رواية هروب ما بعد اغتصاب الحلقة الثامنة 8 بقلم ميرو أحمد

 رواية هروب ما بعد اغتصاب الحلقة الثامنة 8 بقلم ميرو أحمد

رواية هروب ما بعد اغتصاب الجزء الثامن

رواية هروب ما بعد اغتصاب البارت الثامن

رواية هروب ما بعد اغتصاب الحلقة الثامنة 8 بقلم ميرو أحمد


رواية هروب ما بعد اغتصاب الفصل الثامن

#هروب_مابعد_اغتصاب
#الحــلـقـه_الــثـامــنــه

الــكــاتــبــه مــيــروو احـــمـــد

🌹"«قـــراءة مــمــتــعـةة»"🌺

مسك ايدي زين ورد التفتلهم الي كان الكل المركزين فيا انا ومسعود وكلام مسعود كيف ايهدي فيا

جلال نار داخله بعد شاف مسعود كيف امقرب من ريناد وكيف ماسكها وكيف قاللها حبيبتي 🔥🔥😡😡 نار وحقده وكره كلهم التمو امع بعض
خالي محمد يبي يعرف ليش جايه سالمه هنا
خالي محمد: تفضلي يا سالمه ليش جايه هنا
سالمه توتر: والله يا محمد
جلال قص عليها: والله يا عمي محمد جينا بنطمو علي ريناد اكويسه
خالي محمد: والله شوفت عينك اكويسه وعال العال من شافتكم تغيرت
انا نسمع فيهم وقلبي حاسته بيطلع من مكانه وانرجي في الحظه الي بيحكو فيها
مسعود حس بتوتري مش طبيعي وكيف خاشه فيه
جلال 😈: والله ياعمي محمد احني جيناك في موضوع
خالي محمد: ان شاء الله خير
جلال: احني جاينك في طلب ياريت ماترفضنا
مسعود ساكت ويسمع فيه وامركز علي حركاته واعيونه
خالي محمد: تفضل
جلال: والله احني جاين نبو نخطبو ريناد
سالمه مصدومه: اي يامحمد قطعنا هل الطريقها كلها علي خاطرها هي مكانها امعانا مش هنا والحمدلله ولدي رايدها بالحلال 😏😏
مسعود هنا معاش تحمل يسكت😡😡😡
مسعود بعصبيه😡😡:واحني رافضين والباب قدامكم ريناد مش متحركه من هنا
جلال تكلم بحقد: القرار مش ليك انت احني نحكو امع عمي محمد
خالي محمد: وانا ماعندي بنت لي الخطبه ريناد مخطوبه
جلال وفاطمه انصدمو مش هم بس الكل انصدمو
جلال بعصبيه: كيف مخطوبه انا نبي البنت عارف ماتبوش تعطو
مسعود 😡😡: تبي عينك ياكلب ريناد خطيبتي قريبا بتقعد زوجتي الموضوع هذا اتنحيه من راسك خير من انكسره ليك والسانك ينطق اسمها وربي انقصوهولك
جلال بعصبيه: 😡 ماتغلط احسن ما اندمك علي كلامك
مسعود ضحك: شن بديلي واحد عيل زيك ماينحسب ع التريس
جلال بحقد وجعه الكلام: الي اتقول عليه عيل ره وقص عليه خالي محمد
خالي محمد: خلاص انت وياه زي ما اسمعت مسعود خاطب ريناد رسمي وانت وامك لو جاين هنا كله علي رزق هل المسكينه وتبو تاكلوه منها راه انحب انطمنك ريناد كتبت كل املاكها باسم راجلها فايعني جيتكم ع الفاضي ولعبتكم مكشوفه وريناد ومسعود حكولي كل شي حتي لو كان ريناد مش خاطبها مسعود مش حا نعطيها ليكم ولا اتشمو دينار منها
سالمه مصدومه 💔😨😨: كيف شن اتقول انت لعبتو ع البنت وخديتو رزقها
مسعود بغضب: تحسابينا زيك انتي طامعين في الفلوس مش حاسبين الاخره ورانا
سالمه: شن معنى تكتبه باسمك هدا رزق راجلي مانسمحلك تاخد تعبه بسهوله وتلعب في عقل البنت وتاخده منها هدا ليش المرحوم طول السنين حرمها من شوفتكم لانه عارف نيتكم الخبيثه وتبو تاكلو رزقه
مسعود بعصبيه: من قال حرمها من شوفت خوالها بسبب مره حقيرة تفتن وسمعتها زي الزفت كانت
سالمه وجها الوان الوان
وقت كان الجدال بين مسعود وسالمه كان جلال ايشوف في ريناد بحقد
خالي علي: استهدو بالله ياناس كنكم اهي صاحبة الرزق اتكلم ابروحها ليش شايطين في ارواحكم وانتي ياسالمه شدي السانك لانا مش زيك ولا حا انكونو زيك

