رواية جرائم في منطقتي الحلقة الخامسة 5 بقلم اسماء أشرف

 رواية جرائم في منطقتي الحلقة الخامسة 5 بقلم اسماء أشرف

رواية جرائم في منطقتي الجزء الخامس 

رواية جرائم في منطقتي البارت الخامس

رواية جرائم في منطقتي الحلقة الخامسة 5 بقلم اسماء أشرف


رواية جرائم في منطقتي الفصل الخامس 

#جرائم_في_منطقتي 5
لايك عشان تصفيه
#ملاحظه الروايه حقيقيه 100‎%‎ عشان هكي في اي حلقه تلقو اروحكم تقروا ف الحلقه الاخيره لان مانبيش نزايد شي من راسي

ريناد:طلعت بهدوء تام وركبت مع اصيل بدون ماحد يشوفها
اصيل:كنك طولتي
ريناد:لازم قبل مانطلع نمر ع جميع الاقسام عشان نشوف لو حد يبي حاجه او لا
اصيل:بعصبيه وهو يسوق..ماهو طبعاً لان مستشفى فاسده زي هذي مافيش دكتور فيها يشوف ف شغله بضمير🔥
ريناد:ربي ياخذ الحق منهم وان شالله رجال الاعمال يلي في المدينه يهتمو شويه بالمناطق يلي زي هذي ويبنو فيها مستشفيات ويكون فيها ميه نظيفه وبيئه صحيه
اصيل:هزا راسه ان شالله خير مغير يتم الموضوع هذا واكيد ح نهتمو
ريناد:الضابط نضال عليش يبني
اصيل:يبي يحكي معك في كم حاجه وشافلها..ماتخفيش ح تروحي بدري وزاد سرعة السياره
ريناد:عقلها في مكان ثاني لدرجة مافطنتش انهم وصلو للمدينه
نزلت هي واصيل وخشو للقسم
____________________
اسكندار:يعني كل لازم يجي اليوم ماينفعش يغيب كم شهر اخر
ياسمين:معلش ي حبيبي الجايات اكثر من الريحات وقربت منه..بعدين انت ماشبعتش مني🥺
اسكندار:مسكها من خصرها..هو في حد يشبع منك انتي ها
ياسمين:ياريت بس لو نطلق منه ونجوزو انا وانت ونقعد معك ع طول
اسكندار:رد بسرعه..لالا خليك معه هكي انا مترياحه
ياسمين:كيف
اسكندار:قصدي يعني ان انتي اكيد مترياحه معه يصرف عليك وع هلك واي حاجه انتي تبيها تكون عندك
ياسمين:وانت موفق انتي نراقد في حضن راجل غيرك
اسكندار:خذا نفس..ياسمين بالله عليك اسكتي مانبيش نزعلو من بعضنا بعد احلى ايام عشتها معك
ياسمين:بغضب تمام تمام باه
اسكندار:باسها يلا باي نشوفك قريب
ياسمين:هزات راسها وصكرت الباب وراه بضيق
________________________
خيري:الرئيس يبي يشوف ريناد
منعم:بصدمه..شنو تحكي جد انت
خيري:وانا من امتى عندي معكم بصاره ها؟؟
منعم:بس ليش يبي يشوفها..قصدي يعني اذا كان نحن مابش يشوفنا ولا حتى يراضى يقبلنا اشمعنى ريناد
خيري:اموره هذيهن مش شوري يلي يقولي عليه انا ح ندايره
منعم:بغل بس هو واثق من ريناد هي مالهش الا شهر وكم يوم تشتغل معنا كيف قادر يواثق فيها بسرعه هذي
خيري:كلام واجد مانبيش..بعدين من امتى وانت من حقك انك تسال ها
منعم:بعصبيه..انا متاكد ان ريناد هذي ح توديكم في 60داهيه من غير ماحد فيكم يعرف ..طلع وصكر الباب وراه بقوه
خيري:اوووف الفاسد زرع الشك فيا..ع العموم انا مليش علاقه بيهم كل يلي علي اني ناخذ ونعطي في اومر وبس

