رواية جرائم في منطقتي الحلقة الثالثة 3 بقلم اسماء أشرف

 رواية جرائم في منطقتي الحلقة الثالثة 3 بقلم اسماء أشرف

رواية جرائم في منطقتي الجزء الثالث 

رواية جرائم في منطقتي البارت الثالث

رواية جرائم في منطقتي الحلقة الثالثة 3 بقلم اسماء أشرف


رواية جرائم في منطقتي الفصل الثالث 

ريناد:شافتله وكان في عقلها شي واحد انها لازم تطلع من هنا..ردت عليه بسرعه
اي اي موافقه نشتغل معكم

هو يسمع في كلامها ومش مصدق شي شنو هذا؟معقوله وافقت😨ورد يسمع في شنو يقولو

مجهول:ابتسم بخبث...طلعتي ذكيه زي مايقولو
ريناد:تشوفله وفي عيونها نظرة خوف
مجهول:قرب منها..عارفه لو طلع منك حرف واحد ايش ح يصير ف عايلتك؟
ريناد: انا مش من النوعيه يلي ترد في كلامها😏
مجهول:توه نشوفو..وقرب منها..خليك هنا اليوم مافيش داعي تروحي..وشافلها بنظره اخيره تخوف وطلع

مجرد ماحس انه يبي يطلع مشه ورا شجره وشافه وهو يطلع
بدا يقرب من الملحق ويشوف الوراه
قرب من الباب ويسمع فيها تبكيي
تنهد وقرب اكثر عشان يناديها
اصيل:انتي يا بنت
ريناد:من صوت بكاها ماسمعتش شي
اصيل:يلعن..تنهد..يابنت انتي
ريناد:سكتت شوي عشان تاخذ نفس
اصيل:خبط بقوه ع الباب..تي صكري فمك وردي عليا
ريناد:😳تكلمت بتردد..ااامم..انتت...اان ت ممن
اصيل:مش وقت الكلام هذا توه...يابنت لو انتي قاعده ورا الباب بعدي شوي
ريناد:بعدت من غير كلام
اصيل:حس انها تبعدت..بعد من الباب وقرب منه بسرعه عشان يفتحه..يمكن بعد 3محاوله فتح الباب
ريناد:كانت واقفه في زوايه وحط يدها ع قلبها خايفه ومش خايفه كل شي كويس ومش كويس كانت قي لحظه هذي تحس بيه💔
اصيل:قرب منها ومد يده..تعالي معي بسرعه قبل ماحد يشوفنا
ريناد:انت من قبل
اصيل:مش مهم تعالي بس..وخذها من يدها
وطلعو بشوي عشان ماحدش يشوفهم
ريناد:تي كنك انت شن تبي في
اصيل:نبي نوصلك لحوشك تفضلي اركبي
ريناد:ماعليك في توه نمشي بروحي
اصيل:قتلك اركبي الجو مش امان
ريناد:شافت يمين ويسار وبعدين ركبت وهي ساكته
اصيل:طلع بسياره وهو يتالم من جنبه شافتله ريناد بس ماعدلتش عليه
**********************************