سالمه تغلي وبتموت من كيف الفلوس طارو الحقد مالي قلبها واعيونها
اما الباقي ساكت ويسمع في المصايب 😂
خالي علي: تكلمي ياريناد قولي حاجه
انا الساني الرتبط وجهي عرق من الخوف خلاص واضح سالمه بتحكي كل شي وبتحكي علي اغتصابي بس متاكده بتقلب الكلام مش نفسه ونضرات جلال ليا ماننساهم نفس يوم الي اغتصبني فيه 💔 خفت واجد
ماكنت امركزه في كلامهم ولا ا معاهم نضرات جلال ليا ردوني لي يوم المشوم يوم الي كنت انحاول اندافع عن نفسي بس ونحمي روحي بس قدرتش لاني بنت ضعيفه قدام كلب متوحش ومرت اب ظالمه عشت امعاهم في كابوس ادمرت حياتي سلب مني روحي وكل شي حلو فيا مش عذريتي بس جرحني جرح يقعد طول اسنيني محفور في داكرتي 😢💔 💔 فقت من شرودي علي صوت مسعود
مسعود بعصبيه: احكي يا ريناد ليش ساكته
انا شفت في اعيونه: مسعود
مسعود ايحاول يمسك اعصابه: نعم
انا نبكي : طلعهم من هنا مانبيش انشوفهم
مسعود مسحلي ادموعي: حاضر زي ماتبي ❤️
خالي محمد: اهو اسمعتو الجواب اعتقد ماعندكم حاجه عندنا
سالمه بحقد: امال اسمع مني وقص عليها
جلال بهدوء وايشوف لي ريناد وامركز فيها: خلاص يا امي هيا نمشو
سالمه: بس لاز قص عليها جلال
جلال ابتسم بخبث: تشرفنا بمعرفتكم بس ياريت اديرو بالكم في الجديد
مسعود بعصبيه: مانبوش معرفتك ولا اتشرفنا الباب ايطلع جمل
خالي محمد: شن قصدك
جلال ضحك بخبث: يعني انتو اتعاملو في اضيوفكم هكي و مافيش اضيافه لي الضيف عيب في حقكم بس مقبوله منكم
مؤيد: انضيفوك السم كان تبي عادي مافيش مشكله اتموت انت بدل الحشرات المسكينه
سالمه: والله السم حاتشربوه انتو 😈😈😈🔥
جلال: هيا امي ماتنسوش تعزمونا ع الفرح اهم شي استعجل يامسعود احسن ما نخدها منك وتندم 😂😂😂😂
مسعود طلق ريناد وهجم علي جلال يلعن ¢¢¢🚫🚫ضربه علي خشمه لعند طاح الارض وطاح ضرب برجله
مؤيد وخالي علي فكو مسعود عن جلال
مسعود: ولد #$$🚫🚫 وربي انشوفك هنا الا قاتلك يا جيفه
سالمه اتصبي في ولدها وتدعي علي مسعود
سالمه تبكي: يعطيك كسره في ايديك يارب
جلال اوقف يمسح في الدم الي نازل من خشمه
جلال: وربي لو مادريتها ليك يامسعود مايسماش اسمي جلال
مسعود ايحاول ايفك ايديه من مؤيد: اعلى مافي خيلك اركبه #$$$$$
جلال ضحك: نتواجهو انت والمدام ريناد
مسعود بعصبيه 😡😡: اسمها ماتلفضه علي السانك ياكلب
جلال التفت عليا : اتشاو ياقمر نتلاقو ان شاء الله
مسعود: يلعن 🚫🚫🚫 😡😡
طلع جلال وسالمه

خالي محمد قعمز: الله يلعنهم
مسعود فك ايده منم: تي فتوني النم خيركم
ايه عيطت: ريناد يابابا
كلهم التفتو لي ايه وريناد طايحه علي رجليها
جوها يجرو
مسعود يضرب فيا علي وجهي: ريناد تسمعي فيا
مبروكه: يناعليا البنت بتريح فيها
مسعود: بري جيبي صنه ولا اميه يا ايه
ايه حطت راس ريناد علي رجل مسعود مشت تجري
خالي محمد خايف: بسم الله كنها شن صارلها
مؤيد:اكيد من التوتر وخوف
جابت ايه عطر وحطلي منه مسعود حاول بس مافيش فايده 💔
مسعود خاف 💔 شمرني بين ايديه وقف
مبروكه: اصبر ياوليدي توا اتفيق امغير دي الصنه اكويس
مسعود:مش مستني اتموت قدامي وطلع بسرعه بي ريناد بسرعه ولحقه خالي علي وخالي محمد ومؤيد
قعدو مبروكه وايه ابروحهم
.
.
.
.
.
.
وصل المستشفى وخدها منها في الاسعافات
قعد ايراجي برا وصلو الباقي
.
.
.
.
.
.
.
جلال يمسح في فمه بالمنديل بغل
جلال: تلعب امع الشخص الغلط ياريناد وربي كان ما خليتك كرهتي حياتك
سالمه تنذب علي روحها: عدا رزقنا كله معاش ينفع شي الفلوس راحو من بين ايدينا اهو يلعب بيهم مسعود ايسود ايامه ياربي شن خششه لحياتنا
جلال: مسعود مسعود مسعود.... ايكرر في الاسم بطريقه مستفززه ،،،،،،،، ماشفتيش كيف لصقه فيه وكيف ايقوللها حبيبتي وماسك وجها وايديها تي مفروض انا مكانه انا الي انشد ايدها انا الي نمسك وجها انا الي ناخد املاكها انا انا فاهمه
سالمه:قاعد ايفكرلي في الكلبه تي الفلوس طارو من ايدينا
جلال:من قال طارو من ايدينا
سالمه: كل شي باسم مسعود
جلال: ماشفتيش ريناد كيف خايف
سالمه: اي خيرها
جلال بخبث: .....
.
.
.
.
.
.

