رواية هل هناك فرصه الحلقة الخامسة 5 بقلم كوكي و ندى السعيطي

 رواية هل هناك فرصه الحلقة الخامسة 5 بقلم كوكي و ندى السعيطي

رواية هل هناك فرصه الجزء الخامس

رواية هل هناك فرصه البارت الخامس

رواية هل هناك فرصه الحلقة الخامسة 5 بقلم كوكي و ندى السعيطي

رواية هل هناك فرصه الفصل الخامس


" محسن" بعد ودعنا الظيوف خش حد من البوابه وشكله غني سياره فخمه ولبس انيق قرب بخطواته مني وقال بأبتسامه : سمعت ان فاتحة بنتك الكبيره اليوم فقلت نفرحك لان بصراحه شفت بنتك الوسطيه
في المدرسه متع بنتي وانا جاي نطلبها منك 
محسن انصدمت : تطلبهااا لمن قصدك ؟؟ 
يعقوب بأبتسامه : لنفسي شنو مش عاجبك م70 ؟
محسن بلعت ريقي وبحتت في شرف يلي سمع يلي انقال غمزلي وابتسم انا سكتت اشويه
يعقوب : فكر يا حاج وانا مطلق من سنين طويله توا قررت نتزوج ومن بنتك لو موافق هاك رقمي او تعال في الشركه متعي نحكو بهدوء وابتسم وعدا زي ما جاه برمشت عين بحتت في شرف جاه 
شرف : شنو رايك ؟ حاتوافق عليه
محسن : مش عارف قال عنده بنت كبير هضا وتوليب صغيره عمرها 18 توا ترفض اكيد
شرف : انت يا باتي من امتى تعدل علي رأي البنات
محسن : يفرق العمر واجد لو جاه مثلا ولده راه وافقت مش هو 
شرف : شكله ورق يا باتي 💸 وافق واطلب مهر ومأخر كبير علي توليب ومهر متعها ناخدو منه شنو رايك ونبي انقول امي تخطبلي نبي نتزوج حتى انا
محسن قعدت نفكر : خليني نفكر اكتر او نقابله في العنوان يلي عطاه ليا بكراا
شرف : تمام نمشي معاك انا وخالد ؟؟
محسن : لا خليكم انتو توا نمشي بروحي
شرف : تمام هيا باي ماشي لأصحابي وعداا 
" محمود " عديت لباتي يلي في الثمانين من عمره نداني وقربت منه قال : 🔥🔥🔥 !! 
انا سكتت ما عرفت شنو نقول 
باتي الحاج ونيس : انت فكر يا وليدي وخلي هالموضوع سري 
محمود : خير ان شاء الله توا نحكو اكتر في الموضوع هضا وفي حوشي مش هنااا 
خش وقتها محسن : شنو تحكو ؟؟
الحاج ونيس : ما في شي ونادي بنات نبي انشوفهم
محسن : توا نقول خالد يناديهم 
ونيس : انت امشي نادي بناتك لان خالد رقد 
محسن تأفف : هالحصله هضا ديما راقد وصبا ينادي في البنات وانا قعدت نفكر في موضوع اكتر
" هويدا " خلاص يا اسلام يلي صار صار
اسلام : انا خايف عليك عارف انك مغصوبه
هويدا : الله غالب ما تفكرش في الموضوع انت 
علي فتحت الباب خش باتي وقالب وجه علينا 
محسن : تعالي ألحقي خواتك للمربوعه جدك يبي يشوفكم انا دغري صبيت نحب جدي واجد طلعت وناديت رشا من مطبخ تمشي معاياا وعدينا مع بعضنا اول ما شفنا جدي وحواليه توليب والتؤم يضحكو جينا لاعنده انا ورشا وبسنا ايده وراسه 
الحاج ونيس : الله يربحكم يارب 
مبروك عليك يا هويدا ربي يسعدك 
هويدا تحولت ابتسامتي : الله يبارك فيك
ونيس بحت فينا وهو يبتسم وبعدها خش عمي الكبير احسين وجدي عايش مع احسين ويسكنو في منطقه بعيده عليناا 
احسين : مبروك يا هويدا
هويدا : الله يبارك فيك يا عمي 
احسين ابتسم ونحنا ما طولنش في قعده في مربوعه 
لان باتي قال : الدلع يخرب في البنات ساد اسلام ومحمود مدلعهم 😑
الحاج ونيس بحت في باتي زيين : هضا بنضرك دلع ؟
انت شنو قصتك كنك مع البنات ؟؟
محسن تعقد : ما كني شي يا باتي انا نربي فيهم مش كيف ناس وبحت في محمود 
