..تنهدت.. حسييتها من قلبي طااالعه
الكلمه.

نا..هنوودي..انااا. خذيت نفس..انا انحببببباااك😊

هي..طووول ضحكت هي..وتحشمت

نا..تضحكي اه..ورحمة امي معش نقدرت ندسها..

وااه نحبك..نحبك نحباااااااااااااااك..

هي..باهي خلاااص اسسكت والله مجنون نا جايتك من حوشنا قبل وقت ومنشغلا ونبكي خايفه عليك
وانت اتقولي هكي..

نا..عندك اعتراض🤨نحبك😍نا ااه😍..نحبك..عاجبك ولا مش عااجبك..

هي..🥰باهي تمام عاجبني اسكت بس..

نا...بكل م فيا..قلت ااااااااااااه ي قلبي..وضحكت

هي..كنك يوجع فيك😨

نا..لا بس والله ترييحت بعد قلتها..

هي..🥰مش طبيعي انت والله

نا..منك ورحمة امي منك باهي
كنت في حالي لين خشيتي حياتي..
قلبتيني..بس احلا قلبه فالدنيا😊
وربي..

هي..معش تكلمت بكل..واعيوونها
الي نموت فيهن مووت..شفتهن اخرا وهن يضحكن..🥰

نعليييييي
🤤منهن البنيات🤤🔥🔥

عااارفكم اتقولوا مشهد كذب من مسلسل وانظر ايش..بس لا والله واااااقع هذا.. والمشكله صار
كلا ف دقايق ورا بعض
غير كتابه تحسوه طويل الوقت..
ربع ساعه مطقينيهاش فالكلام..

هي....مهااب..بنمشي معش نقدر نقعد

نا..بتسيبيني..

هي..لالالا..منسيبكش بس بنعرف شنو الابره الي عطوها لك مش تمام شكلها😅🥰..منطلق بكل انت..

نا..مكبد فيك بس😊
وهي جت بتقول شي ع جيت وحدين..

طلعت وعدت..

منبش نشوش ع روحي...
بس والله احلا يوم هذا..

صح البارح تعبت وحالتي يعلم بيها ربي..
نضت كويس..بس لما شفت هنادي..
الكلمه قعدت تبي تطلع.. ومعش قدرت نسيطر ع روحي..
وتعبت من كتمانها...

خلييني نقوولها...

وكسرت نقيضي الداخلي ب لهفة قلبي لها...

وهكي..سميناها
《نقيض _بلهفة_عاشق🤤🔥🥰

قعدت منبش حد يحكي معايا
مغمض اعيوني ب اذراعي ومبتسم
اتقول مسطول 😅

بس والله شعور ربي يعطيه لكل الناس.

خش علي فتح الله..

هو..بسم الله..ميت وتضحك ولا ملائكه اتضحك فيك وانت راقد😂

نا..😅هن لثنين

هو..خزي وانت كيف الجن..
امس تشغلنا واليوم تسهوك كنك فيش اتحس..بالك انحسوا كيفك
😂😂

نا..غلضت صوتي وقتله انه الحب ي رفيقي وقعدنا نضاااحكوو
😂😂😂😁😁😁

وسهريت معاه اشوي..
وعدا لتوكته قتلا تو انجيكم نحس بروحي كويس

هو..😒مهاب ارتزع ف مطراحك خير م نكلملك امرتك ايواه😏

نا..خوفتني بيها😜😁

هو..كسد علي وعدا..

خذيت الموبايل..
ودزيت مسج ل هنادي..

نا..انتي دوايا اقسم بالله❤️
هي..مردتش

نا..انتي حبيبتي نا بس فاااهمه..❤️
هي..مردتش..

#بعد_اشوي

نا..انتي ربي يخليك ليا وميحرمنش منك..باهي..❤️

هي..مردتش..

نا..الحق علي انعامل فيك من بعيد والله انوريك اني جايك توا..😤🔥

وصبيييت بشوييش..
وعدلت لبستي ولبست بالطوي الي كان ع طرف السرير.. ومشيت للعنايه..

وصلت للباب نا.. وطقييييت...

طقطقطقطقططقق..
هي................

🔥🥰🔥🥰🔥🥰🔥🥰

#يتبع..
#shosheta..

وآخيرا نطقها وقااااالها ولالا🤤😍🔥..

صح هو غريب ويصرف مرات بدون تفكير..بس ي محلا كلامه و مفاجأته🤗لما يكونن على حب❤️

قتلكم متخافوش من شي مدام ماسكين فالشخص الصح..

لان مهما كان الي بيصير معاكم
صدقوني ح ايكون هم اول وحدين يدعموكم ويوقفوا جنبكم وما
يسيبوكم..

هذا اذ(كان) اختياركم لشخص المناسب..(مناسب😉😍

ف لما تبو تختاروا اختارو الشخص الي يكملكم الي يريح بالكم الي اتكونوا واثقين ان هالشخص
قربه لكم مش مبني ع ماديات ومصالح ويهمه طرف الاخر زي م انتم تهتموا بيه..

الحب❤️ ديمه افعال..وقول ..
افعااااااال ثم قول...

مش حكي وبس

نتلاقوا بكرا حباايبي ف الحلقه الاخيره..والي هي
ذِكرلما بق من أحداث
تصبحوا على كل شي حلو😍🥰

google-playkhamsatmostaqltradent