ماكنش يعرف ان كلام منعم؟؟🔥
___________________________
نسيبه:لا صحه بابا ماعنديش نيه
سعيد:تعالي سيريني ع الاقل
نسيبه:هههه حاضر باه
قعدت نسيبه مع بوها تحكي معه وهو ياكل وتضحك معه وتحكيليه ع مشاغبات فاطمه لعند ماكمل ناض شرب شاهي وخش راقد لان تعبان❤️
نسيبه:كملت غسل المواعيين وخشت جانب اختها في سرير
تقلبت واجد عشان مش جايها نوم..طاحت عينها ع كتابات وشيتات بتعت الجامعه بدون ماتحس وكانها كانت مش في واعيها مشت شورهن وخذاتهن شرطتهن وعزقتهن في الزباله(اكرمكم الله)في لحظه هذي حست بشي ترياحه داخلها مش عارفه هي شنو بس المهم انها ترياحة لدرجة حتى بعد ماحطت راسها ع المخده قدرت انها تراقد ع طول💔
_________________________
ريناد:وهذي كل المعلومات يلي عندي من بداية شهر لعند اخر يوم
نصال:بحزام..المهم انك تاخذي منهم معلومات ع قد ماتقدري
اصيل:بغضب..انا لو عليا نبي نقتلهم بيدي مش مكافيهم انهم يقتلو ويبيعو لا اخر يتاجرو في الممنوعات
نضال:اصيل انت خليك برا الموضوع خليني نشوف شغلي براحتي
انا عارف انك تقدر تجيهم ان شالله وين ما يكونو بس كل شي بالقانون ح يكون في صالحنا
ريناد:بثقه.. وانا متاكده ان نقدر نجيب منهم معلومات لان خلاص شبه انهم حطو فيا الثقه يعني مافيش خوف
نضال:انسه ريناد ماتهمنيش الحد الناس هذي غداره وماعندهمش صحاب مع حد خليك بالك كويس منهم ومن كل حركه وكلمه اتقوليها قدامهم
اصيل:شافلها بنبرة صوت فيها حزام..اي ريناد خليك بالك من نفسك لان الناس زي هذي مش بعيد حتى انهم يقتلوك لو عرفو انك تشتغلي معنا وضدهخ هن مش معهم
ريناد:ماتخفوش عليا نعرف كيف نتم اموري
المهم الخطوه الجايه شنو؟؟
نضال:هم اكيد ح يختبروك اخرى عشان هكي خليك جاهزه لي حاجه مفاجأه
ريناد:تمام وشافت الاصيل
اصيل:فهم..هي ريناد
نضال:ناض كل بعد فتره وفتره ح تجيني مع اصيل عشان ناخذ منك معلومات
ريناد:تمام وطلعت
اصيل:سلم عليه..شكراً نضال ع كل شي انت ضابط كويس والبلاد ح تكون كويسه بيكم
نضال:هذا شغلي سلملي ع راسل نيروز
اصيل:مع سلام وطلع ع طول اتجاه شور سياره لان بجد ريناد تاخرت وربي يستر🔥

أسمـــاء أشـــــرف🔥
🔥روايـــات أســــــــماء أشـــــــــرف

ياسمين:قاعده في حضن هاني وتفرج ع تلفزيون في جو رومانسي مع راجلها يلي المفروض تكون فرحانه بشي هذا كيف اي بنت لما تفرح بي اهتمام راجلها لان مش كل الرجال تهتم الا القليل..كنت تشوف التلفزيون وتذكر في كلام اسكندار

اسكندار:قصدي يعني ان انتي اكيد مترياحه معه يصرف عليك وع هلك واي حاجه انتي تبيها تكون عندك
ياسمين:وانت موفق انتي نراقد في حضن راجل غيرك
اسكندار:خذا نفس..ياسمين بالله عليك اسكتي مانبيش نزعلو من بعضنا بعد احلى ايام عشتها معك
ياسمين:بغضب تمام تمام باه

