رواية هل هناك فرصه الحلقة الثالثة 3 بقلم كوكي و ندى السعيطي

 رواية هل هناك فرصه الحلقة الثالثة 3 بقلم كوكي و ندى السعيطي

رواية هل هناك فرصه الجزء الثالث 

رواية هل هناك فرصه البارت الثالث 



رواية هل هناك فرصه الفصل الثالث 

#هل_هناك_فرصه 😞 جديد في الحلقه 3 👉

قبل ما نبدأ التفاعل 0 ليش عشان للعبره ؟ وانا وندى تعبنا فيها ولكن اذا ما حبيتوها نوقفها وتنزل في مكان يقرو فيها زي واتس بس وتحيه يلي يتابعو فيهاا 💙


ونحنا مزلناا في البدايه انتو ما شفتو شي ما نبي نحرق احداث بس شي واحد حانقوله لاعند هنا تعتبر كمقدمه وتابعو وشوفو 👇 وتوقعاتكم يهمني


_______________ وصلنا عند _______________


رشا : تعالن يا بنات خلونا نمشو للغرفه نبي انوريكم باتي شنو جابلكم 😍 توا تفرحن واجد


" توليب " انا حاولت نبتسم عشان رشا يلي تحاول اتفرحنا بس كنت مضايقه بكل وهويدا ساعدتني انصبي وعدينا للغرفه ورشا مدت كل وحده فينا كيس وبعد شفناهم لقينا انا وهويدا تليفون وتؤم ايباد كانت

صدمه كبيره لنا بحتت في رشاا انا وهويداا


هويدا : شنو هضا يا رشاا ؟؟

رشا ابتسمت : تليفونات

توليب : عارفين بس ليش ؟ وعارفين ان ممنوع

رشا : بابا جابلنا مع بعضنا انتن زي خواتي مش بنات عمي وبس وانا نحبكم واجد

هويدا : رشا تبي تجنيني انقولك ممنوع

وطلعت هويدا للمربوعه لحقتهااا اناااا


هويدا بحتت في عمي وحطت تليفون في كتره : اسفه عمي مش حانقدرو نقبلو هديتك

محمود بحت فينا وصبا : وليش يا بنتي ؟

هويدا : مانبوش ومانبو يصيرن مشاكل اخرا لان هضا ممنوع حتى نتنفس ممنوع كل شي ممنوع يا عمي

محمود بحت في اسلام يلي بحت في هويدا


اسلام : هويدا خودي تليفون

هويدا بحتت فيه وبحزن : طالب مني نفتح قبري بيدي علي اساس هو ممنوع ياا تؤمي تبيه سر ؟

اسلام : لا مش سر انا عندي علم بيه وانا واثق فيكم انكم تستخدموه مش بهدف الغلط لا بالعكس انا وعمي كنا نحكو توا وكيف علمت بقصة الهديه علي خشتك كان سؤال عمي شنو ردت فعلي ؟ وبحت فيا وفي عمي محمود وقال : حانكون فرحان اكتر وطبعا اول رقم يتسجل هو رقمي وغمزلنا 😉


عمي محمود : انا معتبركم زي بنتي رشاا ولو ما قبلتو هديتي حانزعل منكم بجديات

توليب بحتت فيه : والعيله ؟ اكيد جنازتنا الليله

هويدا : اي اكيد وهو مش مهم بنضري

محمود : انا وخوكم اسلام نعلمو بيه وهالشي يكفي

توليب : يعني شنو ؟

محمود : يعني العيله مش حاتعلم غيرناا ولو تبو شي وناقصتكم حاجه او صاير معاكم شي اتصلو بيا وحانجيكم تمام يا بناتي


