رواية هروب ما بعد اغتصاب الحلقة الرابعة 4 بقلم ميرو أحمد

 رواية هروب ما بعد اغتصاب الحلقة الرابعة 4 بقلم ميرو أحمد

رواية هروب ما بعد اغتصاب الجزء الرابع 

رواية هروب ما بعد اغتصاب البارت الرابع

رواية هروب ما بعد اغتصاب الحلقة الرابعة 4 بقلم ميرو أحمد


رواية هروب ما بعد اغتصاب الفصل الرابع

الــكــاتــبـه مــيــرو احــمــد

🌹"«قــراءة مــمـــتــعــة»"🌺

جلال:بنت الكلب صار تلعبي امعايا انا
سالمه: كنك
جلال:الكلبه هاربه امع واحد
سالمه:كيف
جلال: هربت امع صاحبها ماتنصدمي منها وحده زي هدي ادير اي شي
سالمه:انا نعرفها اكويس ريناد مستحيل ادير علاقه ولا امتاع حب صح نكرها بس ريناد مش هكي مش امتاع اطلوع امع شباب في حاجه غلط صدقني
جلال:اهو شوفي ابروحك ماهو راجل الي امصبيه امعاه
سالمه قعدت اتشوف في الفيديو كان مسعود في البداية الفيديو عاطيهم بي ظهره لعند ركبت ريناد السياره وومسعود بعد رفع الشنطه بان نص وجه
سالمه: زعما منو هذا
جلال متعصب: شن عرفني بدين امه هدا من وين طلع
سالمه: انا متاكده في حاجه غلط في القصه لو كان حبيبها او صاحبها زي ماقلت اكيد كان بيحضنها قبل وايعزيها في بوها
جلال: والمعنى
سالمه: لازم انجيبو الولد هدا وين يسكن
جلال: كيف بنجيبو ونحنا مانعرفوش
سالمه: اهي لوحة السياره شوفها
جلال نفخ: الفرخ سيارته انضف من وجهي
سالمه: وقتك هوا
جلال: بس واضح عليه امعبي من سيارته ولبسه عرفت كيف اتصيد الكلبه
سالمه: مش موضونا هذا لازم نلقو البنت قبل ما يتكلم المحامي انفذو خطتنا
جلال: موضوع المحامي ماخش لراسي شفتي كيف ايشوفلي بحقد
سالمه: عارفه اكيد عبدالله حكاله كل شي
جلال:تي حتي بعد مات ما ريحنا
سالمه: انا ماشيه انلم دبشي وانت اصرف اعرف صاحب السياره
جلال:تمام توا انكلم صاحبي يعرف في الموضيع هذين
سالمه: استعجل قبل المحامي يمشي لعيت خالها
جلال: به
ناضت سالمه من جنبه وخشت داخل
جلال كلم صاحبه وقعد ايشوف في الفيديو وايكرر فيه اكثر من مره ايشوفله بحقد وكره ويرسم في خطه في باله
.
.
.
.
.
.
.
.
-----------------------------------------------

