رواية هل هناك فرصه الحلقة السادسة 6 بقلم كوكي و ندى السعيطي

 رواية هل هناك فرصه الحلقة السادسة 6 بقلم كوكي و ندى السعيطي

رواية هل هناك فرصه الجزء السادس

رواية هل هناك فرصه البارت السادس

رواية هل هناك فرصه الحلقة السادسة 6 بقلم كوكي و ندى السعيطي

رواية هل هناك فرصه الفصل السادس


" شرف " عديناهم وكان المبلغ 100 ألف 💸🔥 
علي فتحت الباب وشهقت ايه انا انصدمت عديت كريتهاا : تحكي حرف واحد نذبحك تسمعي 😡
ايه بخوف وترعش : اااناا جيت عشان 
محسن : شنو في وغطا السرير باتي 
وانا سكرت الباب : شنو تبي ؟؟؟
ايه بخوف : خالد هو طلب مني اناديك اصحابه طلبو يشوفوك ويقعدو معاك هك قال خالد 
محسن : باهي درقي وجهك ولكن نسمع حرف واحد بس من يلي شفتيه وقتها ذبح واشرت علي رقبتي عارفتيني نديرها صح والله لا
وايه كانت من صغرها لما حد يديرلها هك لنفسها تجيها حالة رعب مش طبيعيه هزت راسهاا وانا طلعتهاا وكريتها للحمام : اندلفي جوا راك تعمليها علي روحك ياا مضحكه ورديت الباب 
" محسن "  لميت فلوس بسرعه انا ومنى وخش شرف قعد يلم معانااا وكنا فرحانين واجد 
منى : انا من توا عطينا حق حجز صالة عرس قدام الناس وخليني نشري لبس جديد لياا وخرات هذينا ايه وسهى قدام الظيوف ما عندهن 
محسن : باهي كم تبي 
منى : هيت 30 ألف 
انا بحتت فيها : مش كأنهم واجد ؟؟؟
شرف ضحك : عطيها يا باتي الخير واجد بس راه زوجوني 
انا ضحكت : حاضر وعطيت منى 30 ألف فرحت بيهم
منى : توا نجيب حتى ذهب ليا 
محسن : باهي مبروك وتوا نبي نجهز المبلغ يلي نعطيه    لك عشان تجهزو توليب وانت حاتتكفل بشيلتها للمول خليها تجيب ملابس لها كعروس وانتي امشي امعاهم لكن بنات لا 
حايمشن مع خالد وهويدا ومعاهم عمتهم حنان 
منى : تمام ماعش في وقت اصلا
محسن : بس زي ما وصيتكم توليب ما تعلمش توا امشي كسوهاا بدون ما توضحو ان هي عروس
شرف : انت ناوي تقوللها الدعوا هذي
محسن : في يوم فاتحتهاا نحكي معاها
منى : واذا رفضت وانا وقتها نكون مكسياا كيف حاترد الفلوس للعريس
شرف : تي كف ونذبحها اذا رفضت 
محسن : لا مش حاترفض
منى : وشنو هالثقه الكبيره هذي
محسن : لان مش حاتعلم بعمر العريس حاتشوفه في العرس حتى اختها تشوف عريسها في العرس 
شرف : هههه فكره حلوه وكم تبي تعطي توليب 
محسن : توليب نعطيها كسوتها ملابس بس وصا عريس واهم شي حتى ذهب عشان يعرف ان عطيناها  فحنسلم 30 ألف اخرا لك يا شرف وزي ما قلت بالسر
شرف ابتسم : تمام وخداه فلوس وحطهم في جيبه
هيا جهزي روحك انتي وتوليب نعدو 
منى : قصدك تواا
شرف : اها توا خير مطولين وزحمه وقصه
محسن : امشي توا خير عشان بكرا تطلع هويدا وتكمل باقي كسوتها واتاثها محجوز قالت 
شرف : اها تمام انا في مربوعه نشوف اصحاب خالد اشويه لاعند ما تجهزو وطلع شرف 
" ايه " طلعت وانا قلبي قريب وقف تلاقيت مع شرف اخرا خفت شير علي رقبته نزلت راسي وخشيت لغرفتناا وهو عدا قعدت في حاله سيئه 100 ألف منيلهم ؟؟ وليش مايبوش حد يعرف بحتت في باب خشت توليب بحتت فيا وشافت خوفي استغربت قربت مني وقعدت جنبي : كنك ؟؟
ايه : لا ما في شي ما تخافيش
توليب بأصرار : ندويلك شنو في عارفتك اكويس
علي خشت امي وبحتت فيا زيين 
وبحتت في توليب : انتي جهزي نفسك تمشي معانا
توليب بحتت في امي : علي من تقصدي انتي ؟؟
امي : نقصد جارتي عليك غباء مانعرفش كيف وصلتي للشهاده جهزي روحك بلا دوا زايده عالصبح وطلعت
توليب انصدمت : وين حانمشو ؟؟
ايه : مش عارفه جهزي روحك توا تعصب عليك
توليب تأففت : كنت نبي نرقد تعبانه خربت عليا
وصبت تغير وبعد جهزت جات هويدا وسهى 
وحكينالهم امي شنو طلبت من توليب
هويدا : غريبه وين حاتمشو ! 
