رواية أولاد السلطان الحلقة الأولى

 رواية أولاد السلطان الحلقة الأولى 

رواية أولاد السلطان الجزء الأول 

رواية أولاد السلطان البارت الأول 

رواية أولاد السلطان الحلقة الأولى 


رواية أولاد السلطان الفصل الأول

#أولاد_سلطان 1 (المقدمة)


#ibrahim_qurji✍️✍️


لما تكوني مجبورة انك تتزوجي الشخص الغلط باش اداري فضيحة ممكن انها تنهي حياتك و حياة عيلتك و لكن في المقابل تحبي الشخص الغلط اللي ممكن يدمرلك حياتك لان الحب في الوقت هذا غلط خاصة ع اللي زيني اني ... لكن اني قاومت و حاربت عشان هذا الحب حتى لو كلفني هذا الحب حياتي 💔💔 ......... 👇👇

____________


كندة:الوووو يا دراه وينك وصلت ره

سعد:اهوو قريب نوصل زحمة الطريق بس خليك في المطار و ما تطلعيش

كندة:به غير هيا ما تعطلش ... هيا ليكم وحششة

سعد:عارفك اني ما تقدريش تعيشي بعيد علينا

كندة:ههههههههه غير هيا به

سعد:اهوو هي شوي و نووصل


كندة:بنت في بداية العشرينات هادية و بسيطة و بملامح شرقية جذابة و شعرها اسود و ناعم و عيون خضر و بشرة بيضة و هيا بنت رقيقة و كانت عايشة البرا عشان القراية

.

.

.

في نفس اللحظة


ركان:الوووو ... وينكم الزح من بكري واصل

جابر:اهوو جاي يا ازان قريب نوصل ... اصبر شوي

ركان:بعصبية ... شن نصبر الزح نقولك من بكري واصل وينكم

جابر:صايره مشكلة في الحووش و نسيتك الحق 🤦‍♂️🤦‍♂️

رمان:مشكلة شن 😒😒

جابر:نوصل و نحكيلك

ركان:صكر الخط ... صبرك يا رب بس 😤😤


ركان:شاب في منتصف الثلاثين شخصيته قوية و حاد الطباع يمتاز بملامح رجولية قوية الجاذبية ببشرة قمحي و عيون سود و حادة كعيون الصقر طوول يافع و جسم يدل على شدته و صلابته و حازم في حياته و يكره الخطأ

____________ 🔥 رواياتي 🔥 ___________

_________🔥ibrahim qurji🔥___________


فريدة:تخبط ع وجهها ... حي عليا غبارتي ... الفرخ هذا شن دار مش عارف حجم المصيبة اللي حطنا فيها حي علينا

منذر:يما خلاص اهدي هما قالو البنت هربت مع واحد لكن مش معروف من

فريدة:امالا خوووك وين من امبارح مش مقابل و البنت حتى هي

منذر:انتي عارفة عيلة سلطان سيرتهم ع الشارع و اكيد البنت هربت مع واحد .... زي ما دارت عمتها 🙄🙄

فريدة:انشاء ﷲ يا منذر كلامك يكون صح ... كان هذا الفرخ فتح علينا باب جهنم مع العيلة هذي

منذر:اطمني يما ☺️☺️ ... اي سعد وين امالا

فريدة:كندة اليوووم وصلت من السفر ماشي يجيب فيها ... يا ناري بنتي جت و بلتقى الدنيا مقلووبة قدامها 😢😢

منذر:هدي بالك يما ... و هاك خودي اشربي ميه 🥛

فريدة:💔💔

__________


سلطان:الفرخة تو وين مشت

كلثوم:و الله تطلع هاربة مع الفرخ المنتف هذاك اقسم باللًه الا لما نهد حووشهم فوق رأسهم ... و ربي عالم و شاهد 🔥🔥

سلطان:اسكتي انتي هذا اللي فالحة فيه تهدي الحوووش ... الغلط منك و من بنتك اللي مش متربيه كان هذا ره ما دارتش هكي

كلثوم:يكون في علمك بنتي هيا بنتك و انت عارفها ادير اي شي عشان الفرخ هذاك

سلطان:ادعي لربك يلقاها هيثم قبل ما يوصل ركان كان هذا ما تلومي الا رووحك

كلثوم:تدعي ... يا رب ردلي بنتي يا رب 🤲🤲

.