حسيت بحد قعمز جنبي نزلت راسي
انا: انت
مسعود: اي
انا:اها خلعتني نحساب الكل رقد
مسعود: كنت برا هذي رجعتي وكنك قاعده ابروحك هنا
انا رفعت راسي انشوف في السماء: حسيت الجو هدوء ونسمه حلوه
مسعود ربع ايديه: به كملي
انا نزلت راسي: شن انكمل
مسعود:قولي الي في عقلك حاصل وامخليك حزينه هكي
انا تنهدت بحزن : شن بنقولك وشن بنخلي انا حياتي كلها حزينه شن تبي بعد فقدت اغلى اتنين بحياتي وقعدت وحيده لا اخ ولا اخت ولا اب ولا ام ولا هل💔 في اكثر من هكي ايخليك حزين
مسعود: واحني شنو
انا: عيلتي الي وقفت امعاي في وقت كنت محتاجتلهم فتحولي بيتهم واحتوني فيه ماقصروش امعايا
مسعود: هدا واجبنا وانتي وحده منا وفينا خلاص توا امسحي ادموعك وادعيلهم بالرحمه وانا خوك معاش اتقولي ماعنديش اخ اعتبريني حتي بوك ياستي المهم خليك قويه اي حد يغلط فيك ماتسكيله وخودي حقك منه ((كان يقصد كلامه علي حركة روان)
انا ابتسمت علي كلامته: واحلى اخ في الدنيا
انا: بجديات بنسالك
مسعود:شنو
انا: ليش الكل ايقول انك واعر وعصبي ومعقد مش متفاهم بس انا مانشوفش فيك هكي
مسعود: وشن اتشوفي فيا
انا: انسان عادي وطيب وحنون واجد و منقدي
مسعود باستغراب:منقدك
انا: اها منقدي انت نقدتني من اكبر جحيم في حياتي
مسعود: عادي انتي امكبرتيها
انا: به ماجوبتني
مسعود: علي شنو
انا:ليش كلهم ايشوفو فيك هكي وانا انشوف فيك انسان تاني
مسعود جاوبني برود: عادي كل شخص ايشوفلي كيف ما هو شايفني بعينه ممكن انتي مش متعوده عليا لانك ماتعرفيني مزال او ممكن لاني متعاطف امعاك وحاس بالي اتمري فيه فتره صعبه عليك مانبيش نقسا عليك واتشوفي وجهي التاني
انا:كيف وجهك التاني
مسعود:ننصحك خليك هكي ماتشوفي وجهي التاني
انا :وليش
مسعود : بتغير معاملتي امعاك
انا: به ليش توا اتعامل فيا هكي
مسعود رفع راسه فوق ايبحت في السماء: لانك اتكوني بنت عمتي الغاليه كانت عمتي غاليه عليا واجد لدرجة انحبها اكتر من امي سبحان الله تشبيها واجد
انا دمعو اعيوني: قصدك مدكرها واعي بيها
مسعود: مستحيل ننساها صح كان عمري 15 سنه بعد توفت كنت واعي بيها
انا: انا كنت صغيره ماندكرش واجد به احكيلي عنها اكثر 😭😭
مسعود:تشبهك بكل شي حتي من مشيتك زيها
انا دمعو اعيوني: اي بابا كان ديما ايقولي فيها
مسعود: الله يرحمهم توا امسحي ادموعك وادعيلهم بس مش حا اتفيدهم حاجه الا دعوتك ليهم
انا 😭 : بس انا محتاجتلهم نبيهم جنبي 💔😢
مسعود وجعه حالتي: اهو احني جنبك
انا شفتله واعيوني: تمنيت عرفتك قبل بيومين من هروبي قبل مانكتشف انك ولد خالي 💔💔 لكن حالي احسن اليوم
مسعود ركز في كلامها : شن بيفرق قبل يومين او بعد
انا دمعو اعيوني وادكرت هذيك الليله: يفرق يفرق واااجد 💔💔💔😭😭😭😭
مسعود حس بحاجه: ريناد احكي شن صايرلك
انا كنت نبكي 😭💔:مانقدرش
صبيت من جنبه وشاده روحي بالسيف كنت علي لحضه وحكيتله كل شي خشيت داخل بسرعه ما التفتت وراي خفت يفضحوني اعيوني يحكو بدلال الساني يحكو علي كل وجع شهدو عليه وشافو يحكو علي كل ظلم وعذاب عشته يحكو علي هذيك الليله الي سلبت روحي مني سلبت كل شي حلو فيا 💔💔💔😭😭😭

خشيت لي الدار وماسكه عبرتي وحاطه ايدي علي فمه مانبي نبكي وانوض ايه خشيت الحمام غسلت وجهي انحاول نهدا حسيت روحي هديت اشويا
طلعت خشيت جنب ايه رقدت مازالت العبره في خانقتني 💔

