رواية كيف أحيا معك الفصل السادس 6 بقلم سمسم

 رواية كيف أحيا معك الفصل السادس 6 بقلم سمسم

رواية كيف أحيا معك الجزء السادس

رواية كيف أحيا معك البارت السادس

رواية كيف أحيا معك الفصل السادس 6 بقلم سمسم

رواية كيف أحيا معك الحلقة السادسة


بيان.....الحبس انت عايز تحبسنى.
حيدر....طبعا ممكن اقدر احبسك علشان اكيد مش هتقدرى تدفعى الشرط الجزائي
بيان بتحدى.....وانا مش هديك الفرصة دى ومش هخليك تمشى شروطك عليا
حيدر بثقة....هتعملى ايه يعنى
بيان.....هدفعلك الشرط الجزائي واخلص منك ومن العقد بتاعك ده
حيدر باستغراب.....وهتدفعيه منين بقى ان شاء الله يا انسة
بيان....دى شغلى انا بقى مش شغلك بس عيزاك تدينى اسبوع وهجبلك الفلوس
حيدر....ماشى وانا موافق وهنشوف يا بيان
بيان.....هنشوف يا باشمهندس وعايزة اقولك على حاجة نسيت اقولهالك
حيدر....حاجة ايه دى
بيان.....انا قولتلك انك سخيف وتافه بس فى حاجة تانية نسيت اقولهالك
حيدر.....حاجة ايه دى سمعينى
بيان....انك واحد حقير وواطى
عندما سمع ذلك شعر انه على وشك فقدان السيطرة على اعصابه ماهذه الفتاة ففى اسوء امورها بدلا من ان تحاول استعطافه تسمعه مزيدا من كلامتها اللاذعة
فرفع يده فى حركة غاضبة وكاد يهوى بها على وجهها فى صفعة قوية لولا انه تدارك نفسه فى اخر لحظة 
بيان....سكت ليه ما تضرب
حيدر....كان نفسى اعلمك الادب بس انا مش بمد ايدى على واحدة متخصنيش
بيان....انت عارف لو كنت فعلا ضربتنى كنت خليتك روحت بيتكم وايدك دى فى الجبس لانى كنت هكسرهالك
حيدر.....قسما بربى لاندمك على كل كلمة قولتيها يا بيان والكلام اللى انتى قولتهولى ده هخليكى تدفعى تمنه غالى الظاهر انى اتهاونت معاكى بس ماشى براحتك انتى اللى اختارتى مصيرك بايدك
بيان باستهزاء......تهديدك ده ميلزمنيش عن اذنك يا...بشهمندس
حيدر......هنشوف يا بيان وانا وانتى والزمن طويل
..........................
خرجت من الشركة تشعر بدوامة من التفكير فهى قد اوقعت نفسها فى ورطة بسبب لسانها فهى بدلا من ان تساير امورها وجدت نفسها فى ورطة أكبر فهى دائما ما تسأل نفسها لماذا كلما تقابلت معه يثير فى نفسها روح التحدى وكأن الأرض خلت الا منه وكأن بينهم ثأر قديم فعندما تراه لا تفكر سوى فى شىء واحد وهو ان تسمعه ما يعكر مزاجه ويثير عصبيه لماذا تفعل ذلك فهى فى حياتها لم تتعامل مع احد بهذه الطريقة لماذا هو لماذا ؟سؤال ظل يلح على عقلها يريد إجابة منها ولكنها ليس لديها إجابة واثناء انشغالها بالتفكير وجدت ان هاتفها يرن فكان المتصل معتز
بيان....السلام عليكم
معتز....وعليكم السلام ازيك يا انسة بيان
بيان....الحمد لله نحمد ربنا
معتز....انا اتصلت بيكى علشان كنت عايز اقابلك ضرورى
بيان.... خير حضرتك فى حاجة ولا إيه
معتز.......كان فى عندى زبون محتاج حد يرسم صورة لوالدته ففكرت انك ممكن تعمليها
بيان.....اه بس ممكن حضرتك نأجل الموضوع ده شوية
معتز.....ليه فى حاجة
بيان....لاء بس فى مشكلة اخلصها واجى لحضرتك نتفق على الموضوع واجبلك اللوحة اللى كنا متفقين عليها
معتز......يعنى انتى عندك نية انك تعملى الرسمة دى
بيان....ايوة ان شاء الله بس اخلص من المشكلة دى وهكلم حضرتك واجى اعرف التفاصيل
معتز.....خلاص ماشى انا هبلغه بس ياريت متتأخريش عليا
بيان.....لاء ان شاء الله حضرتك مش هتأخر عليك
معتز....ماشى سلام
بيان.....مع السلامة
اغلقت الهاتف وظلت تفكر ماذا ستفعل فهى قد تحدته فى دفع المال من اين لها ان تأتى به فهذا مبلغ كبير فهى لا تملك منه شىء فهى الآن تريد معجزة من الله لتنقذها من هذه الورطة
.................................