نوران:لا مش ح ندز صوره الا لما تجيبلي يلي قتلك عليها..ههه عجبتك اي صورة الصور هذين مخصوص لك حبيبي..تؤ توه قولي تبي تجيبلي الفستان ولا
وفجاه انفتح الباب
نوران:😨😨
نسيبه:خشت بهدوء...نوران صكري خلينا نحكي معك
نوران:باي حبيبي نحكو بعدين..وصكرت
خير نسيبه
نسيبه:خيرك نوران ليش تميتي هكي
نوران:هكي كيف يعني
نسيبه:عمتي انتصار زعلانه عليك عشان ماتقريش وبصراحه انا بروحي زعلانه عليك
نوران:ضحكت بوجع..انتي ممكن يكون عجبك حالك والوضع يلي انتي فيه..بس انا لا
نسيبه:وكنه حالك بالعكس امورك طيبه امك وبوك كويسين ومش فاقده اي حد من هلك💔
نوران:تنهدت...نسيبه مش ح تفهميني بالله عليك خليني
نسيبه:تبي تحكي بس قاطعها بوها لما خش عليهم
سعيد:تعالي نوران نبي نحكي مع شوي
نسيبه:انا حكيت معها يا بابا وان شالله الامور طيبه
سعيد:شافلها..ربي يوفقك وانتي يا نوران اهتمي بدراستك
نوران:ان شالله خالي
سعيد:طلع وهو يبتسملها
نسيبه:ربي يهديك يابنت عمتي وطلعت
نوران:كان كل همها انها تصاحب شباب اغنياء من المدينه عشان تاخذ يلي تبيه من دبش مركات وعطور مشهوره كان كل همها انها تطلع من الفقر يلي هي فيه ماتعلمش انها بطريقه هذي في ناس ح تمشي في داهيه بسببها وان نهيتها هي؟؟؟🔥

محدش ح يتواقع نهيت نوران ابداً🔥🔥🔥
**************************

هاني:قرب من الكوجينه..حبيبي وينك متاكد انك قاعده وتبي تفاجئني زي كل مره
ياسمين:😳
اسكندار:طلع برا من باب الكوجينه ع الجنان
ياسمين:حطت سماعة في وذنها ولتفتت ترتب في الفواكهه كانها ماكنتش تسمع فيه
هاني:حضنها من خلف وباس كتافها..نحبك
ياسمين:التفتت شوره كانها متفاجأه بيه..هيي حبيبي امتى جيت
هاني:شنو مفيش حمدلله ع سلامه
ياسمين:بابتسمه مصتنعه..حمدلله ع سلامه حبيبي
هاني:يهزا راسه بنفي..تؤتؤتؤ مش هكي
ياسمين:فهمت قصده..قربت منه وباسته ع فمه وكل هذا تحت نظرات اسكندار يلي يراقب فيهم🔥
هاني:بصوت عالي...اخخخخخخ قديش كانت مرايف عليك وربي معاذ فيها معش نقدر نصبر..خذاها بين ايديه وطلع بيها فوق
اسكندار:خش للكوجينه ويقرب فيهم وهم طالعين..وربي الا لما تشوفي ي ياسمين😤

أسمـــاء أشـــــرف🔥
🔥روايـــات أســــــــماء أشـــــــــرف

ريناد:تشوف لحوشهم من روشن السياره
ماكنتش متوقعه انه ح يواصلها فعلاً لحوشها كانت متوقعه انه ح يغتصبها او ح يخطفها كلنت متوقعه كل شي منه
اصيل:بالم..شنو تبي تقعدي قاعده واجد
ريناد:شافتله ونست كيف حكا معها بطريقه مش حلوه..جنبك يوجع فيك
اصيل:شافلها بعيونه الزرق..ريناد انزلي
ريناد:كيف عرفت اسمي
اصيل:بكرا نتلاقو ولازم نحكو
ريناد:خذت نفس..شوف انا مش عارفه انت من ومش عارفه هل انت معهم ولا
اصيل:قاطعها بصوت فيه حاده:ومن هم يلي انا معهم؟؟
ريناد:اذكرت كل شي صار معها وتمت ترجف بخوف و غير هكي لان دبشها مبلول
اصيل:بدون مايشوفلها..كيف وافقتي بس انك تكوني جزاء منهم فهميني
ريناد:بصوت يرجف..كان لازم نوافق عشان نطلع ونبلغ عليهم
اصيل:وهو يشوف لجو برا..المهم انزلي توه وبكرا صباح ح نكون عندك عشان نطلعو نحكو وللعلم انا عارف بكل شي وفهمك كافيه
ريناد:نزلت من سياره تجري كان كنت محبوسه اما اصيل اول مانزلت طلعت منه اهاات الالم بسبب جنبه..لف سياره ورد للمدينه

