رواية جرائم في منطقتي الحلقة الرابعة 4 بقلم اسماء أشرف

 رواية جرائم في منطقتي الحلقة الرابعة 4 بقلم اسماء أشرف

رواية جرائم في منطقتي الجزء الرابع 

رواية جرائم في منطقتي البارت الرابع 

رواية جرائم في منطقتي الحلقة الرابعة 4 بقلم اسماء أشرف


رواية جرائم في منطقتي الحلقة الرابعة

اصيل:شافها نازله سحبها من يدها وطلع بيها
للجنان بهدوء
اصيل:كنه
ريناد:بخوف...اااء..ههم..خذات نفس عشان تعرف تحكي كويس
هم طالبين مني
اصيل:شن طالبيين؟
ريناد:طالبيين مني نجيب بنات عشان خاطر بيع الاعضاء
اصيل:ولد الكلب..وانتي ايش قالتي
ريناد:وافقت طبعاً لان مانبيش حد يشك فيا وخصوصاً لما حسيت ان هذا اختبار منهم
اصيل:كويس كويس
ريناد:وشنو ح يصير توه ها؟
اصيل:انتي كل يلي عليك انك ماتلفتيش الانظار لنا والباقي خليه شوري شور نضال
ريناد:تنهدت..تمام ولتفت تبي تخش بس خطر في بالها سوال الاصيل
ريناد:ممكن نسالك سوال
اصيل:عقد حواجبه بي معنى شنو
ريناد:انت كيف عرفت قصدي يعني امس هربتني وانقذتني ولا اخر ساعدتني يعني ليش هذا كلها وانت من اصلاً وايش علاقتك بالموضوع
اصيل:ياختصار..كانت جاي هنا عشان خاطر موضوع وجنبي تمه يوجع فيا ف جايت هنا للمستشفى هذي عشان ناخذ اي مسكن وفي لحظه شفت كل شي قدمي شفتك وانتي تحكي مع مختار وبعدين شفتهم وهم ياخذو فيك للملحق وسمعت وعرفت كل شي وبدوري انقذتك ويلغت الشرطه عشان انهم لهم فتره يدورو ع العصابه هذي
ريناد:هزات راسها وعقلها مشتت
اصيل:انا واحد يحب بلاده مهم يصير فيها ح نقعد نحبها واكيد مايرضنيش بنت بلادي تكون تبي مساعده وانا نقعد واقف نشوفلها وخلاص ومانخلصش البلاد من عصابه فاسده زي هذي🔥
ريناد:ابتسمت من كلامه..ربي يقدرك ان شالله عن اذنك ومشت
اصيل:نفخ وطلع تلفونه يران ع نضال
__________________________________
نوران:ها ايش رايك حلو صح
نسيبه:بي ابتسامه خفيفه..اي حلو حبيبتي بس امتى لحقتي تطلعي من الجامعه وتجيبي الحاجه هذي كلها ع حسب علمي انتي تطلعي متاخر
نوران:لا الحاجه هذي جابها لي حبيبي اليوم لجامعه
نسيبه:بصدمه في روان يلي ماخفتش من بوها ان يشوف الشكاير هذي كلها ويسالها من وين
نسيبه:بس بس كيف بوك قصدي عمي فرج(اب نوران) مايسالكش عن الحاجه هذي كلها
نوران:وهي تشوف لروحها ع المرايا..لا ماهو سالني وانا قتله ان الحاجه هذي لكي انتي
نسيبه:بصدمه..شنو شن تقولي انتي من جدك نوران تي شن بيقول عليا بوك توه ها😤
نوران:تي مجرد ماقالت اسمك خلاص سكت وماتكلمش وماتخفيش انا مش حقيره عشان نقوله جابهن له واحد انا قتله جابتهن نسيبه من سوق الاسبوع يلي فات وانتي اليوم جابتيهن معك لجامعه عشان توريهن لي ونسيتيهن معي بس
نسيبه:لا كثر خيرك ولله ماهو انتي من يوم يومك وانتي اديري الحاجه وتحطيها فيا
نوران:تي خلاص نسو اسكتي المهم قوليلي امتحانات اخر سنه ع الابواب قرايتي انتي ولا
نسيبه:فهمت قصدها..اي قرايت الحمدلله
نوران:ابتسمت تمام
نسيبه:انا طالعه نشوف فاطمه غيري براحتك وطلعت
نوران:وزي كل سنه ننجح ع حسابها😂
__________________________________
كانت ساعه 5 في العشيه بدايت الصيف المدارس كلها صكرت بسبب العطله والجامعات حتى هي مزال كم اسبوع وتكمل امتحانات❤️