طلعت الدكتوره
خالي محمد بخواف:شن صارلها يادكتوره
الدكتوره: واضح متعرضه لي لصدمه وانهيار عصبي من التوتر اغمى عليها
مسعود: شن حالتها توا
الدكتوره:الحمدلله اكويسه
خالي محمد: نقدرو انشوفوها توا
الدكتوره: اي تفضلو بغد تكمل البراه تقدر اتروح بس ابعدوها عن التوتر والزعل ممكن اتخش في حاله نفسيه
خالي محمد: ان شاءالله
الدكتوره: ماعلي قلبها شر ،،،، ومشت
خش مسعود خ محمد وخ علي ومؤيد
كنت دوبني امفتحه اعيوني صداع رهيب في راسي وايدي توجع فيا شفتها القيت الابره 💔💔
انا بصوت هافت: شن صارلي
خالي محمد : الحمدلله ع السلامه بنتي خوفتيا عليك
خ علي: طحتي فجاء علي ايه
انا ادكرت شن صار💔
مسعود: اتحسي بشي
انا 💔😢: لالا
مؤيد: وين علي درامة الاتراك جو اغمى عليا وحركات 😂😂😂
انا ☹️:والله مش قصدي انخوفكم عليا
خ علي: اهم شي انتي بخير الباقي مش مهم
خ محمد: اي احني جنبك ماتخفيش بنتي مش حا انخلو حد يقربك
انا شفت في مسعود الي وراء خالي واقف 😢💔
انا: امتي انروح ياخالي مانبيش نقعد في المستشفى
خ محمد: اشوي تانيه اتم هل التغديه الي امعلقينها لك بعدها تطلعي
انا شفتها كانت نص 💔🥺: اووووف امتى تكمل هذي
خ علي:الصبر يابنتي
انا 🥺🥺: به
مسعود: خلاص انتم روحو امي وايه ابروحهم قاعدين احني اشويا ونلحقوكم
خ محمد: تمام رد بالك عليها
مؤيد ضحك: متوصي يابوي هذا راجلها اكيد بيرد باله عليها
خ علي:صح شن قصة الخطبه المفاجاه
خ محمد: توا نحكو فيها في البيت بعد اتروح ريناد
خ علي ضحك: تمام
طلعو خوالي ومؤيد قعدت انا ومسعود في صمت

كانت الحجره فيها بنت اصغيره ايبان عمرها في 10 اسنين وامعا امها وفي الجيهه التانيه راجل في نهاية الربعينات وجنبه ولد شاب

كنت انشوف في الغرفه والصمت الي فيها كنت نتهرب من اعيوني مانبي انشوف مسعود للنه عارفه بسئالني وانا خايفه من سؤاله