توليب : مش عارفه توا نحكيلكم بعد نجي وعدت لأمي يلي نادتها وشفناهم مع روشن شرف يسوق
انا من الخوف سكتت ما حكيتش عالفلوس اكيد مش لنا مستحيل يكون لهم ماعندهم هالمبلغ اها صح لانهم خافو وجبروني نسكت 
" هويدا " زعما وين حايمشو 
قاطع تفكيري خشت باتي وقال : هويدا بكرا حاتمشي انتي وخواتك وعمتك حنان عشان تجهزن للعرس واختاري ملابس حتى لخواتك توا نعطيك تكسيهم للعرس وقرب عطاني فلوس في يدي هضا باقي مهرك وراجلك المهبول كاتب علي كل ورقه اسمك 
انا هضا وين فطنت وبحتت وانصدمت من هضا زعما
محسن : وهضا لخواتك مش من مهرك راه 
انا بحتت فيه : خواتي نور اعيوني نكسيهم بمهري مش مستحقه فلوسك ردهم تستحقهم في العرس
محسن : علي كيفك بس مرات ينقصن
هويدا : لا قتلك هنا نور اعيوني هنا اهم شي بالنسبه ليا فأطمن وابتسمت وهو مصدوم رد فلوسه في جيبه وطلع مستغربته ماعمرش تصرف هك غريبه 😴
سهى : هويدا ليش درتي هك وهو مهرك انتي ما كملتي حجاتك والعرس قرب 
انا ألتفتت : مش ضروري نجيب كل حاجه مانحبش فخفخه الزايده اصلا مش راضيه عالعرس الله غالب وانتن ما تفكرنش فياا توا نكسيكم بكرا 
ايه : انتي ما تفكريش في نفسك تفكري فينا اكتر شي وهالشي يذبح فيا وطلعت ايه جيت نبي نلحقها وقفتني سهى : لا خليهاا وكلامها صح انتي عروس
هويدا ضربت راسها بخفه  : بلا سكنان ع عروس
واتهزيت وفي نفسي قصدك جثه انا مش عروس 
" توليب " بحتت في المول يلي جينا عليه ونزلنا خشينا جوا وامي قعدت تختار في ملابس وتقولي قيسيهم استغربت عديت قستهم وكانن يهبلن بس انا عليش نلبس فيهم مفروض جابو هويدا هي العروس مش انا ماعش فهمتهم عيلتي هذي 😴
طلعت واختارتلي حجات اخرا واحذيه وطالبه نقيس مليت تعرفو قاعده زي الاطرش بالزفه مانعرف شي 
مرت ساعات طويله ونحنا مزلنا برا شفت شرف يدفع للراجل استغربت غريبه يعني وشرف يحب فلوس واجد كيف صرفهم عليا معقوله تغير 😍 ويقعد طيب راحن احلامي لبعيد بعد جاه 
شرف : هيا انتي خفيها وعزق عليا اكياس شيليهم مش دبشك هو وابتسم بخبث زي عادته
كان مستفز شرف ولكن خالد مايرحمش نخاف منه وشرف نوعا ماا ييتسم عكس خالد طلعنا لأماكن اخرا 
وزي عاده امي اختارتلي وتوا اختارت لنفسها خذت فستان فخم بكل ملكي فتحت فمي من الدهشه 😮
منى : كنك قولي ما شاء الله  
توليب وقتها ضحكت : مافيش بنت تحسد امها
وشرف فنص فياا زين وخفت بلعت ريقي
شرف : يا حيوانه كيف تضحكي المكان في حتى رجاله قعدو يبحتو سكري فمك خيير ما انخيطه لك
توليب : اسفه ونزلت راسي وهو ما بطلش هزايب
وامي جابت حجات اخرا لنفسها وبعدها عدينا لمحل الذهب جابولي طاقمين ذهب وانا مصدومه
وحتى خاتم بروحه وامي جابت لنفسها وخدت عرم وكانت فرحانه والسؤال منيلهم هالفلوس ؟؟
" هويدا " درت الغذاء " وجاه اسلام توا فرحت بجيته هو تؤمي ويعز عليا واجد قعد في المطبخ وحط راسه بين ايديه جيت لاعنده : كنك في شي ؟؟
اسلام : مش قادر حتى انبحت فيك