فى منزل صفوت الحسينى
سلوى......يعنى يا حيدر معرفناش انتى ناوى على ايه
حيدر.... ناوى على ايه فى ايه
سلوى.... فى موضوع جوازك
حيدر.....هيحصل قريب متستعجليش يا سلوى هانم
سلوى.....ومين بقى دى اللى هتبقى العروسة
حيدر....خليها مفاجأة واظن انك هتفرحى بيها اوى
صفوت.....بجد مين دى يا حيدر
حيدر...... مش هقدر اقولكم دلوقتى علشان دى خطوة مش سهلة ازبط امورى وهقولكم
سلوى بأمل.....هى مين نادين؟ صح مش كدة
حيدر....بقولك هتبقى مفاجأة بلاش تحرقيها دلوقتى
صفوت.....هى نادين بنت حلوة ونعرفها من زمان
حيدر...... فعلا وعارف كل ده
اخذه تفكيره اليها الى تلك التى تثير فى روحه حب الانتقام وتخرج اسوء ما فيه بكلامها إلى التى اصبح ينعتها بطويلة اللسان
حيدر.....بس ياريت لما اختار محدش يعترض على اختيارى لانى مش هرجع فى كلامى
صفوت.....قصدك ايه بالكلام ده
حيدر.... يعنى مهما كان اللى هختارها مش عايز اعتراض عليها لانى مش هغير رأيى لاى سبب من الاسباب
سلوى....هو ليه حاسة من كلامك انك محضرلى مصيبة مش مفاجأة وهتبقى مصيبة سودة
حيدر.....مش للدرجة دى يعنى
صفوت..... أنت متأكد يا حيدر
حيدر.....انتوا مالكم مقلقين ليه كده الصبر حلو
صفوت....على العموم ربنا يسعدك يا حبيبى
حيدر.....تسلملى يا بابا
سلوى....ربنا يستر منك ومن مفاجأتك
حيدر....هيستر إن شاء الله
.............................
فى شقة بيان
أمل..... عملتى ايه يا بيان
بيان....عمله اسود طلع فى شرط جزائي فى العقد
أمل....بكام
بيان....٢٥٠ الف جنية
أمل.....يالهوى وهتعملى ايه دلوقتى
بيان....مش عارفة اعمل ايه لاء وكمان اتحديته انى هدفعله الفلوس يا بختى الاسود يانى
أمل....وانتى هتجيبى المبلغ ده منين ده مبلغ كبير
بيان....مش عارفة يا أمل اعمل ايه مش عارفة افكر
أمل.....يا حبيبتى ياريتك ما كنتى ورطتى نفسك من الاول وده كله بسببنا
بيان.....خلاص بقا يا أمل اللى حصل حصل انا دلوقتى بفكر اعمل ايه
طرأت لها فكرة فربما هذا هو الحل الوحيد الذى تستطيع فعله لكى تتخلص من هذه الورطة الواقعة فيها
بيان....انا شكلى هبيع الشقة دى
أمل....ايه انتى بتقولى ايه
بيان....هو ده الحل الوحيد علشان ادفعله الفلوس لانى مش عايزة اشتغل عنده تانى
أمل....ازاى هتفرطى فى شقتك
بيان.....مبقاش قدامى حل تانى بس هقعد فين لما ابعها
أمل.....متقوليش كده احنا بيتنا دايما مفتوح ليكى كفاية ان احنا السبب فى اللى انتى فيه
لم تتمالك أمل دموعها على مصيبة صديقتها فهى فعلت كل هذا لمساعدتها ومساعدة والدتها حتى تستطيع إجراء العملية لها
بيان....خلاص يا أمل متعيطيش بالله عليكى انا مش ناقصة
أمل بدموع.....مش عارفة اعمل ايه ياريت فى امكانية انى اساعدك سامحينى يا بيان انا اسفة
بيان.......متقوليش كده كفاية انكم كنتوا واقفين جمبى بعد ما خسرت اهلى ومتخلتوش عنى
حاولت بيان الترويح عنها بالرغم من وجع قلبها انها ربما ستخسر شقتها التى نشأت وتربت فيها وتصبح بلا مأوى وكل هذا بسببه هو
بيان....قولى بقى انك بتعيطى علشان هاجى اكبس على نفسك فى اوضتك وازقك من على السرير واحنا نايمين
أمل.... انتى بتقولى ايه دا الاوضة تنور بيكى يا حبيبتى دا احنا نشيلك على راسنا من فوق يا بيان
بيان....ربنا ميحرمنيش منكم أبدا
..........................