مسعود فتح الستاره عشان مانشوفش حد بعد شافني من غير وشاح
مسعود: يلعن شكلي كيف طلعت بيك هكي
انا: كيف
مسعود مسح علي وجه: شوفي راسك وشن لبسه
انا حطيت ايدي علي راسي كنت نلمس في اشعري
انا فنصت: قصدك من امبدري قاعده هكي
مسعود: اي يافالحه شن انديرلك توا
انا هزيت اكتوفي: مادخلنيش انت الي جبتني
مسعود: استغفر الله العظيم خليك هنا اشويا وانجيك
انا خفت: وين ماشي
مسعود: بنطلع لمحل انجيبلك وشاح تلبيسه كيف بتروحي هكي
انا:ماتخليني ابروحي
مسعود: مش ابروحك توا انكلم وحده من الممرضات ايجوك
انا: لا نبيك انت جنبي كان جا جلال هنا
مسعود: مستحيل يقدر يقربك دقايق مش حانطول
انا 😢🥺😭 مسكت في ايده: ماتمشيش خليك امعايا
مسعود:ريناد كيف تطلعي هكي المستشفى مليانه رجاله
انا نبكي 😢: مايهمني المهم انت امعايا
مسعود:اطمني مش حايصيرلك شي اشوي وراجع
انا: روح بيا كيف ماجبتني مايهموني الناس كيف اتشوفني
مسعود: لو ما ايهموك انتي انا ايهموني مانبيش مخلوق ايشوفك
انا: به دير اي شي المهم ماتمشي واتخليني
مسعود: لاحوله ولا قوة الا بالله كيف تفهمي انتي
جت الممرضه فكتلي ابره ومرت ع المرضه التانين
مسعود: به كيف بتطلعلي توا
انا لبست طربوش التوته علي راسي: وهكي
مسعود:حتي هوا حل استني
قعد مسعود ايخششلي في الشعري طالع من جنب
مسعود: هكي اكويس
انا نزلت رجليا من السرير
انا رقتلي: تي لو خليتني في متت في البيت احسن واستر ليا شوف رجليا جايا بشخشير 😂
مسعود شافلي: عليك مصيبه تي كنا في اشعرك توا رجليك😡
انا: انت الي جبتني تحمل 😅😅
مسعود طبس عليا ورفعني: امال نطلع بيك زي ما جبتك
انا: نزلي مسعود عيب
مسعود:اسكتي ونزلي راسك
انا سكتت كان وجهي جاي علي كتفه انشم في ريحة عطره قويه
طلع بيا مسعود من الغرفه كان الكل ايشوف فينا
مسعود: مش قتلك نزلي راسك ماتخليه ايبان
انا متحشمه: به
غمضت اعيوني ودفنت وجهي علي صدره ولفيت ايديا عليه كنت نتنفس في عطره ❤️🔥
مسعود ابتسم بعد حس بنفاسي ساخنه ع صدره

وصلنا لموقف السيارات
نزلني مسعود: اركبي خلاص
طلع مسعود من جيبه المفتاح وفتح السياره
فتحت اعيوني كان الوقت مغرب دوبها بدت اظلم كنت حاسه بحساس غريب بعد رفعني مسعود ريحة مزال عالقه في انفي 🔥❤️
ركب مسعود السياره
انا فتحت الباب وركبت جنبه
مسعود: معنديه لو مشيت مش احسن يعني شن بيصير بتموتي
انا: اي بنموت
مسعود: استغفرالله ره دلعك بزياده انتي
انا دمعو اعيوني: يعني لو قتلك ماتخليني ابروحها معناها ندلع
مسعود وخر السياره وطلع: اي تدلعي واجد
انا نزلت الطربوش لانه كانت السياره المظلمه ورجعت راسي لي الوراء وقعدت انشوف في مسعود
انا 🥺: عادي ادلعت علي خويا
مسعود وجعاته💔: خوك
انا: اي مش انت بابا وخويا وبنتك
مسعود: ماسمعتيش بويا شن قال
انا بخوف: يعني بجديات انت بتتزوجني
مسعود: اي
انا دخل الخوف فقلبي: مسعود هدا زواج مش لعبه
مسعود اتفتلي بعصبيه : هو انا قتلك لعبه
انا بلعت ريقي: لا بس
مسعود 😡:لا بس لابسين نتفاهمو فيه بعدين توا ريحيني من صوتك
انا سكتت وخايفه قلبي قريب ايوقف من الخوف 😨😢💔 شن بتكون ردة فعله بعد يعرف بالي صارلي 💔😢

مسعود وجعاته كلمة خويا برغم ديما انقول فيها ليه كانت عاديه بس توا غير عن قبل اول مره يضايق من ريناد وحس كانها ماتبيش تتزوج منه وتصرفاتها كيف تتقرب منه لي وين تبي توصل معاش عارف روحي شن نبي نبيها تقرب مني في نفس الوقت نبيها تبعد عني مش فاهم مشاعري ليا بس متاكد انها تعنيلي واجد لحظه الي شفتها طايحه وحاولت انفيقها مافقتش وكيف رفعتها بين ايديني ماتحركش كنت خايف اول مره انخاف هكي اني نفقد شخص غالي 💔💔 رد فيا الروح بعد سمعت صوتها تحكي امع باتي هدا وين تريحت ❤️