هويدا : وليش ما درتلي شي انت
اسلام بحت فيا والحزن في اعيونه : انا كأخ مش قادر نمنع هالزواج انتي مش راضيه عارفك وانا خايف حتى علي خواتك مزالن اصغار عالزواج والمسؤليه
هويدا بلعت ريقي : انا ماتفكرش فيا مش مهم 
وبالنسبه لخواتي مستحيل مش حانخليهم حانزورهم ديماا ساد انا تزوجت ع  20 هنا صغار  
علي خشت خالد وبحت فينا وقلب وجه ما تكلم انا سكتت وألتهيت بالغذاء وخالد قعد في مكاني 
خالد : شنو كنك قريب تبكي زي البنت مش سادنا النكد يلي عندنا والتمثيل الزايد وانا دغري بحتت  ورايا رفع يده اسلام يبي يضربه كف بس خالد مسك ايده وفصعها له شهقت جيت نجري بس هو حقير دفني  وبحت في اسلام يلي وجه احمر قعد : جرب ارفعها يدك المره الجايه مش نفصعها نكسرها كسر هضا يلي ناقص مفعوص اصغير يبي يضربني وطلق يده
اسلام صبا وايده علي يده التانيه : انت حيوان تسمع
وانا مش صغير علي الاقل انا مش زيك نتمرجل عالبنات ما تنسش حتى الرسول عليه السلام وصه عليهم يا حيوان وخالد انصدم جاه يبي ياخد موس يضرب اسلام صوت باتي وقفه
محسن : خالد انت جنيت وقرب كر موس من ايده وضرب خالد كف علي وجه : انت تبي تقتل خوك
خالد انهار : تضربني انا عشانه هو يلي مخليك وعايش مع خوك من سنوات ادافع عليه
محسن : انت مش شورك وهو ولدي حتى هوا تبيني ننفرج عليك وانت تقتل فيه ونصفقلك امشي خير ما انوريك وجهي الاخر امشي 
خالد دف كرسي وعداا وهو معصب ويعارك
وانا مصدومه واسلام بروحه مصدوم خالد يبي يقتله وبااتي دافع عليه زادت صدمتنا لما قرب من اسلام وحضنه : ماعش ادير مشاكل مع خوك وبحت فيه وعدا 
" اسلام " نزلت راسي ومش قادر نستوعب يلي صار 
وهويدا جاتني وعطتني اميه رديتها لها وبحتت فيها
: انا ماشي وطلعت بسرعه خطمت من مربوعه جاني صوت خالد : حانوريك يجي يوم واندمك علي ردك
انا بحتت فيه : ما عندي ما انقول الا شي واحد بس وخالد بحقد يبحت واعيونه عليا يرجا فيا انقول فقلت شي خلاه يصبي
اسلام : ان شاء الله ما تخلف بنت تعذبها ببن ايديك
وان شاء الله انشوفك وانت تركعلي وتطلب انسامحك وطلعت بسرعه وهو يسب ويعارك هزيت راسي وعديت علي كرعي لحوش عمي محمود كانت رشا برا تسقي في الورد بحتت فيها وماتندريش علياا 
بعد ألتفتت تبي تخش من الباب جات عينها في عيني انصدمت وحطت يدها علي قلبها وانا سارح فيها وبسس نزلت راسها وخشت جوا تجري واما انا عديت للورد يلي تهتم بيه وشميته و ابتسمت خلتني نبتسم هالملاك يلي ساحرني ❤ 
" توليب " واخيرا وصلنا من التعب خشيت بسرعة
لغرفتنا وحطيت الاكياس علي جنب وطحت عالسرير ومازلت مصدومه خشن عليا البنات 
هويدا : وين عديتو 😁 
توليب ابتسمت : لعالم غريب عجيب
هويدا : شنو في احكيلناا 
توليب : حكيتلهم كل شي وهنا انصدمن
سهى : حتى باتي جاه وعطاه هويدا باقي فلوس كسوتها بس رفضت تاخد فلوس كسوتنا عشان باتي ما ينقصن عليه في العرس 
توليب : معقولة منيلهم ؟؟ كل هالفلوس !