قطع تفكيرها بوسات هاني ع خدها بحنيه
هاني:رايفت عليك..خذ نفس..اخخخخ لو تشوفي معاكسات يلي خذيتها من البنات طول الرحله
ياسمين:بغيره مصتنعه..وانت عطيتهم وجه ولا؟
هاني:تي نعطيهم وجه شنو وانا الجمال كله قاعد جانبي❤️
ياسمين:امممم كويس باه
هاني:بحركه مفاجاه خذاها من يدها وطلع بيها فوق
اما ياسمين كانت مصدومه من حركته بس معدلتش لان ك العاده ح تراقد معه كان اسكندار💔

بعد مرور وقت
ياسمين راقد ع صدره وتلعب عليه..هاني نسالك سوال
هاني:يبوس ف شعرها..شنو حبيبي
ياسمين:انت اول مره تكونرمعي عنيف عليش؟؟غريبه لان
هاني:ابتسم وشافلها..لاني رايفت عليك وع كل شي نداير فيه معك😉
ياسمين:بدون ماتحس قربت منه وباسته في فمه بوسه خفيفه
هاني:ابتسم لحركتها وقاعد يمسح ع شعرها
ياسمين:بتفكير..ليش اسكندار مايدرش زي هاني لما يقولي انا مرايف عليك..مش المفروض يعملني بعنف ويسمعني احلى كلام زي هاني توه💔ولا هو يقولي مرايف عليك ع الفاضي ومش من قلبه
لا انا لازم نشوف الموضوع هذا لان ولا مره حسيت بنفس الشعور مع اسكندار زي ما حسيته مع هاني توه❤️خذاها التفكير لابعد من هك لدرجة تعبت منه وراقدت بدون ماتحس
______________________________
وصلت ريناد للحوش واخيراً كنت ساعه12 ف لليل
خشت ريناد بهدوء تام عشان ماحدش ينوض لكن تفاجات بحد ولع ضي صاله
نجاة:بصوت واطي لكن بعصبيه..واخيراً شرفتي
ريناد:تريحت لما شفت امها لان لو بوها كان ممكن تموت فيها..ولله يا ماما معلش كان عندي شغل انتي عارفه ان المستشفى كلها فوق راسي
نجاة:بغضب..مايهمنيش لا مستشفى ولا مرضى انا المهم عندي انك تروحي بدري عشان انتي عارفه كلام الناس كيف يودي وكيف يجيب
ريناد:حاضر ي ماما اول مره واخر مره
نجاة:ومع من جيتي ان شالله
ريناد:بتوتر..جيت ع راجليا
نجاة:وووك عليا ووك تبي تقتليني انتي
ريناد:خلاص ي ماما وربي مافي شي صار تعبانه خليني نمشي ندوش ونراقد
نجاة:امشي من قدم وجي وبكرا لنا كلام ثاني
ريناد:خذات بعضها وخشت..اما نجاة كنت تدعي ان مافيش حد يكون شاف بنتها وهي جايه بروحها وع راجليها لان وقتها سيرتها ح تكون ع كل لسان🤦🏻‍♀️🔥
________________________
اصيل:يحول في الجاكه بتعته بتعب وارهاق
امه(ندى):خشت عليه ومعها كباية عصير
اصيل:قرب منها وباسها ع جبهتها..يخليك لي
ندى:وين كنت بس انشغلت عليك
اصيل:معلش الفتره هذي مشغول في كم موضوع
ندى:ماتبيش تقولي؟
اصيل:ابتسم..بعد يتم الامر توه نقولك
ندى:بعصبيه..ديما هك انت مافيش ع لسانك الا الكلمه هذي سو انت ولا جدك
اصيل:هذه الشبل من ذاك الاسد..ماتنسيش ان جدي هو يلي مربيني
ندى:تنهدت..ع العموم خلي بالك من نفسك لان انت كل حياتي لو صارت فيك حاجه لا قدر الله انا ح نم
اصيل:خلاص ماتكمليش ان شالله مش ح يصير الا كل خير
ندى:حطت العصير ع الطاوله وطلعت
اصيل:بدون مايحس عزق روحه ع السرير وراقد بالكندره من تعاب لان شبه كل كم يوم يسافر من المدينه للمنطقه يلي فيها ريناد❤️
__________________________
سعيد:ناض صباح ساعه7عشان يمشي لشغله لكن تفاجاء بكمية الاوراق المشروطه
نسيبه:صباح الخير بابا
سعيد:صباح النور عليش نايضه؟
نسيبه: بحب..عشان نديرلك الفطور
سعيد:هزا راسه ومشه قعد ع طاوله..نسيبه بنتي نسالك
نسيبه:وهي تقلي في دحي..نعم بابا
سعيد:شنو كمية الاوراق هذي بتعت شنو
نسيبه:بدون اهتمام..هذين اوراق الجامعه وشيتات وكتابات
سعيد:بصدمه..وعلش شرطيهن مش معنى انك نجحتي انك اديري هكي اكيد ح يجي وقت وتحتجيهن
ريناد:تجهز في سفره..لا اطمن معش نبيهن في شي
سعيد:باهي ع الاقل كنتي عطيتهن الينت عمتك نوران تستفيد بيهن
ريناد:حطت سفره قدامه..لا هي بروحها ماتبيهنش لان قالت معش تبي تقرا
سعيد:خليها تفكر بس انها تبطل وتشوف شنو يصير فيها..هذا طب مش حاجه سهله تبي تقتل اختي هي
ريناد:ع كيفيها ي بابا نحن مالنش داخل
سعيد:شافلها بغضب لان ماتوقعش ان تقوله هكي ناض من مكانه خذه جاكه وطلع اما ريناد غطت السفره وردت راقدت جانب اختها عشان لما تنوض تلقى الفطور واتي
______________________