وصلنا لي البيت
نزلت كان تفكيري كيف بنقول لي مسعود لازم يعرف كل شي ضروري مستحيل انغشه ونخدعه هو يستاهل وحده احسن مني
نزل بعدي مسعود
خشينا لي العيله كانو كلهم موجوين في الصاله
خشيت بخطوات بطيئة قعمزت جنب خالتي مبروكه الي اضبطتني واتبوس فيا وقعمزتني جنبها
خ مبروكه: شن اتحسي توا يابنتي
انا: الحمدلله توا احسن
خ مبروكه: حسبي الله ونعم الوكيل فيهم رعشوك وطحتي بسببهم يعطيهم اجدري يرفعهم هل المصايب
خ محمد: ليش تدعي ياوليه
مسعود وقف جنب بوه
ايه: من وين طلعو وليش شن يبو في ريناد
خ علي: واضح طامعين في افلوسها نفس ما قال المحامي
ايه: محقرهم
مؤيد: والله احسن شي درتيه يا ريناد انك سجلتي كل شي باسم مسعود
انا: لاني عارفتهم وعارفه نيتهم انا مانقدرش انحاربهم ابروحي وهم يبو رزقي لمه كتبته باسم مسعود متاكده صعب يوصلولهم لانه مش اي حد يقدر يقرب مسعود
ايه:بس انتي شفتيهم جو يخطبو فيك مادورش الفلوس
خ محمد: هم يبو ريناد لو حصلو عليه اكيد بياخدو رزقها بعد تزوجها والله المحامي دار خير ونبهنا عليهم
مسعود: هو في احلامه يقدر يتزوجها ولا ايحصلو عليها
مبروكه: اي يامحمد خبرهم علي الموضوع
خ علي: اي صح اهي جت ريناد نبو نفهمو قصة الخطبه
انا رفعت راسي علي طول تالقو اعيونا في بعض نزلت راسي متحشمه
خ محمد: انا نبي انزوج ريناد لي مسعود
خ علي: انت سالت البنت لو اموافقه او لا
خ محمد: لا بس قراري لي مصلحتها لانه مسعود الوحيد يقدر يحميها منهم
مؤيد: اي صح ماشفت اوجوهم ماتبشرش بالخير بكل
واضح امتاع مشاكل
خ علي: مافيش شك عارفينها سالمه هي والخير مايتلاقوش
خ محمد:والقرار لي ريناد لو اموافقه نقرو الفاتحه ويتزوجو بسرعه
مبروكه بفرحه: ها شن قلتي يا بنتي
مسعود ساكت وايشوفلي ايراجي في جوابي
انا تخزرطت ماعرفت انقول اي او لا قرر صعب الخيارين صعبيبن 😢💔 مانقدرش انقول اي لانه في سبب يمنعني مانقدرش انقول لا لانه مانقدرش انعيش في جحيم جلال بس الخيار الاول ممكن ايخليني امع مسعود صح المعامله بتغير بس افضل من جلال
بس مانبيش نكسر قلب مسعود او نجرحه لانه هو كان امعايا اكويس وايعامل فيا كاني بنته حتي من اخته مايتعامل امعاها هكي مسعود عطاني اشياء كنت فاقدتهم في وقت الي كنت محتاجه ليهم حطاني الحنان و الامان الشخص الي حماني قبل حتي مايعرف شن صارلي دافع عني مخلاش حد ايمسني ولا يغلط فيا مدلي ايده وساعدني طلعني من الي انا فيه ماييرفضلي طلب ولا ايقولي كلمة لا بجديات راجل بمعنى الكلمه يوعد ويوفى بكلمة في اعيوني انشوف فيه سيد الرجاله ❤️
مبروكه: ها يابنتي تكلمي ليش ساكته
انا بنموت من الحشمه موقف صعب
انا: الي يبه خالي محمد انا نمشي عليه
مؤيد ضحك: غير قولي اي وخلاص ليش الجو امتاع متحشمه 😂😂 عارفينك اموافقه
مسعود: مؤؤؤيد ضم فمك
مؤيد ضحك: اسفين غلطنا في المدام
خ علي ضحك: 😂😂😂 عاد خلاص بتقعد مرته وانت السانك شده
مؤيد يضحك: اسكت يا امتاع سناء خير
مسعود: استغفرالله ماتعرفش اتضم السانك مش وقتك
مؤيد يضحك: معذور عارفيتك متوتر انه ترفضك بس اهي افرح اموافقه
مسعود فنص فيه 😡مؤيد خاف سكت
خ محمد: يعني اموافقه يا ريناد نبي نسمعها منك
مسعود شبحلي امركز امعايا انا رفعت راسي القيته ايشوفلي
انا: اي ياخالي
مبروكه من الفرحه قعدت اتزعرط
خ محمد افرح: تمام علي بركة الله ربي ايهنيكم
خ علي: الف مبروك مسعود
مؤيد: الف مبروك ربي يسعدكم
مسعود: الله ايبارك فيكم
قعدو الكل ايباركلي انا ومسعود
انا: اسمحولي ياخالي بنرقا نتريح اشوي
خ محمد: خودي راحتك يابنتي
مبروكه: والله احني مانتحشموش عارفينك مريضه فاتحين سيرة الزواج
انا: لا عادي ياخالتي
مبروكه: ايه نوضي ساعديها
انا: لالا خليها ترتاح توا نمش ابروحي
ايه مسكت ايدي: غير فكينا من الطروح 😂😂😂
مؤيد: ايه ردي بالك ره اتقولي كلمه تانيه اينط عليك مسعود ايريشك زي الدجاجه😂😂😂
مسعود تعصب من كلام مؤيد كل مره يحذف في الدوه
مسعود بعصبيه: اقسم بالله كان ما اتبطل تفاهتك توا انكمل عليك انت التاني
مؤيد: ريلاكس ياحبيبي انا مش جلال راك تغلط 😂😂😂
مسعود: مؤؤؤيد
مؤيد: خلاص سكتت ها وحط ايده علي فمه يضحك 😂😂😂😂
خ علي: توا شن ايطلعك من السان مؤيد
مؤيد: لعند يتزوج
مسعود بتهديد: خليه يتكلم ويشوف
مؤيد: اخر حاجه بس بنقولها منضرك فزززززيع وانت كيف غاير عليها من جلال وكيف طحت في ضرب 😂😂😂
مسعود هز راسه لانه عارف خوه مستحيل يسكت مافيش منه امل حتي لو هدده