قامت بيان بالفعل الاعلان عن بيع شقتها وعندما علمت والدة أمل انتابها الحزن على هذه الفتاة التى بسبب طيبتها وقعت فى مأزق كبير ولكنها لاتملك ما تساعدها به فكانت تدعو الله ان يخرجها مما هى فيه فهى لا تملك سوى الدعاء لها
نجوى.....حبيبتى متزعليش نفسك كله مقدر ومكتوب
بيان....ولا يهمك يا طنط بس انا اسفة انى هتقل عليكم
نجوى....متقوليش كده دا انتى بنتى زى أمل احنا اللى المفروض نتأسفلك والله يا بيان علشان العملية بتاعتى وقعتى نفسك فى مشكلة واديكى مضطرة تتخلى عن شقتك علشان تخرجى من المصيبة دى
بيان.... لاء ياطنط انتوا اهلى بعد ما اهلى راحوا كفاية حنيتك عليا وان أمل اختى وحبيبتى وصاحبتى
أمل....بلاش بقى جو دراما يلا نطلع نجيب حاجتك ونحطها فى اوضتى
قامت بيان بنقل اغراضها الى شقة أمل وقامت ببيع الأثاث وفى هذا الوقت كانت الدموع لا تفرق عينيها الجميلة فهى تشعر بحسرة كبيرة لانها خسرت آخر ذكرى كانت متبقية من والداتها الراحلة وفكرت ان كل هذا حدث بسبب انانية شخص لا يملك ادنى احساس او شعور وكانت فى انتظار حضور زبون للشقة ولم تنتظر كثيرا فوجدت ان هناك رقما غريبا يتصل بها
بيان....السلام عليكم ايوة مين
أيمن....حضرتك انا اسمى أيمن و انا شوفت اعلان بيع شقتك وعندى نية انى اشتريها بالمبلغ اللى حضرتك عيزاه
بيان....حضرتك عرفت انا طالبة فيها كام
أيمن.... ايوة وانا موافق ممكن نتقابل ونخلص الموضوع
بيان....ماشى ممكن حضرتك تيجى بكرة على الضهر وياريت حضرتك تحضرلى الفلوس كاملة
أيمن....اكيد طبعا وكمان هحضرلك عقد البيع علشان نخلص الموضوع على طول
بيان....ماشى يا استاذ ايمن نتقابل بكرة ان شاء الله
أيمن....ان شاء الله مع السلامة
بيان....الله يسلمك
انهت المكالمة وحمدت ربها على ان هناك من يرغب فى شراء الشقة بالسعر الذى عرضته وكلما تتذكر انها فقدت اخر ذكرى لها من اهلها يزداد حقدها على حيدر لانه هو السبب فى ذلك
أمل....كنتى بتكلمى مين يا بيان
بيان.... واحد شاف اعلان الشقة ووافق يشتريها 
أمل.....ووافق على السعر
بيان....ايوة يارب يطلع بيتكلم جد مش بيشتغلنى ويشتريها واخد الفلوس اوديها للبارد اللى كنت شغالة عنده
...........................
