رواية نقيض بلهفة عاشق الحلقة التاسعة 9 كاملة

 رواية نقيض بلهفة عاشق الحلقة التاسعة 9 كاملة

رواية نقيض بلهفة عاشق الجزء التاسع 

رواية نقيض بلهفة عاشق البارت التاسع 

رواية نقيض بلهفة عاشق الحلقة التاسعة 9 كاملة


رواية نقيض بلهفة عاشق الفصل التاسع

روايه واقعيه لشاب..
#بعنوان_نقيض_بلهفة_عاشق_الحلقه_التاسعه_للكاتبه_shosheta..

قراءه ممتعه 🔥🔥❤️❤️

نجوى..ي مهاب..والله نادمه نرجس وحلفتلي ان غلطه ومعش اتكرر.. وهالامر صار بعد انت سيبتها

نا..🤨😒

نجوى..متعرفش هي ساااامحها عشان خاااطري..طايشه هي..والله تسمع كلامك هالمره خلاص..
كان لقيتها مش زي م قالت هي انها تغيرت خلاص سيبها..

نا..😒..هه😏مستحيل اتغير عوجه عارفها

نجوى..من قالك والله تغيرت وقعدت غير نرجس لولا..

#شوفوا نا مكنتش نبي نحكي شي لنجوى ولا بنرد ع كلامها بس استفزتني هي وحكيت

نا..اسمعي..انتي عارفتيني البني آدم الي نسكر عليه لو كان اكسجيني بين ايديه معش نبيه ولا يلزمني..
ونرجس.. يمكن حبيتها مننكرش
بس لو مفكره روحها تلوي اذراعي واتمرمدني واتذلني ب الشي هذا

والله م صارت
ف اي لحظه ننسحب ونقطع ع دين امه الشخص اين كان لو استغفلني ولا حاول يدير شي من وراي🤬🤨

نجوى..باهي هي غلطت واعترفت وطالبتك اتسامحها تبيك اترد عليها

ونا..منبش.. نقعد كذاب اصلا كان رديت عليها(لا لها عندي لا ثقه ولا مكانه ولا حب لاشي.. قوليلها اتشوف حالها واتخطاني..😒🤨

نجوى..هذا اخر كلام☹️
نا..ااه تربحي انتي وقوليلها تربح حتى هي..

صبت نجوى وعدت..
بعد اشوي طلعت من دار وفقدت ندى قبل لازم تدخل ف نقاشات.. هالمره غاطسه..

مشيت لدارها..لقيتها تحكي ف موبايل وفرحاااناااا وتسهوك😍

نا..🤨😠..نشوفلها هك

هي..😌 باهي امته..ااه ياااريت والله

نا..خبطت ع باب بيدي وهزيت راسي بمعنى مع من تحكي..

ندى..😌محد اطلع انت

نا..معش فيها لازم من تدخل صوت
هااااي انتي مع من تحكي😠

ندى..مع صاااحبي🤤😍وقعدت تضحك

نا.. احكي اكويس مع من تحكي قتلك🤬

هي..عليك قصه انت اهو هاك احكي معاه...😌

نا..ندىىىىىىىىى😡😡😡🤬

جابت الموبايل وحطاته ع وذني..سكتت مسمعتش صوت

نا..مفش صوت..😠
هي..احكي معاه اهو موبايل مع مهاب..

نا😳😠..

الصوت..ايوا مهاب..

نا..اءاء.. ايوا ايوا خير😤

الصوت..اهلين..اطمن نا صاحبتها مش صاحبها..

نا..حرجتني..معلش غير لازم من التأكيد

الصوت..لا عادي ولا يهمك ممكن تعطيني ندى لو سمحت

نا..ا ..اي.اهاا اوكي هاكي..

وعطيتها الموبايل..
ندى..😜😜تستاااهل حرجاتك

نا..😤😤😤😤😤

ندى..معلش خويا مطرشق😌

نا.. ضربتها ع راسها😤وطلعت..

