رواية أم عزباء الحلقة السابعة 7 بقلم ميلو حسن

 رواية أم عزباء الحلقة السابعة 7 بقلم ميلو حسن

رواية أم عزباء الجزء السابع 

رواية أم عزباء البارت السابع

رواية أم عزباء الحلقة السابعة 7 بقلم ميلو حسن


رواية أم عزباء الفصل السابع

#أم_عزباء 7 (حقيقيه)

حلقتين في حلقه🔥

شيماء:تقدري تحكيلي قصته
دعاء:ههه انتها لبريك يعني ؟ 😂
شيماء:يس يس ...احكي هي😄
دعاء:الحق قصته غريبه هلبا
شيماء:يلي هيا؟
دعاء:شهاب كان يعشق في بنت لكن البنت سيباته وتعب من بعدها هلبا
تدهورت حالته وبدا في شرب وصاحب هلبا أشخاص في الفتره هديكه واتطورت حالته وبدا حتا يتعطا في مخدرات وضعف هلبا قدام الوقت
لن ربي ابتلاه
شيماء:بي شنو؟
دعاء:في اليوم الي قرر يدير عشاء هوا وصحابه برا
وهما ماشين في طريق شافو عيله مدايرين حادث وميتين
شيماء:ومن قال انه شافو عيله ميته؟
دعاء:لما شهاب بدا كل ليله ينوض يعيط ماما اتصلت بي صاحبه وحكالها هكي
شيماء:اي به يعني قعد متأثر من القصه
دعاء:اي لدرجه كان كل يوم يقول ضميري ميبيش يرحمني كأنه شهاب في شي داخله رافض يرحمه
شي اكبر منه
دمعو عيونها اصعب شي انك تشوفي حد من عيلتك يتعذب قدامك ومش قادره تساعديه
شيماء:تمالكت ضعفها...محسيتوش انه سأل ع العيله أو حب يسأل ع شي
دعاء:اي كان يسأل في شخص اسمه
خليني نذكر اممممم
شيماء:كانت تشوف لدعاء بتركيز

_____________________________

سماح:ترجف مع بعضها لن وصلت قدام باب المطعم
وقفت خدت نفس ....ي ربي وخشت
جت عيونها ع منذر ومعاه مراء ....تنهدت وهيا مستغربه جمدت في مكانها تحاول تفهم الي تشوف فيه قدامها
من هادي؟ وعلاش جايه معاه؟ معقوله يكون حاكيلها ع كل شي صار بينا؟ مقدرتش تخطي خطوه وحده من الخوف

منذر:شاف لجهة الباب ...اهيا جت وزي م وصيتك بالحرف
فاطمه:ان شاءالله غير نادي عليها خيرها واقفه تتفرج
منذر:قام يده وبدا يأشرلها بمعني انا هنايا
سماح:عيونها ع منذر لكن عقلها في فاطمه الي جنبه
كأنه حست بالخجل ومش عارفه كيف تواجهم وكيف راح تتكلم
استجمعت باقي قوتها وتخطت خطواتها لن وصلت لي طاوله
فاطمه:تفضلي تفضلي بنتي
سماح:مدت يدها ....كيف حالك؟
فاطمه:سلمت عليها بخير وانتي؟
سماح:قعمزت ع كرسي...وهيا مرتبكه
منذر:الابتسامه ع وجه...كيف حالك سماح توا؟
سماح:مش قادره تشوفله..نزلت عيونها..تمام
منذر:الحمدالله ويدوم عليك
سماح:رجعت قامت راسها...شن في منذر تقدر تحكي

