رواية أولاد السلطان الحلقة الثالثة

 رواية أولاد السلطان الحلقة الثالثة

رواية أولاد السلطان الجزء الثالث

رواية أولاد السلطان البارت الثالث

رواية أولاد السلطان الحلقة الثالثة


رواية أولاد السلطان الفصل الثالث 

#أولاد_سلطان 3

#ibrahim_qurji

كندة:كان في نظري القرار المناسب اني نوافق و نوقف المهزلة اللي صايرة فقررت اني نأخذ اصعب قرار في حياتي ممكن انه يدمرها ... اءء بابا اني موافقه 😔
فريدة:لا يا بنتي رد بالك تصلحي غلط داره خووك
كتدة:كان ما وقفتش المهزله هذي يما من بيوقفها ... الغلط اللي داره عزيز اني رح نصلحه بزواجي من هيثم
شريف:معناه موافقة يا بنتي
كندة:اي بابا
شريف:امالا خليني نرد عليهم و انشاء الله خير
فريدة:يا رب بنتي بضيع مني و اني مش قادرة ندير شي
كندة:خلاص يما ... كلها زواج هو و بعدين اهو انتم قريبين مني مش رح نخليكم
فريدة:اضبطت بنتها ... و في قلبها غصة ... لكن طالما القرار قرارها ره تضطر انها توافق عليه 😔😔
___________

كلثوم:ع جثتي البنت المنتفه هذيك تجي لحوشي
سلطلن:خلاص يا مرا ... هذا مش قراري اني قرار كبارية المنطقة
كلثوم:اي كبارية هذي ولدك اللي بيتزوج مش الكبارية
سلطان:كان مش لولا الكبارية ره ولدك تو محبووس لان كان هذا قتل واحد من هذيك العيلة
كلثوم:من حقه يقتل لان يدافع ع شرفه
سلطان:الكلام تم يا مرا ... و رح ترضي بالامر الواقع و الفرح بعد اسبووع
كلثوم:سكتت ... الفرح مش رح يتم و اني قاعدة 😈 يا عبله يا عبله
عبله:مالك في اي يا ست هانم
كلثوم:افتحي وذانك للي بنقوله تو و احفظيه لان بنستحقلك بعدين
عبله:و انا سمعاك يا ست هانم
_________

طق طق طق

رانيا:فتحت الباب ... شهقت هيثم خيرك فوت فوت
هيثم:خش ... علاش نتصل بيك ما ترديش
رانيا:كنت اندوش ... مش من عوايدك تجي بكري قبل ديما متأخر
هيثم:مليت من الحووش
رانيا:خيرك حبيبي شن في
هيثم:صايرة مشكله
رانيا:مشكلة شن
هيثم:بنتزوج
رانيا:جمدت في مكانها ... اءء شن تقوول يا هيثم اي زواج هذا
هيثم:المشكلة اللي حكيتلك عليها
رانيا:اي متااااع
هيثم:اي نفسها
رانيا:به انت شن دخلك هيا هربت
هيثم:الكبارية اجتمعوا اليووم و اتخذوا القرار هذا رغم اني كنت معارض لكن فكرت و ما لقيتش حل الا اني نوافق
رانيا:مسكت ايده ... و اني يا هيثم مش وعدتني بالزواج
هيثم:هوا زواج ع الورق بس باش نسكتوا الناس فترة شهرين و رح نطلقها و نتزوجك
رانيا:سحبت يدها ... خلاص يا هيثم اللي بينا تم و توا تفضل بلا مطروود
هيثم:لا ما تقوليش هكي يا رانيا اني نحبك
رانيا:اللي عندي قلته ... و تو
هيثم:وعد مني رح نعوضك ع الغلط اللي درته ... و طلع
رانيا:سكرت الباب ... و دفنت رأسها في المخدة و بدت تبكي
__________

نور:مازن حبيبي خيرك مش ع بعضك اليووم
مازن:ماسك الاوراق ... لا مازفي شي
نور:لا في من امبارح بعد ما روحت من حووش اهلك و انت مش ع بعضك و اليووم حتى في الاجتماع مش مركز
مازن:هيثم خووي بيتزوج بنت شريف
نور:و به حلوووو شن اللي زاعجك
مازن:شبحلها بنص نظرة ... شريف هو نفسه ولده اللي هرب مع شهد
نور:حطت ايدها ع فمها بصدمه ... و به هو وافق
مازن:ما نعرفش لكن ما فيش حل غير انه يوافق كان هذا الموضووع بيكبر و بتبدا قصة ثارات
نور:به من صاحب القرار هذا
مازن:كبارية المنطقة هما اللي توصلوا للحل هذا
نور:انشاء الله خير و خلاص ... به شن رأيك اليووم نطلعوا نتعشوا البرا
مازن:معليشي يا نوور اليووم نحس روحي تاعب و بنراجع قرار الاجتماع بأن نكبروا القسم الخاص
نور:تمام ... و طلعت بكسرة خاطر 💔💔

____________ 🔥 رواياتي 🔥 ___________
_________🔥ibrahim qurji🔥___________

ترن ترن

ركان:الووووو
عمار:اووو معناه اللي سمعناه مزبووط ركان ال....... رجع من جديد
ركان:يا حيوان شن مزال تبي انت
عمار:لالا مش هكي الكلام يا ركان انت توك كيف راجع مش معقوله رح ترجع تسافر من جديد
ركان:هذي حاجة تخصني
عمار:طالما انت هنايا خلينا نشووفوا بعض امالا
ركان:صكر في وجهه ... حيوان ... و رمي التلفون ع طوول حدفته
_________