عند مسعود استغرب في انهياري وقعد ايفكر شن معنى كلامي ""ياريت كنت نعرفك قبل بيومين من هروبي قبل ما نكتشف انك ولد خالي "" """يفرق يفرق واجد""
شن معنى كلامها وليش شن صار قبل يومين من هروبت شن صار امعاها
رن تليفونه 📱📱
مسعود نفخ وطلع طرف دخان: اخرتها امع القصه هذي
قعد التليفون ايرن
مسعود حذف الدخان فقل تليفونه وخش داخل

.
.
.
.
.
.

تاني يوم مر عادي طلعت انا وخالي علي وايه ومؤيد مشينا لي الملاهي وتعشينا في مطعم كان يوم حلو ❤️
روحناا

مر اسبوع عادي مافيش اي جديد ومسعود معاش انشوف فيه واجد

في يوم امع المغرب كنا قاعدين انهدرزو والكل موجود في الصاله رن تليفون خالي محمد
خالي محمد رد
"" وعليكم السلام " اي اوصلت انا محمد " اي عارف " تمام تفضل في اي وقت " تمام " سلام " وسكر

مبروكه: من هدا
خالي محمد بحت فيا : واحد يبني
مؤيد: كنك يااحويجه غرتي ولا ايش تحسابيه ايكلم غيرك
مبروكه ضحكت: عطك السلامه
خالي محمد: خيرني نقدر انديرها تبي امك اتلزني من البيت
مؤيد: كنك خايف الشرع حلل 4 عادي
مبروكه: باهي يا مؤيد توا اتشوف عليها
انا: عليش تفتن ياميدو
مؤيد: غير شوفي امي قريب تقتلني من شبحاتها
ايه: عندها الحق
خالي محمد: ماتسمعي كلام هل الفرخ انا ام اعيالي ما انبدلها بي مراه ولا اتجي مراه مكانها ولا تسواها
ايه: اقوووووي يابابا 😍😍
مبروكه ابتسمت : ربي مايحرمنا منك ❤️
مؤيد: توا بالله ياباتي انا واقف في صفك و انشجع فيك تزوج تانيه وانتي هكي ادير هكي
خالي محمد: تبي اتخرب بيتي ولا شنو يافرخ
مؤيد ضحك: لا غير حسيتك مش متريح نبي راحتك انا
خودلك مراه تانيه توا اتريحك
مبروكه حذفت فيه الشبشب: نوض من قدامي احسن هذي نهاية دلعي ليك هكي ادير في امك
الكل يضحك عليهم
مؤيد: خوديها بروحك رياضيه يا امي انتي مش اول وحده بياخد عليها راجلها توا تتعودي يوم امعاك ويوم امع التانيه
مبروكه لفت وجها الجيهه التانيه: سكته هل الفرخ احسن
خالي محمد يضحك: خلاص يامؤيد اسكت امك رقتلها منك وزعلت
مؤيد: الا زعل كوكتي السمحه
ايه: توا كوكتك السمحه حي عليك زعلت منك
مؤيد: صح يا يما زعلتي
مبروكه: برا خطاني مانبي نسمع صوتك
مؤيد: لا جديات زعلتي والله انبصر
مبروكه:مش ابصاره هذي
مؤيد:عارف قلبك ابيض هيا افردي وجهك
مبروكه: كدا خطاني ماعنديش نيه انهدرز امعاك
صبت وخشت داخل

مؤيد: جديات زعلت
خالي محمد:ماهو لو اضم فمك اشوي ماكن صار هكي
وصبا لحق مبروكه
مؤيد: توا شن درت انا واضح انبصر
انا: موضوع زي هدا حساس مش موضوع ابصاره
مؤيد: ماقصدي في شي انا
ايه: امشي راضيها