_______________________________

رنيم:ايوا نسمع فيك
انور:شن الي قعد يخططله ماجد؟
رنيم:أنا نستنا نكلمك باش ناخد رايك نسافر أو لا
انور:مش وقته الموضوع بككل
رنيم:ونا مصدومه اكتر منك لكن قولي شنو اندير انور؟
انور:انتي تقدري تكلمي منذر وتخليه ينهي القصه
رنيم:حطت يدها ع راسها...قصدك نخليه يتراجع في قراره
انور:به هوا كم ح يقعد برا؟
رنيم:اكيد شهور مش اكتر
انور:وانتي مستحيل راح تواجهيه توا وتحكيله؟
رنيم:مكنتش حاطه في بالي بس لكن لو موصر يسافر بيا حانواجها لانه مستحيل نتحمل نكون معاه
انور:بنفاد صبر...فاهم عليك لكن كيف راح تتصرفي؟
رنيم:انا مش راح نتصرف الا لو وفاء دارت الي قالت عليه وبعدين انا ح نواجها
انور:تمام هكي يكون اريح ليك وليا وديري الي تشوفيه مناسب
رنيم:تمام

_______________________________

مسره:كيف واصله لحوش عمها ...وهيا خاشه
جت عيونها بصدفه ع روشن دار وفاء
وشافت وفاء ماسكه صوره وتبوس فيها
تحاول تركز في صوره اكتر لن خدتها رجليها لجهة الدار وشافت...صورة ماجد
قعدت تمسح ع عيونها علشان تتأكد لانه نصدمت هلبا
وخرررت والصدمه ع وجها....كك كيف؟ وفاء يعني تحب ماجد وهيا عارفاته متزوج
مستحيل هيا صح فضحت بي اختي ف عرسها لكن لو كانت تحبه علاش خلت رنيم تتزوجه

انور:نزل من سيارته...جت عيونه ع مسره الي واقفه وهايمه...انتتتي
مسره:فاقت من سرحانها....وشافت انور ينادي عليها
انور:قرب منها...شن اديري هنايا؟ علاش مدخلتيش
مسره:بلعت ريقها...اءءءء كك كنت جايه وال
انور:تمام تمام مصار شي تفضلي خشي اكيد لبنات داخل
مسره:اهاا اي ان شاءالله وتلفتت
انور:مش محتاجين لشئ؟
مسره:تلفتتله وانتا هدا الي يهمك؟
انور:بحيره...كيف يعني؟
مسره:تغيرت ملامح وجها....لالا قصدي لو نبو شي كنت كلمتك
انور:تمام اي شي مهما كان وفي اي وقت اتصلي بيا
مسره:تشوف لملامحه بي حب...هزت براسه
انور:خلاها ومشا
مسره:كأنه شايف روحه ع فاضي ويتعامل برسميات
يالا حتى نا راح نتحكم في تصرفاتي....وخدت بعضها ومشت..

______________________________

منذر:علامات الراحه ع وجه....قبل اي شي هادي امي واسمها فاطمه
سماح:شافت لي فاطمه وهيا تحاول تطمنلها...تشرفت بيك
منذر:وشكرا ع ثقه وجيتك لهني كبيره ف حقي
سماح:كانت مصدومه في منذر لكن شبه صدقت انه هوا حس بغلطته...بدون ردت فعل
منذر:انا جبت معاي امي علشان تتعرف عليك قبل زواجنا
سماح:تنهدت بصدمه...زواجنا؟
منذر:بملامح هاديه...اي زواجنا انا نبيك تكوني في حياتي وأسف ع اي جرح سببتهولك
سماح:معقوله بعد الي صار يبيني نكون مرته
منذر:لو عندك شي حابه تقوليه احكي انا مش راح نزعل منك
فاطمه:اعتبريني زي امك ومتخافيش
سماح:بعد م حست براحه اتجاهم...انا انا بجد مصدومه لكن
منذر:لكن شنو؟
سماح:راح نحكي مع اهلي في الموضوع
فاطمه:شافت لمنذر
منذر:اكيد خودي راحتك ونا نستنا في اجابتك
سماح:ابتسمت بهدوء...تمام❤️