ثاني يوم قالتلي جيبلي حجات هذن كلهن..

نا..وعليش🤨قائمة العرس هذي
ندي..صاحبتي جايتني..

نا.ومن امتى الزيارات هذن😒
هي..كل يوم ملكش دخل جيبلي عدي

نا.. وايش المقابل😌
ندى..الي تبيها غير عدي جيبلي وقت هيا بندير حاجه

نا..سوريتي البيضاء تبي تحديد😌


هي..باهي😒

نا..والسروال لمريكي الاسود يبي غسل😌😜

هي..بااااهي قتلك😤

نا..وطاقيه تبي مسح من فوق🤪
هي..باااااااااااهييييييييي😤😤

نا..وحدديلي دبش كلا واغسليه وردي حددييييه من جديد😜😝😁

هي..مهاااااااااااااااااب😤😤😤

نا..عليتي صوتك😒منش ماشي😌
نمشي انرد نرقد وخلاص😌

ومشيت..

هي..خلاص خلاااص اسسسفه تعال الي تبيها تو انديرها بس وقت وراس اوخيي عدي جيبلي

نا..باهي..هي نغير ونطلع شوفي ايش ناقص بنطلع بالمره مش سري مري ادزيني😒🤨

هي..باهي من امس اصلا متفقده الحوش😁😂

نا..ونا انقول جريك وتخبيطك لدواليب المطبخ مش ل الله😏😎

عارفكم مديروش خبر سمح وانواع واصناف الا وفي وليه جايتكن🥴

ندى..مهاااااب😡😤

نا..خلاص خلاص هاتي الورقه 😒

ومشيت بعد م كسدت عليها اشوي

وجبتلها الي تبيه.. وروحت..

بدت هي اتلبز فالكوجينه..

نا.. اسمعي نبي بسبوسه😌

هي..😤
نا..ونبي مورقه😋 زي امتاعت امي

هي..😤

نا..ونبي ببتزاااا😜😋😍

هي..اوووففف😤

نا..ونبي شورما الي درتوها من سنتين فاتن😁

ندى...مهااااااب خطاني عصبتني راهو

نا..😌مش شوري نبي

هييي...ي نجواااااااااا🤬😤تعالي لمهاب فكيني منه

نا..ووو يا خفت😂

نجوى..كنكم😅 متخلوش واحد رايق بكل ديمه اعياط..

هي..مهاب يبي ويبي ويبي ويبي

نجوى..😒اللطف هذا كلا تبي تاكلا انت

نا..ااه اشدخلكن بطني ولا بطنكم نبي الي قلت عليهن..
عارفات منلقاكنش دايرات الي نبيهن
نشنع بيكن قدام البنت الي جايه😏😎 تو اتشوووفن..

وحرقت دمهن وطلعت..😁😂

》》》》》》》》》》》》》

#الي مزال متعرفوش على مهاب.

رغم الجانب القاسي الصعب ذو الشخصيه المعقده..

الا ان روح المشاغبه لساتها جواته..
ويحب يكسد واينابش ويضحك على خواته.. ويحب يعصبهن عشان يعيطن يكسد عليهن🥰

مزالت فيه روح الدعابه/الفكاها🤗

ولما يكون الجو رايق مفيش اهموم
اتحقوه ماشاءالله مهاب❤️مفش منه

بس لما يعصب.. مدام في طريق قدامكم وانتم اجروا تباعدو😁😅

○○○○○○○○○○○○○
ف العشيه نسمع ف اختي اتوصف فالحوش ..
توصيف عدوكم😂 متعرفش توصف بكل..

كملتها لفي هكي وعدي هكي وديري هكي😂😂😂
قعدت انعايب عليها..

استكت هي😠😤

نا..😂😂😂😂غبيه
قوليلها...

هي..هاك انت قول عليش تشرحلي
وعزقتلي نقال وعدت..

