رواية اتغيرت بيكِ الحلقة الثالثة 3 بقلم علا عز الدين

رواية اتغيرت بيكِ الحلقة الثالثة 3 بقلم علا عز الدين

رواية اتغيرت بيكِ الجزء الثالث

رواية اتغيرت بيكِ البارت الثالث

رواية اتغيرت بيكِ الحلقة الثالثة 3 بقلم علا عز الدين

رواية اتغيرت بيكِ الفصل الثالث


نظرات استغراب مع تساؤل - مش فاهم ،، يعني ايه حبيتي تعرفيني علي ريماس ،، هي مش صدفه !!؟؟
- لا انا اتفقت مع نوران اني اخليكم تتقابلوا صدفه و ريماس اكيد هتكسفك عشان تعرف ان مش كل البنات زي بعض
- ايه اللى عملتيه ده انتِ جايباها غصب عنها
- عادى مانت بتكلم بنات اعتقد متفرقش معاك
- بس برضائهم و مش بعمل حاجه غلط
- لو انت شايف كده ليه مش عايزنى اصاحب ولاد
- انتِ هبله انتِ اختى و مش هسمح لحد يضحك عليكِ
- طب ما اللى انت مصاحبهم ليهم اخوات برضو
- يابنتي انتِ فاهمه غلط احنا زمايل مش اكثر و كل الشباب اللى في سنى كدا عادي
- الزمايل مفيش بنتين بيتخانقوا مع بعض عشان ولد
- كل البنات اللى في سنى بيبقوا فاهمين غلط و انا مليش دعوه بالخناقه اللي حصلت
- مش كل البنات كدا و عشان كده انا اختر ريماس لانها ف سنك و الخناقه اللي حصلت بسببك انت و كل الناس عارفه
- انتِ عايزه ايه
- عايزاك تشيل مسؤليه البيت لانك الراجل بعد بابا
- حاضر اوعدك اخلص امتحانات و ادور علي شغل
- بجد
- بجد ... بس عايز طلب
- اتقضل
- عايز اقابل ريماس
- انت عمرك ما هتتغير
- صدقينى هتغير بس عايز اقابلها عشان خاطرى
- هحاول
- اوعدينى
- اوعدك ... يلا نروح عشان اتاخرنا
- اوك يلا
ذهبوا الي البيت و بصعوبه "احمد" اقنع "ناديه" بتاجيل خناقه تاخرهم للغد بعد الامتحان

&ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ&

غضب و عصبيه مسيطره علي "ريماس" بعدما علمت بخطه "نور" و "نوران" لمقابله "احمد"
- خلاص بقا يا ريمو .. بقالى ساعه بهديكِ و بعتذرلكِ
- انا مالى هى عايزه تغير اخوها بتضيعى وقتى ليه .. انتم تافهين للدرجادي .. دا وقته اصلا .. حبكت انها تغير اخوها وقت امتحانات .. انتم مجانين
- انا اسفه مش هتكرر
- طيب اتفضلى عشان الحق اراجع
- طيب مش زعلانه
- لا مش زعلانه .. امشي بقا لو سمحتي دلوقتي
- ماشى يا ريمو تصبحى ع خير
- وانتى من اهله
خرجت "نوران" من الغرفه و ما ان دلفت الي غرفتها فتحت الاكونت الخاص بها لتتفاجي برساله من "نور" تخبرها ان "احمد" يريد مقابله "ريماس"
- انتِ اتجننتى ... مقابله ايه تاني .. دانا بقالي ساعه بهديها و اتهزقت كتير بسبب اللي حصل .. و لو اتكرر ريماس هتقتلني
-ياستي مش هيحصل حاجه .. هيتقابلوا بعد الامتحان ربع ساعه بس
- بعد امتحان ايه بس .. بقولك ريماس هتقتلني
- طيب ملكيش دعوه هاتى رقمها و هتصرف
- نور انا قلقانه
- هاتي بس
- ماشي ياختى الرقم اهو ###########
- تمام ... بعد الامتحان تروحى لريماس المدرسه و تستنينى
- حاضر لما نشوف اخرتها
- يلا سلام
- سلام
كتبت الرقم علي هاتفها و قامت بالاتصال
- السلام عليكم
- وعليكم السلام .. ريماس ؟
- ايوا .. مين معايا ؟
- نور .. فاكراني طبعا
- اهلا اهلا .. ايه اخوكِ لسه متغيرش و عايز كسفه كمان
ضحكت " نور" علي ردها - ايوا شكله كده
تعصبت "ريماس" من ضحكها - انتِ هبله و انا مالى باخوكِ اصلا
لاحظت "نور" العصبيه في صوتها لذلك حاولت ان تكون اهدي و هي تتحدث - بعيدا عن هبله ديه .. انا حبيتك ذى اختى من ساعه حكايات نوران عنك .. عشان كده حبيت انك تساعدينى .. مكنش قصدى احطك ف موقف محرج انا اسفه بجد
و مقابل نبره الهدوء تحدثت "ريماس" بهدوء ايضا
- بصى انتِ غلطتى من الاول انك مقولتيليش .. بس صدقينى مفيش حاجه اساعدك بيها
- خلاص ولا يهمكِ المهم انك مش زعلانه .. اسيبك بقا عشان تذاكرى
- ماشى مع السلامه
- سلام
اغلقت "نور" الهاتف و هي تضحك بسخريه محدثه نفسها
- مفيش حاجه تساعديني بيها ... دانتِ ذات نفسك اداه مساعده !!!
بينما "ريماس" لم تستطع التركيز فيما تراجعه
- منك لله يا نور انتِ و نوران .. و انت ايه حكايتك مش عارفه اراجع بسببك مش عارفه بجد هو انت ممكن تتغير ... ايه ده وانا مالى تتغير ولا لا ... بس انا حاسه انى عايزاك تتغير !!

&ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ&

في الشقه المقابله لشقه "مريم"
- استغفر الله العظيم .. انت يابني مش هتروح
- ايه يا محمد انت بتطردني
- انت حاسس ولا متاكد ؟
- حاسس
- لا اتاكد و اطلع برا عاوز انام
- لما نخلص شغل
- انور دا شغلك انت
- و مين اللي كلفني بيه ؟
- انا
- يبقي تسكت لغايه ما نخلص
- انا مش عارف انت مضايق ليه دانا بدربك عشان تفهم أصول الشغل كويس
نظر " انور " الي " محمد" بسخرية ،، لا ينكر ان هذا الكم الكبير من الشغل يجعله يتعمق فيه جيدا ،، و لكن "محمد" في الشغل يتحول لانسان اخر غير الذي تربي معه ،، ف هما جيران و اصدقاء منذ الطفوله
- هتفضل باصص ليا كتير ولا ايه
- انت تقيل علي فكرا سيبك من الشغل ده هخلصه و روح اعمل كوبايتين شاي
- ما تروح لمريم تعملك بقولك عاوز انام و كمان انا مبحبش الشاي
قام "انور" من مكانه و أخذ الاوراق ليردف "محمد" بسخريه
- ما لسه بدري
- مانا بقول كدا برضو .. يلا روح نام و انا داخل المطبخ اعمل شاي لنفسي واخلص الشغل و اروح
و ذهب للمطبخ تاركا "محمد" تتعالي ضحكاته

&ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ&

رمي الاوراق بزهق علي المكتب و بحث عن اوراق فاضيه ليكتب فيها ما يشعر به كعادته الاخيره
- ريماس ... اسم جميل .. شكلها جذبني .. كانت متوتره و حاولت افتح معاها كلام بس كانت بترد بقليل و اختها كانت بتهزر ... فيها حاجه جذبتني غير شكلها ... نفس الحاجه اللي جذبتني لمريم ..
تنهد و نظر للسقف و اغمض عينه و ثواني و اكمل ما كتبه
- مريم .. البنت الهاديه ... مش بتتعامل مع حد خالص و لو اتعاملت تعاملها قليل جدا و دا من اسباب انجذابي ليها .. كنت عاوز اعرف البنت اللي يعتبر مقاطعه الكل و لما حاولت اتكلم معاها من اكثر من شهر تقريبا نظراتها ليا محبتهاش ... نظرات استخفاف و استهزاء مع لمعه في عينها مفهمتهاش ... بنت غريبه بالنسبالي و لاني بحب اعرف المختلف روحت كلمتها
ابتسم و اغمض عينه يسترجع حوارهما
ذهب اليها و وقف امامها
- لو سمحتى
راي العصبيه علي وجهها و نبره الغضب و هي ترد - افندم !
لم يعجبه طريقتها فتحدث بتهكم
- ايه الطريقه ديه
- حضرتك عايز ايه
- حبيت اتعرف عليكِ بما انى ملاحظ ان معظم دروسى معاكِ
- حضرتك انا مش بتاعت تعارف ولا انا ذى شيرين او نيفين
ضحك ليس سخريه بل لانها تعلم و رد باستخفاف
- دانتِ متابعه بقا
- مش حكايه متابعه بس الخنافه اللى حصلت بينهم بسببك كل الناس عرفتها
- طب انا ذنبى ايه انا مقولتش لواحده فيهم بحبك هما اللى بيرسموا الوهم و بيعيشوا فيه
- امال خروجات معاهم ديه ايه و كل واحده لوحدها
- عادى زمايل
- انت عارف يعنى ايه زمايل
- عادى صحاب بيخرجوا و بيتفسحوا بدل جو المذاكره و الخنقه
- صحاب يعني جماعه مع بعض مش بتخرج مع كل واحده لوحدها و تجاوزات
- انا موهمتش حد بالحب لانى يوم ما احب مش هحب واحده خانت اهلها عشانى
- اهو قولتها عشانك
- مش ذنبى هما اللى بيوافقوا
- ميهمنيش كل ده عن اذنك
و تحركت و لكنه نادي مره اخري
- استنى بس انا متعرفتش عليكِ
- دا كله لسه
- الصراحه كل اللى عرفته انك محترمه و يسعدنى انى اعتبرك ذى نور
- حضرتك قولتلك انا مش ذى البنات اللى تعرفهم
- شوفتى ظالمانى ازاى .. نور ديه اختى
- طيب عن اذن حضرتك
- ما بلاش حضرتك ديه اسمى احمد تسمحيلى اكون ذى اخوكِ
- يابني مفيش خروجات
- بقول ذى نور متخافيش
- مش بخاف من حد
- يا جامد
- نعم
- بهزر
- طيب سلام بقا
- سلام
خرج من شروده و اكمل كتابه
- بعدها مكلمتنيش كانت بتحضر الدروس و تمشي و دا عصبني احنا حتي مش بنسلم و اللي عرفته كمان انها قافله الاكونت بتاع الفيس عشان الثانويه العامه يعني حتي مش هعرف اكلمها شات .. فات اسبوعين و روحت كلمتها تاني
- مريم
- نعم
- بقالنا اسبوعين مش بنتكلم
- و هنتكلم ليه
- مش قولنا ذي الاخوات
- بس لو حد شافنا بنتكلم مش هيقول اخوات
- طيب هاتي رقم تلفونك
- احمد
- والله هطمن عليكِ بس
- مفيش ارقام
- ليه بس
- ترضاها لاختك
- اسف بس تصدقي بجد كل يوم بيزيد احترامي ليكِ
- شكرا
- طب انتِ مروحه
- لا تكييف
- مع انها الشه سخيفه بس ايه ده انتِ بتضحكي
- ايه بلاش
- لا بس بحسبك معقده بقا
- ليه هما كل المحترمين معقدين
- لا مش كدا بس منعزلين عن الحياه
- مش كل اللي مختلفين معاك يبقوا من دنيا تانيه
- دانا شكلي هغير نظرتي للبنات المحترمه بجد شكرا يا مريم
- عد الجمايل بقا .. يلا سلام
- سلام
هي مشيت و انا احترامي زاد ليها بس برضو فضولي زاد اني اعرفها اكثر و علي الاقل اعرف رقمها اتواصل معها و ...
قبل ان يكمل كتابه دلفت " نور " للغرفه تخبره انها سوف تذهب الي "ريماس" غدا بعد الامتحان و يذهبون لنفس المكان و خرجت من الغرفه ... نظر احمد الي ما كتبه و قام ليحرق هذه الاوراق ف هو كتب ما يشعر به ليفصل تفكيره ،، و بعد حرق الاوراق ذهب لينام

&ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ&

يوم جديد ..
استيقظ "احمد" و بدأ يجهز ليذهب للامتحان ...
بينما "مريم" مستيقظه من الفجر و الان تجهز الفطار لها هي و "انور" و "محمد" ،، ف وجبه الفطار تجمع بينه و بينهم كل يوم ،، و يوم الجمعه يقضون اليوم كله معا ... ف هو يعيش وحيدا بعد موت ابيه و امه و سفر اخته ...
بينما "ريماس" تغادر بعد ان امطرتها "سهير" والدتها بالادعيه ...

&ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ&

قبل انتهاء وقت الامتحان وصلت "نوران" الي مدرسه "ريماس" لتنتظر "نور" التي واثقه من اقناع "ريماس" لمقابله احمد ... بدات الطالبات بالخروج من المدرسه و "نور" لم تأتي بعد ... حتي خرجت "ريماس" التي ما ان لمحت "نوران" حتي ذهبت اليها باستغراب
- انتِ ايه اللي جابك هنا..
يتبع..
لقراءة باقي حلقات الرواية : اضغط هنا 
google-playkhamsatmostaqltradent