هاني:ها سماح كويس المبلغ هذا ولو محتاجه اكثر قوليلي بس مايهمك شي
سماح:وهي تشوف للفلوس يلي ف يدها..مشكور هاني يخليك لنا
ياسمين:ضحكت..هاني لو عليه يبي يجبلكم الدنيا كلها تحت راجليكم ماهو انتو كيف هلها
ام ياسمين:هاني زي بدر(اخ ياسمين)وانا نحبه زي ولدي بضبط
هاني:مادرت شي انا يا جماعه بيش اتقولو هكي انا المهم عندي..وهو يشوف الياسمين..ان ياسمين تكون فرحانه❤️
ياسمين:ابتسمت بهدوء
سماح:حطت يدها ع خدها..خليني نتعلم الرومانسيه منكم
كلهم:😂😂
ياسمين:وين بدر
ام ياسمين:بدر مانشوفوش فيه الا في صباح ويجي في لليل ونحن راقدين
هاني:معلش خليه يتعاب عشان يعرف يكون نفسه
ياسمين:بي ما اني جيت خليني نمشي نشوف الانتيمات رايفت عليهن
هاني:نمشي معك
ياسمين:لا خليك مش ح نطول يلا سلام وطلعت
_________________________________
منعم:مش خايف انت منهم حسيتك مش مدور ومش معدل
خيري:شافله بخيث..غير اصبر ع رزقك شوي بس هذا ك اختبار لها وبعدين نشوفو ميتها وين تصب
مختار:انا من رأئي ان نمسحوها من ع وجه الارض وندفنوها في صحراء وماحدش يجيب عليها علم
خيري:حمار..ح تقعد طول عمرك حمار يتفكيرك هذا
منعم:حمار حمار ي خيري انا معه لو تموت خير ما ندخلوها معنا وتصير قصه وامورنا اتفركسه وكل شي يضيع
خيري:تي كنكم انتو النم صكرو فوامكم مانبيش نسمع حرف يلي عندي قالته يبي باهي ويلي رافض يخبط راسه في اول حيط قدامه
منعم،مختار:يشوفو البعضهم في هدوء تام
__________________________________
نسيبه:الو..وربي رايفت عليك انتي وين توه..عندها تمام خلاص 5دقايق ونكون عندك
ناضت نسيبه من سريرها وسيبت قرايتها لبست العبايه وطلعت من الحوش وخشت للحوش يلي جانبهم ع طول
____________________________
ريناد:تي اول ماكلمتيني طلعت ع طول حتى بدون ماناخذ اذن
ياسمين:هههه مزلتي زي ما انتي قويه وماتخفيش
ريناد:خليك مني شخبارك انتي وهاني
ياسمين:خذت نفس تمام الحمدلله
نسيبه:خشت عليهم مشالله مشالله قاعدين وتضحكو وتلعبو من غيري
ياسمين:حظنتها شخبارك يا عبقرينوه
نسيبه:الحمدلله وانتي ي ريناد معقوله يومين مانشوفكش مع ان حوشكم ملصق في حوشنا
ريناد:من شغل ي نسيبه المهم انتي شن دايره ف الامتحانات
نسيبه:اموري طيبه
ياسمين:ايييي علينا تعالو هنا خلينا نحكو ع حالنا واخبرنا مالنا ومال المستشفى والجامعه
ريناد:تمام نجيب القهوه بس
طلعو نسيبه و ياسمين برا وريناد لحقتهم

من كان يتوقع ياسمين و ريناد ونسيبه صحبات ومن نفس المنطقه 🔥كل شي توقعوه في الروايه هذي ومن الحلقه هذي🔥
كملو هدرزه مع بعضهم ويلي عندها حاجه قالتها وطلعت كل يلي ف قلبها للاخر لان باختصار هن صحبات بس برغم هكي ريناد ماقلتش حاجه عن الموضوع يلي صار معها في المستشفى او حتى شي عن اصيل..برغم انهن صحبات ياسمين ماقدرتش تقول انها ماتحبش هاني رغما انه مش مناقص شي عليها💔وانها تخون فيه مع ولدخالتها ويلي ف نفس الوقت صاحبه💔برغم انهن صحبات نسيبه ماقدرتش تحكي علي بنت عمتها وانها متعبتها وتكذب وتخون في هلها ع حسابها هي🔥في حاجات ماتقدريش تحكيهن حتى بينك وبين نفسك لمجرد بس صعبه انك حتى تفكري فيهن🔥💔