كان فى مكتبه ينهى بعض التصميمات الخاصة ببعض المنشأت كان يريد بعض الورق الخاص بالتصميم عندما وجد نفسه ينادى عليها بطريقة لا إرادية
حيدر.....بيان هاتيلى ورق بيان انتى مبترديش ليه
ولكنه لا يجد ما يجيبه فتذكر انها ليست هنا وانها تركت العمل 
حيدر.....ايه ده هو انا بنادى عليها ليه وانا عارف انها سابت الشغل بس هانت قربت تيجى
كان يحدث نفسه عندما سمع طرق على الباب ولم تكن سوى نادين
حيدر....اهلا يا نادين
نادين بابتسامة.....اخبارك ايه النهاردة 
حيدر....تمام الحمد لله انتى كنتى فين كده
نادين.....كنت فى مشوار قريب هنا قولت اجى اشوفك
حيدر....اتفضلى اقعدى تشربى ايه
نادين....شكرا مش عايزة حاجة انا حبيت بس اطمن عليك
حيدر....شكرا لسؤالك
نادين....هو انت هتروح دلوقتى
حيدر......ايوة خلاص كنت بخلص شوية حاجات وماشى
نادين.....كويس نروح سوا علشان عايزة اشوف طنط سلوى
حيدر....هو انتى مش معاكى عربيتك
نادين.....لاء محبيتش اسوق النهاردة فسبتها فى البيت
لم تكن هذه سوى حيلة منها حتى تذهب معه فى عربيته فربما تتاح لها الفرصة للتقرب منه
حيدر....خلاص ماشى يلا بينا
ذهبت معه وطوال الطريق تتحدث عن كل شىء وعن لا شىء فهى تريد سماعه يتحدث معها
نادين.....صحيح المساعدة بتاعتك فين مشوفتهاش يعنى
حيدر.....سابت الشغل او بمعنى اصح استقالت
نادين.....ليه ايه اللى حصل
حيدر....جايز زهقت منى
نادين.....هو فى واحدة تزهق منك
حيدر....اه فى علشان تعرفى انى مفيش واحدة تستحملنى
كان كلامه معها كأنه يريد ان تعرف ان لا ترسم فى مخيلتها انها تستطيع الحصول عليه
وصلوا الى المنزل ودخلت معه الى المنزل عندما رأتهم والدته تهلل وجهها فربما العروسة التى يتحدث عنها حيدر هى نادين ولكنه لايظهر ذلك
سلوى.....حبيبتى اخبارك ايه
نادين....وحشتينى اوى يا طنط
سلوى....نورتى يا حبيبتى اقعدى بقى علشان تتعشى معانا
نادين....شكرا يا طنط
حيدر.....عن اذنكم هغير هدومى
صعد الى غرفته واخذ شاور وقام بتغيير ملابسه فطوال الوقت لا تفارق تفكيره تلك سليطة اللسان فهو ينتظر انتهاء الاسبوع لكى تحضر
حيدر....... هانت يا بيان كلها ٣ ايام وتيجى
اثناء العشاء
صفوت......منورة يا نادين
نادين....شكرا يا عمو صفوت اخبار صحتك ايه
صفوت....الحمد لله
سلوى....بس ايه المفاجأة الحلوة دى 
نادين....وحشتونى قولت اجى اشوفكم
صفوت....مالك يا حيدر ساكت ليه
حيدر....لا ابدا مفيش حاجة
صفوت....اخبار شغلك ايه
حيدر....كل حاجة تمام
نادين.... انت بتتعب نفسك فى الشغل اوى
حيدر.....انا بحب شغلى ومبحسش بالتعب
نادين....بس لازم تاخد راحة شوية
حيدر....قريب جدا هاخد اجازة وهتكون بمناسبة حلوة
نادين....ربنا يوفقك
حيدر .....شكرا لذوقك يا نادين
...........................
 حضر الزبون المرتقب لشراء الشقة وفعلا احضر معه المال وعقود البيع وقابل بيان فى شقة والدة أمل بحضور أمل ووالدتها
أيمن.....انسة بيان اتفضلى دى الفلوس ودى العقود بتاعة الشقة
بيان....ماشى شكرا ومبروك عليك
أيمن....الله يبارك فيكى
قامت بامضاء العقود واستلمت المبلغ وذهب المشترى بعد اخذه عقد تمليك للشقة
أمل بحزن.....ربنا يعوض عليكى يا بيان
بيان....تسلميلى يا أمل
نجوى.....محدش عارف الخير فين وربك بيسبب الأسباب
بيان......ونعم بالله عن اذنك يا طنط هاخد أمل وأخرج اروح لمعتز اللى قولتلك عليه علشان اقابل الزبون اللى عايز ارسمله لوحة لوالدته وأودى اللوحة اللى رسمتها
نجوى.....ماشى يا حبيبتى وخلى بالكم من نفسكم وانتى يا أمل مقلتليش ايه رايك فى موضوع العريس اللى متقدملك ده
أمل بكسوف....الله تشوفيه بقى يا ماما
بيان....قوليله ييجى يا طنط ويخلصنا منها خير البر عاجله
نجوى.....عقبال عندك يا حبيبتى انتى كمان لما افرح بيكى
بيان....تسلمى يا طنط وربنا يخليكى ليا
.............................