الاقراب عقارب؟؟؟
جمله كلنا نقولو فيها بمجرد مانشوفو شي مش تمام من قريبك او تشوفي ان باعك او حكا عليك او غدار بيك او حتى شوه سمعتك بين ناس

في كل عائله في شخص فعلاً عقرب
عقرب لان فراق بين اثنين عقرب لان فتن بين الاسياد عقرب لان حكا ع شخص هذا قدام الشخص هذا ومشا طيح بينهم عقرب عشان حكا كلام مش تمام ع بنات العائله الي المفروض هو يحميهم🔥

كل انسان عنده حد يغير منه بمجرد ان هو احسن منه مع ان لو يسعى ويمشي يشوف حاله والحاجه يلي هو ناجح فيها ح يكون احسن منه بواجد..بس نحن طبيعتنا ك بشر نحبو نقعدو في مكانا ونقولو(ليش انا ماعنديش نفس فلان ليش انا مش ناجح نفس علان ليش انا ماعنديش فلوس ليش انا مانسفرش زي فلان هذا ليش وليش وليش وليش وليش وووو الخ)
صبي نوض من مكانك واسعى وربي ح يسعى معك ماتقعدتش قاعد وتشوف للناس وللحاجه يلي ف يدهم🔥صفي نيتك واتاكل ع الله واكيد ربي مش ح يخذلك❤️

(كلامي هذا👆🏻لاي حد عنده حلم ومش عارف يحققه وقاعد حزين عشان ربي ماحققلش حلمه لان هو ببسطه ماسعش فيه ف طبيعي ربي مش ح يحققه لك الا بي اراده وعزيمه منك حتى لو طحت كم مره رد وصبي وحاول لين ماتوصل🙏🏻❤️لا يأس مع الحياه)