أسمـــاء أشـــــرف🔥
🔥روايـــات أســــــــماء أشـــــــــرف

اصيل:انت ع قد ماتقدر حاول انك تنهي الموضوع هذا بسرعه مانبيش ريناد تخش اكثر ف الموضوع هذا بذات
نضال:كل شي ف وقته حلو ي اصيل غير هكي نحن نبو نمسكو عليهم اكثر من دليل في اكثر من مجال..زي تجارة اعضاء البشر وسلاح والاغتصاب ووو الخ نبو ادل عشان شغلنا يكون صح..بجديه..ومش ح نقدرو نجيبو الادل الا من ريناد يعني لازم تكون واحده منهم
اصيل:نفخ..اووف وامتى ان شالله الموضوع هذا يتم
نضال:اتكا ع الكرسي بي ضهره..ولله الشي هذا معتمد ع ريناد والادل يلي تجيبها
اصيل:تمام المهم مهم صار البنت مالهش علاقه بشي
نضال:اكيد عباره عن مصدر للمعلومات والادل
اصيل:انا ماشي ماتبي شي
نضال:سلام
_______________________________
ياسمين:قاعده قدام المرايا تحط في كريمه ع يدها وجسمها
هاني:اوووف تي هي لك ساعه ياسمين حرام عليك
تعالي خليني نشبع منك قبل مانسافر
ياسمين:التفتت شوره بفرح..جد انت مسافر
هاني:برافعة حاجب..اي مسافر بكرا انا واسكندار
ياسمين:بصدمه اسكندار
هاني:اي انتي نسيتي ان يشتغل عندي ف شركه ولا لا وكل فريق مسافر معي بكرا ومن ضمنهم اسكندار
ياسمين:بتفكير اها
هاني:ناض شورها كني حسيتك زعلتي لما عرفتي اسكندار مسافر معي
ياسمين:😳هاا
هاني:ضحك وووك عليك كنك انفجعتني نبصر معك وخذه من يدها وهي في هدوء تام
راقدها ع سرير وعاش معها بكل حب لان يحبها اما بالنسبه الياسمين كانت متخيله انها راقده مع اسكندار مش اكثر💔

بينما عايش هاني بسعاده مع ياسمين عكسها هي كان تلفونها يران وطبعاً كان اسكندار بس كان صامت لكن لو تلفون صوته عالي ومش صامت عادي جداً ياسمين تبعد هاني من حضنها وترد ع اسكندار ع انه واحده صحبتها💔
____________________________________
اليوم اخر يوم في الامتحانات
نوران كانت تحسب نفس كل سنه ح تكون مع نسيبه عشان تقدر تغش منها بس يلي صار ان من اول امتحان قسمو القاعات وحرف النوون قسموه ع قسمين ومن سوء حظ نوران انها قعدت ف القاعه بروحها من دون نسيبه🔥
طول فترة الامتحانات ونوران تحاول انها تغش او حتى تخلي الدكتور يغششها بس ماصارشي
واليوم اخر امتحان وطلعت نوران وهي ك العاده مسيب الورقه فاضيه
نسيبه:واخيراً وربي تعبت طول الفتره يلي فاتت
نوران:مبروك مقدماً
نسيبه:شافتلها كنك انتي شن صاير فيك
نوران:ببرود لان انا ببسطه ح نسقط لان كل امتحان نطلع ونسيب الورقه فاضيه زي بياض وجك وبكل فخر مانكتبش الا في اسمي
نسيبه:ان شالله خير يلا بابا جا نتلاقو ع خير ان شالله
نوران:باي
طلعت نسيبه ركبت مع بوها واتجهو للمنطقه يلي تسكن فيها وطول الطريقه وهي تحكيله انها اكيد ح تجيب من الاوئل زي كل سنه وهو بدوره فخور بي بنتها❤️