محمود عصب : احترم نفسك يا محسن قاعد في حوشك احترمني علي الاقل 
محسن : من يلي يحترم من ؟ ساد ولدي واخده مني لان زوجتك ما جابتلك شاب ما جابت ألا بنت وبس
الكل 😳
ونيس : محسن عيب عليك 
محمود اعيونه حمر قعدن صبا : ألحقيني يا رشا ونادي امك وطلع 
اسلام خش توا وبحت في باتي زين : عشان يكون عندك العلم برغبتي نبي نعيش معاهم  وبحت  في رشا وطلع لحق عمي يلي حسيت بوجعه 💔
وقتها طلعنا من مربوعه كلناا وخشينا جوا وهرجت باتي وعمي احسين وجدي ماعش فضت لدرجة سكرت وذاني بأيدي مانبيش نسمع شي خلاص تعبت بعد وقت جات توليب بحتت فيا بحزن
توليب : عدا عمي وجدي وزعلو من بعضهم من باتي
هويدا : اه وخلاص ماعندي ما اندير تعبت 💔
توليب : وانا اشر منك وانتي فرحتك خربها لك باتي
هويدا : من قالك اني فرحانه انا فرحت بشوفت جدي وعمامي بس وصبيت للحمام وجوي شين بكل 
" هشام " كنت حاب انشوفهاا بس ما سمحوليش وان نشوفها في الزفه ىتنهدت وسألتك امي : شنو رايك فيها لما شفتيها في الخطبه 
امي بفرحه : ما قتلك ما شاء الله عليها لو عندي شاب اخر راه خديتله اختهاا ربي يحفظهم 
انا ابتسمت وبرمت عالشقه فوق وجاني هدايا واجد من اصحابي زي الثلاجه والغاز فاجئوني بيهم فرحت وتوا مافيش شي ناقص غير بدلة العرس ويوم شيلت دبش هويدا بعد 10 ايام ابتسمت وطاير عقلي ❤
" حليمه " انا ندويلك يا وليدي حرام عليك تعال رد للحوش عيش معايا يا سندي 😭 كنك تغيرت 
رواد : ما تغيرتش وتوا لازم نسكر مش فاضيلك بكل مش عارف عليش تبي خلقتي وسكر في وجي قبل ما نرد عليه قعدت نبكي ومنهاره وبنتي حنين ناضت مفجوعه جاتني وحضنتني 
حنين : كنك يا ماما شنو صاير
حليمه : عدا خلاص وليدي وماعش حايجي
حنين : شنو تقولي يا ماما كيف عدااا 
حليمه : مش حايجي خلاص حايعيش مع باتك يعقوب الله لا يسامحه دمر حياتي وتوا يبي يحرمني من ولدي 😭💔 خايفه حتى انتي تمشيله
حنين : لا يا ماما ماتقوليش هك مستحيل انخليك انا وحضنتني وقعدت تبكي
" يعقوب " كنت ندخن خش عليا رواد 
رواد : ااه بابا عادي نطلب منك طلب 😅
يعقوب طفيت دخان : نسمع فيك احكي 
رواد : اا انا في الليل طالع مع اصحابي للاستراحة واحد صاحبناا كم يوم 
يعقوب : و المطلوب مني ؟؟
رواد : نبي فلوس 😅 مطولين غادي
يعقوب ضحكت بخبث : كم تبي يااا شبل ؟؟
رواد : 1000 $ 💸
يعقوب هزيت راسي وفتحت الدلاب قدام رواد بقصد مني وخليته يشوف الفلوس وعطيته يلي طلبه فرح 
رواد : شكرا يا بابا وقبل ما يطلع : راك تنسى تخطبلي البنت يلي حكيتلك عليهاا 
يعقوب : توا نخطبها لك ولكن بعد عرسي قررت نتزوج
رواد بحت فيا : يعني ماتبيش اترد ماما  ؟؟
يعقوب : لو نبيها راه رادها من زمان امك هذي 
شنو مش عاجبك اني نتزوج ؟
رواد سكت لوقت وبحت فيا : لا هذي حياتك
وطلع وانا ابتسمت : طبعا حياتي يا شبل وابتسمت بخبث وطلعت من المكتب وروحت للحوش شفت امي في الصاله ومعاها اختي نجاح يهدرزن بحتو فياا
قلت بملل : في موضوع نبيكم تعرفوه
الحاجه  سميره : خير ان شاء الله يا خوفي تقولي نبي انرد حليمه بعد كل هالسنوات 
قعدت وحطيت كرع علي كرع : لا انا وين وحليمه وين وابتسمت قررت نتزوج 
اختي نجاح : واخيرا قررت تتزوج ديما انزنو عليك
ترفض من يلي خذت عقلك
