رواية ألعاب عائلات حقيرهه الحلقة الخامسة 5 بقلم اسيل طارق

 رواية ألعاب عائلات حقيرهه الحلقة الخامسة 5 بقلم اسيل طارق

رواية ألعاب عائلات حقيرهه الجزء الخامس 

رواية ألعاب عائلات حقيرهه البارت الخامس 

رواية ألعاب عائلات حقيرهه الحلقة الخامسة 5 بقلم اسيل طارق


رواية ألعاب عائلات حقيرهه الفصل الخامس

#ألعاب_عائلات_حقيرهه
الـحـلـقهه 5_

للـكـاتـبــةة اسـيــل طــارق ❤️

مالك كان ماشي وجاي ف داره متعصب شوي وصلته رساله من مؤيد انهم موافقين
لوح تلفون ع سرير بملل وحط يديه ع راسه: مش عارف مش عارف شن بندير تو اني مالقت ل صهيب غير هناء مش غيرها تي كان عندي نيه فيها وضرب السرير برجله وطلع

هناء كانت تراقب الكل ف الحوش لانه ماكنتش مطمنه من جهتهم بكل

مالك: اممممي امممممي
زهره: ها شن فيه
مالك: بعتلي مؤيد رساله وانهم موافقين
زهره: كويس امالا نديرو خطوبتكم مع بعض انت وخوك صهيب

مختار كان مقعمز حاط رجل ع رجل ويسمع فيهم شن يقولو ومش مدور نهائي

غدوا نمشولهم اني واميره
اميره طلعت من الكوجينه وشاده القهوه ف ايدها: وين
زهره: نمشو نخطبوله ريم برسمي
اميره عطت ل مختار القهوه: بنت حسام? مش عائلات الزوز متعاركين مع بعض ? وله الزواجه بش تنهي المشاكل
زهره: لا بش نتتقمو هم بنسبه ليهم بننهو مشاكل يلي بينا بس بنسبه لينا ح نتتقمو من طريق بنتها ريم كان بودي حتا إيلين نزوجها ل مختار ونورهم بس قالو تزوجت اني متاكده وشاكه انه هاربه
مختار نشرق بالقهوه وبدي يكح
زهره: بشوي
اميره: لكن ي ماما حرام البنت شن ذنبها
زهره: ماليكش دخل انتي ديري زي مانقوللكم وخلاض
اميره: مختار
مختار: ها وكانو عيونه حمر لما نشرق
اميره: نبيك غدوا تعرفني انت للجامعه
مختار: اي تمام
اميره شبحت ل امها ومشت كيف توصل بيها للدرجه هادي وعارفه انه امها مش ساهله ادير الويل 🔥

مختار: اني طالع
زهره: وين
مختار: ل صحابي
زهره: ماطولش
مختار: تممام وطلع

#تسريع_لاحداث
بعد 3شهور

ريم وافقت ع العرس وكان عرسها بعد شهر بس كل ي مشي بسرعه وخطوبه كانت زهره مستعجله ع كل شي… وكانت متوجعه و وافقة بش تستنا فرج 🔥 بس ماقدرتش كل ماتوتي حاجه ل عرسها كانت تتمنا يكون العريس فرج

هناء تفس الشي توتي ل عرسها وفرحنا بوها مكانش راضي ع العرس بس امها صكرت راسها و خوها كان م مدور تتزوج وله تقعد 🤷‍♀️

مؤيد خطب اميره ونفس الشي يبو يديرو لاعراس مع بعض واميره كانت مبسوطه مع مؤيد بطريقة كلامه

إيلين عرفت انه ريم بتتزوج وكانت تتمنا تكون معاها بس ماقدرتش عباره ع انه تهدرز عليها ع الفيس و تشارك فيها ف فرحتها من الفيس وكان الشي هدا يقطع ف إيلين و ريم

مالك مكمل حياته عادي كل فتره مع بنت كانه مش مخطوب ولا عرسه قريب نادر مايهدرز ع ريم

صهيب كان ديما برا الحوش وبايت برا وكل ماحد يسأله يقول مع صحابي و مالك ومختار يتصلو بصحابه وقت يلقو ف صهيب تلفونه مقفل ويقولو مش معاهم ومخليهم ف دووووووامه بدي همهم غير يعرفو صهيب وين يمشي