أسمـــاء أشـــــرف🔥
🔥روايـــات أســــــــماء أشـــــــــرف

في كسره تقتلك وكسره تقويك
كل انسان عاش وشاف موقف بعدد شعر راسه موقف جبرته وموقف كسرته وموقف خلته يكون قوي رغم كل شي
ممكن فراق انسان يكون ماثر فيك بس تحاولي انك تكوني قويه عشان ناس يلي تحبيها لازم ترسمي ابتسامه ع كل يلي حوليك❤️
كسرة الفقر واعره بس الاهم انك تعيشي بكرامتك مع هالك وبين الناس
وتكوني رضيه

تقدري تراقدي وانتي ضميرك مترياح؟؟بي مجرد ما قالتي لاي حد كلمه جرحته
باهي لما الانسان يكون ضميره ميت ويغضب ف ربي ومش حسس باي شي
في الحاله هذي شنو يلي ح يخليه يفوق من يلي هو فيه؟؟

شعور انك تكوني كتمه كل شي في قلبك واعر لان ف الوقت هذا ح تكوني مش مترياحه وقلبك يوجع فيك💔ومحتاح لاحد تبكي في حضنه وتحكي كل شي ف عقلك وقلبك🔥
______________________
ريناد:يلا بابا انا جاهزه
مجيد:ناض ماتبي شي نجاة
نجاة:ربي معكم
ريناد:خذت مفتاح سياره ولعتها لين جا مجيد
ريناذ:طول الطريق وانا سرحانه في كل يلي صار معي من بداية الجثه والاغتصاب والخطف ولما حبسوني في الملحق واصيل انقذني وشرطه وضابط نضال والعصابه يلي طاحت فيها لعند ماطلبو منها بنات عشان بيع الاعضاء كل هذا مر قدامي وانا خايفه بس متاكده ان كل شي ح يكون بخير..قطع تفكيرها مجيد وهو يقوللها انزلي

خشت ريناد للمستشفى كان اول مره تخشها معكاسات وتحرش بين بعضهم وقلة ادب وغير هكي مش ملتزمين بموعيد المرضى ولا باي شي
خذيت نفس وبدايت نبرم ع جميع الاقسام من قسم الاطفال لعند قسم يلي انا نشتغل فيه

كانت نشتغل وانا حذره وحاسه ان في عيون ترقب فيا ديما فهمت انهم مزلو مش واثقيين فيا كملت شغل عادي وانا نحاول نسيطر ع نظرات عيوني🔥
______________________________
في وسط المدينه كان في عائله كويسه برغما انها عندها نفوذ في المدينه كلها بس كانت عائله طيبه وديما تساعد في غيرها
ناض بطل روايتنا ع رايحة القهوه من يد امها يلي معوضته ع الدنيا كلها
اصيل:خذه من امه القهوه وبدا يشرب ولا صوت..لان اصيل من النوعيه يلي مايحبش يحكي اول ماينوض صباح(كيفي انا مثلاً😂)قعد ممكن ساعتين وهو مايحكيش ونزل سلم ع امه واتجاه شور الميناء لان الميناء له كلها
اصيل:صباح الخير ع باشا
جده(راسل نيروز):ههههههه جيت بدري اليوم يعني
اصيل:قعمز انت عارف ايش صار معي امس واولتين امس
راسل نيروز:بجديه..المهم تمسكو العصابه هذي..لو عليا انا نقدر ننهيهم وبالقانون اخر واليوم قبل بكرا بس انت ماتبنيش نداخل
اصيل:خليك انت هنا وتابع معي شغل الميناء وماعليك في الموضوع هذا

راسل نيروز الاسم غريب شوي صح😂ماهو اسم تركي لان جد اصيل من تركيا وجا هنا في ليبيا اجوز جدة اصيل وعاش هنا وتمه ليبي اباً عن جد😂بنه اسمه بتعب سنين وخله اسمه كبير وبالحلال وتوه عندهم الميناء بكبرها ويشتغلو في الستراد والتصداير