_________________________________

شيماء:تنهددددت ماجد؟
دعاء:اي ماجد يكون ولد عم انور صاحب شهاب علاش نصدمتي؟
شيماء:اي هه لالا لكن كملي
دعاء:هيا القصه فيها اكتر من شي مش مفهوم لكن محطيناش شي اساسي
شيماء:في داخلها(شنو دخل ماجد في شهاب) يعني معقوله يكون ماجد عنده علم بي
لااالا مستحيل
دعاء:شيمااااااء وين مشيتي؟
شيماء:تغيرت ملامح وجها...ربي يشفيه حبيبتي ويرجع احسن من قبل
دعاء:ان شاءالله ربي يسمع منك
لكن شهاب ليه سنه ع الحاله هادي وكأنه احيانا نحس انه هوا مذنب ونادم
شيماء:طبطبت ع كتف دعاء...وابتسمت بهدوء
صدقيني راح يرجع لصحته
حطت برنوص التوب ع راسها...كأنه حاسه انه شهاب ربي قعد يمتحن فيه
دعاء:ممكن... وانتي عرفيني عليك اكتر
وين عيلتك وعلاش مش متزوجه وانتي بجمال هدا؟
شيماء:لمعو عيونها ...راح يجي يوم مناسب وتتعرفي عليا☺️
دعاء:غمزتلها وهيا تبتسم...براحتك❤️
شيماء:كأني نسجمت في الهدرزه معاك وحسيت كلامنا مهم
دعاء:اي اكيد علشان متتلخبطيش وتستقبلي اي شي من شهاب
شيماء:قلبت عيونها مرتين....شهاب؟

_______________________________

ساعه 8ونص بعد المغرب🌘

ططقققً طققق:-

مسره:حطت الي في يدها وطلعت تجري..مني؟
سماح:افتحي بسرعه جمدت
مسره:فتحت الباب...خشي خشي
سماح:تقيم في قصتها....ماما وين؟
مسره:داخل غير فهميني علاش التأخير لتوا بالي كان مشغول عليك
سماح:تتكلم بنفس مقطوع...واطي صوتك دانا اقترحت عليا نمشو المول وخدانا الوقت
مسره:به شن صار في منذر؟
سماح:توا نحكيلك شن صار غير اهم شي مفضحتيش بيا قدام ماما
مسره:توا نا وجهي وجه خيانه
سماح:ضحكت به به نغير حوايجي قبل
مسره:باهي خشي تلقيني في المطبخ وخدت بعضها وخشت
سماح:هههه غريبه فكرتي اديري خير
مسره:كلامها يدل ع انه مصارش شي معاها يخوف
اهاااا شن قلتي؟ انا عندك علم نعرف نطيب خير منك غير نتخوبل
سماح:😂😂

__________________________

وفاء:سكرت تلفونها....وقفت قدام لمرايا تشوف لملامحها
دانا
دانا:انعم
وفاء:وين كنتي انتي وسماح؟
دانا:طلعنا المول
وفاء:مقلتيش حتى نكلم اختي مرات تطلع معانا
دانا:اي صح لو كنت نبيك راهو كلمتك
وفاء:تلفتتلها....نبي نفهم لي امتا راح تقعدي هكي معاي
شيماء ماتت وانا الشي الي درته مش غلط
دانا:ههههههه
مشً غلط صار؟ انتي شردتينا وخليتي عمك يموت في عز عمره
ومرت عمي نشلت وشيماء ماتت بالحسره وقعده تقولي انك مدرتي شي
وفاء:كل حد وعمره وبعدين انا اختك في نهايه
دانا:نتمنا تكوني تربيتي ومعاش تفكري تأذي حد
وفاء:رجعت شافت للمرايا
بنسألك؟
دانا:شنوووو؟
وفاء:من احلا انا وله رنيم؟
دانا:عيونها ف تلفون...انتي
ههههه متصدمنيش وتقوليلي تبي ماجد
وفاء:😰....كييف؟
دانا:هه سامحيني انا معنديش فيك ثقه
وفاء:وعلاش متحكيش ع رنيم
دانا:خيرها هيا التانيه؟
وفاء:انتي عارفه انها تحكي مع انور بسر ع ماجد
دانا:حطت التلفون ع رف
اي عارفه انها تحكي مع أنور
لكن مش بسر ع ماجد
وفاء:😰😰😰😰
دانا:وبعدين انا وانتي عارفين رنيم كويس وله نزيد نفكرك
خدت بعضها وطلعت
وفاء:تذكر في كلام دانا
دانا:اي عارفه انها تحكي مع انور لكن مش بسر ع ماجد
لالا اكيد تخرط هادي من وين بيكون عندها علم يعني
🔥🔥