خرجت بيان وأمل من العمارة متجهين إلى الجاليرى الخاص بمعتز وكانوا يتحدثون حول موضوع المال
أمل.....انتى هتروحى تودى الفلوس بكرة
بيان....لسه المهلة فيها ٣ ايام
أمل.....هتروحى فى اخر المهلة
بيان....ايوة لانى بصراحة مش طايقة اشوف وشه دلوقتى لانى كل ما افتكر اللى عمله فيا ووصلنى لبيع الشقة اكرهه اكتر واكتر حاسة كأنى نفسى اقتله وارتاح منه علشان ميبقاش له وجود في الدنيا
قالت ذلك وفرت الدموع من عينيها وعندما رأتها أمل مسكت يدها تضغط عليها لتواسيها قليلا
أمل....خلاص يا حبيبتى اهدى وبلاش عياط امسحى دموعك احنا قربنا نوصل العنوان بتاع اللى اسمه معتز ده
بيان بقهر....اااه حاسة بنار جوايا يا أمل يبقى ينحرق فى نار جهنم حيدر ابن سلوى
أمل.....خلاص اهدى احسن اعيط انا كمان وهتبقى مناحة دلوقتى فى الشارع والناس هتتلم علينا
بيان.....لاء بلاش علشان لما بنعيط مع بعض بيبقى شكلنا زبالة
أمل.....ايوة كده روقى بقى
بيان....ربنا يرزقه باللى ينكد على اهله البعيد
.............................
عند معتز
معتز....اهلا بيكم اتفضلوا نورتوا الجاليرى
أمل......شكرا يا استاذ معتز
بيان....انا جيت لحضرتك زى ما طلبت منى
معتز....اتفضلوا تشربوا ايه الأول
بيان....لاء شكرا لحضرتك واتفضل حضرتك اللوحة اهى
اخذ من يدها اللوحة فكانت لمنظر طبيعى كانت رسمته بكل دقة واحترافية فاعجبته جدا ومدح رسمها
معتز....جميلة جدا انتى بجد موهوبة يا آنسة بيان
بيان.....شكرا يا استاذ معتز
معتز.....اتفضلى دا تمن اللوحة
اخذت بيان من يده المال ووجدته مبلغ مالي كبير فتعجبت من انه دفع لها كل هذا المال من أجل اللوحة
بيان.....بس ده كتير اوى كده يا استاذ معتز
معتز....لاء مش كتير ولا حاجة انتى بجد رسمة اللوحة حلوة جدا
بيان....هو الزبون هيتأخر على ماييجى علشان بس مستعجلين
معتز..... لاء خلاص الزبون على وصول هو اتصل عليا وقال جاى فى الطريق
حضر الزبون المرتقب وتم التعارف بينه وبين بيان واعطاها الصورة التى يريد ان ترسمها لوالدته واتفق معها على اعطاءها جزء من المبلغ واستلام الباقى بعد انتهاء اللوحة
معتز.....اتمنى بقى يا انسة بيان متكسفنيش مع الزبون
بيان....لاء ان شاء الله كل حاجة هتخلص فى ميعادها عن اذنك
معتز....اتفضلوا ومع السلامة
بيان..... الله يسلمك
خرجت بيان وأمل من عند معتز فاقترحت أمل على بيان ان يذهبوا لاكل الايس كريم فهم يعشقون أكل الآيس كريم
أمل....تعالى نأكل ايس كريم
بيان....ماشى يلا بينا ربك كريم اوى اهو المبلغ ده يمشينى شوية على ما اشوف شغل تانى
أمل....ان شاء الله ربنا هيوفقك يا حبيبتى
بيان.... يارب يا أمل ادعيلى
أمل....بس باين على اللى اسمه معتز ده انسان ذوق ومحترم چان فى نفسه كده
بيان....هههه انتى عينيكى زاغت عليه ولا ايه
أمل....لا طبعا بس اسلوبه محترم يعنى ومنكرش يعنى هو شكله حلو
بيان.....اه فعلا هو ذوق جدا فى كلامه مش زى ناس معندهاش ريحة الذوق ولا تعرفه متعرفش غير انها تقرف الناس اللى حواليها
أمل....بتلقحى على مين يا بيان ها
بيان....مش بلقح على حد يا اختى انا بتكلم عادى
أمل....والله يعنى مش بتلقحى على الباشمهندس حيدر
بيان .....متجبليش سيرته بتعصب لما بسمع اسمه
أمل.....الصراحة اول مرة اشوفك بتعاملى حد كده ليه ده كله يا بيان ايه السبب
بيان.... علشان................
يتبع..
google-playkhamsatmostaqltradent