أسمـــاء أشـــــرف🔥
🔥روايـــات أســــــــماء أشـــــــــرف

نوران:اهلين خالتي تهاني
تهاني:بخبث..اهلين ي غزاله شخبارك
نوران:اهو ماشيه اموري..ولتفتت الانتصار..ماما نبي نمشي النسيبه
انتصار:بخوف..عليش؟؟كلمتك هي قالتلك تعالي
نوران:لا ماكلمتنيش بعدين من امتى انا نمشيلها الا لما تكلمني ها؟
انتصار:لا ما
تهاني:عدي بنتي البسي عشان تمشي
نوران:شفت التهاني والانتصار بعدين خشت تغير دبشها
انتصار:عليش تبيها تمشي كان صارت حاجه في نسيبه توه يقولو من نوران
تهاني:بعيون كلها شر..ي الهبله بالعكس خليها تمشي عشان تجيبلنا اخبار او اي شي بخصوص الدواء يلي عطيته لك امس
انتصار:وهو لدرجه يداير مفعول ع طول
تهاني:من اول ساعه ع طول مفعوله سريع
انتصار:ربي يستر ماننفضحش عشان مانمشيش في داهيه بسببك وبسبب افكارك
تهاني:ماتخفيش خليك معي بس..خلاص اسكتي نوران جايه شورنا
نوران:ماما انا ماشيه
انتصار:ح تمشي بروحك
نوران:اي ماتخفيش عليا سلام وطلعت
انتصار:الله يهديك ي تهاني ي ريتني ماسمعت كلامك
تهاني:غير اسكتي توه بعدين تجي تشكريني😏

(القصه هذي👆🏻حقيقيه100‎%‎ وصارت من كم شهر اخر ولما بدو في بعض مدن ليبيا يطلعو في سحر انكشاف كل شي بس كيف؟ وشن صار؟كل شي ح نعرفوه في الحلقات الجايه🔥)
__________________________
ريناد:نعم خيري شنو في؟؟
خيري:بدون مقدمات او اي كلام مالهش دعوه الرئيس يبي يشوفك
ريناد:بصدمه وخوف..عليش؟شنو درت انا عشان يطلب يشوفني
خيري:لما تشوفيه ح تعرفي
مختار:والاهم ان توقعي في اي يوم ناخذوك من دون سابق انذار عشان تشوفيه
منعم:وطبعاً لك الشرف انك تشوفيه لان لا انا ولا مختار شافنه ولا حتى هو طلب يشوفنا
ريناد:هنا زاد خوافها..عليش يبي يشوفها ليش رافض ان يقبل مختار ومنعم مع انهم لهم 7قرون يشتغلو عنده🤦🏻‍♀️ممكن يكون شك فيا؟؟اي اي اكيد شك ويبي يقتلني انا لازم نتواصل مع اصيل بي طريقه
كل هذي افكار في راس ريناد يلي مصيرها مجهول ومش معروف شنو يبي يصير فيها!🔥
خيري:تمام انسه ريناد
ريناد:خذات نفس وبقوه..تمام واكيد لي شوف اني نشوف رئيسي..عن اذنكم وطلعت بسرعه وهي تنفس بصوت عالي تقول كانت في سابق جري😂🤦🏻‍♀️
__________________________
ياسمين:عينك من روحك
هاني:بحب..روحي معك يا قلبي❤️
ياسمين:ابتسمت
هاني:صكري الباب وطلع
ياسمين:صكرت الباب وع طول حطت ع رقم اسكندار
اسكندار:صباح الخير حب
ياسمين:بعصبيه..لا حبيبتك لا شي توه توه ي اسكندار تكون قدامي توه..وصكرت في وجه
اسكندار:الو الو..يلعن 🤬الفرخه تصكر في وجي لكن وربي تشوفي مش تبي تشوفيني تمام انا ح نخليك ي ياسمين تشوفي وجي الحقيقي🔥