نا..😳😳😳
حطيت نقال ع وذني..

الصوت..ايواااا..الووو ندىىىى

نا..مهاب معاك..

هي..عطيني الوصف معلش بنطلع من حوشنا نا توا..

وصفتلها الحوش مزبوط وصكرت..

وطلعت اندخن برا ع جيت واحد يبيني خشيته للمربوعه ونشربوا ف قهوا..

وصاحبة ندى جت..
مشفتهش

بعد وقت من اذان المغرب..

نا...اوييييي...يااا ندند ي ندىىىى😂بصوت عالي

هي..بصوت اعلا مني..هاااااااااااا

نا..البسبوووسه ي بسبووسه وينهي
😁😂

نجوى..جت تجري اسسسكت بلش فضاايح عيب البنت اول مرا اتجينا

نا..مليش دخل وين بسبووسه والباقي..

نجوى..تو نعطيك اسكت خلاص..

وقعدتلكم تكسيد ع ندى..
عشان مدارتلش غير طجين بسبووسه قضيتلها عليه وقعدت انعيطلها اخرا🤪😁

شي عصير وشي شكولاطه وشي سندوتشات..

ف نهايه.. قالتلي بصوت عالي خاش طالع تعال قمعز معانا وخلاص عليش اتسهري من بعيد..

نا..والله كان الضيفه متضايقكش تو انجي هي😁😂 يالله يالله كحححكحححح

ندى طلعت تجري زي الدجاجه لمنتفه😂..اتهزب في وتضرب في ع صدري واكتوفي.. ولزتني من الحوش

طلعت.. وقعدت اندور ف شوارع وخلاص..

》》》》》》》》》》》》》
shosheta
#شفتوا الجو😅 نا بروحي قعدت نضحك منه

《《《《《《《《《《《《《

المهم نبرم نبرم لين ساعه9
روحت للحوش بعد م دزتلي رساله نجوى قالتلي تعال تعشى الضيفه روحت

روحت كملت برادتي على ندى
وحطينا العشاء وطق الباب

نجوى..هذي ام فاطمه جايه تبي خبزه اكيد زي كل مره.. تو نفتحلها

ونا قاعد ناكل هك ونحكي مع ندى ع سفره ..

اشوي هك وتطلع علي نرجس..

نا..🤨انتي..

مش قايلك الحوش نقعد فيه نا متخشيلاش..

هي..بس نا من امبدري قاعدا منطمره ف دار لخره ونسمع ف صوتك😭 بالله عليك سامحني والله مراااااااايفه عليك نا..

نا..اشبعت معش نبي ناكل وصبيت😠جيت بنطلع من دار
هي مسكت ف يدي

هي.. وراس مهااب سامحني والله حسيت بغلطي ونوعددك معش انديرها..تغيرت نا صدقني

نا..شي يرجعلك نا معش اتهميني..

هي..لا نهمك.. ومتأكده اني مزلت ف قلبك انت متبيش تعترف..

نا..نعترف ب ايش فهميني🤬 مفكرتيني ميت عليك انتي بايعه روحك لكل حد خلاص مليش دخل بيك ولا هامتني ولا نبيييك..وزي م خشيتي حياتي تطلعي...منكش اخر بنات الدنيا انتي😠

وجيت بنكمل كلامي سكتت..
عشان لو حكيت والله ح نغلط فيها وانا منبش نغلط لحد اخر لحظه وانا انعد ف الايام لكويسه والعشره..

برمت وجيت بنطلع..

هي..وغلاوة امك عندك ي مهاب تراجي اشوي..والله مستعدا اندير الي تبيها بس خليني نحكي

نا..بيني وبين روحي صدى الكلمه وقفني
((وغلاوة امك عندك))
((وغلاوة امك عندك))
((وغلاوة امك عندك))

جمدت ومعش تحركت..
جت قدامي وبدت تسهري اتسهري وادور ف اعذااااار واسباب ونا ساكت..