هويدا : انا بروحي مصدومه يستر الله وخلاص
وفي اليوم التاني عدت هويدا مع خالد والتؤم معاها وحتى عمتي حنان عدت معاهم واما امي عدت مع باتي يحجزو في قاعة عرس من توا وكل يوم يمر ونحنا مستغربين منيلهم هالفلوس وتوا خشت عليا ايه كان مافيش حد في غرفه لان هويدا طلعت اخرا  بس مع اسلام تختار في فستان عرس وانا مابيتش نمشي كنت تعبانه اشويه عدت معاها سهى بس قربت ايه بتوتر وقالت 
ايه : من اسبوع شفت شرف وباتي وامي يعدو في فلوس وقالو 100 ألف بس شرف سكتني
انا انصدمت : معقوله ومنيلهم هالمبلغ الكبير يلي يجيب حق شقه صغيره 
ايه : مانعرفش بس متأكده ان حق مصاريف الزايده من هالفلوس 
توليب : اكيده جدي وزع الورث 
ايه : قصدك عشان عرس هويدا هو جدي يحب هويدا واجد اكيده هو بحتنا روشن وقفت سياره وشفنا عمي احسين وزوجته والعويل ومعاهم جدي
عدينا استقبلناهم وخالد راقد جوا وشرف برا في السور فتحلهم الباب وفرحنا بجيتهم وجدي سأل علي هويدا حكيناله ان عدت مع اسلام وسهى 
الحاج ونيس : وين باتكم 
شرف : عدا مع امي يحجزو في القاعه وقطف الفاضي متع الصبايا
احسين : اها امتى شيل دبش هويدا 
توليب : بعد بكرا 😃
الحاج ونيس : مافيش شي ناقصهاا ؟؟
توليب : هي خذت حجات بس ماتبيش اتكتر قالت مش مهم ناخدهم توا 
احسين : شنو يلي ما خداته نبو انجيبوه هديه لهاا 
شرف لواه فمه وقعد يدخن وهازي 😏
توليب بفرحه : ما جابت صالون الصاله جابت متع غرفة ظيوف بس وصاله كبيره سمعت وشماعات ما جابت وفرش عجمي ما جابتهم 
الحاج ونيس ابتسم : لا معقوله هويدا عيب عليها شقتها تقعد فاضيه هك تعالي معانا واختاريلها خليها مفاجأه وانا فرحت وعديت نلبس وعدت ايه معانا اخترتلها صالون يهبل بكل وحتى فرش عجمي وشماعات بس عمي احسين  زاد اخرا من عنده وجاب طاولة اكل بعد سألني ان جابت او لا فقلت لا 
فرحت واجد توا تفرح هويدا بهدايا جدي وعمي وفعلا بعد روحنا كانت جايه من اشويه وفرحت بشوفت عمي وجدي اكتر من يلي جابوه معاهم وحطيناه في المربوعه فضيناها وقعدنا جوا شفت باتي وامي خشو توا وبحتو فياا وكانو يبتسمو وبعدها سلم علي باتي وتصالح معاه لانهم كانو متعاركين من خلاف عمي محمود نهارتها في فاتحة هويدا وطلب يحكي مع جدي وعمي احسين علي انفراد وانا متشوقه نعرف جيت نبي نصبي لزني شرف وطلب انديرله قهوه عصبت وعديت للمطبخ وهويدا غيرت وجات  