بعد نص ساعه
ياسمين:قاعده في صاله تاكل في روحها وتهزا في راجلها بتوتر..انفجعت من صوت الباب وهو يطق بقوه اتجهت شوره وفتحت
اسكندار:خش جو وصكر الباب بقوه..كنك انتي ها؟؟عليش صكرتي في وجي في ايش تحسي هاا فهميني لشنو تبي تواصلي
ياسمين:بعدت عنه بخوف..انا جبتك هنا عشان نسالك سوال واحد بس مش عشان تهزبني
اسكندار:بعصبيه..وشنو هو السوال ان شالله اكيد تافه
ياسمين:غمضت عيونها..انت كاذب
اسكندار:كاذب؟؟
..وعليش تقولي هكي في شنو انا كذبت عليك؟
ياسمين:لان لو كانت ترايف عليا زي مابتقولي كانت درت زي مادار هاني امس معي
اسكندار:عيونه توسعو..وشن دار هاني امس
ياسمين:شافتله..مافيش داعي نقولك لان فهمك كافي😤
اسكندار:فهم..وانتي عاد قررتي من راسك ان انا كاذب عشان خاطر الحاجه هذي صح؟
ياسمين:اي لان ولا مره حسيت معك بنفس الشعور يلي حسيته مع هاني امس
اسكندار:قرب منها بغضب لدرجة ياسمين وخرت لاورا لعند طاحت ع صالون واسكندار راقد فوقها
اسكندار:طبس ع وذانها وبهمس..وربي تشوفي مني الي ماشفتيش مع هاني ولا عمرك ح تشوفيه.. انا ف الاول كانت متسهل معك بس طالما انتي تبي هكي تحملي عاد🔥حكا معها هكي وفي لحظه كنت ياسمين بدون👗👙
رغما ان اسكندار دار يلي هي تبيه بس ياسمين ماحست بنفس الاحساس معه💔لان اكيد مافيش احسن واحلى من الحلال
__________________________
نوران:خلاص معش يهمني نبي نسحب ملفي من الجامعه ونشوفلي اي حد معه فلوس ونجوزه ويطلعني من الفقر هذا زي صحبتك ياسمين
نسيبه:ع راحتك دايري يلي انتي تبيه المهم تكوني مترياحه
نوران:برافعة حاجب..غريبه يعني ماهزبتنيش زي كل مره
نسيبه:لان اقتنعت ان الكلام معك مافيش منه فايد
نوران:هزات راسها باستغراب..ها قوليلي السنه لمن تبي تعطي الكتابات والشيتات
نسيبه:لا عزقتهن في الكناسه(حشا القرائين)
نوران:شرقت في الميه..كحح ككح..شنو..ككككككككح
نسيبه:اشربي اشربي ميه قبل
نوران:تشرب وتشوفلها باستغراب..عليش درتي هكي نسيبه قصدي يعني اول مره اديري هكي
نسيبه:قالت ماعندي مانبي فيهن ف شرطتهن وعزقتهن وين الغريب ف الموضوع
نوران:لا شي سلمتك..انا خليني نمشي توه قبل مايجي بابا
نسيبه:سلميلي ع عمتي
نوران:هزات راسها وطلعت تجري وهي تحت تاثير الصدمه بسبب الشي يلي قالته نسيبه💔
________________________
نوران:خشت ع امها تجري
انتصار:كنك تقول يجري ورك حد
نوران:ياريت
انتصار:تقلب ف طنجره..امالا شنو
نوران:نسيبه عزقت كل الكتابات وشيتات بتعتها
انتصار:واقفت تقلب وعيونها يبو يطلعو من الصدمه
نوران:ولا لما قلتلها معش نبي نقرا قالتلي ع راحتك ديري يلي انتي تبيه
انتصار:لتفتت شورها وهي تحاول انها تكون طبيعيه..متاكده انتي؟
نوران:وربي متاكده..مصدومه زيي صح ي ماما..وربي معك حق من يعرف ان نسيبه يلي تحب القرايه وعيونها الجامعه اتقول هكي
انتصار:بفرحه من جوا..ممكن قالت هكي عشان بس اطير العين من عليها قدامك
نوران:لالا بطريقة كلامها حسيت ان تحكي جد وبدون اهتمام حتى
انتصار:اها..خلاص يلا امشي بدلي خير مايجي بوك ويقتلك
نوران:نفخت وطلعت وهي تخبط
انتصار:مسكت التلفون ورانت ع تهاني تحكيلها بفرح🔥💔