وفالختام قتلها..نا معش عندي ثقه فيك وانتي عارفه الي نعطيه ثقتي ويحاول يلعب بي عارفتني شندير فيه

هي..عارفه ومستعدا انرد الثقه بينا لو مهما كلفت انا نحبك..نبيك نا ي مهاب والي درته بنصلحه..
عطيني فرصه هذي وكان فشلت فيها عدي وسيبني..باهي

نا..

هي...وغلاوة امك عندك اتقول باهي عشان خاطري..

نا..للاسف كنت بارد معاها وقتلها انتي ملكش خاطر عندي..

هي ..💔😔.. ودمعتها نزلت..

خشن خواتي بينا ونجوى اتعارك في ع ردودي وكلامي وصبت مع نرجس ضدي..

وبعد نقاااش طوييييل بكل
تم الموضوع ب كلمه من اختي
وعطيتها فرصه وقتلها متراجيش مني اندورك ولا انكلمك ولا نسأل عليك..بيش يكون عندك علم من توا

هي..موااااافقه نا الي نبي اندير كل هالشي.منبش منك شي غير انك تكون معاي بس
..
وتم الكلام ع الشي هذا..

شوفوا..صح ف تعليقات قالن مهاب مش ح يعطيها فرصه

وصح شخصية مهاب متقبلش الفرصه التكراريه.. ويفضل بتر العلاقه الي متعجبش من الاول..ميحاولش يعازي فيها..

وكنت بندير هكي..
بس جيت لاخر لحظه بعدها غيرت رايي..

عارفين ليش؟؟
عشان 1.بنعلم اختي ان الثقه متنعطش لاي حد بعد يغلط معاك

2..عشان انوريها هي حجم الشي الي داراته..

3..وعشان ف راسي موواااال ونبي انغنيييييييه عليها😏👌🏻
شنو قصدي بالكلام هذا..
بعدين تعرفوا👊🏻🔥👌🏻

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
ردتي لها مش ع سواد اعيونها..
بس مصير الشي يبان ولالا..

ومشت هذك الفتره.. ونا نحكي معاها..قصدي هي تحكي معايا😏
وبتثبتلي نيتها وصدق كلامها ف حبها ليا..

نا..لا انرن عليها
لا اندور فيها
لا نسأل عليها
لا نسأل ع اخبارها وشنو دارت وشنو م دارت
ولا شييييييي بكل😏

حتى عالنت دزتلي رديت عليها مدزتلش مستحيل انخش ع اسمها

جابتلي موبايلها وقالتلي شوفه بيش اتأكد من كلامي..

قتلها وقت توا مفش اسهل من الفبركه وبرامج الاخفاء وعرم الشفرات والايميلات..

نا نعطي كلمه ونعطي ثقه ونعطي اهتمام ونعطي غيره

ومنراجيش ف شي من الشخص
كثر م انراجي ف الرد يجيني مع ليام

ونا قتلك الموبايل معش نقربه..بس ثقتي فيك1%ومهزوزا..

لان الي يخون مره يعاود الكرا مره ثانيه حتى بينا وبين نفسه..😏👌🏻
ف ميشكل شي نقالك عندي..

ومع تقدم ليام..

هي غير الواتس م عندها شي
غيرت شفرتها عشاني ع قولها
وحرمت تحكي مع حد غيري بعد ساعه10

وفيس مفش
لبس طويل كلا قعد
مكياج مفش بكل معش دارت
واطلوع بأذني..
وابيات برا مفيش
اافراح غير الاقرباء مفيش
حتى طلاء الاظافر مفييييييش😏

وانرد انذكركم نا معقد /عصبي/واعر
بس عمري م جبرت حد يتحملني
الي يبيني يتحملني كيف م انا.