انا وهويدا بحتنا في بعضناا وفهمنا من النضره لكل وحده فينا الفرق بين عمي الطيب وباتي يلي ثقته لنا هو وخوتي معدومه الخوف ان البنت اتجيب العار مخوفهم ! هما لولا الانثى راه ما انولدو اصلا ليش ما يحبو البنت سكتت ما عندي ما اندير ساد يلي صار اليوم في المدرسه ساد ضرب خالد ليا 💔


اسلام : هااا تمام ليش هالحزن ؟

هويدا بحتت فيه : رغم ان مش مهم بس المساعده من جنون العيله وتهورها بالشك حايكون مهم

اسلام ضحك : عيله غريبه وزاد ضحك اخرا

المشكله انهم عيلتنا يا تؤمتي

هويدا ابتسمت : مع الاسف وبحتت في عمي وحضناته لولا وجود عمي راه من زمان ميتين

ولولا وجود الجد الكبير يلي حاتعرفوه راه من زمان مزوجينااا ونحنا صغار بس جدي وعمي داعم كبير لنا واسلام خويا طيب زيهم ربي يحفظهم لناا ❤


"هشام" انا قررت نخطب يا امي

امي فرحت : من هي يا اوليدي من اعيوني نخطبها لك

هشام ابتسمت : طالبه كنت نقري فيها زمان وبصراحه عاجبتني قلت بعد نجهز ونكون نفسي نخطبها ❤

امي طار عقلهااا : من هي وشنو اسمها احكيلي عليها فرحانه واجد واخيرا حانفرح بيك

هشام ابتسمت وقلت : اسمها هويداا

امي فرحت : وهي من وين احكيلي عليهاا

هشام : ههههه توا تشوفيهاا وتحبيهااا

امي : لا نبي نعرف احكيلي عليها بس بلا عناد

هشام : هههه حاضر يا غاليه

هويدا انسانه من اول ما شفتها خشت لقلبي شخصيتها القويه وعدم اختلاطها بحد تحب تكون بروحها شخصيتها فريده من نوعها وهي اكتر طالبه مهتم بأمرها زمان لما كانت في الشهاده رغم ان مش معطيتني وجه وحتى كلما نجي نحكي معاها بموضوع شخصي زي انها مخطوبه تتهرب مني

بس هالشي ما يهمني


امي : حبيت مواصفاتها بس كيف ما يهمك صدها يمكن مخطوبه عليش رفضت تحكي معاك وبلكي متزوجه توا وبعيالهاا


هشام : لالا لان ليا 3 سنوات عارف حوشها وسئلت عليهم مافيش وحده متزوجه من بناتهم 💙

وهالشي فرحني وتوا انا جاهز عشان نتزوج بعد درت كل جهدي عشان نكمل بناء شقتي يلي فوق ومزال نأتثها بس ❤


امي فرحت : وانا نقول قعدت كل فتره تجيب في عمال يكملو فيها لك واهم شي ان نفرح بيك واقريب

هشام ابتسمت : فرحتي زادت بفرحتك وحانبشرك ان بعدين ماشيلهم نحكي مع خوتها لو وافقو نبعتك لهم

انتي والعيله وتخطبوها ليااا 😍

امي فرحت وحضنتني : مستحيل يلاقو كيفك

انا ابتسمت : يلي يهمني هويدا مش هماا 💙


"حليمه" شنو صار في امتحانك اليوم ؟؟

حنين : الحمدلله يا ماما وساهل بكل 😍

حليمه : باهي اكويس ومزال ما جاه خوك ؟

حنين : لا رواد مزال ما جاه قاعد مع بابااا اكيده لان جاه اتصال وقال اسم بابا وعدااا

انا انشغلت علي رواد زعما شنو يبي منه عليش اتصل بوليدي 😢 اكيد عشاان موضوع يلي ديما يفتح فيه له وان يعيش معاه يبيه ناوي ياخدكم مني

حنين : ما اتقوليش هك يا ماما اكيده مش هضا موضوع يلي حايحكي فيه مع رواد


رواد خش وبحت فينا : لا هضاااا نفسه

انا بحتت في وليدي يلي حاسته يشبهله واجد حتى في الطبع صبيت وقربت منه : تبي تخليناا ؟

رواد : ليا سنوات نرفض بس عشان نقعد معاكم ولكن توا خلاص عمري 20 وبابا وعدني بسياره اخر موديل وحياه رافهيه شنو نبي بعد هضا كله تبيني نرفض !