ايه تضحك: هههههه كلا مؤيد ربي ايعينكم من السانه
انا ابتسمت: جو بكل
ايه: اي
انا قعمزت علي السرير: تعرفي حاسه جسمي كله فاشل
ايه: تي الخلعه ابروحها تكفي وانتي لصقه في مسعود بعد طلق ايدك طحتي من طول
انا :لانه انا بلا مسعود ولا شي
ايه ابتسمت: يانعليا اتهبلو كيف شالك مسعود وطلع بيك يجري قال لي ماما مش مستني اتموت قدامي وطلع بيك يجري 😂😂😂
انا ادكرت منضري بعد شالني من الغرفة المستشفى وطلع بيا كيف امبهدله 😂😂😂
انا نضحك: بالله عليك مادكرينش 😂😂😂 تي كيف طلع بيا بلا وشاح ولا سباط هكي بتوته بيت تحفه منضري 😂😂😂😂
ايه تضحك: بكل 😂😂😂
انا:بالله بنتعبك نقدري اتجيبلي بندول نبي ناخد دوش ونرقد
ايه فتحت الدرج طلعت شريط بندول وعطاته ليا
ايه: توا انجيبلك اميه
انا: تمام صحيتي ايوته
ايه: ولو يامرت خويا 😂😂😂
انا ابتسمت: مزال ماوليت مرته
ايه: يانعليا سريري بيرجلعي ابروحي 😂😂😂 بتنتلفي لي مسعود ترقدي جنبه😂😂
انا: خزي عليك كلبه
ايه تضحك: 😂😂😂 بناخد راحتي واخيرا امع احمد
انا: في شنو امضايقه عليك ياكلبه
ايه: ولا شي انبصر عليك بس
انا ضحكت: حقيره والله مش طالعه منها دارك باهي
ايه ضحكت: 😂😂 مسعود بيقعد امع روان يعني
انا ضربتها بالوساده: خزي ياكلبه
ايه: اي ماهو انتي ماتبي تقعدي امع مسعود
انا: 😂😂😢 حقيره توا انا قلت هكي
ايه: اي
انا : استغفرالله اتجيبي في الكلام من عندك
ايه تضحك: اتحبيه صح
انا: منو
ايه: مسعود يعني من
انا 😍: مانعرفش
ايه: تي جاوبي يافرخه واضح من اعيونك اتحبيه
انا: مانكدبش عليك والله انحس في احساس حلو اتجاه عمري ماحسيت هل الاحساس نفرح بعد ايكون امعايا وامس بعد شفت الرساله الي بعتتها روان تاكدت انه عندي مشاعر لي مسعود مش اي مشاعر مانكدبش عليك لو قتلك ما انحبه انا من اول ما شفت مسعود تعلقت فيه يوم عن يوم ايزيد تعلقي فيه لقيت في مسعود الحنان والحب الي فقدته ممكن احلا حاجه الي صارت بحياتي اني عرفت مسعود ❤️ لمه انكون امعاه انحس بالراحه والامان وننسي كل اهمومي حبيته بعصبيته في نفس الوقت حنون حبيت شخصيته كيف مايخاف من حد حبيت كلامه الي ديما ايطمن فيا انه قادر يحمني من كل الناس حبيبت خوفه عليا بعد نبكي ادير اي شي عشاني مانقدرش نوصفلك مسعود شنو بالنسبه ليا ولا حرف يقدر يوصفه ❤️
ايه : ناعليا وربي واضح اتحبيه 😍😍😍
انا ابتسمت: وانموت فيه اخرا 😍😍❤️🔥
ايه:ربي يسعدكم ويحفظكم لبعض اتهبلو 😍😍
انا:تسلمي وان شاء الله نفرح بيك انتي واحمد يارب
ايه ابتسمت بوجع: ربي يسمع منك
انا: يارب
ايه: امال انخليك ادوشي بنمشي انساعد ماما في العشاء
انا: تمام
طلعت ايه
انا طلعت توته خفيفه عباره عن شورت وكت خشيت خديت دوش بس هل مره عكس كل مره كنت ديما بعد اندوش نقعد نبكي بس توا بلعكس كنت فرحانه بس عارفه فرحتي مش حا ادوم بس من حقي نفرح
طلعت من الحمام حسيت بنسمه بارده خشيت طول
في البطانيه نرجف 😂😂😂😂
القيت ايه جايبه اميه خديت البنادول
ورجعت في البطانيه قعدت انفكر في اي طريقه انقول فيها لي مسعود مانبيش يفهمني غلط ويضلمني بس في شعور داخلي امطمني انه مسعود بيفهمني بس قبل كل هدا نبي نعرف لو مسعود ايحبني او لا اشوي اشوي بديت ننعس رقدت
.
.
.
.
.
.
.
.