مؤيد صبا ولحقهم

قعدت انا وايه
ايه رن تليفونها رقت فوق
انا قعدت ابروحي نتفرج علي التلفزيون

عند ايه

احمد: رايفت عليك
ايه: والله انا اكثر حبيبي
احمد: سامحيني عارف امقصر امعاك اليومين فاتو غير بعد روحت كان الشغل الملخبط وعرم توا كيف فضيت
ايه: ربي ايعوان حبيبي به شن جوك
احمد: بعد صوتك تمام بكل
ايه: نجك ليا ❤️
احمد: وليا يا نبض قلبي
ايه: انحبك ❤️
احمد 😍: وربي انا نعشقك يافرخه ❤️ علي صوته انحببك انحبببك
ايه ضحكت: وين قاعد لعند واخد راحتك واتعيط
احمد ضحك: كيف درست قدام البيت امروح تاعب بكل
ايه: ياروحي حبيبي معاش اتعب روحك واجد
احمد ابتسم: ياروح حبيبك كله ايهون عشان راحتك
وتقعدي جنبي
ايه: ناعليا من الي يخدم عشاني 😍😍😍😍
احمد ابتسم: كله اندير فيه عشان بعد ناخدك اتكوني متريحه مش محتاجه حاجه
ايه: ربي مايحرمني منك حبيبي
احمد: ولا منك ياصوت الحنين
ايه ابتسمت وسكتت
احمد: خلاص حبيبي انخش ناخد دوش ونتعشا وانكلمك تمام
ايه: تمام حبيبي
احمد: انحبك ❤️
ايه ابتسمت : وحتي انا
احمد: وانتي شنو
ايه:انحبك
احمد:ناعليا توا نقدر انسكر 😍😍
ايه ضحكت: باي
احمد سكر وخش داخل لبيتهم

.
.
.
.
.
.