.

.

سلطان:ها يا هيثم ششن صار لقيتوها

هيثم:هز برأسه بمعنى لا ... ما ليهاش اي اثر بكل تقوول الارض نشقت و بلعتها

سلطان:كيف اختكم تطلع من الحووش و انتم ما عندكم العلم وين الحرس

هيثم:خبط ع رأسه 🤦‍♂️🤦‍♂️ الكاميرات

سلطان:كاميرات شن

هيثم:كاميرات المراقبة يا بووي اكيد سجلت كل شي

سلطان:اطلع قدامي خلينا نشفوهم

____________


كندة:الووووو

سعد:هي اطلعي اني قدام البرا نستنى فيك

كندة:هي طالعة

.

.

.

ركان:ايوااا 😒😒

جابر:هي اني البرا نستنى فيك

ركان:طالع

طلع ركان ووصل للباب و بووووم

كندة:طاحت شنطتها و جوازها ... اخخخ وين عيونك ما تشبحش و لا شن

ركان:وين عيونك انتي عمياء و لا شن

كندة:ما صح وجهك و خلاص غالط و يعارك

ركان:صبرك يا رب

كندة:ناس ما تتحشمش ... خدت شنطتها و الجواز و طلعت ... ناس بلا ذووق ... ما كانتش تتوقع انها تلخبطت في الجوازات 🤫

_________


هيثم:حيدر ... طلعلي اخر تسجيل للكاميرات امبارح

حيدر:انشاء ﷲ يا استاذ هيثم

هيثم:اقسم بالله يا بووي لو تطلع هاربة مع الفرخ هذاك الا لما نشرب من دمهم

سلطان:غير اهدى انت بس و خلينا نشوفو التسجيلات

حيدر:اهم التسجيلات يا استاذ هيثم من الساعة 6 لليووم 8 الصبح

هيثم:به انت برا اطلع

حيدر:انشاء ﷲ ما في شي بس يا استاذ

هيثم:و انت شن دخل دين🤬🤬 برا اطلع امشي

سلطان:اهدى يا هيثم

__________


كلثوم:عبلة يا عبلة الزفت انتي وينك

عبلة:نعم يا ست هانم في اي مالك بتعيطي

كلثوم:بري ديريلي كأس ليمون رأس يووجع فيا

عبلة:هو الليمون ممكن انه يفيدك في وجع راسك انتي محتاجه مهدئ يا ست هانم

كلثوم:انتي بري ديري اللي قتلك عليه من غير تفتف فاضي

عبلة:حاضر يا ست هانم ... بس انتم ناوين تأكلوا حاجه ع العشاء

كلثوم:انتي امشي ديري اللي قتلك عليه و ما دخلكش فيه العشاء

عبله:حاضر يا ست هانم ... و مشت اتمتم عيله مهببه جتكم النيله ... رح اعملك احلى كأسة ليمون 😈😈

__________


سعد:الحمد لله ع السلامة

كندة:الله يسلمك

سعد:كيف حالك و شخبار السفر معاك

كندة:الحمد لله حال التعب ... انت كيف حالك

سعد:الحمد لله حال المشاكل من الصبح

كندة:بنظرة استغراب 😕😕 مشاكل شن امي فيها حاجة ... بووي فيه حاجة خيرك سكتت يا سعد شن في تكلم

سعد:خدي نفس عميق ... اءء خووك من امبارح مختفي و مش مقابل و نتصلوا بيه مقفل

كندة:🤨🤨 طمنتني ... نحسابه امي و لا بووي فيهم حاجة

سعد:ع شن مطمنة ... نقولك خووك مختفي من امبارح

كندة:من هووو

سعد:كيف 🙄

كندة:اي منهم اللي مهناش

سعد:عزيز

كندة:ههههههه اكيد تلقاه في وحدة من الاستراحات مع صحابه انت عارف عوايد خووك يا سعد ديما يدير فيها وين المشكلة