انا ضحكت : مش قصة خذت عقلي بس حبيت فكرة نتزوج توا وفي نفس الوقت عشان نمكر حليمه وهدفي بوخدتي لضنايا منها ومتأكد ان بنتي حاتجي وتعيش معاياا زي رواد هههه
سميره : باهي اكويس بس هالزواج يدوم ؟؟
انا قعدت ندخن : علي حسب الجو اذا تريحت معاهاا وصبيت نبتسم ومتأكد ان حايوافق باتهاا طبعا اكيده دختو كيف عرفت حوشها جيت اخرا للمدرسه وراقبتها لما طلعت مع خوها و وصلها للحوش سألت عليهم الجيران وسمعت بعرس بنته الكبيره قريب وفاتحه اليوم فحبيت انجي ونطلبها اليوم بس عندي امل كبير ان حايوافق خشيت لجناحي الكبير يلي حانعيش فيه مع العروس الجديده دوشت وعديت رقدت بتعب وبأنتظار بكرا بفارغ الصبر لان عارف ومتأكد بجيت باتها لاعندي ابتسمت وغمضت اعيوني فتحتهم في الصبح وجهزت نفسي عشان طلعتي بعد نزلت تحت خشيت للمطبخ وشفت الشغاله تجهز في الفطور بحتت فيهاا من فوق لتحت وهي بعد فطنت لوجودي بحتت فيا بفجعه وتلكلك زي عادتهاا
: اسفه ما شفتك تحب نجهزلك فطورك
سقمت جاكتي وقلت بدون ما نبحت فيها : قهوه جيبيلي في الصاله وطلعت وصوتها بكلمة حاضر وتلكلك ههههه اضحك بس جمال 🔥 رغم انها في الاربعين من عمرها ومتزوجه بس تجذب قعدت نرجا فيها بعد جات قربت تبي تحط السفره عالطاوله قريب مني قلت : مديه ليا الفنجان 
هزت راسها وقربت مدتلي وانا مسكت يدها ونبحت فيها قعدت ترعش وفنجان ينكب جات تبي تطلق يدي بحتت في جهت الدروج في حد نازل دفيتها بسرعه وطاح الفنجان عالارض تكسر 
نجاح : شنو هضااا كنك ديما تكسري انتي !
قعدت تلكلك وانا نبتسم وعارفها حاتسكت لان حانلزها لو تكلمت حرف واحد بس حاتموت من
 الجوع اكيد 👌
اسماء بخوف : اااا ا س ف ه 😢
وطبست تلم في الفنجان وترعش
نجاح : اسفك شنو يبي يدير وحده غبيه 
يعقوب : فوتيها وانتي تنكدي علي روحك عالصبح
نجاح : زعمتلي كبدي ديما تكسر وبعدين وين ولدك رواد مش قاعد في غرفته
يعقوب : رواد مع اصحابه في الاستراحه زارد 
نجاح : عليك حاله وباهي بنتك وينهااا ؟؟
يعقوب : عند امها ماتبيش تخليها قالت
نجاح : غلاه الكذب مصيرها مخليتهااا
يعقوب : اهاا توا تجي هيا انا ماشي وعديت ولبست نضارتي وفتحولي باب السياره وطلبت من السواق يوصلني للشركه وبعد وصلنا لقيت باتها يرجا فياا برا الشركه بعد شافني ابتسم حولت نضارتي ورديتله البسمه قربت ومديت ايدي : هلا نورت الشركه
محسن : النور نورك كيف حالك
يعقوب : بشوفتك طيب هيا تفضل جوا 
وخشيت أنا وياه واعيونه عالشركه مبهور من كبرها وفخامتها خشيت للمكتب وانا نبتسم : شنو تحب تشرب ؟ 
محسن انتبه : شاهي 
يعقوب : تمام وطلبت من الموظف يجيب 2 شاهي
وقعدت وبحتت فيه : هاا فكرت بموضوع امس ؟؟
محسن بتردد : انقولو ان شاء الله فكرنااا
يعقوب : وشنو قرارك ؟؟
محسن بأرتباك : موافق 
ابتسمت : يشرفني اناسبك يا حاج وفرحت بموافقتك
محسن ابتسم : بس لو انت جاهز عرس بنتي بعد اسبوعين حتى توليب نبيه في نفس اليوم شنو رايك ؟؟
يعقوب زدت فرحت : اممم اكيد جاهز خلاص الزفه بعد اسبوعين من اليوم وكل شي حايجي لاعندكم من سياق وحانجيب 20 راس حولي 🐏
ابتسمت علي صدمت الحاج وردد 20
ضحكت : اها كنك مصدوم وكل شي حايجي 
لاعندكم من تجهيزات والعروس ما نبي انتعبها عطيها العلم ان الجناح جاهز ومأثث حاندفع المهر اليوم ؟
محسن بفرحه : اهاا تمام والبنت حانفهمها كل شي