انا انصدمت وشيرت علي نفسي : اتبدلني انا امك يلي خلفتك وتبدل اختك برزق باتك يلي ما يسأل عليكم الا في الشهر مره كان اذكركم يسأل مرتين معقوله يا رواد شنو قصرت معاك انا هو عنده رزق انا عندي حب واهتمام لولادهااا وخوف عليهم


لحظتها اول مره يطلق لسانه عليا رواد

وقال : مش فرخ صغير انا تبيني في حضنك هنا 24 ساعه وترجي فياا عقاب الليل بصفتك شنو خايفه عليا انا كبير وفاطن لنفسي وبابا قالي ان حايجوزني اخرا وحانعيش معاه


انصدمت و نزلو دموعي وحنين مسكتني لولاها كنت قربت وضربته كف بس مسكت نفسي وقلت : يعني مخطط باتك ان ياخدك مني ويجوزك ويحرمني منك يا خوفي حتى حنين يحرمني منهاا

وحنين حضنتني : لا يا ماما ماتقوليش هك

انا وياك مستحيل نتفارقوو مستحيل

رواد تأفف : وحق ربي نكد في حوش هضا نبي نمشي من توا لبابا وطلع وخلاني نبكي وحالتي حاله 😭💔


" اسلام " هيا يا بنات تأخر الوقت لازم نردكم للحوش

هويدا : هيا توا حانجو وسلمن علي رشاا يلي قابلتني مش عارف شنو قصتي نرتبك واجد رايح هالفتره لما نشوفها احساس غريب والله🔥


بعد وقت جان خواتي وعدينا مع بعضنا للحوش خشن جوا لغرفتهم وانا بحتت في باتي يلي طلع من غرفته وبحت فياا : شنو الكلام يلي سمعته ؟

اسلام : اي كلام علي شنو تحكي ؟

محسن : نقصد قايل لخوتك كبار حاتمشي توليب للمدرسه وبأصرار حايمشن يلي ما عندك احترام مخلي حوشك وقاعد مع عمك محمود من انت وصغير ما تبي الا حوش عمك تعيش فيه

اسلام عصبت : اولا بنات امانه عندي ليوم الدين وانا حانتكفل بتوصيلهم يا باتي وتوليب ما غلطت اختي وعارفها اكويس نتمنه تبطلو شكوك زايده


محسن : توا نشوفو اخرتها وصدقني لو في يوم وحده من خواتك غلطت بسبب دفاعك لهم محروم انت وياهم بالورث وبالرضى الوالدين تسمع


اسلام بحتت في شرف وخالد يلي سمعو صوتنا جوه وقعدو يبتسمو رديت بحتت في باتي : ما يهمني الورث يلي يهمني العداله الانسانيه وكان سؤالك ليش قاعد عند عمك فحانقولك يا باتي وتاج راسي فاقد العيله هنااا عكس غادي حوش وفي عيله وحب واهتمام وخوف مافيش شك في ثقه يلي مش موجوده في الحوش الكئيب هضا وطلعت بسرعه من الحوش وانا معصب وخبطت في شاب يبي يرن الجرس قلت : معليش وعديت وقعدت انتمتم يزورو في عيله زي هذي مزال في امل فيهم ؟؟ اه يارب وخشيت لحوش عمي لقيت زوجة عمي زي عادتها فوق في غرفتي تراجي فيا وتبتسم بحنان الام يلي فاقده انا وخواتي ابتسمت لها وبست يدها وراسها