__________________________

هبه:كيف قصدك انا منقدرش ندير شي زي هدا
زينب:لا تقدري لو مدرتش هكي ح يلزوك انتي وراجلك
هبه:تحاول تقتنع بكلام امها
لكن؟
زينب:لكن شنو؟
هبه:هيا لو كانت تبي تفضحنا كانت من البدايه فضحتنا الباين انها متبيش تأذينا
زينب:ي عبيطه بتقعدي تستناها يعني لن تفضحك
هبه:مش عارفه كلامك يبي تفكير😕

___________________________

مسره:اححيييه بجد انا مش عارفه نوصف فرحتي
سماح:قصدك نوافق؟
مسره:اي اكيد وحاسه انه منذر حب يثبتلك انه نادم ودليل انه عرفك ع امه
سماح:ابتسمت اي الحمدالله حسيت نفسي ارتحت
اقل شي نوقف تفكير وخوف
مسره:اي وامتا راح تحكي لي امك
سماح:شن رايك انتي تفتحيلها الموضوع وتشوفي ردت فعلها
مسره:من عيوني ي عروسه توا انا طالعه نحكيلها وانتي تعشي براحتك
سماح:ابتسمت ....تمام

_____________________________

شيماء:ادور في صاله وقلبها ع نار 🔥
دعاء:كيف طالعه من المطبخ جت عيونها ع شيماء
شن في شيمو خيرك؟
شيماء:بلعت ريقها...لا غير هبه تأخرت
دعاء:به ويعني مش جديد هبه ومحمد من يومهم هكي
شيماء:كيف يعني امتا راح يروحو بزبط؟
دعاء:ساعه أو ساعتين ويوصلو وانتي علاش هدا كله
اكيد علشان طه صح؟
شيماء:قعمزت ع كنبه...اي تعلقت بيه ومقدرتش ع غيابه
دعاء:به بعد سنه راح يتم شغلك هنايا
كيف راح تبعدي ع طه
شيماء:بصوت مرتبك....ولو فكرت نستقر معاكم عادي؟
دعاء:قعمزت جنب شيماء
اكيد لا
ههههههه نبصر خلاص اعتبري نفسك اختي وممنوع تطلعي وتسيبينا
شيماء:ضحكت حاضر 🥺
في داخلها(امتا بيروحو العيله الوهمية بس

طططققق طططقق:-
دعاء:شكلهم وصلو
شيماء:بدون م تحس بروحها طلعت تجري تفتح في الباب❤️

🔥رِوَايـــــــــات ميـــــلـو حــــسسـٰـــن🔥
🔥رِوَايـــــــــات ميـــــلـو حــــسسـٰـــن🔥

رنيم:تحكي ع تلفون....لا هدا اخر قرار ليا
انور:ديري رايك وانا معاك في اي وقت
رنيم:شكرا هلبا انور انا عارفه انك قلبك عليا
انور:اي شي طبيعي حتى انا مستحيل ننسا وقفتك معاي
رنيم:شكرا بجد
سلام انور صوت الباب....وسكرت الخط
ماجد:مساء الخير
رنيم:☺️مساء النور
ماجد:شن مدايره لعشاء اليوم؟
رنيم:اليوم سبت قلت اكيد بيتعشا عند اهله
ماجد:اي خليتها امي أطيب في طبيخه
لكن منبيش ناكل غير من يديك انتي
رنيم:بضحكه مزيفه....سلمه
ماجد:تقرب منها...شنو فكرتي حبيبي في الموضوع
رنيم:تشوفله....اي وموافقه نسافر معاك
ماجد:كيف؟
رنيم:خيرك نصدمت؟
ماجد:لالا لكن فرحتيني وحضنها...سكر عيونها
رنيم:وقفت حتى نفسها مش قادره تشم ريحته💔