◇◇◇◇◇◇◇◇◇◇◇◇
من جها ثانيه
هي بدت جامعتها..
ونا بديت المعهد..
ودورت شغل ثاني نلهى فيه عشان الكساد المره هذي مش عشان لفلوس
رواتبنا اكفيات اموفيات الحمدالله

وبرمت ع صالة حديد خشيت فيها
وتهيالي هي المكان الوحيد الي صرت نتريح فيه..
عشان نحط ف جهدي كلا فيه..ومنستحقش نفش غلي ف حد ولا انفس عن نفسي عند اين حد👌🏻

**************************

#نجوى..درتلها اوراقها وبدت تمشي لمدرسه احذانا اتقري..

#ندى..شي غير قاعدا فالحوش

#هل بدر بعد العزاء معش هوبت على حوشهم بكل ولا قادر نشوف هله ب استمرار والله..هكي طول يخطر علي بدر الله يرحمه

اندز فالبنات لهم كان يبو شي بس بروحي معش صبيت عليهم.

بدت دراستي والحياه ماشيه الحمدالله..

جا بوي.. طق وفتحتلا ندى قالت خذا منها250د. مستحقلهن قال وتو انردهن..

بعد ايام رد خذا مبلغ اخرا وعدا..

وبعد5 ايام جانا ف ليل وقاللنا عازمكم على عشاء..

ردت عليه ندى ب رفض
وانا رفضت
ونجوى رفضت

قال خلاص معناها الجمعه انجيبهم وانجيكم ساعه12ظهر

ودرنا احسابهم ومشيت لسوق الخضره وجيب اللازم.. وعيت ف صبح قصدي ظهر ع دوشت اعيال بوي/خوتي يعني..

لا ومش هكي بس ال5لولين.. زاد عليهم 2اخرا.. توئم
مش عارف الوليه الي جايبه غير اتكثرلا ف هل لعيال متفكرش ف بعدين ولا شنو

بوي راجل كبير معش يقدر عليهم ال8الي عندا ع العمر هذا

الثامن ولدها هي من زوجها الاول

المهم وعيت ع دوشتهم.. صبيت من دار للحمام طول ادوشت ولبست وطلعت صبحت عليهم..

لعيال اجنون م يرتزعوا فالوطى بكل

يزااقبو ويضربوا وايتعاركوا
م تعلم بروحك لين يجيك واحد زاقب من وراك.. واحد يخبطك ع جنبك .. كارشو ع ضهرك..
انقنهم نرفزوني عالصبح ..
مشيت انفصلت عليهم وهزبتهم كلم وجمدتهم ف الارض قتلكم بنلقاكم هك لحد موعد الغدا..

جا بوي وتغدينا
وحسيته بوي مش تمام كيف الي متعقد.. سألته كنك معطنش رد مقنع

وفالعشيه شربنا القهوا وخذا مرته وسيب لعيال وقال عندنا مشوار تو انجو..

ومن مشيتهم معش روحوا إلا ساعه11 فالليل..

والي لاحضناه..
مرته قالبه خلقتها فينا وعلينا
وفوقها لعيال مش متربيين بكل
جميع ألفاظ الشوارع يقولوا فيهن لبعضهم..

انقاني م تحملت وهزبتهم كم مره مصار شي مديت يدي عليهم..

11:15.روحوا..من عندنا بدون م يقولولنا شي..لا سبب زياره
ولا وين طولو هكي

وقعد ع الحال هذا فتره يجو فجأه وايتعشوو

ومرات ايتغدو..
وغير الجمعه من صبح ل ليل..

ومستغربين مزلنا..

》》》》》》》》》》》》》

شكي وادوارتي ف موبايلات خواتي
مزالت قائمه وماشي حالها وحالنا ب ضحك ولبصارا مدام بوي
وهله مش عندنا..

ومزلت نطفل ع ندى وانكسد عليها اكثر شي ..
وديمه نزرق عليها وانشوف فيها مع من تحكي..
وصادفت مرات الجارات ومرات البنت هذك صاحبتها.. ومرات وحدات اخرا..