خوله : وليدي ليش زعلان ؟ ومعصب

انا ابتسمت : شنو عرفك ؟

خوله : عيب عليك راك ترابيتي انت ولدي وعارفتك اكويس مافيش ام ما تعرف ولدهاا

وقتها دمعت عيني وفي نفسي ليش امي هك باهي ليش قاسيه وتحب نفسها بس

خوله : ما تفكرش في شي يا اسلام وهيا تصبح علي خير وكرت خدي وابتسمت وعدت وخلتني نبتسم


" هويدا " شديت علي يدي شفتي كيف عامل اسلام توا والله تعبت ليش ماعندهم رحمه

توليب تصنط ومش معايا وبعدها خشن التؤم

وقالن : في حد في مربوعه ويحكي بسيرتك

هويدا بعدم فهم : كيف يعني ليش يحكو علياا

سهى : يبي يجيب امه تطلبك له


كانت صدمه بالنسبه ليا 😳 ورحتي فيها يا هويدا

توليب بفرحه : فرحتلك واجد

هويدا : اي فرحه تحكي عليها انا انسانه عهدت نفسها ماا تتزوج ألا بعد نطمن عليكم ويجي نصيبكم ولكن طلعه من هالحوش توا لالا والمعاناه زي ما هي لا اسفه


توليب انصدمت : لا يا هويدا ماتفكريش في شي اخر توا غير نفسك ياما ضحيتي علي شانااا وتوا جاه دورك عشان تعيشي بسلام وامان مع شخص يقدرك

و يحميك حتى من ظلك

هويدا : بلا دوا فارغه زواج توا لا سكري عالسيره وأمشي أقري عندك امتحان بكرا الصبح

توليب تنهدت وطلعت كتابتها تصهر عليهم وانا بحاله سيئه في وضع مش تمام خايفه توا نطلب المساعده من عمي بكراا ويارب نور طريقي وحبيت نلتهي بشي اخر زي الكتاب يلي نقرا فيه وبديت نقرا وفاطنه لدقت الباب يلي حاتكون قريبا 🙅


" هشام " يعني ردكم امتى

شرف : باتي قالك موافق عليش تحكي عالرد ؟

هشام : نقصد بنتكم اسألوها علي رأيها قبل

محسن : ما عنديش بنت تعطي رأيهااا بعد كلمتي

هشام انصدمت : يعني ؟

خالد : انت طلبت البنت خلاص هي لك بس زي ما قال باتي مهرها ومؤخرها كبير

شرف : باين عليك ولد ناس وبالجوده يا نسيبنااا 😉

هشام من صدمتي هزيت راسي وطلعت بسرعه !!!


" رواد " : بابا جيتك وحانعيش معاك ابتداء من هالليله ومعاك يد بيد


يعقوب ابتسم وقرب حضني : فرحتني يا بطل

وبحت فياا وهضاا مفتاح سيارتك وغمزلي

انا فرحت وحضنته وقلت : نجربها عادي يعني نسوقها

يعقوب : جربها هنا توا ولكن بكرا تبدأ اتسوق براا

رواد : تمام شكرا يا بابا وبست يده وطلعت فرحان بالعز يلي حايكون اساس حياتي من اليوم


" حنين " ماما ما تخافيش توا يجي رواد

حليمه : رواد عدا خلاص دم باته يجري في دمه نفس الطينه ونزلو دموعها حسبي الله ونعم الوكيل فيك يا يعقوب


حنين وجعنتني ماما وفي نفس وقت دعاها علي بابا من امبدري رغم يلي يدير فيه بس نحب عيلتي كلهاا

وخايفه علي ماما كانت منهاره

حليمه : باتك عارفته يدير هك عشان !!!


" يعقوب " ابتسمت عالضربه الاولى يلي حصلتها حليمه ومزال التانيه بكرا ياا حنين 🔥👌

حاتختاري باتك اكيد وتخلي امك زي رواد 😎

google-playkhamsatmostaqltradent