______________________________

العيله كلها مجتمعه ع طاوله:-

اسميهان:خديت لي طهيوا حوايج كل قطعه أحلا من التانيه
مرح:واك ع ماما حتا حوايج لبنات خدت منهم
ولا متبيش تقتنع انه قريب الف دينار غير ألعاب
شيماء:يستاهل طه الحفيد الوحيد للعيله
مرح:علاش وحيد اكيد هبه بتجيبله احلا أخت
اسميهان:اي اكيد بتجيبله
شيماء:شافت لهبه المرهً هادي ع أما بلاد راح تسافرو؟
هبه:😨😨
دعاء:لااااع المرهً هادي نبو نعيشو معاكم تفاصيل كلها حتى لما انتي حامل بيه
شيماء:اي اكيد مازال حاتعيشي لن تملي منها😂
شهاب:نازل من فوق وفي يده طه
شيماء:جت عيونها ع شهاب وهوا ماسك طه
حست بشعور غريب في لحضه هادي
تمنت لو يقعد واقف وتتفرج عليه لن يشبعو عيونها❤️🥺
مرح:تأكل في زيتون....كأنه شهاب خوي جوه تحسن
اسميهان:حليلي منكم ان شاءالله نشوفه عندك
شهاب:شوفيه يما وجه احمر باكي لن شابع
شيماء:تنهدت منتبهتش قعدنا نهدرزو وفكرت انه راقد
شهاب:يشوف لي طه...شوفي يما لون عيونه نفس لون عيوني
هبه:😨😨
مرح:هههه شكلها هبه متوحمه عليك
دعاء:فنصت في مرح عيببب...اكيد بيطلع لي عمه مش غريب
شيماء:تراقب في الكل ومش قادره تشاركهم بحرف
هبه:خدت بعضها وناضت من جنبهم
شهاب:يلعب في طه
وأسميهان تتفرج عليه وفرحانه انه شهاب حاله كويس
يعني ممكن يكون طه سبب يطلعه من الكابوس الي فيه🥺
شيماء:اتكت ع يدها وقعدت تتفرج ع طه وهوا يضحك في حضن شهاب❤️

___________________________

سماح:نزلت يديها من حضن امها ....ماما اهم شي انتي راضيه
سميره:اكيد بنتي راضيه وان شاءالله الفال حتا لمسره
سماح:شافت لمسره اي ان شاءالله يارب ونعبولك الحوش كله صغار
سميره:ابتسمت...ان شاءالله
سماح ومسره:❤️❤️

____________________________

في ليل🌘

تررن ترن:-

شيماء:الووو ان شاءالله غير استمتعت خلال لبريك
هشام:هههه لا هلبا وينك؟ عاش من سمع صوتك
شيماء:ههه تعيش وتسمع
هشام:غير طمنيني عليك بس
شيماء:انا حالي كويس وحتى طه في نعمه
هشام:حلوو يدوم يارب
شيماء:ان شاءالله كيف حالك انتا؟
هشام:بخير
ههه شن بيكون حال واحد عنده شنطه فيها نص مليون تقريبا😂
شيماء:😂😂
المهم جي وقتنا
هشام:ربي يستر ع شنو ناويه؟
شيماء:اليوم عرفت انه ماجد كان في شي بينه وبين شهاب
هشام:من شهاب هدا وشن علاقتك بيه؟
شيماء:شهاب يكون خو محمد
هشام:اي تمام
لكن قبل مً تحكي شي تقدري تفهميني انتي شنو يربطك بالعيله هادي؟
شيماء:انا في شي نبي نتأكد منه وبعدها مش راح يكون عندي مكان انا وولدي بينهم
هشام:به وعلاش متواجهيش شهاب وتحكيله يعني لي امتا ح تقعدي عايشه معاهم بدون م تتصرفي
شيماء:كييف؟
هشام:انتي اخر مره قلتلي انه طه عايش مع عيله مش غريبه عليه تقدري تفهميني شنو قصدك بكلامك
شيماء:ههههههه خليني نتأكد من الي ف راسي قبل اي شي
هشام:كيف وامتا راح تتأكدي؟
شيماء:غدوه راح نحاول نطلع وضروري نتلاقو ونحكو لانه مش راح نقدر نفهمك ع تلفون
هشام:تمام نستنا اتصال منك
شيماء:تمام توا برقد طه الوقت تأخر
هشام:تصبحي ع خير
شيماء:سعيده وتسكر الخط