ترن ترن ترن
ريم خدت تلفونها لقاته رقم غريب ردت
ريم: الو
فرج: بتتزوجي!
ريم: اي
فرج: مش كنتي تقولي اني ليك انت بس مش حنكون ل غيرك
ريم: وقتها كنت نحسابه راجل بس طلع العكس وصكرته عليه
ريم مشت قدام المرايه وقعدت تردد ( اني قويةة مش ح نضعف )
( العرس ح يكون مره ف العمر ف حنعيشه زي اي بنت مش ح ندمر الفرحه هادي ع خامر زيه وشبحت ل تلفونها كان فرج يتصل ويعاود )
ريم خدت شنطتها و تلفونها دارته ع صامت وحطاته ف شنطه وطلعت
مؤيد: شن مزالك
ريم: قريب نتم
مؤيد: اوف به
ريم قلبت عيونها بملل وركبت السياره

اميره كانت طالعه توتي وهي فرحانه ❤️ الفتره القصيره هادي مؤيد خلاها تتعلق بيه هلبااااااا وتحبه وتستنا ف اليوم يلي بتكون فيه معه

عايده: اي مؤيد بيتزوج اميره بس ينهو المشاكل يلي بين العائلتين و كذالك مالك بيتزوج ريم بش ينهو مشاكل
سعاد: متاكده مش ح خاطر دافع تاني بيتزوجو
عايده: لالا وضحكت

فاطمه خدت تلفونها وبعتت رساله ل سعد ( حتا هي قبل بسحر بعد للاسف سافر ف اطرت تغير الخطه وعلقت ف خوه )
فاطمه تنهدت و حطت تلفون جنبها وبدت تغير ف القنوات
سعد شاف الرساله ومافهمش قعد يترجم ف كلامها كانت تقدر تحكي ببساطه بس شن رساله هادي
سعد بدي يحكي مع روحه: سحر وخوه و سفر ? هادي شن تقول
سعد: انتي شن تخرطي
فاطمه شافت الرساله بدت تضحك: شغل عقلك تو تفهم ي عموو 😂
كانت تقوله عمو وهوا مش عارف هيا أهانه وله تقول فيها لانه هو فعلا كبير🤷‍♀️

للـكـاتــبــةة اســيــل طــارق ✨

يوم الحفله
ريم كانت مقعمزه وسط المعازيم وهي تضحك ميف حسدينها ع جمالها وع فرحتها يلي ريم مطلعتها قدامهم و ع مالك مايندروش انه هي ماتبيش الزواجه كلها بس ف لحظة غضب غلطت و وافقة ومن بعدها ماقدرتش تنسحب

هناء نشوف ف ناس الراقيه لبسهم مكياجهم كلامهم كله راقي كل شي فيهم راقي واضح عليهم 🔥 كنت فرحانه انه بنتزوج من عيلة زي هادي بس ف نفس الوقت مش مطمنه قالي مش مطمن ل شنو مش عارفه

اميره ابتسامتي مابتش اتفارق وجهي ❤️ ورسايل ل يبعتلي فيها مؤيدد كانت كل يوم ترد الفرحه لقلبي وتخليني نطير من الفرحه

مالك: خلاص عاد ره ليلة دخولي فيسع بنمشي قبل مايحسو عليها
هاجر كانت حضنته: به بيبي بس كان خاطري تقعد حتا شوي تاني بس
مالك يسكر ف البطم: لا مش اليوم و باسها ع خدها
هاجر: اوكي 🥺
مالك: باي
هاجر: باي حبي
مالك ركب ف سياره: عليك خفيفه 🤦‍♂️ ومشي

( هاجر مطلقه تسكن ف حوش بروحها عمرها 25 ليها 5 سنين مطلقه اتزوجت وهي عمرها 12 سنه مكانتش تعرف شي ويلي كانت متزوجته اكبر منها بهلبا بحكم تقليدتهم انه بنت تتزوج ف عمر صغير و تتزوج واحد اكبر منها بش ماضيعش وهو يربيها ع ايده قعدت فتره تتحمل ف ضرب و اهانات لين خلاصص فدت اطلقت ولما رجعت ل حوش بوها رفضوها وقالوللها ( ماعندناش بنت تتطلق وترجع ل حوش اهلها )