سعد:المشكلة ان حتى بنت سلطان مختفيه مش معروف عليها وين و هما شاكيين انهم هاربين مع بعض

كندة:لا ما اعتقدش عزيز يدير شي كيف هذا

سعد:و الله انشاء الله وخيتي

كندة:كيف حالها امي اكيد مسكينه راعشة و سكرها مرتفع

سعد:اي ... اني طلعت و خليتها ادوور و تدعي

.

.

.

ركان:ها خير عطلت سنه و اني نستنى فيك

جابر:به اهو جيتك ... بس كانت في مشكلة في الحووش

ركان:مشكله شن بووي في حاجة و لا امي

جابر:اهلك ما فيهم شي غير ..........

ركان:غير شن احكي

جابر:اختك من امبارح مهناش و مش معرووف وينها

ركان:فجأة و تلاشت الضحكة من ع وجهه ... و بنظرة حادة 😡 ... تبصر

جابر:الموضووع ما فيشي بصارة يا ركان نقوولك اختك من امبارح مختفية و تقوولي تبصر

ركان:اي منهم

جابر:همممم

ركان:اي منهم الزفت اللي مهناش

جابر:خذي نفس عميق ... اءء شهد

ركان:حط يده ع وجهه ثواني و رجع حولهم ... يا رب صبرك بس

____________ 🔥 رواياتي 🔥 ___________

_________🔥ibrahim qurji🔥___________


هيثم:ها شووف يا بووي اهي بنتك كيف طالعة و كأنها في سيارة تستنى فيها

سلطان:يشوف الفيديو و ساكت و كاتم دمعته

هيثم:اها شووف يا بووي اهو الولد نفسه ولد شريف ... و الله الا لما نشرب من دمهم الاثنين و ما يكونش اسمي هيثم ولد سلطان

سلطان:بصوت خلا هيثم يوقف ... استنى ما اديرش شي لعند ما نقوولك و تو برا جيبهم الاثنين من تحت الارض

هيثم:خذي سلاحه ... و طلع متنرفز

__________


كندة:يما يما

فريدة:بنتي الحمد لله ع سلامتك

كندة:الله يسلمك يما

فريدة:جيتي يا بنتي و الدنيا مقلوبة ... شفتي خووك شن دار فينا و لا

كندة:هدي بالك يما اكيد تلقيه مع واحد من صحابه و مسكر تلفوونه ما في غير الخير انشاء الله

فريدة:انشاء الله با بنتي ❤️

.

.

.

دقايق و سمعوا صووت دووشه البرا

فريدة:شن في زعما البرا

سعد:هذا هيثم ولد سلطان جايب جيش هنايا

فريدة:يا رب سترك و عفوك يا رب ربي يجعل كيدهم في نحرهم

شريف:خليني نطلع اني و نشوف ششن يبي

كندة:اهدي يما خليني نطلع نشوف شن في

.

.

.

هيثم:شريف شريف اطلع البرا اطلع و الا اقسم بالله الا لنا نجليكم من هنايا انت و عيلتك

شريف:شن في خيرك جاي تلعلع من غادي انت

هيثم:وين ولدك الحيوان عزيز

شريف:خيرك شن تبي فيه ... انت عارف ان عزيز من امبارح مختفي و ما عندناش العلم بيه وين

هيثم:ولدك خطف اختي و اليوم كان ما طلعش الا لما نجليكم من هنايا انت و عيلتك كلهم

شريف:انخطف لونه 😨😨 اءء ... #يتبع


هذي المقدمه بس و الجاي اقوى و تو عطوني رأيكم في الحلقة ... و لوين حيوصلو أولاد سلطان في سلطتهم ❤️❤️

نحبكم يا فااانزي ❤️❤️

google-playkhamsatmostaqltradent