__________________________

منذر:لو نعرف نزرغط راهو زرغطت
سماح:هههه
منذر:الف مبروك علينا
سماح:هه غير نلبسو الخاتم ي خفيف
منذر:خلاص انتي ليا هدا اهم شي
سماح:اممم تمام وتوا انتلف لانه بنرقد
منذر:تمام عروستي تصبحي ع خير
سماح:سعيده وتسكر الخط...

______________________

ليله مليانه ضجه ع شيماء الي مش عارفه كيف راح تتصرف
وكلام دعاء الي لخبطها
كانت شيماء تسأل في نفسها وتحاول ترتب الأسئلة الي ف راسها
بعد م تأكدت انه شهاب معنداش يد في شي ومش ذنبه
يعني عكس م كانت متخيله
فرح سفر وسعاده ❌ غلللططط
كل يوم قعده تكتشف في شي جديد مخليها تغير مسارها
ممكن لو تأكدت من الي في راسها راح تاخد ولدها وتهرب من الكل
بس الاشياء الي قعده تشوف فيها ثبتتلها انه خلاص الوقت حاصرها وهدا الوقت المناسب عشان تتقرب من شهاب وتحكي معاه بخصوص هديكه الليله💁🏻‍♀️
بس سيرة ماجد الي حكت عليها دعاء خلتها تحط احتمال تاني 💔

يعني متحاولوش تتوقعوالروايه مليانه احدات صعبه🔥🔥

ليله مليانه فرح ع سماح الي كانت متوقعه انه قصتها مع منذر ح تكون سبب في دمار حياتها
بس اليوم صار العكس وتغيرت الاحداث وقدر منذر يخليها تسامحه ويفتح معاها صفحه جديده عنوانها الزواج❤️

بس للحضه هادي منعرفوش شن السبب الي خلا منذر يتراجع💁🏻‍♀️

ليله مليانه انتضار ع رنيم الي تستنا في ماجد يواجها علشان خلاص ملت من الدور الي مقتبساته
وحست انه خلاص جي الوقت الي راح تكشف فيه الحقيقة
وكانت حاسه انه غدوه ح يكون اخر يوم ليها مع ماجد
لكن علاش وشنو الي مخليها متأكده
وشنو الي قعده تخططله؟🔥

ليله مليانه حزززن. وتأنيب ضمير وطبعا مش شيً جديد ع انور
الي ليه اكتر من شهور وهوا ع نفس الحال
ويفكر كيف راح يطلع من الحزن الي هوا فيه
كان قادر يدير اي شي المهم ميتفكرش الي داره مع شيماء
لدرجه تباعد ع مسره علشان ميحسش انه هوا قعد يستغل فيها 💔

وليله مليانه تفكير وخووووف رهيب ع وفاء الي حاسه انه دانا عارفه كل شي عليها
ومش قادره توقف ع الشر الي ادير فيه بسبب حبها لكبير 💁🏻‍♀️