عايده: يلا جي راجلك اطلعي
ريم وقفت وهي تساوي وتقيم ف الفيلو وقلبها يدق بقوه

وكذالك هناء طلعت ل صهيب و اميره ل مؤيد

إيلين بعتت وحده للحفله بش تحضره بدالها و تكلم فيها فيديو حضرت الحفله مباشره وكانو عيونها ع خدها اين جاها اتصال من مختار
مختار: حبيبتي ❤️
إيلين: ريم طالعه حلوه 🥺💔 كان خطري نحظر العرس
مختار: ولله يعمري حاولت مع بوك وخوك هلبا بس صكرو راسهم
إيلين: عارفه عارفه 🥺 انت درت يلي تقدر عليه حبيبي بترجع اليوم للحوش وله لا
مختار: اي بنرجع بس متأخر شوي ❤️
إيلين: نستنا فيك يعمري حاول ماتتأخرش هلبا حاسه روحي مش تماما بلاك خايفه
مختار: من عيوني ديري بالك ع روحك وماتخافيش انتي قويةة بيا وبلاي العمر بيد الله مش متأكد لو نقعدلك ديما
إيلين: خلاص يا بارد ليش تحكي هك انت ح تقعدلي العمر كله فهمت ❤️ واني نستنا فيك ماطولش عليا
مختار: 😂😂 باهي باهي مش مطول ❤️
إيلين: باي
مختار: باي
إيلين صكرت وبدت تشرف ف البضاعه يلي قدامه و التورته ابتسمت وبدت اتزين ف الشقه ❤️

مختار كان يهدرز مع صحابه وحاس انه فيه شي مش تمام ومضايق كانه فيه حاجه تخنق فيه

ريم وصلت لغرفتي واخيرا بعد الزحمه كلها و دوشه لين راسي وجعني من هدرزتهم
كلهم يتباهو بكم شرو ملابسهم وقفطاين وذهب يلي معبي يديهم ورقبتهم وكانه اول مره يلبسو ذهب لاول مره! قاطع تفكيرها صوت مالك
مالك: احم احم
ريم تلفتت وابتسمت تحاول تخلي روحها طبيعيه وقفت قدام المرايه وبدت تفك ف التسريحه و المجوهرات البسيطه يلي كانو طالعين عليها يجننو مع الفيلو
مالك: تبي مساعده
ريم تلفت: ها
مالك: نقصد ع الفيلو صعب تحوليه بروحك تبيه مساعده
ريم: اي يريت
مالك قريب عليها وكان يشوف ل ضهرها وبدي يفكلها ف الفيلو شوي شوي

مختار كان يسوق لين فجأه ماحس الا بسياره كبيره ضربته وكانت الضربه من جيهته

إيلين ماشيه جايه ف مكانها وتشوف ف ساعه: خيره مختار طول اووف
قعمزت ع الكنبه وهي تستنا فيه لييين فات الوقت بسرررعه ورقدت

الدكتور: لو سمحت انت قريبه
الراجل: لا
الدكتور: تعرف حد من جيهته
الراجل: لا لقيته ف الطريق مداير حادث
الدكتور: بصراحه المريض

إيلين ناضت مخلوعه: اعوذ بالله من شيطان وحاطه ايدها ع قلبها وهي خايفه
شدت تلفونها بسرعه وايدها ترعش اتصلت ب مختار مره واتنين بس ماباش يرد تالت مره لقاته مشغول
إيلين خدت نفس حست بشوي راحه وقت لقاته مشغول افضل من انه تصيرله حاجه شافت ل ساعه لقتها 4