طبعاً من اول ماخشت ريناد وبوها وامها استلموها بالاسال وغير هكي انفجوع من منضرها ودبشها المبلول
وكل يلي قدرت تقولها ريناد انها كانت مشغوله في شغل ومع المرضى وان دبشها انبل بسبب شيشمة اميه انكسرت وبخت عليها ميه
طبعاً امها ماصدقتهش بس ماحبتش تضغط عليها
اما ريناد خشت ادوشت وطول ارقدت لان تعبانه من كثر التفكير
*************************************
لليله مش زي اي لليله
ابطال روايتنا مافيش حد فيهم كان راقد ومترياح كل حد شايل همه

لليله راقدت فيها في حضن راجلها بس بدون اي مشاعر اتجاه عكس ماهو كان يعطي فيها احساس بالحب والمشاعر الحلوه اما هي ف كانت اتخيل فيه عشيقه مع كل حركه او كلمه💔

وقت ماتراقدي وانتي حاسه ان في شخص ناقص في حياتك ومش مكملها والاهم ان شخص هذا هو سبب وجودك في الحياه💔طبيعي جداً تراقدي ودمعتك ع خدك

لما يكون في صراع بين العقل والضمير في لحظه هذي تاكدي ان ممكن ضميرك يفوز بس في حالة نوران يلي كان ضميرها يواجع فيها بسبب يلي ادير فيه في امه وبين عقلها يلي يفكر في مصلحتها
بس في الاخير قررت ان مصلحتها قبل كل شي🔥

ممكن جداً انك تكون راقد بس عقلك ماوقفش عن التفكير ممكن بسبب صدمه صارت معك موقف كلمه زعلتك اي شي بس لما تشوفي وتسمعي حاجه مايستوعبهش عقلك معناها تاكدي انك مش ح تقدرس تراقدي كويس
****************************************
جا الصباح ع ابطال روايتنا
صباح كان حلو نسيبه يلي بدورها فطرت هي واختها وبوها وكل حد عده المكان نسيبه مشت لجامعتها وفاطمه لمدرستها اما اب نسيبه مشه لشغله❤️

صباح كان مش حلو نوران لانها تكرها تنوض بدري بس كل شي يهون لان اليوم حبيبي القلب يبي يجبلها الفستان يلي تبيها ماهو اساس نوران المصلحه قبل كل شي😏🔥

صباح كان مش رايق ع ياسمين يلي ناضت وهي تنفخ طبعاً ماكنتش تبي تنوض ع وجه راجلها لان هكي الافندي اسكندار ح يضيق🔥نزلت ياسمين بشوي وسيبت هاني راقد💔
ياسمين:بصوت واطي من صاله..صباح النور حبيبي
اسكندار: بهزوه..حبيبي صار
ياسمين:بالله عليك اسكندار ماتزدش عليا
اسكندار:بغضب..تي مغير نشوفك بس وتوه تشوفي
ياسمين:سمعت صوت هاني ناض وخش للحمام..اسكندار لازم نصكر هاني ناض وصكرت من غير ماتعرف رده
اسكندار:بنت ال😡