يوووم جديد⛅️

شيماء:لابسه توته لونها وردي وفاتحه شعرها علشان يجف
وماسكه طه وتتفرج ع ملامحه الي كل يوم تتغير
فرحانه وهيا تشوف في ولدها يكبر كل يوم قدام عيونها
لو مش انتا مش عارفه وين ح نكون توا ؟
قاطع صوت تفكيرها صوت طقاات ع الباب خفيفه
شيماء:اكيد المعاقه هبه ....خشششي
شهاب:فتح الباب وخش...طه نايض
شيماء:قامت راسها ...وتلفتتله بديت تستأذن؟
شهاب:ضحك بعيونه وتقدم بخطواته..تقدري تعطيني طه؟
شيماء:في داخلها(كأنه نسا هديكه الليله يالا عادي خير مفضحني قدامهم
شهاب:نكلم فيك
شيماء:اوكىً لحضه بس...قامت طه وعطتهوله
شهاب:ضحك بقوه....متعصب الحلو وقعد يقيم فيه وينزل
شيماء:هه اكيد طالع لي عمه
شهاب:شافلها من تحت لفوق....وطللع
شيماء:عيونها ع شهاب لن طلع....ههه حتا الحزن مش مأثر ع جماله😕
ناضت وقفت قدام لمرايا
وهيا تتفرج ع نفاخ تحت عيونها وبشرتها الباهته
تفكرت/اي متنسيش انك عاطيه موعد لي هشام اليوم
نلبس ونطلع علشان نوصل للحوش قبل المغرب🔥

____________________________

طققق طططقق:-
رنيم:تنضف في الحمام...سكرت الصنوبره
وطلعت فتحت الباب
رنيم:منذر؟
منذر:اي منذر وانتي تستقبلي هكي ف ضيوفك
رنيم:هههه لالا لكن مستغربه وين كان الحن هدا قبل
منذر:به عادي خوك ميفضاش
رنيم:ههه غير قعمز وهدرز استحشتك
منذر:خوك عقل ويبي يتزوج
رنيم:الله الله كلام جديد
منذر:اي شن رايك؟
رنيم:به توا نشوفلك احلا بنت
منذر:لا متعبيش روحك البنت جاهزه غير تستنا فيك انتي وأمك بس
رنيم:اي به ومن داعيسة الحظ؟
منذر:جيرانكم
رنيم:مني؟
منذر:سماح بنت ناصر
رنيم:ابتسمت وهدا علاش ي صايع زمان تسأل عليها
وماشي لطرابلس
منذر:توا الي كان فات ومات نبيك توتي روحك غدوه لانه بنخطبها رسمي
رنيم:والله مش عارفه كيف نوصفلك فرحتي
سموحه مافيش احلا وأطيب منها
منذر:ميهمنيش رايك فيها المهم خليك واتيه بس
رنيم:هههه تمام
منذر:وين راجلك؟
رنيم:عنده خدمه
منذر:به كويس ...هيا بسلامه

_______________________________

مسره:زعما رنيم تفرح بيك كونك مرت خوها
سماح:مش عارفه اصلا نا مخديتش عليها طبع وهيا تبان حبابه
مسره:امممم به مش مهم الأهم هوا وامه يبوك وعاجبتيهم
سماح:اي وقامت شعرها فوق نفكر نصبغ شعري
مسره:بعد لبيان توا خليك ع طبيعتك
سماح:🙂🙂

🔥رِوَايـــــــــات ميـــــلـو حــــسسـٰـــن🔥
🔥رِوَايـــــــــات ميـــــلـو حــــسسـٰـــن🔥

وفاء:تحكي ع تلفون....شن تخرف انتا ع اما سفر تحكي بزبط شنو نبهتك انا؟
ماجد:معنديش حل تاني توقعتها واح تقعد لكن طلع العكس
وفاء:يعني خلاص تقدر الليله تواجها بخيانتها ليك وطلقها
ماجد:تي لو واجهتها اليوم خوها مش راح يخليني نسافر
وفاء:مشكلتك ميهمنيش الي يهمني هوا متسافرش معاك لي امتا راح نقعد نستنا فيك
ماجد:حتى انا مش قادر ع فراقك لكن
وفاء:لكن شنو؟
ساد خلاص افضحها وهددها لو تكلمت وحكت اخرها انك راح تفضحها
ماجد:هكي تقولي؟
وفاء:اي الليله واجها وخلي كل شي ينتهي
ماجد:تمام انا عندي مكان توا لما اروح يصير خير
وفاء:سكرت وهيا مغلوله🔥🔥