انا عرفت طينته مستعد يبيع بنته عشان فلوس قلت بأبتسامه خبيثه : لما توصل حوشك يوصلك المهر يا حاج وعيلتي حايجو يوم الزفه عشان ماعش في وقت خلاص اسبوعين ونحنا متفقين والله لا ؟؟
محسن هز راسه : اكيد وربي يحفظك 😍
انا بغرور : ويحفظك تمام هك المهر حايجي وراك 
محسن ضحك  : ان شاء الله وهيا بالسلامه وعدا
وانا ابتسمت ولمست لحيتي : يبيع بنته ؟ 
ما قالش اني كبير ابدا ههههه الطمع تحقيق اهداف المخطط هههه ضحكت علي نفسي وقعدت نفكر في العروس وبعدها طلبت من مدير اعمالي يجهز مبلغ محدد ويفتلكوه بصندوق ذهبي وزينه حلوه وعطيته العنوان يوصله لهم وابتسمت بخبث 😈🔥👌
" توليب " يعني خلاص اسبوعين وحاتمشي
هويدا : لو علياا قاعده شفتي شنو صار
ايه وسهى : حانرايفو عليك واجد
هويدا خلت يلي في يدها وبحتت فينا وجات حضنتنا وتبتسم قدامنا وعارفتها زعلانه ومش راضيه نطينا مفجوعين من فتحت الباب
خالد : انتن ديرو فطور لأصحابي جوني توا بسرعه
انا بحتت فيه ومصدومه من اسلوبه كيف يحكي وكأننا خدم بحت فيناا زين
خالد : ياا بهايم افهمن صبن ديرن فطور 
نحنا من رفعت صوت خفنا وطلعنا بسرعه حتى تؤم لحقونا انصدمنا من رفعت صوته وفي ظيوف اكيده سمعوه حاي عليك فضايح 😳 
جانا في مطبخ : سقدن بسرعه وبعد تكملن دقي الباب انتي يا دعوا وعداا 
همست حقير
هويدا شدت علي يدها : عرفتو عليش رافضه 
كيف نمشي ونخليكم وقبل ما انرد خشت امي 
وهزبتنا : كنكم ما صبيتن بسرعه لازم ما يرفع صوته خوكم عشان يصبي قاعده نحكي بالتليفون وصاحبتي سمعاته يهزب فيكم يلي ما اتحشمن خزي وعدت
هويدا ماردتش وقعدت تجهز في الفطور بسرعه وانا مصدومه وقعدت نساعد فيها والتؤم واجعتني قعدات ومتأترات من كل شي وخيفات لقدام 
بعد وقت جهز الفطور ودقينا الباب 
جاه خالد وبحت فيناا : سنه عشان فطور
و طيبي شاهي جديد انتي يلي حاتجوزي بلاك اكويس مانبيش تحشمو بيا قدام اصحابي وعدا
بحتت في هويدا يلي تجهز بدون ما تحكي زعلت عليها واجد تمنت تقعد بس كل شي نحلمو بيه تبخر بعد وقت جاه باتي سمعناه يسلم علي اصحاب خالد الباردين وخش علينا يبتسم وعدا انا استغربت اول مره يبتسملي 😳 غريبه ههههه شنو صاير في الدنيا
" رشا "  جهزت فطور وشلته لبابا واسلام ولد عمي كانو يحكو بموضوع وسكتو بعد خشيت ارتبكت وحطيت السفره وطلعت بسرعه وسمعت دوتهم انصدمت بس فرحت بعدها 🔥🔥
" شرف " كنت جاي من دكان علي وصلت سياره فخمه زي امس فتحت فمي قربت منهم : اهلا
الراجل بحت فيا : اهلا وين الحاج محسن ؟؟
شرف : انا ولده الكبير
راجل بأصرار : امانه حانسلمها للحاج 
تأففت وعديت انادي في باتي : ياا باتي وينك
جاه باتي وكان فرحان : هاا شنو في يا ليييد 
شرف : في وحدين برا واحد منهم يبي يعطيك امانه
في صندوق ذهبي شنو فيها زعماا 😍
محسن ابتسم وطلع حكاه مع الراجل واستلم الصندوق وخشينا جوا لغرفة باتي لان مربوعه فيها ظيوف خالد سكرنا الباب وفتح الصندوق وامي شهقت من الفلوس يلي كل ورقه ب50 😍💸
محسن : ما شاء الله هضا مهر توليب
امي : كم ترا عدوهم 
محسن بدا يعد وحتى انا وتفاجأنا من المبلغ الكببر يلي قبل باتي يبي يقوله علي اقل منه بس تحشم وسكت وخلاه يجيب علي راحته وكان المبلغ 
100 ألف 💸🔥 
علي فتحت الباب وشهقت !!!! 
#يتبع
تحياتي لكم سلطانه كوكي وندى السعيطي ❤

google-playkhamsatmostaqltradent