صباح كان عباره عن هدوء عند ريناد بس هدوء بخوف كانت خايفه حتى انها تبكي وانها تضعف كل يلي دارتها غيرت دبشها وطلعع لقت اصيل قدام الحوش شافت يمين ويسار عشان تاكد ان مافيش حد يشوفها قربت من سياره ركبت وطلع اصيل من غير ولا صوت
************************
مدير المستشفى(خيري)...بعصبيه
تي كيف تخلوها تهرب اغبياء انتو وين كنتو ها؟؟ولا مغير شاطرين تاخذو مني في فلوس ع الفاضي
مجهول:ماتخفش حضرتح اكيد ح نلقوها
مدير:بحزم..اليوم اليوم..لو ماجبتوهش قدمي اعتبر روحك ميت انت وراجلتك
مجهول:حاضر وطلع
مختار:خش صباح الخير
خيري:من وين يبي يجي الخير
انت كيف تسمح الروحك انك ادير هكي ها؟فهمني هذا كان اتفقنا
مختار:ماقدرتش نمسك روحي
بعدين هي ماتت تحت العمليه خلاص يعني خذيت منها يلي نبيه ومافيش حد حس
خيري:ولله؟وريناد يلي حست عليك وشفت علامات ع جسمها وسبب هذا يلي خلاها تطلب تشخيص من دكتور التشريح وهو الثاني اغتصابها
مختار:قرب منه..توه نحن مش نديرو في شغل المطلوب والطلبيات تستلم في وقتها من حقنا ننبسطو ولو شوي
خيري:بصوت فيه حاده..انبسطو بس بعيداً عن شغلنا فاهم وياريت الكلام هو توصله المنعم
مختار:بعصبيه..تمام باه وطلع ينفخ