مالك: كيف
ريم قعدت اتشوف ل مالك وهي سساكته مستغربه
مالك: اما مستشفي… تم تم جاي
لبس لبسه بسرعه وكيف بيمشي
ريم: وين ماشي شن فيه
مالك: مش مطووول
ونزل يجري ل خوه صهيب قعد يخبط ع بابه
صهيب فتحله وهو واضح عليه ناعس: خيرك شن فيه ف ليل
مالك: مختار مختار مداير حادث وهو ف مستشفي
صهيب: كيف وامتا
مالك: مش عارف تو اتصل بيا واحد بتلفونه
صهيب: امشي امشي وطلع جري وراه خوه ركبو ل سياره
مالك كان يسوق بسرررعه كبييييير وكان خايف ع خوه مش غير مالك مان خايف وصهيب كان حتا هو خايف هلبا
كانو قربييييين ل بعض هلبا
وصلو للسمتشفي وقعدو يدورو ع خوهم
صهيب: طلع تلفونك واتصل برقم مختار
مالك: اي اي طلعه بسرعه واتصل وقعدو يدورو ف المستشفي لين لقوه الراجل
صهيب: و ويينه وين مختار. الشخص يلي مداير الحادث
الراجل منزل راسه: عظم الله اجركم عطاكم عمره
ومد ل صهيب تلفون وحاجات مختار وقاله ع المكان يلي دار فيه الحادث ومشي
مالك: لا ماماتش!
صهيب بدو ينزلو دموعههه وماقدرش يشدهم خوه خوه ماات يلي كان واقف معاهم ف كل شي صح يعاند فيهم ويقوللهم يلي اديرو فيه غلط وكله بس مع هدا قدام الناس مستحيل يرخيهم

فاطمه كانت مقعمزه وتسمع ف تسجيلات المرحوم راجلها وتبكي بحرقه
فاطمه: استحشتك 🥺 ياريت مامشيت وخليتني 😭 اني نوعدك ح ننتقم من الناس يلي قتلوك نوعدك ولو كان اخر يوم بعمري ح ننتقم منهم ❤️ اطمن انت وف قبرك انه حبيبتك ومرتك مش ح تخلي حقك يمشي هك 🔥

زهره مقعمزه تخبط ف وجها وتريش ف شعرها: مشي وخلاااااااني مشي وخلاااااااااني
ريم تحاول تهديها بس كل مرا تزيد اككتر

إيلين: خل نفتح النت مابين يرجع مختار مع انه تأخر هلباا اول مافتحت لقت ريم فاتحه

ريم: هدا المكتوب مانقدروش نغيروه 🥺 هدي بالك
زهره تخبط ع صدرها: هدا قطعه من قلببببي قطعهههه كيف يمشي ويخليني 💔 كييييف
ريم سسمعت تلفونها يرن واول ماطلعته كانت إيلين تتصل مكالمه مسنجر وكان تلفون ريم موصرل بالنت
ريم بعدت شوي ع زهره وردت

ريم: الو
إيلين: كيف جو ليلتك 😂 وفي واحد يفتح النت يوم دخلته… شن صوت من يبكي بحداك
ريم: عمتي زهره… سلفي توفى
إيلين:سلفكك! من هوا اما واحد? يلي كان عرسه اليوم صح!
ريم: لالا مختار هو ل توفى ربي ييرحمه ( ريم مكانتش تعرف انه اختها تزوجت مختار لانه إيلين نبهو عليها بوها وخوها ماتقولش ل اختها و مختار بالاصل مايبي حد يعرف عشام مايصيرلها شي عارف امه شن ادير وشن الدرجه يلي توصلها )
إيلين طاح منها التلفون ع لارض
ريم: الو الوو … صكرت الخط ورجعت ل زهره
ريم: شن صار
هناء: صراحه ماعرفتش كيف نتصرف عطيتها مهدي وخلاص ربي يصبرها

إيلين: لا! لالالا مختار ماصارله شي يكذبوووو يكذبو عليا يبو يخلعوني اكيد مختار هك دار قصدا يبي يشوف درت فعلي مختار مش ح يموت ويخليني وبدت تبكككككي بأعلى صوتتتتت

مالك و صهيب رجعو للحوش وهم تعبانين حيلهم مهدود خسرو شخص قريب عليهم اليوم ل اول مره يحسو ب خسارة شخص كانو يقتلو ناس بدم بارد عمرهم ماحسو بشخص بس المره هادي جت عليهم هم وادمرو

إيلين كانت مقعمزه ع الارض والدنيا بحداها كلها مكسوره تهز ف راسها وتتكلم بصوت واطي تقول واحده مجنونه: مختار قاعد عايش مش ح يسيبنني مختار نعرفه يحبني 💔 يحبني

فرج يسمح ف وجه يلي كان عارق من الخوف: ما ماتش ? هو جي قدامي فجأه مش ذنبي

يتبععععع………

google-playkhamsatmostaqltradent