بعد رقيت انا طلع خالي علي وخالي محمد لي المربوعه ايهدرزو ومؤيد طلع امع اصحابه وايه وخالتي مبروكه خشو المطبخ ايديرو في العشاء ومسعود خش لداره وطلع لاب توب قعد يشتغل عليه بس عقله كله عند ريناد يبي يمشي يطمن عليها بس مش قادر

ايه كملت العشاء وحطاته وتجمعو كلهم
مشت ايه نادت مسعود ع العشاء هو افرح ممكن ايشوف ريناد نزل تحت ايراجي فيها تنزل

جت ايه لقتني راقده ماحبت اتنوضني نزلت تحت

قعمزت ايه جنبهم
مبروكه: ليش مانزلت ريناد
ايه: راقده مسكينه ماحبيت انوضها توا انعقبلها من العشاء
خ محمد: ليش مانوضتيها
ايه: واضح عليها تعبانه بعد اتنوض تاكل
مبروكه:مش مشكله خلاص انتم ابدو
مسعود طارت النيه من العشاء بس مش عارف
كلا اشويا وناض وخلاهم يتعشو

تعشو الباقي كان يوم متعب وطويل كل واحد خش لداره يرتاح

جت ايه رقدت جنبي

.
.
.
.
.
.
.
احمد: تي افهمني ياراجل مانقدرش
سيف: انت عارف نهاية الطريق هذي
احمد: مانقدرش انخلي ايوته انت تعرف قداش انحبها ومستحيل ناخد غيرها
سيف: وامك الي حلفتلك شن بدير
احمد: نقتل روحي بيش انتريح شن بندير
سيف بخبث: دير الي قتلك عليه لين تقنع امك لو ما قنعتها ضروري ترضا بالوقع انه مافيش نصيب
احمد تعصب: كيف تبيني انقوللها كيف تبيني انبكيها عندي انموت ولا تنزل دمعه من عينها
سيف: باهي لعند امتى بتقعد هارب هكي
احمد: لعند انموت ولا يرضو هلي
سيف: هدا مش حل يا احمد
احمد: قتلكم غير ايه مش واخد خلاص اخطاني سكر امه الموضوع
سيف ايفكر: امبدري بوك اتصل يسال فيا عليك
احمد شافله: شن قتله
سيف: قتله انه مشينا لطرابلس
احمد تعصب: النم من قلك خبرا
سيف: ملنقدرش تكذب عليه
احمد امعصب: تي انا شن رافعني ليك 😡😡
سيف: انروح لو مضايق مني
احمد:روح وجرب
سيف: به افردلي هل الخليقه وانت تقول ميتلك ابنادم
احمد: بالله ياسيف مش رايقلك بكل
سيف: براحتك انا نازل لي القهوه
احمد: به
طلع سيف ايفكر وايحاول باي طريقه يقنع احمد
من داخله فرحان

.
.
.
.
.
.
.
.
روان: ريتي ياماما كيف الكل ايدافع عنها
تهاني: اي لكن وربي ما وخدته مرا غيرك
روان: باهي شن انديرو ياماما
تهاني: لو تسمعي مني توا يقعد تحت رجليك
روان: شنو
تهاني: .......
.
.
.
.
.
.
.
.
امع الساعه 3 فقت جعانه القيت ايه راقده
نزلت تحت كان البيت هدوء خشيت المطبخ
قعدت انحوش جعانه اخر شي قررت اندير دحي 😂😂😂 طلعت الدحي من التلاجه سكرت باب الثلاجه
انخلعت القيت مسعود ع الباب المطبخ
انا: بسم الله خلعتني تكلم قول اي شي مش توقف ساكت
مسعود:شن اديري
انا:شوفت عينك خاشه في الثلاجه معانها جعانه
مسعود : وهكي منضرك نازله كان شافوك باتي ولا مؤيد
انا شبحت روحي تحشمت:ما انتبهت نزلت طول
مسعود: مره تانيه انتبهي المره هذي انا جيت عليك المره التانيه مرات باتي ولا مؤيد
انا: تمام ان شاء الله مش حاتتكرر
انا حطيت الدحي متحشمه عنده الحق لبستي مبالغ فيه مفروض مانزلت حطيته وجيت طالعه
مسعود:وين
انا: لا خلاص بنمشي انغير كلامك صح عيب ننزل هكي
مسعود:خليك كلمي الي بديريه المره الجايه ديري احسابك
انا متحشمه: لالا خلاص مانبيش
مسعود : فكينا من الزعل انا تكلمت كلام منطقي مانرضاش العيبه في حقك
انا: لا مش زعلانه
مسعود ضحك: باهي كلمي عشائك ولاسحورك 😂😂😂
انا بعفويه قتله : باهي بنقعد قدامك هكي
مسعود:علي اساس متحشمه مني يعني
انا ابتسمت: اكيد لا
مسعود ضحك:😂 ماشاء الله حشمه شي ماعندك
انا: ماهو بتقعد راجلي ليش بنتحشم
مسعود يضحك: احسبيني امعاك
انا اشرت علي اعيوني: من اعيوني
مسعود ابتسم: باهي انشوفو فلاحتك مرات انغير راي فيك
انا رفعت حاجبي: هو دحي في شنو فيه فلاحه حتي من العيل يقدر ايطيبه
مسعود: والله😂😂
انا: اي
مسعود: باهي هيا طيبه الي حتي العيل ايديره
انا 😏😏 : باهي