اما بالنسبه الاصيل شاب عمرها 27سنه حياته عباره عن شغل في شغل وطول الوقت قاعد مع جده عشان يتعلم منه كل شي لاب اب اصيل متوفي في حادث عايش مع امه وعنده اخ مهجر برا بس مزلو ع توصل
اصيل راجل بي معنى الكلمه وديما عند كلمته وديما واقف مع الحق ولو ع حسب نفسه..طويل وعريض وعنده عضلات بسبب الملاكمه اصلح وعيونه زرق ولحيته سود واسمر❤️
_____________________________
هاني:ياسمين حبيبي امشي افتحي الاسكندار الباب
ياسمين:عليش جاي هنا مش المفروض يكون مع الفرقه توه ومشيين شور المطر
هاني:قرب منها..توه معقوله ولد خالة حبيبتي يكون يشتغل معي ونخليه يسافر مع الفريق..لا طبعاً هو ح يسافر معي وتوه تلقيه جا عشان نطلعو مع بعضنا
ياسمين:بصدمه اها
دقيقه وران جراس الباب
هاني:امشي يلا افتحي عقاب ما خلطت عصير عرفك تحبيه من تحت يدي ومشا شور الكوجينه
ياسمين:ناصت من مكانها بالغصب و راجليها مش شيلتها بسبب الصدمه
فتحت الباب وهي تشوفله بصدمه خش اسكندار للحوش وهو يشوف الياسمين بشهوه🔥
اسكندار:شخبارك ي بنت خالتي
ياسمين:هزات راسها لان ببسطه مش قادره تحكي
هاني:من الكوجينه..خش ي اسكندار الحوش حوشك
اسكندار:شاف الياسمين بخبث..انت ح تقولي
خشو مع بعضهم وقعمزو ع الصالون وهاني يخلط في عصير ويحكي معهم
اما هم ولا كانهم يسمعو فيه
كانو قعدين عيني عينك في صاله ويبوسو في بعض🔥ع قد ما ياسمين ما منعته بس شي هو خلاص معش قادر يتحمل وقرب من شفايفها وبدا يبوس فيهن بعنف ولاحسن الحظ ان الخالط كان والع والا هاني كان سمع صوت نفسهم العالي🔥
بعد اسكندار منها بسرعه لما سمع خطوات هاني وهي تطلع من الكوجينه اما ياسمين بدورها ناضت من جنبه بسرعه وخشت للحمام تغسل في وجهها باستمرار
اما اسكندار ولا كان دار شي قعد حكا مع هاني وشرب من العصير💔وياسمين طلعت قعدت معهم بعدين طلعو للمطار وطبعاً هاني خذه ياسمين ع جانب و وداعها بطريقته😉
__________________________
#تسريع_للاحداث

مر شهر ع ابطال روايتنا:-

ريناد نجحت في الاختبار طبعاً بي مساعدة اصيل ونضال وخشت واسطهم عشان تجيب معلومات وادل لنضال بس هم كانو حذرين ان يقول اي شي قدامها يمكن لان مش واثقين فيها مزل
اما ريناد كنت تحاول بكل جهدها ان تساعد الناس والمرضى وفي نفس الوقت تحاول انها تعطي وتجمع معلومات النضال
واصيل بدوره كان كل يومين عندها عشان ياخذ منها المعلومات وكل مايحس انها خايفه يحاول ع قد مايقدر ان يطمنها

نسيبه تراجى في نتيجه ع احر من جمر عارفه انها ح تنجح بس كانت متوتره وخايفه من دون سبب طول الشهر هذا قضاته وهي تقرا في كتاب او اما تكون عند ريناد❤️بس كان عندها شعور غريب مافيش له وصف حاولة انها تتجاهله ع قد ماتقدر💔

ياسمين قعدة اسبوع بروحها في الحوش لعند جا يوم وطق باب وفتحت وهنا كانت الصدمه اسكندار اي اي اسكندار سيب الشغل والسافر وجاها
كذب ع هاني وقاله انه تعبان ومش قادر يكمل وهاني بدور سمحله ان يروح
ماكنش يعرف ان ح يروح ع مراتها ويعيش اسكندار ايام حلوه يلي المفروض هاني هو يلي يعيشهم💔💔