أسمـــاء أشـــــرف🔥
🔥روايـــات أســــــــماء أشـــــــــرف

انتصار:اهلين بجراتي خشي تفضلي
تهاني:ولله كانت مكسده والصغار في المدرسه ودانا في الجامعه قالت نجي نشري معك قهوه
انتصار:خير مادرتي انا بروحي مكسده..وصبت القهوه في الفنجان
تهاني:شخبار نوران تقرا طب صح
انتصار:تنهدت..ايييي ولله ايش نقولك مره هك ومره هك
تهاني:رشفت رشافه من القهوه..كيف؟؟شنو قصدك ان شالله خير
انتصار:ماعندهش نيه تقرا بكل معش عرفت خيرها مع ان المفروض تحون زي بنت خالها نسيبه
تهاني:بخبث..نسيبه ذكيه ها؟
تهاني:اي تعرفي من وهي في الابتدائي وهي تاخذ من الاوائل غير بنتي يلي ماتطلعش من سنه الا بدور ثاني وتوه خشت طب عشان تحشمني قدام الناس
تهاني:يمكن حد دايرلها شي
انتصار:زييي؟؟
تهاني:سحرها مثلاً
انتصار:هههه خيرك تهاني منو يلي يبي يداير هكي وشنو مصلحته وغير هكي بنتي من يوم يومها ماتحبش القرايه
تهاني:ماهو بصراحه غريبه بنت خالها تكون ذكيه وهي لا
انتصار:ولله كلهم يقولو فيها لي لان المفروض تطلع كيفها بس اخخخ💔
تهاني:بخبث..مش يمكن نسيبه سحرتها
انتصار:بصدمه..شنو شن تقولي انتي
نسيبه مستحيل ادير هكي وبعدين هي من جامعه للحوش ومن الحوش لجامعه وغير هكي هي بنت خوي وانا عرفتها كويس
تهاني:ولله ع راحتك بس انا من رائي تمشي وتفكي ع بنتك
انتصار:بدون اهتمام..ان شالله ان شالله
**************************
ريناد:شافتله بصدمه..عليش جبتني هنا ها؟؟مش ع اساس نحكو
اصيل:نفخ..نحن توه في المدينه لان المنطقه يلي فيها حضرتك المركز يلي فيها فاسد زي المستشفى بضبط
ريناد:وانا نقول عليش طريق طويله نحسبه مركز الشرطه بعيد
اصيل:قبل ماننزلو نبي نعرف شي
ريناد:بثقه..شنو
اصيل:انتي مالكش يد في يلي صار امس صح
ريناد:بحزم..اكيد لا بس عليش جبتني هنا لشرطه
اصيل:انزلي
ريناد:فتحت باب سياره ونزلت خشت وراه اصيل
قعدو 10دقايق بعدين خشو لضابط
اصيل:سلم عليه بحراره..اهلين نضال ان شالله امورك طيبه
نضال:بخير الحمدلله..وشاف الريناد هي هذي يلي قالتلي عليها
اصيل:اي هي
نضال:تفضلو اقعدو
اصيل:طبعاً زي ماحكيتلك امس هذي ريناد يلي صارت معها القصه
وع حسب ماقلتلي انكم ادور ع العصابه هذي من زمان
ريناد:بصدمه..عصابه😳
نضال:اي عصابه ومافيش شي غير شرعي او قانوني الا مادارتها
ريناد:زي شنو
نضال:زي مثلاً بيع اعضاء بشريه قتل ناس يهددو في ناس وياخذو منهم في بناتهم وفهمك كافي وبعدين يقتلوهم يبعيو اعضائهم
ريناد:ومن يلي يداير هكي😨
نضال:كل الدكاتره يلي في مستشفى من اصغر دكتور المداير المستشفى🔥
ريناد:شنو الحال انا هكي في خطر صح
نضال:بضبط ف عشان هكي نبيك تشتغلي معهم
ريناد:شنو😨😳
**************************
ياسمين:بتردد انت ماتبيش تمشي لشركه اليوم
هاني:باستغراب ومن امتى اما نمشي لشركه بعد مانجي من سافر ع طول
ياسمين:😅ها لا بس قالت مرات يكون عندك شغل وناسي
هاني..سحبها ليه حتى لو عندي شغل كله يهون ع خاطر نقعد معك حتى دقيقه❤️
ياسمين:ابتسمت بالغصب
هاني:شخبار هلك
ياسمين:ولله يا حبيبي امورهم مش تمام انت عارف ان بابا مايشتغلش والمصرف يادوب حق الماكله
هاني:هو مش انا كل شهر نعطي فيهم في مبلغ كويس
ياسمين:اي صح حبيبي بس انت عارف الحياه صعبه ودنيا غاليه وغير هكي ماما تجهز في سماح(اختها)لفرحها
هاني:حاضر حبيبي فاهمتك من شهر الجاي باذن الله نزودلهم المصروف وغير هكي ح يكون في مصروف خاص السماح تمام هكي فرحانه❤️
ياسمين:هزات راسها
هاني:تعالي نبيك في موضوع😉
ياسمين:فهمت..لا خليني نمشي نحط الغدا اكيد جعيانه وناضت بسرعه
هاني:توه تشوفي ي ياسمين😂اهربي اهربي
ياسمين:من الكوجينه..افففف عليك قصه امتى يطلع هذا بس
(واقفت شوي تفرجت ع سبونج بوب ورديت نكتب😂)
*************************
ريناد:خشت للمستشفى وهي في قمه من الثقه بس من جو ميت رعب🔥
الاجواء كانت عاديه وكان مافيش شي صار كل حد في حاله بس حسيت ان كلهم يشوفولي باستغراب ممكن عشان اول مره نتاخر ع مستشفى
مشيت خشيت لقسم بتعي وبديت نعلاج في المرضى لين فجاء خش عليا منعم🔥
منعم:بنضرات خبيثه..تعالي يبك المداير
ريناد:حسيت برعشه في يدي بس ماعدلتش وقالت لازم نكون قويه رافعت راسي بثقه ومشت خشيت عليه
خيري:تفضلي اقعدي
ريناد:قعدت بهدوء تحت نضرات منعم وخيري
خيري:قبل كل شي كيف قدرتي تطلعي من الملحق امس
ريناد:بثقه..اي حد يقدر يطلع بسهوله لان الباب خارب ومصدي زييك
خيري:شنو😡
ريناد:ببرود..ولا شي شنو تبي مني حضرت المداير😏
خيري:اكيد منعم قالك امس ع كل شي وانتي بدورك وافقتي
ريناد:هو انت يلي كانت تحكي معي امس
بس كيف اذا كان صوتك متغير ومش نفسه يلي انا نعرفه
منعم:تكنولوجيا ههههههه
خيري:بتهديد..عارفه لو كلمه واحده طلعت منك شنو ح يصير فيك
ريناد:بدون اهتمام..عارفه عارفه تقتلو هلي صح تمام عارفه ومش ح نقول الاحد..توه انا واحده منكم صح؟
خيري:ابتسم بقرف..اي بضبط وطبعاً شي هذا بعد موافقة الرئيس الكبير عليك
ريناد:كويس نقدر نمشي الشغلي
منعم:اطلعي
ريناد:طلعت واول ماعطتهم بضهرها تنفست براحه واذكرت كلام نضال لها