قعدت انطيب فيه وكان اعيون مسعود ما نزلت من عليا قليت الدحي وحطيته علي صفره وحيت الهريسه وجبت الخبزه

مسعود: هدا بس
انا: وشن بنديلك مش قلت بتاكل امعايا
مسعود: توا ليك ساعه اتحوسي في الاخر دحي بس 😂😂😂😂
انا ضحكت: لو مش عاجبك ماتاكل
مسعود: والله كلام روان طلع صح شكلي بنموت بعد نزوجك
انا ابتسمت: وانت قلت مش عاطيها الا لي راجل يسعدها وايوفرلها كل الراحه خلاص طبقهن علي روحك
وانا مش حانخليك اتموت 😂😂😂😂😂
مسعود: والله كيف يعني
انا:والله في حاجه اسمها مطعم باهي واهي اخويله توا اتعلمني لعند انتعلم
مسعود: وانا بنقعد حياتي كلها بين المطاعم
انا: ماحد جبرك عليا تقدر ترفض
مسعود: نرفض عينك اسكتي احتي دحي راضين بيه
انا ابتسمت: به كول هيا راني بنموت من الجوع
مسعود بدا ياكل: باهي شن حالك توا توا احسن
انا هزيت راسي: اي اكويسه
مسعود:ماتحسي بشي
انا: لالا تمام عشان توتر وخوف ديما اتصيرلي قبل ساعه ساعتين انفيق
مسعود: ماتوقعت بعد اتشوفيهم ايصير فيك هكي
انا 😢🥺: قتلك طلعني دير اي شي ماسمعتني
مسعود:هو انتي كيف ماسكتني ولصقه فيا وخايفه تقول شفتي جن قدمك
انا: فعلا هم اجنون خايفه ايدرو شي يا مسعود ياخدوني منكم 😢
مسعود: من يقدر ياخدك مني وانتي بعد كم يوم بتبدي مرتي
انا توسعو اعيوني:كيف
مسعود: شنو الي كيف الجمعه هذي بنقرو فاتحتنا
انا: بسرعه هذي
مسعود: هكي الانسب
انا اعيوني تعبو ادموع: بس بابا ماصكرش شهر كيف نتزوج
مسعود:باهي عطيني حل نقدر نحميك منهم انا ما نبي نعطيهم فرصه يقدرو ياخدوك مني
انا:اكيد في حل غير نتزوجو توا
مسعود: للاسف مافيش الحي ابقا من الميت عارف و امقدر وضعك بس حل في ايدينا غير هكي لانه عارف ومتاكد سالمه مش حاتخليك في حالك حتي لو نقلتي املاك
انا دمعو اعيوني: يعني انت بتتزوجني عشان تحميني من سالمه بس
مسعود: اي
انا نبكي: امال خلاص الغيه مانبيش نتزوجك
مسعود انصدم
انا صبيت من جنبه وطلعت نجري ومسعود وريا
رقيت من الدروج بسرعه مانبيش انشوف ورايا نسمع فيه اينادي فيا بصوت هافت بس ما عدلت عليه
وجعتني انا فرحانه بنتزوجه بس هو بيتزوجني عشان يحميني بس
مسعود:ريناد اوقفي احسنلك
انا ماعدلتش عليه نبكي فتحت الباب الدار ايه بنخش
كرني مسعود من ايدي وطلعني وسكر الباب ماسك ايدي قعد يمشي بيا شور داره
انا: اطلق ايدي
مسعود بعصبيه: اسكتي احسن
انا:مش ساكته اطلقني ماليك دخل بيا
مسعود فتح باب داره وخششني داخل
مسعود بعصبيه: شن الي قلتيه لوطه
انا:الي قلته واضح انت تبي تتزوجني عشان تحميني وانا مانبيش انخرب حياتك وانت ماتحبني ليش تتزوجني
مسعود:........
.
.
.
.
.
.
.
.
.
.
جلال: واخيرا شفتك ياسمحه شن جوك ياقمر😍😍
انا 😨😨😨😨😱

#يتبع

google-playkhamsatmostaqltradent