وغير نعرف وانسيبها منحكيش معاهن الي ع التليفون.

ع نزلت الراتب.. نا كنت فالمعهد
جا بوي للحوش وخذا شيك نجوى وقاللها تو نسحبلك..
وندى مبش ياخذ قاللها خليك مع مهاب تو يسحبلك

وبعد يومين سحبت نا وجبت لندى..
ونجوى اتراجي قاعدا..

هلبت اسبوع واتصلت ب بوي قاللها صرفت لفلوس محتاجلهن نا

الشهر الي بعده والي بعده والي بعده
قعد ياخذ ف راتب ندى ونجوى مع بعضهن..

ويقول نا عيلتي كبيره ومعش بديت على شي منهم.. وراتبي بروحي ميدير شي..

وقال#ان زوجته م تقبضش ولا تشتغل ف شي..

اذكروا هالكلام اه..

نجوى قالت معلش خليه مستحق هوا... قال ان تو يردهن ..
الحمدالله توا مش مستحقه بالحيل

ندى متكلمتش بكل ع الي صار

ونا قتلهن مش متريح ل وخذت الرواتب بس برضوا..

8 واجد عليه بوي والحق معاه
خصوصاً ان معش يشتغل زي قبل

بس برضوا في شي صاير معاه ميبيش يحكيه وصرنا انلاحظو ف هالشي عليه كل م يجيب ف هله معاه.

وغير هكي جا بات عندنا مرتين بدون مقدمات
مره طق علينا ساعه12بالليل
ومرا ساعه2.

قال نبي دار المقعد نرقد فيها..
وفرشتلا اختي ورقدت..
وطول قعدت اليوم عندنا محكش شي غير..
به.ااه.لالا..والدخان الي مبطلش قعد غير قهوا ودخان لين وصلت بيه يكمل ف 3علب دخان يعني60 دخان فاليوم..
كل علبه 20~20~20.
وايروح اليوم لاخر

*****************************

هالشي خلانا انفكروا ف حجات واجد بس الحقيقه يعلم بيها ربي..

انا الي علي اندير فيها
وواجبي قدام ربي ف بوي وخواتي اندير فيه.. ومش معترض على شي

وراتبي الحمدالله مكفيني نا وياهن
ونعرف امته نعيش ب ثراء وخير
ونعرف كيف نوفر ونقتصد ف حاجه واثنين...

المهم.. بعد الرواتب الي خذاهن بوي ع مدار كم شهر معش خذا شي..
ومعش دورنا ولا جانا..

لين جا هو ف يوم وعارفني مش قاعد وعارف نجوى مش قاعدا

جا مستعجل وجايب اوراق وقال ل ندى وقعيلي.. بدون م خلاها تقرا شي.. وخذا دفتر الشيكات
ولما سألاته عليش مستعجل ومركب هكي وايش تبي فيهن

قاللها في لجنه م لجنه بنوريها حالتك الصحيه ومطلوب اوراق م اوراق
وتوقيعات والخ..
عشان هكي جيتك توا بننهيهن اليوم

فرحت ندى و اول م روحنا ع الغدا قالتها لنا..وع اساس بوي وعى لروحه وعرف حجم الشي الي دارا وسببه لها
وعشان هكي توا يجريلها ع اللجنه الي جايه من برا

نا..🤨باهي والاوراق شنو الي وقعتي عليهن

هي..مخلنش نقرا شي قعد يسهري فيا ويحكي ويسأل ويقولي وقعي.. مركزتش ..بس عليش تسأل😟

نا.. كيف خذا الشيك ودفتر الصكوك وبطاقتك.. و.. جيت بنكمل..شفت تعابير وجها سكتت
وقلبت الموضوع بكل واضطريت نكذب عشان منبينش الي ف عقلي..

والحق الي صار م ريحنش...