نضال:مايغركش انهم يحكو معك بهدوء او حتى الابتسامات يلي يوزعو فيهم لان ناس زي هذي مش سهله وهدافها الاساسي ان ماحدش يشك فيهم

ريناد:لازام نكون حاذره ونعرف كل شي عليهم ونسلمهم لشرطه ونخلص من الكابوس هذا كله💔

أسمـــاء أشـــــرف🔥
🔥روايـــات أســــــــماء أشــــــــــــرف

مرباقي اليوم عادي بدون احداث

ريناد كملت شغلها و رواحت ساعدت امها في العشا خشت ارتاحت شوي بعدين راقدت لان النوم هو الوسيله الوحيده يلي تهرب من التفكير

نسيبه دارت العشاء وتعشت بحب هي واختها وبوها كانت عائله سعيده ينقصها حنان الام و وجودها بس💔زي كل لليله من يوم وفاة امها كلهم راقدو معاد هي يلي عيونها مليانات دموع💔

اما ياسمين ناضت من سرير بشوي عشان هاني راقد لبست الطرف يلي فوق الروب الاسود القصير ونزلت فتحت الباب الاسكندار وخشو لدار يلي في دور الي تحت
وع قد ماقدرت ياسمين انها تراضي اسكندار ماعرفتش الا بطريقه واحده وهي ان تراقد معه حتى لو راجلها راقد في الحوش🔥💔وطبعاً وهي ماهتمتش هاني قاعد او لا المهم عنده هو اسكندار وبس

اما الهانم نوران اول ماروحت من جامعه لبست فستنان الجديد وقعدت تصور بيه طول اليوم لدرجة راقدت وهي لبسته

احلى شعور في دنيا هو الرضا انك تكوني رضيه بلي قسمها لك ربك في اي شي في عائله في شغل في دارس في مستوى عايشه في كل شي الرضا مافيش احسن منه لانك بي مجرد ماتسحي روحك رضيه ع عيشتك وشكلك وكل شي في حياتك وربي ح ترياحي وح تعيشي في سعاده❤️
****************************
ريناد:كالعاده قاعده في القسم تكشف عن المرضى ومعه الممرض لين حست بيد جات ع كتافها لتفتت بسرعه
ريناد:هي انت بعد عني
اصيل:في واحده تقول البنت خالتها بعد عني😉
ريناد:ها ولد خالتي..اي اي شخبارك
اصيل:بخير
ريناد:كملت تكشف عن المرضى ومره مره ترافع عينها فيه
مختار:ريناد تعالي يبيك المدير
ريناد:شافتله بعدين شافت الاصيل يلي ماعدلش عليها عشان مايلفتش النظر
ريناد:حاضر وطلعت للمدير
قعدت يمكن نص ساعه بعدين نزلت
اصيل:شافها نازله سحبها من يدها وطلع بيها للجنان بهدوء
اصيل:كنه
ريناد:بخوف...اااء..ههم..خذات نفس عشان تعرف تحكي كويس
هم طالبين مني
اصيل:شن طالبيين؟
ريناد:طالبيين..يتبع

google-playkhamsatmostaqltradent