______________________

شيماء:السلام
هشام:مني انتي؟
شيماء:سكر فمك واسكت انا شيماء ونزلت نضارتها
هشام:لاااع خشينا ع شهره
شيماء:تقدر تقول بداية شهره
هشام:😂😂
شيماء:اسمعني كويس معنديش وقت هلبا
هشام:نسمع
شيماء:فتحت تلفونها...شفت الصوره هادي
هشام:خيرها؟
شيماء:هدا ماجد ولد عمي
هشام:هدا حبيبك
شيماء:ههه ركز معاي نبيك تقتبس شخصيته
هشام:كييف؟
شيماء:تتصل بي شهاب وتسأله ع حاله وكأنك فعلا ماجد
اول شي تسأله ع حال العيله؟ والشركة
هشام:وشنو راح نستفيدو؟
شيماء:اكيد من كلامه راح تعرف انه هوا ليه فتره طويله حاكي مع ماجد أو ليه فتره قصيره
هشام:اي اي لكن قعد مش فاهم شي
شيماء:انا نبي نعرف علاقة شهاب بي ماجد حلوه أو لا؟
هشام:مش فاهم شي لكن راح ندير زي ماقلتيلي
شيماء:مدتله ورقه...هدا رقم شهاب
هشام:تم ي قلم
شيماء:لبست نضارتها....انا راجعه للحوش توا وانتا لازم تتصرف زي م وصيتك
هشام:اعتبريه تم
❤️❤️

___________________________

في ليل:-

في الصاله
شهاب:من الصبح للحضه هادي وهوا مع طه يلعب فيه ومحسش بالملل
اسميهان:ماسكه سفره فيها طاسه عصير ...تفضل
شهاب:خداها....صحيتي
اسميهان:شنو مفكرتش تتزوج
شهاب:عيونه ع طه..شوفيه شوفيه
اسميهان:حست انه شهاب يغير في السيره
مرح:شن رايك في دانا أو وفاء خوات انور؟
شهاب:تنفس بعمق...وخدا طه وطلعع
دعاء:الف مره نبهتكم وأنتم لا مش راح تقتنعو
اسميهان:عادي هكي نزنو عليه لن يوافق
شيماء:اهلين
دعاء:عيونك منفخات من النوم
شيماء:اي خديت غفوه لانه شهاب قالي راح نقعد مع طه
مرح:ههه حسيت في كلام بينكم
شيماء:كيييف؟
مرح:فكرنا نزوجوه
شيماء:فهمت غلط....مني؟
مرح:وفاء أو دانا اخوات انور
شيماء:تمالكت صدمتها....اممم ربي يتمم ع خير

___________________________

شهاب:يحكي ع تلفون....اوك فهمت انا دقايق ورد عليك
سكر الخط وخش الحوش
شيماء:لو تعبك هاته
شهاب:ركب الدرج بدون م يرد عليها
شيماء:حلو حلو كل شي للحضه هادي حلو

__________________________

ماجد:رنييييييييم ي خاينه
رنيم:انعم
ماجد:هجم عليها وبدا فيها ضرب
علاش خنتيني مع انور علااااااش؟
رنيم:تحاول تفك روحها منه سيبني سيبني
ماجد:دفها بقوووه مش راح تقعدي دقيقه هنايا
رنيم:حول وسادك من الوهم والكذب
اي انا نستنا في اليوم هدا بدقيقه لشان نتخلص منك ومن وجهك
ماجد:شن تخرفي انتي ؟ علاش موافقه تزوجيني مدامك تبيه
رنيم:هههههه يعني خلاص تبي تعرف
ماجد:بصدمه...ع شنو تلمحي؟
رنيم:ع حبوب وع الدكتوره الي متعاونين معاها وانتا وعشيقتك وفاء
ماجد:😨😨

________________________

شيماء:لابسه بيجامة النوم وراقده فوق السرير تهدرز ع دانا في تلفون
شهاب:فتح باب غرفة شيماء بدون م يطق عليها
وكانت انفاسه متسارعه وملامح وجه متعصبه .....شيمااااااء

شافت لي شهاب بصدددمه
اها اكيد جاع....هاته
شهاب:قرن حواجبه....الولد هدا ولدك....يتبببع🔥🔥

google-playkhamsatmostaqltradent