تغديت وفالعشيه درت اتصالاتي ب امتاعين الصحه الي نعرفهم وسألت ع اللجنه هذي شنو قصتها..

الي قالي مش عندنا والي قالي معندش علم والي قالي تو نسألك وانقولك...

وقعدت معلق ف (تو نسألك وانقولك

◇◇◇◇◇◇◇◇◇◇◇◇◇

من زاويه ثانيه..نرجس حسيتها تبي اترد تكسبني بأي طريقه ورغم من برودي معاها الا انها مزالت تحاول ترد الامر طبيعي زي قبل.

وردت ف كلامها زي م نعرفها من قبل بكل.. ثرثاااره ومنطلقه ومش معقبه جهد .. وتحكي ف كل شي.. وحرمت ادس علي شي
لاني عارفتني نكبسها نكبسها حاجتها..

تحكي معاي من جامعه
وبعد الغداء..
ف المغرب اشوي وف ليل اطول معاي..

وعالنت مجرد م تسكر مني اخر ظهور يقعد لحد م تفتح ثاني يوم وادزلي..

كانن عندها طلعات لقريباتها وصحباتها.. م اعترضتش بس اللبسه صارت هي تاخذ ف رايي واتوري في بعد م كانت تلبس من راسها وتمشي

لبسها تغير وشخصيتها تغيرت140°درجه مش 180..

وصار لبسها مستور ومحتشم وطويل ومش مخصر وضابط..

حتى شعرها الي ديمه زارق من الوشاح معش طلع اتقول قصاته بكل..

وتغير حتى صوتها معش قعد يلعلع زي قبل..
يعني مش بس نا انتبهت لتغيير حتى خواتي واقاربها لاحظوا هالشي

وبيها بكل مبيتش انبينلها ان صح في فرق بين توا وبين من قبل..

ديمه ف نظري هي نرجس السابقه الي كرتها محروق عندي..غير بنشوف محاااولتها وتحملها لكسب او لرد ثقتي بيها..

》》》》》》》》》》》》》

بعد يومين من قصة اللجنه اتصلت ب الراجل من جديد عشان نعرف منه

خصوصا ان بوي موبايلا مقفول بعد م جاب لوراق الي وقعدت عليهن ندى

نا.جربت اكثر من مره نكلمه بس مقفل يقولي.

المهم اتصلت ب راجل وقالي والله نسيت انكلمك.. راني سألتلك ع الي تبيها

نا..تمام باهي وايش طلع

الراجل..والله ي مهاب ...........

نا..يعني 🔥🔥🔥🔥🔥🔥

#يتبع
#shosheta ..

ديمه يقولك الشي الي انكسر مستحيل يرد زي م كان

والثقه لو تبددت م يردها مليون خاطر

والصون لو م جا من هله يبقى م عليه سؤال ولا عتب..

نرجس..الي توا تغيرت بفرق كبير عن نرجس السابقه هل هالشي ح يكون ع مدى العمر ولا ح يكون مده هكي واترد زي م كانت
خصوصاً معروف قول الي فيه طبع وعله م ايتغيرن؟؟

و صاحبة الصوت هل لها دور جديد ف ليام الي جايات ف حياة مهاب ولا ع اتضل بين ندى بس

الاب الي طول عمره هامته مصلحته
وديمه مفضل عيلته الثانيه ع الاولى
هل الكبر توا وعى ضميره جديات و خلاص يصلح اخطاءه مع اعياله وعلاقته بيهم ولا مجرد مصالح بس تربطه بيهم

وشنو قصة الاوراق..
قصة الزجاج لمكسور والباب المطعون

احداااث كل مره أقوا من الثانيه

نتلاقوا ف حلقه جايه مع خبر حااسم

🔥🔥🔥🔥
ليلتكم👻👻👻👻👻👻


لقراءة باقي حلقات الرواية : اضغط هنا 
google-playkhamsatmostaqltradent