نوران كنت عايشه في الأحلام كل مره فستان من حد كل مره تلفون من شخص ثاني كل مره حاجه من شاب مختلف مفكرتش في نتيجه بكل وانتصار كل ماتسالها عن النتيجه امتى ترد عليها وتقوللها ريحي روحك انا ساقطه معندك عليش تسالي🔥💔
___________________________
جا يوم النتيجه والكل كانو خايفين وبذات نسيبه لان عندها اعصاب معده وطول اليوم وهي ترجع🤮
ومعها ريناد وهي تحاول تهديها ونوران كانت قاعده بس طبعاً ع النت وانتصار هي يلي كان دمها محروق
خش سعيد اب ريناد و وجه كان مايتفسرش
نسيبه:وهي تشوفله وتبكي..سقطت صح انا كنت حاسه اصلاً😭حي عليا وربي قريت لكن ليش ليش صار هكي
ريناد:نسيبه اهدي..وشافت السعيد..عمي سعيد تفضل احكي
سعيد: بفرح ..مبروك عليك بنتي من الاوئل خذيتي
نسيبه:حضنت بوها بفرح وهي تبكي وريناد تشوفلهم بحب
انتصار:وقبلها طاح..وانا شن صار في..قصدي نوران
سعيد:طبطب ع كتاف اختها..تعوضها ان شالله
انتصار:قعدت تبكي وياما صار فيها لدرجة حتى انها داخت ولما ناضت قعدت تبكي اما نوران عادي جدا مادرتش اي ردة فعل حتى بالكذب قدامهم

انتصار:قعدت شوي عند خوها وباركة النسيبه بغل وطلعت روحت هي ونوران يلي مش زعلانه ع يلي صار في امها بسببها🔥💔
____________________________
ثاني يوم ك العاده طلعت تهاني من حوشها الحوش انتصار
تهاني:تي كنك قالبه وجك انتي
انتصار:وعيونها منفوخات..امس طلعت النتيجه ونوران سقطت وتمت تبكي😭
تهاني:حاولت تخليها تهدا ع قد ماتقدر بعدين تكلمت بخبث
انا مش قتلك
انتصار:تمسح في دموعها..شنو قالتي
تهاني:انا متاكده ان نسيبه دايره سحر النوران
انتصار:لا مستحيل نسيبه دايره هكي انا متاكده
تهاني:باهي ح تقعدي هكي ع طول لازم تعرفي ايش السر
انتصار:مافيش سر اطلعي من راسي ي تهاني
تهاني:بخبث..باهي انتي رضيه ان بنتك تسقط وبنت خوك تنجح
انتصار:كيف
تهاني:ع الاقل دايري سحر البنت خوك تخليها ع الاقل معش تجيب من الاوئل
انتصار:عقدت حواجبها
تهاني:طلعت من جيبها شيشة دواء
تهاني:خوذي هذا وحطيه النسيبه في الماكله وادعيلي
انتصار:بس..
تهاني:لا بس لا شي ديري يلي قتلك عليها باردي نارك🔥
__________________________
ريناد:كملت كشف عن المريض وطلعت تشرب في قهوه
اصيل:شن الامور
ريناد:شافتله بصدمه بس بدون ماتراضح..تمام وانت
اصيل:وهو يشوف حاوليه بعيونه...اليوم بعد ماتكملي شغلك ح تطلعي معي نمشو للمدينه حاولي انك تكملي بدري
ريناد:فهمت ان تبي تمشي للشرطه..تمام ح نحاول
اصيل:هزا راسه ومشا
ريناد:تنهدت..ورافعت راسها فوق..يارب
مشت تكمل الكشاف عن المرضى وتحاول انها تكمل بدري بيش تلحق تمشي وتجي مع اصيل بدري
__________________________
سعيد:بنتي مادريش غدا اليوم
نسيبه:تشرب ف ميه..ليش بابا مليت من ماكلتي ولا شنو😂
سعيد:ابتسم بهدوء..لا بس عمتك دايره غدا وحسبتنا
نسيبه:باستغراب..تمام
طلع سعيد الشغله ونسيبه بدات تضم في الحوش شوي بشوي لين جات ساعه2 وانتصار ماجتش وفاطمه تمت جعيانه
دارت نسيبه حاجه خفيفه ع سريع الاختها وهي توكل فيها خشت انتصار وهي شايله سفره اكل وفيها كسكسى وشربه وسلاطات
نسيبه:ليش تعبتي نفسك عمتي
انتصار:بخوف..لا تعب لا شي صحه صحه وطلعت تجري
نسيبه:استغربت حركتها بس معدلتش
نسيبه:الو بابا تعال عمتي جابت الغدا
سعيد:لا بنتي كولي انتي واختك انا مش جاي عندي شغل سلام توه وماتعقبليش نبي حاجه خفيفه في لليل
نسيبه:به..وصكرت
حطت نسيبه لها هي بعد ماسالت اختها فاطمه وقالتلها ماتبيش تتغدا
بدات نسيبه تاكل وهي غافله💔...يتبع

لقراءة باقي حلقات الرواية : اضغط هنا 
google-playkhamsatmostaqltradent