" يعقوب " بكره الفاتحه بحتت في نفسي شكلي حانصبغ شعري ولحيتي عشان الشيب يلي طالع مزلت اصغير عاد وفرحتي لا توصف وكأني اصغير في 20 هههه فضيت جهة من دلاب عشان العروس تحط ملابسها بعد اتجي وانا متأكد ان حاترضى واكيد عشان فلوسي مايهمش العمر بنضرها ههههه ساد باتها يلي باعها كيف حايرد الفلوس يلي متأكد ان صرفهم وبالعاني دفعت مبلغ كبير عشان نحطه تحت الامر الواقع مش يعرف يلعب مع من 🔥👌💸 
" احسين " محسن انت بعقلك ؟؟؟ 
محسن : الراجل عطيته كلمه خلاص وحتى صرفنا وجهزنا للعرس وتوليب حاتعلم بكرا فاتحتها في الجامع وحانقوللها قبل ما نمشي
ونيس : لا حول ولا قوة الا بالله بنتك تتزوج هك ؟؟ 
باهي من هضاا ولعيت من هو وكم عمره ؟؟ 
محسن سكت اشويه وقال :  ما نعرفش غير كنيته وهو اكويس ما تخافش يا باتي واسمه يعقوب الحوتي
ونيس استغرب : سامع بيه لكن مش شايفه سمعت ان غني 
محسن ابتسم : اها وما شاء الله ما قصرش في جهاز توليب عباره ان تجي غادي مع دبشها بس 
 ونيس : ربي يهديك وخلاص ربي يكون في عون بناتك تخطط وتزوج فيهم بدون علمهم احكي للبنت توا اسمعني قبل الفاتحة اذا رفضت حانوقف معاها انا مايقدر حد يمنعني وكان عالمصاريف يلي صرفتهم نوزع الورث من توا وادفعله للعريس
محسن : لا مستحيل اكيد حاتوافق توا نقوللها توا وعدا جوا وانا بحتت في باتي : واجعتني هالبنات يا باتي شفت كيف يبي يزوج توليب مش طبيعي هضاا ومسكينه فرحانه لأختها ماتندريش ان عرسها في نهاية الاسبوع مع اختها حتى هي
ونيس : انا قلت ترفض مافيش لا عرس غير واحد وهو لهويدا بسس 
" توليب " كنت نهدرز مع بنات عمي احسين وخواتي سمعت باتي نداني عديت وخشاني لغرفته مع امي وقعدني وبحت فيااا : انتي تعزيني ؟؟ 
بلعت ريقي من سؤاله الغريب : اكيد انت باتي 
ابتسم : خلاص ما ترفضيلي طلب وعرسك مع اختك هويدا يوم الخميس وكل شي جاهز 
توليب فتحت فمي : شنووو 😨
محسن : فاتحتك بكرا خلاص عطيت كلمه للراجل يلي طلبك ما تصغرنيش قدامه وفي الحالتين حاتتزوجي سوا توا او بعدين وراجل بالنعم فيه ومش حاتندمي حاتعيشي في عز وانا عشان مصلحتك يا بنتي
انا ادموعي نزلو وبحتت فيه : 100 ألف من هالراجل هضا ؟؟ جاوبني منه هووو 😟 
محسن انصدم وهز راسه 
توليب : بعتني يااا باتي عشان 100 ألف 😭💔
جاني كف قوي علي خدي قعد احمر 
وووو !!!!
يوم الفاتحه / 
اسلام : حول هك نبي نقتله 
شرف : تقتل من يا حيوان انت
اسلام : نبي نقتل باتي وجيت نبي نخنقه 
وقفني صوتهاا 🔥 
#يتبع
تحياتي لكم سلطانه كوكي وندى السعيطي ❤
google-playkhamsatmostaqltradent