عندي انا بعد مشت ايه طلعت لي الجنان نفس المكان
قعمزت وشارده في تفكيري
مسعود : في شنو اتفكري
انا انخلعت: خلعتي
مسعود قعمز:توا يعني بطولي وعرضي فتت قدامك ماشفتيني
انا نزلت راسي: مش امركزه
مسعود: باهي شن جوك
انا: تمام وانت
مسعود: تمام اهو عالق في الشغل
انا: ربي يعطيك الصحه كل شي عليك انت
مسعود: لا اهو عمي امعايا ماسك عني
انا: اها
مسعود: وين باقي العيله
انا: قاعدين داخل
مسعود صبا بيخش لانه كان تعبان: خلاص خشي حتي انتي ماطولي برا
انا: مسعود خليك نبيك في موضوع
مسعود رد قعمز: شنو
انا:صح مره قتلك عندي الاوراق امتاع املاك بابا
مسعود: اي خيرا
انا: به لو طلبت منك اتساعدي في حاجه اديرها
مسعود: شنو
انا: لو قتلك نبي ننتقم من مرت بابا اتساعدني
مسعود: ليش
انا: لو قتلك هي دمرت طفولتي ودمرت حياتي وقتلت كل حاجه حلوه فيا توا نبي ننتقم منها علي كل شي عيشتني فيه اتساعدني
مسعود: به وشن بديري
انا بفرحه:بجديات بتساعدني
مسعود: يعني بنقولك لا
انا: نجك ليا ان شاء الله مانفقدك يا رب 😍
مسعود ضحك: به وكيف بتنتقمي منها ان شاء الله ماتقوليش بنقتلها وتبدي مجرمه
انا ضحكت : ياريت لو نقدر 😂 💔
مسعود: جديات شن بديري
انا:اول شي لازم كل املاكي وافلوسي نكتبهم باسمك
مسعود فتح اعيونه: ليش ماتجيش بكل
انا: اصبر خليني انكمل لمه يبدو باسمك هنا هي بتخسر كل شي نقدر انطلعهم من بيت بابا وانخليهم في الشارع
مسعود: ريناد واعيه انتي شن اتقولي مستحيل هذا رزقك مستحيل نرفع من دينار وانتي في الحالتين تقدري اطلعيهم مافيش داعي تكتبيه باسمي
انا: ماهو لو قعد باسمي حا تقعد اطارد فيا وتلحقني لين تاخد مني هي اتحاول بأي طريقه عشان تاخده بعد ايكون باسمك مش حتقدر ادير شي ولا تقدر اتقرب مني
ماتنساش انها كانت بتزوجني لي ولدها 💔
مسعود: ماتخفيش ماتقدرش اتجي جيهتك مادام انا قاعد حي ورزقك يقعد باسمي وهي مستحيل تقدر توصل فيك خليها اتجي اتقرب منك وربي مش راحمها لا هي ولا ولدها
انا: ماهو انا نبي نحرقها انه الفلوس الي تحلم بيهم قعدو عندك هكي هي حاتخسر كل شي وتدمر وتقعد في الشارع
مسعود: مستحيل بعدي الفكره هدي من راسك
انا مسكت ايد مسعود
انا: صح قتلي اعتبريني زي خوك ومعاش اتقولي ماعندي اخ يعني توا انت زي خويا مفروض توقف جنبي بعدين والله مافيش فرق بينا لو قعد باسمي او اسمك كله واحد لو قعد باسمك حتي انك تقدر اتمشي شغل بابا واتحافظ عليه انا عارفتك مش حا تاكل رزقي لاني واتقه فيك اكثر من نفسي بنسلمك تعب بابا اسنين كله عشان ايكونو في ايدين امينه
مسعود: والله صعبه ياريناد مانقدرش االناس ايقولو طامع في رزقها فوتي الي تبيه اندير الا هدي
انا دبلت اعيوني وضغطت علي ايده: بالله عليك عشان خاطري وافق يامودي وطز في كلام الناس ماتعدل
مسعود : تمام بس بشرط مانخدش ربع منهم يقعدو باسمي لعند ما انتي تبي تاخديهم
انا افرحت انه وافق وبننتقم من سالمه ولدها
بست مسعود علي خده من الفرحه
انا 😍 : نجك ليا 😍واخيرا انجيب الوراق وانجي
مسعود مصدوم من حركتي قعد ايشوفلي وقرن حواجه
انا نضحك: تي نحيهم مش خايل عليك جو امعصب
مسعود: مش كان ساهل امعاك وانهدرز اتخطي احدودك
انا بعدت عنه ونضحك: عادي عادي تعود ياخويا وفكنا من جو الشين بدينا خوت توا تقبل اي شي ايجيك مني 😂😂 وتحمل اهبالي ايوا
وخشيت نجري داخل فرحانه بناخد حقي من اكثر انسان ظلمني

مسعود قاعد مستك من بوستي وكيف ما ضربها ولا هزبها وكيف متساهل امعاها وايساير فيها والي اهم منها ليش وافقت انساعدها
برغم بوستي جت عفويه ❤️

خشت الدار بسرعه فتحت شنطتي وطلعت كل الوراق تنهدت وانا واتقه مسعود مش حا ايضرني نزلت بسرعه
مشيت لي مسعود قاعد في مكانه