كندة:كنت مقعمزة و نفكر في القرار اللي خديته و كيف ره نتصرف مع هذيك العليه ... خاصة انها كل همها سمعتها بين الناس ما ادمرش لانهم اصحاب نفوذ و كل اللي يبوه يصير ... و كنت نفكر وين شايفه هذاك الشخص اللي جي و نقدني من المريض المختل هذاك زعما يكون خوه و لا صاحبه تفكري كل مشوش ... طق طق طق ✊✊
كندة:ادخل
كنزة:حبيبتي اوخيتي شن مدايره
كندة:قاعدة نفكر في القرار اللي خذيته برأيك استعجلت بموافقتي ع ولد سلطان
كنزة:شن تقوولي انتي اي وحدة في مكانك تحلم انها تخش لقصر سلطان هذاك ...
كندة:كيف 🤨🤨
كنزة:البنات اللي معاي في الكليه بعد سمعوا انك بتتزوجي ولد سلطان فرحوا اكثر مني و منك ... يقولوا عندهم اراضي و املاك و فلوس هلبا و لا عندهم معارض سيارات و حرس لا و بزياده خدم و حشم
كندة:اني مش هامني الفلووس يا كنزة المهم ان الموضووع يسكر خلاص و معادش ينفتح ... اصلا هيا فتره شهرين او ثلاثه و رح نطلق فما نبيش منهم شي بكل
كنزة:غبية ... ما تفهميش انتي يا ريتني في مكانك
كندة:😒😒 بري تزوجيه
كنزة:اني نتزوج الشايب هذاك ما يكتبهاش عليا التاريخ
كندة:خلاص امالا اسكتي
كنزة:المهم انتي فكري فيه الموضوع بحكم تو انتي اول كنة ديري كل جهدك باش تكشبي حب و ثقة هيثم
كندة:اطلعي اطلعي بري شووفي محاضرات بري
__________

كلثوم:فهمتي تو شن اديري و لا
عبله:اكيد يا ست هان حفزته بالحرف الواحد
كلثوم:تمام امالا طالما هيا بنت احلام انها تقووت ع هذا الحووش كنه ... رح نخليها تفوت كنة
عبله:ده انتي يا ست هانم الخطط اللي بتعمليها جهنمية
كلثوم:حتى اني كلثووم ما يلتعبش عليا
عبله:عاوزه حاجة يا ست هانم
كلثوم:لا انتي بري تو شوفي شغلك ... و اني كان استحقيتك في حاجة تو انادي عليك

____________ 🔥 رواياتي 🔥 ___________
_________🔥ibrahim qurji🔥___________

كندة:طلعت حوايجي من شنطة السفر لاني معادش لهيت بيها من الوضع المكركب ... انصدمت لما لقيت الجواز لونه مختلف فتحته و شهقت حي هذا مش جوازي و بديت ندور في جوازي و بديت نفكر كيف ضيعت جوازي لعند ما اتذكرت الموقف اللي في المطار
ركان:وين عيونك انتي عمياء و لا شن
كندة:ما صح وجهك و خلاص غالط و يعارك
ركان:صبرك يا رب
كندة:ناس ما تتحشمش ... خدت شنطتها و الجواز و طلعت ... ناس بلا ذووق ... و بديت نضحك ع الموقف و فتحت الجواز و بديت نقرا في الاسم و لمحت الصوورة ... اها عرفت تو وين شايفته ... طلعت البلكونة و نشبح فيه واقف بكل هيبة و شموخ ... كندة شن تقولي انتي بعد اسبوع رح تصيري مرت خووه ... و اتدكرت الجواز و طلعت بدون ما نحس ع رووحي لقيت رووحي انادي فيه
كندة:معليشي خووي معليشي
ركان:بصوت رجولي حاد ... نعم
كندة:ارتبكت ... معليشي اني البنت اللي خبطت معاها في المطار
ركان:🤨🤨
كندة:هذا الجواز ليك تلخبط فيه و اني طالعة ما ركزتش اني خديت الجواز الغلط
ركان:يشبح فيها و خلاص
كندة:تفضل ها
ركان:شكرا ... اءء اني تو طالع بعد ما نروح تو نجيبلك جوازك ... و ركب سيارته و طلع
كندة:اءء عادي و لا يهمك ... في خاطرها غبية غبية كيف تخلي جوازك عنده بلك دار بيه حاجة غلط 🤦‍♂️🤦‍♂️
_________

بعد مرور اسبوع

صاروا هلبا تطورات في الاسبوع كندة كانت غارقة في تجهيز روحها للفرح اما هيثم يجي و يمشي للحوش و طوول الوقت يتصل برانيا ما تردش عليه ... اما ركان فتح المعرض الخاص بيه ...

كندة:كنت مقعمزة ع الكوشه رغم انه الفرح كان بسيط جدا مش عازمين هلبا الاقارب فقط ... و كنت قمه في الجمال بفيلوو بسيط مزركش و بقتحه لاسفل الظهر و شعري كان كوده و ميك اب بسيط ... و قلبي كانت قابضني محسسني اني فتحت ع رووحي باب جهنم بموافقتي ع الزواج هذا ما كنتش نتوقع اني داخله ع هلبا اسرار وراء هذا الزواج #يتبع

google-playkhamsatmostaqltradent