سبحان الله شفتو كيف فرحانه في بنت خوها وبالي دارتها فيها
بس ماتحسبش ان ربي فوق واقوى من كل شي وان ح يرد ع انتصار بطريقته عشان تعرف ان الله حق👌🏻🔥
_________________________
منعم:انا مش عارف كيف رئيس يبي يشوفها
مختار:يدخان..حتى انا مصدوم كيفك..كيف يداير هكي بس ريناد هذي في لحظه تغدر بينا
منعم:نفس كلامي امبدري الخيري بس شي ولا كاني قالت حاجه
مختار:اسمع لو صار ماصار نحن مادخلنش ملناش علاقه بيهم
منعم:ع قولتك وحتى لو هددونا نحن ملفنا ابيض قدامهم
مختار:مش خايف غير ان خيري الزفت يكون يفتش ورانا ع كل عمليه ويعرف بيلي نديرو فيه
منعم:اششش اسكت ره حد يسمعنا صكر ع الموضوع توه
مختار:هزا راسه وعقله مشوش
____________________
ياسمين:تغسل في جسمها بقرف منه اول مره تحس روحه نجسه هكي..صح مش اول مره تراقد معه بس عمرها ماحست انها نجسه هكي ممكن لان اسكندار عملها بعنف وكانه يغتصب فيها🔥💔كان يداير معها في حاجات غصب عنها حتى ان حرام🔥بس هي شنو تبي ادير؟ها ماهي يلي جابته الروحها
اسكندار:طق ع باب الحمام(اكرمكم الله)حبيبتي ياسمين انا ماشي سلام
ياسمين:تبكي..ليش ليش ي اسكندار..عمري ماتوقعت انكم ادير هكي معي
بس صح ان نستاهلها هذا غلطي انا من الاول
غسلت ياسمين وطلعت كملت لبس والاول مره قعدت تراجى في هاني❤️

خش هاني للحوش ودنيا ظلام استغراب لان ياسمين ماتحبش الظلام اتجاه شور الدار بخوف عليها
فتح الباب ولقها قاعده ع سرير
ياسمين:شافتله..ومشت تجري شوره..وحضنته وقعدة تبكي
هاني:بخوف..كنك حبيبتي عليش تبكي وليش دنيا ظلام تحت
ياسمين:انا طفيت الضي وقعدت هنا نراجى فيك
هاني:باهي ليش تبكي
ياسمين:شافتلها..رايفة عليك بس🥺
هاني:ابتسم براحه..ههههه عشان هكي بس..باهي خلاص اسكتي اهو جيت انا
ياسمين:ردت شافتله وبعدت عزقت روحها في حضنه اخر❤️

أسمـــاء أشـــــرف🔥
🔥روايـــات أســــــــماء أشـــــــــرف

ثاني يوم يوم صباح ريناد كلمت اصيل وحكتله ع كل شي وان الرئيس يبي يشوفها وهو بدوره طمنها وقاللها توه نجيك اليوم

ريناد:موعد العمليه ان شالله ح يكون يوم الخميس لان لو تاخرنا اكثر منك هك حالتك ح تسوء
المريض:بالم..تمام دكتوره شكرا
ريناد:بابتسامه..ولو بشفاء ان شالله..اتجهت ريناد شور الممرعشان تطلع من القسم بس تفاجات لما شفت خيري يجري شورها بسرعه
خيري:تعالي معي بسرعه دكتوره ريناد في حاله مستعجله ولازم تخش للعمليات توه
ريناد:تمام باه.نكلم الممرض وتوه نلحقك
خيري:الممرض قاعد يراجى فينا مغير هي
ريناد:باهي والمعدات
خيري:بغضب..ريناد كل شي جاهز غير هي ولا تبي المريض يموت
ريناد:لا هي
ومشت وراه وتحاول تلحقه لان هو يجري بسرعه..خشت ريناد غرفة العمليات
ريناد:تشوف للمريض وضي كان ضعيف..كنه وجه المريض مغطينه بشرشاف ابيض😨
والضي ليش ضعيف هكي..ولتفتت الخيري..كيف نبي نداير العمليه انا والضي هكي انا ها😡؟
المريض:حول الشرشاف يلي فوق وجه..مافيش داعي لا لعمليه ولا شي😏دكتوره..وابتسام بخبث..دكتوره ريناد
ريناد:قربت منه وهي تحاول تشوف ملامح وجهه..وانصدمت لما شافته🔥
ريناد:بصدمه وقلبه يدق من شدة الصدمه والخوف..ااا ..ااص اصيل انت..انتتت اصيلل..حطت يدها ع فمها..لالالا مستحيل...يتبع

حلقه طويله ومليانه احداث غير تفاعلو🥺

google-playkhamsatmostaqltradent