انا: جييت
مسعود: فرحانه بكل
انا: بكل اخرا
مسعود:واضح
انا: هذين الوارق مانفهمش واجد بس امتاع الملاك من خريطة البيت عرفته
مسعود: ماتعرفيش تقري ولا كيف
انا: هههههه قصدي ما نفهم فيهم يامصيبه
مسعود هز راسه: هاتي الوراق
انا مديتهم ليه
مسعود قعد يقرا فيهم طول هو ايدقق فيهم
وانا انشوفله: مزال
مسعود: قلنا اسكتي
انا: باهي فهمني امعاك
مسعود: ايييي علينا قتلك اسكتي خليني انركز
انا جبت كرسي امتاعي جنبه: هيا قولي شنو وفهمني
مسعود اشر علي مكاني: ردي لمكان بعدها انفهمك
انا: ماهو مليت وانت شاد الوراق حتي انا نبي نقرا
مسعود: قلت لمكانك انا صح
انا رجعت الكرسي في مكاني وساكتي
مسعود: وشن تبي تفهمي
انا: خلاص مانبي نفهم شي
مسعود: زمرري كنت ناقص انا كنك انتي التانيه
انا: كنك اتكشخ عليا
مسعود: نقصي صوتك
انا طارتلي صبيت: تصبح ع خير
وجيت ماشيه
مسعود مسكني من ايدي وردني علي الكرسي
مسعود: ريناد ارتزعي في مكانك ماتخلي اجنوني يطلعو عليك وخليك ساكته
انا قعمزت: باهي انت اتكشخ عليا وتعيط
مسعود: ما كشخت قتلك اسكتي
انا: اكثر من هكي شن كنت بدير
مسعود مسك راسه: بتجنينني امعاك ولا كيف فكينا من المشاكل وانهي
انا: انت كان عصبي واخلوقك علي سبله شن بنديرلك انا
مسعود تعصب: ريناد قلنا انهي
انا ربعت ايديا وسكتت
مسعود شافلي : شنو الي تبي تعرفيه
انا: مش مهم خلاص المهم توا شن بنديرو
مسعود رفع حاجبه : ريناد فوتي جو الدلع الي اديري فيه علي ابسط كلمه تحرجي
انا هزيت اكتوفي: هدا طبعي مش دلع انت اعرف كيف اتكلم
مسعود: لا حوله ولا قوة الا بالله سكريه الموضوع خلاص كان من بدايتها هكي
انا علي طول دمعو اعيوني: رد بالك مسعود اتراجع خلاص اهو نقعد هاديه ونتحملو عصبيتك المهم انتمو الموضوع
مسعود: ايكون احسن
انا:به توا شن بدير
مسعود: خلي انكمل باقي الوراق ونسهر عليهم وبكرا نحكو توا امشي ارقدي
انا: ازعلت مني
مسعود: لا وليش بنزعل
انا:عشان عصبتك
مسعود: لالا خلاص امشي انتي ارقدي وقت متاخر
انا: به تصبح علي خير
مسعود: وانتي من اهله
انا مشيت خطوتين ولفيت عليه: مسعود
مسعود: ها
انا:نبي شفره انت عارف شفرتي كسرتها
مسعود:حاضر تبي شي تاني
انا:لالا هذي بس
مسعود:تمام الصبح تلقيها عندك
انا: نجك ليا مش عارفه كيف نشكرك
مسعود: خشي احسنلك
انا: اتلز فيا
مسعود: معاش بنسمع كلمه شكر ولا تشكريني قتلك الف مره هدا واجبي ومش بينا اتعاوديها مره تانيه تحملي مايجيك بعدها
انا ضحكت: شن بيجيني
مسعود: كف علي وجهك ماتنسيه بكل
انا حطيت ايديني علي وجهي: مش حرام عليك
مسعود: مش حرام
انا: خزي توا صدقت كلامهم
مسعود: انتي ما ريتي شي مزال
انا رفعت حاجبي: مزال في اكثر من هكي
مسعود: تعرفي انك صداااع
انا: صداع احسن من نفسيه

ومشت عنه وخليته بجديات صعب تفهميه مره حنون مره عصبي مره مش مفهوم حرت فيه واضايقت من كلامه وجعني كيف كشخ عليا وعيط 💔🥺

خشيت لدار القيت ايه اتهدرز علي التلفون

خشيت في السرير وغطيت وجهي وانفكر في كل شي

.
.
.
.
.
.
.
.

عند مسعود بعد مشيت كمل يقرا في الوراق كملهم وقعد ايفكر في حركات ريناد امعا ليش اختارته هو وليش تبي تنتقم وشن السبب وليش هل الحقد عندها هلبا اسائله في راسه ماليهم جواب بعد ايس منها خش بيرقد

.
.
.
.
.
.
.
خش وسكر الباب
جلال:عرفت وين قاعده الكلبه
سالمه نطت: وين
جلال: الكلبه مشت لعيت خوالها
سالمه:كيف عرفتهم وين يسكنو
جلال: مانعرف الكلب الي جاء رفعها من هنا ايكون ولد خالها محمد
سالمه: كيف عرفت
جلال: توا ...........

.
.
.
.
.
.
.
.

تاني يوم

وعيت الصبح القيت ايه مزال راقده شكلها سهرت امس
توضيت وصليت نزلت تحت القيت اخويله مبروكه ادير في فطور لي عمي قعدت انساعد فيها وفطرنا

خالي محمد : العشيه جايني ضيف
مبروكه: مرحبتين بيه
خالي محمد: بيش تحسبو الضيافه الراجل جايني من طريق سفر
مبروكه: ان شاء الله
خش خالي علي: فطرتو عني
خالي محمد: تعال قاعد الخير
انا: توا انديرلك انا فطور
خالي علي: سلمها الفالحه
انا صبيت
خالي علي: وين البايره ايه من جت ريناد هي خلاص معاش تخدم في شي
مبروكه :😂😂😂 راقده
انا: حرام والله تخدم
خالي علي: ماشفتها تخدم بكل
خالي محمد:انت غير اقعد في البيت عشان تشبحها
انا:نمشي انديرلك فطور
مبوركه:بعد ما اتكملي نوضي ايه اتساعدك في الغذاء وقوليها بوك جايه راجل العشيه
انا: تمام
مؤيد: احسبيني امعاك في الفطور
انا: من اعيوني
مؤيد: نجيهن يارب
انا خشيت المطبخ انوتي في فطور خالي ومؤيد

خالي علي: منو الراجل الي جايك
خالي محمد: توا بعد تفطر نحكو في المربوعه
خالي علي: تمام
مبروكه: في شنو اتوشوشو
خالي محمد: شي سالني فحاجه شور الشغل
مبروكه هزت راسها

كملت الفطور وحطيتلهم فطرو وطلعو

خشيت المطبخ انغسل في الماعين الفطور
خش مسعود
مسعود: صباح الخير
انا التفت: صباح الورد
مسعود: يعطيك الصحه
انا: سلمك
مسعود: جبتلك الشفره
انا: حق
مسعود طلعها من جيبه: اي
انا جيت خديتها منه
انا :ش ادكرت قالي معاش اقوليها سكتت
انا: توا يعني شن اقول
مسعود: ماتقولي شي
انا: جديات ماك طبيعي
مسعود رفع حاجبه : وشن اخرا
انا ضحكت علي منضره: ويسسلمووو واجد احلى اخ ❤️
مسعود: مصره يعني
انا هزيت راسي: اها
مسعود: ايصبرني ربي عليك
انا بصوت عالي: امييين
مسعود: باهي انتلفي كملي تغسيلك
انا كشرت: باهي
مسعود طلع

كملت ع السريع ونوضت ايه وخبرتها الي وصتني عليه خالتي وعلقت شفرتي وحطيت تليفوني في الشحن

فات الوقت وتغدينا مافيش اي احداث

.
.
.
.
جلال: افهمتي شن قلت بالحرف
سالمه: تمام انشوفو اخرتها
جلال: اخرتها نلعبو بالفلوس 😍
.
.
.
.
.

امع العشيه جا الراجل لي خوالي

الراجل: ...........
خالي محمد 😳:..........
خالي علي 😐

.
.
.
.
.
.

مسعود: .........
......:............
.
.
.
.
.
.
.

#يتبع

لقراءة باقي حلقات الرواية : اضغط هنا 
google-playkhamsatmostaqltradent